Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​ပခုက္ကူမြို့တွင် ပစ္စည်းဟောင်းအရောင်းဆိုင် ဓားပြတိုက်ခံရ
=======================

007
မဇ္ဈိမ။ ။မကွေးတိုင်း၊ ပခုက္ကူမြို့ အမှတ်(၃)ရပ်ကွက်ရှိ၊ သီရိရတနာလမ်းပေါ်တွင် ဖွင့်ထားသည့် ပစ္စည်းဟောင်းအရောင်းဆိုင်နေအိမ် ဇွန်လ ၂၆ ရက် မွန်းလွဲ ၂ နာရီခွဲခန့်က ဓားပြတိုက်ခံခဲ့ရကြောင်း သိရသည်။

“နေ့ခင်းကြောင်တောင်ကြီးကို သေနတ်တွေပေါ်တင်ကိုင်လာပြီး ဝင်တိုက်သွားတာပါ၊ အဲဒီရပ်ကွက်က မိုင်တဲရုံးရှိလို့ လုံခြုံရေးတင်းကြပ်ထားတာ နှစ်နဲ့ချီနေပြီ။ ဆိုင်ကယ်နှစ်စီးနဲ့ လူလေးယောက် အေးအေး သက်သာပဲ ဓားပြဝင်တိုက်သွားတာ” ဟု ဒေသခံတဦးက ပြောသည်။

သေနတ်များကိုင်ဆောင်ထားသော လူလေးဦးက ဆိုင်ကယ်နှစ်စီးဖြင့် ရောက်ရှိလာပြီး ဆိုင်ရှင်မိသားစုကို သေနတ်ဖြင့်ချိန်ရွယ်ကာ နေအိမ်အိပ်ခန်းအတွင်းရှိ မီးခံသေတ္တာထဲမှ ငွေကျပ်သိန်း ၆၀ ခန့်၊ ဘီရိုအတွင်း အသင့်ရှိနေသော ငွေကျပ်သိန်း ၄၀ ခန့်အပြင်၊ လက်ကိုင်ဖုန်းနှစ်လုံးနှင့် လက်ဝတ်လက်စားအချို့ကို ယူဆောင်သွားခြင်းဖြစ်ကြောင်း ရဲတပ်ဖွဲ့နှင့် နီးစပ်သည့် အသိုင်းအဝိုင်းမှ သိရသည်။

“ငွေသားချည်းပဲ သိန်း ၁၀၀ လောက် ပါသွားတယ်၊ နားကပ်တရံနဲ့ ရွှေထည်တချို့ရယ် ဖုန်းနှစ်လုံးရယ် လည်း ပါသွားတယ်လို့သိရတယ်” ဟု ရဲတပ်ဖွဲ့အသိုင်းအဝိုင်းနှင့် နီးစပ်သူတစ်ဦးက ပြောသည်။
ယနေ့ ဇွန်လ ၁၇ ရက် နံနက်ပိုင်းအထိ ဓားပြတိုက်သွားသူများအား ဖမ်းဆီးနိုင်ခြင်းမရှိသေးသော်လည်း စစ်ကောင်စီ၏သတင်းများကို ဝါဒဖြန့်ပေးနေသည့် တယ်လီဂရမ်ချန်နယ်များတွင် PDF များက ဓားပြ တိုက်သွားခြင်းဖြစ်သည်ဟု ရေးသားထားကြသည်။

၂၀၂၂ ခုနှစ် ဇူလိုင်လ ၄ ရက်နေ့ကလည်း လုံခြုံရေးတင်းကြပ်ထားသော ပခုက္ကူမြို့ မြို့မဈေးအတွင်းရှိ ရွှေဆိုင်တဆိုင် ဓားပြတိုက်ခံခဲ့ရသည့်ဖြစ်စဉ် ဖြစ်ပွားခဲ့သေးသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#မကွေးတိုင်း
#ပခုက္ကူမြို့
#ဓားပြမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥7👍2👎2👏1😁1
ဖားဆောင်းတွင် လေကြောင်းတိုက်ခိုက်မှုကြောင့် အရပ်သား ၄ ဦး သေဆုံး
🤬8🔥3😢2😁1
ဖားဆောင်းတွင် လေကြောင်းတိုက်ခိုက်မှုကြောင့် အရပ်သား ၄ ဦး သေဆုံး
======================

ဂျူချန်း
(မဇ္ဈိမ)။ ။ကရင်နီပြည်နယ်၊ ဖားဆောင်းမြို့နယ်အနီးရှိ နန်းကစ်ကျေးရွာတွင် ဇွန်လ ၂၅ ရက်နေ့က စစ်ကောင်စီတပ်၏ လေကြောင်းမှဗုံးကြဲတိုက်ခိုက်မှုကြောင့် အရပ်သားလေးဦးသေဆုံးခဲ့ကြောင်း Free Burma Rangers ၏ လူမှုကွန်ရက်စာမျက်နှာတွင် ဖော်ပြထားသည်။

“ကရင်နီပြည်တောင်ပိုင်း ပဆောင်း (ဖားဆောင်း)ဒေသတွင် ဂျက်တိုက်လေယာဉ်အများအပြား ဖြတ် သန်း သွာလာမှုကြောင့် နေရပ်စွန့်ခွာအရပ်သားလေးဦး သေဆုံးခဲ့သည်” ဟု ၎င်းတို့ကဆိုသည်။
လေကြောင်းတိုက်ခိုက်မှုပြုလုပ်ခဲ့သည့် ဇွန်လ ၂၅ ရက်နေ့သည် စစ်ကောင်စီနှင့် ကာကွယ်ရေးတပ်ဖွဲ့ များကြား တိုက်ပွဲဖြစ်ပွားခဲ့ခြင်းမရှိခဲ့ကြောင်း ဖားဆောင်း PDF ကပြောသည်။

“ သေဆုံးသူတွေက အရပ်သားပါ။ ဖားဆောင်းမှာ အဲဒီနေ့က ထိပ်တိုက်တိုက်ပွဲတော့မရှိဘူး။ စစ်ကောင်စီ က လက်နက်ကြီးနဲ့ လှမ်းထုတာပဲရှိပါတယ်” ဟု ဖားဆောင်း PDF မှ တာဝန်ရှိသူက မဇ္ဈိမသို့ ပြောသည်။

လေကြောင်းတိုက်ခိုက်မှုကြောင့် သေဆုံးသူများမှာ အသက် ၂၁ နှစ်အရွယ် အမျိုးသားတစ်ဦး၊ အသက် ၃၁ အရွယ် အမျိုသားတစ်ဦး၊ အသက် ၄၁ နှစ်အရွယ် အမျိုးသားတစ်ဦးနှင့် အသက် ၄၂ အရွယ် ကိုကျော်နိုင်ဦး တို့ဖြစ်သည်။

၎င်းတို့ကို ဇွန်လ ၂၆ ရက်နေ့တွင် KA တပ်ဖွဲ့ဝင်များနှင့်အတူ မြေမြှုပ်သင်္ဂြိုလ်ခဲ့ကြောင်း Free Burma မှ ဖော်ပြထားသည်။
စစ်ကောင်စီ၏ လေကြောင်းတိုက်ခိုက်မှုများကြောင့် အရပ်သားသေဆုံးမှုအပြင် ဘုရားကျောင်းအပါအဝင် နေအိမ်အချို့ ပျက်စီးခဲ့ရသည်။

ဖားဆောင်းမြို့၊ သံလွင်မြစ်အရှေ့ဘက်ကမ်းတွင် ဇွန်လ ၁၇ ရက်နေ့မှ စတင်ကာ ဒေသကာကွယ်ရေး ပူးပေါင်းတပ်ဖွဲ့နှင့် စစ်ကောင်စီတပ်တို့ကြား တိုက်ပွဲဖြစ်ပွားလျက်ရှိရာ ဇွန်လ ၂၁ ရက်နေ့တိုက်ပွဲတွင် စစ်ကောင်စီတပ်သား ၁၀ ဦးထက်မနည်းသေဆုံးခဲ့ကြောင်း ဖားဆောင်း PDF မှ ထုတ်ပြန်ထားသည်။

ဖားဆောင်းမြို့အနီး တိုက်ပွဲဖြစ်ပွားခြင်းမရှိသည့်နေရာများသို့လည်း မြို့တွင်းရှိ စစ်ကောင်စီတပ်မှ လက်နက်ကြီးဖြင့်ပစ်ခတ်ခြင်းနှင့် လေကြောင်းတိုက်ခိုက်ခြင်းများ လုပ်ဆောင်လေ့ရှိသဖြင့် ဒေသခံ ၆,၀၀၀ ကျော် ဘေးလွတ်ရာသို့ ရွှေ့ပြောင်းနေကြရကြောင်း သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#ဖားဆောင်းမြို့
#လေကြောင်းတိုက်ခိုက်
#အရပ်သား
#သေဆုံး
ဓါတ်ပုံ-FBR
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🤬7😢3😁2❤1
လောင်းလုံးမှာ စစ်အာဏာရှင် ဆန့်ကျင်ရေး လမ်းလျှောက်ချီတက် ဆန္ဒပြ
======================

ကိုရွှေမြိတ် (မဇ္ဈိမ) ။ ။ တနင်္သာရီတိုင်း၊ ထားဝယ်ခရိုင် လောင်းလုံးမြို့နယ်တွင် ယမန်နေ့ ဇွန်လ ၂၆ ရက်နေ့က စစ်အာဏာရှင် ဆန့်ကျင်ရေး လမ်းလျှောက် ချီတက် ဆန္ဒပြခဲ့ကြောင်း ဒီမိုကရေစီအရေး လှုပ်ရှားမှု သပိတ်ကော်မတီ (DDMSC) က ပြောသည်။

အဆိုပါ လှုပ်ရှားမှုကို ထားဝယ်ခရိုင် လောင်းလုံးမြို့ပေါ်၌ ပြုလုပ်ခဲ့ပြီး“မင်းတို့ စစ်ဖိနပ်အောက်မှာ ငါဘယ်တော့မှ ဒူးမထောက်ဘူး”ဘန်နာ ကိုင်ဆွဲ၍ ‌လူငယ်များ၊ အမျိုးသမီးများမှ စစ်အာဏာရှင် ဆန့်ကျင်ရေး၊ တော်လှန်ရေး လူငယ်များက ကြွေးကြော်သံများဖြင့် ချီတက်ဆန္ဒပြခဲ့ကြသည်။

https://youtu.be/KOCLYm5wqps

စာတည်း။ ။ နောင်နောင်

#လောင်းလုံး
#စစ်အာဏာရှင်ဆန္ဒပြ
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7❤6🔥3😁1
This media is not supported in your browser
VIEW IN TELEGRAM
ဝဂ္ဂနာအကျပ်အတည်းနောက်ပိုင်း ရုရှားကာကွယ်ရေး၀◌န်ကြီးကို ရုပ်သံမှာ ပထမဆုံး ပြန်လည်တွေ့မြင်ရ

https://www.facebook.com/reel/2180917292102896

#Internationalnews #Mizzima #Russia #Reels #Shorts
😁11
​​ဝန်ကြီးချုပ်ဖြစ်ရန် လွှတ်တော်၌ လုံလောက်သည့် ထောက်ခံမှု ရထားဟု ထိုင်းရွေးကောက်ပွဲအနိုင်ရ ခေါင်းဆောင် ပြော
========================

တိုးတက်သော Move Forward Party ပါတီ၏ ခေါင်းဆောင် ပီတာသည် ထိုင်းပြည်သူများက စစ်တပ်နောက်ခံသော အစိုးရ၏ ကိုးနှစ်နီးပါး အုပ်ချုပ်မှုကို ငြင်းပယ်လိုက်သော မေလရွေးကောက်ပွဲများ၌ အံ့အားသင့်စဖွယ် အနိုင်ရခဲ့လင့်ကစား ဝန်ကြီးချုပ် ဖြစ်လာရေး မသေချာသည့် လမ်းကြောင်းများနှင့် ရင်ဆိုင်နေရသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤23👍15🔥1🤣1
This media is not supported in your browser
VIEW IN TELEGRAM
June - 27 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts
👍7🍌2❤1
မုံရွာ - အမြင့်လမ်းပိုင်းကို စစ်ကောင်စီတပ်က ၁၀လအတွင်း ၄ ကြိမ်မြောက်ဖျက်ဆီး
🤬7🔥2😁2
မုံရွာ - အမြင့်လမ်းပိုင်းကို စစ်ကောင်စီတပ်က ၁၀လအတွင်း ၄ ကြိမ်မြောက်ဖျက်ဆီး
=======================

ပါခွီး
မဇ္စျိမ ။ ။ စစ်ကိုင်းတိုင်းအတွင်း မုံရွာနှင့် ချောင်းဦးလမ်းပိုင်းမှ ဒေသခံများ အဓိကအသုံးပြုနေသော မုံရွာ - အမြင့်လမ်းပိုင်းကို စစ်ကောင်စီတပ်က ဘက်ဟိုးဖြင့် ဖြိုချကာ ထပ်မံဖျက်ဆီးသွားကြောင်း သတင်းရရှိသည်။

မုံရွာမြို့နယ်၊ မုံရွာ - အမြင့်လမ်းပိုင်းမှ ညောင်ပင်သာကျေးရွာ ဘုန်းကြီးကျောင်းရှေ့တည့်တည့်နေရာကို စစ်ကောင်စီတပ်က ဇွန်လိုင်လ ၂၆ရက် ညနေ ၄နာရီခန့်တွင် လာရောက်ဖျက်ဆီးသွားခြင်းဟု မုံရွာ - အမြင့်လမ်းသတင်းမှန်ပြန်ကြားရေးက ထုတ်ပြန်သည်။
" လုံခြုံရေးအပြည့်နဲ့လာဖျက်တာ။ အဲ့လမ်းပိုင်းက ရွာတွေကလည်း စစ်ကျွန်မခံတဲ့ ရွာတွေဆိုတော့ သူတို့(စစ်ကောင်စီတပ်) တိုက်ခိုက်ခံရမှာကြောက်ပြီး လာဖျက်တာ" ဟု ချောင်းဦးမြို့နယ်မှ ပြည်သူ့ကာကွယ်ရေးရဲဘော်တစ်ဦးကပြောသည်။

စစ်ကောင်စီတပ်သည် တပ်ဖွဲ့ဝင်အင်အား ၇၀ခန့်လုံခြုံရေးယူကာ လမ်းအား ဘက်ဟိုး(ဘူဒိုဇာ)တစ်စီးဖြင့် ကန့်လန်းဖြတ် ဖြိုချ ဖျက်ဆီးသွားခြင်းဟု သိရသည်။ မုံရွာ - အမြင့်လမ်းပိုင်းကို စစ်ကောင်စီတပ်က ယခုတစ်ကြိမ်အပါအဝင် ၁၀လအတွင်း လေးကြိမ်မြောက်ဖျက်ဆီးခြင်းဖြစ်သည်။

၂၀၂၂ခုနှစ် စက်တင်ဘာ ၄ရက်ပထမအကြိမ်ဖျက်ဆီးခဲ့ပြီး စက်တင်ဘာ ၅ရက်တွင် ဒုတိယအကြိမ် ဖျက်ဆီးခဲ့သည်။ ၂၀၂၃ မေလ ၅ရက်နေ့တွင် တတိယအကြိမ်ဖျက်ဆီးခဲ့ပြီး ယခု ဇွန်လ ၂၆ရက်နေ့တွင် စတုတ္ထအကြိမ်ဖျက်ဆီးခြင်းဟု သိရသည်။
ယင်းလမ်းပိုင်းသည် မုံရွာမြို့သာမက ချောင်းဦးမြို့နယ်နှင့်ပါဆက်သွယ်ထားပြီလမ်းပန်းဆက်သွယ်ရေးအတွက် ဒေသခံများ အဓိကအသုံးပြုသည့်လမ်းဟု မုံရွာ - အမြင့်လမ်း သတင်းမှန်ပြန်ကြားရေးမှ တာဝန်ရှိသူတစ်ဦးကပြောသည်။ ယခုကဲ့သို့ ဖျက်ဆီးခံရသောကြောင့် လမ်းပန်းဆက် သွယ်ရေးနှောင့်နှေးကာအရောင်းအဝယ်အလုပ် အကိုင်များ ထိခိုက်‌သည်ဟု ဒေသခံများကပြောသည်။

မုံရွာ - အမြင့် လမ်းဘေးတစ်လျှောက်ရှိ ကျေးရွာများသည် စစ်အာဏာရှင်ကို ဆန့်ကျင်မှုအားကောင်းကြပြီး လမ်းဘေးဝန်းကျင်ကျေးရွာများကို စစ်ကောင်စီတပ်က စစ်ကြောင်းထိုးပြီး မီးရှို့ဖျက်ဆီးခြင်း၊ဒေသခံ ပြည်သူများအား ဖမ်းဆီးသတ်ဖြတ်ခြင်းများ ပြုလုပ်လေ့ရှိကြောင်းသိရှိရသည်။

စစ်ကောင်စီတပ်သည် စစ်ရေးအရ အထိနာနေသော ဒေသများတွင် အများပြည်သူသွားလာနေသည့် လမ်းများကို လိုက်လံဖျက်ဆီးနေသည်။ စစ်ကိုင်းတိုင်းအပြင် ကရင်ပြည်နယ်နှင့် မွန်ပြည်နယ်မှ ကျေးရွာချင်းဆက်လမ်းအချို့နှင့်မြို့ချင်းဆက်လမ်းအချို့ကို ဖျက်ဆီးထားသည်။

စာတည်း - မောင်ကြီး
#mizzima
#မုံရွာ - အမြင့်လမ်းပိုင်း
#စစ်ကောင်စီတပ်
#ဘက်ဟိုးဖြင့်ဖြိုချဖျက်ဆီး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬10👍3🔥2👏1
This media is not supported in your browser
VIEW IN TELEGRAM
ခါတွန်ဌာနချုပ်ကို ထိန်းချုပ်နိုင်ဖို့ တိုက်ပွဲများအတွင်း ဆူဒန်အရပ်သားတွေ သေဆုံး
=============

https://www.facebook.com/reel/1362913074570356

#Internationalnews #Mizzima #Reels #shorts
👏4👍1🔥1
Business Roundup (27 June 2023)
=============

- နိုင်ငံတကာ အဝတ်အထည်လုပ်ငန်း Zara အမှတ်တံဆိပ်ပိုင်ရှင် Inditex မြန်မာပြည်မှ ထွက်ခွာ

- ဘဏ္ဍာရေးဆိုင်ရာ ပြုပြင်ပြောင်းလဲမှုတွေလုပ်ဖို့ မြန်မာကို FATF တိုက်တွန်း

- မြန်မာ့သံသတ္တုရိုင်း တန် ၁၀၀၀ ကျော် တရုတ်သို့ ရထားဖြင့် ပို့ဆောင်

- Pact Myanmar အသေးစားချေးငွေလုပ်ငန်းများ ရပ်ဆိုင်းကာ မြန်မာပြည်မှထွက်ခွာ

- မုန်တိုင်းသင့်ပြည်သူတွေအတွက် အင်ဒိုနီးရှားက ဒေါ်လာငါးသိန်းကျော် ကူညီထောက်ပံ့

https://youtu.be/_nm6zWMKu0w

#BusinessRoundUp
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9🔥3❤1
​​ကောလင်းမြို့တွင် ပျံကျဈေးအနီး မိုင်းပေါက်ကွဲ၍ ၈ ဦးထက်မနည်း ဒဏ်ရာရ
=-====================

ကိုခင်မောင်
(မဇ္ဈိမ)။ ။စစ်ကိုင်းတိုင်း၊ ကောလင်းမြို့၊ ဈေးဗိုလ်တဲရုံးရပ်ကွက်လမ်းဆုံရှိ ပျံကျဈေးတန်းအနီးတွင် မိုင်း ပေါက်ကွဲမှုဖြစ်ပွားခဲ့၍ ဈေးရောင်းဈေးဝယ်နေသူ ရှစ်ဦးထက်မနည်း ထိခိုက်ဒဏ်ရာရခဲ့ကြောင်း ဒေသခံ သတင်းရင်းမြစ်ထံမှ သိရသည်။

ကောလင်းမြို့၊ ဈေးဗိုလ်တဲရုံးရပ်ကွက်ဆိုင်းဘုတ်အနီးတွင် ဇွန်လ ၂၅ ရက်နေ့ နံနက် ၆ နာရီခန့်က မိုင်းပေါက်ကွဲခဲ့ခြင်းဖြစ်ကြောင်း သိရသည်။

“ပျံကျဈေးအနီးမှာ လူတွေစည်ကားနေချိန်ဆိုတော့ ရှစ်ယောက်ထက်မနည်း ထိခိုက်ဒဏ်ရာရသွားတယ်” ဟု ဒေခံသတင်းရင်းမြစ်က ပြောသည်။

မိုင်းပေါက်ကွဲပြီးနောက် စစ်ကောင်စီတပ်များက ကောလင်းမြို့ပေါ်တွင် စစ်ဆေးမှုများတင်းကြပ်စွာ လုပ် ဆောင်ခဲ့ပြီး အဆိုပါမိုင်းကို မည်သည့်အဖွဲ့အစည်းမှ ထောင်ထားခြင်းဆိုသည်ကို မသိရသေးကြောင်း လည်း ၎င်းကဆိုသည်။

ဇွန်လ ၂၄ ရက်နေ့ နံနက် ၅ နာရီ ၅၀ မိနစ်ကလည်း ကောလင်းမြို့ KBZ ဘဏ်(၂)အနီး၌ စစ်ကောင်စီ တပ်သားများ ကင်းချိန်းပြီးပြန်လာစဉ် မိုင်းဆွဲတိုက်ခိုက်ခဲ့ရာ တဦးသေဆုံးပြီး ရဲတပ်ဖွဲ့ဝင်တဦး ပြင်းထန် ဒဏ်ရာရရှိသည်ဟု The Secret Warrior Kawlin မှ သတင်းထုတ်ပြန်ထားသည်။

အဆိုပါ မိုင်းဆွဲတိုက်ခိုက်မှုကြောင်း ဒေသခံတဦးလည်း ထိခိုက်ဒဏ်ရာရရှိပြီး စစ်ကောင်စီတပ်သားများ မှ လက်နက်ကြီးလက်နက်ငယ်များဖြင့် ရမ်းသန်းပစ်ခတ်ခဲ့ရာ ဒေသခံငါးဦး ထပ်မံထိခိုက်ဒဏ်ရာရခဲ့ ကြောင်း ထုတ်ပြန်ချက်တွင် ဖော်ပြထားသည်။
ယခုကဲ့သို့ ထိခိုက်ဒဏ်ရာရသွားသော ဒေသခံများအတွက် အလွန်ပင်စိတ်ထိခိုက်ရပြီး စစ်ကောင်စီတပ် သားများနှင့် ဝေးရာအရပ်တွင်နေကြရန် The Secret Warrior Kawlin မှ မေတ္တာရပ်ခံ အသိပေးထား သည်။

စာတည်း။ ။စောဖေ
စာမူတည်းဖြတ်။ ။စော‌ဖေ

#စစ်ကိုင်းတိုင်း
#ကောလင်းမြို့
#ပျံကျဈေး
#မိုင်းပေါက်ကွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🤬5🔥1🥴1