​​သာဇင်ကျေးရွာမှ နေအိမ်အလုံး ၆၀၀ အား ပြည်သူ့ကာကွယ်ရေးတပ်များမီးရှို့ဟု သတင်းမှားဖြန့်
================

ZZ
(မဇ္ဈိမ)။ ။စစ်ကိုင်းတိုင်း၊ ဆားတောင်မြို့နှင့်ကပ်လျက်ရှိသည့် သာဇင်ကျွေးရွာမှ နေအိမ်အလုံး ၆၀၀ ကျော် အား ပြည်သူ့ကာကွယ်ရေးတပ်ဖွဲ့များမှ မီးရှို့သွားသည်ဆိုသောသတင်းများ ပျံ့နှံ့လျက်ရှိသည်။ ယင်းအကြောင်းအရာမှာ မှားယွင်းနေသည်။

Myanmar Hard Talk အမည်ရှိ တယ်လီဂရမ်ချန်နယ်မှ ဇွန်လ ၁၅ ရက်နေ့တွင် “ဆားတောင်ဈေးထဲမှာ ဇောင်းထပြခဲ့တဲ့ သာဇင်ရွာကအကြမ်းဖက်စခန်းကို ဝင်ဗျင်း၊ အကြမ်းဖက်တွေက ရွာကိုမီးရှို့ထွက်ပြေး သွားလို့ နေအိမ် ၆၀၀ ကျော် မီးလောင်ပျက်စီး” ဆိုသည့် သတင်းခေါင်းစဉ်ဖြင့် ရေးသားဖြန့်ဝေခဲ့သည်။

ယင်းသတင်းအား ကြည့်ရှုသူ ၃၀,၀၀၀ ကျော်ရှိခဲ့ပြီး အခြားတယ်လီဂရမ်ချန်နယ် ၁၄ ခုနှင့် ဖေ့စ်ဘုတ်တွင် လည်း ပျံ့နှံ့နေသည်။
မဇ္ဈိမမှ ယင်းအကြောင်းအရာနှင့်ပတ်သက်၍ အချက်အလက်စစ်ဆေးခဲ့ရာတွင် သတင်းမှားဖြစ်ကြောင်း တွေ့ရှိရသည်။

ထိုအကြောင်းနှင့်ပတ်သက်၍ “စစ်ကိုင်းမြို့နယ် သတင်းမှန်ပြန်ကြားရေး” ဖေ့စ်ဘုတ်ပေ့ချ်က စစ်ကောင်စီ စစ်ကြောင်းမှ သာဇင်ကျေးရွာရှိ အိမ်ခြေ ၆၀၀ ကျော်ကို မီးရှို့ဖျက်ဆီးခဲ့ပြီး အသက် ၆၀ အရွယ် အမျိုးသမီး တဦးကို သတ်ဖြတ်ခဲ့ကြောင်း ဇွန်လ ၁၄ ရက်နေ့က ဖော်ပြထားသည်။ လင့် - https://bit.ly/443x5iT

စစ်ကိုင်းတိုင်းဆေးတပ်ဖွဲ့ကလည်း ဇွန်လ ၁၄ ရက်နေ့တွင် ဆားတောင်မြို့နယ် သာဇင်ကျေးရွာကို စစ်ကောင်စီတပ်များက မီးရှို့မှုကြောင့် အိမ်ခြေ ၆၀၀ ကျော် ပျက်စီးဆုံးရှုံးခဲ့ကြောင်းနှင့် အရေးပေါ် အကူ အညီများလိုအပ်နေကြောင်း ဖော်ပြထားသည်။ လင့် - https://bit.ly/446YhgD

ထိုအကြောင်းကို သတင်းမီဒီယာများ ဖြစ်သည့် Radio Free Asia (RFA) , Myanmar Now တို့၌လည်း စစ်ကိုင်းတိုင်း စစ်ကိုင်းမြို့နယ် သာဇင်ကျေးရွာကို စစ်ကောင်စီမှ ဝင်ရောက်စီးနင်းကာ မီးရှို့ခဲ့ကြောင်းကို ဖော်ပြထားသည်။ လင့် - https://bit.ly/42PAgtw , https://shorturl.at/ijuBS

ထို့အကြောင်းနှင့်ပတ်သက်၍ မြင်းခြံခရိုင် တပ်ရင်း(၇)ဇီးရိုးပြောက်ကျားတပ်ဖွဲ့ခေါင်းဆောင် ကိုသက်ကြီး အားဆက်သွယ်မေးမြန်းရာတွင် “ နာမည်ကိုက ပြည်သူ့ကာကွယ်ရေးတပ်ဖွဲ့လေဗျာ။ ပြည်သူတွေကို ကာကွယ်နေရတဲ့ကျွန်တော်တို့က ဒီလိုအလုပ်မျိုးလုပ်စရာအကြောင်းကို မရှိပါဘူး။ ကျွန်တော် ဒီလောက် ပဲပြောချင်ပါတယ်” ဟု မဇ္ဈိမသို့ ပြောသည်။

စစ်ကိုင်းမြို့အနီး ဆားတောင်မြို့ပေါ်တွင် ဇွန်လ ၆ ရက်နေ့က မြင်းခြံခရိုင် တပ်ရင်း (၇) ဇီးရိုး ပြောက်ကျား တပ်ဖွဲ့ခေါင်းဆောင်နှင့် တပ်ဖွဲ့ဝင်များမှ လက်နက်အဖြည့်အစုံဖြင့် သွားလာနေသည့်ရုပ်သံဖိုင်များ ပျံ့နှံ့ခဲ့ ပြီးနောက်ပိုင်း စစ်ကောင်စီဘက်မှ အင်အားအလုံးအရင်းဖြင့် စစ်ကြောင်းထိုးလာခဲ့သည်။ ထို့နောက် ပြည်သူ့ကာကွယ်ရေးတပ်ဖွဲ့များနှင့် ဇွန်လ ၁၀ ရက်နေ့မှစ၍ ထိတွေ့တိုက်ပွဲများ ဖြစ်ပေါ်လာခဲ့ခြင်း ဖြစ်သည်။

စစ်ကောင်စီအနေဖြင့် အမြဲလိုလို ၎င်းတို့စစ်ကြောင်းဝင်ရောက်သည့်နေရာများအား မီးရှို့ဖျက်ဆီးနေကြ ဖြစ်ပြီး ၎င်းတို့ကိုထောက်ခံနေသူများက ယင်းဖြစ်စဉ်များအား PDF များပြုလုပ်ခြင်းဖြစ်ကြောင်း သတင်း မှားဖြင့် ဝါဒဖြန့်နေဆဲဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
#သာဇင်ရွာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကလေးဝမြို့ စခန်းကြီးရွာတိုက်ပွဲအတွင်း စစ်ကောင်စီတပ်ကား ၂စီး မီးရှို့ခံရ၊ လက်နက်ခဲယမ်းများ သိမ်းဆည်းရရှိခဲ့
===================

ကိုခင်မောင်
(မဇ္စျိမ)။ ။ စစ်ကိုင်းတိုင်း ၊ ကလေးမြို့နယ် ၊ စခန်းကြီးရွာတိုက်ပွဲအတွင်း စစ်ကောင်စီတပ်အသုံးပြုသော ယာဥ် နှစ်စီးကို မီးရှို့ဖျက်ဆီးနိုင်ခဲ့ပြီး လက်နက်ခဲယမ်းအများအပြားကိုလည်း သိမ်းဆည်းရရှိခဲ့သည်ဟု အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF) (စစ်ရုံးချုပ်) မှ ဇွန်လ ၁၇ရက်စွဲဖြင့် သတင်းထုတ်ပြန်သည်။

ကလေးဝမြို့နယ်၊ စခန်းကြီးရွာအနီးတွင် ကလေးဝမြို့မှတစ်ဆင့် မင်းကင်းမြို့နယ်သို့ ယာကြီးလမ်းအတိုင်း လူ၊ လက်နက်၊ ရိက္ခာပို့ရန် Faw ကား သုံးစီးအပါအဝင် (၃၆၂-ကျီကုန်းအခြေစိုက်မှ)၊ ရဲနှင့်ပျူစောထီးအင်အား ၁၃၀ ဦးခန့်ဖြင့် မောင်းနှင်လာသော စစ်ကောင်စီတပ်စစ်ကြောင်းကို ပြည်သူ့ကာကွယ်ရေးတပ်မတော်(PDF) (ကလေးခရိုင်) အမှတ်(၉) တပ်ရင်းက ဇွန်လ ၁၆ရက် နံနက် ၇နာရီ ၄၅မိနစ်အချိန်တွင် ကြားဖြတ်တိုက်ခိုက်ရာမှ သိမ်းဆည်းရရှိခြင်းဖြစ်ကြောင်း သိရသည်။

" စစ်တပ်ဖက်က အထိအခိုက်အကျအဆုံး များပါတယ်၊ စစ်ရေးက တင်းမာနေဆဲပါပဲ " ဟု Kalaywa PDF မှ တာဝန်ရှိသူတစ်ဦးက မဇ္ဈိမကို ပြောသည်။

အဆိုပါ တိုက်ပွဲအတွင်း Faw ကားနှစ်စီးကို မီးရှို့ဖျက်ဆီးနိုင်ခဲ့ပြီး MA-11 သေနတ် နှစ်လက်၊ G-3 နှစ်လက်၊ MA-11 ကျည်ဘောက်သုံးခု၊ G-3 ကျည်ဘောက် ခြောက်ခု၊ MG (3) ငါးကြင်းမြှီး တစ်လက်၊ MA-7 60 MM တာဝေးစိန်ပြောင်း တစ်လက်၊ 60 MM ဗုံးသီးများ၊ RPG ထိပ်ဖူး ငါးလုံး၊ အီနာဂါ ဗုံးသီးငါးလုံး၊ .38 Webly Wesson ခြောက်လုံးပြူး တစ်လက်၊ Jammer တစ်လုံး၊ M-14 နင်းမိုင်း နှစ်လုံး၊ လက်ပစ်ဗုံး အလုံး ၃၀ ကျော်၊ ကျည်ဆန်များနှင့် တခြားဆက်စပ်ပစ္စည်းများ သိမ်းဆည်းရရှိခဲ့သည်ဟု ထုတ်ပြန်ချက်တွင် ဖော်ပြသည်။

တိုက်ပွဲအတွင်း စစ်ကောင်စီတပ်ဘက်မှ အထိအခိုက် ကျဆုံးမှုအခြေအနေကို စိစစ်ဆဲဖြစ်ပြီး ပြည်သူ့ကာကွယ်ရေးတပ်မတော်သားများ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။

စာတည်း - သန့်ဇော်(သန်လျင်)

#mizzima
#ကလေးမြို့နယ်
#စခန်းကြီးရွာတိုက်ပွဲ
#စစ်ကောင်စီတပ်
#KalaywaPDF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တရုတ်လေဆိပ်မှာ ဝင်ခွင့်မရပဲစောင့်ဆိုင်းခံခဲ့ရတဲ့ အာဂျင်တီးနား ကစားသမားမက်ဆီ

Full Video Link --https://www.youtube.com/watch?v=P1TtZlnDnLM

#reels #shorts #celecity #Mizzima #Messi

“လိင်ပိုင်းဆိုင်ရာ အကြမ်းဖက်မှု ကျူးလွန်တာတွေကို ထောက်ပြချင်တာလည်းပါသလို၊ အမျိုးသမီးတွေကို ဒီပဋိပက္ခထဲမှာ ပစ်မှတ်လိုထားပြီးတော့မှ လိင်အကြမ်းဖက်မှု ကျူးလွန်နေတာတွေ လျော့နည်းဖို့ရည်ရွယ်သလို၊ ဒီကျူးလွန်မှုတွေနဲ့ ပတ်သက်ပြီးတော့ ကိုင်တွယ်ဖြေရှင်းတာတွေ ထိထိရောက် မလုပ်ဆောင်နေတာကို မီးမောင်းထိုးပြချင်တယ်”ဟု ယင်းစာတမ်းကို ထုတ်ပြန်ရသည့် အကြောင်းရင်းအား ၎င်းကဆက်ပြောသည်။

စစ်ကောင်စီတပ်ဖွဲ့က ကျူးလွန်သည့်အမှုများ၊ အခြား လက်နက်ကိုင်အဖွဲ့များက ကျူးလွန်မှုများနှင့် အရပ်သားအချင်းချင်း ကျူးလွန်သောအမှုများဟု ကဏ္ဍသုံးခုခွဲခြားထားကြောင်း မြန်မာ့အမျိုးသမီးသမဂ္ဂ၏ သုံးသပ်ချက်စာတမ်းတွင် တင်ပြထားသည်။

စစ်ကောင်စီတပ်ဖွဲ့က ကျူးလွန်သည့် အမှုများတွင် လိင်ပိုင်းဆိုင်ရာ အကြမ်းဖက်မှုနှင့် ကာယိန္ဒြေထိပါးနှောင့်ယှက်မှု ကိုးမှုရှိပြီး အချို့အမှုများတွင် စစ်ကောင်စီတပ် အခြေစိုက်စခန်းအနီး အလောင်းများတွေ့ရှိရသည်ဟု ဆိုသည်။

အခြားလက်နက်ကိုင်အဖွဲ့များ ကျူးလွန်မှုများ ဆိုသည့်အထဲတွင် PDF များပါဝင်သည့် လိင်ပိုင်းဆိုင်ရာအကြမ်းဖက်မှုနှင့် နှောင့်ယှက်ခြင်းဆိုင်ရာအမှု လေးမှု ပါဝင်ကြောင်း စာတမ်းတွင် တွေ့ရသည်။
စစ်ကိုင်းတိုင်းအတွင််း ဒေသကာကွယ်ရေးတပ်ဖွဲ့ဝင်တစ်ဦးက အမျိုးသမီးတစ်ဦးအား မုဒိန်းကျင့်မှု၊မကွေးတိုင်းတွင် ကာကွယ်ရေးတပ်ဖွဲ့ဝင် တစ်ဦးက တပ်ဖွဲ့ဝင် အမျိုးသမီးတစ်ဦးအား လိင်ပိုင်းဆိုင်ရာ ကိုယ်ထိလက်ရောက် ကျူးလွန်မှု ၊ ကရင်နီပြည်နယ်ရှိ ကာကွယ်ရေး တပ်ဖွဲ့ဝင်တစ်ဦးက အမျိုးသမီးတစ်ဦးအား မုဒိမ်းကျင့်မှု နှင့် စစ်ကောင်စီ သတင်းပေးအား ရှင်းလင်းရာတွင် စစ်ကိုင်းတိုင်းရှိ ကာကွယ်ရေးတပ်ဖွဲ့ဝင်များက အမျိုးသမီး သုံးဦးအား မဒိမ်းကျင့်သတ်ဖြတ်ခဲ့သည့်အမှုတို့ ဖြစ်သည်ဟု ဆိုသည်။

“ကျွန်မတို့ စစ်တမ်းမှာလည်း ပါပါတယ်။ အဲ့ဒီအမှုတွေနဲ့ ပတ်သက်လို့ ကျွန်မတို့ ရထားသလောက်အချက်အလက်တွေနဲ့ ဆိုလို့ရှိရင် ဒီအမှုတွေကို ထိထိရောက်ရောက် ကိုင်တွယ်ဖြေရှင်းပေးတာ မရှိသလို၊ နှုတ်နဲ့ပဲ တောင်းပန်တဲ့ အခြေအနေမျိုးတွေနဲ့ ကျူးလွန်ခံရတဲ့ အမျိုးသမီးတွေကို နှစ်သိမ့်ထားတဲ့ အခြေအနေရှိတယ်။ တကယ်ကို ထိထိရောက်ရောက်ကျူးလွန်တဲ့သူကို အပြစ်ပေးတာမျိုးတွေတော့ ကျွန်မတို့လိုက်လံထားတဲ့ အချက်အလက်တွေထဲတော့ မပါရှိပါဘူး”ဟု မြန်မာ့အမျိုးသမီးသမဂ္ဂရဲ့ ပြောရေးဆိုခွင့်ရှိသူ မသွယ်ဇင်တိုးက ပြောသည်။

အဆိုပါ အချက်အလက်များသည် မြန်မာ့အမျိုးသမီးသမဂ္ဂ၏ မြေပြင်အဖွဲ့မှ ရရှိသော အချက်အလက်များနှင့် မီဒီယာများမှ ရရှိသည့် အချက်အလက်များပေါ်တွင် ရယူထားသော အချက်အလက်များဖြစ်ပြီး ဒီထက်မက ပိုမို များပြားနိုင်ကြောင်း ၎င်းကပြောသည်။
အမျိုးသမီးများအပေါ် လေးစားမှုမရှိသည့် အကြမ်းဖက်မှုများ၊ ထိပါးနှောင့်ယှက်မှုများကို ထိထိရောက်ရောက် အရေးယူခြင်းများ မလုပ်ဆောင်ပါက အချိန်ကြာလာသည်နှင့်အမျှ တော်လှန်ရေးစစ်သည်များ၏ ပုံရိပ်နှင့် ဂုဏ်သိက္ခာ ကျဆင်းနိုင်ပြီး ယုံကြည်မှုများပါ ပျောက်ဆုံးလာနိုင်‌ကြောင်း လူအခွင့်အရေးတက်ကြွလှုပ်ရှားသူ အများစုကဆိုသည်။

“ဒါကြီးကို သေချာမကိုင်တွယ်ရင် တော်လှန်ရေးပေါ်မှာလည်း အတော်ထိခိုက်တယ်။ အကြမ်းဖက်စစ်တပ်ကို တော်လှန်နေတဲ့ တော်လှန်ရေးအဖွဲ့တွေက အမျိုးသမီးတွေအပေါ် ကျူးလွန်နေတဲ့ဟာတွေကို လုံးဝဆန့်ကျင်ဖို့နဲ့ ထိထိရောက်ရောက် အပြစ်ပေးဖို့ လိုအပ်တယ် “ ဟု အမည်မဖော်လိုသည့် လူအခွင့်အရေး တက်ကြွလှုပ်ရှားသူတစ်ဦးက ဆိုသည်။

ဇွန်လ ၁၉ ရက်နေ့သည် အပြည်ပြည်ဆိုင်ရာ ပဋိပက္ခများအတွင်း လိင်ပိုင်းဆိုင်ရာ အကြမ်းဖက်မှုများ ပပျောက်ရေးနေ့ဖြစ်ပြီး မြန်မာ့အမျိုးသမီးသမဂ္ဂက တွေ့ရှိခဲ့ရသည့် သုံးသပ်ချက်များနှင့်အတူ လိင်ပိုင်းဆိုင်ရာ အကြမ်းဖက်မှုများ၊ ထိပါးနှောက်ယှက်မှုများ ပပျောက်စေရန် သက်ဆိုင်ရာ ခေါင်းဆောင်များဆီ အကြံပြု တိုက်တွန်းချက်များလည်း ထည့်သွင်း ဖော်ပြထားသည်ဟု ထုတ်ပြန်ထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#mizzima
#မြန်မာ့အမျိုးသမီးသမဂ္ဂ
#ပဋိပက္ခ
#လိင်ပိုင်းဆိုင်ရာအကြမ်းဖက်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၁၇ ဇွန် ၂၀၂၃) 
======================

ရှမ်းပြည်တောင်ပိုင်းမှာလည်း စစ်ကောင်စီမှ စစ်ဆင်ရေးအတွက် ပြင်ဆင်လာပြီး စစ်ရေးတင်း မာနေခြင်းကြောင့် တိုက်ပွဲများ အချိန်မရွေးဖြစ်လာနိုင်သည်။ .

#SpringRevolution  
#LatestNews  
#Mizzima 
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တို့ဟူးချိုချဉ်ကြော် နဲ့ ကြက်သားအစပ်‌ချက် | Chef Eve's Easy Thai Cooking Show | Ep - 19
===========================

ဒီတစ်ပတ်မှာတော့ Chef Eve ရဲ့ တို့ဟူးချိုချဉ်ကြော် နဲ့ ကြက်သားအစပ်‌ချက် ချက်ပြုတ်ပုံကို တင်ဆက်ပေးမှာပဲ ဖြစ်ပါတယ်။

Easy Thai Cooking Show အစီအစဥ်မှာ ထိုင်း စားဖိုမှူး Chef Eve ကနေ ရိုးရှင်းပြီး ကိုယ်တိုင် အလွယ်တကူ လိုက်လုပ်နိုင်မယ့် ထိုင်းမြောက်ပိုင်း အစားအစာတွေကို ပြင်ဆင်ချက်ပြုတ်ပြသသွားမယ့် အစီစဉ်ပဲဖြစ်ပါတယ်။

ဒီအစီစဉ်ကိုတော့ အပတ်စဉ် စနေနေ့ ညနေ ၆ နာရီမှာ Mizzima + Channel ကနေ ကြည့်ရှုနိုင်ပါပြီ။

တီဗီကနေ မကြည့်ရှုလိုက်ရတဲ့ ပရိသတ်တွေကတော့ Mizzima+Youtube နဲ့ Mizzima Application တို့ကနေ ကြည့်ရှုနိုင်ပါပြီ။

https://youtu.be/PshJsersqNI

#EasyThaiCookingShow
#ChefEve
#NorthernThailandFood
#thaifood
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ချစ်သူနဲ့စေ့စပ်လိုက်ပြီဖြစ်တဲ့ အိန္ဒိယမင်းသား Varun Tej

Full Video Link --https://www.youtube.com/watch?v=P1TtZlnDnLM

#reels
#shorts
#celecity
#Mizzima

Two Years After Coup (Episode-4)
=============

ရန်ကုန်က စက်ရုံအလုပ်သမတွေရဲ့ ဘဝကို ခံစားရမှာဖြစ်ပါတယ်။
Two Years After Coup အစီအစဉ်ရဲ့ အပိုင်း (၄) ဖြစ်ပါတယ်။

https://youtu.be/pBuvq8knURg
 
#two_years_after_coup #episode4 #ရုန်းကန်သံ #SOSMYANMAR
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

တို့ဟူးချိုချဉ်ကြော် | Chef Eve's Easy Thai Cooking Show | Ep - 19

Watch more detail- https://youtu.be/PshJsersqNI

#reels #shorts #တို့ဟူး #ချိုချဉ်ကြော် #ChefEve’s

"ကမ္ဘာမကြေဘူး" သီချင်းဖွင့်ကာ စစ်အာဏာရှင်ဆန့်ကျင်ရေးလှုပ်ရှားမှု ပြုလုပ်
======================

ဂန္ဒမာ (မဇ္ဈိမ)။ ။ ရန်ကုန်မြို့ရှိ ဈေးတစ်နေရာ၌ "ကမ္ဘာမကြေဘူး" သီချင်းဖွင့်ကာ စမ်းချောင်းပင်မသပိတ်စစ်ကြောင်း(SC Strike) မှ ရဲဘော်များက ယနေ့ ဇွန်လ ၁၇ ရက်နေ့တွင် စစ်အာဏာရှင်ဆန့်ကျင်ရေးလှုပ်ရှားမှုပြုလုပ်ခဲ့ကြသည်။

"မြို့ပြမှာ ပြည်သူများနှင့်အတူ တော်လှန်ရေးအင်းအားစုများအတူရှိနေပြီး စစ်အာဏာရှင်ကို ရရာနည်းမျိုးစုံနဲ့တော်လှန်နေကြောင်း ပြည်သူများကို သိစေချင်တယ်။ ပြည်သူများရဲ့ ရင်တွင်းခံစားချက်များဖြစ်တဲ့ “ ကမ္ဘာမကြေဘူး”သီချင်းကို လူထုဆီချပြရင်း ပြည်သူများတော်လှန်ရေးကို အာရုံစိုက်စေချင်တာပါ။ အကြမ်းဖက်စစ်တပ်ကိုလည်း ငါတို့ဘက်မှ ပြည်သူရှိတယ်ဆိုတာကို မီးမောင်းထိုးပြပြီး မင်းတို့တစ်နေ့ နိဂုံးချုပ်ရမယ်လို့ သတင်းစကား ပါးချင်တာပါ။" ဟူ၍ လှုပ်ရှားမှုပြုလုပ်ရခြင်း ရည်ရွယ်ချက်ကို စမ်းချောင်းပင်မသပိတ်စစ်ကြောင်း ဥက္ကဋ္ဌ က မဇ္ဈိမကို ဖြေကြားသည်။

ကမ္ဘာမကြေဘူး"သီချင်းအား ဈေးလမ်းတစ်လျှောက် Sound Box ဖြင့် ဖွင့်လှစ်ခဲ့ပြီး သီချင်းပြီးဆုံးသည်အထိ အဆိုပါနေရာတွင်နေကာ ပြည်သူများအား လှုံ့ဆော်မှုပြုလုပ်ခဲ့ခြင်းဖြစ်ကြောင်း သိရသည်။

"ကျွန်တော်တို့လှုပ်ရှားမှုပြီးတော့ အဲ့ဒီနေရာမှာ ဘာမှ ပြဿနာဖြစ်တာမျိုး၊ အစစ်အဆေးလုပ်တာမျိုးတော့ မရှိဘူး။ လုပ်ခဲ့တဲ့ရဲဘော်တွေလည်း ဘေးကင်းကင်းနဲ့လုံလုံခြုံခြုံရှိနေပါတယ်။ နောက်ဆက်တွဲအနေနဲ့ကတော့ အများပြည်သူ သွားလာနေတဲ့ဈေးမှာ လုပ်ခဲ့တာဆိုတော့ ပြည်သူတချို့ရဲ့ ထိတ်လန့်မှုတော့ရှိတယ်။ ဒါပေမယ့် ကျွန်တော်တို့က ကျွန်တော်တို့ဦးတည်ချက်ဖြစ်တဲ့ ကမ္ဘာမကြေဘူးသီချင်းကို လူထုကြားထဲမှာ ပျံ့နှံ့စေပြီး လူထုကိုလှုံ့ဆော်တဲ့သဘောဆိုတော့ သီချင်းပြီးတဲ့အထိ အဆင်ပြေခဲ့ပါတယ်။"ဟု SC Strike မှ အိုမီက မဇ္ဈိမ ကို ပြောသည်။

စစ်တပ်၏ အာဏာသိမ်းမှုဟာ မအောင်မြင်သော အာဏာသိမ်းမှုသာဖြစ်ပြီး တော်လှန်ရေး နှစ်နှစ်ကျော်ကာလအတွင်း ပြည်တွင်းအင်အားစုများ၏တော်လှန်မှုကြောင့် စစ်ကောင်စီသည် နိုင်ငံတကာဆက်ဆံမှု ၊ သံတမန်ရေးရာ ၊ စစ်ရေး အစရှိသဖြင့်အဘက်ဘက်တွင် ရှုံးနိမ့်နေကာ မြို့ပြပြည်သူများသည်လည်း စစ်အာဏာရှင်ကို အမြစ်လှန်ဖို့စောင့်နေပြီဖြစ်ကြောင်း တော်လှန်ရေးအင်အားစုတစ်ခုမှ ရဲဘော်များက ဆိုသည်။

တော်လှန်ရေးကာလ နှစ်နှစ်ကျော်ကြာလာပြီးနောက် မြို့ပြတွင် လုထုသပိတ်များနည်းပါးသွားခြင်းမှာ လုံခြုံရေးအခြေအနေကို ဦးစားပေးနေရခြင်းကြောင့်ဖြစ်ပြီး သပိတ်တိုက်ပွဲများမှာလည်း တော်လှန်ရေးအရွေ့အပြောင်းအတိုင်း ဆင့်ကဲပြောင်းလဲမှုများဖြစ်ကာ လူထုသပိတ်၊ ပြောက်ကျားသပိတ်၊ အွန်လိုင်းကမ်ပိန်းသပိတ်၊ စတစ်ကာကပ်ခြင်း၊ ဘန်နာချိတ်ခြင်း စသည်ဖြင့် လုံခြုံလျှို့ဝှက်သည့် နည်းလမ်းများဖြင့် ရှေ့ဆက်တိုက်ပွဲဝင်လျက်ရှိကြောင်း မြေပြင်သပိတ်အဖွဲ့အစည်းများက မဇ္ဈိမကို ဖြေကြားသည်။

https://youtu.be/_ghNlyQ96pE

စာတည်း - သန့်ဇော်(သန်လျင်)

#mizzima
#ကမ္ဘာမကြေဘူး
#သီချင်း
#စစ်အာဏာရှင်ဆန့်ကျင်ရေး
#SCStrike
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

China says AIIB operates with 'openness, meritocracy and transparency'
=====================

https://youtu.be/O8b5SE3ct3g

မနှိမ်ကြေး- I am proud of myself "
==========

"ဘာလိုလို့လဲ" ဇာတ်လမ်းတွဲမှ "မနှိမ်ကြေး" ဆိုတဲ့ နောက်ထပ် ဇာတ်လမ်းတိုတပုဒ်

ဂေးဆိုတဲ့ လိင်တူချင်း ချစ်သူတွေကို ခွဲခြား ဆက်ဆံသင့်ပါသလား....

သူတို့ရဲ့ မွေးရာပါ ဖြစ်တည်မှုတွေကို အသိအမှတ်မပြုသင့်ဘူးလား။

စတဲ့ အကြောင်းအရာတွေ ဖော်ပြထားတဲ့ ဇာတ်လမ်းတို

ကြည်နူးကကော ဒီဇာတ်လမ်းမှာ ဘယ်နေရာက ပါမှာလဲ...?

သတင်းနှင့်မီဒီယာကွန်ရက် (NMG) က လူငယ် အနုပညာရှင်တွေနဲ့ လက်တွဲ ထုတ်လုပ်တဲ့ အစီအစဉ် အပတ်စဉ် စနေနေ့ ညနေ ၆ နာရီမှာ Mizzima ရဲ့ ရုပ်သံတီဗွီမှာကြည့်ရှုနိုင်ပါတယ်။

အပတ်စဉ် တနင်္ဂနွေနေ့ နံနက် ၁၁း၃၀ နာရီ နဲ့ ည ၉း၄၅ နာရီ အပြင် ဗုဒ္ဓဟူးနေ့ မွန်းလွှဲ ၁း၁၅ နာရီ အချိန်တို့တွင်လည်း ပြန်လည်ထုတ်လွှင့်ပေးမှာ ဖြစ်ပါတယ်။

အောက်ပါလင့်တွေမှာလည်း သွားရောက်ကြည့်ရှုနိုင်ပါတယ်။

https://youtu.be/XWYTapIPGcY

​​အမျိုးသားညီညွတ်ရေး အစိုးရ
============

• စစ်ကိုင်းတိုင်း၊ ကလေးဝမြို့နယ်ထဲက စခန်းကြီးရွာတိုက်ပွဲအတွင်း ရန်သူ့တပ်က လက်နက်ခဲယမ်းများ သိမ်းဆည်းရရှိခဲ့ပြီး Faw ကား ၂စီးကို မီးရှို့ဖျက်ဆီးခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေး ဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ (စစ်ရုံးချုပ်) ကဒီနေ့မှာ အသိပေးထုတ်ပြန်လိုက်သည်။

• အမျိုးသားညီညွတ်ရေးအစိုးရ၊ အလုပ်သမားဝန်ကြီးဌာနအနေနဲ့ စိုးမိုးနယ်မြေတွေမှာရှိသည့် အလုပ်သမား များ အတွက် အလုပ်အကိုင်များ ဖန်တီးရန် ကြိုးစားဆောင်ရွက်လျက် ရှိပြီး အလုပ်သမားများ၏ အခွင့် အရေး နှင့် အတူ မြန်မာပြည်သူတွေရဲ့ အခြေခံအခွင့်အရေးများကာကွယ်နိုင်ရန် လုပ်ဆောင်နေကြောင်း ပြည်ထောင်စုဝန်ကြီးနိုင်သု၀ဏ္ဏက ပြောသည်။

• နွေဦးတော်လှန်ရေးကာလတွင် LGBTQIA+ အသိုင်းအဝိုင်းရဲ့စွမ်းဆောင်ရည်ကို အမျိုးသား ညီညွတ်ရေး အစိုးရ၊ ၊ အမျိုးသမီး၊ လူငယ်နှင့် ကလေးသူငယ် ရေးရာ ဝန်ကြီးဌာနက လေးစားစွာ ဦးညွတ်ဂုဏ်ပြုကြောင်း ၂၀၂၃ ခုနှစ် Pride Month အမှတ်တရ တိုက်တွန်းအားပေးချက်တွင် ဖော်ပြထားသည်။

• စာသင်ကျောင်းများကို ပစ်မှတ်ထား တိုက်ခိုက်တာက လူမဆန်ကြမ်းကြုတ်သည့် စစ်ရာဇဝတ်မှုကျူး လွန်ခြင်း ဖြစ်ကြောင်း NUG ပညာရေးဝန်ကြီးဌာနအနေဖြင့် အပြင်းအထန်ရှုတ်ချကြောင်းထုတ်ပြန်သည်။

• International Conference of Emergency Medicine 2023 သို့ ကျန်းမာရေးဝန်ကြီးဌာန အမြဲတမ်း အတွင်းဝန် ဒေါက်တာဥက္ကာ တက်ရောက်ပြီး အကြမ်းဖက်စစ်တပ်၏ ကျန်းမာရေးဝန်ထမ်းများ ဆေးရုံ ဆေးပေးခန်းများကို ဖျက်ဆီးနေသည်များကို ဆွေးနွေးတင်ပြခဲ့သည်။

• အကြမ်းဖက်စစ်တပ်ကြောင့် စစ်ဘေးရှောင်နေရသည့် ပြည်သူများနှင့် မိုခါမုန်တိုင်းဒဏ်သင့် ပြည်သူများ အတွက် စားနပ်ရိက္ခာနှင့် အမိုးအကာများကို အမျိုးသားညီညွတ်ရေးအစိုးရ၊ လူသားချင်းစာနာထောက် ထားရေးနှင့် ဘေးအန္တရာယ်ဆိုင်ရာ စီမံခန့်ခွဲ‌ရေးဝန်ကြီးဌာနက ကူညီထောက်ပံ့ပေးနေကြောင်း အသိပေးထုတ်ပြန်သည်။

• တရက်အတွင်း အကြမ်းဖက်စစ်ကောင်စီတပ်သား ၄၅ဦးကို PDFတပ်ဖွဲ့က ပြည်သူ့ခုခံတော်လှန်စစ်အရ ရှင်းလင်းနိုင်ခဲ့ကြောင်း အမျိုးသားညီညွတ်ရေးအစိုးရ ၊ ပြည်ထဲရေးနဲ့ လူဝင်မှုကြီးကြပ်ရေးဝန်ကြီးဌာန ထုတ်ပြန်သည်။

ကြက်သားအစပ်‌ချက် | Chef Eve's Easy Thai Cooking Show | Ep - 19

Watch more detail- https://youtu.be/PshJsersqNI

#reels #shorts #ကြက်သား #ChefEve’s #Mizzima

POWER CUTS
=============

https://youtu.be/CNwxRjZutUg

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​စစ်ကောင်စီပါမည့် ထိုင်းအစိုးရ၏ အစည်းအဝေးသို့ ဖိတ်ကြားခံရသည့်နိုင်ငံများ မတက်ရောက်ရန် NUG ပန်ကြား
===============

002
စစ်ကောင်စီပါဝင်မည့် ထိုင်းအစိုးရ၏ မြန်မာ့အရေး Track 1.5 အစည်းအဝေးသို့ ဖိတ်ကြားခံရသည့်နိုင်ငံများ မတက်ရောက်ရန် NUG နိုင်ငံခြား ရေးက တောင်းဆိုလိုက်သည်။

" ထိုင်းနိုင်ငံခြားရေးဝန်ကြီးအနေဖြင့် ယုတ္တိမတန်သော၊ အဆင့်သင့်မဖြစ်သေးသော အဆိုပါ အစည်းအဝေးကို ဖျက်သိမ်းရန်နှင့် ဆွေးနွေးပွဲသို့တက်ရောက်ရန် ဖိတ်ကြားခံရသော နိုင်ငံများ အနေဖြင့်လည်း အဆိုပါအစည်းအဝေးသို့ တက်ရောက် ခြင်းမပြုကြရန် တောင်းဆိုအပ်ပါသည်" ဟု NUG ကဆိုသည်။

ဆွေးနွေးပွဲသို့ စစ်အုပ်စုအား ဖိတ်ကြားခြင်းသည် မြန်မာနိုင်ငံ၏ နိုင်ငံရေး ပြဿနာရပ်များကို အဖြေရှာနိုင်မည် မဟုတ်သည့်အပြင် မြန်မာ့ ဒီမိုကရေစီ၊ တရားမျှတမှုနှင့် လူ့အခွင်အရေးအတွက် ကြိုးပမ်းတိုက်ပွဲဝင်နေမှုများ ပျက်ရယ် ပြုရာ ရောက် ကြောင်း၊ မြန်မာလူထုအပေါ် နေ့စဉ် အကြမ်းတမ်း အရက်စက်ဆုံး နည်းလမ်းများကို အသုံးပြု၍ ဖိနှိပ်နေသည့် အကြမ်းဖက်စစ်အုပ်စုကို အသိအမှတ် ထောက်ခံရာ ရောက်နိုင် ကြောင်း NUG က မှတ်ချက်ပြုသည်။

ထို့ပြင် အာဆီယံမူများကို ပြောင်ပြောင်တင်းတင်း ချိုးဖောက် ခြင်းဖြစ် ကြောင်း၊ အကြမ်းဖက် စစ်အုပ်စုအား ဆွေးနွေးပွဲသို့ ဖိတ်ကြားမှုအား ကန့်ကွက် ကြောင်း၊ မြန်မာနိုင်ငံအတွင်း ဆိုးရွားနေပြီးဖြစ်သော အကြောင်းအရာများကိုပိုမိုဆိုးရွား သွားအောင် မပြုလုပ်ကြရန်နှင့် စစ်အုပ်စုက ပြည်သူလူထုအပေါ် အကြမ်းဖက်မှု နှင့် စစ်ပွဲဆင်နေခြင်းများကို ဆက်လက်ပြုလုပ် နိုင်စေမည့် အားပေးအားမြောက်ပြု ထောက်ခံခြင်းများကိုလည်း မပြုလုပ်ကြရန် တောင်းဆို ကြောင်း NUG က ထုတ်ပြန်သည်။

လက်ရှိထိုင်းအစိုးရအနေဖြင့် မြန်မာပြည်သူလူထု၏ ဆန္ဒကို အလေးထားလျက် မြန်မာနိုင်ငံအား ဒီမိုကရေစီ လမ်းကြောင်းပေါ် ပြန်လည်ရောက်ရှိရေးအတွက် ကြိုးပမ်းနေသည့် အမျိုးသားညီညွတ်ရေးအစိုးရ၊ တိုင်းရင်းသားတော်လှန်ရေး အဖွဲ့အစည်းများ အပါအဝင် သက်ဆိုင်သူအားလုံးနှင့် ထိတွေ့ ဆက်ဆံ၍ နယ်စပ်ဒေသ လုံခြုံတည်ငြိမ်ရေး၊ နှစ်နိုင်ငံ ပြည်သူများ အေးချမ်းသာယာရေးနှင့် နှစ်နိုင်ငံဆက်ဆံရေး တိုးတက်ကောင်းမွန် ရေးတို့အတွက် ပူးပေါင်းဆောင်ရွက်ရန် အလေးအနက်ထား တိုက်တွန်းအပ် ကြောင်း NUG နိုင်ငံခြားရေးဝန်ကြီးဌာနက ထုတ်ပြန်သည်။

လက်ရှိထိုင်းအစိုးရသည် ဇွန်လ ၁၈ ရက်မှ ၁၉ ရက်အထိ ထိုင်းနိုင်ငံတွင် မြန်မာနိုင်ငံအရေးနှင့်ပတ်သက်၍ အလွတ်သဘော ဆွေးနွေးပွဲကို ကျင်းပမည်ဖြစ်ပြီး စစ် ကောင်စီနိုင်ငံခြားရေးဝန်ကြီး ဦးသန်း ဆွေ တက် ရောက်မည်ဖြစ်သည်။

ထို့ပြင် အာဆီယံနိုင်ငံများကိုလည်း ဆွေးနွေးပွဲတက်ရောက်ရန် ဖိတ်ကြားထားသည်။ ထိုင်းနိုင်ငံက ပြုလုပ်ရန်စီစဉ်နေသည့် ဆွေးနွေးပွဲမှာ ဒုတိယအကြိမ်ဖြစ်ပြီး ပထမအကြိမ်တွင် စစ်ကောင်စီ နိုင်ငံခြားရေးဝန်ကြီး ဝဏ္ဏမောင်လွင် တက်ရောက်ခဲ့သည်။

Look out for the next Green Tribe show on Mizzima
================

https://youtu.be/s0DSkxhWaVU

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Weekend News Roundup
=========================

ဒီအစီအစဥ်မှာ ပြီးခဲ့တဲ့ သီတင်းပတ်အတွင်း Mizzima က ထုတ်လွှင့်ခဲ့တဲ့ သတင်းတွေထဲက စိတ်၀င်စားဖွယ်နဲ့ အရေးကြီးသတင်းတွေကို ရွေးချယ်ပြီး ပြန်လည် ထုတ်လွှင့်ပေးသွားမှာပါ။

-ကရင်နီပြည်နယ်တွင် Starlink အင်တာနက် စတင်အသုံးပြု တဲ့ သတင်း

-ထိုးစစ်ကို ရုရှားကပြင်းပြင်းထန်ထန်ခုခံနေပေမဲ့ ယူကရိန်းဘက်ကခိုင်မာတဲ့တိုးတက်မှုတွေ ရှိနေကြောင်းပြောကြား တဲ့သတင်း

-မိမိရဲ့ ရာထူးနေရာအပြောင်းအလဲဟာ မဟာမိတ်တွေအပေါ် မူတည်ကြောင်း နေတိုးအကြီးအကဲပြောကြား တဲ့သတင်း

-အာဏာသိမ်းပြီးနောက် နိုင်ငံခြားရင်းနှီးမြှုပ်နှံမှု ဆက်တိုက်ကျဆင်း တဲ့ သတင်း

-အိန္ဒိယက မြန်မာကို ရူပီးဖြင့် ကုန်သွယ်မှု အမြန်စတင်ဖို့ တောင်းဆိုတဲ့သတင်း

https://youtu.be/1M5yPzHeR80

#weekendnewsroundup
----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ (၁၇) ရက်၊ စနေနေ့ ညပိုင်း မဇ္ဈိမရေဒီယိုအစီအစဉ်
=============

ဒီကနေ့ညမှာတော့ အကျဉ်းကျခံ သမ္မတဦးဝင်းမြင့် တောင်ငူထောင်တွင်းမှာ ဆီးပိုက်တပ်ထားရတဲ့သတင်းနဲ့အတူ ထိုင်းနိုင်ငံမှာ မြန်မာ့အရေး Track 1.5 ဆွေးနွေးပွဲကျင်းပသွားဖို့ရှိနေပြီး

စစ်ကောင်စီနိုင်ငံခြားရေးဝန်ကြီး ဦးသန်းဆွေကိုပါ ဖိတ်ကြားထားတဲ့ သတင်းအပါအဝင် နောက်ဆုံးရပြည်တွင်းသတင်းတွေ၊ တစ်ပတ်အတွင်းနိုင်ငံတကာသတင်းတွေနဲ့ တစ်ပတ်အတွင်း

စီးပွားရေးသတင်းတွေကိုနားဆင်ကြရမှာပါ။

အဲ့ဒီနောက်မှာတော့ အပတ်စဉ်တင်ဆက်နေကျဖြစ်တဲ့ သံစဉ့်အိမ်အစီအစဉ်ကို နားဆင်ရမှာပါ။

https://youtu.be/KMhCat2Q2c8

#Eveningradio
#mizzimaradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U