ဘင်္ဂလားဒေ့ရှ်နိုင်ငံဘက်က ငါးအဝယ်ရပ်လိုက်တာကြောင့် ရခိုင်နယ်စပ်ကုန်သွယ်ရေး ထိခိုက်

#shorts #reels #business #mizzimatv #mizzimatv

Aug - 1 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts

ချင်းအမျိုးသားတပ်မတော် ပြောရေးဆိုခွင့်ရှိသူ ဆလိုင်း ထက်နီ နှင့် ဆက်သွယ်မေးမြန်းချက်
======================

“ စစ်ကောင်စီရဲ့ ရှေ့လုပ်ငန်းစဉ် ၅ ရပ်ထဲက ပထမအချက်ဖြစ်တဲ့ နယ်မြေတည်ငြိမ်ရေးနဲ့ တရားဥပဒေ စိုးမိုးရေးတောင် အကောင်အထည်မဖော်နိုင်ဘူး။ အဲဒါကြောင့် အရေးပေါ်ကာလကို ထပ်ပြီး သက်တမ်း တိုးတာ”

စစ်ကောင်စီ ၆ လ သက်တမ်းတိုးခဲ့သည့်အပေါ် ချင်းအမျိုးသားတပ်မတော် ပြောရေးဆိုခွင့်ရှိသူ ဆလိုင်း ထက်နီ နှင့် ဆက်သွယ်မေးမြန်းချက်

ပါခွီး (မဇ္စျိမ) ။ ။အမျိုးသားကာကွယ်ရေးနှင့် လုံခြုံရေးကောင်စီအစည်းအဝေး(ကာလုံ)ကို ဇူလိုင်လ ၃၁ ရက်နေ့တွင်ကျင်းပခဲ့ပြီး စစ်ကောင်စီ၏ အရေးပေါ်ကာလကို သက်တမ်းခြောက်လတိုးမြှင့်ကြောင်း ကြေညာခဲ့သည်။
စစ်ကောင်စီသက်တမ်းတိုးခဲ့ခြင်းပေါ် အမြင်နှင့် ရှေ့အလားအလာအကျိုးဆက်များနှင့်ပတ်သက်၍ ချင်း အမျိုးသားတပ်မတော် ပြောရေးဆိုခွင့်ရှိသူ ဆလိုင်းထက်နီကို မဇ္စျိမက ဆက်သွယ် မေးမြန်းထားသည်။

မေးမြန်း ။ ။ ပါခွီး
တည်းဖြတ် ။ ။ သန့်စင်
စာတည်း ။ ။ Alden

https://youtu.be/EuyeVf7AoqE

#စစ်ကောင်စီ
#ချင်းအမျိုးသားတပ်မတော်
#ဆလိုင်းထက်နီ
#အင်တာဗျူး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပြည်သူအချို့နဲ့ အချက်အလက် စစ်ဆေးသူတို့ကိုမေးမြန်းကာ တင်ဆက်ပေးထားပါတယ်
======================

စစ်ကောင်စီက ကျပ် ၂၀,၀၀၀ တန်ငွေစက္ကူတွေကို တရားဝင်ဖြန့်ချိလိုက်ပြီဖြစ်ပါတယ်။ ကျပ် ၂၀,၀၀၀ တန်တွေထုတ်ဝေမယ်လို့ ဗဟိုဘဏ်ကကြေညာပြီးနောက်နေ့တွေ ပြည်သူတွေအတွက်စိုးရိမ်စရာ ဝေဖန် မှုတွေမြင့်တက်ခဲ့ပါတယ်။ တဆက်တည်းမှာပဲ ယခင်ထုတ်ဝေထားတဲ့ငွေစက္ကူတွေကို ပြန်ရုတ်သိမ်းမယ် ဆိုတဲ့ ကောလာဟလတွေနဲ့ “နှစ်သောင်းတန်အတုဖြန့်ချိရောင်းဝယ်ရေး”ဆိုတဲ့ ဖေ့စ်ဘုတ်စာမျက်နှာတွေ လည်း များစွာထွက်ပေါ်ခဲ့တာကို တွေ့ရပါတယ်။ ဒါတွေနဲ့ပတ်သက်လို့ ပြည်သူအချို့နဲ့ အချက်အလက် စစ်ဆေးသူတို့ကိုမေးမြန်းကာ တင်ဆက်ပေးထားပါတယ်။ ကြည့်ရှုလိုက်ကြရအောင်ပါ။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

https://www.youtube.com/watch?v=MwLERYuvP74

#Misinformation_Buster
#Fake_News
#video
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အယ်လ်နီညိုကြောင့် လာမည့်နွေရာသီ ရေရှားပါးမှုများကြုံတွေနိုင်

#shorts #reels #business #mizzimatv #Mizzima

ဩဂုတ်လ (၁) ရက် ၊ ည ၇ နာရီ The Mizzima Primetime မဇ္စျိမပင်မသတင်းအစီအစဥ်
=======================

- ဒေါ်အောင်ဆန်းစုကြည်နဲ့ သမ္မတဦးဝင်းမြင့်တို့ရဲ့ အမှုတစ်ချို့ စစ်ကောင်စီ လွတ်ငြိမ်းခွင့်ပေးတဲ့သတင်း

− စစ်ကောင်စီရဲ့ ထွေပြားတဲ့ ကစားကွက်အောက်မှာ ဝေဝါးနေမှာ မဟုတ်ဘူးလို့ NUG ‌ပြောတဲ့သတင်း

− တိုင်းရင်းသားလက်နက်ကိုင် အဖွဲ့ဝင်တွေကို လွတ်ငြိမ်းခွင့်ပေးပြီး ဆက်စပ်သူတွေကို အမှုရုပ်သိမ်းတဲ့သတင်း

− ခြောက်လသက်တမ်းတိုး စစ်ခေါင်းဆောင်ကို “အာဏာရူး”လို့ NLD သမုတ်တဲ့သတင်း

− မြန်မာစစ်အုပ်စုထံ စစ်လက်နက်ပစ္စည်း ရောင်းချမှု ပိတ်ဆိုဖို့ စင်ကာပူ အစိုးရ ပြတ်သားသင့်ဆိုတဲ့သတင်းနဲ့

− တရုတ်နိုင်ငံမြောက်ပိုင်းမှာ မိုးသည်းထန်စွာ ရွာသွန်းခဲ့ပြီး လူ ၂ ဦးသေဆုံးခဲ့တဲ့ ပေကျင်းမှာ သတိပေးချက်ထုတ်ပြန်ထားတဲ့ သတင်းတွေအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးပါမယ်။

https://www.youtube.com/live/ZXhWcH9OLpc?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​နိုင်ငံခေါင်းဆောင် ၂ဦးကို ချက်ချင်းလွှတ်ရန်နှင့် စစ်ကောင်စီ၏ လွတ်ငြိမ်းကြေညာချက် လူထုအား ထင်ယောင်ထင်မှားဖြစ်စေဟု NUG ထုတ်ပြန်
======================

001
(မဇ္စျိမ) ။ ။နိုင်ငံတော်သမ္မတဦးဝင်းမြင့်နှင့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်တို့အပေါ် ချမှတ်ထားသည့် ပြစ်ဒဏ်အသီးသီးမှ ချွင်းချက်မရှိလွှတ်ပေးရန် အမျိုးသားညီညွတ်ရေးအစိုးရ(NUG)တရားရေးဝန်ကြီးဌာနက ယနေ့ ဩဂုတ်လ ၁ ရက် ညနေတွင် ထုတ်ပြန်သည်။

သမ္မတဦးဝင်းမြင့်နှင့်ဒေါ်အောင်ဆန်းစုကြည်သည် တဖက်သတ်လုပ်ကြံစွပ်စွဲဖမ်းဆီးခံရခြင်းဖြစ်ပြီး ချမှတ်ခံထားရသည့် ပြစ်ဒဏ်အားလုံး ဥပဒေနှင့် ညီညွတ်ခြင်းမရှိကြောင်းထုတ်ပြန်ထားပြီး ချက်ချင်းလွှတ်ပေးရန် တဆက်တည်း တောင်းဆိုလိုက်ခြင်းဖြစ်သည်။

ထို့အပြင် ယနေ့ ထုတ်ပြန်သည့် လွတ်ငြိမ်းသက်သာခွင့်ပြုလိုက်ကြောင်းကြေညာချက်သည် ပြည်သူလူထုအား ထင်ယောင်ထင်မှားဖြစ်စေပြီး စစ်ကောင်စီ၏ တရားမဲ့အကြမ်းဖက်လုပ်ရပ်များအပေါ် ပြည်သူလူထုတရပ်လုံးက အမျက်ဒေါသထွက်နေမှုနှင့် ၎င်းတို့၏ ရှုံးနိမ့်နေမှုကို ဖုံးကွယ်ရန် ကြိုးပမ်းမှုတစ်ခုသာဖြစ်ကြောင်း NUG တရားရေးဝန်ကြီးဌာန၏ ကြေညာချက်တွင်ဖော်ပြထားသည်။

ယနေ့ ကျရောက်သည့် ဒုတိယဝါဆိုလပြည့်နေ့ အထိမ်းအမှတ်အနေဖြင့် အကျဉ်းသား၊ အကျဉ်းသူ ၇၇၄၉ ဦးကို ပြစ်ဒဏ်လွတ်ငြိမ်းခွင့်ပြုပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ထောင်ဒဏ်ခြောက်နှစ် ၊ သမ္မတဦးဝင်းမြင့်ကို ထောင်ဒဏ် နှစ်နှစ် လျှော့ပေါ့ကြောင်း စစ်ကောင်စီက ကြေညာခဲ့သည်။

သို့သော်ဒေါ်အောင်ဆန်းစုကြည်သည် အမှုပေါင်း ၁၄ မှုအတွက် ထောင်ဒဏ် ၂၇ နှစ် ဆက်လက်ကျန်ရှိပြီး သမ္မတဦးဝင်းမြင့်သည် အမှုပေါင်း ခြောက်မှုအတွက် ထောင်ဒဏ် ၁၀ နှစ် ဆက်လက်ကျန်ရှိကာ ထိန်းသိမ်းခံထားရဆဲဖြစ်သည်။

နိုင်ငံခေါင်းဆောင်နှစ်ဦးအပါအဝင် မြန်မာနိုင်ငံတဝှမ်းလုံးရှိ မတရားဖမ်းဆီး၍ ပြစ်ဒဏ်ချမှတ်ခြင်းခံထားရသောနိုင်ငံသားအားလုံးသည် ခြွင်းချက်မရှိ ချက်ချင်းလွှတ်ပေးရမည့်သူများဖြစ်ကြောင်းလည်း NUG က တရားရေးဝန်ကြီးဌာနက ထုတ်ပြန်ထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ မောင်ကြီး

#သမ္မတ
#နိုင်ငံတော်အတိုင်ပင်ခံပုဂ္ဂိုလ်
#NUG
#စစ်ကောင်စီ

သမ္မတဦးဝင်းမြင့်နှင့်ဒေါ်အောင်ဆန်းစုကြည်(ပုံဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မန္တလေးထောင်မှ နိုင်ငံရေးအကျဉ်းသား ဦးဇင်းသုည ပြန်လည်လွတ်မြောက်လာ
========================

007
(မဇ္ဈိမ) ။ ။မန္တလေးအိုးဘိုထောင်မှ၊ ယနေ့ပြန်လည်လွတ်မြောက်လာသူများထဲတွင်၊ နာမည်ကျော်မြတောင်စစ်ကြောင်းမှ ဦးဆောင်ရဟန်းတစ်ပါး ဖြစ်သော၊ ဦးဇင်းသုည ပါဝင်လာကြောင်း၊ မြို့ခံနိုင်ငံရေးအကျဉ်းသားဟောင်းများထံက သိရသည်။

“ဦးဇင်းသုည ပြန်လွတ်လာတယ်၊ တကယ်က လွတ်ရက်စေ့နေပါပြီ၊ ရှစ်လပိုင်းမှာ ပြန်လွတ်ဖို့ရှိတယ်လို့ အစကတည်းက ကြားထားပြီးပါပြီ၊ လွတ်ငြိမ်းကြောင့်မဟုတ်လည်း ပြန်လွှတ်ရမယ့်သူပါ” ဟု မြို့ခံနိုင်ငံရေးအကျဉ်းသားဟောင်းတစ်ဦးက ပြောသည်။

ဦးဇင်းသုညသည်၊ စစ်ကောင်စီဆန့်ကျင်ရေးဆန္ဒပြလှုပ်ရှားမှုများအားကောင်းစဉ်က၊ မန္တလေးမြို့ကနာမည်ကြီး မြတောင်စစ်ကြောင်းတွင် နေ့စဉ် လိုက်ပါဆန္ဒပြရင်း ၂၀၂၁ ခုနှစ် မတ်လက ဖမ်းဆီးထောင်ချခံခဲ့ရခြင်း ဖြစ်သည်။

“ဦးဇင်းက ဆန္ဒပြပွဲတွေအားကောင်းတုန်းကလည်း နေ့စဉ်ဆန္ဒပြခဲ့တယ်၊ နောက်ပိုင်း ပြောက်ကျားစနစ်နဲ့ ဆန္ဒပြရတဲ့ရက်တွေမှာလည်း တစ်နေ့မပြတ်ပါဝင်ခဲ့တယ်၊ နောက်တော့ ပစ်ခတ်ဖမ်းဆီးတဲ့အထဲပါသွားတယ်၊ ၅၀၅-က နဲ့ထောင် နှစ်နှစ် ချခံရတယ်၊ ဒီနေ့ လူဝတ်နဲ့မြင်ရတော့ စိတ်ထဲမကောင်းဘူး၊ ကျန်းမာရေးအခြေအနေကတော့ အတွင်းဒဏ်တွေတော့ရှိမယ်ထင်တယ်၊ ပိန်ကျသွားတယ်ဗျ” ဟု ၎င်းနှင့်နီးစပ်သူတစ်ဦးက ပြောသည်။

မန္တလေးအိုးဘိုထောင်(ဗဟိုအကျဉ်းထောင်)နှင့်နီးစပ်သည့် အသိုက်အဝန်းမှသိရသည့်သတင်းအရ၊ မန္တလေးထောင်မှ အကျဉ်းသားအကျဉ်းသူစုစုပေါင်း ခုနစ်ရာကျော် ပြန်လည်လွတ်မြောက်လာမည်ဖြစ်ပြီး၊ နေ့လယ် ၁ နာရီမှစ၍၊ တစ်သုတ်ချင်းစီ ပြန်လွှတ်ပေးနေခြင်းဖြစ်ကြောင်း သိရသည်။

ယနေ့ကျရောက်သည့် ဓမ္မာစကြာအခါတော်နေ့ အထိမ်းအမှတ်အဖြစ်ဖြင့်ဟုဆိုကာ၊ စစ်ကောင်စီက အကျဉ်းထောင် အချုပ်ထောင်နှင့်စခန်း အသီးသီးတို့တွင် ပြစ်ဒဏ်ကျခံနေရသော အကျဉ်းသားအကျဉ်းသူ ၇,၇၄၉ တို့ကို ပြန်လွှတ်ပေးမည်ဖြစ်ကြောင်း ယနေ့နံနက်ပိုင်းတွင် ကြေညာခဲ့သည်။

ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ(၁)အရ၊ နောက်တစ်ကြိမ်ပြစ်မှုထပ်မံကျူးလွန်လျှင်၊ ယင်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ၊ ဆက်လက်ကျခံရမည့်စည်းကမ်းချက်ဖြင့် လွတ်ငြိမ်းသက်သာခွင့်ပြုခဲ့ခြင်းဖြစ်သည်။

စာတည်း - သန့်ဇော်(သန်လျင်)

#mizzima
#ဓမ္မာစကြာအခါတော်နေ့
#အကျဉ်းထောင်
#ပြောက်ကျားစနစ်
Photo - Khin Maung Htun
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကျိုက်ထိုတွင် မိုးသည်းထန်စွာရွာသွန်းမှုကြောင့် ရေကြီးရေလျှံမှုနှင့် မြေပြိုမှုများဖြစ်ပွား
=====================

YT
(မဇ္ဈိမ) ။ ။မွန်ပြည်နယ်၊ ကျိုက်ထိုမြို့နယ်တွင် မိုးသည်းထန်စွာ ရွာသွန်းမှုကြောင့် ရေကြီးရေလျှံမှုနှင့် မြေပြို မှုများဖြစ်ပွားခဲ့ကြောင်း ဒေသတွင်း သတင်းရင်မြစ်များထံမှ သိရသည်။

မိုးသည်းထန်စွာရွာသွန်းမှုကြောင့် ကျိုက်ထိုမြို့ပေါ်ရပ်ကွက်များဖြစ်သော ဇေယျာမွန်ရပ်ကွက်၊ တိုးချဲ့ ကွက်သစ်နှင့် အေးရိပ်ငြိမ်ရပ်ကွက်တို့တွင် ရေကြီးရေလျှံမှုများဖြစ်ပွားကာ ဒေသခံများ နီးစပ်ရာ ဘုန်းကြီး ကျောင်းနှင့် စာသင်ကျောင်းများသို့ ပြောင်းရွှေ့ထားရကြောင်း ဒေသခံတဦးကပြောသည်။

“မိုးများတော့ ကဒက်ချောင်းက ရေလျှံပြီး ရေကြီးလာတာပါ။ လောလောဆယ် ဇေယျာမွန်ကွက်သစ်က ဒေသခံတွေကို ဇေယျာမွန်စာသင်ကျောင်းမှာရွှေ့ထားပြီး လိုအပ်တဲ့ အစားအသောက်နဲ့ အကူအညီတွေ ဝိုင်းဝန်းပံ့ပိုးထားကြပါတယ်။ အေးရိပ်ငြိမ်ကတော့ အနိမ့်ပိုင်းရပ်ကွက်ဆိုတော့ နှစ်တိုင်းရေလျှံပါတယ်” ဟု ဆိုသည်။
ကျိုက်ထိုမြို့နယ်တွင် ဇူလိုင်လနောက်ဆုံးပတ်မှစတင်၍ လေပြင်းတိုက်ခတ်ကာ မိုးသည်းထန်စွာရွာသွန်း ခဲ့ခြင်းဖြစ်ပြီး ယနေ့ ဩဂုတ်လ ၁ ရက်နေ့အထိ မိုးရွာသွန်းနေဆဲဖြစ်သည်။

ရေကြီးရေလျှံမှုများအပြင် မိုးသည်းထန်စွာ ရွာသွန်းခြင်းနှင့် လေပြင်းတိုက်ခတ်ခြင်းတို့ကြောင့် ပြီးခဲ့သည့် ဇူလိုင်လ ၂၉ ရက်နှင့် ၃၀ ရက်တွင် ကျိုက်ထိုမြို့နယ်၊ ကျိုက်ထီးရိုးကားလမ်းအနီး၊ ရသေ့တောင်စခန်း‌နှင့် ကျီးကန်းပါးစပ်တို့၌မြေပြိုမှုဖြစ်ပွားခဲ့ပြီး တောင်တက်ကားလမ်းပိတ်ဆို့မှုဖြစ်ပေါ်ခဲ့ပြီး နေအိမ်အချို့နှင့် ဈေးဆိုင်အချို့ ပျက်စီးခဲ့ကာ စေတီနှစ်ဆူ ပျက်စီးခဲ့ကြောင်းလည်း သိရသည်။

မိုးဆက်တိုက်ရွာသွန်းပါက ကျိုက်ထီးရိုးဘုရားတည်ရှိရာ တောင်ကြောတလျှောက်ရှိ ရသေ့တောင်၊ ကြက် ဖတောင်၊ ပန်းထိမ်တောင်၊ စလူတောင်၊ ပျားစွဲတောင်၊ စွန်တောင်၊ မြစိမ်းတောင်၊ ပိတ်သလေးတောင် တို့တွင် မြေပြိုမှုများဖြစ်ပေါ်လေ့ရှိကြောင်း ဒေသခံတဦးက ပြောသည်။

“အရင်ကတည်းက ဖြစ်လေ့ဖြစ်ထရှိတယ်။ တပတ်လောက် မိုးကောင်းကောင်းရွာပြီး လေလည်းတိုက်တဲ့ အခုလိုရာသီဥတုအခြေအနေမျိုးဆိုရင် မြေကြီးထဲ ရေစိမ့်ဝင်တာများတယ်၊ မြေတွေပွလာပြီး ရေလည်း စီး လာတဲ့အတွက် တောင်ပြိုတာပါ" ဟု ကျိုက်ထိုဒေသခံက ပြောသည်။

မိုးသည်းထန်းစွာ ရွာသွန်းခြင်းနှင့် လေပြင်းတိုက်ခတ်ခြင်းများကြောင့် မြေပြိုမှုများဖြစ်ပေါ်လာနိုင်သဖြင့် ကျိုက်ထီးရိုးတောင်နှင့် အနီးတဝိုက်တွင် နေထိုင်သော ဒေသခံများအနေဖြင့် သတိ၊ ဝီရိယဖြင့် နေထိုင်ကြ ရန် ကျိုက်ထိုမြို့နယ်ကျန်းမာရေးဦးစီးဌာနက ဇူလိုင်လ ၂၉ ရက်က သတိပေးထုတ်ပြန်ထားသည်။

ဩဂုတ်လ ပထမပတ်အတွင်း ကမ်းရိုးတန်းနှင့် ကုန်းတွင်းဒေသအချို့တွင် မိုးဆက်လက်ပိုနေမည်ဖြစ်ပြီး ရန်ကုန်တိုင်း၊ ပဲခူးတိုင်း၊ တနင်္သာရီတိုင်း၊မွန်ပြည်နယ်၊ ကရင်ပြည်နယ်၊ ရှမ်းပြည်နယ်တောင်ပိုင်းနှင့် ရခိုင် ပြည်နယ်တို့၌ မိုးသည်းထန်နိုင်သည်ဟု အမျိုးသားညီညွတ်ရေးအစိုးရ၊ လူသားချင်းစာနာထောက်ထား ရေးနှင့် ဘေးအန္တရာယ်ဆိုင်ရာစီမံခန့်ခွဲရေး၀န်ကြီးဌာန (MOHADM)က ဇူလိုင်လ ၃၀ ရက်ကသတိပေး ချက်ထုတ်ပြန်ထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#မွန်ပြည်နယ်
#ကျိုက်ထိုမြို့နယ်
#မြေပြိုမှု
#မိုးလေဝသ

ဓါတ်ပုံ- ( ပိုသူလှူ လိုသူကူ ကျိုက်ထို) မိုးသည်းထန်စွာ ရွာသွန်းမှုကြောင့် ရေလျှံနေသော ဇေယျာမွန်ရပ်ကွက်၊ တိုးချဲ​့ကွက်သစ်နှင့် အေးရိပ်ငြိမ်ရပ်ကွက်

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U