စစ်အာဏာရှင် ဆန့်ကျင်ရေး တက်ကြွလှုပ်ရှားသော မြန်မာလူငယ်များနှင့် အာဆီယံအထူးသံမန်ရုံး သံအမတ်ကြီးတို့ တွေ့ဆုံခဲ့

Watch more detail - https://youtu.be/A4pTd1o2Hd8

#PoliticalNews #reels #shorts #MizzimaTV

ယူကရိန်းသို့ကလပ်စတာဗုံးများပေးအပ်ဖို့အတည်ပြုချက်လူသားချင်းစာနာမှုပြဿနာတွေဖြစ်နိုင်ကြောင်းတရုတ်သတိပေး
======================

https://youtu.be/1e6F0vKJmNI

July - 11 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

ခြောက်လအတွင်းKNUထိန်းချုပ်နယ်မြေမှာတိုက်ပွဲ၂၅၀၀နီးပါးဖြစ်ခဲ့ပြီးစစ်ဘေးရှောင်ပြည်သူ၆သိန်းခန့်ထိရှိလာ
=====================

ကော်သူးလေအုပ်ချုပ်နယ်မြေအတွင်းမှာ ကရင်အမျိုးသား လွတ်မြောက်ရေးတပ်မတော် (KNLA)၊ ကရင်အမျိုးသား ကာကွယ်ရေးတပ်ဖွဲ့ (KNDO) ပူးပေါင်းတပ်တွေနဲ့ စစ်ကောင်စီတပ်တွေအကြား တိုက်ပွဲများ ဖြစ်ပွားနေရာ စစ်ဘေးရှောင်ပြည်သူ ၅၉၉၄၀၀ဦး အထိရှိလာပြီဖြစ်တယ်လို့ KNU ရဲ့ သတင်းထုတ်ပြန်ချက်အရ သိရပါတယ်။

စစ်အာဏာသိမ်းပြီးချိန်ကစလို့ KNU ကရင်အမျိုးသားအစည်းအရုံးထိန်းချုပ် နယ်မြေတပ်မဟာ ခုနစ်ခုမှာ စစ်ကောင်စီတပ်က ထိုးစစ်ဆင် တိုက်ခိုက်နေတဲ့အတွက် စစ်ဘေးဒုက္ခသည် ဦးရေ များလာနေပြီး ၂၀၂၂ ခုနှစ် ဒီဇင်ဘာအထိ စစ်ဘေးဒုက္ခသည် သုံးသိန်းခြောက်သောင်းရှိခဲ့ရာကနေ ၆သိန်းခန့်အထိ တိုးလာတာ ဖြစ်ပါတယ်။

၂၀၂၂ ခုနှစ်ကထက် အခု ၂၀၂၃ ခုနှစ်မှာ တိုက်ပွဲ ပိုပြီးများလာနေပြီး နေ့စဉ် တိုက်ပွဲများ ဖြစ်ပွားနေတာကြောင့် စစ်ဘေးရှောင်ဦးရေ ပိုမိုတိုးလာခဲ့ကာ အရေးပေါ်အကူအညီများ လိုအပ်လျက်ရှိတယ်လို့ သိရပါတယ်။

ကရင်ပြည်နယ်၊ မွန်ပြည်နယ်၊ တနင်္သာရီတိုင်းနဲ့ ပဲခူးတိုင်းက နယ်မြေတချို့ကို ထိန်းချုပ်ထားတဲ့ ကရင်အမျိုးသား အစည်းအရုံး (KNU) နယ်မြေတွေထဲမှာ ၂၀၂၃ ခုနှစ်ရဲ့ ပထမ ခြောက်လအတွင်း တိုက်ပွဲပေါင်း ၂၅၀၀ နီးပါး (၂၄၉၅ ကြိမ်) ဖြစ်ပွားခဲ့တယ် လို့ KNU က ဇူလိုင်လ ၉ ရက်နေ့မှာ ထုတ်ပြန်ပါတယ်။

စစ်အာဏာသိမ်းမှုကိုဆန့်ကျင်နေတဲ့ အဖွဲ့အစည်းအများအပြား ခိုလှုံနေတဲ့အတွက် စစ်ကောင်စီတပ်က စစ်ရေး အရ ပစ်မှတ်ထားဖိအားပေးနေတာကြောင့် တိုက်ပွဲတွေ ဖြစ်ပွားနေတာလို့ KNU ပြောခွင့်ရသူ ပဒိုစောကလယ်စေးက ပြောပါတယ်။

https://youtu.be/-_dwGUMG2Sw

#PoliticalNews
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇူလိုင်လ (၁၁)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
======================

01:02 − စစ်အာဏာရှင် ဆန့်ကျင်ရေး တက်ကြွလှုပ်ရှားတဲ့ မြန်မာလူငယ်တွေနဲ့ အာဆီယံအထူးသံတမန်ရုံး သံအမတ်ကြီးတို့ တွေ့ဆုံကြတဲ့သတင်း

03:30 − ဒိုက်ဦး ကျိုက်စကောအကျဉ်းထောင်မှ နိုင်ငံရေးအကျဉ်းသား ၃၇ ဦးပျောက်ဆုံးနေတဲ့သတင်း

05:56 − မြန်မာနိုင်ငံကိုပြန်ပို့ခံရမယ့် ကလေးငယ် ၁၀၀ ကျော်အရေး NUG စောင့်ကြည့်ဆောင်ရွက်နေတဲ့သတင်းနဲ့

10:02 − အင်ဒိုနီးရှားနိုင်ငံက တစ်ခါသုံးပလက်စတစ်အသုံးပြုမှု ၂၀၃၀ မတိုင်ခင် တားမြစ်ဖို့လုပ်ဆောင်နေတဲ့သတင်း တွေအပါအဝင် တခြား အရေးကြီးသတင်းတွေ စိတ်ဝင်စားဖွယ်သတင်းတွေ နဲ့ ဒီကနေ့အတွက် ငွေလဲနှုန်းနဲ့ကုန်စျေးနှုန်း တွေကိုလည်း တင်ဆက်ပေးသွားမှာပါ။

https://youtu.be/9yeFfiwKmbw

#12pmnews
#Mizzimanewshour
#mizzimatv
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ကလေးသူငယ်များ ထိခိုက်သေဆုံးမှုဆိုင်ရာ ကုလအစီရင်ခံစာကို စစ်ကောင်စီ ပယ်ချ

Watch more detail - https://youtu.be/KgYkg-oeDII

#reels #PoliticalNews #shorts #MizzimaTV

ခြောက်လအတွင်း KNU ထိန်းချုပ်နယ်မြေမှာ တိုက်ပွဲ ၂၅၀၀ နီးပါးဖြစ်ခဲ့ပြီး စစ်ဘေးရှောင်ပြည်သူ ၆သိန်းခန့်ထိ ရှိလာနေ

Watch more detail - https://youtu.be/-_dwGUMG2Sw

#PoliticalNews #reels #shorts #MizzimaTV #KNU

ကရင်နီဒေသအတွက် ကိန္နရာဆေးရုံ တည်ဆောက်ရန်ရှိ
=================

ဂန္ဒမာ
(မဇ္ဈိမ)။ ။ နွေဦးတော်လှန်ရေးအတွက် ပထမဦးဆုံး လွတ်မြောက်နယ်မြေ ဖြစ်လာနိုင်မည့် ကရင်နီဒေသအတွက် ခွဲစိတ်ခန်းပစ္စည်းကိရိယာစုံပါ ကိန္နရာဆေးရုံ တည်ဆောက်ရန်ရှိကြောင်း ပရောဂျက် ဦးဆောင်သူထံမှတစ်ဆင့် သိရသည်။

"ဒီနေရာမှာက ဆေးရုံနဲ့တော်တော်အလှမ်းဝေးတဲ့နေရာဖြစ်တယ်။ စစ်ကောင်စီတပ်ကလည်း အမြဲစစ်ကြောင်းထိုးနေကြနေရာဖြစ်တယ်။ ရဲဘော်တွေ တော်ရုံထိခိုက်တာလောက်ကတော့ ရှေ့တန်းဆေးအဖွဲ့ရှိတယ်။ ကြီးကြီးမားမားဖြစ်ရင်ကြတော့ လမ်းခရီးကြမ်းတာ၊ လမ်းပန်းဆက်သွယ်ရေးမကောင်းတာတွေကြောင့် ရဲဘော်တွေဟာ မလိုလားအပ်ဘဲ အသက်ဆုံးရှုံးရတာတွေ အများကြီးရှိတယ်။ အဘက်ဘက်က အန္တရာယ်များလို့ မလုပ်ဖြစ်တာထက် အပြစ်ထက်အကျိုးကပိုများနိုင်လို့ ဒီပရောဂျက်ကို အကောင် အထည်ဖော်ဖြစ်တာ ဖြစ်တယ်။" ဟူ၍ ကိန္နရာဆေးရုံတည်ဆောက်ရေးအတွက် ဘဏ္ဍာငွေရှာဖြေရေးပိုင်းနှင့်ပတ်သက်၍ ပရောဂျက်ကို ဦးဆောင်သူက မဇ္ဈိမ ကို ပြောသည်။

ကိန္နရာဆေးရုံတည်ဆောက်မည့် နေရာပတ်ဝန်းကျင်သည် စစ်ကောင်စီတပ်မှ ပုံမှန်စစ်ကြောင်းထိုးကာ အလုံးအရင်းနှင့် တိုက်ခိုက်မှုပြုလုပ်နေသောနေရာဖြစ်သည့်အတွက် ဆေးရုံဆေးခန်းနှင့် အလှမ်းဝေးသဖြင့် ဆေးရုံရောက်ရန် သွားရာတွင် တိုက်ပွဲများကိုဖြတ်ရသည့်အခါ ကြန့်ကြာမှုများရှိသည့်အတွက် ဒဏ်ရာရရဲဘော်အခြေအနေပေါ်မူတည်၍ သွေးထွက်လွန်ပြီး သေဆုံးခြင်း၊ ကယ်ဆယ်ဖို့အချိန်မမီခြင်း စသည့်အခက်အခဲများ မြေပြင်တွင်အဓိက ကြုံတွေ့ဖြတ်သန်းနေရကြောင်း သိရသည်။

၎င်းနေရာဒေသတွင် စစ်ကောင်စီတပ်၏ လေကြောင်းမှ ပစ်ခတ်တိုက်မှုများလည်း ရှိနေခြင်းကြောင့် ဆေးရုံတည်ဆောက်ရန် နေရာရွေးချယ်မှုအပိုင်းကိုလည်း ဆေးရုံတည်ဆောက်မည့် Dove KK အဖွဲ့က ပြောသည်။

"အခုရွေးချယ်လိုက်တဲ့နေရာက အဓိကက မြေပြင်ရဲဘော်တွေလက်လှမ်းမီနိုင်တဲ့ အကွာအဝေးမှာရှိတယ်။ ရဲဘော်တွေမှာ တစ်စုံတစ်ခုကြုံတွေ့လာခဲ့ရင်တောင် အရင်လိုခရီးဝေးဆက်မသွားရတော့ဘဲ စောလျင်စွာကယ်ဆယ်ကုသနိုင်မယ်။ မြေပြင်ဆိုကတည်းကတော့ အန္တရာယ်အနည်းနဲ့အများတော့ရှိကြတာပါပဲ။ " ဟူ၍ ပြောသည်။

ကိန္နရာဆေးရုံတည်ဆောက်ရန်အတွက် ကျပ်သိန်း ၂ ,၅၀၀ ကမ်ပိန်းကို ဇူလိုင်လ ၁ ရက် ည ၈ နာရီမှစတင်ကာပြုလုပ်ထားပြီး လက်ရှိတွင် ၉၀ ရာခိုင်နှုန်း ပြည့်မီနေပြီဖြစ်ကြောင်းသိရသည်။
အဆိုပါကမ်ပိန်းမှရရှိငွေများအား ဆေးရုံတည်ဆောက်မည့် Dove KK အဖွဲ့ထံသို့ တိုက်ရိုက်လှူဒါန်းသွားမည်ဖြစ်ကြောင်း ကမ်ပိန်းဦးဆောင်သည့် We Love Myanmar Family(WLMF) အဖွဲ့ထံမှ သိရသည်။

Dove KK သည် ၂၀၂၁ ခုနှစ်၊ အောက်တိုဘာလမှစတင်ကာ မြေပြင်တွင်စတင်လှုပ်ရှားခဲ့ပြီး ရှမ်း-တောင်နှင့် ကရင်နီပြည်နယ် ဒေသများတွင် ဖြစ်ပွားခဲ့သောတိုက်ပွဲများ၌ ပါဝင်ခဲ့ကာ လျှို့ဝှက်စခန်းသိမ်းတိုက်ပွဲများတွင် ကယ်ဆယ်ကုသခြင်းများတွင်လည်း ပါဝင်ခဲ့သည်။

ထို့အပြင်စစ်ဘေးရှောင်ပြည်သူများနှင့် ကျေးရွာများနေပြည်သူတို့ လိုအပ်လျက်ရှိသော ကျန်းမာရေးစောင့်ရှောက်မှုများအတွက်လည်း ပြန်လည်ထူထောင်ရေးလုပ်ငန်းစဉ်များဖြင့် ဆောင်ရွက်လျက်ရှိသည်။

Dove KK သည် Humanitarian Organisation အဖြစ် ရပ်တည်လျက်ရှိပြီး ဆေးအဖွဲ့အပြင် ပညာရေး၊ ပြန်လည်ထူထောင်ရေးနှင့်ပတ်သက်သောလုပ်ငန်းစဉ်များကိုလည်း လှုပ်ရှားနေသည့်အဖွဲ့ဖြစ်ကြောင်း သိရသည်။

စာတည်း-သန့်ဇော်(သန်လျင်)

#mizzima
#စစ်ဘေးရှောင်
#ပြန်လည်ထူထောင်ရေး
#နွေဦးတော်လှန်ရေး
#ကရင်နီဒေသ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လွိုင်ကော်တွင် စစ်ကောင်စီတပ်မှ ပစ်ခတ်မှုကြောင့် အသက်မပြည့်သူအပါအဝင် ရွာသား ၂ ဦး သေဆုံး
===================

ဂျူချန်း

(မဇ္ဈိမ)။ ။ကရင်နီပြည်၊ လွိုင်ကော်မြို့နယ်တွင် ယနေ့ ဇူလိုင်လ ၁၁ ရက်နေ့ နံနက်ပိုင်းက စစ်ကောင်စီ တပ်၏ပစ်ခတ်မှုကြောင့် အသက် ၁၇ နှစ်အရွယ် ကလေးတဦးနှင့် ရွာသားတဦး သေဆုံးခဲ့ကြောင်း သတင်း ရင်းမြစ်ထံမှ သိရသည်။ 

ယနေ့ ဇူလိုင်လ ၁၁ ရက်နေ့ နံနက် ၇ နာရီခန့်တွင် မိုးဗြဲမြို့မှထွက်လာသည့် စစ်ကား ၁၅ စီးပါ စစ်ကောင်စီ ယာဉ်တန်းသည် လွိုင်ကော်မြို့၊ နွားတဝိုးကျေးရွာအနီး၌တိုက်ခိုက်ခံခဲ့ရကာ ထိခိုက်မှုအသေး စိတ်ကို မသိ ရသေးကြောင်း လွိုင်ကော် PDF မှ ရဲဘော်တဦးက ပြောသည်။

ယင်းကဲ့သို့ ပစ်ခတ်ခံရမှုကြောင့် စစ်ကောင်စီတပ်မှာအထိနာသွားသဖြင့် လမ်းတလျှောက် ပြန်လည်ပစ် ခတ်ခဲ့ပြီး လွိုင်ကော်မြို့ အမတ(၃၅၆)မှလည်း လက်နက်ကြီးများဖြင့်ပြန်လည်ပစ်ခတ်ခဲ့ရာ ကုန်းသာ ကျေးရွာမှ အသက် ၁၇ နှစ်အရွယ် ကလေးတဦးနှင့် နွားတဝိုးကျေးရွာမှ ရွာသားတဦး သေဆုံးခဲ့ကြောင်း သိရသည်။ 

ကယန်းသာယာကျေးရွာတွင်လည်း လက်နက်ကြီးကျည်ကျရောပေါက်ကွဲမှုကြောင့် ထိခိုက်ဒဏ်ရာရသူ များရှိပြီး နေအိမ်ပျက်စီးမှုများလည်းရှိကြောင်း သိရသည်။

“သူတို့အထိအခိုက်များတော့ ရမ်းသန်းပစ်နေတာ။ နွားလဝိုးမှာ နှစ်ဦးသေတယ်သတင်းရပေမယ့် တဦး ကိုပဲ အတည်ပြုနိုင်သေးတယ်။ အဲဒီရွာတွေက ဒီ မိုးဗြဲ-လွိုင်ကော် လမ်းတကြောမှာရှိတဲ့ ရွာတွေပါ။ သူတို့ ယာဉ်တန်းတစ်လျှောက် တလမ်းလုံးရမ်းပစ်လာတာ။ လွိုင်ကော်မြို့ထဲကလည်း လက်နက်ကြီးနဲ့ လှမ်းပစ် တယ်။ နေအိမ်ပျက်စီးတာရှိတယ်” ဟု သတင်းရင်းမြစ်က ပြောသည်။

အာဏာသိမ်းပြီးနောက်ပိုင်းတွင် စစ်ကောင်စီတပ်၏ ပစ်ခတ်မှုကြောင့် အရပ်သား ၃၆၅ ဦး သေဆုံးခဲ့ပြီး စစ်ဘေးရှောင် ၁၃၆ ဦး သေဆုံးခဲ့ကြောင်း တိုးတက်သောကရင်နီပြည်သူ့အင်အားစု PKPF မှ ဇူလိုင်လ ၁ ရက်နေ့တွင် ထုတ်ပြန်ထားသည်။

စာတည်း။ ။စောဖေ
စာမူတည်းဖြတ်။ ။စောဖေ

#ကရင်နီပြည်
#လွိုင်ကော်မြို့နယ်
#စစ်ကောင်စီယာဉ်တန်း
#အရပ်သားသေဆုံးမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ကောင်စီ၏ ထောက်ပို့လေယာဉ်မှ ချသွားသော လက်နက်ခဲယမ်းများကို တော်လှန်ရေးပူးပေါင်းတပ် သိမ်းဆည်းရရှိ
====================

ဂျူချန်း

(မဇ္ဈိမ)။ ။ ကရင်နီပြည်နယ်၊ မယ်စဲ့မြို့နယ်တွင် စစ်ကောင်စီ၏ ထောက်ပို့လေယာဉ်ငယ်မှ ကြဲချထားသည့် လက်နက်ခဲယမ်းများအား တော်လှန်ရေးပူးပေါင်းတပ်ဖွဲ့က သိမ်းဆည်းရမိခဲ့ကြောင်း တော်လှန်ရေးရဲဘော်တစ်ဦးထံမှ သိရသည်။

မယ်စဲ့မြို့နယ်၊ သံလွင်မြစ်အရှေ့ဘက်ကမ်းရှိ စစ်ကောင်စီတပ် အခြေချရာ တပ်စခန်းတစ်ခုအနီးတွင် ဇူလိုင်လ ၆ ရက် မွန်းလွဲ ၁နာရီကျော်ခန့်၌ စစ်ကောင်စီ၏ ထောက်ပို့ လေယာဉ်ငယ်မှ လက်နက်ခဲယမ်းများ ထည့်ထားသည့် သေတ္တာများ လာချခဲ့ရာ ကာကွယ်ရေးပူးပေါင်းတပ်ဖွဲ့က ထိုသေတ္တာများအနက် သေတ္တာသုံးလုံးကို သိမ်းဆည်းရရှိခဲ့ကြောင်း သိရသည်။

ပြီးခဲ့သည့် ဇွန်လ ၃၀ ရက်နေ့တွင်လည်း ရွာသစ််မြို့အခြေစိုက် BGF တပ်ရင်း(၁၀၀၅) အနီးတွင် စစ်ကောင်စီတပ်စခန်းများမှ သိမ်းဆည်းရမိထားသည့် လက်နက်များဖြင့် စစ်ကောင်စီ၏ တိုက်ခိုက်ရေး ဂျက်လေယာဉ်ကို ပစ်ချနိုင်ခဲ့ကြောင်း ကလလတ က အတည်ပြုပြောကြားထားသည်။ 

https://youtu.be/vaWdHDyseA0

တင်ဆက်/တည်းဖြတ်-ဂျူချန်း
စာတည်း။ ။ ဖူးသိမ်ကျ
စာမူတည်းဖြတ်။   ။ သန့်ဇော်(သန်လျင်)

#ကရင်နီပြည်နယ်
#စစ်ကောင်စီ
#ထောက်ပို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U