Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​KIA ဌာနချုပ် လိုင်ဇာအနီးရှိ နေရပ်ပြန် နမ့်ဆန်ယန်ကျေးရွာတွင် စစ်ရေးတင်းမာနေ
======================

အဂမ်
(မဇ္ဈိမ) ။ ။ ကချင်လွတ်မြောက်ရေးတပ်မတော် (KIA) ဌာနချုပ်၊ လိုင်ဇာအနီးရှိ နမ့်ဆန်ယန်ကျေးရွာတွင် စစ်ရေးတင်းမာနေဆဲနေပြီး တိုက်ပွဲများ ဆက်လက်ဖြစ်ပွား၍ ပြင်းထန်လာမည်ကို စိုးရိမ်နေကြကြောင်း နေရပ်ပြန် နမ့်ဆန်ယန်ဒေသခံများက မဇ္ဈိမကို ပြောသည်။
ကေအိုင်အေဌာနချုပ်တည်ရှိရာ လိုင်ဇာ၏ ဝင်ပေါက်အနီး မြစ်ကြီးနား- ဗန်းမော် ပြည်ထောင်စုလမ်းမကြီးပေါ်က နမ့်ဆန်ယန်ကျေးရွာအနီးသို့ စစ်ကောင်စီတပ်က ရုတ်တရက် စစ်ရေးလှုပ်ရှားလာသည့်အတွက် KIA တပ်တို့အကြား စစ်ရေးတင်းမာလာခြင်း ဖြစ်သည်။

ပြီးခဲ့သည့် ဇွန်လ ၁၆ ရက်နေ့ ညနေ ၃ နာရီခန့်က စတင်ပြီး အောင်ဂျာကျေးရွာတွင် တပ်စွဲအထိုင်ချထားသည့် စစ်ကောင်စီ၏ ခလရ (၁၃) တပ်မှ စစ်အင်အား ၁၀၀ ဝန်းကျင်ဖြင့် နမ့်ဆန်ယန်ကျေးရွာအနီးသို့ တစ်ဖက်သတ် စစ်ရေးလှုပ်ရှားလာခြင်း ဖြစ်သည်။
နမ့်ဆန်ယန်ကျေးရွာအနီးရှိ ရွှေတူးဖော်နေသူများကို လိုက်လံဖမ်းဆီးရန် စစ်တပ်က ယခုလို တစ်ဖက်သတ် စစ်ရေးလှုပ်ရှားလာခြင်းဖြစ်ကြောင်း မဇ္ဈိမ၏ မြေပြင်သတင်းအဖွဲ့က ကနဦးစုံစမ်း သိရှိရသည်။

စစ်ကောင်စီတပ်အနေဖြင့် မည်သည့်အကြောင်းပြချက်နှင့်မဆို နမ့်ဆန်ယန်ချောင်း တစ်ဖက်သို့ ဝင်ရောက်ခွင့်မရှိသည့်အတွက် KIA တပ်က ကြားဖြတ်တိုက်ခိုက်ရာ နမ့်ဆန်ယန်ကျေးရွာအနီးတွင် ယခုလို တိုက်ပွဲများ ပြန်လည်ဖြစ်ပွားခဲ့ခြင်း ဖြစ်ကြောင်း နမ့်ဆန်ယန် ဒေသခံက မဇ္ဈိမကို ပြောသည်။

"ရွှေတူးတဲ့သူတွေကို ဖမ်းဖို့ဆိုပြီး နမ့်ဆန်ယန်ရွာဘက်ကို ခြေလျင်နဲ့ စစ်ကြောင်း ထိုးလာတာ၊ ဒီဘက်ကလည်း အစကတည်းက ဝင်ခွင့်မပြုထားတဲ့ နေရာဖြစ်တဲ့အတွက် သူတို့ဘက်ကနေကျော်ပြီး ဝင်လာတော့ ဒီကလည်း ပစ်တာပေါ့" ဟု နမ့်ဆန်ယန်ဒေသခံက ပြောသည်။
တစ်နာရီခန့်ကြာ ဖြစ်ပွားခဲ့သော ဇွန်လ ၁၆ ရက်နေ့က တိုက်ပွဲတွင် KIA ဘက်မှ လက်နက်ခဲယမ်းများလည်း သိမ်းဆည်းရရှိခဲ့ကြောင်း ကနဦး စုံစမ်းသိရသည်။

နမ့်ဆန်ယန်ကျေးရွာသည် ပြီးခဲ့သည့် ၂၀၁၁ ခုနှစ် ကချင်ဒေသတွင်း တစ်ကျော့ပြန်တိုက်ပွဲများ ပြန်လည်ဖြစ်ပွားခဲ့စဥ် စစ်တပ်နှင့် ကေအိုင်အေတပ်တို့အကြား တိုက်ပွဲအပြင်းထန်ဆုံးသော ရှေ့တန်းစစ်မျက်နှာ ဖြစ်ခဲ့သည်။

ယင်းကြောင့် နမ့်ဆန်ယန်ကျေးရွာပြည်သူများလည်း စစ်ဘေးရှောင်ခဲ့ကြရပြီးနောက် နှစ်ဖက်တပ်၏ သဘောတူညီချက်ဖြင့် ၂၀၁၈ ခုနှစ်၊ ဒီဇင်ဘာလတွင် ပထမဆုံး ပြန်လည်အခြေချ နေထိုင်ခဲ့ကြသည့် နေရပ်ပြန် စံပြကျေးရွာကြီးဖြစ်သည်။

နမ့်ဆန်ယန်ကျေးရွာ ဒေသခံပြည်သူများ လုံခြုံစွာ နေရပ်ပြန်လည်နေထိုင်ရန် နမ်ဆန်ယန်ကျေးရွာအနီး လက်နက်ကိုင်နှစ်ဖက်စလုံးမှ ဝင်ရောက်တပ်စွဲခြင်းမပြုရန် သဘောတူညီမှုရယူထားသော်လည်း အာဏာသိမ်းပြီးနောက်ပိုင်း စစ်တပ်က နမ့်ဆန်ယန်ကျေးရွာအတွင်းသို့ ဝင်ရောက်တပ်စွဲနေရာယူရန် အကြောင်းပြချက်အမျိုးမျိုးဖြင့် ကြိုးစားနေခြင်းဖြစ်သည်ဟု ဒေသခံများက ဆိုသည်။

လက်ရှိအချိန်တွင် စစ်ကောင်စီတပ်အနေဖြင့် ပြန်လည် တပ်ဆုတ်ခွာသွားပြီဖြစ်သော်လည်း နှစ်ဖက်တပ်များအကြား အသင့်အနေအထားဖြင့် စောင့်ကြည့်နေကြဆဲဖြစ်ကြောင်း KIA ရှေ့တန်းစစ်ရေးအဖွဲ့က မဇ္ဈိမကို ပြောသည်။

တိုက်ပွဲဖြစ်ခဲ့သည့် ဇွန်လ ၁၆ရက်နေ့ကစပြီး ဇွန် ၁၉ ရက်နေ့အထိ လိုင်ဇာမြို့မှ မြစ်ကြီးနား- ဗန်းမော်ဘက်သို့ သွားသည့်ယာဉ်လိုင်းများအားလုံးကို ထွက်ခွင့်ပိတ်ထားခဲ့သော်လည်း လက်ရှိမှာ ယာဉ်လိုင်းများ ပြန်လည်ထွက်ခွာနေပြီဟု နမ့်ဆန်ယန် ဒေသခံများက ပြောသည်။

စစ်ကောင်စီတပ်အနေဖြင့် အာဏာသိမ်းပြီးနောက် ၂၀၂၂ ခုနှစ် ဩဂုတ်လမှာ တစ်ကြိမ် နမ့်ဆန်ယန်ကျေးရွာတွင်းသို့ ဝင်ရောက်ရန်ကြိုးစားလာခြင်းကြောင့် KIA တပ်က သွားရောက်ပစ်ခတ်တိုက်ခိုက်ခဲ့ပြီးနောက် တစ်ပတ်ခန့်ကြာ နှစ်ဖက်စစ်ရေးတင်းမာမှုများ ရှိခဲ့သည်။

စာတည်း။ ။ နောင်နောင်
စာမူတည်းဖြတ်။ ။သန့်ဇော်(သန်လျင်)

#နမ့်ဆန်ယန်
#နေရပ်ပြန်စစ်ရှောင်
#ကချင်KIA
#စစ်ကောင်စီ
#Mizzima

ဓာတ်ပုံ - ဇွန်လ ၁၆ ရက်နေ့တွင် KIA တပ်က ကြားဖြတ်တိုက်ခိုက်ခဲ့စဥ် စစ်ကောင်စီတပ်ဖွဲ့ထံမှ သိမ်းဆည်းရရှိခဲ့သည့် စစ်လက်နက်ပစ္စည်းများ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11👏4🔥1😁1
​​မော်လမြိုင်တွင် ပန်းပျိုးပင် ဝေသူ ဖမ်းဆီးခံရ
================

ဂျူချန်း
(မဇ္ဈိမ)။ ။ မွန်ပြည်နယ်၊ မော်လမြိုင်မြို့၊ ရွှေမြိုင်သီရိရပ်ကွက်၊ လမုတန်းလမ်း၊ ရွှေမြိုင်သီရိဈေးအနီးရှိ နေအိမ်တစ်အိမ်တွင် ဇွန်လ ၁၉ ရက်နေ့ နံနက် ၈နာရီကျော်ခန့်တွင် ပန်းပျိုးပင်များဝေသောကြောင့် ရဲများမှ လာရောက်ဖမ်းဆီးသွားခဲ့ကြောင်း ဒေသခံများမှ သိရသည်။

“အဲ့နေ့ ဈေးထဲကို ဖြတ်သွားတော့ အဲ့လမ်းကြားထဲမှာ ရဲတွေကိုတွေ့တယ်။ ဘာလုပ်လို့လုပ်နေမှန်းတော့ ကိုယ်လည်း မသိဘူး။ ပြီးတော့ သုံးယောက်ကို ဖမ်းသွားတယ်လို့ သိရတယ်” ဟု မျက်မြင်တွေ့ရှိသည့် ဒေသခံတစ်ဦးက ပြောသည်။

ဖမ်းဆီးခံရသည့် နေအိမ်သည် သစ်ခွမင်းသမီး ပျိုးပင်ရောင်းသည့် အိမ်ဖြစ်ပြီး ၁၉ ရက်နေ့ နံနက်ပိုင်းတွင် ပျိုးပင်များကို လမ်းသွားလမ်းလာများနှင့် ဈေးဝယ်သူများအား ဝေငှခဲ့ရာ facebook တွင် live ပါ လွှင့်ခဲ့ကြောင်းနှင့် ဖမ်းဆီးခံရသူများထဲတွင် live လွှင့်ခဲ့သူ ပါဝင်ခြင်းရှိမရှိကိုမူ အတည်မပြုနိုင်ကြောင်း ဒေသခံများက ပြောသည်။

“ပန်းဆိုတာထက် အပင်တွေ ဝေတယ်ပေါ့နော်။ အောင်သပြေတို့၊ စံပယ်တို့ပေါ့နော်။ ပျိုးပင်ပေါက်တွေပဲ။ ဝေပြီးတော့ ရဲတွေဘာတွေရောက်လာပြီး ဖမ်းသွားတယ်။​ ကာယကံရှင်(live လွှင့်သူ) ကို မိလားမမိလားတော့ မပြောတတ်ဘူး။ ဆိုင်မှာလုပ်တဲ့ ကောင်မလေးတွေကိုတော့ ဖမ်းသွားတယ်” ဟု ရပ်ကွက်နေသူတစ်ဦးက မဇ္ဈိမ ကို ပြောသည်။

ဇွန်လ ၁၉ ရက်နေ့တွင် ဖမ်းဆီးသွားသူများအား မော်လမြိင် ဇေယာသီရိ ရဲစခန်း၌ ဆက်လက်ထိန်းသိမ်းထားဆဲဖြစ်ပြီး ယနေ့ ၂၁ ရက်နေ့အထိ ပြန်လွှတ်ပေးခြင်း မရှိသေးကြောင်း ဒေသခံများက ပြောသည်။

ဇွန်လ ၁၉ ရက်နေ့တွင် ဒေါ်အောင်ဆန်းစုကြည်မွေးနေ့ အထိမ်းအမှတ်အဖြစ် ပန်းသပိတ် ဆင်နွှဲကြရန် တော်လှန်ရေးအင်အားစုများ တိုက်တွန်းထားပြီး တစ်နိုင်ငံလုံးအတိုင်းအတာဖြင့် ပန်းသပိတ်ကို ပုံစံအမျိုးမျိုးဖြင့် ပါဝင် ဆင်နွှဲခဲ့ကြသည်။

စစ်ကောင်စီတပ်မှ ဇွန်လ ၁၉ ရက်နေ့တွင် ပန်းပန်သူများ၊ ဘုရားပန်းကပ်သူများနှင့် လူမှုကွန်ရက်တွင် ဒေါ်အောင်ဆန်းစုကြည်အတွက် မွေးနေ့ဆုတောင်းကြောင်း တင်ကြသူများအား လိုက်လံဖမ်းဆီးနေကြရာ တစ်နိုင်ငံလုံးအတိုင်းအတာအနေဖြင့် လူ ၁၀၀ ကျော်ဖမ်းဆီးစစ်ဆေးခံခဲ့ရပြီး အချို့ကို ပြန်လွှတ်ပေးခဲ့သော်လည်း အချို့ကိုမူ ဆက်လက်ထိန်းသိမ်းထားဆဲဖြစ်ကြောင်း သိရသည်။

စာတည်း- သန့်ဇော်(သန်လျင်)

#mizzima
#ပန်းပျိုးပင်
#မော်လမြိုင်မြို့
#ရွှေမြိုင်သီရိရပ်ကွက်
#ဒေါ်အောင်ဆန်းစုကြည်မွေးနေ့
ဓါတ်ပုံ-လူမှုကွန်ရက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🤬5🔥2😁2
မော်လမြိုင်-ရေး-ထားဝယ်လမ်းတွင် လုံခြုံရေးယူ စစ်ဆေးနေသည့် KNLA ပူးပေါင်းတပ်ဖွဲ့များရှိရာသို့ စစ်ကောင်စီတပ်က လက်နက်ကြီးဖြင့် ရမ်းသန်းပစ်ခတ်
🤬10👍4🔥1😁1
မော်လမြိုင်-ရေး-ထားဝယ်လမ်းတွင် လုံခြုံရေးယူ စစ်ဆေးနေသည့် KNLA ပူးပေါင်းတပ်ဖွဲ့များရှိရာသို့ စစ်ကောင်စီတပ်က လက်နက်ကြီးဖြင့် ရမ်းသန်းပစ်ခတ်
==========================

YT
(မဇ္ဈိမ)။ ။မော်လမြိုင်-ရေး-ထားဝယ် အမှတ်(၈)လမ်းမတွင် သွားလာနေသော မော်တော်ယာဉ်များအား လုံခြုံရေးယူစစ်ဆေးနေသည့် KNLA ၊ SOF ၊ PDF ပူးပေါင်းတပ်ဖွဲ့များရှိနိုင်မည့်နေရာသို့ စစ်ကောင်စီ အမြောက်တပ်က လက်နက်ကြီးများဖြင့် ရမ်းသန်းပစ်ခတ်ခဲ့ကြောင်း SOF တာဝန်ခံနှင့် တောင်ပိုင်းတိုင်း J.O.C ၊ အမှတ် (၃) စစ်ဒေသခွဲ၊ ဒု-စစ်ဒေသခွဲမှူးရုံးမှ တာဝန်ရှိသူတဦးထံက သိရသည်။

ဇွန်လ ၂၀ ရက်နေ့ နံနက် ၁၁ နာရီ ၃၀ မိနစ်အချိန်က အမှတ်(၈)ပြည်ထောင်စုလမ်းမကြီး၏ မွန်ပြည်နယ် ဘက်ခြမ်း ရေးမြို့နယ်နှင့် သံဖြူဇရပ်မြို့နယ်ကြားသို့ ဖြတ်သန်းသွားလာသည့်ယာဉ်များအား လုံခြုံရေးယူ စစ်ဆေးနေသည့် ကရင်အမျိုးသားလွတ်မြောက်ရေးတပ်မတော်(KNLA) ၊ အထူးစစ်ဆင်ရေးတပ်ဖွဲ့(SOF)၊ PDF ပူးပေါင်းတပ်ဖွဲ့များရှိနိုင်မည့်နေရာသို့မှန်းဆ၍ ရေးမြို့အခြေစိုက် အမတ (၃၁၇)က ၈၁ မမ လက် နက်ကြီး ငါးလုံးခန့် ပစ်ခတ်ခဲ့ခြင်းဖြစ်သည်။

“သူတို့က ပူးပေါင်းတပ်ဖွဲ့ဝင်တွေ ရှိနိုင်မယ်လို့ထင်တဲ့နေရာတွေကို ရမ်းသန်းမှန်းသန်းနဲ့ ပစ်ခတ်တဲ့ သဘောပါ။ အကြမ်းဖက်စစ်တပ်ဟာ တော်လှန်ရေးရဲဘော်တွေရှိနေတယ်ဆိုတဲ့နေရာတွေကို စစ် ကြောင်း မထိုးရဲတဲ့အတွက် မှန်းဆပြီး လက်နက်ကြီးနဲ့ လှမ်းခြောက်တဲ့သဘောပါ” ဟု တောင်ပိုင်းတိုင်း J.O.C ၊ အမှတ် (၃) စစ်ဒေသခွဲ၊ ဒု-စစ်ဒေသခွဲမှူးရုံးမှ တာဝန်ရှိသူတဦးက မဇ္ဈိမကိုပြောသည်။

အမတ (၃၁၇) မှပစ်ခတ်သော လက်နက်ကြီးကျည်များအနက် သုံးလုံးသည် ဒေသခံများ၏ ရာဘာခြံများ အတွင်း ကျရောက်ပေါက်ကွဲခဲ့ပြီး စစ်ကောင်စီတပ်သားများအနေဖြင့် တော်လှန်ရေးအင်အားစုများရှိရာ နေရာသို့ စစ်ကြောင်းထိုးရန် တပ်ဝင်းထဲမှ ထွက်ခွာနိုင်သည့် အခြေအနေမရှိသည့်အတွက် အဝေးပစ် လက်နက်ကြီးများဖြင့် ပစ်ခတ်နေခြင်းဖြစ်ကြောင်း သိရသည်။

ပြီးခဲ့သည့် ဇွန်လ ၁၈ ရက်နေ့မှစ၍ အမှတ် (၈) လမ်းမကြီး၏ မွန်ပြည်နယ်ဘက်ခြမ်းတွင် တပ်မဟာ( ၆) KNLA တပ်ရင်း (၂၇)၊ SOF၊ PDF ပူးပေါင်းတပ်ဖွဲ့များက နှစ်နေရာခွဲ၍ လုံခြုံရေးယူ စစ်ဆေးနေခြင်းဖြစ်ပြီး ထိုနေ့၌ပင် စစ်ကောင်စီတပ်နှင့် ဆက်နွှယ်နေသည့် လူလေးဦးအား ဖမ်းဆီးရမိခဲ့ကြောင်း၊ အရေးယူနိုင်ရန် ဆောင်ရွက်နေကြောင်း SOF တာဝန်ခံက ဆိုသည်။

ပြီးခဲ့သည့် ဇွန်လ ၁၀ ရက်နေ့က အမှတ်(၈)လမ်းမကြီးပေါ်သို့ ဖြတ်သန်းသွားလာမည့် ယာဉ်များအနေဖြင့် KNLA ပူးပေါင်းတပ်ဖွဲ့များ၏ စစ်ဆေးခြင်းအား ကြည်ဖြူစွာလက်ခံရန်၊ စစ်ကောင်စီနှင့်ပတ်သက်သည့် ပစ္စည်း၊ လူအစရှိသဖြင့် သယ်ယူခြင်းမပြုလုပ်ရန်၊ ပြည်သူများအနေဖြင့် စစ်ကောင်စီတပ်သားများနှင့် အတူ လိုက်ပါစီးနင်းခြင်းမပြုလုပ်ရန် KNLA တပ်ရင်း(၂၇)တပ်ရင်းမှူး စောနယ်ဒါထူးလက်မှတ်ဖြင့် ထုတ်ပြန်ချက်တစောင်ထုတ်ပြန်ခဲ့သည်။

အဆိုပါ အမှတ်(၈)လမ်းမကြီးသည် ကရင်အမျိုးသားအစည်းအရုံး(KNU) တပ်မဟာ(၆)နယ်မြေ၊ ဒူးပလာ ယာခရိုင်နှင့် တပ်မဟာ(၄) မြိတ်၊ ထားဝယ်ခရိုင်တို့အား ဆက်သွယ်ထားသည့်လမ်းမကြီးဖြစ်ပြီး ယခု KNLA တပ်ရင်း (၂၇)၊ SOF ၊ PDF ပူးပေါင်းတပ်ဖွဲ့များ လုံခြုံရေးယူစစ်ဆေးနေသောနေရာသည် KNU တပ် မဟာ(၆)နယ်မြေအတွင်း ဖြစ်သည်။

စာတည်း။ ။စောဖေ
စာမူတည်းဖြတ်။ ။စောဖေ

#မော်လမြိုင်-ရေး-ထားဝယ်လမ်း
#KNUတပ်မဟာ(၆)
#KNLA
#အထူးစစ်ဆင်ရေးတပ်ဖွဲ့(SOF)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬8👍7🔥2👏1
Media is too big
VIEW IN TELEGRAM
မြန်မာ့အရေးအလွတ်သဘောဆွေးနွေးပွဲက နှစ်နိုင်ငံလုံးအတွက် အကျိုးရှိခဲ့ကြောင်း ထိုင်းနိုင်ငံခြားရေးဝန်ကြီး ပြော

Watch more detail -
https://youtu.be/5f_JrMvoOp8

#မြန်မာ့အရေး #ဆွေးနွေးပွဲ #ထိုင်းနိုင်ငံခြားရေးဝန်ကြီး #VideoNews #shorts #Reels #Mizzima
🤮9👏3👎1😁1🖕1
မော်လမြိုင်- ထားဝယ် အမှတ် ၈ ပြည်ထောင်စုလမ်းမကြီး ပေါ်တွင် ပုံမှန်စစ်ဆေးရေးပြုလုပ်မည်ဟု NUG ကာကွယ်ရေးကြေညာ
👍9😁2❤1🔥1
မော်လမြိုင်- ထားဝယ် အမှတ် ၈ ပြည်ထောင်စုလမ်းမကြီး ပေါ်တွင် ပုံမှန်စစ်ဆေးရေးပြုလုပ်မည်ဟု NUG ကာကွယ်ရေးကြေညာ
===================

မော်လမြိုင်- ထားဝယ် အမှတ် ၈ ပြည်ထောင်စုလမ်းမကြီး ပေါ်တွင် ပုံမှတ်စစ်ဆေးရေးပြုလုပ်မည်ဟု NUG ကာကွယ်ရေးဝန်ကြီး ဌာန PDF စစ်ရုံးချုပ်က ကြေညာသည်။

မွန်ပြည်နယ်၊ ရေးမြို့နဲ့ သံဖြူဇရပ်မြို့ကြားရှိ မော်လမြိုင်-ရေး-ထားဝယ် (အမှတ်-၈ ပြည်ထောင်စုလမ်းမကြီးပေါ်) မော်တော်ယာဉ်သွားမှုနှင့်ပတ်သက်ပြီး ကရင်အမျိုးသားလွတ်မြောက်ရေးတပ်မတော် (KNLA)၊ ပြည်သူ့ကာကွယ်ရေးတပ်မတော်(PDF) စစ်ကြောင်းများနှင့်အထူးစစ်ဆင်ရေးတပ်ဖွဲ့(S.O.F) တို့ ပူးပေါင်းကာ နေ့စဉ်မပြတ် လုံခြုံရေးရယူ စောင့်ကြည့်စစ်ဆေးလျက်ရှိသည်ဟု NUG ကာကွယ်ရေးက ဆိုသည်။

အဆိုပါလမ်းပိုင်းတွင် ဇွန် ၁၈ ရက်ကစတင်ပြီး ပြည်ထောင်စုလမ်းမကြီးတစ်လျှောက်တွင် (၂) နေရာ ခွဲ၍ စစ်ဆေးလျက်ရှိရာ ဇွန်လ(၁၈) ရက်နေ့တွင် စစ် ကောင်စီတပ်နှင့် ဆက်နွယ်သူ (၄) ဦးကို ဖမ်းဆီးရမိခဲ့ပြီး အရေးယူရန် ဆောင်ရွက် နေသည်။

မဟာမိတ် ပူးပေါင်းတပ်ဖွဲ့ဝင်များအနေဖြင့် အမှတ်(၈) ပြည်ထောင်စုလမ်းမကြီးတစ်လျှောက် ပုံမှန်စစ်ဆေးရေးပြုလုပ် မည်ဖြစ်ပြီး ခရီးသွားမိဘပြည်သူများအနေဖြင့် ပူးပေါင်းဆောင်ရွက် ပေးပါရန် လေးစားစွာဖြင့် မေတ္တာရပ်ခံအပ် ကြောင်း ပြည်သူ့ ကာကွယ်ရေးတပ်မတော်(PDF)၊ (စစ်ရုံးချုပ်)က သတင်း ထုတ်ပြန်သည်။
❤18👍6😁2
This media is not supported in your browser
VIEW IN TELEGRAM
ကရင်မလင်ဝေဖန်ရေးဆရာ နာဗာလင်းရဲ့ အစွန်းရောက်ဝါဒရုံးတင်စစ်ဆေးမှုတွေကို အသေးစိတ်ထုတ်ပြန်မှာမဟုတ်ကြောင်း ရုရှားပြော

https://www.facebook.com/reel/818270326379149

#internationalnews #Mizzima #Russia #reels #shorts
❤2
​​ရေဖြူမြို့နယ် ကံပေါက်ဒေသတွင် အရပ်သား ဇနီးမောင်နှံနှစ်ဦး ဖမ်းဆီးခံရ
=====================

ကိုရွှေမြိတ်
မဲဆောက်(မဇ္ဈိမ)။ ။တနင်္သာရီတိုင်း၊ ထားဝယ်ခရိုင် ရေဖြူမြို့နယ် ကံပေါက်ဒေသတွင် ဇွန်လ ၁၉ ရက် နေ့ ည ၁၁ နာရီခန့်က သာမန်အရပ်သား ဇနီးမောင်နှံနှစ်ဦးကို စစ်ကောင်စီတပ်က လာရောက်ဖမ်းဆီး သွားကြောင်း ဒေသခံများထံမှ သိရသည်။

အဆိုပါ ဇနီးမောင်နှံနှစ်ဦးကို ကံပေါက်အခြေစိုက် မောရဝတီရေတပ်မှ ကားသုံးစီးဖြင့်လာရောက်ကာ နေအိမ်အတွင်း ဝင်ရောက်ဖမ်းဆီးခဲ့ခြင်းဖြစ်သည်။

“ည ၁၁ နာရီ လောက်မှာ ကားသုံးစီးနဲ့ရောက်လာပြီး ဖမ်းသွားတယ်။ အိမ်ကို အရင်ဝိုင်းလိုက်ပြီးမှ တနာရီ ကျော်ကျော်လောက်အကြာမှာ အိမ်မှာပဲစစ်ဆေးပြီး ဖမ်းဆီးခေါ်ဆောင်သွားတာဖြစ်တယ်” ဟု ကံပေါက် ဒေသခံတစ်ဦးကပြောသည်။

ဖမ်းဆီးခံရသူဇနီးမောင်နှံနှစ်ဦးမှာ ကံပေါက်ဒေသ သီရိမင်္ဂလာရပ်ကွက်တွင် နေထိုင်ကြသည့် ကိုအောင် ဇော်ဦးနှင့် မဥမ္မာအောင်တို့ ဖြစ်သည်။

ကိုအောင်ဇော်ဦးမှာ ယာဉ်မောင်းအလုပ် လုပ်ကိုင်သူဖြစ်ပြီး ဇနီးဖြစ်သူ မဥမ္မာအောင်သည် ရင်ခွင်သစ် (ECCD)မူကြိုကျောင်းဖွင့်ကာ ကလေးငယ်များကို ပညာသင်ကြားပေးနေသူဖြစ်ကြောင်း ဒေသခံများထံမှ သိရသည်။

လက်ရှိအချိန်အထိ ၎င်းတို့နှစ်ဦးကို စစ်ကောင်စီတပ်ကမည်သည့်အတွက် ဖမ်းဆီးခဲ့ကြောင်းကို မသိရ သေးဘဲ ဇွန်လ ၂၁ ရက်နေ့အထိ ဆက်လက်ဖမ်းဆီးထားဆဲဟု ဒေသခံများကပြောသည်။
ထိုအတူ ဇွန်လ ၁၉ ရက်နေ့ တစ်ရက်တည်းတွင် လောင်းလုံးမြို့နယ်မှ ထားဝယ်ခရိုင် သပိတ်ကော်မတီဝင် ကိုမင်းလွင်ဦး၏ ဖခင်ဖြစ်သူကို စစ်ကောင်စီတပ်က နေအိမ်၌ အကြမ်းဖက် ရိုက်နှက် ဖမ်းဆီးခဲ့ပြီး ဖုန်းနှင့် ငွေကျပ် ၈၀၀,၀၀၀ ကျော်ကိုပါ လုယူသွားခဲ့သည်။

စာတည်း ။ ။ Alden
စာမူတည်းဖြတ်။ ။စောဖေ

#ရေဖြူမြို့
#ကံပေါက်
#မောရဝတီရေတပ်
#ဖမ်းဆီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬6👍5🔥1😁1
မြန်မာနဲ့ ကမ္ဘာတဝန်းရှိ ဒုက္ခသည်အရေး ဖြေရှင်းဖို့ ကုလနဲ့ လှုပ်ရှားသူတွေတိုက်တွန်း
=====================

ကမ္ဘာတဝန်းဒုက္ခသည်ဦးရေ တိုးများလာတာကို ဟန့်တားဖို့ဆိုရင် ကမ္ဘာကြီးအနေနဲ့ ပြဿနာရှိနေတဲ့ နေရာပေါင်းစုံမှာ ငြိမ်းချမ်းရေးဆောင်ကြဉ်းပေးနိုင်ဖို့ လိုအပ်တယ်လို့ ဒုက္ခသည်များဆိုင်ရာ ကုလသမဂ္ဂ မဟာမင်းကြီးက အပြည်ပြည်ဆိုင်ရာဒုက္ခသည်များနေ့ ဇွန် ၂၀ ရက်နေ့မှာ ပြောဆိုလိုက်ပါတယ်။

ဒုက္ခသည်တွေကိုအများဆုံးလက်ခံထားရတဲ့နိုင်ငံ ၁၀နိုင်ငံစာရင်းမှာတော့၊ မြန်မာပြည်က ရိုဟင်ဂျာဒုက္ခသည် တသန်းနီးပါးလက်ခံထားတဲ့ ဘင်္ဂလားဒေ့ရ်ှနိုင်ငံလည်းပါဝင်ပါတယ်။

ဒုက္ခသည်တွေကို လက်ခံထားတဲ့ နိုင်ငံတွေရဲ့ ဝန်ထုပ်ဝန်ပိုးကို အခြားနိုင်ငံတွေကလည်း မျှဝေယူကြဖို့ ကုလတာဝန်ရှိသူတွေ တိုက်တွန်း နေပါတယ်။

ကုလသမဂ္ဂ လူသားချင်းစာနာကူညီမှုညှိုနှိုင်းရေးရုံးရဲ့ စာရင်းအရတော့ မြန်မာနိုင်ငံအတွင်း အိုးအိမ်စွန့်ခွာရတဲ့ ဒုက္ခသည် ၁.၈ သန်းရှိပါတယ်။

အဲဒီအထဲ ၁.၅ သန်းကတော့ ၂၀၂၁ စစ်တပ်ကအာဏာသိမ်းပြီးနောက် အိုးအိမ်စွန့်ခွာရသူတွေဖြစ်ကြပါတယ်။ မြန်မာနိုင်ငံတွင်း စစ်အာဏာသိမ်းမှုကိုဆန့်ကျင်တဲ့ဒေသအလိုက် ခုခံစစ်တွေပေါ်လာခဲ့တဲ့နောက်၊ စစ်ကိုင်း မကွေး၊ ချင်း၊ ကချင် ၊ကရင်နီ၊ ကရင်ပြည်နယ်တွေမှာ စစ်ပြေးဒုက္ခသည်တွေ တိုးများလာပါတယ်။

ကမ္ဘာ့ဒုက္ခသည်နေ့ အထိမ်းအမှတ်အဖြစ် ကုလသမဂ္ဂတာဝန်ရှိသူတွေက ဒုက္ခသည်တွေနဲ့ သူတို့ရဲ့ မိသားစုတွေအတွက် အလားအလာရှိသော အနာဂတ်ကို တည်ဆောက်နိုင်တဲ့ အခွင့်အလမ်းတွေ ပေးကြဖို့ကိုလည်း ကမ္ဘာ့ဒုက္ခသည်များဆိုင်ရာ ကုလသမဂ္ဂမဟာမင်းကြီး Filippo Grandi က ကင်ညာ၊ Kalobeyei မှာ လုပ်တဲ့ ဒုက္ခသည်များနေ့ အခမ်းအနားမှာ တိုက်တွန်းထားပါသေးတယ်။

https://youtu.be/zjMyDnBR4qw

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9😁2🔥1👏1
​​နိုင်ငံတကာအသိုင်းအဝိုင်းက မြန်မာ့အရေး ကိုင်တွယ်ဖြေရှင်းနည်းကို ပြန်အကဲဖြတ်ရလိမ့်မည်ဟု ကုလ ကျွမ်းကျင်သူ ပြော
=========================

နိုင်ငံတကာ အသိုင်းအဝိုင်းအနေဖြင့် မြန်မာအကျပ်အတည်းအရေးအပေါ် ယင်း၏ အဓိက ကိုင်တွယ်ဖြေရှင်းနည်းကို ပြန်လည်အကဲဖြတ်ရလိမ့်မည် ဖြစ်ကြောင်း ကုလသမဂ္ဂ ကျွမ်းကျင်သူတစ်ဦးက ဇွန်လ ၂၁ ရက်တွင် ပြောကြားလိုက်သည်။

၂၀၂၁ ခုနှစ်တွင် အာဏာသိမ်းခဲ့သည့် မြန်မာစစ်ဗိုလ်ချုပ်ကြီးများနှင့် သဘောတူထားခဲ့သော အာဆီယံ ဘုံသဘောတူညီချက် ငါးရပ် ငြိမ်းချမ်းရေးအစီအစဉ် အကောင်အထည်ဖော်ရာတွင် တိုးတက်မှု ကင်းမဲ့နေကြောင်း မြန်မာနိုင်ငံ လူ့အခွင့်အရေး အခြေအနေဆိုင်ရာ ကုလ အထူးအစီရင်ခံစာတင်သွင်းသူ သောမတ်စ် အန်ဒရူးစ်က ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16👏2😁2