Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
မန္တလေး ပြည်ကြီးတံခွန်မြို့နယ်တွင် ရပ်ကွက်အုပ်ချုပ်ရေးမှူး ပစ်သတ်ခံရ

007

မဇ္ဈိမ။ ။မန္တလေးမြို့၊ ပြည်ကြီးတံခွန်မြို့နယ်တွင် ရပ်ကွက်အုပ်ချုပ်ရေးမှူးနှင့် မိသားစုဝင်တစ်ဦး သေနတ်ဖြင့် ပစ်ခတ်ခံခဲ့ရပြီး အုပ်ချုပ်ရေးမှူး သေဆုံးသွားကြောင်း သတင်းရရှိသည်။

ပြည်ကြီးတံခွန်မြို့နယ် (ဆ)ရပ်ကွက်၊ ၁၃၁ လမ်းနှင့် ၅၃(C)လမ်းထောင့်ရှိ အဆိုပါအုပ်ချုပ်ရေးမှူးပိုင် ဆေးခန်းရှေ့တွင် ယနေ့ ဧပြီလ ၃ ရက် နံနက် ၇ နာရီခွဲခန့်က ၎င်း၏တူဖြစ်သူနှင့် အတူရှိနေစဉ် ဆိုင်ကယ် နှစ်စီးဖြင့် သေနတ်သမားလေးဦးရောက်လာပြီး ပစ္စတိုသေနတ်များဖြင့် ၁၀ ချက်ခန့် ပစ်သွားခြင်းဖြစ် ကြောင်း ရဲအသိုင်းအဝိုင်းနှင့် နီးစပ်သူများထံမှ သိရသည်။

“အုပ်ကြီးနဲ့သူ့တူ အပစ်ခံရတာ၊ သူတို့ဆေးခန်းရှေ့မှာပဲ ပစ်သတ်ခံရတာ။ အုပ်ကြီးက (On The Spot) ပွဲချင်းပြီးပဲ၊ သူ့တူကိုတော့ ဆေးရုံကားနဲ့တင်ခေါ်သွားတယ်၊ သေဖို့များတယ် ဒဏ်ရာပြင်းတယ်” ဟု အခင်းဖြစ်ပွားသည့် ရပ်ကွက်အနီး နေထိုင်သူက ပြောသည်။

သေနတ်ဖြင့် ပစ်ခတ်ခံခဲ့ရသည့် ရပ်ကွက်အုပ်ချုပ်ရေးမှူးမှာ ဦးစိုးမင်းဟန်( ၄၂ နှစ်)ဖြစ်ပြီး ပစ်ခတ်ခံရမှု ကြောင့်၊ ဝမ်းဗိုက်ဖောက်ဝင်ဒဏ်ရာတစ်ချက်၊ ဝဲဘက်ရင်အုံဖောက်ဝင်ဒဏ်ရာတစ်ချက်၊ ရင်ညွန့်ဖောက် ဝင်ဒဏ်ရာ တစ်ချက်၊ နောက်ကျော ဖောက်ဝင်ဒဏ်ရာ သုံးချက်၊ ဝဲဘက်ဦးခေါင်း ဖောက်ဝင်ဒဏ်ရာ တစ် ချက်တို့ဖြင့် အခင်းဖြစ်ပွားရာနေရာတွင် သေဆုံးသွားကြောင်း၊ ၎င်း၏တူဖြစ်သူ မျိုးဆန်းဦး( ၂၆ နှစ်)တွင် ယာနောက်ကျောဘက် ဖောက်ထွက်ဒဏ်ရာ တစ်ချက်(စိုးရိမ်ရ)ရရှိခဲ့ကြောင်း သိရသည်။

၎င်းတို့အား မည်သည့်အဖွဲ့အစည်းက ပစ်ခတ်သွားကြောင်းကို မသိရသေးပေ။

မန္တလေးမြို့တွင် မတ်လ ၃၁ ရက်နေ့ကလည်း၊ ချမ်းမြသာစည်မြို့နယ် ထွန်းတုံးရပ်ကွက်မှ ရာအိမ်မှူး ဦးဆန်းအောင်ဆိုသူနှင့် ချမ်းမြသာစည်တောင်ရပ်ကွက်မှ ရာအိမ်မှူး ဦးစိုးနိုင်ဆိုသူတို့ သေနတ်ဖြင့်ပစ် သတ်ခံထားရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#မန္တလေးတိုင်း
#ပြည်ကြီးတံခွန်မြို့နယ်
#အုပ်ချုပ်ရေးမှူး
#ပစ်ခတ်မှု

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14🔥2👏2
​​ထီးချိုင့်တွင် စစ်ကောင်စီတပ်က လေယာဉ်ဖြင့် ဗုံးကြဲပြီး ရွာ ၂ ရွာကိုမီးရှို့

MTO

မဇ္ဈိမ။ ။စစ်ကိုင်းတိုင်း၊ ထီးချိုင့်မြို့နယ်မှ ရတနာအောင်ရွာနှင့် မယ်ဇလီရွာအကြားသို့ စစ်ကောင်စီတပ်မှ တိုက်လေယာဉ်ဖြင့်ဗုံးကြဲပြီးနောက် ယင်းကျေးရွာနှစ်ရွာကို ဧပြီလ ၂ ရက်တွင် မီးရှို့ဖျက်ဆီးခဲ့ကြောင်း ဒေသခံများထံမှ သိရသည်။

စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ်ဖွဲ့ဝင်များအကြား တိုက်ပွဲဖြစ်ပွားနေစဉ် အဆိုပါနေရာသို့ လာရောက် ဗုံးကြဲတိုက်ခိုက်ခြင်းဖြစ်ကြောင်း သိရသည်။

“ ဗုံးက လယ်ကွင်းတွေထဲကျတာဆိုတော့ လူအထိအခိုက်တော့ မရှိဘူး။ မနေ့ကတော့ တိုက်ပွဲဖြစ်နေတဲ့ အနေအထားမှာ လေယာဉ်နဲ့လာကြဲတာပါ။ ဂျက်ဖိုက်တာတစ်စီးထဲနဲ့ ဗုံးကြဲသွားတာ တစ်ကြိမ်၊ ပစ်ခတ်မှု တွေလည်း လုပ်သွားသေးတယ်” ဟု ဒေသခံတစ်ဦးက ပြောသည်။

ဗုံးကြဲပြီးနောက် စစ်ကောင်စီတပ်၏ခြေလျင်စစ်ကြောင်းနှစ်ခုသည် ရတနာအောင်နှင့် မယ်ဇလီကျေးရွာ တို့ကို ဝင်ရောက်၍ မီးရှို့ဖျက်ဆီးခဲ့ကြောင်း Tigyaing Revoilution TR ကလည်း ထုတ်ပြန် ထားသည်။

“မယ်ဇလီရွာကတော့ ရွာတစ်ဝက်လောက် ရှို့ခံရတယ်။ ရတနာအောင်ကတော့ ရွာရဲ့သုံးပုံတစ်ပုံလောက် ပါသွားတယ်။ ပျက်စီးဆုံးရှုံးမှုအတိအကျတော့ မသိရသေးဘူး ” ဟု ဒေသခံက ဆက်ပြောသည်။

ဧပြီလ ၁ ရက်နေ့ကလည်း စစ်ကောင်စီတပ်ဖွဲ့သည် ထီးချိုင့်မြို့နယ်အတွင်းရှိ ဝဲကြီးနှင့် အင်ဒေါင်းရွာ အကြား စစ်ရှောင်များနေထိုင်နေသည့်နေရာအနီးသို့ လေယာဉ်နှစ်စီးဖြင့် ဗုံးကြဲခဲ့သည့်အတွက် အရပ်သား ခြောက်ဦးသေဆုံးပြီး ငါးဦးထက်မနည်း ဒဏ်ရာရရှိခဲ့ကြသည်။

စာတည်း ။ ။ Alden
စာမူတည်းဖြတ်။ ။စောဖေ

#ထီးချိုင့်
#လေယာဉ်
#ဂျက်ဖိုက်တာ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬10👍2🔥1👏1
​​ပေါင်းတည်တွင် လောင်းကစားဝိုင်းမှ ဆက်ကြေးကောက်ပြန်လာသော ရဲနှင့်စစ်သားများ တိုက်ခိုက်ခံရ

ရွှေနွယ်
မဇ္ဈိမ။ ။ပဲခူးတိုင်း၊ ပေါင်းတည်မြို့နယ်၊ သရက်ချဉ်ကျေးရွာတွင်ပြုလုပ်နေသော လယ်ပြင်ဘုရားပွဲ အတွင်းရှိ လောင်းကစားဝိုင်းများမှ ဆက်ကြေးကောက်ပြန်လာသော စစ်ကောင်စီတပ်သားများနှင့် ရဲတပ် ဖွဲ့ဝင်များအား ဒေသခံကာကွယ်ရေးတပ်များက နန်းထိုက်အောင်စစ်ဆင်ရေးအဖြစ် တိုက်ခိုက်ခဲ့ကြောင်း ပဲခူးတိုင်းစစ်ရေးသတင်းပြန်ကြားရေးစာမျက်နှာ Bago Region PDF က ထုတ်ပြန်ထားသည်။

ဧပြီလ ၂ ရက်နေ့ ည ၉ နာရီခန့်တွင် စစ်ကောင်စီတပ်သားများနှင့်အတူ ရဲတပ်ဖွဲ့ဝင်ခုနစ်ဦးသည် ဆိုင်ကယ်ငါးစီးဖြင့် လယ်ပြင်ဘုရားပွဲဘက်မှပြန်လာစဉ် နတ်ပုတီးရွာနှင့် သရက်ချဉ်ရွာကြား လမ်းမပေါ်၌ မိုင်းဆွဲတိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါတိုက်ခိုက်မှုကြောင့် ပေါင်းတည်မြို့မရဲစခန်းမှ စခန်းမှူးအပါအဝင်သုံးဦး ပြင်းထန်ဒဏ်ရာများ ရရှိခဲ့ပြီး သရက်ချဉ်ရွာမှ လူနာတင်ကားဖြင့် ပြည်ဘက်သို့ သယ်ဆောင်သွားသည်ဟု ပေါင်းတည်မြို့နယ် ပြည်သူ့ကာကွယ်ရေးတပ်ဖွဲ့ − PPDF တာဝန်ရှိသူက မဇ္ဈိမကိုပြောသည်။

“လောင်းကစားဝိုင်းတွေက အရင်လကစစ်ကောင်စီသတင်းပေးမောင်ဝင်း ဦးဆောင်ပြီးလုပ်တဲ့ဝိုင်းက တော့ရပ်သွားတယ်၊ သတင်းပေးတွေက လုပ်တာတင်မကဘဲ သူတို့ (စစ်ကောင်စီတပ်သားများနှင့် ရဲများ) ကိုယ်တိုင်ဦးဆောင်ပြီး လုပ်နေတာတွေလည်းရှိတယ်။ မြို့မရဲစခန်းမှူးအပါအဝင် သုံးဦးထိခိုက်ဒဏ်ရာရ ပြီး နောက်ဆက်တွဲကြားရတဲ့ သတင်းတွေအရ သေဆုံးမှုရှိတယ်လို့လည်း ကြားရပါတယ်” ဟု PPDF တာဝန်ရှိသူက ပြောသည်။

ထိုတိုက်ခိုက်မှုကို ပေါင်းတည်မြို့နယ်ပြည်သူ့ကာကွယ်ရေးတပ်ဖွဲ့ PPDF ပြည်ခရိုင် PDF တပ်ရင်း(၃၆၀၁) တပ်ခွဲ(၃) တပ်ခွဲ (၄) က လုပ်ဆောင်ခဲ့ခြင်း ဖြစ်သည်ဟု သိရသည်။

ပဲခူးတိုင်းအနောက်ခြမ်းတွင် ပေါင်းတည်မြို့နယ်အပါအဝင် မြို့နယ်အများစု၌ စစ်ကောင်စီတပ်ဖွဲ့၊ ရဲတပ် ဖွဲ့နှင့် ပျူစောထီးများက ဦးဆောင်၍ သော်လည်းကောင်း၊ လိုင်းကြေးကောက်ခံ၍ သော်လည်းကောင်း လောင်းကစားဝိုင်းများကို ပေါ်ပေါ်ထင်ထင် ပြုလုပ်လျက်ရှိသည်။

ပြီးခဲ့သည့်လများအတွင်းက အုတ်ဖိုမြို့နယ်နှင့် သာယာဝတီမြို့နယ် အပါအဝင် အခြားမြို့နယ်များ၌လည်း ပျူစောထီးများ ဦးဆောင်လုပ်ကိုင်နေသော လောင်းကစားဝိုင်းများကို ဒေသကာကွယ်ရေးတပ်ဖွဲ့များက သတိပေးဖောက်ခွဲမှုများ ပြုလုပ်ခဲ့သေးသည်။

ပဲခူးတိုင်းအနောက်ခြမ်းရှိ စစ်ကောင်စီတပ်များနှင့်ရဲများသည် လောင်းကစားဝိုင်းများအား ၎င်းတို့၏ ဝင်ငွေရလမ်းကြောင်းတစ်ခုအနေဖြင့် ခွင့်ပြုထားခြင်းဖြစ်ကြောင်း ဒေသခံများ၏ ပြောဆိုချက်အရ သိရ သည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ပဲခူးတိုင်း
#ပေါင်းတည်မြို့နယ်
#စစ်ကောင်စီတပ်
#နန်းထိုက်အောင်စစ်ဆင်ရေး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍20❤1👏1😁1🥱1
အာရှတခွင် စီးပွားရေးအမြင် | VOA on Mizzima

ဒီတပတ် အာရှစီးပွာ ရေးကဏ္ဍ မှာတော့ အ နောက်နိုင်ငံကြီးတွေရဲ့ ဒဏ်ခတ် ပိတ်ဆို့မှု ခံနေရတဲ့ ရုရှားနိုင်ငံမှာ တရုတ်ပြည်တွင်းထုတ် ကားတွေက ဈေးကွက်ထဲ ထိုးဖောက်ဖို့ ကြိုးပမ်းနေတဲ့အကြောင်းနဲ့ တာလီဘန်တွေ တင်းကျပ်ထားတဲ့ အာဖဂန်နစ္စတန်နိုင်ငံမှာတော့ အမျိုးသမီးတွေအတွက် သီးသန့် ဈေးဝယ်စင်တာ ဖွင့်ထားပေမယ့် မျှော်လင့်ထားသလို ရောင်းအား မရှိလှတဲ့အကြောင်း ကိုဉာဏ်ဝင်းအောင်က တင်ပြထားပါတယ်။

https://youtu.be/CDxtfncfp5U
👍8👎1😁1🤮1
ဧပြီလ ၃ ရက်၊ တနင်္လာနေ့ညနေပိုင်း မဇ္ဈိမရေဒီယိုအစီအစဉ်

မြန်မာနိုင်ငံရေး အဖြေရှာနိုင်ဖို့ မြန်မာကိုယ်တိုင် ဦးဆောင်လုပ်ကိုင်ရမှာဖြစ်ကြောင်း အာဆီယံအတွင်းရေးမှူးချုပ်ပြောလိုက်တဲ့သတင်းနဲ့အတူ

Project DragonFly မှ ဒေါ်လာ (၁.၄) သန်းကို လေကြာင်းရန်ကာကွယ်ဖို့အတွက် အသုံးပြုနေတယ်လို့ NUG အသိပေးလိုက်တဲ့အကြောင်းတွေအပါအဝင်

နောက်ဆုံးရ ပြည်တွင်းသတင်းတွေနဲ့ ရုရှားက ကုလလုံခြုံရေးကောင်စီအလှည့်ကျဥက္ကဌဖြစ်လာတဲ့အပေါ် မိမိတို့နဲ့ နိုင်ငံတကာက စိတ်ပျက်လက်ပျက်ဖြစ်ရတယ်လို့ ယူကရိန်းပြောလိုက်တဲ့ နိုင်ငံတကာသတင်းတွေကို နားဆင်ကြရပါမယ်။

အဲဒီနောက်မှာတော့ ဒီနေ့အတွက်သတင်းသုံးသပ်ချက်၊ရွှေဈေးနှုန်းငွေဈေးနှုန်းတွေနဲ့ စီးပွားရေးသတင်းတွေကို နားဆင်ကြရမှာပါ။

သတင်းတွေအပြီးမှာတော့ အပတ်စဉ်ကဏ္ဍအဖြစ် Editorial Talk အစီအစဉ်ကိုနားဆင်ရဖို့ရှိပါတယ်။

ဒီတစ်ပတ်မှာတော့ NLD ပါတီအပါအဝင် ပါတီပေါင်း ၄၀ ကို ဖျက်သိမ်းလိုက်တာနဲ့ ပတ်သက်ပြီးတော့ အမြင်နဲ့သုံးသပ်ချက်တွေကို သတင်းခန်း စီမံခန့်ခွဲမှု အယ်ဒီတာ ဦးစိန်ဝင်းနဲ့အတူ ကိုနောင်နောင်တို့က ဆွေးနွေးတင်ဆက်သွားမှာ ဖြစ်ပါတယ်။

နောက်ဆုံးမှာတော့ တိုင်းရင်းသားတွေရဲ့အသံကို စုစည်းတင်ဆက်ပေးနေတဲ့ BNI ရေဒီယိုအစီအစဉ်ကိုလည်း ထုတ်လွှင့်သွားမှာဖြစ်ပါတယ်။

https://youtu.be/PkAqXpFpoPY
👍7😁2
This media is not supported in your browser
VIEW IN TELEGRAM
ရွှေဘိုတက္ကသိုလ် စစ်ကောင်စီဂိတ် တိုက်ခိုက်ခံရ၍ ၆ ဦးသေ၊ ကာကွယ်ရေးတပ်ဖွဲ့ဝင် ၂ ဦးကျဆုံး

#Mizzima #စစ်ကိုင်းတိုင်း
#ရွှေဘိုမြို့နယ် #စစ်ကောင်စီတပ်
#တိုက်ခိုက်မှု
😢17👍4😁2
Media is too big
VIEW IN TELEGRAM
ရှေးဟောင်းမာယာမြို့ဟောင်းမှာ ထိုင်ဝမ်ခေါင်းဆောင်က ဂွါတီမာလာနဲ့ ဆက်ဆံရေးကို ထပ်မံအတည်ပြု

#Mizzima #International #reels #shorts
👍3🔥1
Media is too big
VIEW IN TELEGRAM
ဆွစ်ဇာလန်မှာ မုန်တိုင်းကြောင့် ရထားနှစ်စင်းလမ်းချော်ခဲ့ပြီး ၁၅ ဦး ဒဏ်ရာရရှိ

#Mizzima #International
#MizzimaTV #Switzerland #Accidents #shorts #reelsvideo #Reels
👍3🔥1
This media is not supported in your browser
VIEW IN TELEGRAM
ယခင်ပုပ်ရဟန်းမင်းကြီးဂျွန်ပေါ်လ်ဟာကာဒီနယ်ဘဝမှာကလေးသူငယ်ညှဉ်းပမ်းနှိပ်စက်မှုကိုဖုံးကွယ်ထားခဲ့ကြောင်း

#Mizzima #International #MizzimaTV #shorts #reelsvideo #Reels
👍3😁3👏1
အင်းစိန်ထောင်မှ ပြောင်းရွှေ့ခံရသည့် နိုင်ငံရေးအကျဉ်းသားများ မိသားစုနှင့်တွေ့ခွင့်မရ

ဂန္ဓမာ
(မဇ္ဈိမ) ။ ။ရန်ကုန်တိုင်း၊ အင်းစိန်မြို့နယ်၊ အင်းစိန်ဗဟိုအကျဥ်းထောင်မှ ထောင်ပြောင်းရွှေ့ခံရသည့် နိုင်ငံရေးအကျဉ်းသားများသည် မိသားစုနှင့်အဆက်အသွယ်မရ၊ တွေ့ဆုံခွင့်မရကြောင်း မိသားစုဝင်များ နှင့်ထောင်နှင့်နီးစပ်သူများက မဇ္ဈိမကို ပြောသည်။
အင်းစိန်ထောင်မှ နိုင်ငံရေးအကျဉ်းသား ၇၀၀ ခန့်ကို ပြီးခဲ့သည့် ၂၀၂၂ နှစ်ကုန်ပိုင်းနှင့် ၂၀၂၃ ဇန်နဝါရီလ အတွင်း ထောင်ပြောင်းရွှေ့ခဲ့ခြင်းဖြစ်ပြီး သုံးလခန့် ကြာမြင့်လာပြီဖြစ်သော်လည်း မိသားစုနှင့် တွေ့ခွင့်မရ ဖြစ်နေသည်။
မိသားစုကို အသိမပေးဘဲ ထောင်ပြောင်းရွှေ့လိုက်ခြင်းဖြစ်ပြီး ထောင်ဝင်စာသွားပို့မှ ထောင်ပြောင်းရွှေ့ခံ ရသည်ကို မိသားစုဝင်များကသိရှိရခြင်းဖြစ်ကြောင်း နိုင်ငံရေးအကျဉ်းသားဟောင်းများအဖွဲ့ဦးဆောင် ကော်မတီဝင် ဦးထွန်းကြည်က မဇ္ဈိမကို ပြောသည်။
🤬4👍3❤1👏1
“ကာလကတော့ ၂၀၂၃ ဇန်နဝါရီလပေါ့။ အရေအတွက်က ဘယ်လောက်များလဲဆိုရင် ၇၀၀ လောက်ရှိ မယ်ဗျ၊ မိသားစုကိုလုံးဝအသိမပေးဘဲ အင်းစိန်အကျဉ်းထောင်ကနေ တိတ်တဆိတ်ရွှေ့တာ၊ အဆိုးဆုံး ကတော့ ကာယကံရှင်တွေအပါအဝင် နိုင်ငံရေးအကျဉ်းသားတွေအပါအဝင် မိသားစုတွေကိုပါ အပြစ်ပေး အရေးယူတဲ့ ပုံစံမျိုးပေါ့နော် ” ဟု ဦးထွန်းကြည်က မဇ္ဈိမကို ပြောသည်။
ထိုသို့ထောင်ပြောင်းရွှေ့မှုထဲတွင် လှိုင်မြို့နယ်တရားရုံးမှ ၂၀၂၂ ခုနှစ် မတ်လတွင် ထောင်ဒဏ် ၁၃ နှစ်စီ အမိန့်ချမှတ်ခံထားရသော ရေဘဝဲ (ပြည်သူ့အကျိုးပြုလူငယ်အဖွဲ့အစည်း) မှ နိုင်ငံရေးအကျဥ်းသားများ ဖြစ်ကြသည့် အကြီးကောင် (ခ) ကျော်ဇေယျ၊ မန်းကီး (ခ) မင်းခန့်ကျော်နှင့် အိုဂျီ (ခ) ပိုင်ထူးခန့်တို့ သုံးဦး လည်း ပါဝင်သည်။
၎င်းတို့သုံးဦး ထောင်ရွှေ့ပြောင်းသည့်အကြောင်းကို မိသားစုအနေဖြင့် သိရခြင်းမရှိဘဲ ဇန်နဝါရီလ ၁၄ ရက် နေ့နောက်ပိုင်းတွင် အုပ်ထိန်းသူများက ထောင်ဝင်စာသွားတွေ့ရာမှ ထောင်ပြောင်းရွှေ့လိုက်ပြီဖြစ် ကြောင်း သိရှိရခြင်း ဖြစ်သည်။
သို့သော်လည်း ထိုသုံးဦးကို မည်သည့်ထောင်သို့ ပြောင်းရွှေ့ထိန်းသိမ်းထားသည်ကို မသိရသေးသကဲ့သို့ ထောင်ဝင်စာလည်းတွေ့ခွင့်မရဘဲဖြစ်နေကြောင်း ရေဘဝဲပြည်သူ့အကျိုးပြုလူငယ်အဖွဲ့ဥက္ကဋ္ဌက မဇ္ဈိမ ကို ပြောသည်။
“ကျွန်တော်တို့အရင်ကထုတ်ပြန်ထားတာမှာ သရက်ထောင်ကိုရွှေ့ပြောင်းတယ်လို့ ထုတ်ပြန်ထားပါ တယ်။ သူ့အမေကစုံစမ်းတဲ့အခါမှာ သရက်ထောင်မှာလည်းမရှိဘူးလို့ ကျွန်တော်တို့ သိရပါတယ်။
အဲဒါ ကြောင့် အခုထိထောင်ဝင်စာပို့လို့မရတဲ့အခြေအနေမျိုးပါ။ ဘယ်လိုအဆက်အသွယ်နဲ့ပဲဖြစ်ဖြစ် သရက် ထောင်မှာမရှိတာဖြစ်လို့ အခု လိုက်ပြီးတော့ ရှာဖွေနေဆဲဖြစ်ပါတယ်။ အုပ်ထိန်းသူတွေ အနေနဲ့ကတော့ အခုထိ ဘယ်ထောင်မှာလဲမသိရသေးသလို ထောင်ပြောင်းရွှေ့တာကိုလည်း မသိရသေးပါဘူး၊ အခုထိ လည်း ထောင်ဝင်စာပို့လို့မရ သေးပါဘူး” ဟု ရေဘဝဲပြည်သူ့အကျိုးပြုလူငယ်အဖွဲ့ ဥက္ကဋ္ဌက ပြောသည်။
ယခုကဲ့သို့ နိုင်ငံရေးအကျဉ်းသားများအား မိသားစုကို အသိမပေးဘဲ ထောင်ပြောင်းရွှေခြင်းသည် နိုင်ငံရေး အရ ဖိနှိပ်ခံနေရသူများကို အကြီးကျယ်ဆုံးဖိနှိပ်မှုတစ်ခုဖြစ်ကြောင်း ဝါရင့်တရားလွှတ်တော်ရှေ့နေကြီး ဦးကြီးမြင့်က မဇ္ဈိမကို ပြောသည်။
“နိုင်ငံရေးအရ ဖိနှိပ်ခံရတဲ့သူတွေကို အကြီးကျယ်ဆုံး ဖိနှိပ်မှုတစ်ခုက ထောင်အပြောင်းအရွှေ့ပဲ။ ဒါဟာ ဥပဒေကြောင်းအရ တရားဝင်လား၊ တရားဝင်တယ်ဆိုတဲ့စကားကို အထူးသဖြင့် ဒီအစိုးရလက်ထက်မှာ မပြောနဲ့တော့။ ညဖမ်းသွားပြီးတော့ မနက်ကျရင် အလောင်းလာယူခိုင်းတာက လုံးဝထောင်စည်းကမ်းနဲ့ မညီတာပဲ။ လူတစ်ယောက်သေသွားလို့ ငါတို့က အစီရင်ခံစာလေးတစ်စောင် ရေးလိုက်ရုံပဲကွ။ ငါတို့ကို လာမလုပ်နဲ့ဆိုပြီး အဲ့လိုခြိမ်းခြောက်ရိုက်နှက်ရာမှသည် နောက်လက်နက်ကြီးတစ်ခုကတော့ ထောင် ပြောင်းလိုက်တာပဲ” ဟု ရှေ့နေကြီး ဦးကြီးမြင့်က ပြောသည်။
အင်းစိန်ထောင်မှ ထောင်ပြောင်းရွှေ့သူများကို ပဲခူးတိုင်းရှိ သာယာဝတီထောင်နှင့် သရက်ထောင်သို့ ပြောင်းရွှေ့ကြောင်းသိရပြီး နိုင်ငံရေးအကျဥ်းသားအများစုပါဝင်ကာ အမျိုးသားများဖြစ်ကြောင်း ထောင် နှင့် နီးစပ်သူများထံမှ သိရသည်။
အဆိုပါ ထောင်အပြောင်းအရွှေ့ကြောင့် ပုံမှန်အင်းစိန်ထောင်တွင်သာပါဆယ်ပို့ရသည့် မိသားစုဝင်များ အနေဖြင့်လည်း ပြောင်းရွှေ့သွားသည့် ထောင်များသို့ သွားရောက်တွေ့ဆုံရန် အခက်အခဲများစွာ ရှိနေကြ ခြင်း ဖြစ်သည်။
ထိုသို့ အကျဉ်းသားများနှင့် ၎င်း၏မိသားစုဝင်တို့တွေ့ခွင့်မရသည့် အခြေအနေမျိုးတွင် အချိန်ကြာမြင့် လာသည်နှင့်အမျှ နှစ်ဖက်စလုံး စိတ်ပိုင်းဆိုင်ရာ ထိခိုက်မှုများရှိလာနိုင်ကြောင်း နိုင်ငံရေးအကျဉ်းသား ဟောင်းများအဖွဲ့က ပြောသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#အင်းစိန်ထောင်
#နိုင်ငံရေးအကျဉ်းသား
#ထောင်ဝင်စာ
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7❤2👏1
မတူပီမြို့နယ်တွင် စစ်ကောင်စီတပ်က ၂ ရက်အတွင်း နေအိမ် ၃၀ လုံး မီးရှို့ဖျက်ဆီး

ပါခွီး
မဇ္စျိမ ။ ။ချင်းပြည်နယ်၊ မတူပီမြို့နယ်၊ ကလားကျေးရွာတွင် စစ်ကောင်စီတပ်က လူနေအိမ် အလုံး ၃၀ ကို မီးရှို့ဖျက်ဆီးခဲ့ကြောင်း မတူပီမြို့နယ်ပြည်သူအုပ်ချုပ်ရေးအဖွဲ့မှ ဧပြီလ ၃ ရက် ယနေ့တွင် ထုတ်ပြန်ထား သည်။
အကြမ်းဖက်စစ်ကောင်စီတပ်သည် အိမ်ခြေ ၄၅ အိမ်ခန့်ရှိသော ကလားကျေးရွာကို မတ်လ ၃၁ ရက်နေ့ က နေအိမ် ကိုးလုံး၊ ဧပြီလ ၁ ရက်နေ့၌ ၂၁ လုံး စုစုပေါင်း အိမ်ခြေ ၃၀ မီးရှို့ဖျက်ဆီးခဲ့ခြင်းဖြစ် ကြောင်း ဆိုသည်။
“ကြွက်မနိုင် ကျီးမီးရှို့ဆိုတဲ့ပုံစံမျိုးပါပဲ။ အင်အား ၁၅၀ လောက်နဲ့လာတယ်။ ၅၀ ကျော်ကို သုတ်သင်ထား နိုင်ခဲ့တဲ့အတွက် ဘာမှမဆိုင်တဲ့ ပြည်သူတွေရဲ့နေအိမ်တွေကို မီးရှို့တယ်ပေါ့။ ကျနော်တို့အနေနဲ့ လက်ခံ နိုင်စရာ အကြောင်းမရှိဘူး၊ ပြင်းပြင်းထန်ထန်ရှုံ့ချတယ်” ဟု မတူပီမြို့နယ် ပြည်သူ့အုပ်ချုပ်ရေးအဖွဲ့ သတင်းနှင့်ပြန်ကြားရေးတာဝန်ခံ ဆလိုင်းပါထောင်းက မဇ္စျိမကို ပြောသည်။
👍4❤2🤬2👎1😁1
ကလားရွာအနီးတွင် CDF – Matupi ၊ CNA ပူးပေါင်းတပ်ဖွဲ့နှင့် စစ်ကောင်စီတပ်သားများ တိုက်ပွဲဖြစ် ပွားခဲ့ပြီးနောက် စစ်ကြောင်းမှ ကားတစ်စီး ဖျက်ဆီးခံရပြီး အကျဆုံးများခဲ့ကြောင်းသိရသည်။
မတူပီမြို့မှထွက်လာသည့် အဆိုပါစစ်ကြောင်းသည် လမ်းတလျောက်ရှိ ကျေးရွာအချို့တွင် ရပ်နားခဲ့ သော် လည်း မီးရှို့ခဲ့ခြင်းမရှိဘဲ ယခုမှ စတင်ရှို့ခြင်းဖြစ်ကြောင်း သိရသည်။
ဧပြီလ ၃ ရက်နေ့ ယနေ့နံနက်ပိုင်းတွင် မတူပီမြို့နယ် ဝလံတဲကျေးရွာသို့ စစ်ကောင်စီတပ်များ ရောက် ရှိနေပြီး နေအိမ်များကို ဆက်လက်မီးရှို့နေကြောင်း ထုတ်ပြန်ချက်တွင် ဖော်ပြထားသည်။
အဝေးမှနေ၍ မီးခိုးလုံးများမြင်တွေ့နေရပြီး အနီးသို့သွားရောက်နိုင်ခြင်းမရှိသေးသဖြင့် အပျက်အစီး အဆုံးအရှုံးကို မသိရှိရသေးကြောင်း ဆိုသည်။
ယခုကဲ့သို့ လုပ်ရပ်များကြောင့် စစ်ကောင်စီကို အဆုံးစွန်ထိ တော်လှန်သွားမည့် ရပ်တည်ချက်ကို ထိခိုက် မည်မဟုတ်ကြောင်းနှင့် လတ်တလောတွင် ကယ်ဆယ်ရေးလုပ်ငန်းများကို ကြိုးစားလုပ်ကိုင်နေကြောင်း ဆလိုင်းပါထောင်းက ဆိုသည်။
စစ်ကောင်စီတပ်နှင့် ချင်းပူးပေါင်းတပ်ဖွဲ့အကြားတိုက်ပွဲများဖြစ်ပွားခဲ့သဖြင့် ဒေသခံပြည်သူ ၁,၀၀၀ ကျော် တောတောင်များတွင် စစ်ဘေးရှောင်နေရပြီး ဝမ်းရောဂါနှင့် ငှက်ဖျားရောဂါများဖြစ်ပွားနေသဖြင့် အရေး ပေါ်ဆေးဝါးလိုအပ်လျက်ရှိကြောင်း သိရသည်။
မတ်လ ၂၀ ရက်နေ့က မတူပီမြို့မှ မော်တော်ယာဉ်သုံးစီး၊ အင်အား ၈၀ ဖြင့် စတင်ထွက် ခွာလာပြီး အထိ အခိုက်များသဖြင့် ရဟတ်ယာဉ်ဖြင့် အင်အား ၇၀ ထပ်မံဖြည့်တင်းထားသည့် စစ်ကောင်စီတပ်ဖွဲ့ စစ်ကြောင်းကို မတ်လ ၃၁ ရက်နေ့အထိ ချင်းပူးပေါင်းတပ်ဖွဲ့မှအကြိမ်ကြိမ်တိုက်ခိုက်ခဲ့ရာ စစ်ကောင်စီ တပ်သား ၅၂ ဦး သေဆုံးခဲ့ပြီး မော်တော်ယာဉ်တစ်စီး မီးရှို့ဖျက်ဆီးနိုင်ခဲ့ကြောင်း CDF – Matupi ၏ ထုတ် ပြန်ချက်အရ သိရသည်။
စာတည်း။ ။စောဖေ
စာမူတည်းဖြတ်။ ။စောဖေ
#ချင်းပြည်နယ်
#မတူပီမြို့နယ်
#စစ်ကောင်စီစစ်ကြောင်း
#CDF–Matupi
👍7❤2🤬2😁1