ကျိုက်ထိုမြို့နယ်တွင် မြို့နယ်စီမံအုပ်ချုပ်ရေးကောင်စီဝင် သေနတ်ဖြင့် ပစ်သတ်ခံရ
=====================

YT
(မဇ္ဈိမ)။ ။ မွန်ပြည်နယ်၊ ကျိုက်ထိုမြို့နယ်၊ မြို့နယ်စီမံအုပ်ချုပ်ရေး ကောင်စီဝင် တစ်ဦးဖြစ်သည့် ဦးရဲနိုင်အောင် (သင်္ချာရဲနိုင်) အား သေနတ်ဖြင့် ပစ်ခတ်ခဲ့ကြောင်း ကျိုက်ထိုတော်လှန်ရေးအင်အားစု (KRF) က ယမန်နေ့ ညပိုင်းတွင် ထုတ်ပြန်ထားသည်။
ယမန်နေ့ ဇွန်လ၂၂ ရက်၊ ညနေ ၅ နာရီ ၄၅ မိနစ်အချိန်တွင် ကျိုက်ထိုမြို့နယ်၊ မြို့နယ်စီမံအုပ်ချုပ်ရေးကောင်စီဝင် ၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မြို့နယ်အလုပ်အမှုဆောင် ဦးရဲနိုင်အောင် (သင်္ချာရဲနိုင်)အား ကျိုက်ထိုမြို့နယ် ၊ ကျိုက်ပိကျေးရွာအုပ်စု၊ ကျိုက်ပိတောရကျောင်း မုဒ်ဝအရှေ့တွင် KRF တပ်ဖွဲ့ဝင်များက သေနတ်ဖြင့် ပစ်ခတ်ခဲ့ခြင်းဖြစ်သည်။

“ကျိုက်ပိမှာ အပစ်ခံရတာဖြစ်တယ်။ သူက မြို့နယ်ကောင်စီရုံး အဖွဲ့ဝင်ထဲမှာပါတယ်။ သူ့ကြောင့် တော်လှန်ရေးရဲဘော်တွေ တော်တော်များများ ဖမ်းဆီးခံရလို့ မြေပြင် UG တွေက သူ့ကို သုတ်သင်ရှင်းလင်းတယ်လို့ သိရပါတယ်" ဟု သထုံခရိုင် PDF တာဝန်ခံ ကိုအေးမင်းထွန်းက မဇ္ဈိမကိုပြောသည်။

ဦးရဲနိုင်အောင် (သင်္ချာရဲနိုင်)သည် သေနတ်ဖြင့် ရှစ်ချက်ပစ်ခတ်ခံခဲ့ရမှုကြောင့် လည်ပင်း၊ ရင်ဘတ်၊ ဗိုက်၊ နားထင်တို့တွင် ကျည်ထိမှန်ဒဏ်ရာများဖြင့် နေရာ၌ပင် သေဆုံးခဲ့ကြောင်း သိရသည်။
သင်္ချာရဲနိုင်သည် ကျိုက်ထိုမြို့နယ်၊ တောင်သူစုရပ်ကွက်၊ သမ္မလပိုင်းတွင် နေထိုင်ပြီး အာဏာသိမ်းပြီးချိန်မှစ၍ ကျိုက်ထိုမြို့နယ် စီမံအုပ်ချုပ်ရေးကောင်စီဝင်တစ်ဦးအဖြစ် ပါဝင်လာသူဖြစ်ကြောင်း သိရသည်။

"သူက စစ်တပ်အမာခံ၊ ကျူရှင်ဆရာလည်းဖြစ်တယ်၊ ဘော်ဒါဆောင်လည်းဖွင့်တယ်။ နဂိုကတည်းက မြို့ထဲမှာ နှံ့စပ်တော့ သပိတ်ကာလကနေစလို့ သူ့ကြောင့်နဲ့ အဖမ်းခံရတဲ့ တက်ကြွလှုပ်ရှားသူတွေ၊ မြို့ထဲမှာနေတဲ့ ထောက်ပို့တွေ မနည်းဘူး" ဟု ကျိုက်ထိုမြို့ ဒေသခံတစ်ဦးက မဇ္ဈိမကို ပြောသည်။
၎င်းသည် မြို့နယ်အတွင်းရှိ တော်လှန်ရေးတွင် တက်ကြွစွာ ပါဝင်သူများအား ဖမ်းဆီးခြင်း၊ နေအိမ်ချိတ်ပိတ်ခြင်းတို့ကို ဦးဆောင်ပြုလုပ်နေသူဖြစ်ကြောင်း သိရသည်။

ကျိုက်ထိုတော်လှန်ရေးအင်အားစု (KRF) အဖွဲ့သည် ပြီးခဲ့သည့် ၂၀၂၂ ခုနှစ်၊ ဧပြီလ ၁၅ ရက်နေ့ကလည်း ကျိုက်ထိုမြို့နယ်၊ တောင်သူစုရပ်ကွက်၊ သမ္မလပိုင်းတွင် နေထိုင်သည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဝင် တစ်ဦးဖြစ်သည့် ဦးခင်လတ်အား ပစ်ခတ် ရှင်းလင်းခဲ့ကြောင်းလည်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး


#မွန်ပြည်နယ်
#ကျိုက်ထိုမြို့နယ်
#ကျိုက်ထိုတော်လှန်ရေးအင်အားစု(KRF)
#ပစ်ခတ်မှု။
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Restaurant explosion kills 31 in northwest China
=================

https://youtu.be/ABum8Z1C5TY

ယူကရိန်းကို ကျုးကျော်မှုအတွက် ရုရှားကို လျော်ကြေးတောင်းဖို့ ကိယက်ဗ်မဟာမိတ်တွေ ကတိပြုခဲ့ကြ
=================

https://youtu.be/qJglwlMJuag

စစ်ဘေးရှောင်များအား ကူညီနေသည့် S&C အဖွဲ့ဝင် ယင်းမာပင်မြို့နယ်တွင် ဖမ်းဆီးခံရ
======================

KMN
(မဇ္ဈိမ) ။ ။ စစ်ကိုင်းတိုင်း၊ ယင်းမာပင်မြို့နယ်တွင် စစ်ဘေးရှောင်များအတွက် သောက်ရေ၊ သုံးရေရရှိရေး ကူညီနေသည့် အဖွဲ့ဝင်တစ်ဦးအား ဇွန်လ ၂၁ ရက်နေ့တွင် စစ်ကောင်စီတပ်ဖွဲ့ဝင်များက ဖမ်းဆီးသွားကြောင်း S&C မီးဘေးစစ်ဘေးပညာရေးကူညီစောင့်ရှောက်ရေးအဖွဲ့ တာဝန်ရှိသူက မဇ္ဈိမကို ပြောသည်။

"ယင်းမာပင်ဘက်မှာ ဖမ်းခံလိုက်ရတာပါ။ အဆက်အသွယ်တော့မရသေးဘူး၊ ဘယ်မှာဖမ်းထားတယ်ဆိုတာလဲ မသိသေးဘူ" ဟု ၎င်းက ပြောသည်။

S&C အဖွဲ့ဝင်တစ်ဦးသည် ယင်းမာပင်မြို့နယ်အတွင်း စစ်ဘေးရှောင် ပြည်သူများအတွက် ရေတွင်းတူးဖော်ရေးလုပ်ငန်းများ ဆက်လက်လုပ်ဆောင်နိုင်ရန်နှင့် မြေပြင်ဖြစ်စဉ်များ မှတ်တမ်းတင်နိုင်ရန် သွားရောက်စဉ် လမ်းခရီး တစ်နေရာ၌ ဖမ်းဆီးခံရခြင်းဖြစ်သည်။

S&C အဖွဲ့သည် ရွှေဘို၊ ဒီပဲယင်း၊ ယင်းမာပင် စသည့်မြို့နယ်များတွင် စစ်ဘေးရှောင်များအတွက် နေအိမ်၊ စာသင်ကျောင်းများတည်ဆောက်ခြင်း အခမဲ့ဆေးပေးခန်းများအားဖွင့်လှစ်ကာ ကူညီလှူဒါန်းနေသည့် အဖွဲ့တစ်ခုလည်းဖြစ်သည်။

စစ်ဘေးသင့်ပြည်သူများအတွက် ခုနစ်တွင်းမြောက် စက်ရေတွင်းကို ဆက်လက်တူးဖော်နေပြီး ကူညီလှူဒါန်းမှုတွေ ဆက်လုပ်သွားမည်ဖြစ်ကြောင်း S&C အဖွဲ့မှ ထုတ်ပြန်ထားသည်။

စာတည်း - သန့်ဇော်(သန်လျင်)

#Mizzima
#စစ်ဘေးသင့်
#S&C
#ပြည်သူများ
#ယင်းမာပင်မြို့နယ်
#ကူညီလှူဒါန်းမှု
Photo - S&C အဖွဲ့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ယူကရိန်းကို ကျုးကျော်မှုအတွက် ရုရှားကို လျော်ကြေးတောင်းဖို ကိယက်ဗ်မဟာမိတ်တွေ ကတိပြုခဲ့ကြ

https://www.facebook.com/reel/966427057897317

#Internationalnews #Mizzima #Ukraine #Russia #Reels #shorts

ဇွန်လ (၂၃)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
====================

01:02 - မြန်မာစစ်အုပ်စုနဲ့ ရုရှားတို့ ဦးဆောင်ကျင်းပမယ့် အကြမ်းဖက်မှု တိုက်ဖျက်ရေးဆိုင်ရာ စစ်ရေးလေ့ကျင့်မှုကို ချက်ချင်းဖျက်သိမ်းဖို့ တောင်းဆိုတဲ့သတင်း

03:51 - ကော့ကရိတ်မြို့ စစ်ကောင်စီတပ်စခန်းကုန်း အတိုက်ခံရပြီး ၈ဦးကျော်သေဆုံးကာ အများအပြားဒဏ်ရာရတဲ့ သတင်း

05:07 - အာဆီယံဦးဆောင်တဲ့ မြန်မာ့အရေးဖြေရှင်းဖို့ ကြိုးပမ်းမှုများကို ထောက်ခံကြောင်း ပီတာပြောတဲ့သတင်း

08:02 - ယူကရိန်းကိုကျုးကျော်မှုအတွက် ရုရှားကိုလျော်ကြေးတောင်းဖို့ ကိယက်ဗ်မဟာမိတ်တွေ ကတိပြုခဲ့ကြတဲ့သတင်းတွေအပါအဝင် တခြားစိတ်ဝင်စားဖွယ်နဲ့ အရေးကြီးသတင်းတွေကို တင်ဆက်ပေးပါတော့မယ်။

https://youtu.be/6fo6PhzT7g0

#12pmnews
#Mizzimanewshour
#mizzimatv

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မြန်မာစစ်အုပ်စုနဲ့ ရုရှားတို့ ဦးဆောင်ကျင်းပမယ့် အကြမ်းဖက်မှု တိုက်ဖျက်ရေးဆိုင်ရာ စစ်ရေးလေ့ကျင့်မှုကို ချက်ချင်းဖျက်သိမ်းဖို့ တောင်းဆို
=====================

မြန်မာစစ်အုပ်စုနဲ့ ရုရှားတို့ ဦးဆောင်ကျင်းပဖို့ လုပ်နေတဲ့ အကြမ်းဖက်မှု တိုက်ဖျက်ရေးဆိုင်ရာ ADMM PLUS စစ်ရေးလေ့ကျင့်မှုကို ချက်ချင်းဖျက်သိမ်းဖို့ အာဆီယံကာကွယ်ရေး ဝန်ကြီးများ အစည်းအဝေး (ADMM) ကို Justice For Myanmar (JFM) က တောင်းဆိုလိုက်ပါတယ်။

ဆန့်ကျင်မှုများရှိနေပေမယ့်လည်း အာဆီယံ ကာကွယ်ရေးဝန်ကြီးများ အစည်းအဝေး (ADMM) ရဲ့ ဆက်စပ်အစီအစဉ်တွေ ဖြစ်တဲ့ မြန်မာစစ်အုပ်စုနဲ့ ရုရှားအစိုးရတို့ ပူးတွဲဦးဆောင်မယ့် အကြမ်းဖက်မှု တိုက်ဖျက်ရေးဆိုင်ရာ ADMM PLUS အလုပ်ရုံဆွေးနွေးပွဲကို မကြာမီ လပိုင်းအတွင်း ကျင်းပမယ်လို့ သိရပါတယ်။

ရုရှားမှာ ပြုလုပ်မယ့် မြေပြင်စစ်ရေးလေ့ကျင့်ခန်းမှာ အကြမ်းဖက်တိုက်ခိုက်မှုအပေါ် စစ်သည်များ ချထားကာ တန်ပြန်တိုက်ခိုက်တဲ့ဟန် လေ့ကျင့်မှာဖြစ်ပြီး လေ့ကျင့်ခန်းနဲ့ ဆိုင်တဲ့ ဆွေးနွေးပွဲတစ်ခုကိုလည်း စစ်ကောင်စီက ဩဂုတ်လအတွင်း မြန်မာနိုင်ငံမှာ လက်ခံကျင်းပဖို့ရှိနေပါတယ်။

https://youtu.be/__ccdoa8nKg

#Political News
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 23 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

အမေရိကန်သတင်းထောက်ကို ဆက်လက်ချုပ်နှောင်ထားဖို့ ရုရှားတရားရုံးအမိန့်ထုတ်

https://www.facebook.com/reel/644974100842899

#International #MizzimaTV #Reels #shorts

မြန်မာစစ်အုပ်စုနဲ့ ရုရှားတို့ ဦးဆောင်ကျင်းပမယ့် အကြမ်းဖက်မှု တိုက်ဖျက်ရေးဆိုင်ရာ စစ်ရေးလေ့ကျင့်မှုကို ချက်ချင်းဖျက်သိမ်းဖို့ တောင်းဆို

Watch more detail -
https://youtu.be/__ccdoa8nKg

#မြန်မာစစ်အုပ်စု #ရုရှား #အကြမ်းဖက်မှုတိုက်ဖျက်ရေး #VideoNews #shorts #reels

'Our partnership augurs well for the future of democracy' Modi tells US Congress
=====================

https://youtu.be/Y7ustTV7KrA

​​လူအစုလိုက် သင်္ချိုင်းမြေပုံ တွေ့ရှိခြင်းနှင့်ပတ်သက်ပြီး ထိုင်းနိုင်ငံသား ၄ ဦးကို မလေးရှား တရားစွဲ
======================

ထိုင်းနိုင်ငံနှင့် မလေးရှားနယ်စပ်တွင် ၂၀၁၅ ခုနှစ်က လူအစုလိုက် သင်္ချိုင်းမြေပုံနှင့် သံသယဖြစ်ဖွယ် လူမှောင်ခိုကုန်ကူးသည့်စခန်းများ တွေ့ရှိခြင်းနှင့် ပတ်သက်ကာ မလေးရှားတရားရုံးတစ်ရုံး၌ ထိုင်းနိုင်ငံသား လေးဦးကို သောကြာနေ့တွင် တရားစွဲဆိုမည်ဟု မလေးရှား ပြည်ထဲရေးဝန်ကြီးက ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အင်အားဖြည့်ရန်လာသည့် စစ်ကောင်စီတပ် သီးမစ်လွင်ပြင် မကျော်နိုင်
===================

ပါခွီး
(မဇ္စျိမ)။ ။ ချင်းပြည်နယ် ၊ ဟားခါးမြို့နယ်မှ ထန်တလန်မြို့သို့ စစ်အင်အား ဖြည့်တင်းရန် စစ်ကြောင်းထိုးရန်လာရောက်သည့် စစ်ကောင်စီတပ်သည် ဟားခါးမြို့နယ်အတွင်းရှိ သီးမစ်လွင်ပြင်ကို မဖြတ်ကျော်ဘဲရှိနေကြောင်း ချင်းအမျိုးသားတပ်မတော်ထံမှ သိရသည်။

ထန်တလန်မြို့တွင် အင်အားဖြည့်တင်းပြီး ချင်းအမျိုးသားတပ်မတော် (CNA)ဌာနချုပ်ကို တိုက်ခိုက်ရန်အတွက် သွားရောက်မည့် စစ်ကောင်စီတပ်သည် မေလနောက်ဆုံးအပတ်မှစတင်၍ လက်နက်ကြီးများဖြင့်ပစ်ခတ်ပြီး လမ်းကြောင်းရှင်းကာ မေလ ၂၆ရက်နေ့၌ စစ်ကြောင်းနှစ်ကြောင်းထိုးလာရာ ချင်းပူးပေါင်းတပ်ဖွဲ့မှ ခုခံတိုက်ခိုက်နေသဖြင့် ရှေ့မတိုးနိုင်ဖြစ်နေကြောင်း ဆိုသည်။

“အခု ရာသီဥတုကဆိုးတော့ ရှေ့မတိုးနိုင်ဘူးဖြစ်နေတယ် ၊ သူတို့ဖက်ကလှုပ်ရှားမှု မရှိဘူး ၊ ကျနော်တို့ဖက်ကတော့ ချောင်းမြောင်းပစ်ခတ်တာနဲ့ ဒရုန်းနဲ့ ဗုံးချတာမျိုးနဲ့ တိုက်ခိုက်နေတာရှိတယ်” ဟု CNA ပြောရေး ဆိုခွင့်ရှိသူ ဆလိုင်းထက်နီ က မဇ္စျိမကို ပြောသည်။

မိုးရာသီဖြစ်သည့်အားလျော်စွာ မိုးများပြီးတိမ်ထူထပ်ကာ မှိုင်းများတိုက်နေသဖြင့် မြင်ကွင်းမရှင်းဘဲ ဖြစ်နေသော ရာသီဥတုအောက်တွင် ချင်းပူးပေါင်းတပ်ဖွဲ့မှ ဒရုန်းဖြင့် ဗုံးကြဲခြင်း လက်ဖြောင့်တပ်သားများမှ ချောင်းမြောင်းပစ်ခတ်ခြင်းများ ကြိုးကြားပြုလုပ်လျက်ရှိနေကြောင်းဆိုသည်။

စစ်ကောင်စီတပ်သည် ချင်းတပ်ဖွဲ့များ ဝိုင်းဝန်းပိတ်ဆို့ထားသဖြင့် မြေပြင် အင်အားမဖြည့်တင်းနိုင်သောလည်း ဒေသခံချင်းကာကွယ်ရေးတပ်ဖွဲ့များကို ချေမှုန်းပြီး CNA ဌာနချုပ်ကို တိုက်ခိုက်ရန် စစ်ရေးရည်ရွယ်ချက်ရှိကြောင်း ဆလိုင်းထက်နီက သုံးသပ်ပြောဆိုသည်။

အဆိုပါ သီးမစ်အထက်နှင့်အောက်ပိုင်းသို့ အင်အား ၁၅၀ခန့်ဖြင့် စစ်ကြောင်း နှစ်ကြောင်းထိုးလာသည့် စစ်ကောင်စီတပ်ဖွဲ့ကို CNA နှင့် ဒေသခံချင်း ကာကွယ်ရေးတပ်ဖွဲ့များမှ လုံခါရ်တောင်ကို အစွဲပြုပြီး “လုံခါရ်” စစ်ဆင်ရေး ဟု အမည်ပေးကာ ခုခံကာကွယ်နေခြင်း ဖြစ်သည်။

မေလ ၂၆ရက်မှ စတင်ခဲ့သော အဆိုပါတိုက်ပွဲများအတွင်း စစ်ကောင်စီတပ်ဖွဲ့ဝင် ၅၀ ဦးခန့်သေဆုံးခဲ့ပြီး လက်နက်ခဲယမ်းများလည်း သိမ်းဆည်းရခဲ့ကြောင်း ချင်းတပ်ဖွဲ့ ထံမှ သိရသည်။
ယင်းတိုက်ပွဲများအတွင်း စစ်ကောင်စီတပ်ဖွဲ့သည် လေကြောင်းမှ ဗုံးချခြင်း ၊ ဟားခါးမြို့မှ လက်ကြီးများဖြင့် ပစ်ကူပေးခြင်းများပြုလုပ်ခဲ့သောကြောင့် ချင်းပူးပေါင်းတပ်ဖွဲ့ဝင် ၁၇ ဦးကျဆုံးပြီး ၁၀ ဦးကျော် ဒဏ်ရာရရှိထားကြောင်း သိရသည်။

ယခုကဲ့သို့ ရာသီဥတုဆိုးရွားပြီး တိုက်ပွဲအပြင်းအထန်မဖြစ်ပွားသော်လည်း ချင်းတပ်ဖွဲ့များက ဟားခါးမြို့တွင်းရှိ စစ်ကောင်စီတပ် စစ်ဆေးရေးဂိတ်နှင့် လက်နက်ကြီးထားရာနေရာသို့ ဝင်ရောက်ပစ်ခတ်ခြင်းများပြုလုပ်ခဲ့ပြီး မြို့တွင်းတွင် လုံခြုံရေး တင်းကျပ်နေရာ စစ်ဆေးရေးများပြုလုပ်နေကြောင်း ဆလိုင်းထက်နီက ဆက်ပြောသည်။

မတ်လ ၉ ရက်နေ့တွင် ကလေးမြို့မှ ဟားခါးမြို့သို့ ရိက္ခာနှင့် စစ်အင်အားဖြည့်တင်းရန် တင့်ကားနှစ်စီး ၊ ကုန်တင်ယာဉ် အစီး ၃၀နှင့် အင်အား ၂၀၀ ကျော်ရှိသည့် စစ်ကောင်စီတပ်ဖွဲ့ကို ချင်းပူးပေါင်းတပ်ဖွဲ့များမှ အကြိမ်ကြိမ်ဖြတ်တောက်တိုက်ခိုက်ခဲ့ရာ ဧပြီလ ၁၃ရက်နေ့တွင် စစ်ကြောင်းပါ ယာဉ်တန်းအားလုံးကို ဖျက်ဆီးလိုက်နိုင်ခဲ့ကြောင်း ချင်းတပ်ဖွဲ့များထံမှသိရသည်။

စစ်ကောင်စီတပ်သည် ချင်းပြည်နယ်အတွင်း နည်းမျိုးစုံဖြင့်အင်းအားဖြည့်တင်းရန် ကြိုးစားနေပြီး ၎င်းတို့တပ်ဖွဲ့ဝင်များကို အရပ်သားအသွင်ယူ၍ အရပ်သားယာဉ်လိုင်းများကို အသုံးပြုကာ စစ်အင်းအားဖြည့်တင်းနေကြောင်း ချင်းအမျိုးသားတပ်ဦးက သတိပေးထားသည်။

ယင်းသို့ အရပ်သားအသွင်ယူ၍ အင်အားဖြည့်တင်းလာမှုအပေါ် ကာကွယ်တားဆီးနိုင်ရန် ဒေသခံချင်းလူမျိုးမှအပ ပြင်ပလူများ ချင်းပြည်အတွင်းဝင်ရောက်သွားလာရန်အတွက် သက်ဆိုင်ရာ ချင်းကာကွယ်ရေးတပ်ဖွဲ့များ၏ ထောက်ခံစာဖြင့်သာ ဝင်ရောက်ခွင့်ပြုမည်ဖြစ်ကြောင်း ထုတ်ပြန်ခဲ့သည်။

စာတည်း - သန့်ဇော်(သန်လျင်)

#mizzima
#ဟားခါးမြို့နယ်
#ထန်တလန်မြို့
#CNA
#လုံခါရ်တောင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U