မြန်မာအလုပ်သမားဈေးကွက် အခက်အခဲမျိုးစုံနဲ့ စိန်ခေါ်မှုတွေရှိနေဆဲလို့ ILO ပြော
=================

မြန်မာနိုင်ငံက အလုပ်သမားတွေဟာ ကိုဗစ်ကပ်ရောဂါနဲ့ ၂ဝ၂၁ စစ်အာဏာသိမ်းမှုဆိုးကျိုးတွေရဲ့ နောက်ဆက်တွဲ ဖြစ်ပေါ်လာတဲ့ လူမှုစီးပွားပြဿနာတွေကို တွေ့ကြုံခံစားနေရတယ်လို့ အပြည်ပြည်ဆိုင်ရာ အလုပ်သမားအဖွဲ့ (ILO) က ပြောကြားလိုက်ပါတယ်။

အလုပ်အကိုင်ရရှိနှုန်း၊ အလုပ်အရည်အသွေးနဲ့ ကုန်ထုတ်စွမ်းအား ဆက်လက် ကျဆင်းနေပြီး စိန်ခေါ်မှုတွေ ရှိနေတယ်လို့ ILO က ဇူလိုင် ၂၇ နေ့စွဲနဲ့ထုတ်ပြန်တဲ့ သုံးသပ်ချက်မှာ ဖော်ပြထားပါတယ်။

မြန်မာနိုင်ငံရဲ့ အလုပ်သမားဈေးကွက်ဟာ အချို့ကဏ္ဍတွေမှာ အနည်းငယ် တိုးတက်လာပေမဲ့ အလုပ်အကိုင်ဖန်တီးမှုဟာ များပြာလာတဲ့လူဦးရေအတွက် အမီလိုက်နိုင်ခြင်းမရှိတာကြောင့် ၂၀၂၂ ခုနှစ်မှာ အလုပ်လုပ်နိုင်တဲ့ လူဦးရေရဲ့ ၅၄ဒသမ၅ ရာခိုင်နှုန်းပဲ အလုပ်အကိုင်ရရှိတော့ပါတယ်။ 
ဒါဟာ ၂၀၁၇ ခုနှစ်နဲ့ နှိုင်းယှဉ်ရင် ၈ဒသမ၂ ရာခိုင်နှုန်း ကျသွားတာပါ။

အဲဒီလို ကျဆင်းသွားတဲ့နေရာမှာ အမျိုးသမီးတွေရဲ့ အလုပ်လုပ်နိုင်တဲ့ လူဦးရေနဲ့ အလုပ်အကိုင်ရရှိမှုအချိုး ဟာ အမျိုးသားတွေထက် နှစ်ဆ ကျဆင်းသွားတာကြောင့် အမျိုးသမီးတွေအပေါ် သက်ရောက်မှု ပိုကြီးတယ်လို့ ILOက ဆိုပါတယ်။
ကြုံရာကျဘန်း အလုပ်လုပ်ရသူတွေပိုများလာတာနဲ့အတူ အလုပ်အကိုင်အရည်အသွေးတွေ ကျဆင်းနေပါတယ်။ 

ကုန်ထုတ်စွမ်းအားတွေလည်းကျဆင်းနေပြီး ၂၀၂၁ ခုနှစ်အတွင်း ၈ ရာခိုင်နှုန်းကျခဲ့ပြီး ၂၀၂၂ ခုနှစ်မှာတော့ နောက်ထပ် ၂ ရာခိုင်နှုန်းထပ်ကျပြီး ၁၀ ရာခိုင်နှုန်းအထိ ကျဆင်းခဲ့တယ်လို့ ILO ကပြောပါတယ်။

ILO အစီအရင်ခံစာသစ်မှာ "မြန်မာနိုင်ငံက အလုပ်အကိုင်အခြေအနေတွေဟာ ခိုင်မာမှု မရှိသေးသလို၊ အလုပ်သမားတွေဟာလည်း မရေရာတဲ့ အနာဂတ်နဲ့စိန်ခေါ်မှုတွေ အများအပြား ရင်ဆိုင်နေရကြောင်း၊ မြန်မာနိုင်ငံမှာ ဒီမိုကရေစီလမ်းကြောင်းပေါ် ပြန်ရောက်ရေးဟာ နိုင်ငံနဲ့နိုင်ငံသားတွေအတွက် အသက်တမျှ အရေးပါတဲ့အခြေအနေဖြစ်ပြီး လူမှုရေးတရားမျှတမှုနဲ့ အလုပ်အကိုင်ကောင်းတွေပြန်ရဖို့ အရေးကြီးတဲ့ အခြေအနေတစ်ရပ် ဖြစ်ပါတယ်"လို့ ILO မြန်မာရဲ့ဆက်ဆံရေးအရာရှိ Donglin Li က ပြောထားပါတယ်။

တချို့လုပ်ငန်းတွေမှာ အလုပ်အကိုင်အခွင့်အလမ်းတွေ ပြန်ပြီးတိုးလာပေမဲ့ လူဦးရေတိုးနှုန်းကိုတော့ လိုက်မမှီသေးကြောင်း ILO က ထောက်ပြထားပါတယ်။

ပြီးခဲ့တဲ့ ၂၀၁၇ ခုနှစ်မှာ လူဦးရေရဲ့ ၈.၂ ရာခိုင်နှုန်းသာ အလုပ်လိုအပ်ချက်ရှိခဲ့ပေမဲ့ ပြီးခဲ့တဲ့ ၂ဝ၂၂ ခုနှစ်မှာတော့ လူဦးရေရဲ့ ၅၄.၅ ရာခိုင်နှုန်းအထိ အလုပ်လိုအပ်ချက် ရှိနေတာတွေ့ရတာကြောင့် အလုပ်လက်မဲ့နှုန်းက သိသာစွာတိုးလာတယ်လို့ ဆိုပါတယ်။
ဒါ့အပြင် အလုပ်သမားတွေဟာ ဥပဒေနဲ့စည်းကြပ်မှုအောက်မှာ မရှိတဲ့ လုပ်ငန်းကဏ္ဍတွေမှာ ဝင်ရောက် လုပ်ကိုင်လာရတာကြောင့် အလုပ်အကိုင်အရည်အသွေးတွေလည်း ကျဆင်းလာတယ်လို့ ILOရဲ့ ထုတ်ပြန်ချက်က ဆိုပါတယ်။

စစ်ကောင်စီ အလုပ်သမားဝန်ကြီးဌာနရဲ့အချက်အလက်တွေအရ မြန်မာနိုင်ငံမှာ ၂၀၂၀ ခုနှစ်ကနေ ၂၀၂၃ အထိ သုံးနှစ်အတွင်း အလုပ်လက်မဲ့နှုန်း သုံးရာခိုင်နှုန်းကျော်အထိ တိုးလာတယ်လို့ ဆိုပါတယ်။
စစ်အာဏာမသိမ်းခင်က မြန်မာနိုင်ငံရဲ့အလုပ်လက်မဲ့နှုန်းဟာ တစ်ရာခိုင်နူန်းအောက်မှာသာ ရှိနေခဲ့ပေမယ့် အာဏာသိမ်းအပြီး နှစ်ပိုင်းအတွင်း အဆမတန်တိုးမြင့်လာတဲ့အပေါ် စိတ်ပျက်ရတယ်လို့လည်း အလုပ်သမားရေးရာ စောင့်ကြည့်လေ့လာသူတွေက ဆိုပါတယ်။
မြန်မာနိူင်ငံမှာ စစ်အာဏာသိမ်းပြီးနောက် လုပ်ငန်းတွေ ရပ်ဆိုင်းတာ၊ လုပ်သားအင်အား လျှော့ချလိုက်တာတွေကြောင့် အလုပ်လက်မဲ့ဦးရေ တသန်းခွဲကျော်အထိ ရှိလာတယ်လို့ အပြည်ပြည်ဆိုင်ရာ အလုပ်သမားရေးရာအဖွဲ့ ရဲ့ ပြီးခဲ့တဲ့ ၂၀၂၂ နှစ်ဆန်းပိုင်းက ထုတ်ပြန်ထားချက်အရသိရပါတယ်။

https://youtu.be/kcMDE0HQ9N8

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖက်ဒရယ် နိုင်ငံရေးစနစ်၊ Gender နှင့် တရားမျှတမှု | Beyond Panglong Oath Ep 13
==================

https://youtu.be/4Gq43xvZ8Mg

ရုရှားကာကွယ်ရေးဝန်ကြီးကို မောင်းသူမဲ့လေယာဉ်တွေနဲ့ တိုက်ချင်းပစ်ဒုံးကျည်တွေကို ကင်ဂျုံအန်ပြသ
====================

https://youtu.be/8Ipwz2aEwgk

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇူလိုင်လ ၂၈ ရက်၊ မွန်းတည့် ၁၂ နာရီ Mizzima News Hour မဇ္ဈိမသတင်းအစီအစဉ်
=================

မြန်မာအလုပ်သမားဈေးကွက် အခက်အခဲမျိုးစုံနဲ့ စိန်ခေါ်မှုတွေရှိနေဆဲလို့ ILO ပြောတဲ့သတင်း

တိုက်ပွဲများကြောင့် မြန်မာမှ အိန္ဒိယသို့ဝင်ရောက်လာသူတိုင်းကို လက်ဗွေမှတ်တမ်းကောက်ယူဖို့ စီစဉ်နေတဲ့သတင်း

နိုင်ငံဖြတ်ကျော်မှုခင်းပြဿနာတွေကို ဖြေရှင်းဖို့ ထိုင်းနှင့် စစ်ကောင်စီတို့ ဆွေးနွေးတဲ့သတင်း

မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေဈေး၊ စက်သုံးဆီဈေးနဲ့ စားအုန်းဆီဈေးတွေအပါအဝင် တခြားစိတ်ဝင်စားဖွယ်နဲ့ အရေးကြီးသတင်းတွေကို တင်ဆက်ပေးပါတော့မယ်။

https://youtu.be/goJwLe_H7x8

#2pmnews
#Mizzimanewshour
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တိုက်ပွဲများကြောင့် မြန်မာမှ အိန္ဒိယသို့ ဝင်ရောက်လာသူတိုင်းကို လက်ဗွေ မှတ်တမ်းကောက်ယူရန် စီစဉ်နေ
==================

မြန်မာနိုင်ငံဘက်ကနေ အိန္ဒိယနိုင်ငံထဲ ဝင်ရောက်လာတဲ့သူတိုင်းကို အစိုးရက ဇီဝအချက်လက်မှတ်တမ်းတွေ ကောက်ယူဖို့ လုပ်နေတယ်လို့ အိန္ဒိယသတင်းတွေမှာ ဖေါ်ပြထားပါတယ်။
 ဒီလို အချက်လက်မှတ်တမ်း ကောက်ယူမှုကနေ နောင်မှာ သူတို့ကို အိန္ဒိယနိုင်ငံသားအဖြစ် ခံယူလို့မရအောင် သတ်မှတ်ထားတဲ့ “လက်သင့်မခံသူများ ဇီဝအချက်လက်စာရင်း” - “Negative biometric list” ထဲ ထည့်သွင်းဖို့ ဖြစ်တယ်လို့သိရပါတယ်။

ဒါ့အပြင် နိုင်ငံသားအဖြစ် လက်မခံမယ့်စာရင်း ကောက်ယူမှုနဲ့အတူ အိန္ဒိယအစိုးရရဲ့ အိန္ဒိယ-မြန်မာ ၂ နိုင်ငံနယ်စပ်တကြော နယ်စပ်စည်းရိုးကာရံမယ့် စီမံကိန်းကိုလည်း လက်စသတ်တော့မှာ ဖြစ်ပါတယ်။

မြန်မာနိုင်ငံအတွင်း ဖြစ်ပွားနေတဲ့ တိုက်ပွဲများကြောင့် အိန္ဒိယနိုင်ငံ၊ ချန်ဒဲလ်ခရိုင်သို့ ဇူလိုင်လ ၂၃ ရက်က ထွက်ပြေးတိမ်းရှောင်လာတဲ့ စစ်ဘေးရှောင်ပြည်သူ ၇၁၈ ဦးအထိ ရှိလာခဲ့ပြီး အဆိုပါ စစ်ရှောင်များမှာ ကလေးသူငယ် ၃၀၁ ဦးနဲ့အမျိုးသမီး ၂၀၈ ဦးပါဝင်ကြောင်း မဏိပူရပြည်ထဲရေးဝန်ကြီးဌာနမှ သတင်းထုတ်ပြန်ခဲ့ပါတယ်။

မြန်မာစစ်ရှောင်များဟာ အထောက်အထားမဲ့ ဝင်ရောက်လာသူများဖြစ်တဲ့ အတွက် တရားဝင်နေထိုင်ခွင့်မပေးနိုင်ကြောင်း အိန္ဒိယအစိုးရမှ ဇူလိုင် ၂၄ ရက်နေ့မှာ ထုတ်ပြန်ခဲ့ပါတယ်။
မြန်မာနိုင်ငံသားများ တရားမဝင် ဝင်ရောက်ခြင်းကို တင်းကြပ်စွာ ကိုင်တွယ်တားမြစ်ရန် ယခင်ကတည်းက အာသံနယ်ခြားစောင့်တပ်ကို ကြိုတင်အသိပေးထားတဲ့အတွက် ယခုကဲ့သို့ စစ်ရှောင် ခုနှစ်ရာကျော်ခန့်ကို ဝင်ရောက်ခွင့်ပေးခြင်းဟာ တရားမဝင်လုပ်ရပ်ကို ခွင့်ပြုပေးခြင်းဖြစ်ကြောင်း ထုတ်ပြန်ချက်တွင် ဖော်ပြထားခဲ့ပါတယ်။

ဒါကြောင့် မြန်မာနိုင်ငံဘက်မှ ရောက်ရှိလာတဲ့ စစ်ရှောင် ခုနှစ်ရာကို အိန္ဒိယအစိုးရက နေရပ်ပြန်ပို့ဖို့အာသံ နယ်ခြားစောင့်တပ်ကို ဖိအားပေးလျက်ရှိကြောင်း သိရပါတယ်။
ပြည်နယ်အစိုးရဟာ အထောက်အထား စာရွက်စာတမ်းမပါတဲ့ မြန်မာနိုင်ငံသားတွေ မဏိပူရထဲ ဝင်မလာနိုင်အောင် နယ်ခြားစောင့်တပ်ကို တင်းတင်းကျပ်ကျပ် အမိန့်ပေးထားပြီး ဒါဟာ အိန္ဒိယပြည်ထဲရေး ဝန်ကြီးဌာနရဲ့ လုပ်ထုံးလုပ်နည်းအတိုင်းလုပ်ဆောင်တာဖြစ်တယ်လို့ ဆိုထားပါတယ်။

စစ်ကိုင်းတိုင်း တမူးခရိုင် အိန္ဒိယ-မြန်မာ ချစ်ကြည်ရေးလမ်းမပေါ်မှာရှိတဲ့ ခါမ်းပါတ်မြို့မှာ ဇူလိုင်လ ၂၃ ရက်နေ့ကစပြီး စစ်ကောင်စီတပ်နဲ့ တမူးပြည်သူ့ကာကွယ်ရေးတပ် (PDF) တွေ တိုက်ပွဲပြင်းထန်နေတာပါ။

တိုက်ပွဲကြောင့် ဒေသခံနှစ်ထောင်နီးပါး နီးစပ်ရာကျေးရွာတွေနဲ့ အိန္ဒိယဘက်ခြမ်းကို ထွက်ပြေးနေရတာဖြစ်ပါတယ်။

စစ်တပ်က အာဏာသိမ်းပြီးနောက်မှာ အိန္ဒိယနိုင်ငံ မဏိပူရ ပြည်နယ်ထဲကို မြန်မာနိုင်ငံသား ၅,၀၀၀ ကျော်နဲ့ မီဇိုရမ်ပြည်နယ်ထဲကို မြန်မာနိုင်ငံသား ၃၅,၀၀၀ ကျော် ဝင်ရောက် ခိုလှုံနေကြတာ ဖြစ်ပါတယ်။

ဒါ့အပြင် အိန္ဒိယနိုင်ငံအရှေ့ပိုင်း မြန်မာနဲ့ နယ်စပ်ချင်းကပ်နေတဲ့ မဏိပူပြည်နယ်ထဲမှာလည်း လူမျိုးစု ၂ ခုကြား အဓိကရုန်းတွေ ဖြစ်ပွားနေတာ နှစ်နဲ့ချီနေပြီဖြစ်ပါတယ်။

အခုလို တရားမဝင် လာရောက်သူတွေကြောင့် ကြုံလာရတဲ့ နိုင်ငံတကာရဲ့ တုံ့ပြန်မှုတွေအပြင် လက်ရှိ ပြည်နယ်တွင်း တရားဥပဒေစိုးမိုးမှုကိုပါ ရိုက်ခတ်လာတာကြောင့် ဒီကိစ္စကို ဂရုတစိုက် ကိုင်တွယ်ဖြေရှင်းဖို့ လိုအပ်ကြောင်း ပြည်နယ်ဝန်ကြီးချုပ် Biren Singh ဦးဆောင်တဲ့ အစိုးရအဖွဲ့က ပြောကြားထားပါတယ်။

https://youtu.be/4jN3uNKOHrs

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အွန်လိုင်း လိမ်လည်သည့်အဖွဲ့များကို ‘အမြစ်ဖြတ်ရန်’ စစ်ကောင်စီကို တရုတ် ပြော
===================

ဥပဒေမဲ့ရာ နယ်စပ်၌ တရုတ်နိုင်ငံသားများကို ပစ်မှတ်ထားနေသော အွန်လိုင်း လိမ်လည်မှုများကို အမြစ်ဖြတ်ရန် တရုတ်နိုင်ငံက စစ်ကောင်စီကို ပြောထားကြောင်း ရန်ကုန်ရှိ တရုတ်သံရုံးက ဆိုသည်။မြန်မာမြောက်ပိုင်းနှင့် အရှေ့ပိုင် နယ်စပ်တစ်လျှောက် ဥပဒေမဲ့ရာ ဒေသသို့ တရုတ်နှင့် အခြားနိုင်ငံသားများကို ရာဇဝတ်ဂိုဏ်းများက လိမ်လည်ဖြားယောင်းခြင်း သို့မဟုတ် ပြန်ပေးဆွဲခြင်းများ ရှိနေပြီး အွန်လိုင်းလိမ်လည်မှုများတွင် အတင်းအကျပ် စေခိုင်းနေကြကြောင်း စွပ်စွဲမှုများ ရှိထားသည်။

--------------------- 
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​YGF ဆက်သွယ်ရေးရုံးခန်း ဝင်စီးခံရ လက်နက်ခဲယမ်း သိန်း ၂,၀၀၀ ဖိုးခန့် ဆုံးရှုံး
===============

ဂျူချန်း

(မဇ္ဈိမ)။ ။ မွန်ပြည်နယ်၊ ရေးမြို့နယ်တောင်ပိုင်းတစ်နေရာရှိ ရေးပြောက်ကျားတပ်ဖွဲ့(YGF) ၏ ရှေ့တန်းထောက်ပို့နှင့် ဆက်သွယ်ရေးရုံးခန်း ဝင်ရောက်စီးနင်းခံရသဖြင့် လက်နက်ခဲယမ်း ကျပ်သိန်း ၂,၀၀၀ ဖိုးခန့် ဆုံးရှုံးခဲ့ကြောင်း YGF သတင်းနှင့်ပြန်ကြားရေးတာဝန်ခံထံမှ သိရသည်။

ရေးပြောက်ကျားတပ်ဖွဲ့(YGF) ၏ရှေ့တန်းထောက်ပို့နှင့် ဆက်သွယ်ရေးရုံးခန်းအား ဇူလိုင်လ ၂၂ ရက်နေ့ နံနက် ၇နာရီခန့်တွင် အမည်မသိလက်နက်ကိုင်လူတစ်စုမှ ရုတ်တရက် ဝင်ရောက်စီးနင်းခဲ့သဖြင့် စခန်းအား ဆုတ်ခွာပေးခဲ့ရကြောင်း သိရသည်။

“ဝတ်စုံအမဲရောင်တော့မြင်ရတယ်၊ ဆုတ်ခဲ့ရတာကအနီးကပ် ပစ်ခံထိလို့၊လက်နက်တွေအကုန်လုံး ကောက်မခင်တာကြောင့်၊ ပြန်ပစ်နိုင်မှုကလည်းနည်းသွားလို့၊ အခုဖြစ်တာက ရှေ့တန်းမှာဖြစ်နေတဲ့ အဖွဲ့မဟုတ်ဘူး။ ရှေ့တန်းရဲ့ ရုံးအဖွဲ့ပါ” ဟု YGF သတင်းနှင့် ပြန်ကြားရေးတာဝန်ခံ စောခေတ်သစ်က မဇ္ဈိမ ကိုပြောသည်။

စခန်းဝင်ရောက် စီးနင်းခံရမှုကြောင့် သေနတ် ၁၁ လက်အပါအဝင်၊ လက်နက်ခဲယမ်းများနှင့် စစ်အသုံးအဆောင်ပစ္စည်းများ စုစုပေါင်း ကာလတန်ဖိုး သိန်း ၂,၀၀၀ ခန့် ဆုံးရှုံးခဲ့ရပြီး ရဲဘော်တစ်ဦး ပေါင်နှင့် လက်တွင် ထိခိုက်ဒဏ်ရာခဲ့ကြောင်း သိရသည်။

ဇူလိုင်လ ၁၈ ရက်နေ့မှ ဇူလိုင်လ ၂၄ ရက်နေ့အထိ ရေးမြို့နယ်နှင့် တနင်္သာရီတိုင်း ရေဖြူမြို့နယ်ကြားရှိ အလယ်စခန်းအနီးတွင် YGF မှ ရဲဘော်များအပါအဝင် KNLA တပ်ရင်း(၂၇) ပူးပေါင်းတပ်နှင့် စစ်ကောင်စီ၏ ခမရ(၄၀၇)၊ ခလရ(၁၀၄)၊ ခမရ(၄၀၈)၊ ခလရ(၂၈၂) တို့ပါဝင်သည့် အင်အား ၃၀၀ ခန့်ပါ စစ်ကြောင်းနှင့် တိုက်ပွဲပြင်းထန်ခဲ့ကြောင်း သိရသည်။

ပြီးခဲ့သည့် ဇူလိုင်လ ၁၀ ရက်နေ့တွင် ရေးမြို့နယ်နှင့် ထားဝယ်မြို့ကြားရှိ မလွဲတောင်အနီးရှိ YGF ရှေ့တန်းစခန်းတစ်ခုအနီး တိုက်ပွဲဖြစ်ပွားခဲ့ပြီးနောက် ဇူလိုင် ၁၂ ရက်နေ့တွင် စခန်းအား ပြန်လည်ချဉ်းကပ်ပြီး နယ်မြေရှင်းလင်းရေးလုပ်ရာ ရဲဘော်တစ်ဦး စစ်ကောင်စီထောင်ခဲ့သည့်မိုင်းနင်းမိသဖြင့် ပြင်းထန်ဒဏ်ရာရရှိခဲ့သေးသည်။

ဇူလိုင်လ ၆ ရက်နေ့ညတွင် YGF နှင့် KNLA၊ PDF ပူးပေါင်းတပ်ဖွဲ့မှ မလွဲတောင်အနီး ၁၄ မိုင်ကျေးရွာအနောက်ဘက်ရှိ စစ်ကောင်စီ၏ ဆက်သွယ်ရေးတာဝါတိုင်စခန်းကုန်းအား စီးနင်းတိုက်ခိုက်ခဲ့ရာ စခန်းအား ဖျက်ဆီးနိုင်ခဲ့ပြီး ရှေ့ထွက်မိုင်းသုံးလုံး၊ M16 ကျည် ၂၁၈ ထောင့်၊ 40mm ကျည် ၂၀လုံး၊ လက်ပစ်ဗုံး ၂၀ လုံး၊ ဖောက်ခွဲရေးပစ္စည်း(ကပ်သီး) ၁၈ခု၊ ကျည်ဘောက် ၁၀ခု၊ ဖုန်း သုံးလုံး၊ စစ်ယူနီဖောင်းတစ်စုံ နှင့် အခြားစစ်အသုံးအဆောင်ပစ္စည်းများကို သိမ်းဆည်းရမိခဲ့ကြောင်း သိရသည်။

စာတည်း - သန့်ဇော်(သန်လျင်)
ဓါတ်ပုံ- ဇူလိုင်လ ၆ ရက်နေ့တွင် ဆက်သွယ်ရေးတာဝါတိုင်စခန်းမှ သိမ်းဆည်းရမိခဲ့သည့် လက်နက်နှင့် YGF ရဲဘော်များ

#mizzima
#YGF 
#KNLA
#PDF 
#ရေးမြို့နယ်
----------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နှစ်ခြမ်းကွဲနေတဲ့ကျွန်းဆွယ်ရဲ့ စစ်မှန်တဲ့ငြိမ်းချမ်းရေးအိပ်မက်ကို ကိုရီးယားစစ်ပြန်တွေမက်ခဲ့ကြ
==================

https://youtu.be/N4dSqcJrJvA

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ငွေကြေးတန်ဖိုးကျဆင်းနေချိန်မှာပဲ ပြည်တွင်းစီးပွားရေး ‌၄ ရာခိုင်နှုန်း တိုးတက်လာဖို့ စစ်‌ခေါင်းဆောင် မျှော်မှန်း
===============

မြန်မာငွေကြေးတန်ဖိုးဆက်တိုက်ကျဆင်းခဲ့ပြီး စီးပွားရေးမတည်မငြိမ်ဖြစ်နေပေမယ့် စစ်ခေါင်းဆောင်ကတော့ အခု ၂၀၂၃-၂၀၂၄ ဘဏ္ဍာ ရေးနှစ်မှာ မြန်မာ့စီးပွားရေး ၄ ရာခိုင်နှုန်း တိုးတက်လာဖို့ မျှော်မှန်းထားတယ်လို့ ဇူလိုင် ၂၆ ရက်မှာ ပြောကြားခဲ့ပါတယ်။

မနှစ်ကဘဏ္ဍာရေးနှစ်မှာ ၃ ဒသမ ၄ ရာခိုင်နှုန်းတိုးတက်ခဲ့ပြီး လက်ရှိဆောင်ရွက်နေတဲ့ ကုန်ထုတ်လုပ်မှုတွေကို အမှန်တကယ်ဆောင်ရွက်နိုင်ရင် စီးပွားရေးက ထပ်မံတိုးတက်မယ် လို့ သူကပြောပါတယ်။

ဒါ့အပြင် နှစ်သောင်းကျပ်တန်ငွေစက္ကူ ထုတ်ဝေခြင်းကြောင့် ငွေကြေးဖောင်းပွမှု လုံးဝမဖြစ်ပေါ်နိုင်ကြောင်းလည်း ပြောကြားခဲ့ပါတယ်။
အဆိုပါ နှစ်သောင်းကျပ်တန်ငွေစက္ကူဟာ အကန့်အသတ်ဖြင့်သာထုတ်လုပ်ခြင်းဖြစ်ပြီး လက်ရှိမှာလည်း နိုင်ငံတော်အနေဖြင့် ဘဏ္ဍာငွေလိုအပ်ချက်မရှိတဲ့ အပြင် နိုင်ငံအတွင်း လည်ပတ်သုံးစွဲငွေများ မျှတစွာရှိနေကြောင်း ပြောကြားခဲ့ပါသေးတယ်။

 နိုင်ငံအတွင်း ငွေကြေးလည်ပတ်မှုအနေအထားသည် ပုံမှန်အခြေအနေသို့ ပြန်လည်ရောက်ရှိနေကြောင်းသိရပြီး ဘဏ်များမှာလည်း ငွေကြေးအပ်နှံမှုများ များစွာရှိနေကြောင်း စစ်ခေါင်းဆောင်ကပြောပါတယ်။

ငွေတန်ဖိုးကျဆင်းမှု၊ ပို့ကုန်လျော့ကျမှု၊ နိုင်ငံခြားရင်းနှီးမြှုပ်နှံမှု လျော့နည်းကျဆင်းလာမှု စတဲ့စိန်ခေါ်မှုများစွာကို ရင်ဆိုင်နေရပေမဲ့ လက်ရှိဘဏ္ဍာရေးနှစ်မှာ နိုင်ငံ့စီးပွားရေး ၄ ရာခိုင်နှုန်းခန့် တိုးတက်မယ်လို့ မျှော်မှန်းထားကြောင်း ပြောကြားခဲ့တာဖြစ်ပါတယ်။

နိုင်ငံ့စီးပွားမြှင့်တင်ရေးကို တွန်းအားပေးဆောင်ရွက်ခဲ့ပြီး ဘဏ္ဍာငွေသုံးစွဲမှုမှာ ပြည်ပ ချေးငွေများလုံးဝချေးယူခြင်းမရှိဘဲ ပြည်ပထောက်ပံ့ငွေအနေနဲ့လည်း ၂၀၂၂ ခုနှစ် နှောင်းပိုင်းရောက်မှ အနည်းငယ်သာရခဲ့တယ်လို့ စစ်ခေါင်းဆောင်က ပြောခဲ့ပါတယ်။

အာဏာသိမ်းပြီး‌နောက် နှစ်ဆလောက် မြင့်တက်လာတဲ့ ရွှေ၊ နိုင်ငံခြားငွေဈေးနှုန်းနဲ့ အထွေထွေကုန်ဈေးနှုန်းတွေကလည်း ပြည်တွင်းငွေကြေးဖောင်းပွမှုကို မီးမောင်းထိုးပြနေပါတယ်။

စစ်ကောင်စီလက်အောက်ခံ ဗဟိုဘဏ်က ရိုက်နှိပ်ထုတ်ဝေမယ့် နှစ်သောင်းတန် ငွေစက္ကူတွေကို အမျိုးသားညီညွတ်ရေးအစိုးရနဲ့ ဆက်ခံတဲ့ အစိုးရတွေက အသိ အမှတ်ပြုမှာ မဟုတ်တဲ့အပြင် တရားမဝင်ငွေစက္ကူအဖြစ် သတ်မှတ်ကြေညာလိုက်တယ်လို့ အမျိုးသားညီညွတ်ရေးအစိုးရ၊ကြားကာလဗဟိုဘဏ်က တရားမဝင်ငွေစက္ကူအဖြစ် ဇူလိုင် လ(၂၇) ရက်နေ့ ရက်စွဲနဲ့ ထုတ်ပြန်ကြေညာထားပါတယ်။ 

တရားမဝင်ငွေစက္ကူတွေ ရိုက်နှိပ်ထုတ်ဝေတာကြောင့် ငွေကြေးဖောင်းပွမှု ဖြစ်ပေါ်စေတာဟာ ပြည်သူတွေရဲ့ လုပ်အားနဲ့ ချွေးနဲစာ စုဆောင်းငွေတွေကို တဖက်လှည့်ခိုးယူတာဖြစ်တယ်လို့ လည်းဆိုထားပါတယ်။ 

စစ်ကောင်စီရဲ့ ငွေစက္ကူ ထုတ်ဝေမှုကြောင့် ငွေကြေးဖောင်းပွမှုနဲ့ အလုပ်လက်မဲ့နှုန်း မြင့်တက် လာနိုင်ပြီး ကုန်ဈေးနှုန်း အဆမတန် ကြီးမြင့်မှုဒဏ်ကို ပြည်သူတွေ ထပ်မံခံစားရနိုင်တယ်လို့ စီးပွားရေးပညာရှင်တွေက သတိပေးထားပါတယ်။

https://youtu.be/txrMsVRrl8c
 
#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြင်းမူတွင် စစ်ကောင်စီစစ်ကြောင်းကို တိုက်ခိုက်မှု ၈ ဦးသေဆုံးဟုဆို
===============

ပါခွီး

(မဇ္စျိမ) ။ ။မြင်းမူမြို့နယ်တွင် ဇူလိုင်လ ၂၇ရက်က စစ်ကြောင်းထိုးလာသည့် စစ်ကောင်စီတပ်အား ပြည်သူ့ကာကွယ်ရေးမဟာမိတ်များက တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ရှစ်ဦးသေဆုံးကြောင်း မြင်းမူလင်းယုန်နက်အဖွဲ့ (Black Eagle Defence Force – MMU) က ထုတ်ပြန်သည်။

ဇူလိုင်လ ၂၇ရက် နေ့လည် ၁၂နာရီခန့်က အင်အား ၅၀ခန့်ပါသော စစ်ကောင်စီစစ်ကြောင်းကို လက္ကာကျေးရွာမြောက်ဘက်တွင် ဒရုန်းဖြင့် ဗုံးသီးနှစ်လုံးချတိုက်ခိုက်ခဲ့ရာ စစ်ကောင်စီတပ်သား ငါးဦးသေဆုံးပြီး သုံးဦး ဒဏ်ရာရရှိသွားကြောင်းမြင်းမူလင်းယုန်နက်အဖွဲ့တာဝန်ခံ ဗိုလ်စံရှားက မဇ္စျိမကိုပြောသည်။

ဒဏ်ရာရသူများကို ကားဖြင့်သယ်ဆောင်လာစဉ် ညနေ ၃နာရီခန့်တွင် အလ္လကပ္ပနှင့် ဝမ်းပြည့်ကျေးရွာကြား၌ ပဒေသာမိုင်းနှစ်လုံးဖြင့် ထပ်မံတိုက်ခိုက်ခဲ့ရာ စစ်ကောင်စီတပ်သား သုံးဦးထပ်မံသေဆုံးပြီး ငါးဦးဒဏ်ရာရရှိသွားကြောင်းဗိုလ်စံရှားက ဆက်ပြောသည်။ ထို့ကြောင့် ယင်းနေ့တိုက်ခိုက်မှုတွင် စစ် ကောင်စီတပ်ဖွဲ့ဝင် ရှစ်ဦးသေဆုံးသည်ဟု ဆိုသည်။

ဗိုလ်စံရှားက “ဆေးရုံဆက်မသွားတော့ပဲ အလောင်းတွေသယ်ပြီး သင်္ချိုင်းကိုတန်းသွားပြီး မီးရှို့သွားတယ်” ဟု ပြောသည်။

အဆိုပါတိုက်ခိုက်မှုကို Black Eagle Defence Force အဖွဲ့မှ ဦးဆောင်ပြီး မြင်းမူမြို့နယ် ပြည်သူ့ကာကွယ်ရေးအဖွဲ့ (ပကဖ) ၊ People’s Defence Force Myinmu – MMU PDF တို့ပူးပေါင်းလုပ်ဆောင်ခဲ့ခြင်းဟုသိရသည်။ 

ပြည်သူ့ကာကွယ်ရေးရဲဘော်များ အထိအခိုက်မရှိပြန်လည်ဆုတ်ခွာနိုင်ခဲ့ကြောင်း Black Eagle Defence Force – MMUက ထုတ်ပြန်ထားပြီး စစ်ကောင်စီဘက်မှ ထိခိုက်မှုကို မဇ္ဈိမအနေဖြင့်သီးခြားအတည်မပြုနိုင်သေးပေ။

စစ်ကောင်စီတပ်သည် ယမန်နေ့ ညနေက လက္ကပင်ရွာအနောက်ဘက်ရှိ ရွှေပေါက် ပင်ရွာနှင့်ကျီးကုန်းရွာကို မီးရှို့ခဲ့ကြောင်းသိရသည်။ဒေသခံပြည်သူ ၅,၀၀၀ ခန့်သည် ယနေ့ ဇူလိုင် ၂၈ရက်နေ့လယ်အထိ နေအိမ်စွန့်ခွာ တိမ်းရှောင်နေရကြောင်း ပြည်သူ့ကာကွယ်ရေးရဲဘော်များက ပြောသည်။

စစ်ကောင်စီစစ်ကြောင်းအချို့သည့် ယခုရက်ပိုင်းတွင် စစ်ကိုင်းတိုင်းအတွင်း မြင်းမူမြို့နယ်အပြင် ဘုတလင်၊ ခင်ဦး၊ ကောလင်း၊ ကန့်ဘလူမြို့နယ်တို့တွင်လည်း စစ်ရေးလှုပ်ရှားမှုရှိနေကြောင်း ပြည်သူ့ကာကွယ်ရေးတပ်ဖွဲ့များက သတိပေးထားသည်။

https://youtu.be/_3Y5I_oNB3I

စာတည်း - မောင်ကြီး
#mizzima
#မြင်းမူ
#စစ်ကောင်စီတပ်
#ပြည်သူ့ကာကွယ်ရေးမဟာမိတ်
#တိုက်ခိုက်

စစ်ကောင်စီတပ်အား တိုက်ခိုက်ခဲ့သည့် ရုပ်သံမှတ်တမ်း 
----------------------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာအလုပ်သမားဈေးကွက် အခက်အခဲမျိုးစုံနဲ့ စိန်ခေါ်မှုတွေရှိနေဆဲလို့ ILO ပြော

Watch more detail - https://youtu.be/kcMDE0HQ9N8

#PoliticalNews
#reels
#shorts
#MizzimaTV

တိုက်ပွဲများကြောင့် မြန်မာမှ အိန္ဒိယသို့ ဝင်ရောက်လာသူတိုင်းကို လက်ဗွေ မှတ်တမ်းကောက်ယူရန် စီစဉ်နေ

Watch more detail - https://youtu.be/4jN3uNKOHrs

#PoliticalNews
#reels
#shorts
#MizzimaTV

July - 28 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts

ဇူလိုင်လ ၂၈ ရက်နေ့၊ မွန်းလွှဲ ၂ နာရီ Mizzima News Hour မဇ္စျိမသတင်းအစီအစဥ်
==================

အခု တင်ဆက်ပေးသွားမယ့် သတင်းတွေကတော့

00:59-ငွေကြေးတန်ဖိုးကျဆင်းနေချိန်မှာပဲ ပြည်တွင်းစီးပွားရေး ‌၄ ရာခိုင်နှုန်း တိုးတက်လာဖို့ စစ်‌ခေါင်းဆောင် မျှော်မှန်းတဲ့သတင်း

03:34- YGF ဆက်သွယ်ရေးရုံးခန်း ဝင်စီးခံရ လက်နက်ခဲယမ်း သိန်း ၂,၀၀၀ ဖိုးခန့် ဆုံးရှုံးတဲ့သတင်း

05:32- နှစ်ခြမ်းကွဲနေတဲ့ကျွန်းဆွယ်ရဲ့ စစ်မှန်တဲ့ငြိမ်းချမ်းရေးအိပ်မက်ကို ကိုရီးယားစစ်ပြန်တွေမက်ခဲ့ကြတဲ့သတင်း

11:54- တိုက်ပွဲများကြောင့် မြန်မာမှ အိန္ဒိယသို့ ဝင်ရောက်လာသူတိုင်းကို လက်ဗွေ မှတ်တမ်းကောက်ယူရန် စီစဉ်နေတဲ့သတင်းတွေ အပါအဝင် အခြားစိတ်ဝင်စားဖွယ် သတင်းတွေကိုလည်း တင်ဆက်ပေးသွားမှာပါ။

https://youtu.be/GcQfBmeWO58

#2pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ငွေကြေးတန်ဖိုးကျဆင်းနေချိန်မှာပဲ ပြည်တွင်းစီးပွားရေး ‌၄ ရာခိုင်နှုန်း တိုးတက်လာဖို့ စစ်‌ခေါင်းဆောင် မျှော်မှန်း

Watch more detail - https://youtu.be/txrMsVRrl8c#PoliticalNews

#reels
#shorts
#MizzimaTV

July - 28 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

ကျောင်းသားများသမဂ္ဂ ရုံးခန်းကို စစ်ကောင်စီတပ်က ဝင်ရောက်စီးနင်း အဖွဲ့ ဥက္ကဋ္ဌ အပါအဝင် ၃ ဦးအသတ်ခံရ
=================

MTO
(မဇ္ဈိမ)။ ။ စစ်ကိုင်းတိုင်း ဘုတလင်မြို့နယ်ကျောင်းသားများသမဂ္ဂ ရုံးခန်းကို ယနေ့ ဇူလိုင်လ ၂၈ ရက်နေ့ မနက်အစောပိုင်းတွင် စစ်ကောင်စီတပ်က ဝင်ရောက်စီးနင်းပြီးနောက် အဖွဲ့၏ ဥက္ကဋ္ဌ၊ ဒုဥက္ကဋ္ဌ နှင့်အတွင်းရေးမှူးတို့ ကို သတ်ဖြတ်သွားကြောင် ဗကသများအဖွဲ့ချုပ် မှ ဗဟိုအမှုဆောင်တစ်ဦးက ပြောသည်။

၎င်းက “အသတ်ခံရသူတွေကတော့ ဘုတလင်ကျောင်းသားများသမဂ္ဂ ( ဗကသများအဖွဲ့ချုပ်) ရဲ့ ဥက္ကဋ္ဌ ၊ ဒုဥက္ကဋ္ဌ နဲ့ အတွင်းရေးမှူး သုံးဦးကျဆုံးပါတယ်၊ ပြည်သူတွေထဲက ထိခိုက်ကျဆုံးမှု ရှိတယ်လို့လည်း သတင်းကြားရပေမယ့် ဗကသ အနေနဲ့ အတည်မပြုနိုင်သေးပါဘူး” ဟုပြောသည်။

စစ်ကောင်စီတပ်ဖွဲ့သည် ဘုတလင်မြို့မှ နံနက်စောစောအချိန်တွင် ညောင်ကန်ရွာရှိ ဗကသ ရုံးကို နေရာအတိအကျဖြင့် ဝင်ရောက်စီးနင်းသွားခြင်းဖြစ်ပြီး သတင်းပေးမှုကြောင့် ဖြစ်နိုင်ကြောင်း ဗကသ အဖွဲ့ တာဝန်ရှိသူက ဆိုသည်။

“ မနက် ၄နာရီဝန်းကျင်လောက်မှာ ရုံးကို ဝိုင်းထားပြီးမှ သိရတာမျိုးဖြစ်သွားပြီး ရှောင်တိမ်းချိန်မရလိုက်ဘူး၊ ဒါကြောင့်ပဲ သူတို့ ကျဆုံးသွားရတာပါ” ဟု ၎င်းက ပြောသည်။

စစ်ကောင်စီတပ်၏ ယခုလုပ်ရပ်သည် ဗကသ ကို အဓိကထား တိုက်ခိုက်သွားသည့်လုပ်ရပ်ဖြစ်ပြီး တော်လှန်ရေးသမားများကို သတ်ဖြတ်ရုံဖြင့် တော်လှန်ရေးဟာ ရပ်တန့်သွားမှာမဟုတ်ဘူးဟု ဗကသများ အဖွဲ့ချုပ်၏ ဗဟိုအမှုဆောင် က ပြောသည်။

၎င်းက " ဖက်ဆစ်တပ်က သူတို့လုပ်နေကျ ဖက်ဆစ်လုပ်ရပ်မျိုးတွေကို လုပ်သွားတဲ့အပေါ်မှာတော့ ကျနော်တို့အနေနဲ့ များများစားစား ပြောစရာမရှိပါဘူး။ သေချာတာက တော်လှန်ရေးသမားကို သတ်ဖြတ်ရုံနဲ့ တော်လှန်ရေးက ရပ်တန့်မှာမဟုတ်ဘူး။ ကျနော်တို့ ဆက်ပြီးတိုက်ပွဲဝင်သွားမယ်။ ပြည်သူ့ဒီမိုကရေစီတော်လှန်ရေးကို ဆုံးခန်းတိုင်တဲ့အထိ ဗကသများအဖွဲ့ချုပ်အနေနဲ့ဆက်လက် တိုက်ပွဲဝင်သွားမှာပါ” ဟုပြောသည်။

စစ်ကောင်စီတပ်ဖွဲ့သည် ဘုတလင်မြို့ ဗကသရုံးကို ဝင်ရောက်စီးနင်းပြီးနောက် ရုံးခန်းနေရာ၊ စာသင်ကျောင်းနှင့် အနီးအနား ကျေးရွာများရှိ နေအိမ်များကိုလည်း မီးရှို့ ဖျက်ဆီးသွားကြောင်းသိရသည်။

စစ်တပ်က အာဏာသိမ်းပြီးနောက် ဗကသများ အဖွဲ့ချုပ်အဖွဲ့ ဝင် ၁၇ ဦးထိ စစ်ကောင်စီတပ်၏ သတ်ဖြတ်ခြင်းကို ခံခဲ့ရကြောင်း ဗကသများအဖွဲ့ချုပ်ထံမှ သိရသည်။

စာတည်း- သန့်ဇော်(သန်လျင်)

#mizzima
#ဘုတလင်မြို့နယ်
#ကျောင်းသားများသမဂ္ဂ
#စစ်ကောင်စီတပ်
----------------------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အင်းတော်မြို့နယ်တွင် စစ်ရှောင်ဒေသခံ ၂ ဦး မိုင်းထိသေဆုံး
=================

ကိုခင်မောင်
(မဇ္စျိမ)။ ။ စစ်ကိုင်းတိုင်း၊ အင်းတော်မြို့နယ် ၊ အင်ပင်ရွာ၌ ဇူလိုင်လ ၁၇ရက်နေ့တွင် စစ်ဘေးရှောင်နှစ်ဦး မိုင်းထိသေဆုံးသွားကြောင်း Indaw Revolution -IR အဖွဲ့က ယမန်နေ့ ဇူလိုင်လ ၂၇ရက်တွင် သတင်းထုတ်ပြန်သည်။

“စစ်ရှောင်ပြည်သူနှစ်ယောက်၊ သူတို့က အင်းတော်နားလေးမှာ အိမ်ငှားပြီးစစ်ရှောင်နေတာ။ သူတို့က နံ့သာဘက်ကို သုံးဘီးနှင့် ဝက်ပို့သွားရင်းနဲ့ သူတို့ရဲ့လယ်ကို သွားကြည့်တာ အဲဒီလယ်နားလေးမှာမိုင်းမိပြီးတော့ ပွဲချင်းပြီးသေသွားတာ။ အပိုင်းပိုင်းပြတ်သွားတာပါ” ဟု Indaw Revolution – IR အဖွဲ့မှ တာဝန်ရှိသူက ပြောသည်။

မိုင်းထိသေဆုံးသူနှစ်ဦးသည် အင်းတော်မြို့နယ် နန့်သာရွာသား အသက် ၃၀နှစ်အရွယ် ကိုပေါ်လွင်ဦး နှင့် အင်ပင်ရွာသား ကိုမျိုးမြင့် တို့ဖြစ်ကြပြီး မော်တိတ်ဒေသတွင် စစ်ကောင်စီတပ်ဖွဲ့က စစ်ကြောင်းထိုးနေ၍ အင်းတော်မြို့အနီးတွင် စစ်ဘေးတိမ်းရှောင်နေကြသူများ ဖြစ်သည်ဟု ဆိုသည်။

အဆိုပါမိုင်းသည် မည်သည့်အဖွဲ့မှ ထောင်ထားသောမိုင်းဖြစ်သည်ကိုမူ မသိရသေးကြောင်းလည်း ဆိုသည်။

စစ်ကောင်စီတပ်ဖွဲ့သည် ယခုနှစ် မတ်လ ၂၀ရက်မှ စ၍ ယနေ့အချိန်ထိ အင်းတော်မြို့နယ် ၊ မော်တိတ်ဒေသရှိ ကျေးရွာအချို့တွင် တပ်စွဲနေသည့်အတွက် အောင်းကုန်း၊ အင်ပင်၊ နန့်သာ၊ မော်တိတ်၊ ရွာသာယာ စသည့်ကျေးရွာများမှ ဒေသခံ ၅,၀၀၀ကျော်သည် ဘေးလွတ်ရာသို့ စစ်ဘေးတမ်းရှောင်နေရကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#စစ်ကိုင်းတိုင်း
#အင်းတော်မြို့နယ်
#စစ်ဘေးရှောင်
#မိုင်း
----------------------------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အလုပ်လိမ်လည်ခံရသည့် နိုင်ငံသားများကို အင်ဒိုနီးရှားသံရုံးက မြဝတီမှ ပြန်လည်ခေါ်ယူ
=========================

မြန်မာနိုင်ငံ ပဋိပက္ခ ကြုံကြိုက်နေသည့် မြဝတီတွင် အလုပ်လိမ်လည်ခံရသည်ဆိုသော အင်ဒိုနီးရှားနိုင်ငံသား ၂၆ ဦးကို ရန်ကုန်ရှိ အင်ဒိုနီးရှားသံရုံးက ဇူလိုင် ၂၅ ရက်တွင် ပြန်လည်ခေါ်ယူကြောင်း ဇူလိုင် ၂၈ ရက်၌ Antara သတင်းဌာနက သတင်းဖော်ပြသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U