​​ကောလင်းတွင် စစ်ကောင်စီစစ်ကြောင်းက ဒေသခံ ၈ ဦးကို ဖမ်းဆီး သတ်ဖြတ်
=====================

ကိုခင်မောင်
(မဇ္ဈိမ)။ ။ စစ်ကိုင်းတိုင်း၊ ကောလင်းမြို့နယ်၊ ခံသာတိုက်နယ်အတွင်းသို့ စစ်ကြောင်းထိုး ဝင်ရောက်လာသည့် စစ်ကောင်စီတပ်သည် ဒေသခံ ရှစ်ဦးကို ဖမ်းဆီးခေါ်ဆောင်သွားပြီး သတ်ဖြတ်ခဲ့သည်ဟု Kawlin Revolution – KR အဖွဲ့တာ၀န်ရှိသူထံက ပြောသည်။

ဖမ်းဆီးခံရသူ ၁၇ ဦးအနက် ရှစ်ဦးသေဆုံးကာ ငါးဦးမှာ ပြန်လည်လွတ်မြောက်လာပြီး ကျန်လေးဦးကို ဒေသခံများက ရှာဖွေနေဆဲဖြစ်ကြောင်း သိရသည်။

ထိုစစ်ကောင်စီတပ်စစ်ကြောင်းသည် မေလ ၂၈ရက်မှ ဇွန်လ ၃ရက် အထိ ခံသာတိုက်နယ်အတွင်း တစ်ရွာဝင် တစ်ရွာထွက်ကာ လူနေအိမ်များကို ဝင်ရောက်မွှေနှောက်ပြီး ပြည်သူများကို ဖမ်းဆီးသတ်ဖြတ်ခဲ့ခြင်းဖြစ်ကြောင်း အမည်အဖော်လိုသူ ဒေသခံသတင်းရင်းမြစ်က မဇ္ဈိမကို ပြောသည်။

"မုတ်ဝရွာသားခြောက်ဦးက တစ်စုထဲဖမ်းဆီးခေါ်ဆောင် ခံရတာပါ။ တစ်နေရာထဲမှာ တစ်စုထဲ လက်စဖျောက်ခံ ရတယ်။ သစ်ဖုလှရွာတောင်ဘက် တစ်ဆူတောင်အနီးသစ်တောထဲမှာ ပြန်တွေ့ရတာလို့ သိရပါတယ်။ အင်ပင်လှနဲ့ ဥမင်ကုန်းရွာကြား ဆိုင်ကယ်စီးလာတဲ့ အသက် ၃၅နှစ်အရွယ် ကိုကျော်သူဆိုသူကိုလည်း စစ်ကောင်စီက ပစ်သတ်သွားပါတ”ယ် ဟု ဒေသခံသတင်းရင်းမြစ်မှ မဇ္ဈိမကိုပြောသည်။

သေဆုံးသွားသူများမှာ ညောင်ကုန်းရွာမှ ကိုသန်းထိုက် ၊ အင်ပင်လှရွာမှ ကိုကျော်သူ ၊ မုတ်ဝရွာမှ ဦးဝင်ဗိုလ် ၊ ဦးဆန်းဦး ၊ ဦးဝင်းနိုင်၊ ဦးဇော်မင်း ၊ဦးဇော်ဦး ၊ ဦးမိုမိုတို့ဖြစ်ပြီး မုတ်ဝရွာသား ခြောက်ဦး၏ ရုပ်အလောင်းများကို သစ်ဖုလှရွာ တောင်ဘက် တစ်ဆူတောင်အနီးသစ်တောထဲတွင် တွေ့ရှိရသည်ဟု ဆိုသည်။

ပျောက်ဆုံးနေသူများမှာ ချပ်ကုန်းရွာမှ ဦးဆန်းဦး၊ ဦးမောင်ဝင်းနှင့် ဘန်ဘွေးကုန်းရွာက ဦးတင်လွင်အောင်၊ ဖိုးဆိုးတို့ ဖြစ်ပြီး ဒေသခံများသည် ၎င်းတို့က သေဆုံးပြီးဖြစ်မည်ဟု ခန့်မှန်းပြောဆိုနေကြသည်။

စစ်ကောင်စီတပ်သည် ခံသာတိုက်နယ် အင်းယား၊ ညောင်ကုန်း၊ ဖက်ခါးကုန်း၊ အင်းပင်လှ၊ ချပ်ကုန်း၊ ဘန်းဘွေးကုန်းနှင့် မုတ်တ အစရှိသည့် ကျေးရွာများဘက်သို့ စစ်ကြောင်းထိုးဝင်ရောက်ချိန် ဒေသခံပြည်သူ့ကာကွယ်ရေးအဖွဲ့များနှင့်လည်း ထိတွေ့တိုက်ပွဲများ ဖြစ်ပွားခဲ့သည်။

အဆိုပါတိုက်ပွဲများအတွင်း စစ်ကောင်စီတပ်ဘက်မှ နှစ်ဦးသေဆုံးပြီး ၁၃ဦးထိခိုက်ဒဏ်ရာရရှိသွားကာ စစ်သုံးပစ္စည်းအချို့ သိမ်းဆည်းရရှိခဲ့ပြီး ဒေသကာကွယ်ရေး ပူးပေါင်းအဖွဲ့ဘက်က ရဲဘော်ဆန်းလင်း(ဆင်မင်း) ကျဆုံးခဲ့ကြောင်း ကောလင်းခရိုင်တပ်ရင်း (၁ ) Kawlin People Defense Force – KLPDF ထံက သိရသည်။

စစ်ကောင်စီ စစ်ကြောင်းတွင် ခမရ- ၃၆၃၊ ခမရ -၃၆၉ တပ်ရင်းမှ တပ်သားများပါဝင်သည့် ထိုစစ်ကောင်စီစစ်ကြောင်းသည် ကောလင်းမြို့နယ်ကို ဇွန်လဆန်းမှစ၍ စစ်ကြောင်းထိုးနေခြင်းဖြစ်ပြီး ဇွန်လ ၄ရက် နေ့လယ် ၃နာရီခန့်တွင် တိုက်ပွဲအပြင်းအထန်ဖြစ်ကာ စစ်ကောင်စီတပ်က တိုက်ပွဲဝန်းကျင်ရှိ ကျေးရွာများအား ဂျက်ဖိုက်တာဖြင့် တိုက်ခိုက်ခဲ့သေးသည်။

စာတည်း။ ။အောင်ကျော်ဖြိုး

#Mizzima
#ဒေသခံ ၈ ဦးကို ဖမ်းဆီး သတ်ဖြတ်
#ခံသာတိုက်နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇွန်လ (၉) ရက်၊ ည ၇ နာရီ The Mizzima Primetime မဇ္စျိမ ပင်မသတင်းအစီအစဥ်
===================

-စစ်ကောင်စီလက်ထက် ၂၀၂၂-၂၀၂၃ တက္ကသိုလ်ဝင်တန်း စာမေးပွဲအောင်စာရင်း ထုတ်ပြန် ၊ ကျောင်းများတွင်လာရောက်ကြည့်ရှုသူ မရှိတဲ့သတင်း

-ဒေါ်လာ ၁၀ သန်းဖိုး မြန်မာပိုင်ကုန်ပစ္စည်းတွေကို ယူနန်အာဏာပိုင်များ သိမ်းဆည်းတဲ့သတင်း

-အီးယူရဲ့ဆီအုန်းတင်သွင်းမှုကန့်သတ်တဲ့အစီအစဉ်အပေါ် အင်ဒိုနီးရှားနဲ့မလေးရှားကန့်ကွက်တဲ့သတင်း

-ပြည်တွင်းဆန်ရောင်းဝယ်ရာမှာ ပြည်ပဘဏ်ငွေစာရင်းဖြင့် ငွေကြေးလက်ခံခဲ့တဲ့ ကုမ္ပဏီသုံးခုကို စစ်ကောင်စီက အမည်ပျက်စာရင်းသွင်းတဲ့သတင်း

-ညနေ ၅ နာရီအထိ ရရှိထားတဲ့ငွေလဲနှုန်း၊ ရွှေစျေး၊ စက်သုံးဆီစျေး နဲ့ စားအုန်းဆီစျေးတွေအပါအဝင် အခြားစိတ်ဝင်စားဖွယ် သတင်းတွေနဲ့ အရေးကြီး သတင်းတွေကို တင်ဆက်ပေးသွားမှာပါ ။

https://www.youtube.com/live/7_hGHmShkkU?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

စက်ရုပ်လက်မြှောက်သွားရတဲ့ အဘတို့ တရားစီရင်ရေး
================

သေဒဏ်ပေးဖို့အားသန်နေတဲ့ အစိမ်းရောင်လူမျိုးစုတို့ရွာက တရားစီရင်ရေးကို တရုတ်ရဲ့ AI နည်းပညာအစားထိုးဖို့ကြိုးစားခဲ့တဲ့အကြောင်း ယခု Epsiode မှာ ကြည့်ရှု့ရမှာဖြစ်ပါတယ်။

အစိမ်းရောင်တွေက အပြာရောင်တွေကိုဖိနှိပ်နေတဲ့ ရွာကဇာတ်လမ်းတွေကို အပတ်စဉ်သောကြာနေ့ ည ၇ နာရီခွဲတိုင်း မဇ္ဈိမတီဗီချန်နယ်၊ Mizzima News in Burmese Facebook Page နှင့် Mizzima Youtube Channel တို့မှာ ကြည့်ရှု့လိုက်ရှုလိုက်ရအောင်။

https://youtu.be/9xz3zDtvSpI

#Greentribe
#MizzimaTV
#အစိမ်းရောင်လူမျိုးစု
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ( ၉ )ရက်၊ သောကြာနေ့ ညပိုင်း မဇ္ဈိမရေဒီယိုအစီအစဉ်
==================

ဒီကနေ့ည နားဆင်ရမယ့် အစီစဉ်တွေကတော့ ...

မြန်မာအပါအဝင် အာဆီယံနိုင်ငံတွေ ပထမဆုံးအကြိမ် ပူးတွဲစစ်ရေးလေ့ကျင့်မယ်လို့ အင်ဒိုနီးရှား ရေတပ်အကြီးအကဲ ပြောဆိုလိုက်တဲ့သတင်းနဲ့အတူ မြင်းခြံမြို့ နီနီလွင်ရွှေဆိုင်ကို ဓားပြတိုက်ဖို့ကြိုးစားသူတွေက ဆိုင်ပိုင်ရှင်ကို ပစ်သတ် သွားခဲ့တဲ့သတင်းအပါအဝင် နောက်ဆုံးရ ပြည်တွင်းသတင်းတွေနဲ့ နိုင်ငံတကာသတင်းတွေကို နားဆင်ရပါမယ်။ အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိပါတယ်။ သတင်းတွေအပြီးမှာတော့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ ရှိပါတယ်။

အဲ့ဒီနောက်မှာတော့ အပတ်စဉ်တင်ဆက်နေကျဖြစ်တဲ့ Insight Myanmar အစီအစဉ်ကိုနားဆင်ရမှာပါ။ ဒီတစ်ခေါက်မှာတော့ တော်လှန်ခြင်းများနဲ့ခေတ်သစ်မြန်မာပြည် podcast ကနေ ကောက်နှုတ်တင်ဆက်ထားတဲ့ CDM သူနာပြုတစ်ယောက်ဖြစ်တဲ့ မနုနဲ့မေးမြန်းထားတာကို နားဆင်ရမှာဖြစ်ပါတယ်။

https://youtu.be/i9WYO9xJGrM

#Eveningradio
#Mizzimaradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ကိုဗစ်လုံးဝကင်းစင်ရေး မူဝါဒကို တရုတ်က ရပ်ဆိုင်းခဲ့သော်လည်း ဂျာမနီမှလာရောက် ရင်းနှီးမြှုပ်နှံမှုကို မမြှင့်တင်နိုင်ခဲ့  
==========================

တရုတ်နိုင်ငံ၏ တင်းကျပ်သော "ကိုဗစ်လုံးဝကင်းစင်" မူဝါဒကို စွန့်လွှတ်ရန် ဆုံးဖြတ်ချက်သည် ပထဝီဝင်နိုင်ငံရေး တင်းမာမှုများကြောင့် စီးပွားရေးဆိုင်ရာ အလားအလာအပေါ် သက်ရောက်မှုရှိစေပြီး ဂျာမနီစီးပွားရေး လုပ်ငန်းများအား ပြန်လည်နာလန်ထူရန် နှေးကွေးစေကြောင်း စစ်တမ်းတစ်ခုက ဇွန်လ ၁ ရက် တွင် ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြင်းမူမှ နယ်မြေရဲစခန်း ၁ ခုကို ပြည်သူ့ကာကွယ်ရေးမဟာမိတ်များတိုက်ခိုက်၊စခန်းမှူး အပါအဝင် ၉ဦးသေဆုံးဟုဆို
==================

ပါခွီး
(မဇ္စျိမ) ။ ။ စစ်ကိုင်းတိုင်း၊ မြင်းမူမြို့နယ်မှ တောချောင်းဦးကျေးရွာနယ်မြေရဲစခန်းကို ပြည်သူ့ကာကွယ်ရေးမဟာမိတ်များက တိုက်ခိုက်ခဲ့ရာ စခန်းမှူး အပါအဝင်စစ်ကောင်စီနှင့် ရဲတပ်ဖွဲ့ဝင်ကိုးဦးသေဆုံးကြောင်း Black Eagle Defence Force – MMU က သတင်းထုတ်ပြန်သည်။

တိုက်ပွဲသည် ဇွန်လ ၆ရက်နေ့ နံနက်က ဖြစ်ခဲ့ပြီး Black Eagle Defence Force – MMU က ယနေ့ ဇွန်လ ၉ရက်တွင်ထုတ်ပြန်ခြင်းဖြစ်သည်။

တောချောင်းဦးကျေးရွာနယ်မြေရဲစခန်းကို ဇွန်လ ၆ရက် နံနက် ၂နာရီ ၁၅မိနစ်မှ စတင်ဝင်ရောက်တိုက်ခိုက်ခဲ့သည်ဟု သိရသည်။
“အဲဒီစခန်းက အင်အား ၂၀လောက်ပဲရှိတာ။ကျွန်တော်တို့ ဘန်ကာ ကိုးလုံးရှိတဲ့အထဲက ငါးလုံးကိုဖြိုအပြီး စခန်းသိမ်းခါနီးမှာ လေကြောင်းက နေဗုံးကြဲတိုက်ခိုက်ခံခဲ့ရလို့ မရခဲ့တာ” ဟု Black Eagle Defence Force တာဝန်ရှိသူက မဇ္ဈိမကို ပြောသည်။

ကာကွယ်ရေးတပ်ပေါင်းစုမှ ဒရုန်းဖြင့် ဗုံးသီးချပြီး မြေပြင်အဖွဲ့ များက လက်နက်ကြီး၊လက်နက်ငယ်များဖြင့် တိုက်ခိုက်ခဲ့သည်ဟု Black Eagle Defence Forceကဆိုသည်။စခန်းကို တိုက်ခိုက်နေစဉ် နံနက် ၄နာရီ ၁၇မိနစ်အချိန်တွင် တံတားဦးလေတပ်မှ ဂျက်ဖိုက်တာ တစ်စီးဖြင့် ဗုံးသုံးလုံးကြဲချပြီး လှည့်ပတ် ပျံဝဲနေသဖြင့် ကာကွယ်ရေးတပ်ပေါင်းစုမှ ပြန်လည်ဆုတ်ခွာခဲ့ရကြောင်း သိရသည်။

တိုက်ပွဲတွင် တောချောင်းဦးကျေးရွာနယ်မြေရဲစခန်း စခန်းမှူးအပါအဝင်စစ်ကောင်စီနှင့်ရဲတပ်ဖွဲ့ဝင် ကိုးဦးသေဆုံးခဲ့ပြီး ငါးဦး ဒဏ်ရာအပြင်းအထန်ရရသွားသည်ဟု Black Eagle Defence Force က သတင်းထုတ်ပြန်သည်။ ကာကွယ်ရေးရဲဘော်နှစ်ဦး ဒဏ်ရာအနည်းငယ်ရရှိခဲ့ကြောင်း ထုတ်ပြန်ချက်တွင်ဖော်ပြထားသည်။

တိုက်ပွဲမှ ပစ်ခတ်သံများ ကြားခဲ့ပြီး စစ်ကောင်စီဘက်မှ အထိအခိုက်များသည့်သတင်းထွက်ပေါ်ခဲ့သည်ဟု မြင်းမူမြို့ခံများကပြောသည်။ စစ်ကောင်စီဘက်မှ ထိခိုက်မှုအသေးစိတ်ကို သီးခြားအတည်မပြုနိုင်သေးပေ။

အဆိုပါ စစ်ဆင်ရေးကို Black Eagle Defence Forc နှင့်အတူ Black Eagle Drone Force (Blalck Eagle Drone တပ်ခွဲ) ၊မြောင်မြို့နယ် T.G.R ပြည်သူ့ ကာကွယ်ရေးတပ် ၊ T.G.R Women Drone Force ၊ ကျောက်ဆည်ခရိုင်(တပ်ရင်း၂) ၊ Youth Revolution Attcak Force (YRAF) ၊ မြင်းမူလျှပ်စီးပြောက်ကျားတပ်ဖွဲ့ ၊ Delta Force (တောင်သာ) ၊ မန္တလေးခရိုင်တပ်ရင်း(၅) တပ်ခွဲ(၂) MN PDF (မြစ်ငယ်)၊ဇာမဏီပြောက်ကျားတပ်ဖွဲ့ (ငါးန်းဇွန်) ၊ Ah Nyar Myay Special Commando Defence Force နှင့် Myinmu Local Defence Force တို့ ပူးပေါင်းပါဝင်တိုက်ခိုက်ခဲ့ခြင်းဖြစ်ကြောင်းသိရသည်။

စာတည်း -မောင်ကြီး

#mizzima
#မြင်းမူ
#တောချောင်းဦးကျေးရွာနယ်မြေရဲစခန်း
#တိုက်ခိုက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဖားကန့်တွင် ကျေးရွာအုပ်ချုပ်ရေးမှူး ၁ ဦး ပစ်ခတ်ခံရ၍ သေဆုံး
================

ကချင်လေး
(မဇ္ဈိမ) ။ ။ ကချင်ပြည်နယ်၊ဖားကန့်မြို့နယ်၊လုံးခင်းကျေးရွာအုပ်စု၏ အုပ်ချုပ်ရေးမှူးဦးကျော်ဆွေသည် ယနေ့ ဇွန်လ ၉ရက် မွန်းလွဲ ၂ နာရီခန့်တွင် သေနတ်ဖြင့် ပစ်ခတ်ခံရ၍ သေဆုံးသွားကြောင်း ဒေသခံများထံမှ သိရသည်။

“အမျိုးသားနှစ်ဦးက စကားခဏ ပြောချင်တယ်ဆိုပြီး ၁နာရီခွဲမှာ လာခေါ်သွားတာ။ ခေါ်သွားပြီး သိပ်မကြာဘူး သေနတ်သံကြားရတာဘဲ။ အဲမှာ လုံးခင်းသင်္ချိုင်းနားမှာနေတဲ့သူတွေက အသံကြားတဲ့ဘက် သွားကြည့်တာ၊ သေနတ်ဒဏ်ရာနဲ့ အလောင်းကို တွေ့ရတာပဲ ”ဟု သေဆုံးသူ၏ မိသားစုဝင်တစ်ဦးက ပြောသည်။

အဆိုပါပစ်ခတ်မှုအား မည်သည့်အဖွဲ့က လုပ်ဆောင်ခြင်းဖြစ်ကြောင်း ထုတ်ပြန်လာခြင်း မရှိသေးပေ။

အာဏာသိမ်းပြီးနောက် ဖားကန့်မြို့နယ်အတွင်းရှိ ရပ်ကွက်/ကျေးရွာ အုပ်ချုပ်ရေးမှူး အများစု နှုတ်ထွက်သွားကြသော်လည်း ယခုပစ်ခတ်ခံရသည့် ဦးကျော်ဆွေနှင့်အုပ်ချုပ်ရေးမှူးအချို့သည် စစ်ကောင်စီလက်အောက်တွင် တာဝန်ထမ်းဆောင်နေကြဆဲဖြစ်ကြောင်း သိရသည်။

စာတည်း ။ ။ ဖူးသိမ်ကျ
စာမူတည်းဖြတ်။ ။မောင်ကြီး

#ကချင်ပြည်နယ်
#ဖားကန့်မြို့နယ်
#အုပ်ချုပ်ရေးမှူး
#ပစ်ခတ်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကရင်နီပြည်နယ်မှာ PDF တွေ ထွက်ပြေးတယ်လို့ စစ်ကောင်စီလော်ဘီတွေ ဝါဒဖြန့်နေပါတယ်။

သတင်းအပြည့်အစုံဖတ်ရန် https://www.facebook.com/MizzimaDaily/posts/6780681611966686

#Misinformation_Buster #Fake_News #shorts #reels #pdf
#ကရင်နီ #NUG #အလယ်ပိုင်းတိုင်း #ဒီးမော့ဆို

​​မတ္တရာမြို့နယ် ဘိုကုန်းကျေးရွာ အုပ်‌ချုပ်ရေးမှူး ပစ်ခတ်ခံရ၍ သေဆုံး
===================

007
(မဇ္စျိမ)။ ။ မန္တလေးတိုင်း၊ မတ္တရာမြို့နယ် ၊ လမိုင်းကျေးရွာအုပ်စု ၊ ဘိုကုန်းကျေးရွာက ကျေးရွာအုပ်ချုပ်ရေးမှူး ဦးစိုး၀င်းဆိုသူသည် ယနေ့ဇွန်လ ၉ ရက် နံနက် ၇ နာရီ ၁၀ မိနစ်ခန့်က သေနတ်ဖြင့် ပစ်ခတ်ခံရ၍ သေဆုံးသွားကြောင်း ဒေသခံထံက သိရသည်။

“ဘိုကုန်းရွာအုပ်ကြီးပါ။ အုပ်ကြီးမလုပ်တော့ဘူးလို့ သတင်းလွှင့်ထားပြီး ဆက်လုပ်နေလို့ ခဏခဏ သတိပေးခံရတယ်၊ မနက်က ၇ နာရီလောက်မှာ သေနတ်သမားတွေက ၀င်ပစ်သွားတာပါ"ဟု ဒေသခံတစ်ဦးက ပြောသည်။

အဆိုပါ ပစ်ခတ်ခံရသူ ဦးစိုးဝင်းသည် ယနေ့နံနက်ပိုင်းက ၎င်း၏နေအိမ်အတွင်း၌ ရှိနေစဉ် ဆိုင်ကယ် သုံးစီးဖြင့် လူခြောက်ဦး ရောက်လာကာ သေနတ်များဖြင့် ပစ်ခတ်သွားခြင်းဖြစ်‌ကြောင်း ဒေသခံများက ပြောသည်။

"သူ့လာပစ်မှန်းသိလို့ ထွက်ပြေးသေးတယ်။ ဒါပေမဲ့ မလွတ်တော့ဘူး။ ဘေးခြံထဲ၀င်အပြေး အနောက်ကနေ သေနတ်တွေနဲ့ တဒိုင်းဒိုင်း လှမ်းပစ်တာ နေရာမှာတင်သေတာပဲ" ဟု ဒေသခံ အခြားတစ်ဦးက ပြောသည်။

၎င်းအား မည်သည့်အဖွဲ့အစည်းက ပစ်သတ်သွားခြင်းဖြစ်ကြောင်း မသိရသေးပေ။

စစ်ကောင်စီ၏ အာဘော်ကို ဝါဒဖြန့်ပေးနေသည့် တယ်လီဂရမ်ချန်နယ်များတွင် PDF များကပစ်သတ်သွားခြင်းဖြစ်ကြောင်း၊ ၎င်းသည် အုပ်ချုပ်ရေးမှူးဟောင်းသာဖြစ်ကြောင်း ရေးသားဖော်ပြထားသည်။
မတ္တရာမြို့နယ်တွင် မေလ ၂၇ ရက်နေ့ကလည်း ယာဉ်ထိန်းရဲတပ်ကြပ်ကြီး အောင်ကျော်မျိုးဆိုသူ သေနတ်ဖြင့်ပစ်သတ် ခံခဲ့ရပြီး အဆိုပါပစ်ခတ်မှုကို ယူနီကွန်းပြောက်ကျားတပ်ဖွဲ့က လုပ်ဆောင်ခဲ့ခြင်းဖြစ်ကြောင်း သတင်းထုတ်ပြန်ထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး

#မန္တလေးတိုင်း
#မတ္တရာမြို့နယ်
#အုပ်ချုပ်ရေးမှူး
#ပစ်ခတ်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

National Unity Government (NUG)၏ PVTV Channel မှ ၂၀၂၃ ခုနှစ် ဇွန်လ ၉ ရက်ထုတ်လွှင့်မှုများ
===================

https://youtu.be/6148LHJFChE

#PVTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဆွီဒင်မှာ လိင်ဆက်ဆံတာကို တရားဝင်အားကစားအနေနဲ့ သတ်မှတ်လိုက်ပြီဖြစ်တယ်လို့ သတင်းမှားတွေ ပျံ့နေပါတယ်။

သတင်းအပြည့်အစုံဖတ်ရန် https://www.facebook.com/MizzimaDaily/posts/6780947235273457

#Misinformation_Buster #Fake_News #shorts #reels #sweden #Sex #sports #Mizzima

ဇွန်လ( ၁၀ )ရက်၊ စနေနေ့မနက်ပိုင်း မဇ္ဈိမရေဒီယိုအစီအစဉ်
==================

ဒီကနေ့ မနက် နားဆင်ရမယ့် အစီစဉ်တွေကတော့ ...

မုန်တိုင်းသင့်ရခိုင်မှာ ကုလနဲ့ နိုင်ငံတကာအဖွဲ့တွေ သွားလာကူညီခွင့် စစ်ကောင်စီက ရပ်ဆိုင်းထားတဲ့ သတင်းနဲ့အတူ ကျောက်တံခါးမြို့နယ် စီမံအုပ်ချုပ်ရေးကောင်စီက ဗိုလ်မှူးနေလင်းဦးနဲ့ အုပ်ချုပ်ရေးမှူး ဦးသူရ ပစ်သတ်ခံရတဲ့သတင်းအပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။

အဲ့ဒီနောက်မှာတော့ အပတ်စဉ်တင်ဆက်နေကျဖြစ်တဲ့ Insight Myanmar အစီအစဉ်ကိုနားဆင်ရမှာပါ။ ဒီတစ်ခေါက်မှာတော့ တော်လှန်ခြင်းများနဲ့ခေတ်သစ်မြန်မာပြည် podcast ကနေ ကောက်နှုတ်တင်ဆက်ထားတဲ့ CDM သူနာပြုတစ်ယောက်ဖြစ်တဲ့ မနုနဲ့မေးမြန်းထားတာကို နားဆင်ရမှာဖြစ်ပါတယ်။

https://youtu.be/OjweJ30G1Vc

#Morningradio
#Mizzimaradio
----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အစိမ်းရောင် လူမျိုးစု [ EP-04 TRAILER ] | Green Tribe
.....................................

အင်မတန်ခြောက်ခြားစရာကောင်းတဲ့ ရွာတစ်ရွာရှိသတဲ့ကွယ်။

အဲ့မှာ အစိမ်းရောင်တွေက အပြာရောင်တွေကိုဖိနှိပ်နေသတဲ့။

ဒီဇာတ်လမ်းတွေကို အပတ်စဉ် သောကြာနေ့ ည ၇နာရီခွဲတိုင်း မဇ္ဈိမတီဗီချန်နယ်၊ Mizzima - News in Burmese Facebook page နှင့် Mizzima Youtube Channel တို့မှာ ပြသနေပြီဖြစ်လို့ လာမဲ့ သောကြာနေ့ ဇွန်လ ၁၆ ရက် ည ၇ နာရီခွဲမှာ စောင့်မျှော်ကြည့်လိုက်ကြရအောင်...

There’s a dark and dangerous village.
Where the Green People rule.
And the Blue People are terrorised.
Coming soon to Mizzima TV…..

https://youtu.be/_UgzmaNYDW8

#Greentribe
#MizzimaTV

“ ကြာအင်းဆိပ်ကြီးမြို့နယ်မှာရော မြို့ပေါ်တစ်လျှောက်လုံးမှာရော စစ်ကောင်စီရဲ့ စိုးမိုးနယ်မြေ၊ အုပ်ချုပ်မှုနယ်မြေဆိုတာလုံးဝမရှိဘူး" 

SOF ရဲ့ တာဝန်ခံ/တပ်မှူး ကိုအောင်စံရှား (အင်တာဗျူး)
============================

မောင်ခက်နွေ

ပြီးခဲ့တဲ့ ဇွန်လ ၂ ရက်နေ့က ကရင်ပြည်နယ် ကြာအင်းဆိပ်ကြီးမြို့ပေါ်က ဌာနဆိုင်ရာရုံးတွေနဲ့ စစ်ကောင်စီတပ်ဖွဲ့တွေ တပ်စွဲ ထားတဲ့နေရာတွေကို တော်လှန်ရေးတပ်ဖွဲ့ တစ်ပြိုင်တည်း ဝင်တိုက်၊ စစ်ကောင်စီ တပ်ဖွဲ့ဝင် ၁ဝ ဦး သေဆုံးခဲ့ပါတယ်။ 

ဒီတိုက်ခိုက်မှုကို KNU/KNLA, SOF, Cloud Wings ဒရုန်းတပ်ဖွဲ့တို့ ပူးပေါင်းတိုက်ခိုက်ခဲ့တာပါ။ 

ဒီလို တိုက်ခိုက်ခဲ့တာနဲ့ ပတ်သတ်ပြီး SOF ရဲ့ တာဝန်ခံ/တပ်မှူးကိုအောင်စံရှားရဲ့ အခက်အခဲတွေ အတွေ့အကြုံတွေ သုံးသပ်ချက်တွေကို‌ ဒီတပတ် weekly interview အစီအစဉ်ကနေ တင်ဆက်ပေးလိုက်ပါတယ်။ 

https://youtu.be/cBcr4QXYgDs

မေးမြန်း/တင်ဆက်/တည်းဖြတ် - မောင်ခက်နွေ
#weeklyinterview
#mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

China 'not aware' of alleged spy base deal in Cuba
================

https://youtu.be/7acz6qboi7o

K pay ငွေလွှဲတဲ့အခါ noteမရေးရင် အကောင့်ပိတ်ခံမယ်လို့ လူမှု ကွန်ရက်စာမျက်နှာမှာ ပျံ့နှံ့နေပါတယ်။

သတင်းအပြည့်အစုံဖတ်ရန် https://www.facebook.com/MizzimaDaily/posts/6786602564707924

#Misinformation_Buster #Fake_News #Shorts #Reels #KBZ #Kpay #note #KBZ_Pay

နှစ်စဉ် အောင်ချက်အနည်းဆုံး ချင်းပြည်နယ် ယခုနှစ်တွင် အောင်ချက်ကောင်း ဂုဏ်ထူးထွက်
=======================

(မဇ္စျိမ)
၂၀၂၃ ခုနှစ် တက္ကသိုလ်ဝင်တန်းစာမေးပွဲကို ချင်းပြည်နယ်မှ ဖြေဆိုသူ ကျောင်းသား/ ကျောင်းသူ စုစုပေါင်း ၂,၈၂၄ ဦးသည် စာစစ်ဌာန ၁၃ ခုတွင် ဝင်ရောက်ဖြေဆိုခဲ့ကြရာ ၂,၀၄၅ ဦး အောင်မြင်ကြောင်း သိရှိရပြီး ပြည်နယ်အတွင်း အောင်ချက်မရှိသလောက်ရှိခဲ့သည့် လိုင်လင်းပီမြို့နှင့် ဆမီးမြို့တို့တွင် ကျရှုံးသူမရှိ ဖြေဆိုသူအားလုံး ဂုဏ်ထူးထွက်ခဲ့ကြောင်း သိရသည်။

မတူပီမြို့နယ်၊ လိုင်လင်းပီမြို့တွင် ဖြေဆိုသူ ၂၆၀ ဦးအောင်မြင်ပြီး ၎င်းတို့အထဲမှ ၂၅၃ ဦးမှာဂုဏ်ထူးထွက်ရှိ၍ ခုနစ်ဦးမှာ ရိုးရိုးသာအောင်မြင်ခဲ့ကြောင်းသိရသည်။

ထို့အပြင် ပလက်ဝမြို့နယ်၊ ဆမီးမြို့တွင် ဖြေဆိုသူ ၃၄၀ ဦး အောင်မြင်ပြီး ရှစ်ယောက်မှလွဲ၍ ကျန်သူအားလုံး ဂုဏ်ထူး သုံးဘာသာ၊ နှစ်ဘာသာ၊တစ်ဘာသာ အသီးသီးပါကြောင်း သိရသည်။
‘’နှစ်စဉ်နှစ်တိုင်း ချင်းပြည်နယ်က တိုင်းနဲ့ပြည်နယ်ထဲမှာ အောင်ချက်အနိမ့်ဆုံးပြည်နယ်၊ အခုတော့ အောင်ချက်တွေက အရမ်းကောင်းနေတာ။ ဆရာ/ဆရာမ မရှိ၊ သင်ရိုးညွန်းတန်းမရှိဘဲ သင်ကြားနေရတဲ့ မြို့နယ်မဟုတ်ဘဲ ဆမီးတို့ လိုင်လင်းပီတို့မှာ ဖြေတဲ့သူအယောက်တိုင်း အောင်တယ်။ အောင်တာမှ ရိုးရိုးအောင်တာမဟုတ်ဘူး၊ ဂုဏ်ထူးတွေအားလုံးနဲ့ကို အောင်ကြတာဗျ’’ဟု ပညာရေးဝန်ထမ်းတစ်ဦးက ပြောသည်။

စစ်တပ်မှ အာဏာသိမ်းပြီးနောက်ပိုင်း ချင်းပြည်နယ်အတွင်း CDMလှုပ်ရှားမှု အများဆုံးပါဝင်ခဲ့သည့်သူများမှာ ပညာရေးဌာနမှဖြစ်ပြီး ယခုအကျမရှိ အောင်မြင်ခဲ့သည့်မြို့နယ်များသည် စာသင်ကျောင်းဆောင် မရှိ၊ စားပွဲခုံမရှိ၊ ဆရာမရှိ၊ သင်ရိုးစာအုပ်မရှိဘဲ သင်ကြားနေရသည့်မြို့များဖြစ်သည်။

စစ်တပ်အာဏာမသိမ်းခင် ကျင်းပခဲ့သည့် ၂၀၂၀ ပြည့်နှစ်တွင် တက္ကသိုလ်ဝင်တန်းစာမေးပွဲ၌ ချင်းပြည်နယ်အတွင်း ဖြေဆိုသူ ၁၂,၃၇၀ ဦး၊ အောင်မြင်သူ ၂,၆၂၃ ဦးရှိသဖြင့် အောင်မြင်မှု ၂၁.၂၀ ရာခိုင်နှုန်းရှိခဲ့ပြီး ယခုနှစ် ၂၀၂၃တက္ကသိုလ်ဝင်တန်းစာမေးပွဲတွင် ချင်းပြည်နယ်အတွင်း ဖြေဆိုသူ ၂,၈၂၄ ဦး ဝင်ရောက်ဖြေဆိုခဲ့ကြရာ ၂,၀၄၅ ဦး အောင်မြင်ခဲ့သဖြင့် ၇၂.၄၂ ရာခိုင်နှုန်း အောင်မြင်ခဲ့ကြောင်း သိရသည်။

စာတည်း - သန့်ဇော်(သန်လျင်)

#mizzima
#တက္ကသိုလ်ဝင်တန်းစာမေးပွဲ
#ချင်းပြည်နယ်
#ဂုဏ်ထူး
#သင်ရိုးစာအုပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U