ဆွီဒင်မှာ ကိုရမ်ကျမ်းကိုခြေဖြင့်နင်းပြီးဆန္ဒပြမှု ထပ်မံဖြစ်ပွား
=================

https://youtu.be/SLxsLL0Jnkk

Pop Culture အစီအစဉ် | VOA On Mizzima
=================

ကမ္ဘာကျော် ပေါ့ဂီတအဆိုတော် Madonna ဆေးရုံတက်ရပြီး ဖျော်ဖြေရေးခရီးစဉ်တွေ ရွှေ့ဆိုင်းထားရပါတယ်။ နယ်သာလန်နိုင်ငံမှာတော့ လိမ်ပြောင်းအလှမယ်တဦး နိုင်ငံကိုယ်စားပြု မယ်စကြဝဠာပြိုင်ပွဲ ဝင်ရောက်ယှဉ်ပြိုင်မှာပါ။ ဒီလို ကမ္ဘာပေါ်မှာ ခေတ်စားနေတာတွေ၊ ထင်ပေါ်ကျော်ကြားသူတွေနဲ့ အနုပညာရှင်တွေရဲ့ သတင်းတွေကို မအေးသန္တာကျော်က Pop Culture အစီအစဉ်မှာ တင်ဆက်ထားပါတယ်။

https://youtu.be/3mEg-yKo7y4
 
#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

July - 21 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

​​အီးယူက မြန်မာအပေါ် ၇ ကြိမ်မြောက် ဒဏ်ခတ်ပိတ်ဆို့မှု ချမှတ်
=========================

ရွေးကောက်ခံ ခေါင်းဆောင် ဒေါ်အောင်ဆန်းစုကြည်အား ဖြုတ်ချပြီး စစ်တပ်က အာဏာသိမ်းခဲ့သည့် ၂၀၂၁ မှစကာ အကြမ်းဖက်မှုများ မြင့်တက်နေခြင်းနှင့် လူ့အခွင့်အရေး ချိုးဖောက်ခြင်းများကို တုံ့ပြန်ခြင်းအဖြစ် ဆိုလျက် ဥရောပသမဂ္ဂ အီးယူသည် မြန်မာနိုင်ငံအပေါ် ခုနစ်ကြိမ်မြောက် ဒဏ်ခတ်ပိတ်ဆို့မှုအား ဇူလိုင် ၂၀ ရက်တွင် ချမှတ်သည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒိုက်ဦးအကျဉ်းထောင်က နိုင်ငံရေးအကျဉ်းသားတချို့ သေဆုံးမှု AAPP သတင်းထုတ်ပြန်
=====================

ပြီးခဲ့တဲ့ ဇွန်လထဲ ဒိုက်ဦး (ကျိုက်ဇကော) ထောင်က နိုင်ငံရေးအကျဉ်းသား (၃၇) ဦး ပျောက်ဆုံးနေတဲ့ထဲက သေဆုံးသူ ရှစ်ဦးအထိ အတည်ပြုထားနိုင်ပြီ လို့ နိုင်ငံရေးအကျဉ်းသားများကူညီစောင့်ရှောက်ရေးအသင်း AAPP က ထုတ်ပြန်လိုက်ပါတယ်။
မတရား ဖမ်းဆီးခံရပြီး စစ်ကြောရေးမှာ ညှဉ်းပန်းနှိပ်စက်မှုကြောင့် သေဆုံးရသူတွေ ခုရက်ပိုင်း ပိုများလာနေတဲ့အကြောင်း နဲ့ အရေးပေါ် စုံစမ်းစစ်ဆေးမှုတွေ အမြန်ဆုံး လုပ်ဆောင် လိုအပ်နေတယ်လို့လည်း ပြောပါတယ်။

ပြီးခဲ့တဲ့ ဇူလိုင်လ ၂၇ ရက်နေ့ကတည်းက ပဲခူးတိုင်း ဒိုက်ဦးအကျဉ်းထောင်ကနေ ခေါ်ထုတ်ခံရပြီး ပျောက်ဆုံးနေတဲ့ နိုင်ငံရေး အကျဉ်းသား ၃၇ ဦး ရှိခဲ့ပြီး အဲဒီထဲက ကိုခန့်လင်းနိုင်နဲ့ ကိုပြည့်ဖြိုးဟိန်း တို့ နှစ်ဦးသေဆုံးတဲ့အကြောင်း ဇူလိုင်လ ပထမအပတ်မှာ မိသားစုဝင်တွေဆီ အကျဉ်းဦးစီးက ပထမဆုံး အကြောင်းကြားခဲ့တာဖြစ်ပါတယ်။

အဲဒီနောက် ပျောက်ဆုံးနေတဲ့ နိုင်ငံရေးအကျဉ်းသားတွေရဲ့ မိသားစုဝင်တွေဆီ သေဆုံးကြောင်း ဆက်တိုက်အကြောင်းကြားစာတွေ ပေးပို့နေပြီး နောက်ထပ် ခြောက်ဦး အထိထပ်တိုးလာတယ် လို့ AAPP က အမည်စာရင်းနဲ့ ထုတ်ပြန်လာပါတယ်။

အေအေပီပီ ရဲ့ ထုတ်ပြန်ချက်အရ အတည်ပြုနိုင်တဲ့ သေဆုံးသူ ၈ ဦးကတော့ ခန့်လင်းနိုင်၊ ကိုပြည့်ဖြိုးဟိန်း၊ ကိုဇင်မြင့်ထွန်း၊ ကိုဝေယံလွင်၊ ကိုဇင်ဝင်းထွဋ်၊ ကိုအောင်မျိုးသူ၊ ကိုဘိုဘိုဝင်းနဲ့ ကိုနေအေးတို့ ဖြစ်တယ်လို့ ဖော်ပြထားပါတယ်။

ဒါ့အပြင် ဒိုက်ဦးထောင်ထဲမှာပဲ နိုင်ငံရေးအကျဉ်းသား နှစ်ဦးဖြစ်တဲ့ ကိုအောင်စိုးမိုး နဲ့ ဝေါမြို့နယ်အမတ် ဦးမောင်ဒီ တို့ ဇူလိုင် ၁၆ ရက် နဲ့ ၁၇ ရက် တွေမှာ သေဆုံးခဲ့တဲ့ အကြောင်း အေအေပီပီ ကပြောပါတယ်။
 
ဒိုက်ဦးထောင်၊ သာယာဝတီထောင်နဲ့ မြင်းခြံ ထောင်တွေမှာ နိုင်ငံရေး အကျဉ်းသားတွေကို အကျဉ်းထောင်ထဲကနေ ခေါ်ထုတ်ရိုက်နှက် စစ်ဆေးတာတွေ စစ်ကောင်စီဘက်က ခုနောက်ပိုင်း ခပ်စိပ်စိပ် လုပ်လာနေပြီး ဒီအထဲမှာ သေဆုံးသူတွေနဲ့ အသက်အန္တရာယ် စိုးရိမ်ရသူတွေ ရှိတဲ့အကြောင်း AAPP က ပြောပါတယ်။
မတရားဖမ်းဆီးခံပြီး စစ်ကြောရေးမှာညှင်းပမ်း နှိပ်စက်မှုကြောင့် သေဆုံးသွားရတဲ့သူတွေ၊ စစ်ကောင်စီက မြို့ရွာတွေထဲ စစ်ကြောင်းထိုးပြီး လူသတ်မီးရှို့မှုတွေအတွင်း သေဆုံးရသူတွေနဲ့ အကျဉ်းထောင်တွင်းသေဆုံးမှုတွေ အခုရက်ပိုင်းအတွင်း ပိုပြီး များလာတယ်လို့လည်း AAPP က ပြောပါတယ်။

ဒိုက်ဦးထောင်မှာတင်မဟုတ်ဘဲ တခြားသော အကျဉ်းထောင် တချို့မှာလည်း နိုင်ငံရေးအကျဉ်းသားတွေ ခေါ်ထုတ်ခံရပြီး သေဆုံးတာ၊ ပျောက်ဆုံးတာ၊ လွတ်ရက်စေ့ပြီးမှ ပြန်လည် ခေါ်ဆောင်ခံရပြီး ပျောက်ဆုံးနေတာတွေလည်း ရှိတယ်လို့ AAPP က ထောက်ပြထားပါတယ်။

ခုလို တရားလက်လွတ် အနိုင်ကျင့် သတ်ဖြတ်နေတာတွေနဲ့ပတ်သက်လို့ အရေးပေါ်စုံစမ်းစစ်ဆေးမှုတွေ အမြန်ဆုံးလုပ်ပြီး ကမ္ဘာ့ကုလသမဂ္ဂအပါအဝင် နိုင်ငံတကာအစိုးရတွေနဲ့ နိုင်ငံတကာတရားရေးမဏ္ဍိုင်တွေကို အရေးပေါ်စုံစမ်းစစ်ဆေးမှုတွေ ချက်ချင်းဆောင်ရွက်ပေးကြ ဖို့ AAPP ကတိုက်တွန်းထားပါတယ်။
မြန်မာနိုင်ငံမှာ စစ်တပ် အာဏာသိမ်းပြီးနောက်ပိုင်းကနေ ဇူလိုင်လ ၁၉ ရက်နေ့အထိ ဖမ်းဆီးခံခဲ့ရသူ စုစုပေါင်း (၂၃၉၆၂) ဦးရှိပြီး အဲဒီထဲက (၁၉၀၀၀)ကျော်က ဆက်လက် ထိန်းသိမ်းခံနေရဆဲဖြစ်ကာ ခုနှစ်ထောင်နီးပါး ထောင်ဒဏ်ချမှတ်ခံထားရတယ်လို့ အေအေပီပီက ထုတ်ပြန်ထားပါတယ်။

အာဏာရှင်ဆန့်ကျင်ရေး လှုပ်ရှားမှုတွေအတွင်း သတ်ဖြတ်ခံရသူ ၃၈၀၀ ကျော် ရှိတယ်လို့ AAPP ကထုတ်ပြန်ထားပြီး စစ်ကောင်စီကတော့ AAPP က ထုတ်ပြန်တဲ့ စာရင်းတွေဟာ ချဲ့ကား ဖော်ပြထားတာ ဖြစ်တယ်လို့ စွပ်စွဲ ပြောဆိုလေ့ရှိပါတယ်။

https://youtu.be/BqIhP7Mq55U


#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ကိုရမ်ကျမ်းကို ခြေနဲ့နင်းပြီး ထပ်မံဆန္ဒပြမှုကြောင့် ဆွီဒင်သံအမတ်ကို အီရတ်မှနှင်ထုတ်

#InternationalNews #reels #shorts #Mizzima

ဇူလိုင်လ ၂၁ ရက်၊ မွန်းတည့် ၁၂ နာရီ၊ Mizzima News Hour မဇ္ဈိမသတင်းအစီအစဉ်
=========================

00:57-မြန်မာနိုင်ငံက ထိခိုက်နာကျင်မှုတွေအတွက် တရုတ်မှာတာဝန်ရှိတယ်လို့ ဗြိတိန် ထောက်လှမ်းရေးအကြီးအကဲ ပြောတဲ့သတင်း

03:10-"စစ်ကောင်စီတပ် အထိုင်ချ တပ်စွဲလိုက်တဲ့ ရွာတွေဟာ ပျူရွာတွေ ဖြစ်လာတယ်" ဆိုတဲ့သတင်း

08:38-လယ်သမားတွေကပြန်လည်သိမ်းယူခဲ့တဲ့ တရုတ်တစ္ဆေအိမ်ရာများဆိုတဲ့သတင်း

မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေဈေး၊ စက်သုံးဆီဈေးနဲ့ စားအုန်းဆီဈေးတွေအပါအဝင် တခြားစိတ်ဝင်စားဖွယ်နဲ့ အရေးကြီးသတင်းတွေကို တင်ဆက်ပေးပါတော့မယ်။

https://youtu.be/xxwLsQxv3-A

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​တရုတ်ဆီ မြန်မာ မြေရှားဒြပ်စင် တင်ပို့မှု ပထမနှစ်ဝက်အတွင်း ထိုးတက်
========================

တရုတ်နိုင်ငံသည် မော်တော်ကားနှင့် လေစွမ်းအင်ကဏ္ဍ ကြီးထွားလာခြင်းအတွက် လိုအပ်သော မြေရှားဒြပ်စင် ထုတ်လုပ်မှုကို အရှိန်မြှင့်တင်လာရာ မြေရှားဒြပ်စင်ကို ဒုတိယအများဆုံး ပေးသွင်းသည့် မြန်မာနိုင်ငံဆီမှ တင်သွင်းခြင်းသည် ယခုနှစ်၌ ထိုးတက်ခဲ့ကြောင်း အကောက်ခွန်အချက်အလက်များက ပြသသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာနိုင်ငံက ထိခိုက်နာကျင်မှုတွေအတွက် တရုတ်မှာ တာဝန်ရှိတယ်လို့ ဗြိတိန် ထောက်လှမ်းရေးအကြီးအကဲ ပြော

Watch more detail - https://youtu.be/i7UiGlogln0

#PoliticalNews #reels #shorts #MizzimaTV #Myanmar #China

ရှမ်း-ကယားနယ်စပ် စစ်ကောင်စီတပ်နှင့် ကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်
====================

ကိုဇာနည် (မဇ္ဈိမ)။ ။ ကရင်နီပြည်နယ်၊ ရှမ်း-ကယားနယ်စပ်၊ ပီကင်းကောခူနှင့် ဝါရီကောခူကျေးရွာအနီး၌ ထိုးစစ်ဆင်လာသည့် စစ်ကောင်စီတပ်ဖွဲ့နှင့် ကာကွယ်ရေးပူးပေါင်းတပ်ဖွဲ့တို့ ယမန်နေ့ ဇူလိုင်လ ၂၀ရက် ညနေ ၆နာရီ အချိန်ခန့်က ထိတွေ့တိုက်ပွဲဖြစ်ပွားခဲ့ကြောင်း ဒေသခံထံမှ သိရသည်။

"ညနေ ၆ နာရီဝန်းကျင်မှာ စစ်ကြောင်းထိုးလာတယ်၊ ခဏနေတော့ သေနတ်သံ အကြီးရောအသေးရော စကြားရတယ်၊ လက်နက်ကြီးက ရွာထဲအထိ ကျလာတယ်၊ ပီးကင်းကောခူနဲ့ ဝါရီကောခူရွာနှစ်ရွာလုံးက ညတွင်းချင်း ရွာလုံးကျွတ် ထွက်ပြေးနေရတယ် "ဟု ဒေသခံတစ်ဦးက ပြောသည်။

တိုက်ပွဲအတွင်း နှစ်ဖက်ထိခိုက်မှု အခြေအနေကို မသိရသေးဘဲ စစ်ကောင်စီတပ်ဖွဲ့၏ ပစ်ခတ်မှုကြောင့် ဒေသခံသုံးဦး ထိခိုက်ဒဏ်ရာ ရထားသည်ဟု သိရသည်။

ထိခိုက်ဒဏ်ရာရသူ သုံးဦးသည် ပီးကင်းကောခူ ကျေးရွာက နှစ်ဦးနှင့် ဝါရီကောခူ ကျေးရွာက တစ်ဦးတို့ဖြစ်ပြီး ယနေ့ နံနက်ပိုင်းအထိ လက်နက်ကြီးပစ်ခတ်သံများ ကြားနေရသည်ဟုလည်း သိရသည်။

https://youtu.be/SRCDHcep2F0

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#ကရင်နီပြည်နယ်
#စစ်ကောင်စီ
#တိုက်ပွဲဖြစ်ပွား
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

စစ်ကောင်စီဝန်ကြီးတွေအပါအဝင် လူပုဂ္ဂိုလ်ခြောက်ဦးနဲ့အဖွဲ့အစည်းတစ်ခုကို အီးယူ ပိတ်ဆို့ ဒဏ်ခတ်

Watch more detail - https://youtu.be/P8OfVR7ahgI

#PoliticalNews #reels #shorts #MizzimaTV

ကလေးမြို့နယ် စစ်ရှောင်ကလေးငယ်များ သွေးလွန်တုပ်ကွေးအဖြစ်များနေ
====================

ကိုခင်မောင်
(မဇ္ဈိမ) ။ ။ စစ်ကိုင်းတိုင်း၊ ကလေးမြို့နယ်အတွင်းရှိ စစ်ဘေးရှောင်ကလေးများတွင် သွေးလွန်တုပ်ကွေးအဖြစ်များနေသည်ဟု ပြည်သူ့ကျန်းမာရေးစောင့်ရှောက်မှုလုပ်ငန်း(ကလေး) အဖွဲ့ ထံမှ သိရသည်။

“စစ်ရှောင်ကလေးငယ်တွေပါ ၊ နှစ်နှစ်ခွဲကနေ ၁၄ နှစ် ၊ ၁၅နှစ်အထိ အဖြစ်များနေပါတယ်။ သွေးလွန်တုပ်ကွေးအတွက် လိုအပ်တဲ့ ဆေးဝါးကုသမှုတွေကို ရောဂါအဆင့်အလိုက် ကုသပေးနေရပါတယ်” ဟု ပြည်သူ့ကျန်းမာရေးစောင့်ရှောက်မှုလုပ်ငန်း(ကလေး)မှ တာဝန်ခံ Dr. Josephက ဆိုသည်။

ပြီးခဲ့သည့် ဇွန်လ တစ်လအတွင်းမှာပင် သွေးလွန်တုပ်ကွေးဖြစ်ပွားကာ ဆေးရုံတက်ရောက်ကုသသူ ၃၀ ဦးဝန်းကျင်ရှိပြီး သွေးလွန်တုပ်ကွေး အလွန်ပြင်းထန်အဆင့်ထိ ရောက်ရှိသူ မတွေ့ရသေးကြောင်း Dr. Josephက ပြောသည်။

စစ်ရှောင်စခန်းများ၌ ခြင်ဆေးဖျန်းခြင်းများ လုပ်ဆောင်ပေးခြင်းနှင့် သွေးလွန်တုပ်ကွေးရောဂါ ကြိုတင်ကာကွယ်နိုင်သည့် နည်းလမ်းများကိုလည်း ပညာပေးဖြန့်ဝေခြင်းများ လုပ်ဆောင်ပေးနေသည်ဟု သိရသည်။

“လက်ရှိကုသရေးအတွက် ဆေးဝါးမလုံလောက်တာတွေနဲ့ ကြုံနေရပါတယ်” ဟု Dr. Josephကပြောသည်။

ဇွန်လ ၂၀ရက် နောက်ပိုင်းမှစ၍ ကလေးမြို့နယ်တွင် ကျန်းမာရေးတစ်စုံတစ်ခု ဖြစ်လာပါက လိုအပ်သည့်ဆေးဝါးကို အလွယ်တကူ ဝယ်ယူ၍ မရတော့ကြောင်း ၎င်းကရှင်းပြသည်။

ထို့အပြင် စစ်ကောင်စီတပ်နှင့် နီးစပ်သည့် စစ်ရှောင်နေရာအချို့သို့ ကျန်းမာရေးစောင့်ရှောက်သည့်အဖွဲ့အ‌ေနေဖြင့် လုံခြုံရေးအရ မသွားရောက်နိုင်သော်လည်း ပြည်သူများက စွန့်စားပြီး အချိန်မီ လာရောက် ပြသကြကြောင်း သိရသည်။

ကလေးမြို့နယ်အတွင်းက စစ်ရှောင်များအတွက် အခမဲ့ကျန်းမာရေး စောင့်ရှောက်မှုပေးနေသည့် ပြည်သူ့ကျန်းမာရေးစောင့်ရှောက်မှု လုပ်ငန်း (ကလေး)သည် လတ်တလောအဖြစ်များနေသည့် ရာသီတုပ်ကွေးရောဂါနှင့် သွေးလွန်တုပ်ကွေးရောဂါများအတွက် ဆေးဝါးမလုံလောက်သည့်ကြားက ကူညီဆောင်ရွက်ပေးနေရသည်ဟု သိရသည်။
ပြည်သူ့ကျန်းမာရေးစောင့်ရှောက်မှုလုပ်ငန်း (ကလေး)သည် အမျိုးသားညီညွတ်ရေးအစိုးရ၊ ကျန်းမာရေးဝန်ကြီးဌာန၏ ဦးဆောင်လမ်းညွှန်မှုဖြင့် ဖွဲ့စည်းထားသည်ဟုလည်း သိရသည်။
ယင်းအဖွဲ့၏ ကျန်းမာရေးစောင့်ရှောက်မှု လုပ်ငန်းများ ဆက်လက်ဆောင်ရွက်နိုင်ရေးအတွက် ကူညီထောက်ပံ့ ပေးကြရန်လည်း ဖိတ်ခေါ်ထားသည်။

လှူဒါန်းကူညီလိုသူများအနေဖြင့်

https://www.facebook.com/peopleshealthcarenetworkkalay/

သို့ ဆက်သွယ်လှူဒါန်းနိုင်ကြောင်း ယင်းအဖွဲ့တာဝန်ရှိသူက ပြောသည်။

စာတည်း - ဖူးသိမ်ကျ
စာမူတည်းဖြတ်- သန့်ဇော်(သန်လျင်)
ဓာတ်ပုံ- People's Health Care Network Kalay

#စစ်ကိုင်းတိုင်း
#ကလေးမြို့
#စစ်ဘေးရှောင်
#သွေးလွန်တုပ်ကွေး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​PDF များ ထွက်ပြေးမှု ထောင်ပိုင်အပါအဝင် ဝန်ထမ်း ၇ ဦးထောင်ဒဏ် ၆ လစီ အမိန့်ချ
======================

ရွှေနွယ်
(မဇ္ဈိမ)။ ။ ပဲခူးတိုင်းအရှေ့ခြမ်း တောင်ငူအကျဉ်းထောင်မှ အကျဉ်းသား ၁၀ ဦး လက်နက်လုယူထွက်ပြေးမှု ဖြစ်ပွားပြီးနောက်တွင် ထောင်ပိုင်အပါအဝင် ထောင်ဝန်ထမ်း ခုနစ်ဦးအား စစ်ကောင်စီမှဖမ်းဆီးကာ ထောင်ဒဏ်ချမှတ်လိုက်သည်ဟု တောင်ငူထောင်နှင့်နီးစပ်သည့်သတင်းရင်းမြစ်မှ မဇ္ဈိမကိုပြောသည်။

တောင်ငူထောင်မှ အကျဉ်းသား ၁၀ ဦးထွက်ပြေးလွတ်မြောက်သည့်ဖြစ်စဉ်ဖြစ်ပွားခဲ့သော မေလ ၁၈ ရက်နေ့ နောက်ပိုင်းမှစတင်ကာ ထောင်ပိုင်နှင့်ထောင်ဝန်ထမ်း ခြောက်ဦးအား စစ်ကောင်စီက ဖမ်းဆီးစစ်ဆေးခဲ့ခြင်းဖြစ်ကြောင်း သိရသည်။

ထို့နောက် တရားစွဲဆိုခဲ့ပြီး ဇူလိုင်လ ၁၇ ရက်နေ့တွင်မူ တောင်ငူထောင်တွင်းတရားရုံးမှ တစ်ဦးလျင် ထောင်ဒဏ် ခြောက်လစီ အမိန့်ချမှတ်ခဲ့ကြောင်းနှင့် လက်ရှိတွင် တောင်ငူထောင်အတွင်း ချုပ်နှောင်ထားကြောင်း တောင်ငူထောင်နှင့်နီးစပ်သော သတင်းရင်းမြစ်မှ ပြောသည်။

"ဘာပုဒ်မနဲ့လဲဆိုတာကိုတော့ တိတိကျကျမသိရပါဘူး။ ၁၇ ရက်နေ့ကအမိန့်ချတာပါ။ ထောင်ဝန်ထမ်းတော်တော်များများလည်း အပြောင်းအရွှေ့ရှိပါတယ်" ဟု တောင်ငူထောင်နှင့်နီးစပ်သော သတင်းရင်းမြစ်မှ ပြောသည်။

ဖမ်းဆီး၍ ထောင်ဒဏ်ချမှတ်ခံရသော တောင်ငူထောင်ဝန်ထမ်းများမှာ ထောင်ပိုင် ဦးကြည်ဦး၊ ထောင်မှူး ဦးသန်းထွန်း၊ ထောင်မှူး ဦးထွန်းထွန်းဦး၊ ဒုတပ်ကြပ် သန့်ဇင်ဝင်း၊ ဒုတပ်ကြပ် ဦးတိုး၊ တပ်သားခန့်စည်သူနှင့် ဖိုးကောက်တို့ ဖြစ်ကြောင်းသိရသည်။

ပြီးခဲ့သည့် မေလ ၁၈ ရက်နေ့တွင် တောင်ငူထောင်တွင်း ဖမ်းဆီးအကျဉ်းချခံထားရသော အကျဉ်းသား ၁၀ ဦးမှာ ထောင်တွင်းအထူးတရားရုံးသို့ ရုံးထုတ်လာစဉ် အစောင့်တပ်သားများအား တိုက်ခိုက်၍ လက်နက်လုယူထွက်ပြေးခဲ့သည်။

ထိုကဲ့သို့တိုက်ခိုက်ထွက်ပြေးမှုတွင် အကျဉ်းသား ကိုးဦးမှာ ထွက်ပြေးလွတ်မြောက်လာခဲ့ပြီး တစ်ဦးမှာမူ ကျည်ထိမှန်၍ ကျန်နေခဲ့ပြီးနောက် သေဆုံးခဲ့သည်။

ထွက်ပြေးလွတ်မြောက်လာသော အကျဉ်းသားများ၏ပစ်ခတ်မှုကြောင့် အစောင့်လိုက်ပါလာသော ထောင်တပ်ကြပ်မောင်မျိုးမှာ နေရာတွင်ပင်သေဆုံးခဲ့သည်။

ထို့နောက် ကျန်အစောင့်လိုက်ပါလာသူ နှစ်ဦးဖြစ်သည့် ဒုရဲအုပ်အေးသော်နှင့် တပ်ကြပ်ကြီး ကျော်ထွေးတို့ကို စစ်ကောင်စီတပ်မှ ဖမ်းဆီးစစ်ကြောခဲ့ပြီး တပ်ကြပ်ကြီးကျော်ထွေးမှာ မေလ ၂၉ ရက်နေ့က စစ်ကြောရေး၌ပင်သေဆုံးသွားကြောင်း မေလအတွင်းက မဇ္ဈိမ၏သတင်းတစ်ပုဒ်တွင် ဖော်ပြခဲ့ဖူးသည်။

တောင်ငူထောင်မှ ထွက်ပြေးလွတ်မြောက်ခဲ့သူ ကိုးဦးမှာ ကိုသန့်ဇင်၊ ကိုအောင်ကျော်ဦး၊ ကိုဗေဒါ (ခ) ဘုန်းညွန့်ဇော်၊ ကိုဇင်ကိုကိုအောင်၊ ကိုသီဟအောင်၊ ကိုငြိမ်းချမ်းအောင်၊ ကိုတိုးနိုင်ထွန်း၊ ကိုစည်သူသန်းအေးနှင့် မခင်မျိုးကြည် တို့ဖြစ်သည်။

၎င်းတို့သည် အကြမ်းဖက်မှုဥပဒေပုဒ်မများဖြစ်သော ၄၉ (က)၊ ၅၀ (က)၊ ၅၀ (ည)၊ ၅၁ (ဂ)၊ ၅၂ (က) တို့ဖြင့်တရားစွဲဆိုခံထားရသူများဖြစ်ပြီး ၎င်းတို့အနက် သုံးဦးသည် သေဒဏ်ချမှတ်ခံထားရခြင်း ဖြစ်သည်။

စာတည်း - သန့်ဇော်(သန်လျင်)

#mizzima
#တောင်ငူအကျဉ်းထောင်
#PDF
#အကြမ်းဖက်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဒိုက်ဦးအကျဉ်းထောင်က နိုင်ငံရေးအကျဉ်းသားတချို့ သေဆုံးမှု AAPP သတင်းထုတ်ပြန်

Watch more detail - https://youtu.be/BqIhP7Mq55U

#PoliticalNews #reels #shorts #MizzimaTV #AAPP

​​ရွှေကူမြို့ ဆင်တပ်ရွာတိုက်ပွဲတွင် စစ်ကောင်စီတပ်သား ၁ဝ ဦးသေဆုံး
==================

KMN
(မဇ္ဈိမ)။ ။ကချင်ပြည်နယ်၊ ရွှေကူမြို့နယ် ဧရာဝတီမြစ်တစ်ဖက်ကမ်းတွင်တည်ရှိသည့် ဆင်တပ်ရွာ အနီးတွင် ယမန်နေ့ ဇူလိုင် ၂၀ ရက်နေ့၊ ညနေ၄ နာရီခန့်တွင် စစ်ကောင်စီတပ်ကို ကြားဖြတ်တိုက်ခိုက်ခဲ့ရာ စစ်ကောင်စီတပ်သား ၁ဝ ဦးသေဆုံးကြောင်း Myo Hla PDF( မြို့လှ K-PDF) က သတင်းထုတ်ပြန်သည်။

စစ်ကောင်စီ တပ်မ (၈၈) လက်အောက်ခံ ခလရ (၁၀)မှ ဗိုလ်မှူးကိုကိုနိုင် ဦးဆောင်သည့် အင်အား ၄၀ ကျော်ပါစစ်ကြောင်း နှင့် ခမရ(၄၁၅) တပ်ရင်းမှူးထွန်းရန်နိုင် ၊ဒုတပ်ရင်းမှူး အောင်လင်းထွန်း တို့ ဦးဆောင်သော အင်အား ၆၀ ကျော်ပါ တပ်ရင်းနှစ်ရင်းသည် ဇူလိုင် ၂၀ ရက်နေ့ နံနက် ၅ နာရီခန့်တွင် ရွှေကူမြို့နယ် ကျောက်ကြီးရွာ မှ ရွှေပဒေသာရွာသို့ စစ်ကြောင်းထိုးခဲ့သည်။

၎င်းစစ်ကြောင်းများသည် ရွှေပဒေသာရွာ ပြည်သူများ၏ နွား နှင့် ကြက်များအား ဖမ်းဆီး သတ်ဖြတ်စားသောက်ပြီးနောက် ညနေပိုင်း ၄ နာရီခန့်တွင် ဆင်တပ်ရွာဘက်သို့ စစ်ကြောင်းဆက်ထိုးစဥ် မြို့လှ K-PDF တပ်ရင်း ကမိုင်းဆွဲ တိုက်ခိုက်ခဲ့ကြောင်းသိရသည်။
မိုင်းဆွဲ တိုက်ခိုက်မှုကို မြို့လှ K-PDF တပ်ရင်း ဗိုလ်မိုးကြိုး ဦးစီးသော တပ်ခွဲ(၁)အဖွဲ့က ပြုလုပ်ခဲ့ပြီး မြေပြင်သတင်းအရ စစ်ကောင်စီတပ်သား ၂၅ ဦးထိခိုက်ပြီး ၁၀ ဦးသေဆုံးကာ ၁၅ ဦးဒဏ်ရာပြင်းထန်နိုင်ကြောင်း ၎င်းအဖွဲ့ တာဝန်ရှိသူကဆိုသည်။

"စစ်ကောင်စီ အဖွဲ့က ထိခိုက်ကြဆုံးသွားတဲ့သူတွေနဲ့ ဒဏ်ရာရသူတွေကို ညနေပိုင်း ၆ နာရီလောက်မှာ စက်လှေတွေကို ချောဆွဲပြီး ရွှေကူဘက်ကမ်းကို အားချင်း သယ်ယူသွားတာတွေ့တယ်။
ခလရ(၅၆)တပ်ထဲကို အရေးပေါ် သယ်ယူသွားတယ်လို့လည်း သိရတယ်" ဟု မြို့လှ K-PDF တာဝန်ရှိသူက ပြောသည်။

စစ်ကောင်စီ တပ်မ (၈၈) လက်အောက်ခံ ခလရ (၁ဝ) ခမရ (၄၁၅) တပ်ရင်းများသည် ပြီးခဲ့သည့် မေလကလည်း ရွှေကူမြို့နယ်တစ်ဖက်ကမ်း ရေလဲရွာမှ အိမ်ခြေ ၄၀ ကျော် ကိုမီးရှို့ဖျက်ဆီးခဲ့ပြီး ၎င်းစစ်ကြောင်းများသည် မကြာခဏ ဝင်ထွက်သွားလာနေကြောင်း ဒေသခံတစ်ဦးက ပြောသည်။

အကြမ်းဖက်စစ်ကောင်စီ လက်အောက်ခံတပ်များသည် ပြီးခဲ့သည့် ဧပြီလအတွင်းက ရွှေကူမြို့နယ် စီသာကျေးရွာအုပ်စုရှိ ကျေးရွာ ၁၂ ရွာကို ၁၉ ရက်ကြာ စစ်ကြောင်းထိုးခဲ့ပြီး လေကြောင်းတိုက်ခိုက်မှု၊ လက်နက်ကြီးများဖြင့် ပစ်ခတ်မှု၊ ဝင်ရောက်မီးရှို့ဖျက်ဆီးမှုများကြောင့် ၎င်းကျေးရွာများက ပြည်သူအများစုမှာ ယခုချိန်ထိ စစ်ဘေးရှောင်နေရဆဲဖြစ်သည်။

စာတည်း။ ။အောင်ကျော်ဖြိုး
ဓာတ်ပုံ - မြို့လှ K-PDF
(မြို့လှ K-PDF ရဲဘော်များ)

#Mizzima
#မြို့လှ K-PDF
#ဆင်တပ်ရွာတိုက်ပွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကန်ပက်လက်မြို့အနီးတိုက်ပွဲ စစ်ကောင်စီတပ်သား ၅ဦးသေဆုံးဟုဆို
===================

ပါခွီး

(မဇ္စျိမ) ။ ။ ချင်းပြည်နယ် ၊ ကန်ပက်လက်မြို့နယ်အတွင်း ဇူလိုင်လ ၁၉ရက်က ဖြစ်ပွားခဲ့သော တိုက်ပွဲ၌ စစ်ကောင်စီတပ်သား ငါးဦးသေဆုံးပြီး အများအပြားဒဏ်ရာရသွားကြောင်း ချင်းကာကွယ်ရေးတပ် (ကန်ပက်လက်) CDF-Kanpetlet က သတင်းထုတ်ပြန်သည်။

ကန်ပက်လက်မြို့အောက်ဘက် ၊မြတ်နိုးသူလမ်းအကွေ့တွင် ဇူလိုင်လ ၁၉ရက် ညနေ ၆နာရီခန့်က တိုက်ပွဲဖြစ်ပွားခဲ့ခြင်းဟု ယမန်နေ့ ဇူလိုင်၂၀ရက်တွင် ထုတ်ပြန်ထားခြင်းဖြစ်သည်။ ဆောမြို့နယ် ဘက်မှ စစ်ကောင်စီတပ်များနှင့် တပ်အပြောင်းအလဲလုပ်ရန်အတွက် ကန်ပက်လက်မြို့မှ ထွက်ခွာလာပြီး ယာယီစခန်းချထားသည့် စစ်ကောင်စီတပ်ကို တိုက်ခိုက်ခဲ့ခြင်းဖြစ်ကြောင်း CDF-Kanpetlet တပ်မဟာမှူးဆလိုင်းထွန်းလိန်းက မဇ္စျိမကိုပြောသည်။

“ကန်ပက်လက်ကဆင်းလာပြီး ဆောဘက်ကတက်လာတဲ့တပ်နဲ့ ချိန်းဘို့လို့ယူဆရတယ်။ လောက်နူးမြေမှ ကြိုဆိုပါ၏ အနီးမှာရှိတဲ့ မြတ်နိုးသူအကွေ့မှာ ယာယီစခန်းချထားတာကို သွားတိုက်ခဲ့တာပါ”ဟုတပ်မဟာမှူးဆလိုင်းထွန်းလိန်းကပြောသည်။

ယာယီစခန်းချထားသည့် အဆိုပါစစ်ကြောင်းတွင် စစ်ကောင်စီအင်အား ၃၀ခန့်ရှိပြီး စခန်းသိမ်းနိုင်ရန်ကြိုးစားခဲ့ကြသော်လည်း လက်နက်အင်အားနှင့် ကျည်အင်အားနည်းပါးမှုကြောင့်မသိမ်းဆည်းနိုင်ခဲ့ကြောင်း ၎င်းကပြောသည်။ထိုတိုက်ပွဲတွင်CDF – Kanpetletရဲဘော်လေးဦး ဒဏ်ရာရရှိခဲ့သည်ဟု သိရသည်။တိုက်ပွဲသည် ၁နာရီ ကျော်ကြာခဲ့ပြီး စစ်ကောင်စီတပ်သား ငါးဦးသေဆုံးကာ ဒဏ်ရာရရှိသူအများအပြားရှိကြောင်း CDF-Kanpetlet က သတင်းထုတ်ပြန်သည်။

ကန်ပက်လက်မြို့နယ်အပါအဝင် မကွေးတိုင်းနှင့် ချင်းပြည်နယ် ‌နယ်စပ်နေရာများတွင် ဇူလိုင်လ ၁၆ရက်မှ ဇူလိုင် ၁၉ရက်အတွင်း တိုက်ပွဲများဖြစ်ခဲ့ခြင်းဟုသိရသည်။ ထိုတိုက်ပွဲများအတွင်း စစ်ကောင်စီဘက်မှ ၁၉ဦးသေဆုံးပြီး ဒဏ်ရာရသူအများအပြားရှိကြောင်း၊ CDF-Kanpetlet က ထုတ်ပြန်ထားသည်။စစ်ကောင်စီဘက်မှ ထိခိုက်မှုများကို မဇ္ဈိမအနေဖြင့် သီးခြားအတည်မပြုနိုင်သေးပေ။

လက်ရှိတွင် စစ်ကောင်စီသည် မကွေးတိုင်း၊လောင်းရှည်မြို့ဘက်မှ ကျင်ဒွေး‌ဒေသဘက်သို့ တင့်ကားနှစ်စီးအပါအဝင်အင်အား ၃၀၀ခန့်နှင့် ကျောက်ထုမြို့ဘက်မှ ထွက်လာသည့် အင်အား ၁၇၀ခန့်စစ်ကြောင်းဖြင့် ကန်ပက်လက်မြို့နယ်အတွင်း စစ်ရေးလှုပ်ရှားမှုရှိနေကြောင်း တပ်မဟာမှူးဆလိုင်းထွန်းလိန်းက ပြောသည်။

အင်အားအများအပြားပါဝင်သည့် စစ်ကောင်စီစစ်ကြောင်းကို ပြန်လည်ခုခံနိုင်ရန်အတွက် လက်နက်ခဲယမ်းအပါအဝင် ရုပ်ပိုင်းဆိုင်ရာနှင့် စိတ်ပိုင်းဆိုင်ရာအားပေးကူညီမှုများလိုအပ်‌နေသည်ဟု
CDF-Kanpetlet က ပြည်သူလူထုအား အသိပေးထားသည်။

စာတည်း - မောင်ကြီး

CDF - Kanpetlet ရဲဘော်များ
Photo/CDF-Kanpetlet

#mizzima
#ကန်ပက်လက်မြို့
#တိုက်ပွဲ
#CDF-Kanpetlet

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မွန်ပြည်နယ်တွင် မိုးသည်းထန်မှုကြောင့် ရေကြီးခဲ့သည့် နေရာများ ရေပြန်ကျ
================

ဂျူချန်း

(မဇ္ဈိမ)။ ။ မွန်ပြည်နယ်တွင် ဇူလိုင်လ ၁၇ ရက််မှ ၁၉ ရက်အထိ သုံးရက်ဆက်တိုက် မိုးအဆက်မပြတ် ရွာသွန်းမှုကြောင့် ရေကြီးရေလျှံ ဖြစ်ပွားခဲ့ရာ ယမန်နေ့ ဇူလိုင်၂၀ ရက်နေ့မှ စတင်၍ ရေများ ပြန်လည်ကျနေပြီ ဖြစ်ကြောင်း ဒေသခံများက ပြောသည်။

ဇူလိုင်လ ၁၇ ရက်တွင် စတင်ရွာသွန်းခဲ့သည့် မိုးသည် ဇူလိုင် ၁၈ ရက်နှင့် ၁၉ ရက်တို့၌ မိုးသည်းထန်လာ၍ မော်လမြိုင်မြို့ပေါ်ရပ်ကွက်အချို့တွင် ရေကြီးရေလျှံဖြစ်ပွားခဲ့ခြင်းဖြစ်သည်။ 

“ရေတွေမရှိတော့ပါဘူးခင်ဗျ။ အကုန်လုံးအေးအေးဆေးဆေးဖြစ်သွားပါပြီ။ ကျနော်တို့ ရေကြီးတုန်းက ပေါင်လောက်ထိရှိတယ်။ ခုတော့ ပြန်ကျသွားပါပြီ။ နေလည်း ပွင့်နေပါပြီ” ဟု မော်လမြိုင်မြို့ခံတစ်ဦးက မဇ္ဈိမကို ပြောသည်။

ဇူလိုင် ၁၈ ရက်နေ့မှ စတင်ကာ မြို့ပေါ်ရပ်ကွက်များဖြစ်ကြသည့် စျေးကြို၊ မြိုင်သာယာ၊ သီရိမင်္ဂလာ၊ သီရိမြိုင်ရ၊ ရွှေပြည်အေး၊ လှိုင်၊ ရွှေပြည်စိုး၊ မုပွန်၊ ဒေါင်းမင်းရပ်၊ တောင်ဝိုင်းနှင့် ဇေယျာ ၁/၂/၃ အစရှိသည့်ရပ်ကွက်တို့တွင် ရေကြီးရေလျှံမှု ခဲ့ပြီး နေရာအချို့တွင် ရင်ညွန့်အထိ ရေရောက်ရှိခဲ့သဖြင့် ဒေသခံ ဦးရေ ၇၀၀ ထက်မနည်းကို ဘေးလွတ်ရာသို့ ရွှေပြောင်းခဲ့ရသည်။ 

ကုန်းမြင့်ရှိ ဘုန်းကြီးကျောင်းတစ်ခုသို့ အရေးပေါ် ပြောင်းရွှေခဲ့သည့် ဒေသခံများသည် ရေကျသွားသည့် ဇူလိုင် ၂၀ ရက်နေ့တွင် နေအိမ်သို့ ပြန်လည် ပြန်သွားကြပြီဖြစ်ကြောင်း သိရသည်။

“ခိုနေတဲ့သူတွေမရှိတော့ဘူး။ ရေတက်တုန်းခဏပဲ၊ အခု ရေပြန်ကျသွားပြီဆိုတော့ အားလုံး ပြန်ကုန်ကျပြီ” ဟု မော်လမြိုင်မြို့ရှိ ဆရာတော်က မိန့်သည်။

မော်လမြိုင်တွင် ဇူလိုင်၁၉ ရက်နေ့၌ ရေကြီးရေလျှံဖြစ််ပွားခဲ့သည့် ရပ်ကွက်များရှိ ဈေးဆိုင်နှင့် ဆေးခန်းအချို့သည်လည်း ယမန်နေ့ ဇူလိုင်လ ၂၀ ရက်နေ့ နေ့လယ်ပိုင်းတွင် ပုံမှန်အတိုင်း ပြန်လည်ဖွင့်လှစ်နေကြပြီဖြစ်ကြောင်း သိရသည်။

မုဒုံ-သံဖြူဇရပ် ပြည်ထောင်စုလမ်းမကြီး ကားလမ်းပိုင်း၌ မိုးသည်းထန်မှုကြောင့် ကားလမ်းရေကျော်ခဲ့ရာ ဇူလိုင် ၁၈ ရက်နေ့ နံနက်ပိုင်းတွင် ကားလမ်းပိတ်ဆို့မှု ဖြစ်ပွားခဲ့သည်။ ယမန်နေ့မှစတင်ကာ မိုးရွာသွန်းမှုမရှိတော့သောကြောင့် ရေပြန်ကျသွားပြီဖြစ်ရာ ပုံမှန်အနေအထားသို့ ပြန်လည်ရောက်ရှိသွားပြီဖြစ်ပြီး ကားများ ပုံမှန်အတိုင်း ပြန်လည်သွားလာနိုင်ပြီဖြစ်ကြောင်း ဒေသခံများက ပြောသည်။

“အခု အကုန်လုံး ရေကျသွားပြီ။ မိုးလေလည်း သာပြီဆိုတော့ အကုန်လုံး အဆင်ပြေသွားပြီ။ မနေ့မနက်ပိုင်းနေသာတယ်။ ညနေပိုင်းမိုးနည်းနည်းရွာတယ်။ ဒါပေမဲ့ ခါတိုင်းထက်ကို အများကြီးသာတယ်။ ပုံမှန်အနေအထားကို ပြန်ရောက်သွားပြီလို့ ပြောလို့ရတယ်ပေါ့” ဟု သံဖြူဇရပ်မှ ဒေသခံတစ်ဦးက မဇ္ဈိမ ကိုပြောသည်။

ရေးမြို့နယ် ဟံဂံကျေးရွာတွင်လည်း မိုးသည်းထန်၍ ဖြစ်ပေါ်လာသည့် တောင်ကျရေကြောင့် ဇူလိုင် ၁၈ ရက်နေ့တွင် ရင်ညွန့်အထိ ရေမြင့်တက်ခဲ့ပြီး လက်ရှိတွင် ရေများ ပြန်လည်ကျသွားပြီဖြစ်ကြောင်း ဒေသခံထံက သိရသည်။

“မိုးရေချိန်များမှသာ ရေတက်တာ။ မနေ့က နည်းနည်းပဲ ရွာပါတယ်။ ဒီနေ့တော့ မရွာသေးဘူး​။ မနက်ကတည်းက နေပွင့်နေတာ။ ရေထွက်ပေါက်မရှိတာကတစ်ကြောင်း၊ တောင်ကျရေများတာက တစ်ကြောင်း ခဏခဏ နှစ်တိုင်းပဲ။ အခု နေပွင့်နေပြီ” ဟု ဟံဂံကျေးရွာအနီး နေထိုသူတစ်ဦးက မဇ္ဈိမ ကိုပြောသည်။

ပေါင်မြို့တွင် နေထိုင်သူတစ်ဦးကလည်း ယမန်နေ့တွင် မိုးအနည်းငယ် ရွာသွန်းသော်လည်း လက်ရှိတွင် နေသာနေပြီဖြစ်ကြောင်း ပြောသည်။

မွန်ပြည်နယ်အတွင်း မော်လမြိုင်၊ ပေါင်၊ ချောင်းဆုံ၊ ကျိုက်မရော၊ မုဒုံ၊ သံဖြူဇရပ်၊ ရေး စသည့် မြို့များတွင် ဇူလိုင် ၁၈ ရက်နေ့နှင့် ဇူလိုင် ၁၉ ရက်နေ့တွင် ရေကြီးနစ်မြုပ်မှု ကြုံတွေ့ခဲ့ရသည်။

မော်လမြိုင်မြို့တွင် ရေကြီးရေလျှံမှု ဖြစ်ပွားနေစဉ် တစ်ရက်တည်းတွင် ကလေးငယ်သုံးဦး ရေနစ်မြုပ်သေဆုံးခဲ့ပြီး ပေါင်မြို့၊ ဥတ္တံတားကျေးရွာတွင် တောင်ကျချောင်းရေတွင် ပါလာသည့် ထင်းများဆယ်ရင်း ချောင်းရေဖြင့် မျောပါကာ လူတစ်ဦး ပျောက်ဆုံးခဲ့ကြောင်း ဒေသခံများနှင့် လူမှုကူညီရေးအသင်းများက ပြောသည်။ ရေကြီးရေလျှံမှုအပြင် မွန်ပြည်နယ်အတွင်း နေရာအချို့တွင် လမ်းတံတားပြိုခြင်း၊ အုတ်တံတိုင်းပြိုခြင်းနှင့် မြေသားနံရံ ပြိုခြင်းများ ဖြစ်ပွားခဲ့ကြောင်း သိရသည်။

လာမည့် ဇူလိုင်လ ၂၃ ရက်နေ့မှစတင်ကာ လေဖိအားနည်းရပ်ဝန်းကြောင့် မုတ်သုံမုန်တိုင်းငယ်တစ်ခု ဖြစ်လာနိုင်ပြီး မုန်တိုင်းအရှိန်ကြောင့် ဇူလိုင်၂၃ ရက်နေ့မှ ၂၆ ရက်နေ့အထိ မွန်ပြည်နယ်၊ကရင်ပြည်နယ်၊ တနင်္သာရီတိုင်း၊ ဧရာဝတီတိုင်း၊ ရန်ကုန်တိုင်းနှင့် ပဲခူးတိုင်းတို့တွင် မိုးကြီးပြီး ရေကြီးရေလျှံခြင်းနှင့် မြေပြိုမှုအန္တရာယ်ကို သတိထားကြရန် နှင့် ၂၇ ရက်နေ့နှင့် ၂၈ ရက်နေ့တို့တွင် ပြည်နယ်နှင့်တိုင်း ကိုးခုတွင် မိုးကြီးနိုင်ကြောင်း အမျိုးသားညီညွတ်ရေးအစိုးရ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနမှ ဇူလိုင်လ ၂၀ ရက်နေ့တွင် သတိပေးထားသည်။

စာတည်း။ ။အောင်ကျော်ဖြိုး