July - 27 [2 Pm] Mizzima News Hour

Mizzima Headline News

#2pmnews #mizzimanewshour #reels #Shorts

​​မြန်မာနယ်စပ် အိန္ဒိယ၊ မိုရေးမြို့တွင် မီးရှို့မှုများ၊ ပစ်ခတ်မှုများနှင့်အတူ မငြိမ်မသက်ဖြစ်
========================

အိန္ဒိယ-မြန်မာ နယ်စပ်၊ မဏိပူရ်ပြည်နယ်၏ မိုရေးမြို့တွင် လက်နက်ကိုင်အဖွဲ့များနှင့် လုံခြုံရေးတပ်ဖွဲ့များအကြား ပြင်းထန်သည့် အပြန်အလှန် ထိပ်တိုက်တွေ့ ပစ်ခတ်မှုတို့ ဖြစ်ပွားခဲ့ပြီး ယင်းမြို့သည် စစ်ဇုန်တစ်ခုသဖွယ် ဖြစ်နေခဲ့သည်။ မေလ ၃ ရက်က စတင်ပေါ်ပေါက်သည့် မဏိပူရ်ပြည်နယ်ရှိ လူမျိုးစုရေး ပဋိပက္ခနောက်ပိုင်း လူသူစွန့်ပစ်ထားခဲ့သော နေအိမ်နှင့် ဈေးဆိုင်အလုံး ၃၀ ခန့်ကို ယမန်နေ့ ဇူလိုင် ၂၆ ရက် မနက်ပိုင်းက လူအုပ်စုတစ်စုက မီးရှို့ခဲ့ကြသည်။

တာလီဘန်တွေရဲ့ အမိန့်နောက်ဆုံးရက်မတိုင်မီ အာဖဂန်ရှိအလှပြင်ဆိုင်တွေ ထောင်နဲ့ချီပိတ်သိမ်းခဲ့ရ

#Internationalnews #Taliban #Reels #Shorts #Afgan #Mizzima

​​မြန်မာအလုပ်သမားဈေးကွက်က စိန်ခေါ်မှု အခြေအနေတွင်း ရှိနေဆဲဟု ILO ထုတ်ပြန်
=======================

မြန်မာနိုင်ငံ၏ အလုပ်သမားဈေးကွက်သည် COVID-19 ကပ်ဘေး၊ ၂၀၂၁ စစ်အာဏာသိမ်းမှုနှင့် နောက်ဆက်တွဲ လူမှု-စီးပွား ဝရုန်းသုန်းကား အခြေအနေမှ သက်ရောက်မှုများကို ရင်ဆိုင်နေရဆဲ ဖြစ်ကြောင်း အပြည်ပြည်ဆိုင်ရာ အလုပ်သမားအဖွဲ့အစည်း ILO ၏ အလုပ်သမားဈေးကွက် နောက်ဆုံး ထုတ်ပြန်ချက်အရ သိရသည်။
တိုင်းတာမှု မှန်သမျှသည် မြန်မာနိုင်ငံ၏ အလုပ်သမားဈေးကွက်က စိန်ခေါ်မှု အခြေအနေအတွင်း ရှိနေဆဲ ဖြစ်သည်ဟု ILO ၏ ထုတ်ပြန်ချက်၌ ဖော်ထုတ်ထားသည်။

အချို့သော ကဏ္ဍများ၌ အလုပ်ခန့်အပ်ခြင်း အရေအတွက် မကြာသေးမီက ပြန်လည်ဦးမော့သော်လည်း လူဦးရေဖွံ့ဖြိုးမှုနှုန်းထားအရ ဆိုပါက အချိုးမညီဘဲ ရှိနေဆဲ ဖြစ်သည်။ ထိုအတွက် ရလဒ်အားဖြင့် အလုပ်အကိုင်နှင့် လူဦးရေ အချိုးတွင် သိသိသာသာ ကျဆင်းနေပြီး ၂၀၂၂ ခုနှစ်က ၅၄ ဒသမ ၅ ရာခိုင်နှုန်း ရှိရာ ၂၀၁၇ နှုန်းထားထက် ၈ ဒသမ ၂ ရာခိုင်နှုန်း နိမ့်ကျခြင်းပဲ ဖြစ်သည်။

အလုပ်အကိုင် အဆင့်အတန်းမှာလည်း ကျဆင်းနေပြီး အလုပ်သမားအများစုမှာ ရရာအလုပ်အကိုင်များ လုပ်ကိုင်ကြရသည်။ အလုပ်သမား ကုန်ထုတ်စွမ်းအားသည် ၂၀၂၁ အတွင်းက ၈ ရာခိုင်နှုန်း ကျဆင်းပြီး ၂၀၂၂ ပထမနှစ်ဝက်တွင် နောက်ထပ် ၂ ရာခိုင်နှုန်း ကျဆင်းသည်။

အလုပ်အကိုင် ရရှိမှု အချိုးအစား မညီခြင်းသည် အမျိုးသမီးများအပေါ်ကိုပါ သက်ရောက်ပြီး နိုင်ငံတွင်းက အမျိုးသမီးများ၏ အလုပ်အကိုင်နှင့် လူဦးရေအချိုးသည် အမျိုးသားများ အချိုးထက် နှစ်ဆကျော်မျှ ကျဆင်းသည်။

“မြန်မာနိုင်ငံက အလုပ်အကိုင်အခြေအနေဟာ အထိမခံ ရှိနေတုန်းပဲ၊ အလုပ်သမား တော်တော်များများက အတော်လေး မရေရာတဲ့ အနာဂတ်ကို ရင်ဆိုင်နေရတာနဲ့အတူ စိန်ခေါ်မှုတွေ ရှိနေဆဲပဲ ဖြစ်တယ်၊ ဒီမိုကရေစီ ပြန်လည်ဖြစ်ထွန်းရေးက နိုင်ငံနဲ့ ပြည်သူတွေရဲ့ အနာဂတ်အလားအလာအတွက် အသက်တမျှ အရေးကြီးတယ်”ဟု ILO Myanmar မှ ဆက်ဆံရေး အရာရှိ ဒေါင်လင်းလီက ပြောခဲ့သည်။

ဖိလစ်ပိုင်နိုင်ငံမြောက်ပိုင်းမှာ တိုင်ဖွန်းမုန်တိုင်းတိုက်ခတ်မှုကြောင့် လူ ၂ ဦးသေဆုံး

#Internationalnews #Philipine #Mizzima #Reels #Shorts

ရွှေဘိုတွင် မိုင်းမတော်တဆမှုကြောင့် တော်လှန်ရေးရဲဘော် ၂ ဦးကျဆုံး
====================

ရောင်နီ
(မဇ္စျိမ)။ ။ စစ်ကိုင်းတိုင်း၊ ရွှေဘိုမြို့နယ်တွင် မိုင်းမတော်တဆပေါက်ကွဲမှုကြောင့် တော်လှန်ရေး ရဲဘော်နှစ်ဦး ကျဆုံးခဲ့ရကြောင်း သိရသည်။

ရွှေဘိုမြို့နယ်အတွင်းကို စစ်ကြောင်းထိုးရန် ပြင်ဆင်နေသည့် စစ်ကောင်စီတပ်ကို ဇူလိုင်လ ၂၃ ရက်နေ့က မိုင်းဆွဲတိုက်ခိုက်ရန် ပြင်ဆင်နေစဥ် မတော်တဆ ပေါက်ကွဲမှုဖြစ်ပွားကာ နဂါးနီ - အာဠာဝက ShweBo PDF မှ ရဲဘော်နှစ်ဦး ကျဆုံးခဲ့ခြင်း ဖြစ်သည်။

“ရွှေဘိုမြို့ အနောက်ဖက် သုံးမိုင်အကွာမှာရှိတဲ့ မြင်းချင်း၊ ဇီးကုန်း၊ သီးလုံး၊ ဇီးဖြူကုန်း စတဲ့ ပျူရွာတွေက ရွှေဘိုနယ်ထဲ စစ်ကြောင်းထိုးမယ်ဆိုတာ သတင်းရလို့ သူတို့ လာမယ့် လမ်းကြောင်းတွေကို မိုင်းထောင် ဖောက်ခွဲဖို့ ပြင်ဆင်ရင်း မိုင်းမတော်တဆမှု ဖြစ်ပွားခဲ့ရတာပါ” ဟု တပ်ဖွဲ့ တာ၀န်ခံ ဗိုလ်လမင်းက ပြောသည်။

အဆိုပါ မိုင်းမတော်တဆမှု ဖြစ်စဥ်ကြောင့် နဂါးနီ - အာဠာဝက ShweBo PDF တပ်ဖွဲ့မှ ရဲဘော်ရွှေဘ နှင့် ရဲဘော်လူပေတို့ နှစ်ဦး နောက်ကျောပြင်နှင့် မျက်နှာများတွင် ထိိခိုက်ဒဏ်ရာများရရှိကာ ကျဆုံးခဲ့ခြင်း ဖြစ်ကြောင်း ၎င်းက ဆိုသည်။

ကျဆုံးခဲ့သည့် ရဲဘော်နှစ်ဦးသည် အသက် နှစ်ဆယ်၀န်းကျင်သာရှိသေးပြီး စစ်ကောင်စီတပ်အာဏာသိမ်းစဥ်ကတည်းက ဆန္ဒပြဆန့်ကျင်မှုနှင့် လက်နက်ကိုင်တော်လှန်မှုများတွင် တက်ကြွစွာပါ၀င်ခဲ့ကြသူများဖြစ်ကြောင်း သိရသည်။

“ အဖွဲ့အတွက်တော့ ကြီးမားတဲ့ ဆုံးရှုံးမှု တစ်ခုပါ။ တိုက်ခိုက်ရေးနဲ့ ဖောက်ခွဲရေးအပိုင်းမှာ သူတို့ နှစ်ဦးရဲ့ စွမ်းဆောင်အားတွေ ကျွန်တော်တို့ တပ်ဖွဲ့မှာ လျော့နည်းခဲ့ရပါပြီ။ သူတို့က အဖွဲ့အတွက် အနေအထား အတိုင်းအတာတစ်ခုအထိ အားကိုးရတဲ့သူတွေပါ” ဟု နဂါးနီ - အာဠာဝက ShweBo PDF တာ၀န်ခံက ဆက်ပြောသည်။

တပ်ဖွဲ့အနေဖြင့် ကျဆုံးခဲ့ရသည့် ရဲဘော်နှစ်ဦးအတွက် တော်လှန်ရေးတာ၀န်များကို စစ်အာဏာရှင်စနစ်ကျဆုံးသည်အထိ ပိုတိုးလုပ်ဆောင်သွားမည် ဖြစ်ကြောင်းလည်း ၎င်းက ဆိုသည်။
စစ်ကိုင်းတိုင်းအတွင်းတွင် စစ်ကြောင်းထိုးလှုပ်ရှားမှုများ ရှိနေသည့် စစ်ကောင်စီတပ်ကို ဒေသကာကွယ်ရေးတပ်ဖွဲ့များက နည်းလမ်းမျိုးစုံဖြင့် ခုခံတိုက်ခိုက်လျက်ရှိသည်။

ထ်ိုသို့ တိုက်ခိုက်မှုများတွင် ကာကွယ်ရေးတပ်ဖွဲ့များက ကိုယ်တိုင်တီထွင်ထားသည့် လက်လုပ်မိုင်းများ အသုံးပြုတိုက်ခိုက်ရာတွင် မတော်တဆပေါက်ကွဲမှုများကြောင့် ထိခိုက် သေဆုံးမှုများလည်း ဖြစ်ပွားနေသည်။

နဂါးနီ - အာဠာဝက ShweBo PDF တပ်ဖွဲ့သည် ရွှေဘိုမြို့နယ်နှင့် အနီးတစ်၀ိုက်တွင် စစ်ကြောင်းထိုး လှုပ်ရှားနေသည့် စစ်ကောင်စီတပ်ကို နည်းလမ်းမျိုးစုံဖြင့် ခုခံတိုက်ခိုက်နေသည့် ပြည်သူ့ကာကွယ်ရေးတပ်ဖွဲ့တစ်ခု ဖြစ်သည်။

လက်ရှိအချိန်တွင် ရွှေဘိုမြို့နယ်အတွင်း စစ်ကောင်စီတပ်က စစ်ကြောင်းထိုး လှုပ်ရှားမှုများ မရှိသော်လည်း ပျူစောထီးကြီးစိုးအားကောင်းသည့် ကျေးရွာများတွင် အင်အားဖြန့်ကြက်ချထားမှုများရှိနေကြောင်း ဒေသခံများနှင့် ကာကွယ်ရေးတပ်ဖွဲ့များထံမှ သိရသည်။

စာတည်း - သန့်ဇော်(သန်လျင်)

#mizzima
#ShweBoPDF
#ရွှေဘိုမြို့နယ်
#မိုင်းမတော်တဆ
ပုံစာ - မိုင်းမတော်တဆမှုကြောင့် ကျဆုံးခဲ့ရသည့် ရဲဘော်နှစ်ဦး။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

July - 27 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts

ဇူလိုင်လ ၂၇ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
==================

https://youtu.be/giJugPPCjl0

​​ရေစကြိုမြို့နယ်တွင် စစ်ကောင်စီတပ်ခြုံခိုက်တိုက်ခံရ ၃ ဦး သေ၊ ၁၀ ဦး ဒဏ်ရာရ
=====================

MTO
(မဇ္ဈိမ)။ ။ ရေစကြိုမြို့နယ်တွင်း စစ်ကောင်စီတပ်ကို ဒေသန္တရကာကွယ်ရေးတပ်က ယမန်နေ့ (ဇူလိုင် ၂၆ ရက်)က အလစ်အငိုက်တိုက်ခိုက်ရာ စစ်ကောင်စီတပ်ဘက်မှ သုံးဦးသေ၍ အနည်းဆုံး ၁၀ ဦး ဒဏ်ရာ ရသည်ဟု သိရသည်။

မကွေးတိုင်း၊ ရေစကြိုမြို့နယ် ရှင်မတောင်ပေါ်ရှိ ဆက်သွယ်ရေးတာဝါတိုင်အစောင့်တပ်ဖွဲ့ကို ရိက္ခာပို့ ပြန် လာသော ပခုက္ကူမြို့အခြေစိုက် စစ်ကောင်စီစစ်ကြောင်းကို ပြည်သူ့ကာကွယ်ရေးတပ်ဖွဲ့ (ရေစကြိုပကဖ) က အသင့်စောင့်ဆိုင်းတိုက်ခိုက်ခြင်းဖြစ်သည်။
ရိက္ခာတင်ကားနှစ်စီးကို အမှတ်(၁၀၁)ခြေမြန်တပ်မဌာနချုပ်မှစစ်သည်များက ခြေလျင်လျှောက်စောင့် ကြပ်ကာ တောင်ပေါ်မှပြန်ဆင်းလာစဉ် ရေစကြိုပကဖကတိုက်ခိုက်ခြင်းဖြစ်သည်ဟု အမည်မဖော်သော သတင်းပြန်ကြားရေးတာဝန်ခံကပြောသည်။

“ကျနော်တို့ထောင်ထားတဲ့ မိုင်းပွိုင့်ကိုမြင်သွားပြီး ရှေ့ဆုံးသုံးယောက်က လာဖြုတ်တာ။ အဲဒီသုံးယောက် ကို ပစ်ခတ်ခဲ့တာ နေရာမှာပဲ လဲကျသွားတယ်” ဟု ၎င်းကပြောသည်။

“ကျနော်တို့ ရဲဘော်တွေလက်ဦးခဲ့လို့ သူတို့(စစ်ကောင်စီတပ်)အနည်းငယ်ပဲ ပြန်ပစ်နိုင်တယ်။ ၄၀ မမ နှစ်လုံးပြန်ပစ်တာ ကျနော်တို့ကို မထိဘူး။ သူတို့ဘက်က သုံးဦးသေပြီး ၁၀ ဦးထက်မနည်း ဒဏ်ရာရတယ် လို့ သိရတယ်” ဟု သူက ဆက်ပြောသည်။
သေဆုံးဒဏ်ရာရမှုနှင့်ပတ်သက်၍ မဇ္ဈိမအနေဖြင့် သီးခြားအတည်ပြုချက် ရယူနိုင်ခြင်းမရှိပါ။

ယခုတိုက်ခိုက်မှုကို ရေစကြိုမြို့နယ် ပြည်သူ့ကာကွယ်ရေးတပ်ဖွဲ့နှင့် ပခုက္ကူခရိုင်တပ်ရင်း အမှတ်(၉)တို့ ပူးပေါင်းဆောင်ရွက်ခဲ့ခြင်းဖြစ်သည်ဟု ထုတ်ပြန်သည်။

စာတည်း။ ။စောဖေ
စာမူတည်းဖြတ်။ ။စောဖေ

#မကွေးတိုင်း
#ရေစကြိုမြို့နယ်
#ရှင်မတောင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ရန်ကုန်-မန္တလေးလမ်းဟောင်းဘေးတိုက်ပွဲတွင် စစ်ကောင်စီတပ် ၁၀ ဦး သေဆုံး
=======================

YT
(မဇ္ဈိမ)။ ။ညောင်လေးပင်မြို့နယ်အနီးတဝိုက် ရန်ကုန်-မန္တလေးလမ်းဟောင်းနံဘေး နှစ်ရက်ဆက်တိုက် တိုက်ပွဲအတွင်း စစ်ကောင်စီတပ်မှ ၁၀ ဦးသေဆုံးသည်ဟု တော်လှန်ရေးပူးပေါင်းတပ်ဖွဲ့ဘက်မှ ထုတ်ပြန် ချက်အရသိရသည်။

ဇူလိုင်လ ၂၅ ရက် နှင့် ၂၆ ရက်နေ့က ပဲခူးတိုင်းဒေသကြီး၊ ပိန်းဇလုပ်မြို့နယ်နှင့် ညောင်လေးပင်မြို့နယ် အကြား ရေတွင်းကုန်းနှင့် ယောက်သွားကုန်းကျေးရွာများအတွင်း စစ်ကောင်စီတပ်နှင့် ကရင်အမျိုးသား လွတ်မြောက်ရေးတပ်(KNLA)နှင့် ပြည်သူ့ကာကွယ်ရေးတပ်(PDF)တို့ ပူးပေါင်းထားသော တော်ဝင်ဒေါင်း စစ်ကြောင်းတို့တိုက်ပွဲဖြစ်ပွားခဲ့ရာ စစ်ကောင်စီတပ်က ၁၀ ဦးသေ၍ ၃၀ ကျော်ဒဏ်ရာရသည်ဟု ဆိုသည်။ ပူးပေါင်းတပ်ဖွဲ့ဘက်မှ ရဲဘော်ရှစ်ဦး ဒဏ်ရာရခဲ့သည်ဟု မဇ္ဈိမစုံစမ်းသိရသည်။

ကရင်နယ်ခြားစောင့်တပ်(BGF)များလည်းပါဝင်သော စစ်ကောင်စီတပ် အင်အား ၈၀ ကျော်သည် ဇူလိုင် လ ၂၅ ရက်နေ့ ညနေပိုင်းတွင် စစ်ကြောင်းနှစ်ကြောင်းခွဲကာ ထိုးစစ်ဆင်ရာက တိုက်ပွဲစခဲ့သည်။
တိုက်ပွဲများအပြီးတွင် စစ်ကောင်စီတပ်သား အလောင်းတလောင်းနှင့်အတူ G-3 တလက်၊ ကျည်အိမ် လေး ခု၊ ကျည်ဆန် ၁၅၀ တောင့်၊ ၆၀ မမ ဗုံးသီးတလုံးကို တွေ့ရှိသိမ်းဆည်းရခဲ့သည်ဟု တော်ဝင်ဒေါင်း စစ်ကြောင်းက ပြောသည်။

စစ်ကောင်စီစစ်ကြောင်းကြောင့် ကျောင်းကုန်း၊ ရေတွင်းကုန်းနှင့် ယောက်သွားကုန်းကျေးရွာ များမှ ဒေသခံများ ထွက်ပြေးတိမ်းရှောင်နေရသည်။

“အကုန်လုံးက နီးစပ်ရာဘုန်းကြီးကျောင်းတို့ဘာတို့ကို ထွက်ပြေးကြတာပေါ့။ ရွာသားတွေကို ရိုက်တဲ့ ကောင်ကရိုက်၊ နှိပ်စက်တဲ့အကောင်က နှိပ်စက်နဲ့။ ရွာသားတယောက်အဖမ်းခံရတာ ကရင်လူမျိုးဖြစ်နေ တော့ BGF က အရာရှိကသနားလို့ လွှတ်ပေးလိုက်တာ။ မဟုတ်ရင် စစ်ကောင်စီတပ်က သတ်တော့မှာ” ဟု ဒေသခံတဦးက မဇ္ဈိမကိုပြောသည်။

ညောင်လေးပင်မြို့နယ်သည် KNLA တပ်မဟာ (၃) ၏ နယ်မြေတခုဖြစ်ပြီး ဇူလိုင်လအတွင်း တိုက်ပွဲများ ခပ်စိတ်စိတ်ဖြစ်နေခဲ့သည်။
ဇူလိုင်လ ၁၄ ရက်မှ ၁၉ ရက်နေ့အတွင်း ကောက်မယ်သူနှင့် တော်ဝိကျေးရွာအနီးတို့တွင် နှစ်ဘက်တပ် များ တိုက်ပွဲကိုးကြိမ်ဖြစ်ပွားခဲ့ပြီး စစ်ကောင်စီတပ်မှ ၁၃ ဦးသေဆုံး၍ ၁၁ ဦး ထိခိုက်ဒဏ်ရာရခဲ့ကြောင်း ကရင်အမျိုးသားအစည်းအရုံး (KNU) ဗဟို၏ ဇူလိုင်လ ၂၁ ရက်နေ့ ထုတ်ပြန်ချက်အရ သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#ညောင်လေးပင်မြို့နယ်
#ရန်ကုန်-မန္တလေးလမ်းဟောင်း
#တိုက်ပွဲ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မဇ္စျိမပရိသတ်များအတွက် စစ်တမ်းတစ်ခု ပြုလုပ်ပါရစေ.
=============

ပရိသတ်ရဲ့ထင်မြင်ယူဆချက်များသည် မဇ္စျိမအဖွဲ့သားများအတွက် နိစ္စဓူဝအစီအစဥ်များကို ထုတ်လုပ်ရာတွင် အလွန်အကျိုးပြုပေးနေကြောင်းကို အသိပေးလိုပါသည်။

ဒါဆို ဘာကြောင့် ဒီစစ်တမ်းကို ကောက်ယူနေတာလဲ? ပရိသတ်အဖြေများသည် မဇ္စျိမ၏တင်ဆက်မှုအပေါ် နှစ်သက်မှု၊ စိတ်ဝင်စားမှုနှင့် လိုအပ်ချက်များကို ပိုမိုနားလည်သဘောပေါက်ရန် ကူညီပေးပါသည်။ အကြံပြုချက်များကို တိုက်ရိုက်ကြားသိရခြင်းဖြင့် ပရိသတ်ရဲ့ထင်မြင်ယူဆချက်တွေမှတဆင့် ဆွဲဆောင်မှုအရှိဆုံးအကြောင်းအရာများ၊ သင်နှစ်သက်သော အစီအစဥ်များနှင့် အနာဂတ်တွင် မည်သည့်အစီအစဥ်မျိုးကို ကြည့်လိုကြောင်းကို မဇ္စျိမအဖွဲ့သားများက သိရှိနားလည်နိုင်မည် ဖြစ်ပါသည်။
ဒါကြောင့် - စစ်တမ်းတွင်ပါဝင်ခြင်းဖြင့် သင်၏ထင်မြင်ယူဆချက်တွေကို မဇ္စျိမအဖွဲ့သားများအား ပြောပြပေးလိုက်ပါ.

စစ်တမ်းတွင် ၀င်ရောက်ဖြေဆိုရန်
https://www.surveymonkey.com/r/25JR9Z3

#mizzimasurvey
#mizzimaudiencesurvey

​​Naam Shabana
============

အန္ဒိယ အထူးအေးဂျင့်တစ်ယောက် ရှာဘာနားအကြောင်းကို အက်ရှင်၊ သဲထိတ်ရင်ဖို များဖြင့်ပေါင်းစပ်ထားသော ဇာတ်လမ်းလေးတစ်ခုပါ။

ချစ်သူဖြစ်သူဂျေး မတရားလုပ်သတ်ဖြတ်ခံခဲ့ရာမှ လက်စားခြေရန် အန္ဒိယ၏ အထူးအေးဂျင့်ဖြစ်လာသော တိုက်ကွမ်တိုကစားသမား ရှာဘားနား၏ မစ်ရှင်အမျိုးမျိုးကို ရင်သပ်ရှုရမှာဖြစ်ပါတယ်။
ဒီဇာတ်ကားလေးကို Mizzima + Channel မှာ စောင့်မျှော်ကြည့်နိုင်ပါပြီ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - http://onelink.to/jnuwak

#New ပြသမည့်ရက်။ ။ ၂၇.၇.၂၀၂၃
ပြသမည့် အချိန် ။ ။ ည (၈:၀၀)နာရီ
ပြန်လည်ပြသမည့်ရက်။ ။ ၂၈.၇.၂၀၂၃
အချိန်။ ။ နေ့လည် (၂:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U”

​​NUG အနေဖြင့် အိန္ဒိယအစိုးရနှင့် ပိုမိုချိတ်ဆက်မိစေရန် လုပ်ဆောင်သင့်ဟု India for Myanamr အကြံပြု
==================

ပါခွီး
(မဇ္စျိမ) ။ ။ အမျိုးသားညီညွတ်ရေးအစိုးရ (NUG) အနေဖြင့် အိန္ဒိယအစိုးရနှင့် ပိုမိုချိတ်ဆက်မိစေရန် လုပ်ဆောင်သင့်ကြောင်း အကြံပြုချက် ခြောက်ချက် ပါဝင်သည့် အိတ်ဖွင့်ပေးစာကို ပေးပို့ခဲ့သည်ဟု India for Myanamr က ဇူလိုင်လ ၂၆ရက် နေ့တွင်ထုတ်ပြန်သည်။
India for Myanamr သည် အောက်တိုဘာ ၁၅ ရက် ၂၀၂၁ ခုနှစ်မှစ၍ စစ်ကောင်စီနှင့် အိန္ဒိယအစိုးရကြား ဆက်ဆံရေးကို စဉ်ဆက်မပြတ်စောင့် ကြည့်နေခဲ့ကြောင်းဆိုသည်။

လေ့လာမှုများအရ ၂၀၂၃ ခုနှစ်နောက်ပိုင်းတွင် အိန္ဒိယအနေဖြင့် စစ်အုပ်စုကို တရားဝင် အစိုးအရအဖြစ် အသိအမှတ်ပြုသော ဆက်ဆံရေးမျိုးပိုမိုလုပ်ဆောင်လာသည်ကို တွေ့ရှိရသဖြင့် တော်လှန်သောအစိုးရဖြစ်သည့် NUG ထံသို့ အိတ်ဖွင့်ပေးစာ ပေးပို့ရခြင်းဟု သိရသည်။

“ စစ်ကောင်စီဟာ ဒေသတွင်းနဲ့ နိုင်ငံတကာမှာ ယုံကြည်မှုတွေဆုံးရှုံးနေပြီး အားနည်းနေတဲ့ ဟာကွက်တွေကို အမြန်အသုံးချပြီး NUG အနေနဲ့ အိန္ဒိယနိုင်ငံနဲ့ ကိုယ့်အပေါ် ယုံကြည်မှုတိုးလာပြီး တော်လှန်ရေးအတွက် လက်တွဲမိအောင် အကြံပြုခြင်းဖြစ်ပါတယ်” ဟု India for Myanamr လှုပ်ရှားမှုတွင်ပါဝင်သူ ဆလိုင်း ဒိုခါရ် က မဇ္စျိမ ကိုပြောသည်။

အိန္ဒိယနိုင်ငံသည် ဝေဖန်မှုများစွာကြားမှ သုံးနိုင်ငံအဝေးပြေးလမ်းမကိစ္စ အမြန်အကောင်အထည်ဖော်ရေးအပါအဝင် ၎င်း၏ အကျိုးစီးပွားကာကွယ်ရေး၊ နယ်စပ်လုံခြုံရေးနှင့် မူးယစ်ဆေးဝါးရောင်းဝယ်ဖောက်ကားမှုတားဆီးရေးများကို စစ်ကောင်စီနှင့် ဆွေးနွေးအကောင်အထည်ဖော်ရန် ကြိုးစားလျက်ရှိကြောင်း ဆိုသည်။

စစ်အုပ်စုကို တရားဝင်အစိုးရပုံစံမျိုးနှင့် ချဉ်းကပ်နေသော်လည်း ဆွေးနွေးမှုရလဒ်များက မျှော်လင့်သကဲ့သို့မရရှိသဖြင့် စစ်ကောင်စီ၏ အားနည်း ချက်ကို အသုံးချပြီး အိန္ဒိယနှင့်ယုံကြည်မှုတိုးတက်အောင် လုပ်စေချင်ကြောင်း ဆလိုင်းဒိုခါရ်က ဆက်ပြောသည်။

ထို့အပြင် အိန္ဒိယအစိုးရသည် လာမည့်ရွေးကောက်ပွဲတွင် အိမ်နီးချင်းဆိုင်ရာ နိုင်ငံခြားရေးမူဝါဒများတွင် အတိုက်အခံများနှင့်အပြိုင် အသစ်ချပြလာနိုင်သောကြောင့် မြန်မာနိုင်ငံတော်လှန်ရေးအတွက် လက်တွဲမိနိုင်ရေး အခွင့်အလမ်းအကောင်း ဖြစ်နေကြောင်းလည်းဆိုသည်။

အကြံပြုချက်များထဲတွင် အိန္ဒိယနိုင်ငံမှ မြန်မာနိုင်ငံအပေါ်မျော်လင့်ချက်များဖြစ်သော နယ်စပ်လုံခြုံရေး၊ မူးယစ်ဆေးဝါးတားဆီးနိုင်ရေး၊ ၎င်းတို့၏အကျိုးစီးပွား အာမခံချက်ရှိရေး ကိစ္စရပ်များပါဝင်သည်။

ထို့အတူ မြန်မာပြည်အရေးအကူအညီပေးနေကြသည့် နယ်စပ်ပြည်နယ်အစိုးရများ၏ အကူအညီဖြင့် အိန္ဒိယတွင်ခိုလှုံနေသည့် မြန်မာနိုင်ငံသားများစုပေါင်းကာ ဗဟိုအစိုးရ၏ လက်ရှိရပ်တည်ချက်ပြောင်းလဲနိုင်ရေးများလည်း အကြံပြုထားကြောင်းဆိုသည်။

အိန္ဒိယနိုင်ငံရွေးကောက်ပွဲအပြီး အစိုးသစ်၏ နိုင်ငံခြားရေးမူဝါဒတွင် မြန်မာပြည်အရေးသည် အရေးပါသောကဏ္ဍတစ်ခုအဖြစ် ပါဝင်နိုင်ရေးအတွက် India for Myanmar မှ ဆက်လက်ကြိုးစား လုပ်ဆောင်သွားမည်ဖြစ်ကြောင်း ထုတ်ပြန်ချက်တွင် ရေးသားထားသည်။

India for Myanmar လှုပ်ရှားမှုတွင်ပါဝင်သူများအနေဖြင့် အိန္ဒိယအစိုးရနှင့် စစ်ကောင်စီဆက်ဆံရေး နှစ်နှစ်၊ ခြောက်လပြည့် အစီရင်ခံစာကို ထုတ်ပြန်ရန်ရှိနေပြီး မြန်မာပြည်ဒီမိုကရေးစီအရေးတွင် အိန္ဒိယပြည်သူများပူးပေါင်းမှုမြှင့်တင်ရေးများ လုပ်ဆောင်ရန်ရှိကြောင်းလည်း ဆလိုင်းဒိုခါရ် ကပြောဆိုခဲ့သည်။

စာတည်း ။ ။ Alden
စာမူတည်းဖြတ်။ ။ သန့်ဇော်(သန်လျင်)

#အိန္ဒိယ
#အစိုးရ
#မြန်မာ
#NUG
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇူလိုင်လ ၂၇ ရက်၊ ည ၇ နာရီ The Mizzima Prime Time မဇ္စျိမ ပင်မသတင်းအစီအစဥ်
======================

-စစ်တပ် ဘဏ္ဌာရန်ပုံငွေ ဖြည့်တင်းဖို့အတွက် နှစ်သောင်းတန် ငွေစက္ကူထုတ်တာလို့ NUG ပြောတဲ့သတင်း

-ရန်ကုန်တိုင်းထဲက စစ်ကောင်စီတပ်ရင်း၊ တပ်ဖွဲ့တွေမှာ မှတ်ပုံတင်အစား Smart Cardတွေ ပြုလုပ်ပေး နေတဲ့အကြောင်း

- နိုင်ငံဖြတ်ကျော်မှုခင်းပြဿနာတွေကို ဖြေရှင်းဖို့ ထိုင်းနဲ့ စစ်ကောင်စီတို့ ဆွေးနွေးခဲ့တဲ့သတင်း

-မြိတ်မြို့နယ်မှာ တပ်ကြပ်ကြီး တစ်ဦး လက်နက်နဲ့ အတူ ပြည်သူ့ရင်ခွင် ခိုလှုံခဲ့တဲ့အကြောင်း

-ညောင်လေးပင်မြို့နယ်မှာ နှစ်ရက်ဆက်တိုက် တိုက်ပွဲဖြစ်ပွားပြီး စစ်ကောင်စီဘက်က ၁၀ယောက်ထက်မနည်း သေဆုံးသလို ကာကွယ်ရေးတပ်ဘက်ကလည်း အထိအခိုက်ရှိတယ်ဆိုတဲ့သတင်း

-မြန်မာနယ်စပ် အိန္ဒိယနိုင်ငံ မိုရေးမြို့မှာ မီးရှို့မှုတွေ၊ ပစ်ခတ်မှုတွေနဲ့အတူ မငြိမ်မသက်ဖြစ်နေတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ် သတင်းတွေကို စုစည်းတင်ဆက်ပေးသွားပါမယ်။

https://www.youtube.com/live/0I_YUs4hqxE?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​မလေးရှားတွင် ဌာနပေါင်းစုံပါဝင်သော စီးနင်းမှုအတွင်း ဒေါ်လာသန်းချီ တန်ဖိုးရှိ ငွေသားနှင့် ရွှေများကို ရဲတပ်ဖွဲ့ ဖမ်းဆီး
=======================

မလေးရှားနိုင်ငံတွင် ဥပဒေစိုးမိုးရေးဆိုင်ရာ ဌာနပေါင်းစုံ ပူးပေါင်းလုပ်ဆောင်သော စီးနင်းဖမ်းဆီးမှုတစ်ရပ်ပြီးနောက် ဒေါ်လာသန်းချီ တန်ဖိုးရှိသည့် ရွှေ နှင့် ငွေသားများအပြင် တန်ဖိုးကြီး ဇိမ်ခံကားများကို အကျင့်ပျက်ခြစားမှု တိုက်ဖျက်ရေး အေဂျင်စီက ဇူလိုင် ၂၄ ရက်တွင် ဖမ်းဆီးခဲ့သည်။ စီးပွားရေးလုပ်ငန်းရှင်တစ်ဦးလည်း ထိန်းသိမ်းခံခဲ့ရသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U