ရန်ကုန်တိုင်းစစ်ဒေသခွဲ တပ်ရင်း (၅၁၀၁) မှ အမျိုးသမီးရဲမေများ စုဖွဲ့လေ့ကျင်မှု ပြုလုပ်
=====================

(မဇ္စျိမ) ။ ။ ပြည်သူ့ကာကွယ်ရေး တပ်မတော် (PDF)၊ ရန်ကုန်တိုင်း စစ်ဒေသခွဲ၊ တပ်ရင်း (၅၁၀၁) မှ အမျိုးသမီးရဲမေများ၏ စုဖွဲ့လေ့ကျင့်မှုပြုလုပ်သည့် မှတ်တမ်းဓာတ်ပုံများကို ရန်ကုန်တိုင်းစစ်ဒေသခွဲဌာနချုပ်က ဇွန်လ ၂၂ ရက်နေ့တွင် ထုတ်ပြန်ထားသည်။

ရန်ကုန်တိုင်းစစ်ဒေသအတွက် ပထမဆုံးတပ်ရင်းဖြစ်သည့် တပ်ရင်း (၅၁၀၁) ကို ဇွန်လ ၁ ရက်နေ့တွင် စတင်ဖွဲ့စည်းခဲ့ခြင်း ဖြစ်သည်။
"တိုက်ရင်းလေ့ကျင့်၊ လေ့ကျင့်ရင်းတိုက်" ဆိုသည့်အတိုင်း တပ်ရင်း (၅၁၀၁) မှ ရဲဘော်များအနေဖြင့် စစ်ဆင်ရေးလှုပ်ရှားမှုများသာမက စုဖွဲ့လေ့ကျင့်မှုများကိုပါ အစဉ်တစိုက် လှုပ်ရှားဆောင်ရွက်လျက်ရှိကြောင်း ရန်ကုန်တိုင်းစစ်ဒေသခွဲဌာနချုပ်က ပြည်သူများအား အသိပေးထားသည်။

“ ကျွန်တော်တို့ ရန်ကုန်တိုင်းရဲ့ ပထမဆုံး တပ်ရင်း (၅၁၀၁) ကတော့ လိုအပ်လို့ရှိရင် ထု (ဒု) နဲ့ တိုက်နိုင်ဖို့ လောလောဆယ်မှာ ရန်ကုန်မြို့ကို အပြင်စည်းကနေပြီးတော့ ဖိအားပေးနိင်ဖို့ ရည်ရွယ်ပြီးတော့ တပ်ရင်းတစ်ခု ဆောက်နေတာ ဖြစ်ပါတယ် ” ဟု ရန်ကုန်တိုင်း စစ်ဒေသခွဲ၊ တပ်ရင်း ၅၁၀၁ နှင့် ပတ်သက်ပြီး NUG ကာကွယ်ရေး၀န်ကြီး ဦးရည်မွန်က မြန်မာနောင်းသတင်းဌာနကို ပြောကြားထားသည်။

စာတည်း။ ။အောင်ကျော်ဖြိုး

#Mizzima
#တပ်ရင်း (၅၁၀၁)
# အမျိုးသမီးရဲမေများ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဆွီဒင်ကိုနေတိုးအဖွဲ့ဝင်ဖြစ်လာရေး လမ်းဖွင့်ပေးဖို့ အာဒိုဂန်ကို အိုလက်ဖ်ရှောတိုက်တွန်း

https://www.facebook.com/reel/623730303063245

#International #MizzimaTV #Reels #shorts

အမေရိကန်သတင်းထောက်ကို ဆက်လက်ချုပ်နှောင်ထားဖို့ ရုရှားတရားရုံးအမိန့်ထုတ်
====================

https://youtu.be/BB6XVD9VM-s

အာဆီယံဦးဆောင်တဲ့ မြန်မာ့အရေးဖြေရှင်းဖို့ ကြိုးပမ်းမှုများကို ထောက်ခံကြောင်း ပီတာပြော
==========================

ထိုင်းနိုင်ငံ ရွေးကောက်ပွဲမှာ မဲအများဆုံး ရရှိထားတဲ့ Mover Forward ပါတီ ခေါင်းဆောင် ပီတာလင်ဂျာရိုရတ်ရတ် (Pita Limjaroenrat)က အာဆီယံဦးဆောင်တဲ့ မြန်မာပဋိပက္ခ ဖြေရှင်းရေး လုပ်ငန်းစဉ်အပေါ် အခိုင်မာအားပေးထောက်ခံကြောင်း ထုတ်ဖော်ပြောဆိုလိုက်ပါတယ်။

မြန်မာ့အရေးနဲ့ ပတ်သက်ပြီး ဘက်ပေါင်းစုံပါဝင်တဲ့ ကြိုးပမ်းမှုများကို ချမှတ်ရေး၊ အဖြေရှာရေးတို့အတွက် ဝန်ကြီးချုပ်ရုံးမှာ အဖွဲ့အစည်းတစ်ခု ဖွဲ့စည်းသွားမယ်လို့လည်း ပီတာက ကတိပြုပါတယ်။
ပရာယွတ် အစိုးရဟာ မြန်မာပဋိပက္ခ ဖြေရှင်းရေး အစိတ်အပိုင်း တစ်ခုအဖြစ် ဇွန်လ ၁၉ ရက်နေ့က ဆွေးနွေးပွဲ တစ်ရပ်ကို ဦးဆောင်ကျင်းပခဲ့ပြီးနောက် ဝေဖန်မှု တချို့ကိုလည်း ကြုံတွေ့ခဲ့ရပါတယ်။
ယင်းအစည်းအဝေးသို့ မြန်မာ့နိုင်ငံခြားရေးဝန်ကြီးကိုပါ ဖိတ်ကြားခဲ့ပေမယ့်လည်း အာဆီယံအလှည့်ကျဥက္ကဋ္ဌ အင်ဒိုနီး ရှား အပါအဝင် အဖွဲ့ဝင်နိုင်ငံသုံးခုက သပိတ်မှောက်ခဲ့ကြပါတယ်။

မြန်မာအရေး အလွတ်သဘောတွေ့ဆုံဆွေးနွေးမှုကို အာဆီယံမူဘောင်အပြင် ဘက်မှ ကျင်းခြင်းဖြစ်ပေမယ့်လည်း မြန်မာနိုင်ငံရေးအခြေနေများကို ဖြေရှင်းပေး နိုင်ရန် ကြိုးပမ်းနေတဲ့ အာဆီယံအဖွဲရဲ့ ကြိုးပမ်းမှုများကို အထောက်အကူ ပြုရန် ရည်ရွယ်ကြောင်း ထိုင်းနိုင်ငံခြားရေးဝန်ကြီး ဒွန်ပရာဝီနိုင်းကပြောပါတယ်။

https://youtu.be/DfSSodJQwmI

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​မတ္တရာတွင် သွေးသောက်အဖွဲ့၀င်အား ပစ်ခတ်ရှင်းလင်းလိုက်ကြောင်း မြနန္ဒာ စစ်ဆင်ရေးသတင်းထုတ်ပြန်
===================

007
မဇ္စျိမ။ ။ မန္တလေးတိုင်း ၊ မတ္တရာမြို့နယ် ၊ ရှားစေးချက်ကြီးကျေးရွာတွင် ယမန်နေ့ ဇွန်လ ၂၂ ရက်က သွေးသောက်အဖွဲ့၀င်တစ်ဦးအား ပစ်ခတ်ရှင်းလင်းလိုက်ကြောင်း မြနန္ဒာစစ်ဆင်ရေး (မန္တလေး)က သတင်းထုတ်ပြန်သည်။

ယမန်နေ့ဇွန်လ ၂၂ ရက်နေ့ နံနက် ၇ နာရီ၀န်းကျင်တွင် ၎င်းအား ကြံ့ခိုင်ရေးပါတီ၀င်ကတ်ပြားနှင့်တကွ စစ်ဆေးတွေ့ရှိရသဖြင့် ဥပဒေနှင့်အညီအရေးယူရန် ဖမ်းဆီးခေါ်ဆောင်လာစဉ် ခုခံထွက်ပြေးသောကြောင့် ပစ်ခတ်ခဲ့ခြင်းဖြစ်ကြောင်း ထုတ်ပြန်ချက်တွင်ဖော်ပြထားသည်။

“ အထောက်အထားတွေနဲ့တကွ စစ်ဆေးတွေ့ရလို့ လုပ်ထုံလုပ်နည်းတွေနဲ့အညီ ဖမ်းဆီးခဲ့တယ်။ စခန်းကိုခေါ်လာတုန်း လမ်းမှာ ပြန်ခုခံ တယ်။ အဲဒါနဲ့ပဲ ရဲဘော်တွေက ရှင်းလင်းပစ်ခဲ့ရတယ်။ အလောင်းကိုတော့ လမ်းမှာပဲထားခဲ့လိုက်တယ် “ ဟု မြနန္ဒာစစ်ဆင်ရေး(မန္တလေး)တာ၀န်ရှိသူတစ်ဦးက ပြောသည်။

မသင်္ကာဖွယ်ရာလူတစ်ဦး ထိုကျေးရွာတွင် ရောက်ရှိနေကိုသိရှိရ၍ Never Give Up Fighter Force ရဲဘော်များက သွားရောက်စစ်ဆေးရာ ဆရာဦးပိုင်(ခ)ဦးပိုင် ဆိုသူဖြစ်ပြီး ၎င်းတွင် သွေးသောက်အဖွဲ့အမှတ်တံဆိပ်ပါ ကတ်ပြား တစ်ခု ၊ ကြံ့ခိုင်ရေးပါတီဝင်ကတ်ပြား တစ်ခု၊ ကြံ့ခိုင်ရေးအမှတ်တံဆိပ်ပါရင်ထိုး တစ်ခု၊ စစ်ကောင်စီ အုပ်ချုပ်ရေးအဖွဲ့ဝင်များ ကိုင်ဆောင်သော စကားပြောစက်(ဝေါ်ကီတော်ကီ) တစ်လုံးနှင့် မိုဘိုင်းဖုန်း နှစ်လုံးတို့ကို တွေ့ရှိရကြောင်း သိရသည်။

“ မနှစ်ကလည်း ဇူလိုင်လကြီးထဲမှာ ပျူသင်တန်းပေး ဆရာအောင်မင်းထွန်း အသတ်ခံရတယ်။ သူက ပုသိမ်ကြီး ခမရ (၁၁၆ ) က တပ်ကြပ်ကြီး။ ရွာသားဟန်ဆောင်ပြီး တစ်ရွာ၀င်တစ်ရွာထွက်လှည့်နေရင်း ခတက်ချဉ်ရွာနားမှာ သေနတ်နဲ့ပစ်သတ်ခံရတယ် “ ဟု မတ္တရာမြို့ခံတစ်ဦးက ပြောသည်။

စစ်အာဏာသိမ်းပြီးနောက်ပိုင်းပေါ်ပေါက်လာသော အနီရောင်သွေးသောက်အဖွဲ့သည် မတ္တရာမြို့နယ်အတွင်း ခြေကုပ်ယူကာ ဒေသခံပုံစံ ဟန်ဆောင်၍ စစ်သင်တန်းပေးခြင်း၊ NLD ပါတီ၀င်များနှင့် ပါတီထောက်ခံသူများအား သတ်ဖြတ်အလောင်းစွန့်ပစ်ခြင်းတို့ ပြုလုပ်နေကြောင်း ဒေသခံများကပြောသည်။

စာတည်း။ ။အောင်ကျော်ဖြိုး

#Mizzima
#မြနန္ဒာ စစ်ဆင်ရေး
#သွေးသောက်အဖွဲ့၀င်
#မတ္တရာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ထီးလင်းတွင် စစ်ကောင်စီတပ်ဖွဲ့ မိုင်းနင်းမိ၍ ထိခိုက်သေဆုံးသူရှိဟုဆို
=====================

ကိုခင်မောင်
(မဇ္စျိမ)။ ။ မကွေးတိုင်း၊ ထီးလင်းမြို့၊ ရွှေထီးမြို့တော်ခန်းမမှ ထွက်လာသော စစ်ကောင်စီတပ်စစ်ကြောင်းသည် ဇွန်လ ၂၁ ရက် နံနက် ၈ နာရီအချိန်ခန့်တွင် အသင့်ထောင်ထားသော မိုင်းနင်းမိ၍ ထိခိုက်သေဆုံးသူများရှိဟု ဂန့်ဂေါခရိုင်တပ်ရင်း(၁၅/၁၆/၁၇) Yaw Revolution Army (ထီးလင်း)မှ သတင်းထုတ်ပြန်သည်။

အင်အား ၁၀၀ ကျော်ပါသော စစ်ကောင်စီတပ်စစ်ကြောင်းသည် ရွှေထီးခန်းမမှထွက်လာပြီး သရခါကျေးရွာ၏ အရှေ့တောင်ဘက်ရှိ ဂျီချောင်းအနီးတွင် YRA ထီးလင်းအဖွဲ့မှ အသင့်ထောင်ထားသော တိုက်မိုင်းကို နင်းမိ၍ မိုင်း သုံးကြိမ်ဆက်တိုက် ပေါက်ကွဲပြီး စစ်ကောင်စီတပ်သား ငါးဦးသေဆုံးပြီး ၁၀ ဦးထက်မနည်း ထိခိုက်ဒဏ်ရာရရှိသွားကြောင်းဖော်ပြသည်။

“အဓိက က သူတို့က ဒီလမ်းကြောင်းထဲကို မိုင်းရှင်းမယ်၊ နယ်မြေရှင်းလင်းမယ်ဆိုပြီးတော့ အဲဒီရည်ရွယ်ချက်နဲ့ သွားတာပေါ့နော်၊ ကျွန်တော်တို့ထောင်ထားတဲ့မိုင်းကို သူတို့ဘာသူတို့ တိုက်မိပီးတော့ ပေါက်ကွဲသွားတာပါဗျ၊ အဲ့မှာ သူတို့က ရှေ့ကိုမတိုးဘဲနဲ့ သရခါကျေးရွာ ပြန်ဆုတ်တယ်၊ ပြန်ဆုတ်တဲ့အခါမှာ အထမ်းတွေပါလာတာ တွေ့ရတယ်။ သရခါကျေးရွာကိုသွားတဲ့အခါ ဒီထီးလင်းမြို့နယ်က ဖောကားတစ်စီးကို ခေါ်ပြီးတော့ရောက်လာတယ်၊ ဒဏ်ရာရတဲ့သူတွေရယ် အလောင်းတွေရယ် ကားပေါ်တင်ပြီးတော့ ထီးလင်းဘက်ကိုပို့နေတာကို ကျတော်တို့ မျက်မြင်တွေ့ရတယ်။ ငါးဦးသေဆုံးတယ်ဆိုတာကျတော့ ကျွန်တော်တို့ ပြန်ပြီးတော့ စုံစမ်းလိုက်တဲ့အခါမှာ ထပ်ပြီးတော့ရတဲ့ သတင်းပါဗျ။ “ ဟု Yaw Revolution Army ခေါင်းဆောင် သခင်ဇော် က မဇ္စျိမကို ပြောသည်။

မိုင်းပေါက်ပြီးနောက် စစ်ကောင်စီတပ်ဘက်မှ လက်နက်ငယ်များဖြင့် ရမ်းသန်းပစ်ခတ်မှုများ ပြုလုပ်ခဲ့ပြီး ထိခိုက်ဒဏ်ရာရသူများနှင့် သေဆုံးသူများအား သရခါကျေးရွာသို့ သယ်ဆောင်သွားခဲ့သည်ဟု ၎င်းထံမှ သိရသည်။

အဆိုပါမိုင်းများသည် သမရိုးကျပုံစံမဟုတ်ဘဲ ရန်သူ၏အားနည်းချက်ကိုအသုံးချကာ စနစ်တကျ ထောင်ထားခြင်းဖြစ်ကြောင်းလည်း သခင်ဇော်က အခုလိုဆက်လက်ရှင်းပြသည်။
“တကယ်က အဲမိုင်းကကျတော့ ကျတော်တို့ ပုံမှန် သမရိုးကျပုံစံ မဟုတ်ဘူး။ သူတို့လုပ်လေ့လုပ်ထရှိတာက မိုင်းတွေ့ရင် ဖျက်ဆီးမယ်၊ မိုင်းတွေ့ရင် ဖြုတ်မယ်ဆိုတာ သူတို့လုပ်နေကြပါ။ သူတို့ရဲ့ အားနည်းချက်ကိုယူပြီးကျတော်တို့က ဒီမိုင်းကို ဖြုတ်လို့ရှိရင်လည်း ပေါက်ကွဲအောင် တကယ်လို့ ဖျက်ဆီးမယ်ဆိုရင်လည်း ပေါက်ကွဲမယ်၊ တိုက်မိရင်လည်းပေါက်ကွဲမယ် အဲလိုမျိုးဖြစ်အောင် ထောင်ထားတာပါဗျ။” ဟု ၎င်းက ဆိုသည်။

စစ်ကောင်စီတပ်သားများ မိုင်းထိခိုက်ပြီး ဒဏ်ရာရသေဆုံးမှုနှင့် ပတ်သက်၍ မဇ္စျိမအနေဖြင့် သီးခြားအတည်ပြုနိုင်ခြင်း မရှိသေးပေ။
ထီးလင်းမြို့နယ်ရှိ မိဘပြည်သူများအနေဖြင့် စစ်ကောင်စီတပ်များက နယ်မြေရှင်းလင်းရေးအကြောင်းပြကာ စစ်ကြောင်းထိုးလာစဥ် အဖမ်းအဆီးမခံရအောင် သတိထားရှောင်ကြဥ်ကြရန် အသိပေးလိုကြောင်းလည်း YRA ခေါင်းဆောင်က ပြောသည်။

ဇွန်လ ၁၅ ရက်တွင်လည်း ထီးလင်းမြို့နယ် အုန်းတွဲရွာဘုရားကုန်းအနီးတွင် ကင်းပုန်းဝပ်နေသော စစ်ကောင်စီတပ်နှင့် Yaw Revolution Army (ထီးလင်း)တို့အကြား ထိတွေ့တိုက်ပွဲတွင် Yaw Revolution Army (ထီးလင်း)မှ အသက် ၁၈ နှစ်အရွယ် တပ်သားဝင်းကိုနိုင် နှင့် အသက် ၂၁ နှစ်အရွယ် တပ်စုမှူးဝေယံလင်း တို့ ကျဆုံးခဲ့ရပြီး ရဲဘော်တစ်ဦး ဖမ်းဆီးခံခဲ့ရသည်။

စာတည်း- သန့်ဇော်(သန်လျင်)
#mizzima
#ထီးလင်းမြို့နယ်
#စစ်ကောင်စီတပ်
#စစ်ကြောင်း
#ရွှေထီးခန်းမ
ဓာတ်ပုံ- YRA (ထီးလင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မူဆယ်မြို့တွင် စစ်ကောင်စီ၏ လုံခြုံရေးကင်းလှည့်ကား ပစ်ခတ်ခံရ၊ ပြည်သူ့စစ် အဖွဲ့ဝင် သေဆုံး
=========================

ဂျူချန်း (မဇ္ဈိမ)။ ။ ရှမ်းပြည်နယ်မြောက်ပိုင်း၊ မူဆယ်မြို့၊ ဟိုနားရပ်ကွက်၊ စက်မှုဇုန်လမ်းခွဲ၊ ဟိုနား အ.ထ.က ကျောင်းအနီးတွင် ဇွန်လ ၂၂ ရက် ညနေ ၆ နာရီကျော်အချိန်၌ စစ်ကောင်စီတပ်ဖွဲ့နှင့် လုံထန်ပြည်သူ့စစ်များ စီးနင်းလာသည့် လုံခြုံရေး ကင်းလှည့်ကား ပစ်ခတ်ခံရ၍ ပြည်သူ့စစ်တစ်ဦး သေဆုံးကာ တစ်ဦးထိမှန်ဒဏ်ရာရခဲ့ကြောင်း ဒေသခံထံက သိရသည်။

“ကင်းလှည့်နေတာကို လာပစ်တာ။ ပြည်သူ့စစ်နှစ်ယောက်ထိတယ်။ တစ်ယောက်တော့ သေသွားတယ်” ဟု မူဆယ်မြို့ခံတစ်ဦးက မဇ္ဈိမကို ပြောသည်။

အပြန်အလှန်ပစ်ခတ်မှု ၁၅ မိနစ်ခန့် ဖြစ်ပွားခဲ့ပြီး လာရောက်ပစ်ခတ်သည့် အမည်မသိ လက်နက်ကိုင်အဖွဲ့တွင် ပါဝင်သူတစ်ဦးလည်း သေနတ်ထိမှန် သေဆုံးခဲ့ကြောင်း သိရသည်။

“လာပစ်တဲ့အဖွဲ့ထဲကလည်း တယောက်သေတယ်။ ကျောင်းထဲဝင်ပြေးလို့ စစ်ကောင်စီတပ်ဖွဲ့နဲ့ ပြည်သူ့စစ်ဘက်က လိုက်ပစ်တာပါ”ဟု ဒေသခံကပြောသည်။

အဆိုပါပစ်ခတ်မှုအား မည်သည့်အဖွဲ့အစည်းက လုပ်ဆောင်ခဲ့သည်ကိုမူ မဇ္ဈိမက အတည်မပြုနိုင်သေးပေ။

ပစ်ခတ်မှုဖြစ်ပွားပြီးနောက် စစ်ကောင်စီတပ်ဖွဲ့က စစ်ဆေးမှုများ ပြုလုပ်ခဲ့ပြီး ဖြစ်စဉ်အနီးရှိ နေအိမ်တစ်အိမ်မှ ကောင်းခါးပြည်သူ့စစ်အဖွဲ့ဝင် လေးဦးကို ဖမ်းဆီးခေါ်ဆောင်သွားခဲ့ကြောင်း သိရသည်။

ဇွန်လ ၂၁ ရက် ည ၉နာရီအချိန်ခန့်ကလည်း မူဆယ်မြို့၊ ချယ်ရီလမ်းတွင် မိသားစုငါးဦး လိုက်ပါစီးနင်းလာသည့်ကား ပစ်ခတ်ခံရ၍ တစ်ဦးသေဆုံးသည့်ဖြစ်ရပ် ဖြစ်ပွားခဲ့သေးသည်။

ပြီးခဲ့သည့် ဧပြီလ ၂၇ ရက် နံနက်ပိုင်းကလည်း မူဆယ်မြို့၊ စက်မှုရပ်ကွက်၊ မင်းထိပ်ခေါင်(၃) လက်ဖက်ရည်ဆိုင်တွင် လုံထန်ပြည်သူ့စစ်တပ်ဖွဲ့၏ လုံခြုံရေးတာဝန်ခံ ကိုလတ်ဆိုသူ ပစ်ခတ်ခံရ၍ နေရာတွင် သေဆုံးခဲ့ပြီး ပစ်ခတ်သူများအား ဖမ်းဆီးရမိခြင်းမရှိကြောင်း သိရသည်။

https://youtu.be/yrZpR3oIebE

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#ရှမ်းပြည်နယ်
#မူဆယ်မြို့
#စစ်ကောင်စီ
#ပစ်ခတ်မှု
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အာဆီယံဦးဆောင်တဲ့ မြန်မာ့အရေးဖြေရှင်းဖို့ ကြိုးပမ်းမှုများကို ထောက်ခံကြောင်း ပီတာပြော

Watch more detail -
https://youtu.be/DfSSodJQwmI

#မြန်မာ့အရေး #အာဆီယံ #ပီတာ #VideoNews #shorts #Reels

ဇွန်လ ၂၃ ရက်နေ့၊ မွန်းလွှဲ ၂ နာရီ Mizzima News Hour မဇ္စျိမသတင်းအစီအစဥ်
=============================

-အာဆီယံဦးဆောင်တဲ့ မြန်မာ့အရေးဖြေရှင်းဖို့ ကြိုးပမ်းမှုများကို ထောက်ခံကြောင်း ပီတာပြောတဲ့သတင်း

-မယ်ဟောင်ဆောင်ရှိ မြန်မာဒုက္ခသည်များကို အကူအညီများ ပေးထားဟု ထိုင်းအာဏာပိုင်တို့ ပြော တဲ့သတင်း

-ဆွီဒင်ကိုနေတိုးအဖွဲ့ဝင်ဖြစ်လာရေး လမ်းဖွင့်ပေးဖို့ အာဒိုဂန်ကို အိုလက်ဖ်ရှောတိုက်တွန်း တဲ့သတင်း

-မြန်မာစစ်အုပ်စုနဲ့ ရုရှားတို့ ဦးဆောင်ကျင်းပမယ့် အကြမ်းဖက်မှု တိုက်ဖျက်ရေးဆိုင်ရာ စစ်ရေးလေ့ကျင့်မှုကို ချက်ချင်းဖျက်သိမ်းဖို့ တောင်းဆို တဲ့သတင်းတွေ အပါအဝင် အခြားစိတ်ဝင်စားဖွယ် သတင်းတွေကိုလည်း တင်ဆက်ပေးသွားမှာပါ။

https://youtu.be/NIQSg5cnLi0

#2pmnews
#Mizzimanewshour
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ယင်းမာပင်မြို့နယ်အတွင်း ၂ ကြိမ်မိုင်းခွဲတိုက်ခိုက်ခံရပြီး ရဲ ၁ဦးသေ ၇ ဦးဒဏ်ရာရ
======================

ပါခွီး (မဇ္စျိမ) ။ ။စစ်ကိုင်းတိုင်း ၊ ယင်းမာပင်မြို့နယ်အတွင်း စစ်ကောင်စီလက်အောက်ခံ ရဲများကို မိုင်းနှစ်ကြိမ်ဆွဲတိုက်ခိုက်ခဲ့ရာ တစ်ဦးသေဆုံးပြီး ခုနစ်ဦး ဒဏ်ရာရရှိသွားကြောင်း Regional Friend Fighters (RFF) က ဇွန်လ ၂၃ရက်နေ့တွင် ထုတ်ပြန်သည်။

အနောက်မြောက်တိုင်းစစ်ဌာနချုပ် (နမခ) မှ စစ်ကောင်စီတပ်အင်အား ၃၀ခန့်နှင့် ယင်းမာပင်ခရိုင် ရဲတပ်ရင်း (၂၈) မှ ရဲ ၂၀ခန့်သည် မုံရွာ - ပုသိမ်လမ်းတစ်လျောက် ဇွန်လ ၂၂ရက် နံနက် ၆နာရီ ၃၀မှ စ၍ ကင်းများချထားခဲ့ကြောင်း ဆိုသည်။

ယင်းကင်းအဖွဲ့များမှ ရဲများသည် နံနက် ၇နာရီ ၃၀မိနစ်အချိန်တွင် မြောက်ယမားတံတားမြောက်ဘက်ထိပ်သို့ ရောက်ရှိချိန်တွင် မိုင်းခွဲတိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

“ရဲတွေက မိုင်းကွင်းကိုကွင်းပြီး တောလမ်းကနေတက်လာတာ တံတားနားရောက်တော့ ရမ်းသန်းပစ်ပြီးတက်လာတာ ရဲတစ်ယောက်ကတော့ မိုင်းပေါ်တက်နေတာ ခွဲလိုက်တော့ လွှင့်ထွက်သွားတာ၊ ကျန်တဲ့ သုံးယောက်က ၁၀ ပေအတွင်းထဲမှာရှိနေတော့ ဘယ်သူမှမလွတ်နိုင်ဘူး” ဟု RFF က တာဝန်ရှိသူ တစ်ဦးက မဇ္စျိမ ကို ပြောသည်။

ပထမအကြိမ်တွင် ပတ်လည်ကွဲ စလစ်အိုး သုံးလုံးမိုင်းဖြင့် ဖောက်ခွဲခဲ့ရာ ရဲတစ်ဦး လွှင့်စင်သွားပြီး အနီးရှိကျန်သုံးဦး ထိခိုက်ဒဏ်ရာရရှိခဲ့ကြောင်းဆိုသည်။

၎င်းနောက် အနီးနားသို့ ရဲများရောက်လာပြီး လှုပ်ရှားနေချိန် လေးလက်မ နှင့် ခြောက်လက်မ ပြောင်းတိုက် နှစ်လုံးတွဲဖြင့် ဒုတိယအကြိမ် ဖောက်ခွဲခဲ့ရာ ရဲသား လေးဦး ထိခိုက်ဒဏ်ရာ ရရှိသွားကြောင်းဆိုသည်။

နှစ်ကြိမ်မိုင်းဆွဲတိုက်ခိုက်မှုကြောင့် ရဲတစ်ဦးသေဆုံးပြီး ဒဏ်ရာအပြင်းထန်ရရှိသွား သော ရဲသုံးဦးအား မြန်မာ - ယန်စီပိုင် မိုင်းမြို့ ဆေးရုံသို့ ပို့ဆောင်ပြီး အခြားဒဏ်ရာရသည့် ရဲလေးဦးကို ရဲတပ်ရင်း အမှတ် (၂၈) ထဲသို့ ခေါ်ဆောင်သွားသည်ကို အတည်ပြု နိုင်ကြောင်း RFFထုတ်ပြန်ချက်တွင် ဖော်ပြထားသည်။

အဆိုပါ စစ်ကောင်စီတပ်နှင့် ရဲစစ်ကြောင်းသည် ဝမ်ပေါင်ကြေးနီစီမံကိန်းသို့ အင်အားဖြည့်တင်းရန် သွားရောက်ခြင်းဖြစ်နိုင်ကြောင်း တာဝန်ရှိသူကသုံးသပ်ပြောဆိုသည်။

ယင်းစစ်ကြောင်းကို ယင်းမာပင်မြို့နယ်အလွန် ဆားလင်းကြီးဘက်အခြမ်းတွင်လည်း ဒေသခံကာကွယ်ရေးတပ်ဖွဲ့များမှ မိုင်းဆွဲတိုက်ခိုက်ခဲ့သေးကြောင်းကြားသိရပြီး အသေးစိတ်အခြေအနေကိုမူ မဇ္စျိမအနေဖြင့်မသိရှိရသေးပေ။

စစ်ကောင်စီတပ်စစ်ကြောင်း ထိုးလာကတည်းက အနီးရှိရွာများမှ ဒေသခံများ စစ်တပ်ထောက်ခံသူနှင့် ကြံ့ခိုင်ရေးပါတီဝင်များမှလွဲ၍ ထွက်ပြေး တိမ်းရှောင်နေကြရကြောင်း သိရသည်။

ယခု စစ်ကြောင်းထိုးလာသည့်အတွက် ကျေးစာကျ ၊ ဘိန်းနွယ်ချောင် ၊ ဂုဏ်တော ၊ ဒုန်းတောနှင့် ကံကုန်းကျေးရွာမှ ဒေသခံများတိမ်းရှောင်နေရကြောင်း ဆိုသည်။

ယင်းကျေးရွာများအပါအဝင် ဒေသတွင်းရှိကျေးရွာများမှာ ဝမ်ပေါင်သို့ ရိက္ခာပစ္စည်း တင်သွင်းသည့်အချိန် ၊ ကြေးနီးများသယ်ယူချိန်နှင့် ဝမ်ပေါင်မှ ဝန်ထမ်းတရုတ်များ ပြန်သည့်အချိန်များတွင် စစ်ကောင်စီတပ်သားများက ကျေးရွာများအတွင်း လက်နက်ကြီးငယ်များပစ်ဖောက်၍ ဝင်ရောက်တတ်သဖြင့် တစ်လလျှင် သုံးကြိမ်ခန့် စစ်ဘေးတိမ်းရှောင်ရလေ့ရှိကြောင်း RFF တာဝန်ရှိသူထံက သိရှိရသည်။

https://youtu.be/arfmHt5iOao

စာတည်း - သန့်ဇော်(သန်လျင်)

#mizzima
#ယင်းမာပင်မြို့နယ်
#စစ်ကောင်စီ
#စစ်ဘေးတိမ်းရှောင်
#RFF
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

June - 23 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

​​ပြည်ပတွင် ပညာသင်ယူရန် ကြိုးစားသည့် လူငယ် ပိုများလာ
===============

မိုးသောက်
မဲဆောက်(မဇ္ဈိမ)။ ။စစ်အာဏာသိမ်းပြီးနောက်တွင် ပြည်ပသို့ထွက်ခွာပြီးပညာသင်ကြားနိုင်ရန်အတွက် ကြိုးစားနေကြသည့် လူငယ်အများအပြားရှိလာသည်။

ယခင်ကာလများထက် ပြည်ပထွက်ပညာသင်ကြားရန် ကြိုးစားနေသည့်လူငယ် အရေအတွက်သည်ပိုများလာသည်ဟု လုံခြုံရေးအရအမည်မဖော်နိုင်သည့် နိုင်ငံခြားကျောင်းများတွင်တက်ရောက်နိုင်ရန် ပြင်ဆင်ပေးနေသည့်သူတစ်ဦးက မဇ္ဈိမကိုပြောသည်။

“ပိုများလာပါတယ်။ ရာခိုင်နှုန်းအရဆိုရင် ၈၀ရာခိုင်နှုန်းကျော်ကျော်လောက်ပိုများလာပါတယ် ။အရင်ထက် နှစ်ဆကျော်သုံးဆလောက်ပိုများလာပါတယ်။” ဟု ဆိုသည်။

ပြင်ဆင်နေသည့်လူငယ်များတွင် အထက်တန်းကျောင်းသားကျောင်းသူများနှင့်တက္ကသိုလ်တက်ရောက်နေသည့် ကျောင်းသားကျောင်းသူများသည်အများဆုံးဖြစ်ကြောင်းသိရသည်။ ယခင်ကပညာတော်သင်ခွင့်အတွက် ပြင်ဆင်သည့် လူငယ်များရှိသော်လည်း လက်ရှိအချိန်၌ ပြည်ပတွင်ငွေကုန်ကြေးကျခံပြီး ကျောင်းသွားတက်နိုင်ရန် ကြိုးစားနေသူများပြားလာခြင်းဖြစ်သည်။

ငွေကြေးအခြေအနေများအပေါ်မူတည်ပြီး အနောက်ဥပရောပနိုင်ငံများ၊အာရှနိုင်ငံများရှိကျောင်းနှင့် တက္ကသိုလ်များကိုရွေးချယ်ကြကာ ပညာသင်ကြားမှုများဆက်လက်ရရှိနိုင်ရန် ပုံစံအမျိုးမျိုးဖြင့်ကြိုးစားနေသည်။

မြန်မာ့အိမ်နီးချင်းထိုင်းနိုင်ငံရှိ ချင်းမိုင်တက္ကသိုလ်တွင် ပညာတော်သင်ဆုဖြင့် Master Of Public Policy ပညာသင်ကြားနေသူ ကျောင်းသားတစ်ဦးက ”ပထမတစ်ချက်ကတော့ ပညာရေးအရည်အသွေး၊ ဒုတိယအချက်က နေထိုင်စားသောက်မှုပုံစံကလည်း ပြည်တွင်းနဲ့အရမ်းကြီးမကွာဘူး။ မြန်မာတွေများတော့ ကိုယ့်အတွက်လုံခြုံမယ်လို့ယူဆလို့ရွေးတာပေါ့။ နောက်တစ်ခုက ပညာတော်သင်ဆုရလို့ပေါ့ မရရင် ကျနော်တို့လည်းစဉ်စားရမှာပေါ့လေ။” ဟု မဇ္ဈိမကိုပြောသည်။

စစ်အာဏာသိမ်းပြီးနောက် ပြည်တွင်းရှိပညာရေးအခြေအနေများသည် အနာဂတ်တွင်အသိအမှတ်ပြုမှု အတွက် စိန်ခေါ်မှုရှိလာသည့်အတွက် ပြည်ပထွက်ပညာသင်ကြားရန် ရွေးချယ်မှုများပြားလာရခြင်းဖြစ်နိုင်ကြောင်း ပညာရေးအသိုင်းအဝိုင်းကသုံးသပ်သည်။
အင်္ဂလိပ်စာဘာသာရပ်သင်ဆရာမRemonaက “တိုတိုပြောရရင် ပြည်တွင်းကနေပေးတဲ့ ပညာရေးစနစ်မှာ စကစကပေးတဲ့ပညာရေးစနစ်ဟာလည်းပဲ ကျမတို့ တစ်ချိန်မှာ တိတိကျကျပြန်ပြီးအသုံးချလို့ရမယ်ဆိုတဲ့ အာမခံချက်လုံးဝမရှိဘူးဆိုတာတွေ့ရတယ်။ ဒါကြောင့်မို့လည်း လူငယ်အတော်များများဟာနိုင်ငံခြားမှာသွားပြီး ပညာသင်ဖို့ကိုဆုံးဖြတ်လာကြတယ်”ဟုသုံးသပ်သည်။

ပြည်ပပညာသင်ကြားခွင့်များကို ကြိုးစားနေကြသူများထဲတွင် ပြည်တွင်းမှလူငယ်များအပြင် တော်လှန်ရေးနယ်မြေများနှင့် နယ်စပ်ဒေသကိုရောက်ရှိနေသည့် စစ်ရှောင်ပညာသင်လူငယ်များပါဝင်သည်။

အထူးသဖြင့် အမေရိကန်နိုင်ငံအသိအမှတ်ပြုအရည်ချင်းစစ်စာမေးပွဲတစ်ခုဖြစ်သည့် GED( The General Educational Development Test)ကို ဖြေဆိုနိုင်ရန်ကြိုးစားနေကြသည့် အထက်တန်းအဆင့် လူငယ်များလည်းရှိနေသည်။

စစ်ရှောင်ကလေးများအပါအဝင် ကျောင်းသားကျောင်းသူများကို GEDစာမေးပွဲဖြေဆိုရန် အတွက်ပြင်ဆင်ပေးနေသည့် ဆရာဦးဂျော်နီက “ GEDသာအောင်ရင်တက္ကသိုလ် အတော်များများလက်ခံတယ်။ထိုင်းမှာရှိတဲ့ နိုင်ငံတကာတက္ကသိုလ်တွေဆိုရင် အကုန်လုံးနီးပါးဘာမှမတောင်းဘဲနဲ့ လက်ခံကြတယ်။ “ ဟုပြောသည်။

GEDပညာရေးကိုကြိုးစာနေကြသည့်လူငယ်များထဲတွင် စိတ်ပါဝင်စားသည့်ကျောင်းသားများပါဝင်သကဲ့သို့ ရွေးချယ်ရန်မရှိတော့သည့်အတွက် ကြိုးစားနေသူများလည်းရှိကြောင်း ၎င်းကဆက်ပြောသည်။

စစ်အာဏာသိမ်းပြီးနောက် ကျောင်းသား၊ ကျောင်းသူများနှင့် ဆရာ၊ဆရာမအများအပြားသည် စစ်ကောင်စီ လက်အောက်သို့ရောက်ရှိသွားသည့် ပညာရေးကိုစွန့်ခွာခဲ့ကြသည်။ ထို့နောက် လူငယ်များသည် ပညာရေးအခွင့်အလမ်းများရရှိနိုင်ရန်အတွက် ပြည်ပထွက်ပညာသင်ကြားခြင်း၊ အွန်လိုင်းမှသင်ကြားခြင်းနှင့် အသက်မွေးဝမ်းကြောင်း ပညာသင်ကြားခြင်းများပြုလုပ်ကာ ပုံမှန်တစ်နှစ်တစ်တန်း ပညာရေးထက်ပိုမိုသည့် ပညာရေးပုံစံများကို စိတ်ဝင်စားလာကြသည်။

စာတည်း။ ။ အောင်ကျော်ဖြိုး

#Mizzima
#ပြည်ပ ပညာရေး
#လူငယ်
Photo- ပုံဟောင်း(စစ်ကောင်စီလက်အောက်စီစာသင်ကျောင်းတစ်ခု)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

အဆိပ်အတောက်နဲ့အမုန်းစကားတွေကို ရှင်းလင်းဖို့ တွစ်တာကို ဩစတြေးလျအစိုးရက ၂၈ ရက် အချိန်ပေး

https://www.facebook.com/reel/588774216658001

#internationalnews #reels #shorts

Business Round Up (23 June 2023)
================

- ကမ္ဘာ့နိုင်ငံတွေရဲ့ စစ်ရေးအသုံးစရိတ် ၈ နှစ်ဆက်တိုက် စံချိန်တင် မြင့်တက်

- ရန်ကုန်ရွှေဈေးဆက်မတက်ရန် ထိန်းထားပြီး ရွှေထုတ်ရောင်းရန် မရှိဟုဆို

- ရန်ကုန်နှင့် မန္တလေးအပါအဝင် ဒေသ ၅ခုတွင် ဆန်သိုလှောင်ထားမှုစာရင်း စတင်ကောက်မည်

- မြန်မာကုန်သည်တွေ ဈေးကစားမှုကြောင့် ပဲဈေးနှုန်းဆက်တိုက်မြင့်တက်လာမှာကို အိန္ဒိယစိုးရိမ်နေ

https://youtu.be/Eu75PoN3haw

#businessroundup
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မြန်မာ့ရေနံနဲ့ သဘာဝဓာတ်ငွေ့လုပ်ငန်း (MOGE) ကိုပါ ပိတ်ဆို့အရေးယူဖို့ တောင်းဆို
========================

စစ်ကောင်စီ ဦးစီးနေတဲ့ ဘဏ်နှစ်ခုဖြစ်တဲ့ မြန်မာ့နိုင်ငံခြားကုန်သွယ်မှုဘဏ် ( MFTB ) မြန်မာ့ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် ( MICB ) တို့ကို အမေရိကန် အစိုးရက ပိတ်ဆို့အရေးယူတဲ့အပေါ် တော်လှန်ရေး အင်အားစုတွေ ကြိုဆိုထောက်ခံကြောင်း ဇွန်လ ၂၁ ရက်နေ့ နေ့စွဲနဲ့ ထုတ်ပြန်ချက်ထုတ်ပြန်လိုက်ပါတယ်။
အထွေထွေသပိတ် ပေါင်းစပ်ညှိနှိုင်းရေးအင်အားစု (General Strike Coordination Body - GSCB)၊ Blood Money Campaign သွေးစွန်း ငွေဖြတ်တောက်ရေး လှုပ်ရှားမှု၊ ကမ္ဘာလုံးဆိုင်ရာ မြန်မာ့နွေဦး တော်လှန် ရေးလှုပ်ရှားမှုအဖွဲ့ ၃ ခုက အမေရိကန်ရဲ့ စီးပွားရေးပိတ်ဆို့မှုကို ကြိုဆိုလိုက်ပြီး MOGE မြန်မာ့ရေနံနှင့်သဘာဝဓာတ်ငွေ့လုပ်ငန်းကို ဆက်လက်ပိတ်ဆို့ရန် တောင်းဆိုထားကြပါတယ်။

စစ်အာဏာရှင်တော်လှန်ရေး အင်အားစု ၃ ခုရဲ့ ကြေညာချက်ထဲမှာ မြန်မာ့ရေနံနှင့် သဘာဝ ဓာတ် ငွေ့လုပ်ငန်းမှ နိုင်ငံခြားဝင်ငွေအပါအဝင် အခြားသောလုပ်ငန်းကြီးများနဲ့ ကဏ္ဍ အသီးသီးမှ ဝင်ငွေများဟာ မြန်မာ့နိုင်ငံခြားကုန်သွယ်မှုဘဏ်နဲ့ မြန်မာ့ရင်းနှီး မြုပ်နှံမှုနှင့် ကူးသန်းရောင်းဝယ်ရေးဘဏ်တို့မှတစ်ဆင့် အကြမ်း ဖက် စစ်တပ်ထံသို့ စီးဝင်ပြီး ထိုဝင်ငွေများက အကြမ်းဖက်စစ်တပ်ရဲ့ အကြမ်း ဖက်ခြင်းလုပ်ဆောင်ချက်များ ဆက်လက်လုပ်ဆောင်နိုင်ရန် ကူညီ ထောက် ပံ့ပေးနေကြောင်း ရေးသားထားပါတယ်။

https://youtu.be/nA03bF0THIg

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​ရေကြီးရေလျှံမှုဘေး သတိပြုရန် NUG ထုတ်ပြန်
================

ဂျူချန်း
(မဇ္ဈိမ)။ ။ဘင်္ဂလားပင်လယ်အော်၌ မုတ်သုံလေ အားကောင်းပြီး ကမ်းရိုးတန်းဒေသနှင့် မြောက်ပိုင်းဒေသများတွင် မိုးကြီးနိုင်၍ ရေကြီးရေလျှံမှုသတိပြုရန် အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာန(MOHADM)က သတိပေးထားသည်။

ဇွန်လ ၁၉ရက်မှ ဇွန်လ ၂၅ရက်အထိ ရာသီဥတုအခြေအနေကို MOHADM က ထုတ်ပြန်ထားရာ ရေကြီးရေလျှံမှုသတိပေးချက် ပါဝင်နေသည်။

မြန်မာကမ်းရိုးတန်းဒေသများတွင် ဇွန်လကုန်အထိ မုတ်သုံလေ ဆက်လက်အားကောင်းပြီး ကမ်းရိုးတန်းဒေသများနှင့် မြန်မာနိုင်ငံမြောက်ပိုင်းဒေသများ၌ မိုးဆက်လက်ကောင်းနေနိုင်သည်ဟု MOHADM ကသတိပေးထားသည်။

ယခုရက်ပိုင်းတွင် ရခိုင်ပြည်နယ်၌ မိုးကောင်းနေပြီးစစ်တွေမြို့၌ မိုးရွာနေသည်မှာ ငါးရက်ဆက်တိုက် ရှိပြီဟု ဒေသခံများကပြောသည်။

“ငါးရက်လောက်ရှိနေပြီ။​ ရေကြီးတဲ့အထိတော့ မရှိသေးပါဘူး။ တနေ့ကတော့ သည်းပြီးရွာတယ်။ ဒီနေ့တော့ ဖွဲပြီးရွာနေတယ်” ဟု စစ်တွေမြို့ခံတစ်ဦးက ယနေ့ ဇွန်လ ၂၃ရက် ပြောသည်။

ရှမ်းပြည်နယ်မြောက်ပိုင်း မူဆယ်နှင့် ကွတ်ခိုင်မြို့ တွင်လည်း ယခုရက်ပိုင်း မိုးများနေသည်ဟု သိရသည်။ မိုးရွာသွန်းမှုကြောင့် ကွတ်ခိုင်မြို့၊ နမ့်ဖတ်ကာ ဒေသရှိ ​နမ့်ပေါ်ချောင်းနှင့်နမ့်ခိုင်ချောင်းရေလျှံကာ မြေနိမ့်ပိုင်းများ ရေဝင်နေသည်ဟု ဒေသခံများကပြောသည်။
ကချင်ပြည်နယ်၊ ဖားကန့်မြို့နယ် ကံဆီးဒေသတွင်လည်း မိုးဆက်တိုက်ရွာသွန်းမှုကြောင့်ယမန်နေ့ ဇွန်လ ၂၂ ရက်မှစတင်ကာ ဥရုချောင်းရေမြင့်တက်လာပြီး ရေကြီးရေလျှံမှုဖြစ်ပေါ်ခဲ့ကြောင်း သိရသည်။

ယနေ့ ဇွန်လ ၂၃ ရက်နေ့တွင် မြန်မာနိုင်ငံဒေသအများအပြား မိုးရွာနိုင်ပြီး စစ်ကိုင်းတိုင်း၊ ကချင်ပြည်နယ်နှင့် ရခိုင်ပြည်နယ်တွင် နေရာကွက်၍ မိုးကြီးနိုင်ကြောင်း စစ်ကောင်စီလက်အောက်ခံ မိုးလေဝသနှင့်ဇလဗေဒ ညွှန်ကြားမှု ဦးစီးဌာနက ထုတ်ပြန်ထားသည်။ယနေ့တိုင်းတာချက်အရ ကချင်ပြည်နယ်၊ ချမ်းဘောမြို့တွင်၂၄နာရီအတွင်း မိုးရေချိန် ၄ဒဿမ၆၁လက်မ၊ ရခိုင်ပြည်နယ်၊ မြောက်ဦးမြို့တွင် ၃ဒဿမ ၀၃လက်မ ရွာခဲ့သည်ဟု မိုးဇလက ထုတ်ပြန်ထားသည်။ ဒေသတစ်ခုတွင် ၂၄နာရီအတွင်း မိုးရေချိန် ၃လက်မရွာသွန်းပါက ပုံမှန်ထက် မိုးကောင်းသည့် အခြေအနေဖြစ်သည်။

မနက်ဖြန် ဇွန်လ ၂၄ ရက်နေ့တွင်လည်း စစ်ကိုင်းတိုင်း၊ ကချင်ပြည်နယ်နှင့် ရခိုင်ပြည်နယ်တို့တွင် နေရာကွက်၍ မိုးကြီးနိုင်ကြောင်း မိုးဇလဌာနက သတိပေးထားသည်။

စာတည်း - မောင်ကြီး

#mizzima
#ဘင်္ဂလားပင်လယ်အော်
#မုတ်သုံလေအားကောင်း
#ရေကြီးရေလျှံမှု
#MOHADM
Photo- ဇွန်လ ၂၂ရက်ညနေက ဖားကန့်ဒေသ မြေနိမ့်ပိုင်းနေရာအချို့၌ ရေကြီးနစ်မြုပ်မှုဖြစ်ပေါ်ခဲ့စဉ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပျောက်ဆုံးသွားတဲ့ရေငုပ်သင်္ဘောကိုရှာဖွေဖို့ ရေငုပ်စက်ရုပ်တွေ တပ်ဆင်ထားတဲ့ ပြင်သစ်ရှာဖွေရေးသင်္ဘော ရောက်ရှိ

https://www.facebook.com/reel/655583662633953

#internationalnews #Mizzima #France #reels #shorts

မြန်မာ့ရေနံနဲ့ သဘာဝဓာတ်ငွေ့လုပ်ငန်း (MOGE) ကိုပါ ပိတ်ဆို့အရေးယူဖို့ တောင်းဆို

Watch more detail -
https://youtu.be/nA03bF0THIg

#မြန်မာ့ရေနံ #သဘာဝဓာတ်ငွေ့လုပ်ငန်း #ပိတ်ဆို့အရေးယူ #VideoNews #shorts #Reels