Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
တနင်္သာရီမြို့တွင် ၈၈၈၈ အရေးတော်ပုံ အထိမ်းအမှတ် အခမ်းအနားပြုလုပ်
====================

ကိုရွှေမြိတ်
(မဇ္ဈိမ)။ ။တနင်္သာရီတိုင်း၊ မြိတ်ခရိုင်၊ တနင်္သာရီမြို့နယ်ရှိ ကျေးရွာတရွာ၌ ယနေ့ ဩဂုတ်လ ၈ ရက်တွင် ကျရောက်သော ၈၈၈၈ အရေးတော်ပုံ အထိမ်းအမှတ် အခမ်းအနားပြုလုပ်ခဲ့ကြောင်း သိရသည်။

အဆိုပါ ၈၈၈၈ အရေးတော်ပုံ အထိမ်းအမှတ်အခမ်းအနားကို ပြည်သူ့ကာကွယ်ရေးတပ်ဖွဲ့နှင့် ဒေသခံများ ပူးပေါင်းပြုလုပ်ကြခြင်း ဖြစ်သည်။

#တနင်္သာရီတိုင်း
#မြိတ်ခရိုင်
#အရေးတော်ပုံ

ပုံအညွှန်- ၈၈၈၈ အထိမ်းအမှတ် ပြုလုပ်သူများ(ဓာတ်ပုံ-ကာကွယ်ရေးတပ်ဖွဲ့)

Website Link - http://www.mizzimaburmese.com/article/131815

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤13👍3🔥1😁1
​​ဒေါ်အောင်ဆန်းစုကြည်၏ အထူးအယူခံအမှုများကြားနာမည့် ရုံးချိန်းကို တရားလွှတ်တော်ချုပ် ရွှေ့ဆိုင်း
=================

001
(မဇ္စျိမ)။ ။နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အထူးအယူခံအမှုခြောက်မှုအား ယနေ့ ဩဂုတ်လ ၈ ရက်နေ့တွင်ကြားနာရန် မူလကစီစဉ်ထားသော်လည်းမကြားနာဖြစ်တော့ပဲ ရွှေ့ဆိုင်းလိုက် ကြောင်း တရားရုံးနှင့်နီးစပ်သည့် အသိုင်းအဝိုင်းမှ သိရသည်။

အဆိုပါအမှုများမှာ ဒေါ်ခင်ကြည်ဖောင်ဒေးရှင်းကိစ္စနှင့်ပတ်သက်ပြီး အဂတိဖြင့်စွပ်စွဲထားသည့် အမှုလေး မှုနှင့် စီးပွားရေးလုပ်ငန်းရှင်ဦးမောင်ဝိတ်ထံမှ တံစိုးလက်ဆောင်ရယူသည်ဟုဆိုကာ အဂတိဖြင့်စွပ်စွဲထား သည့် အမှုနှစ်မှုတို့ဖြစ်ကြောင်း တရားရုံးနှင့် နီးစပ်သူတစ်ဦးက မဇ္ဈိမကို ပြောသည်။

ဩဂုတ်လ ၈ ရက်နေ့တွင် ကြားနာရန်ချိန်းဆိုထားသည့် ရာဇဝတ်ဆိုင်ရာအမှုများနှင့် တရားမဆိုင်ရာ အမှု များကိုရွှေ့ဆိုင်းလိုက်ပြီး ပြန်လည်ကြားနာမည့်ရုံးချိန်းများကို ထုတ်ပြန်အသိပေးသွားမည်ဟု စစ်ကောင်စီ လက်အောက်ခံ တရားလွှတ်တော်ချုပ်က ထုတ်ပြန်ထားသည်။

ဒေါ်အောင်ဆန်းစုကြည်၏ အမှုခြောက်မှုအား အထူးအယူခံ ဝင်ခွင့်ပြုရန် သင့်၊ မသင့်အပေါ် လျှောက်လဲ ချက်ပေးရန် ချိန်းဆိုထားခြင်းဖြစ်သော်လည်း အမှုများရွှေ့ဆိုင်းလိုက်သည့်အပေါ် တရားလွှတ်တော်ချုပ် က အကြောင်းပြချက်ပေးထားခြင်း မရှိပေ။
ကြားနာရန် ရွှေ့ဆိုင်းခံလိုက်ရသည့် အမှုအချို့တွင် NLD အစိုးရလက်ထက် နေပြည်တော် မြို့တော်ဝန် ဒေါက်တာမျိုးအောင်နှင့် ဒုတိယမြို့တော်ဝန် ဦးရဲမင်းဦးတို့လည်း ပူးတွဲပါဝင်နေသည်။
စစ်ကောင်စီဘက်က စွပ်စွဲချက်များနှင့် ပတ်သက်ပြီး ကျူးလွန်ခြင်းမရှိသည့် အတွက် “အပြစ်မရှိ”ကြောင်း စွပ်စွဲခံရသူများက ယခင်အမှုစစ်ဆေးစဉ်က တရားခွင်အတွင်း ထွက်ဆိုခဲ့ကြကြောင်း သိရသည်။

လက်ရှိတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် အမှုပေါင်း ၁၉ မှုဖြင့် ထောင် ဒဏ်နှစ် ၃၀ကျော် ချမှတ်ခံခဲ့ရကာ ပြီးခဲ့သည့် ဩဂုတ်လ ၁ ရက်နေ့တွင် စစ်ကောင်စီက ပြစ်ဒဏ်စေ့ခါနီး အမှုငါးမှုအတွက် ထောင်ဒဏ်အချို့ကို လျော့ပေါ့ပေးခဲ့သည့်အတွက် လက်ရှိတွင် ထောင်ဒဏ် ၂၇ နှစ် ကျန်ရှိနေသည်။

ဒေါ်အောင်ဆန်းစုကြည်အနေဖြင့် ၎င်းအား အမိန့်ချမှတ်ခဲ့သည့်အမှုများအားလုံးကို ပြည်ထောင်စု တရား လွှတ်တော်ချုပ်အထိအယူခံတက်ပြီး အဆိုပါ အယူခံပယ်ချခံရပါက အထူးအယူခံ စသည်ဖြင့် အဆင့်ဆင့် ဆက်တက်နေခြင်းဖြစ်ကြောင်း သိရသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ဒေါ်အောင်ဆန်းစုကြည်
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤5🤬4😁2👍1🤮1
ကသိုဏ်းတောင်တိုက်ပွဲတွင် စစ်ကောင်စီတပ်သားအားလုံးနီးပါးသေဆုံး တပ်စိတ်မှူးနဲ့ မိသားစုကို ဖမ်းဆီးရမိ
👍4👏4😁1🥴1
ကသိုဏ်းတောင်တိုက်ပွဲတွင် စစ်ကောင်စီတပ်သားအားလုံးနီးပါးသေဆုံး တပ်စိတ်မှူးနဲ့ မိသားစုကို ဖမ်းဆီးရမိ
=================

ကချင်လေး
(မဇ္ဈိမ)။ ။ ကချင်လွတ်လပ်ရေးတပ်မတော်(KIA)နှင့် PDF ပူးပေါင်းတပ်ဖွဲ့တို့ သွားရောက်တိုက်ခိုက် သိမ်းပိုက်ထားသည့် ဖားကန့် ကသိုဏ်းတောင်စစ်တပ်စခန်းတိုက်ပွဲတွင် စစ်ကောင်စီတပ်ဘက်က တပ်ရင်း တစ်ရင်းလုံးနီးပါး သေဆုံးခဲ့ပြီး တပ်စိတ်မှူးအပါအဝင် သူ၏မိသားစုဝင်များကို ဖမ်းဆီးမိ၍ လက်နက်ခဲယမ်းများစွာကိုလည်း သိမ်းဆည်းနိုင်ခဲ့ကြောင်း ကေအိုင်အေဗဟိုထံမှ စုံစမ်းသိရှိရသည်။

ဖားကန့်မြို့နယ် နမ့်‌မော်ကျေးရွာအနားမှာ အထိုင်ချတပ်စွဲထားသည့် စစ်ကောင်စီစစ်တပ်ကုန်းနဲ့ ကသိုဏ်းတောင် စစ်တပ်စခန်းနှစ်ခုကို ကေအိုင်အေဦးဆောင်သည့် KPDF ပူးပေါင်းတပ်ဖွဲ့တို့က ယမန်နေ့ ဩဂုတ်လ ၇ ရက် မနက် ၅ နာရီခန့်တွင် သွားရောက်တိုက်ခိုက်ခဲ့ခြင်း ဖြစ်သည်။

ထိုသို့တိုက်ခိုက်ခဲ့ရာတွင် သိမ်းပိုက်ရရှိသည့် ကသိုဏ်းတောင်တပ်စခန်း၌ အထိုင်ချထားသော စစ်တပ်တပ်ရင်းတစ်ရင်းလုံးနီးပါး (ကနဦးမြေပြင် အချက်အလက်အရ အယောက် ၈၀ ဦးခန့်သေ) သေဆုံးခဲ့ရပြီး လက်နက်ခဲယမ်းများစွာကို သိမ်းဆည်းရမိကြောင်း KIA ရှေ့တန်းသတင်းရင်းမြစ်တွေက ယခုလိုဆိုသည်။

“ကသိုဏ်းတောင်ကိုတော့ သိမ်းလိုက်တယ်။ နမ့်မော်တပ်စခန်းကတော့ ကသိုဏ်းတောင်ဘက်ကို စစ်ကူလာမှာစိုးလို့ တားထားတဲ့သဘောပါပဲ။ အဓိကတော့ ကသိုဏ်းတောင်ကိုတိုက်ပြီး သိမ်းပိုက်ဖို့ပါပဲ။ ကသိုဏ်းတောင်ကို ၈ နာရီလောက်မှာ သိမ်းလိုက်နိုင်ပြီး စခန်းကိုလည်း အားလုံးမီးရှိုဖျက်ဆီးလိုက်ထားပြီ ”ဟု ပြောသည်။
နမ့်မှော်ကျေးရွာအနားက တပ်စခန်းသည် ဆိုင်းတောင်ရွာအထွက်မှာရှိပြီး၊ ကသိုဏ်းတောင်တပ်စခန်းနဲ့ တစ်မိုင်သာသာဝေးသည့် တပ်စခန်းတစ်ခုလည်း ဖြစ်သည်။

မနက် ၆ နာရီလောက်တွင် ဆယ်ဇင်းကြိုးတံတားအနီးမှာ အထိုင်ချထားသည့် SNA တပ်စခန်းတစ်ခုကို KIA တပ်မဟာ( ၉ )လက်အောက်ခံတပ်ရင်းတပ်ဖွဲ့များက တိုက်ခိုက်သိမ်းပိုက်ခဲ့သေးသည်။

အဖမ်းခံထားရသည့် ကသိုဏ်းတောင်တပ်စိတ်မှူးနဲ့ မိသားစုကို ကေအိုင်အေက ထိန်းသိမ်းထားသလို၊ ထိခိုက်ဒဏ်ရာရရှိထားသည့် တပ်စိပ်မှူးကိုလည်း ဆေးကုသမှုပေးထားကာ မကြာမီ မိသားစုဝင်များကို ပြန်လွှတ်ပေးနိုင်ဖို့ ပြင်ဆင်ထားသည်ဟုလည်း ကနဦးစုံစမ်းသိရှိရသည်။

ဖားကန့်မြို့နယ် ကသိုဏ်းတောင် စစ်တပ်စခန်းကုန်းနှင့် ဆယ်ဇင်းကျေးရွာရှိ စစ်တပ်စခန်းကို KIA ဘက်က တစ်ရက်တည်း တိုက်ခိုက်သိမ်းပိုက်လိုက်သည့်အတွက် စစ်တပ်ဘက်က လေကြောင်းနဲ့ထပ်ပြီး တိုက်ခိုက်လာနိုင်ကြောင်း ပြည်သူတွေအနေနဲ့ သတိထားနေဖို့ကိုလည်း KIO ဗဟို သတင်းနှင့်ပြန်ကြားရေးတာဝန်ခံ ဗိုလ်မှူးကြီး နော်ဘူက ဒေသအခြေစိုက် ကချင်သတင်းမီဒီယာများကို ယခုလိုဆိုထားသည်။

“သူတို့ဘက်က စခန်းတွေလက်လွှတ်လိုက်ရတော့ ပြန်ကလဲ့စားချေလာနိုင်တယ်၊ လေကြောင်းတွေ ထပ်သုံးလာနိုင်တယ်၊ ဒါကြောင့် ပြည်သူတွေသထိထားနေကြဖို့ကိုလည်း ပြောချင်တယ်”ဟု ပြောသည်။

ယမန်နေ့မနက်က ရုတ်ချည်းဖြစ်ပွားခဲ့တဲ့ တိုက်ပွဲတွင် စစ်ကောင်စီတပ်ဖွဲ့ဝင်များ ကျဆုံးမှုများတဲ့အတွက် တိုက်ပွဲများဆက်လက်ဖြစ်ပွားလာနိုင်တာကြောင့် နမ့်မော်အနီးပတ်ဝန်းကျင်မှာနေထိုင်ကြသည့် အရပ်သားပြည်သူ ၄၀၀ ကျော် ဘေးလွတ်ရာကို ထွက်ပြေးတိမ်း ရှောင်လာနေရေကြာင်း မှော်ရှန်ကျေးရွာဒေသခံတွေက အခိုင်အမာပြောသည်။

နှစ်ဖက်စစ်ရေး ဆက်လက်တင်းမာလာနေဆဲ ဖြစ်နေသောကြောင့် နမ့်မှော်ပြည်သူတွေက မဖြစ်မနေ စစ်ဘေးလွတ်ရာသို့ ရွေ့ပြောင်းလာခဲ့ရခြင်းဖြစ် ကြောင်း မှော်ရှန်ဒေသခံသတင်းရင်းမြစ်က ပြောသည်။
“စိမ်မြသုခကျောင်းမှာ ၂၀ လောက် ရောက်ပြီး၊ မှော်ရှန်ကျောင်းမှာတော့ ၄၀၀ နီးပါး ရောက်ခဲ့ကြတယ်”ဟု ဆိုသည်။

၂၀၂၂ ခုနှစ် နိုဝင်ဘာလမှာဖြစ်ပွားခဲ့သည့် ဆယ်ဇင်းတိုက်ပွဲမှာလည်း စစ်ကောင်စီတပ်ဖွဲ့ဝင်များ အကျအဆုံးများပြီးနောက် ရွာလုံးကျွတ် ဒေသခံများ၏ လူနေအိမ်များကို စစ်တပ်နှင့် SNA တို့က မီးရှို့ဖျက်ဆီးခဲ့ရာ အရပ်သားပြည်သူထောင်ချီ စစ်ဘေးရှောင်ခဲ့ကြရသည်။

စာတည်း - သန့်ဇော်(သန်လျင်)

#mizzima
#စစ်ဘေးရှောင်
#KIA
#PDF
#SNA

Photo - ထိခိုက်ဒဏ်ရာရရှိထားတဲ့ စကစတပ်စိပ်မှုးကိုဆေးကုသပေးနေတဲ့ပုံနဲ့ သူရဲ့မိသားစုကို ကေအိုင်ကဖမ်းဆီးရမိပုံ ( စစ်ရှောင်လာတဲ့ နမ့်မှော်ရွာသားများပုံ )

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14❤2👏2😁2
This media is not supported in your browser
VIEW IN TELEGRAM
ထိုင်းရွေးကောက်ပွဲမှာ ဒုတိယမဲအများဆုံးရခဲ့တဲ့ဖြူထိုင်းပါတီက အစိုးရရဲ့ညွန့်ပေါင်းပါတီတစ်ခုနဲ့ မဟာမိတ်ဖွဲ့လိုက်ကြောင်းကြေညာ

#InternationalNews #reels #shorts
👍7🤬2😁1
ဘီးလင်းတွင် မိုးရွာသွန်းနေဆဲဖြစ်ပြီး ယာယီအရေးပေါ်ကယ်ဆယ်ရေးစခန်း ၂၈ ခုအထိ တိုးလာ
🔥3👏2
ဘီးလင်းတွင် မိုးရွာသွန်းနေဆဲဖြစ်ပြီး ယာယီအရေးပေါ်ကယ်ဆယ်ရေးစခန်း ၂၈ ခုအထိ တိုးလာ
====================

YT
(မဇ္ဈိမ)။ ။ မွန်ပြည်နယ်၊ ဘီးလင်းမြို့နယ်တွင် မိုးဆက်လက်ရွာသွန်းမှု၊ တောင်ကျရေစီးဆင်းမှု၊ ဘီးလင်းမြစ်ရေ စိုးရိမ်ရေမှတ်အထက် ဆက်တိုက် မြင့်တက်နေမှုကြောင့် ဘီးလင်းမြို့နယ်တွင် ရေဘေးသင့်ပြည်သူများအတွက် ယာယီကူညီကယ်ဆယ်ရေးစခန်း ၂၈ ခုအထိ တိုးမြှင့်ဖွင့်လှစ်ထားရကြောင်း ဘီးလင်းမြို့နယ် လူမှုကူညီရေးအသင်းတာဝန်ရှိသူတစ်ဦးထံက သိရသည်။

" ရပ်ကွက်တွေ၊ ရွာတွေရေကြီးမှုလည်း အရင်ရက်တွေကလိုပါပဲ၊ ယာယီကယ်ဆယ်ရေးစခန်းတွေကနေ ဒေသခံတွေ နေအိမ်ပြန်နေလို့ မရသေးတဲ့အပြင် ထပ်တောင်တိုးလာတယ်။ လူမှုကယ်ဆယ်ရေးစခန်းက ၂၈ ခုရှိသွားပြီ၊ ရေဘေးသင့်ပြည်သူက အကုန်လုံး ၅,၈၄၀ ရှိတယ်။ ကုန်းအမြင့်ရှိတဲ့ ဘုန်းတော်ကြီးကျောင်း၊ စာသင်ကျောင်း၊ သာသနာ့ဗိမာန်မှာတော့ ဗဟိုကယ်ဆယ်ရေးစခန်းဖွင့်ထားတယ်" ဟု ဘီးလင်းမြို့နယ် လူမှုကူညီရေးအသင်းတစ်ခု​၏ တာဝန်ရှိသူက မဇ္ဈိမကိုပြောသည်။

ပြီးခဲ့သည့် ဩဂုတ်လ ၆ ရက်နေ့ မေးမြန်းချက်အရ ဘီးလင်းမြို့နယ်တွင် ရေဘေးသင့်ဒေသများအတွက် ယာယီကူညီကယ်ဆယ်ရေးစခန်း ကိုးခုရှိပြီး ရေဘေးသင့်ပြည်သူ ၃,၄၀၀ ကျော်သာ ရှိသေးသော်လည်း ယနေ့ ဩဂုတ်လ ၈ ရက်နေ့တွင် ယာယီကူညီကယ်ဆယ်ရေးစခန်း ၂၈ ခုအထိ တိုးမြှင့် ဖွင့်လှစ်ထားရကြောင်း၊ ရေဘေးသင့်ပြည်သူ ၅,၈၄၀ ဦးရှိပြီး ထပ်တိုးရန်ရှိကြောင်း သိရသည်။

လက်ရှိတွင် အဆိုပါ ရေဘေးသင့်ပြည်သူများအနက် သက်ကြီးရွယ်အိုများနှင့် ကလေးငယ်များတွင် ဖျားနာမှုများ ဖြစ်ပေါ်နေပြီး ဆေးဝါး၊ စားနပ်ရိက္ခာလိုအပ်မှုများလည်း မြင့်တက်နေကြောင်း သိရသည်။

ဘီးလင်းမြို့နယ်တွင် ပြီးခဲ့သည့် ဇူလိုင်လ နောက်ဆုံးအပတ်မှစတင်၍ မိုးဆက်တိုက်ရွာသွန်းမှု၊ တောင်ကျရေစီးဆင်းမှု၊ ဘီးလင်းမြစ်ရေ စိုးရိမ်ရေမှတ်အထက် မြင့်တက်မှုတို့ကြောင့် ဘီးလင်းမြို့နယ်ရှိ အနိမ့်ပိုင်း မြို့ပေါ်ရပ်ကွက်များ၊ ဘီးလင်းမြစ်ကမ်းနားရှိ ကျေးရွာများတွင် ရေကြီးရေလျှံမှုများ ဆက်တိုက်ဖြစ်ပေါ်နေခြင်းဖြစ်သည်။

" ဝက်သိုးဝနဲ့ ခေါ်ထီးခီး၊ ပယ်ဝတ္ထတို့ကို သွားတဲ့လမ်းဆိုရင် လမ်းမှာ ရေတင်တာ များလားမများလား လှေတွေ ဖောင်တွေနဲ့ပါ ကူးနေရတယ်" ဟု ဘီးလင်းမြို့နယ်၊ ဘကျဲကျေးရွာနေ ဒေသခံတစ်ဦးက မဇ္ဈိမကိုပြောသည်။

ယမန်နေ့ ဩဂုတ်လ ၇ ရက်နေ့က ရေမရှိသလောက် နည်းပါးသွားသည့် ရန်ကုန်- မော်လမြိုင် အဝေးပြေးလမ်းမကြီးပေါ်တွင်လည်း ယနေ့ ဩဂုတ်လ ၈ ရက်နေ့၊ နံနက်ပိုင်းမှစ၍ မိုးရွာသွန်းကာ တောင်ကျရေစီးဆင်းမှု၊ မြစ်ရေ ထပ်မံတိုးလာမှုကြောင့် ရေဖုံးလွှမ်းမှုထပ်မံဖြစ်ပွားနေပြီး လက်ရှိတွင် ကားလမ်းမပေါ်၌ ရေအနက် ၁၈၅ စင်တီမီတာအထိရှိကြောင်း သိရသည်။

" လက်ရှိက ရန်ကုန်- မော်လမြိုင်အဝေးပြေးကားလမ်းမှာ မနက် ၄ နာရီကနေ ရေ စ တိုးလာတာ အခုထိ တိုးတုန်းပဲ။ ရေက လမ်းမကြီးပေါ်မှာ ၁၈၅ စင်တီမီတာရှိတယ်။ ဆိုင်ကယ်တွေတော့ သွားလာလို့အဆင်မပြေတော့ဘူး။ ကားလေးတွေလည်း အကြိတ်အနယ်ပဲ” ဟု ဘီးလင်းမြို့နယ် လူမှုကူညီရေးအသင်းတစ်ခု​၏ တာဝန်ရှိသူက မဇ္ဈိမကိုပြောသည်။

ပြီးခဲ့သည့် ဩဂုတ်လ ၅ ရက်နေ့က ရန်ကုန်- မော်လမြိုင်ကားလမ်းမကြီးပေါ်တွင် ရေလွှမ်းမိုးမှုဖြစ်ပွားပြီး ရေစီးသန်၍ ကုန်ကားတစ်စီးနှင့် ဟိုင်းလပ်ကားတစ်စီး၊ အခြားကားတစ်စီး စုစုပေါင်း ကားသုံးစီး တိမ်းမှောက်ခဲ့ကြောင်း သိရသည်။

မိုးလေဝသနှင့် ဇလဗေဒညွှန်ကြားမှု ဦးစီးဌာန​၏ ယနေ့ ဩဂုတ်လ ၈ ရက်နေ့၊ နေ့လယ် ၂နာရီထုတ်ပြန်ချက်အရ ဘီးလင်းမြစ်ရေသည် ၎င်း​၏ စိုးရိမ်ရေမှတ်အထက် နှစ်ပေခန့်မြင့်တက်နေပြီး လာမည့်ဩဂုတ်လ ၁၀ ရက်နေ့အထိ အဆိုပါရေအမှတ်တွင် ဆက်လက်တည်ရှိနေနိုင်ကြောင်းနှင့် ဘီးလင်းမြို့နယ် အနိမ့်ပိုင်းဒေသများနှင့် မြစ်ကမ်းအနီး နေထိုင်သူများအနေဖြင့် သတိပြုနေထိုင်သင့်ကြောင်း သိရသည်။

စာတည်း - သန့်ဇော်(သန်လျင်)

#mizzima
#ဘီးလင်းမြစ်ရေ
#ကူညီကယ်ဆယ်ရေးစခန်း
#စိုးရိမ်ရေမှတ်

ဓါတ်ပုံ- လူမှုကွန်ယက် ပုံအညွှန်း- ဘီးလင်းမြို့နယ်အတွင်း ရေကြီးရေလျှံမှုအခြေအနေ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍3🔥2👏2
​​Cocktail
========

ဘဝကိုပေါ့ပျက်ပျက်နဲ့ အပျော်အပါးလိုက်စားပြီးဖြတ်သန်းနေတဲ့ ဆော့ဝဲအင်ဂျင်နီယာ ဖြစ်တဲ့" ဂေါ်တမ်ကပူး"...

တနေ့ အလုပ်ကိစ္စနဲ့ အင်္ဂလန်ကို ရောက်သွားတဲ့အခါ သူ့ရဲ့ အကျင့်အတိုင်းပဲ အပျော်အပါးလိုက်စားပြီး မိန်းမ ကိစ္စ ပွေရူပ်ပါတယ်…

မိန်းမကိစ္စလိုက်စားတဲ့ " ဂေါ်တမ်ကပူး" တစ်ယောက် တစ်ရက်မှာ သူ့ဦးလေးကို လေဆိပ် ကိုလိုက်ပို့ရင်း သူမရဲ့ အမျိုးသားရှိရာ လန်ဒန်ကို လိုက်လာတဲ့" မီရာ"ဆိုတဲ့ ကောင်မလေးကို တွေ့ဆုံသွားပြီး သူ့ရဲ့ ဗီဇ အတိုင်း လိုက်ဖို့ ကြံစည်ပါတော့တယ် …

"မီရာ"က ဒါကို လက်မခံဘဲ သူမမှာ အိမ်ထောင်ရှိတယ်ဆိုပြီး ငြင်းဆိုလိုက်ပါတယ် …

အဲ့ဒီတော့ " ဂေါ်တမ်ကပူး" တစ်ယောက် သူနဲ့ အကျင့်စရိုက်တူတဲ့ " ဗရိုနီကာ"ဆိုတဲ့ ခပ်ပွေပွေကောင်မလေးဘက် မြှားဦးလှည့်သွားပါတော့တယ်…

" ဂေါ်တမ်ကပူး" နဲ့ " ဗရိုနီကာ"တို့ ရည်စားဖြစ်ခါနီးအခြေအနေမှာရူပ်ပွေလှတဲ့ " ဂေါ်တမ်ကပူး" ကို သူ့ရဲ့ မိဘတွေက ခြေငြိမ်စေချင်တဲ့ အတွက် အိမ်ထောင်ပြုဖို့ ဖိအားပေးလာခဲ့ပါတယ်…

အဲ့အချိန်မှာ ကံတရားရဲ့ ကျီစယ်မူ အရ သူ့မိဘတွေဟာ " မီရာ"ကို သူတို့သားရဲ့ ရည်စားလို့ ထင်သွားပြီး အမြန်လက်ထပ်ဖို့ လောတော့ပါတယ် …

" ဂေါ်တမ်ကပူး" တစ်ယောက် သူ့မိဘတွေရဲ့ ဖိအားပေးမူအပေါ်မှာ ဘယ်လိုဖြေရှင်းသွားမလဲ ?

သူတို့ ၃ ယောက်ရဲ့ အလွဲလွဲအချောချောနဲ့ အချစ်ဇာတ်လမ်းကရော ဘယ်လိုတွေဆက်ဖြစ်မှာလဲ? ဆိုတာကိုတော့ Mizzima + မှာ စောင့်မျှော်ကြည့်ရူနိုင်ပါပြီ …

Mizzima + တွင် ပြသနေသည့် ည (၈) နာရီအချိန်မှာပဲ Mizzima App တွင်လည်း live stream ကြည့်ရှုနိုင်ပါသည်။

#New ပြသမည့်ရက် ။ ။ 8.8.2023
ပြသမည့်အချိန်။ ။ ည (၈:၀၀) နာရီ
#Replay ပြန်လည်ပြသမည့်အချိန် ။ ။ 9.8.2023
ပြသမည့်အချိန်။ ။နေ့လည် (၂:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + HD တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U #bollywoodmovie
👍5🔥1
မြန်မာပြည်သူနှင့်အတူ ရပ်တည်ကြောင်း U.S နှင့် U.K သံရုံးများမှ “၈၈၈၈” အထိမ်းအမှတ်နေ့တွင်ထုတ်ပြန်
👍18😁1🤮1
မြန်မာပြည်သူနှင့်အတူ ရပ်တည်ကြောင်း U.S နှင့် U.K သံရုံးများမှ “၈၈၈၈” အထိမ်းအမှတ်နေ့တွင်ထုတ်ပြန်
=================

ဂျူချန်း
(မဇ္ဈိမ)။ ။ ယနေ့ ဩဂုတ်လ ၈ ရက်တွင် ကျရောက်သည့် ၃၅ နှစ်မြောက် “၈၈၈၈” လူထုအရေးတော်ပုံ အထိမ်းအမှတ်‌နေ့တွင် မြန်မာပြည်သူများနှင့်အတူ ဆက်လက်ရပ်တည်သွားမည်ဟု အမေရိကန်သံရုံးနှင့် ဗြိတိသျှသံရုံးတို့က ထုတ်ပြန်သည်။

ဒီမိုကရေစီရရှိရေးအတွက် ဆယ်စုနှစ်ချီကာ ကြိုးပမ်းနေသည့် မြန်မာပြည်သူလူထု၏ စိတ်ဓာတ်နှင့် ရဲရင့်မှုများကို လေးစားဂုဏ်ယူကြောင်းနှင့် ဒီမိုကရေစီရရှိရေးအတွက် တိုက်ပွဲဝင်နေသည့် မြန်မာပြည်သူနှင့်အတူ ဆက်လက်ရပ်တည်သွားမည်ဖြစ်ကြောင်း အမေရိကန်သံရုံးနှင့် ဗြိတိသျှသံရုံးတို့၏ ထုတ်ပြန်ချက်များတွင် ဖော်ပြထားသည်။

ထို့အပြင် စစ်ကောင်စီအား မြန်မာပြည်သူတို့၏ ရပိုင်ခွင့်ဖြစ်သည့် လူ့အခွင့်ရေးများကို လေးစားလိုက်နာပေးရန်အတွက်လည်း အမေရိကန်သံရုံးက တောင်းဆိုထားသည်။

“မြန်မာပြည်သူများနှင့်အတူ ရပ်တည်ပြီး ပြည်သူများ၏ ဒီမိုကရေစီလိုလားတောင့်တမှုနှင့် လူအခွင့်အရေးများကို လေးစားလိုက်နာရန် စစ်အာဏာရှင်အဖွဲ့အစည်းကို တောင်းဆိုပါသည်” ဟု အမေရိကန်သံရုံး၏ ထုတ်ပြန်ချက်တွင် ပါရှိသည်။

၁၉၈၈ ခုနှစ်၊ ဩဂုတ်လ ၈ ရက်တွင် စတင်ခဲ့သော “၈၈၈၈” အရေးတော်ပုံကြီးသည် မြန်မာနိုင်ငံတွင် လူတန်းစားအလွှာပေါင်းစုံပါဝင်သည့် အကြီးမားဆုံးသော လူထုလှုပ်ရှားမှု တစ်ခုအဖြစ် သမိုင်းဝင်ခဲ့ပြီး ၂၀၂၁ ခုနှစ် ဖေဖော်ဝါရီလတွင် စစ်တပ်အာဏာသိမ်းမှုကြောင့် နွေဦးတော်လှန်ရေး ထပ်မံပေါ်ပေါက်ခဲ့သည်။

“၈၈၈၈” အရေးတော်ပုံတွင် မပြီးဆုံးခဲ့သည့် စစ်အာဏာရှင်စနစ် အလုံးစုံပျက်သုဉ်းရေး လူထုတိုက်ပွဲသည် ၂ဝ၂၁ ခုနှစ် နွေဦးတော်လှန်ရေးတွင် အဆုံးသတ်နိုင်လိမ့်မည်ဟု “၈၈၈၈” တွင် ပါဝင်ခဲ့ကြသည့် နိုင်ငံရေးသမားများက မှတ်ချက်ပြုကြသည်။
ယနေ့တွင် ထိုင်းနိုင်ငံရှိ အမေရိကန်သံရုံးရှေ့၌ ထိုင်းရောက်မြန်မာနိုင်ငံသားများက ထိုင်းအစိုးရနှင့် အမေရိကန်သံရုံးတို့၏ ခွင့်ပြုချက်ဖြင့် “၈၈၈၈” အရေးတော်ပုံ ၃၅ နှစ်မြောက် အထိမ်းအမှတ် လူထုလှုပ်ရှားမှုတစ်ခု လုပ်ဆောင်ခဲ့ကြကြောင်း သိရသည်။

မြန်မာနိုင်ငံ နေရာအနှံ့အပြားတွင် ဖိနှိပ်မှုများကြားမှ “၈၈၈၈” အရေးတော်ပုံ လူထုလှုပ်ရှားများ ဆင်နွှဲနေကြပြီး ဩဂုတ်လ ၅ ရက်နေ့ကလည်း အမေရိကန်ပြည်ထောင်စု နယူးယောက်မြို့ နှင့် အင်္ဂလန်နိုင်ငံ လန်ဒန်မြို့တို့၌ ပြည်ပရောက်မြန်မာများ စုဝေးကာ ၃၅နှစ်‌မြောက် “၈၈၈၈” အရေးတော်ပုံ အထိမ်းအမှတ်အဖြစ် လူထုလှုပ်ရှားမှုများ လုပ်ဆောင်ခဲ့ကြကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#၈၈၈၈
#အမေရိကန်သံရုံး
#ဗြိတိသျှသံရုံး

ပုံအညွှန်း - ဆူးလေလမ်းမ လူကူးကုန်းကျော်တံတားပေါ်တွင် ၈၈၈၈ စာတန်းပါ အင်္ကျီများကိုချိတ်ဆွဲ၊ ဩဂုတ် ၈၊ ၂၀၂၃ ဓာတ်ပုံ-DPNS)

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16❤2😁1🤮1
​​ရွေးကောက်ပွဲကျင်းပနိုင်ရေး နိုင်ငံတစ်ဝန်း တည်ငြိမ်အောင် ဆောင်ရွက်သွားရန် စစ်ကောင်စီခေါင်းဆောင်ပြော
=================

001
မဇ္စျိမ။ ။ ရွေးကောက်ပွဲ အောင်မြင်စွာ ကျင်းပနိုင်ရေးအတွက် နိုင်ငံတစ်ဝန်း တည်ငြိမ်အေးချမ်းမှုရှိအောင် ဆောင်ရွက်သွားရမည်ဖြစ်ကြောင်း စစ်ကောင်စီခေါင်းဆောင် ဗိုလ်ချုပ်မှူးကြီး မင်းအောင်လှိုင်က ၎င်း၏အဖွဲ့ဝင်များကို ယမန်နေ့ ဩဂုတ်လ ၇ ရက်က ပြောသည်။

အရေးပေါ်ကာလ သက်တမ်းထပ်တိုးပြီးနောက် အပြောင်းအလဲအချို့ ပြုလုပ်ထားသည့် စစ်ကောင်စီအဖွဲ့ဝင်များနှင့် ပထမအကြိမ်အဖြစ် နေပြည်တော်တွင် တွေ့ဆုံပြီး အမှာစကားပြောကြားရာတွင် အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။

ရွေးကောက်ပွဲ ရာနှုန်းပြည့် ကျင်းပအောင်မြင်ရန် ခက်ခဲသော်လည်း စွမ်းအားရှိသမျှ လုပ်ဆောင်ရမည်ဖြစ်ပြီး အဆိုပါရွေးကောက်ပွဲမှ ထွက်ပေါ်လာသည့် အစိုးရကို အာဏာလွှဲအပ်နိုင်ရေး ဆက်လက်ဆောင်ရွက်သွားမည်ဖြစ်ကြောင်း စစ်ကောင်စီခေါင်းဆောင်က ထပ်မံပြောဆိုသည်။

ထို့အပြင် နိုင်ငံတည်ငြိမ်အေးချမ်းရေး ၊ တရားဥပဒေစိုးမိုးရေးနှင့် လူမှုစီးပွားဘဝ ဖွံ့ဖြိုးတိုးတက်ရေးဆောင်ရွက်နေမှုအပေါ် နှောင့်ယှက်မှုများ ရှိနေမည်ဆိုပါက ရွေးကောက်ပွဲ လုပ်ငန်းစဉ်အပေါ် နှောင့်နှေးစေကြောင်းလည်း ထည့်သွင်းပြောဆိုသည်။
စစ်ကောင်စီအနေဖြင့် ရွေးကောက်ပွဲလမ်းကြောင်းဖောက်နိုင်ရန်အတွက် အကြမ်းဖက်ဖိနှိပ်မှုများပြုလုပ်ကာ ကြိုးပမ်းနေသော်လည်း ၎င်းမျှော်လင့်ထားသကဲ့သို့ ဖြစ်မလာဘဲ ရွေးကောက်ပွဲကျင်းပနိုင်ရေး အကျပ်အတည်းမှာ ပို၍ ကြီးမားလာကြောင်း နိုင်ငံရေးလေ့လာသုံးသပ်သူ ဦးသန်းစိုးနိုင်ကပြောသည်။

“အခုချိန်မှာဆိုရင်လည်း တပ်ပြေးတွေ၊ ကျဆုံးတွေများတယ်၊ တပ်က အင်အားစုလို့မရတဲ့ အခြေအနေမျိုးတွေ ဖြစ်နေတဲ့ အခြေအနေအောက်မှာ သူ့အနေနဲ့ တခြားရွေးချယ်စရာ မရှိပါဘူး။ စစ်အုပ်ချုပ်ရေးဆက်တိုးချဲ့သွားဖို့ပါပဲ။ သူ မကျမဆုံးမချင်း အဲ့တာလုပ်ကိုင်သွားမယ့် သဘောရှိပါတယ်။ သူမျှော်မှန်းတဲ့ လွတ်လပ်တဲ့ရွေးကောက်ပွဲတွေ ဖြစ်လာနိုင်မယ့် အခြေအနေကတော့ မြန်မာပြည်မှာ မရှိတော့ပါဘူး”ဟု ဦးသန်းစိုးနိုင်က သုံးသပ်သည်။

စစ်ကောင်စီခေါင်းဆောင်အနေဖြင့် ယခင်က ၂၀၂၃ ခုနှစ် ဩဂုတ်လအတွင်း ရွေးကောက်ပွဲ ကျင်းပပေးမည်ဖြစ်ကြောင်း ပြောဆိုခဲ့ဖူးသော်လည်း လက်ရှိတွင် ဩဂုတ်လ ၁ ရက်နေ့မှစကာ နောက်ခြောက်လအထိ အရေးပေါ်ကာလသက်တမ်း ထပ်တိုးထားသည်။
ဇူလိုင်လ ၃၁ ရက်နေ့က ပြုလုပ်ခဲ့သည့် ကာလုံအစည်းအဝေးတွင် ရွေးကောက်ပွဲနှင့် ပတ်သက်ပြီး မတည်ငြိမ်သည့် ဒေသများကို ချန်လှပ်ပြီး ရွေးကောက်ပွဲကျင်းပခြင်းနှင့် ရွေးကောက်ပွဲကို တစ်နိုင်ငံလုံးအတိုင်းအတာအနေဖြင့် မဖြစ်မနေပြုလုပ်ခြင်း စသည့် အခင်းအကျင်းနှစ်ရပ်ကို တင်ပြပြီး အဆိုပါ အခင်းအကျင်း နှစ်ခုစလုံးအတွက် တစ်နိုင်ငံလုံး တည်ငြိမ်အေးချမ်းပြီး တရားဥပဒေစိုးမိုးမှု အပြည့်အဝရရှိရန်လိုကြောင်း စစ်ကောင်စီခေါင်းဆောင်က ပြောဆိုခဲ့သည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#ရွေးကောက်ပွဲ
#စစ်ကောင်စီ

ပုံအညွှန်-စစ်ကောင်စီတပ်၏ စစ်ကြောင်းထိုးမှုကြောင့် ထွက်ပြေးတိမ်းရှောင်နေကြရတဲ့အညာဒေသခံများ။(Photo/Mizzima)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁15❤3👍3
Channel photo updated