ဇူလိုင်လ ( ၁၁)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
======================

01:05 - ခြောက်လအတွင်း KNU ထိန်းချုပ်နယ်မြေမှာ တိုက်ပွဲ ၂၅၀၀ နီးပါးဖြစ်ခဲ့ပြီး စစ်ဘေးရှောင်ပြည်သူ ၆သိန်းခန့်ထိ ရှိလာတဲ့ သတင်း

04:09 - ကလေးသူငယ်များ ထိခိုက်သေဆုံးမှုဆိုင်ရာ ကုလအစီရင်ခံစာကို စစ်ကောင်စီ ပယ်ချတဲ့ သတင်း

07:32 - စစ်အာဏာရှင် ဆန့်ကျင်ရေး တက်ကြွလှုပ်ရှားသော မြန်မာလူငယ်များနှင့် အာဆီယံအထူးသံမန်ရုံး သံအမတ်ကြီးတို့ တွေ့ဆုံခဲ့တဲ့ သတင်းနဲ့

10:50 - ထိုင်းဝန်ကြီးချုပ်ရာထူးဆက်ခံဖို့ တစ်ပြေးနေသူက ပါလီမန်မဲခွဲမှုတွေမတိုင်မီ ထောက်ခံသူတွေကို စည်းရုံးတဲ့ သတင်း အပါအဝင် နောက်ဆုံးရ ပြည်တွင်းသတင်းတွေနဲ့ နိုင်ငံတကာသတင်းတွေကိုတင်ဆက်ပေးသွားမှာပါ ခင်ဗျာ။

https://youtu.be/ZdBk4v_3uKo

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ယူကရိန်းသို့ ကလပ်စတာဗုံးများ ပေးအပ်ဖို့အတည်ပြုချက်အပေါ် လူသားချင်းစာနာမှုဆိုင်ရာ ပြဿနာတွေဖြစ်လာနိုင်ကြောင်း တရုတ်သတိပေး

#InternationalNews #ukraine #reels #shorts

ယင်းမာပင်မြို့နယ် အမှတ်(၂၈) ရဲတပ်ရင်းကို ဒေသကာကွယ်ရေးတပ်ဖွဲ့များက လက်နက်ကြီးများဖြင့် တိုက်ခိုက်
===================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ ယင်းမာပင်မြို့နယ်၊ မုံရွာ- ပုသိမ်လမ်းဘေးရှိ အမှတ်(၂၈)ရဲတပ်ရင်းကို ဒေသကာ ကွယ်ရေးတပ်ဖွဲ့များမှ ဇူလိုင်လ ၈ ရက်နေ့ ညနေ ၅ နာရီခန့်က လက်နက်ကြီးများဖြင့် ပစ်ခတ်တိုက်ခိုက် ခဲ့ကြောင်း ယင်းမာပင်ခရိုင်တပ်ရင်း အမှတ်(၃၀)(DRPA) တပ်ဖွဲ့ထံမှ သိရသည်။

အဆိုပါတိုက်ခိုက်မှုတွင် စစ်ကောင်စီတပ်သားများထိခိုက်မှုရှိပြီး အသေးစိတ် မသိရှိရသေးကြောင်း DRPA တပ်ဖွဲ့ သတင်းနှင့်ပြန်ကြားရေးတာဝန်ရှိသူက မဇ္ဈိမကိုပြောသည်။

“ လက်နက်ကြီးတွေဖြစ်တဲ့ ၆၀ မမ ၊ ၈၀ မမ ၊ ၁၂၀ မမ စတဲ့လက်လုပ် လက်နက်ကြီးတွေအပြင် ရှော့တိုက် ဒုံးတွေကိုလည်း အသုံးပြုတိုက်ခိုက်ခဲ့ပါတယ်။ ရဲတပ်ရင်းထဲကျရောက်ပေါက်ကွဲပြီး အဆောက်အဦးတချို့ ပျက်စီးခဲ့သလို စစ်ကောင်စီတပ်သားတွေ ထိခိုက်နိုင်ခြေရှိပေမဲ့ အသေးစိတ်အတည်မပြုနိုင်သေးပါဘူး” ဟု ၎င်းကဆိုသည်။

တိုက်ခိုက်မှုကို ယင်းမာပင်ခရိုင်တပ်ရင်း အမှတ်(၃၀)(DRPA)၊ ယင်းမာပင်-ဆားလင်းကြီး မဟာမိတ်တပ် ပေါင်းစု၊ Fighter Brotherhood Guerrilla တပ်ဖွဲ့နှင့် ဒေသတွင်းမဟာမိတ်တပ်ဖွဲ့များပူးပေါင်း၍ မိနစ် ၄၀ ခန့် ပစ်ခတ်တိုက်ခိုက်ခဲ့ကြောင်း သိရသည်။
အဆိုပါ အမှတ်(၂၈)ရဲတပ်ရင်းသည် တရုတ်နိုင်ငံမှ ဝမ်ပေါင်-ယမ်စီကုမ္ပဏီတို့ကို လုံခြုံရေးယူပေးနေသည့် ရဲတပ်ရင်းဖြစ်ပြီး ဇူလိုင်လ ၉ ရက်နေ့ ညပိုင်း ၈ နာရီအချိန်မှစတင်၍ ၁၂၀ မမ နှင့် ဟော်ဝစ်ဇာ (howitzer) လက်နက်ကြီးများအသုံးပြုပြီး ရမ်းသန်းပစ်ခတ်နေသည့်အတွက် ဒေသခံများ ဘေးလွတ်ရာသို့ရှောင်တိမ်း နေရကြောင်း သိရသည်။

https://youtube.com/shorts/LZ28LAARX5M?feature=share

စာတည်း။ ။စောဖေ
စာမူတည်းဖြတ်။ ။စောဖေ

#စစ်ကိုင်းတိုင်း
#ယင်းမာပင်မြို့နယ်
#အမှတ်(၂၈)ရဲတပ်ရင်း
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဗိုလ်ကြီးကိုသတ်လိုက်သည့် အရာခံဗိုလ်၏ သားစစ်ဗိုလ်ကို တပ်မှ ထုတ်ပယ်၊မိသားစုကိုလိုင်းခန်းမှနှင်ချဟုဆို
=================

မင်းထက်
(မဇ္စျိမ)။ ။မအူပင်မြို့အဝင် စစ်ဆေးရေးဂိတ်၌ ဗိုလ်ကြီးအဆင့်ရှိသူအား သေနတ်ဖြင့်ပစ်ခတ်ပြီး ကိုယ့်ကိုယ်ကိုယ် အဆုံးစီရင်ခဲ့သည့် အရာခံဗိုလ်၏ သားအား စစ်ကောင်စီက တပ်မှထုတ်ပယ်လိုက်ပြီး မိသားစုကိုလည်း လိုင်းခန်းမှနှင်ချလိုက်ကြောင်း သတင်းရရှိသည်။

မအူပင်မြို့အဝင် စစ်ဆေးရေးဂိတ်၌တာဝန်ကျနေသည့် ပုသိမ်မြို့၊ဗဟိုလေ့ကျင့်ရေး (၆) မှစစ်ကောင်စီတပ်မှအရာရှိနှစ်ဦးသည် ပြီးခဲ့သည့် ဇူလိုင်လ ၄ ရက်နေ့လည်က တာဝန်ထမ်းဆောင်နေစဉ် ငွေကြေးခွဲတမ်းကိစ္စဖြင့် စကားများရန်ဖြစ်ပြီး ပစ်ခတ်မှုဖြစ်ပွားခဲ့သည်ဟု သိရသည်။ အရာခံဗိုလ်က ဗိုလ်ကြီးအဆင့်အရာရှိကို သေနတ်ဖြင့်ပစ်ခတ်ပြီး ကိုယ့်ကိုယ်ကိုယ်လည်း သေနတ်ဖြင့်ပြန်ပစ်ကာ အဆုံးစီရင်သွားခဲ့ခြင်းဟု သိရသည်။ အရာခံဗိုလ်၏ သားသည် လက်ရှိတွင် စစ်ကောင်စီတပ်တွင် ဗိုလ်အဆင့်ဖြင့် တာဝန်ထမ်းဆောင်နေသူဟု တပ်တွင်းသတင်းရင်းမြစ်က မဇ္ဈိမကိုပြောသည်။

ယခုအခါ အရာခံဗိုလ်၏ သားအား စစ်ကောင်စီက စစ်တပ်ရာထူးမှထုတ်ပယ်လိုက်ပြီး မိသားစုကိုလည်း လိုင်းခန်းမှနှင်ထုတ်လိုက်ကြောင်း သတင်းရရှိသည်။

" စစ်တပ်ထဲမှာရှိတဲ့ အရာခံဗိုလ်ရဲ့သား စစ်ဗိုလ်ကိုတပ်ကထုတ်ပယ်လိုက်တယ်။အရာခံဗိုလ်ရဲ့ မိသားစုတွေကိုလည်း လိုင်းခန်းကနေလည်းမောင်းထုတ်လိုက်တယ်"ဟု တပ်တွင်းသတင်းရင်းမြစ်ကပြောသည်။

အရာခံ‌ဗိုလ်၏ မိသားစုဝင်များကို လေ့ကျင်ရေး (၆) ရှိ ၀န်ထမ်းအိမ်ယာလိုင်းခန်းမှ ဇူလိုင်လ ၈ ရက်နေ့တွင် ဖယ်ရှားခိုင်းခဲ့ခြင်းဖြစ်ပြီး ထုတ်ပယ်ခံရသူအတွက်လည်း မည်သည့်ခံစားခွင့်မျှ ‌မပေးဟု အဆိုပါ တပ်တွင်းသတင်းရင်းမြစ်ကပြောသည်။

အရာခံဗိုလ်၏ သားကို စစ်တပ်မှ ထုတ်ပယ်ပြီး မိသားစုကိုလည်း လိုင်းခန်းမှနှင်ချသည့် သတင်း ဟုတ်မှန်ကြောင်း ပုသိမ်မြို့၊ဗဟိုလေ့ကျင့်ရေး (၆) နှင့် နီးစပ်သော မြို့ခံအချို့ကလည်း ပြောသည်။
"ခုနစ်ရက်အတွင်း လိုင်းခန်းကဆင်းပေးရမယ်တဲ့။ သူ့အဖေက အရာရှိကို ပုန်ကန်တဲ့အတွက် သူ့သား နှစ်ပွင့်နဲ့ဗိုလ်ကိုလည်း တပ်က ထုတ်လိုက်တယ်" ဟုမြို့ခံသတင်းရင်းမြစ်တစ်ဦးက ဆိုသည်။
စစ်ကောင်စီ၏ အဆိုပါလုပ်ရပ်သည် တပ်စည်းကမ်းနှင့်မညီဘဲ လက်အောက်ငယ်သားများအား ဖိနှိပ်ရန်အတွက် လုပ်ချင်ရာလုပ်သည့်ပုံစံဟု CDM ‌ဗိုလ်ကြီးတစ်ဦးက ဝေဖန်သုံးသပ်သည်။

"သေနတ်နဲ့ပစ်သတ်ခဲ့တဲ့လူက အသက်ရှင်တယ်ဆိုရင် အပြစ်ပေးအရေးယူတာတွေလုပ်ရမှာမှန်တယ်။အခုက ပစ်တဲ့လူကလည်းသေသွားပြီ။ သူရဲ့သားကို စစ်တပ်ကထုတ်ပယ်လိုက်တယ်ဆိုတာကတော့ အောက်လက်ငယ်သားတွေက အရာရှိတွေကို ပြန်ခံမလုပ်ရဲအောင်နဲ့ တပ်စည်းကမ်းနဲ့မညီဘဲ လုပ်ချင်ရာလုပ်လို့ရတယ်ဆိုတဲ့ ပုံစံကိုပြတာလို့ထင်တယ်"ဟု ၎င်းကပြောသည်။

စစ်ကောင်စီလက်အောက်ခံတပ်ဖွဲ့ဝင်အချင်းချင်း ပစ်ခတ်မှုသည် ၁၀ ရက်အတွင်း သုံးကြိမ်ဖြစ်ပွားခြင်းဖြစ်သည်။ပြီးခဲ့သည့် ဇွန်လ ၂၇ ရက်က ဧရာဝတီတိုင်း၊ ဟင်္သာတမြို့၊ အမှတ် (၂) နယ်မြေရဲစခန်းတွင် ရဲတပ်ဖွဲ့ဝင်နှစ်ဦး စကားများရန်ဖြစ်ရာမှ အချင်းချင်း ပစ်ခတ်မှုဖြစ်ပွားပြီး ရဲတပ်သားနေလင်းဆိုသူ သေဆုံးခဲ့သည်ဟုသိရသည်။ ပဲခူးတိုင်း၊မင်းလှမြို့တွင်လည်း ရဲအချင်းချင်း ပစ်ခတ်မှုတစ်ခု ဇူလိုင် ၆ ရက်က ဖြစ်ခဲ့ပြီး ရဲတပ်သားချစ်ထွေးဆိုသူ သေဆုံးခဲ့သည်။

စာတည်း - မောင်ကြီး

#mizzima
#မအူပင်မြို့
#ဗဟိုလေ့ကျင့်ရေး (၆)
#အရာခံဗိုလ်
Photo: မအူပင်မြို့ စစ်ဆေးရေးဂိတ်(ပုံဟောင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မတ္တရာမြို့နယ်တွင် စစ်ကောင်စီတပ်ဖွဲ့မိုင်းဆွဲတိုက်ခိုက်ခံရ၍ ၅ ဦးသေဆုံး
=================

007
(မဇ္စျိမ)။ ။ မန္တလေးတိုင်း၊ မတ္တရာမြို့နယ်တွင် စစ်ကြောင်းထိုးလာသည့် စစ်ကောင်စီတပ်ဖွဲ့အား ဇူလိုင်လ ၉ရက် နံနက်ပိုင်းက မိုင်းဆွဲတိုက်ခိုက်ခဲ့ရာ ငါးဦးသေဆုံးသွားသည်ဟု မတ္တရာမြို့နယ် ပြည်သူ့ကာကွယ်ရေးတပ်ဖွဲ့(မတ္တရာမြို့နယ် ပ.က.ဖ)က သတင်းထုတ်ပြန်သည်။

“သေသွားတဲ့ အလောင်းကို ပြည်သူတွေကို ထမ်းခိုင်းတယ်၊ နောက်တော့ အလောင်းထမ်းတဲ့သူတွေကို ပြန်လွှတ်ပေးတယ်၊ မနေ့(ဇူလိုင်လ ၉ရက်)ကတည်းက ကျောက်တံတားမှာ အလောင်းတွေရောက်နေတယ်ဆိုတာကို ကြားထားတယ်၊ ဒီနေ့(ဇူလိုင် ၁၀ ရက်) ညနေမှ သတင်းက၀င်လာတာပါ" ဟု မတ္တရာမြို့နယ် ပ.က.ဖ ပြောရေးဆိုခွင့်ရှိသူက မဇ္ဈိမကိုပြောသည်။

ယမန်နေ့ ဇူလိုင်လ ၁၀ ရက် နံနက် ၁၀ နာရီခွဲ အချိန်ခန့်က မတ္တရာမြို့နယ်အရှေ့ခြမ်း ၊ မြောင်းသစ်ကျေးရွာမှ ထွက်လာသော စစ်ကောင်စီတပ်ဖွဲ့သည် ချောင်းမကြီးကျေးရွာအရှေ့ဘက်၊ တံတားနက်တံတား၏တောင်ဘက် ပေ ၃,၀၀၀ ကျော်အကွာရှိ မတ္တရာမြို့နယ် ပ.က.ဖ အဖွဲ့က ထောင်ထားသည့် မိုင်းကွင်းအတွင်း ၀င်ရောက်လာစဉ် မိုင်းဆွဲတိုက်ခိုက်ခံလိုက်ရခြင်းဖြစ်သည်ဟု ထုတ်ပြန်ချက်တွင် ဖော်ပြထားသည်။

မိုင်းဆွဲခံရပြီး သေဆုံးသွားသူများထဲတွင် စစ်ကောင်စီတပ်ဖွဲ့က အရာရှိအဆင့်ရှိသူဟု ယူဆရသူတစ်ဦး အပါအ၀င် စုစုပေါင်းငါးဦး သေဆုံးခဲ့ကြောင်း ထုတ်ပြန်ချက်တွင် ဖော်ပြထားပြီး မဇ္ဈိမအနေဖြင့် အရာရှိအဆင့်ဆိုသူနှင့် ပတ်သက်၍ သီးခြားအတည်ပြုနိုင်ခြင်း မရှိသေးပေ။

လက်ရှိတွင် မတ္တရာမြို့နယ်အရှေ့ခြမ်း၊ ချောင်းမကြီးကျေးရွာအရှေ့ဘက်တွင် စစ်ကောင်စီတပ်သားများ မရှိတော့ဘဲ ချောင်းမကြီးကျေးရွာ အနောက်ဘက် ရှားစေးချက်ကျေးရွာတွင် အင်အား ၄၀ ခန့်ရှိပြီး ၎င်းတို့အနက်အချို့သည် ကျောက်တံတားကျေးရွာနှင့် ငါးလုံးပြွန် ကျေးရွာသို့ ပြောင်းရွှေ့တပ်စွဲထားသည်ကို တွေ့ရသည်ဟု ဆိုသည်။

ထိုသို့ပြောင်းရွှေသွားသော စစ်ကောင်စီတပ်ဖွဲ့တွင် ဒဏ်ရာရစစ်သားများအပြင် အရာရှိအလောင်းဟု ယူဆရသော အလောင်းတစ်လောင်းကိုပါ ထမ်းစဉ်ဖြင့် သယ်သွားသည်ကို အတည်ပြုနိုင်ခဲ့သည်ဟု ထုတ်ပြန်ချက်တွင် ဖော်ပြထားသည်။

မတ္တရာမြို့နယ် ပြည်သူ့ကာကွယ်ရေး တပ်ဖွဲ့သည် ဇူလိုင်လ ၉ ရက် နံနက်ပိုင်းကလည်း မတ္တရာမြို့နယ်၊မြောင်းသစ်ကျေးရွာတွင် တပ်စွဲထားသော စစ်ကောင်စီတပ်ဖွဲ့ကို ဒရုန်းဖြင့် ဗုံးကြဲတိုက်ခိုက်ခဲ့ရာ စစ်ကောင်စီတပ်ဖွဲ့ဝင်နှစ်ဦး ပြင်းထန်ဒဏ်ရာရခဲ့ကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#မန္တလေးတိုင်း
#မတ္တရာမြို့နယ်
#စစ်ကောင်စီတပ်
#တိုက်ခိုက်မှု

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြန်မာအရေး ဦးစားပေးမည့် အာဆီယံ နိုင်ငံခြားရေးဝန်ကြီးများ အစည်းအဝေး စတင်
======================

အရှေ့တောင်အာရှနိုင်ငံများအသင်း အာဆီယံနှင့် မိတ်ဖက်နိုင်ငံများမှ နိုင်ငံခြားရေးဝန်ကြီးများသည် အစည်းအဝေးများအတွက် ဂျကာတာသို့ စုရုံးရောက်ရှိလျက် ရှိပြီဖြစ်သည်။

အစည်းအဝေး၏ လုပ်ငန်းစဉ်တွင် အာဆီယံအတွက် ကွဲလွဲမှုများ ဖြစ်စေပြီး ကမ္ဘာလုံးဆိုင်ရာ စိုးရိမ်မှု ဖြစ်စေသည့် ရေရှည်ပဋိပက္ခဖြစ်သော မြန်မာနိုင်ငံက အခြေအနေကို ဦးစားပေးထားသည်။
အင်္ဂါနေ့တွင် စတင်မည်ဖြစ်သော အစည်းအဝေးများ၌ မြန်မာ့အရေးသည် အဓိကအကြောင်းအရာဖြစ်မည်ဟု ယခုနှစ် အာဆီယံဥက္ကဋ္ဌ အင်ဒိုနီးရှားက မျှော်လင့်ထားသည်။

July - 11 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

India's headhunter warriors sever the past, fret over future
==================

https://youtu.be/pmS_iVbgsXE

ပုလောမြို့နယ်တွင် ဒေသခံများ မိုင်းနင်းမိပြီး ထိခိုက်သေဆုံးမှုရှိဟုဆို
==================

ကိုရွှေမြိတ်
(မဇ္ဈိမ)။ ။တနင်္သာရီတိုင်း၊ ပုလောမြို့နယ်တွင် မိုင်းနင်းမိ၍ ထိခိုက်သေဆုံးမှုများ မကြာခဏဖြစ်ပွားနေ သည်ဟု မြိတ်ခရိုင်တပ်ရင်း(၁)ပြည်သူ့ကာကွယ်ရေးတပ်မတော် သတင်းနှင့်ပြန်ကြားရေးအဖွဲ့ တာဝန်ခံ က ပြောသည်။

“အတော်များများ မိုင်းနင်းမိတဲ့သူတွေက သာမန် အရပ်သားတွေချည်းပဲ များတယ်”ဟု ၎င်းက ပြောသည်။

ကာကွယ်ရေးတပ်ဖွဲ့က နှစ်လကျော်အတွင်း ကောက်ယူရရှိထားသည့် စာရင်းများအရ မိုင်းနင်းမိသဖြင့် အရပ်သားသုံးဦးသေဆုံးပြီး သုံးဦးထိခိုက်ဒဏ်ရာရရှိခဲ့ကြောင်း သိရသည်။

“အခုတခေါက် မင်းထိန်ရွာက အသက် ၅၀ ကျော်အရွယ် အမျိုးသားတဦး တိုက်မိုင်းထိပြီး ထိခိုက်ဒဏ်ရာ ရတယ်၊ ခြေထောက်ဖြတ်လိုက်ရတဲ့အထိ အခြေအနေပြင်းထန်တယ်လို့သိရပါတယ်”ဟု မြိတ်ခရိုင် တပ်ရင်း(၁)ပြည်သူ့ကာကွယ်ရေးတပ်မတော်မှ သတင်းနှင့် ပြန်ကြားရေး တာဝန်ခံကပြောသည်။

စစ်ကောင်စီတပ်ဖွဲ့ စစ်ကြောင်းထိုးရာတွင် အသုံးပြုလေ့ရှိသော လမ်းများကို PDF ဘက်မှ တိုက်မိုင်းများ ထောင်ထားခြင်းရှိ၍ ဒေသခံများအနေဖြင့် နယ်မြေကူးသန်းသွားခြင်းများပြုလုပ်ပါက ကာကွယ်ရေး တပ်ဖွဲ့ဝင်များထံ ဆက်သွယ်အကြောင်းကြား၍ သွားလာကြရန် တောင်းဆိုထားသည်။

ပုလောမြို့နယ်သည် စစ်အုပ်ချုပ်ရေးသတ်မှတ်ထားသည့် ဒေသတစ်ခုဖြစ်ပြီး စစ်ကောင်စီတပ်သားများ က ဒေသခံများရှိရာဘက်သို့ လက်နက်ကြီးပစ်ခတ်မှုများ နေ့စဉ်ရက်ဆက် ပြုလုပ်နေသည်ဟုလည်း သိရ သည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#တနင်္သာရီတိုင်း
#ပုလောမြို့နယ်
#မိုင်း
#စစ်ဘေးရှောင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ထိုင်းတွင် ပျောက်ဆုံး ဂျာမနီစီးပွားရေးလုပ်ငန်းရှင်၏ ရုပ်အလောင်း အပိုင်းအစများကို ရေခဲသေတ္တာအတွင်း တွေ့ရှိ
================

သီတင်းပတ်ကြာ ပျောက်ဆုံးနေသော အသက် ၆၂ နှစ်အရွယ် ဂျာမနီစီးပွားရေးလုပ်ငန်းရှင်၏ ရုပ်အလောင်း အပိုင်းပိုင်း အပြတ်ပြတ်ကို ထိုင်းတောင်ပိုင်းရှိ အိမ်တစ်အိမ်ထဲက ရေခဲသေတ္တာအတွင်း တွေ့ရှိကြောင်း ရဲက ဇူလိုင် ၁၁ ရက်တွင် ပြောသည်။

တနင်္လာနေ့ ည ၁၁ နာရီခန့်တွင် ဟန်-ပီတာ မတ်၏ ရုပ်အလောင်းကို ရှာဖွေတွေ့ရှိခြင်းဖြစ်ကြောင်း နွန်ပရီမြို့ မြို့နယ်ရဲမှူး တာဝီကက်သာလန်းက ပြောသည်။

ယင်း ဧရိယာမှ လုံခြုံရေးကင်မရာ မြင်ကွင်းများကို အသုံးပြုပြီး အလောင်းရှိနေရာကို စုံစမ်းစစ်ဆေးသူများက ဖော်ထုတ်ခဲ့ခြင်း ဖြစ်သည်ဟု တာဝီက ဆိုသည်။

ပျဉ်းမဖြူရဲ့အကျိုးကျေးဇူးများ
============

-ပျဥ်းမဖြူက သင့်ကျန်းမာရေးအတွက် ဘာတွေအကျိုးပြုမလဲ ?

-ပျဥ်းမဖြူမှာ ပါဝင်တဲ့ အစွမ်းသတ္တိတွေက ဘာတွေလဲ ?

-ပျဥ်းမဖြူမှာရှိတဲ့ လျှို့ဝှက်ချက် အကျိုးအာနိသင်တွေက ဘာတွေလဲ ?

အစရှိတဲ့ အကြောင်းအရာတွေကို ဒီအစီအစဉ်ကနေ တင်ဆက်ပေးသွားမှာပါ ......

https://youtu.be/QuNFcQnr5eo

#Nature
#NatureArticle
#VideoNews
#MizzmaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဆွီဒင်ရဲ့နေတိုးအဖွဲ့ဝင်ဖြစ်ရေးကို တူရကီရဲ့အီးယူအဖွဲ့ဝင်ဖြစ်ရေးနဲ့ချိတ်ဆက်ပြီး အာဒိုဂန်ပြောဆို

#InternationalNews #reels #shorts #Sweden #Mizzima

ASEAN ministerial meeting begins without Myanmar representative
====================

https://youtu.be/tnN-2A4Zpvk

Nature Article |ပျဥ်းမဖြူက သင့်ကျန်းမာရေးအတွက် ဘာတွေကောင်းကျိုးပြုသလဲ?

Watch more detail - https://youtu.be/QuNFcQnr5eo

#naturearticle #စကားဝိုင်း #naturearticleshorts #reels

July - 11 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts #mizzimadailynews