Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
G20 စက်မှုထိပ်သီး နိုင်ငံ ၂၀ အုပ်စု "ပုံပြရုပ်သံ" | VOA On Mizzima
====================

G20 စက်မှုထိပ်သီးနိုင်ငံ ၂၀ အဖွဲ့ဟာ စီးပွားရေးပူးပေါင်း ဆောင်ရွတ်မှုကို အဓိကထားတဲ့အစဉ်အလာကနေ နောက်ပိုင်း ဥတုရာသီပြောင်းလဲမှု၊ ကိုဗစ်ကပ်၊ ရုရှားကျူးကျော်စစ်ပွဲတွေပါ ဆွေးနွေးပါတယ်။ အိန္ဒိယ G20 ဆွေးနွေးပွဲကနေ ဘာတွေမျှော်လင့်နိုင်ပါလဲ။ VOA ပုံပြရုပ်သံမှာ မအေးသန္တာကျော် တင်ပြထားပါတယ်။

https://youtu.be/mA91Aeyl550?si=RXalHJFC37tjhJ-Q

#VOA
#mizzimatv
----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8🔥1
အိမ်ခြေရာမဲ့ ကလေးတွေရဲ့ ဂီတ | VOA On Mizzima
=====================

ကွန်ဂိုမြို့ရဲ့ ဆင်ခြေဖုံးရပ်ကွက်ထဲက သေးငယ်တဲ့ စတူဒီယိုလေးတစ်ခုမှာ ဖန်တီးနေတဲ့ ဂီတတေးသွားတွေဟာ သံစဉ်စာသားအဖြစ်ထက်တော့ ပိုပါတယ်။ ဒါဂီတတေးသွားတွေက အိမ်ခြေရာမဲ့ ကလေးငယ် ၂ သောင်းထဲက တချို့ကလေးငယ်တွေရဲ့ ဘဝတွေကို ဖော်ကျူးသရုပ်ဖော်ပြလို့နေပါတယ်။ ကိုစံကျော် တင်ဆက်ထားပါတယ်။

https://youtu.be/_bAwq8CuXVc?si=Yhtkznt45k67tuBB

#VOA
#mizzimatv
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍5🔥2
​​စစ်ကောင်စီ ဗဟိုဘဏ် ဥက္ကဌနှင့် ဒုတိယဥက္ကဌများအပါအဝင် ဝန်ထမ်း ၄၄ ဦးကို အကြမ်းဖက်သမားများအဖြစ် NUG ကြေညာ
=======================

001
(မဇ္စျိမ)။ ။စစ်ကောင်စီလက်အောက်ခံ ဗဟိုဘဏ် ဥက္ကဌ ဒေါ်သန်းသန်းဆွေ ၊ ဒုတိယဥက္ကဌများဖြစ်သည့် ဦးဇော်မြင့်နိုင်၊ ဒေါက်တာလင်းအောင်တို့အပါအဝင် ဗဟိုဘဏ် ဝန်ထမ်း ၄၄ ဦးကို အကြမ်းဖက်သမားများအဖြစ် အမျိုးသားညီညွတ်ရေးအစိုးရ (NUG ) ၊ အကြမ်းဖက်မှုတိုက်ဖျက်ရေး ဗဟိုအဖွဲ့က စက်တင်ဘာလ ၁၄ ရက်နေ့တွင် ထုတ်ပြန်ကြေညာသည်။

စစ်ကောင်စီ လက်အောက်ခံ ဗဟိုဘဏ်၏ ဥက္ကဌ ဆိုသူမှစ၍ အောက်အဆင့် ဝန်ထမ်းများအနေဖြင့် ကျင့်ဝတ်နှင့် ဆောင်ရွက်ရမည့် တာဝန်ဝတ္တရားများနှင့် သွေဖည်ပြီး မလျော်ဩဇာသုံး၍ ဆောင်ရွက်နေသောကြောင့် ပြည်သူလူထုအပေါ် ကြီးမား ပြင်းထန်သော ဆိုးကျိုးများ ဖြစ်စေခဲ့ကြောင်း ထုတ်ပြန်ချက်တွင် ဖော်ပြသည်။

ဗဟိုဘဏ်တစ်ခုအနေဖြင့် ပြည်တွင်းဈေးနှုန်းတည်ငြိမ်ရေးစေမည့် ငွေကြေးမူဝါဒကို ချမှတ်အကောင်အထည်ဖော်ရမည့်အစား မြန်မာကျပ်ငွေအား အမြောက်အမြားရိုက်ထုတ်ခဲ့ပြီး စစ်ကောင်စီအတွက် အဓိက ငွေကြေးထောက်တိုင်များအဖြစ် ဆောင်ရွက်ခဲ့ခြင်းကြောင့် အဆမတန်ငွေကြေးဖောင်းပွပြီး ပြည်သူများ ကုန်ဈေးနှုန်းကြီးမြင့်သည့်ဒဏ်ကို ခံစားရကြောင်း ပါရှိသည်။

နိုင်ငံခြားငွေကြေးဈေးကွက်ကိုလည်း စစ်ကောင်စီအလိုကျချယ်လှယ်ဆောင်ရွက်ခွင့်ပြုသဖြင့် နိုင်ငံခြားငွေလဲလှယ်နှုန်းမတည်မငြိမ်ဖြစ်ပြီး မြန်မာကျပ်ငွေတန်ဖိုးအဆမတန်ကျဆင်းခြင်း၊ နောက်ဆက်တွဲအနေဖြင့် အခြေခံလူသုံးကုန်၊ ဆေးဝါးအပါအဝင် လူသုံးကုန်ပစ္စည်းများရှားပါးပြတ်လပ်လာကြောင်းလည်း ထောက်ပြထားသည်။

ထို့ပြင် ဗဟိုဘဏ်အနေဖြင့် ပြည်သူ့ကိုယ်စားစီမံခန့်ခွဲရမည့် နိုင်ငံ၏ နိုင်ငံခြားသုံးသီးသန့်ငွေများကို စစ်ကောင်စီအတွက် နိုင်ငံခြားတိုင်းပြည်များမှ လေယာဉ်ဆီအပါအဝင် လူအများအပြား သေကြေပျက်စီးနိုင်သည့် လက်နက်များ ဝယ်ယူရာတွင် အသုံးပြုခြင်း၊ ပြည်သူပိုင်ငွေကို တလွဲအသုံးပြုခြင်းတို့ ဆောင်ရွက်ခဲ့ကြောင်း အကြမ်းဖက်မှုတိုက်ဖျက်ရေးဗဟိုအဖွဲ့က ပြောသည်။

အဆိုပါ လုပ်ရပ်များ ကျူးလွန်ခြင်းသည် အကြမ်းဖျက်မှုတိုက်ဖျက်ရေး ဥပဒေပုဒ်မ (၃) ၊ ပုဒ်မခွဲ (ပ) ပါ အဓိပ္ပာယ်ဖွင့်ဆိုချက်နှင့် ကိုက်ညီနေကြောင်းလည်း ဖော်ပြသည်။

NUG က အကြမ်းဖက်သမားများအဖြစ် ကြေညာလိုက်သူများတွင် ဗဟိုဘဏ် ဥက္ကဌနှင့် ဒုတိယဥက္ကဌများအပြင် အမြဲတန်းအတွင်းဝန်၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူး စသည့် အရာရှိအဆင့်များ ပါဝင်သည်ကို တွေ့ရသည်။

စစ်ကောင်စီအနေဖြင့် အာဏာသိမ်းကာလ ၂၀၂၁ ခုနှစ် ဖေဖော်ဝါရီလမှစပြီး ယနေ့အထိ ဒီမိုကရေစီအရေးလှုပ်ရှားသူများနှင့် အရပ်သားပြည်သူများကို မတရားဖမ်းဆီးခြင်း၊ ညှဥ်းပန်းနှိပ်စက်ခြင်း၊ သတ်ဖြတ်ခြင်း အပါအဝင် စစ်ရာဇဝတ်မှုမြောက်သော ပြစ်မှုများကို ဆက်လက်ကျူးလွန်လျက်ရှိပြီး ယင်း လုပ်ရပ်များကျူးလွန်နိုင်ရန် ဘဏ္ဍာငွေ အထောက်အပံ့၊ ငွေကြေးစီးဆင်းမှု၊ လက်နက်များဝယ်ယူခြင်း အစရှိသည်တို့တွင် စစ်ကောင်စီလက်အောက်ခံ ဗဟိုဘဏ်ဝန်ထမ်းများအနေဖြင့် အဓိက ကြံရာပါများအဖြစ် ပါဝင်လျက်ရှိကြောင်းလည်း NUG ၏ ထုတ်ပြန်ချက်တွင် ပါရှိသည်။

စာတည်း။ ။အောင်ကျော်ဖြိုး

#Mizzima
#ဗဟိုဘဏ်
#အကြမ်းဖက်သမားများအဖြစ် ကြေညာ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17👏5😁2
​​မြန်မာက ဝယ်ယူထားသည့် တရုတ်တိုက်လေယာဉ်များကို အရည်အသွေးနိမ့်၍ အသုံးမပြုနိုင်
=========================

Times of Oman
ဝယ်ယူထားသော တရုတ်တိုက်လေယာဉ်များတွင် ရေဒါစနစ် မှန်ကန်တိကျမှု နည်းပါးခြင်းကို မြန်မာနိုင်ငံက စိုးရိမ်ပူပန်ကြောင်း ထုတ်ဖော်ပြသထားသည်ဟု Directus သတင်းက ဖော်ပြပြီး တန်ကြေးကြီးကြီးပေးကာ ဝယ်ယူထားသော အဆိုပါ တရုတ် တိုက်လေယာဉ်များ၏ အများစုကို အသုံးမပြုနိုင်ဘဲ ရှိနေသည်ဟု ဆိုသည်။

အဆိုပါ တရုတ်တိုက်လေယာဉ်များသည် မြန်မာက ဝယ်ယူပြီး လေးနှစ်အတွင်းမှာပင် ပြင်ဆင်ရန် လိုအပ်နေဆဲပဲ ဖြစ်သည်ဟုလည်း အဆိုပါ သတင်းက ဖော်ပြထားသည်။

ထိုသို့ ပြုပြင်ထိန်းသိမ်းရေး ပြဿနာများကြောင့် နိုင်ဂျီးရီးယားနိုင်ငံကလည်း Chengdu F-7 တိုက်လေယာဉ် ကိုးစင်းတွင် ခုနစ်စင်းကို တရုတ်သို့ မဖြစ်မနေ ပြန်ပို့ခဲ့ရသည်။ တရုတ်၏ မဟာမိတ် ပါကစ္စတန်သည်လည်း တရုတ်ထုတ် ရေတပ်သင်္ဘောများကြောင့် ပြဿနာများ ရင်ဆိုင်နေရသည်။ F-22P ဖရီးဂိတ်သင်္ဘောများသည် အင်ဂျင်မကောင်းခြင်း၊ အာရုံခံစနစ် မှားယွင်းခြင်းနှင့် ဒုံးကျည်စနစ်က ပစ်မှတ်ကို မဖမ်းနိုင်ခြင်း စသော နည်းပညာပြဿနာ အမျိုးမျိုး ရှိနေသည်ဟု Directus က ဖော်ပြသည်။

ထိုသို့သော အရည်အသွေး မကောင်းခြင်း၊ စွမ်းဆောင်ရည် အားနည်းခြင်းနှင့် ပြောထားသလို စွမ်းဆောင်မှု မရှိခြင်းများကြောင့် တရုတ်၏ လက်နက်တင်ပို့မှုသည် ကျဆင်းလာခဲ့ပြီး ပြီးခဲ့သည့် ဆယ်စုနှစ်အတွင်း၌ တရုတ်၏ လက်နက်တင်ပို့မှုက လေးပုံတပုံနီးပါးအထိ ကျဆင်းသည်။

ထိုပြင် တရုတ်ပြည်သူ့လွတ်မြောက်ရေးတပ်( PLA )အနေဖြင့်လည်း အရည်အသွေး နိမ့်ပါးသော စစ်လက်နက်ပစ္စည်းများ၏ ပြဿနာကို ရင်ဆိုင်နေရသည်။

၂၀၁၆ မှ ၂၀၂၀ အတွင်း တရုတ်၏ လက်နက်တင်ပို့မှုသည် ယခင် ငါးနှစ်တာကာလနှင့် နှိုင်းယှဉ်လျှင် ၇ ဒသမ ၈ ရာခိုင်နှုန်း ကျဆင်းသွားကြောင်း Stockholm International Peace Research Institute (SIPRI) အရ သိရသည်။

တရုတ်၏ ကမ္ဘာ့လက်နက်ဈေးကွက် ဝေစုမှာလည်း ၅ ဒသမ ၆ ရာခိုင်နှုန်းမှ ၅ ဒသမ ၂ ရာခိုင်နှုန်းသို့ ကျုံ့သွားခဲ့သည်။ ယှဉ်ပြိုင်ကမ်းလှမ်းမှုများတွင် ဈေးနည်းပါးခြင်းကြောင့် တရုတ်၏ စစ်လက်နက်များက အဝယ်လိုက်ခဲ့ခြင်း ဖြစ်သည်။

သို့ရာတွင် တရုတ်၏ စစ်လက်နက်များက ပြောထားသကဲ့သို့ စွမ်းဆောင်ရည် မပြည့်မီခြင်းများကြောင့် ရောင်းအား ကျလာတော့ခြင်း ဖြစ်သည်။ “တရုတ်ဟာ ဈေးချိုချိုနဲ့ စစ်လက်နက် ဝယ်ယူသူတွေကို ဆွဲဆောင်တယ်၊ ဒါပေမဲ့ မမြင်ရတဲ့ ကုန်ကျစရိတ်တွေပါ ပါလာတာ ဖြစ်တယ်” ပညာရှင်အဖွဲ့ဖြစ်သည့် RAND Corporation မှ သုတေသီ စင်ဒီကျန်းက ပြောသည်။ “တရုတ်ရဲ့ စစ်လက်နက်တွေမှာ နည်းပညာ အံ့ဝင်ခွင်ကျဖြစ်မှု ချို့တဲ့တာဟာ နောက်ပိုင်းအတွက် ပိုပြီး တန်ကြေးကြီးစေတော့တယ်”ဟု ယင်း သုတေသီက ဖြည့်စွက်ပြောသည်။

တရုတ်နိုင်သည် နိုင်ငံပေါင်း ၅၃ နိုင်ငံကို လက်နက်တင်ပို့နေပြီး အများစုမှာ အမေရိကန်နှင့် ပြင်သစ်ကဲ့သို့ အကြီးစား လက်နက်တင်ပို့သည့် နိုင်ငံများအတွက် ဈေးကွက်မရှိသည့် နိုင်ငံများ ဖြစ်သည်။ ပါကစ္စတန်၊ မြန်မာ၊ ဘင်္ဂလားဒေ့ရှ်၊ အာဖရိကနှင့် အရှေ့အလယ်ပိုင်း နိုင်ငံများမှာ တရုတ်၏ စစ်လက်နက် အဓိက တင်ပို့ရာ နိုင်ငံများပဲ ဖြစ်ကြသည်။

“တရုတ်ထုတ် စစ်လက်နက်တွေမှာ နည်းပညာ နိမ့်ကျမှု ရှိရုံသာမဟုတ်ဘူး တိုက်ပွဲမြေမှာလည်း မစမ်းသပ်ရသေးပဲ ရှိနေသေးတယ်”ဟု Daniel K Inouye Asia-Pacific Centre for Security Studies မှ ပါမောက္ခ အလက်ဇန္ဒြား ဗူဗင်းက ပြောသည်။
တရုတ်လက်နက် အများစုသည် တိုက်ခိုက်ရေးစွမ်းရည် စမ်းသပ်မှု ရှိမထားခြင်းကိုလည်း တင်သွင်းသည့်နိုင်ငံများက စိုးရိမ်ပူပန်မှု ရှိနေသည်ဟု စင်ကာပူအခြေစိုက် ရေပြင်လုံခြုံရေးသုတေသီ ကောလင်း ကို့ရှ်က ပြောသည်။

“ပထမအကြိမ် တရုတ်လက်နက် ဝယ်ယူတဲ့နိုင်ငံတွေဟာ အနောက်အုပ်စုထုတ် လက်နက်တွေနဲ့ စံချိန်စံညွှန်း မယှဉ်နိုင်တာကို တွေ့ကြရတယ်”ဟု ၎င်းက ပြောခဲ့သည်။

(မိုးသဲ ဘာသာပြန်သည်။)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13😁10🥰1
​​ဆေးခြောက် အပန်းဖြေ သုံးစွဲမှုကို သဘောမတူဟု ထိုင်းဝန်ကြီးချုပ် ပြော
==================

Reuters
ဆေးခြောက်အား အပန်းဖြေ သုံးစွဲမှုကို ခွင့်ပြုရန် သဘောမတူကြောင်း ထိုင်းဝန်ကြီးချုပ်သစ် ဆရတ်သာ သာဗီဆင်းက သောကြာနေ့တွင် ပြောသော်လည်း သူ့အစိုးရ လက်ထက်တွင် ဆေးခြောက်ကို ဆေးဖြစ်ဝါးဖြစ် သုံးစွဲခွင့် မူဝါဒကို ဆက်လက်ထားရှိမည်ဟု ဆိုသည်။

ထိုင်းဒီဂျစ်တယ်သတင်းဌာန The Standard နှင့် အင်တာဗျူးတွင် ဆရတ်သာက ယခုကဲ့သို့ ပြောခြင်း ဖြစ်သည်။
“ဆေးခြောက် မူဝါဒအနေနဲ့ကတော့ ဆေးဖြစ်ဝါးဖြစ် ဆေးခြောက်ကို ခွင့်ပြုပေးသွားမှာပါ၊ အပန်းဖြေမှုအတွက် သုံးတာမျိုးကိုတော့ ကျွန်တော် သဘောမတူဘူး”ဟု ၎င်းက ပြောသည်။

ထိုင်းနိုင်ငံတွင် ပြီးခဲ့သည့်နှစ်က ဆေးခြောက် သုံးစွဲခြင်းနှင့် စိုက်ပျိုးခြင်းကို တရားဝင် ခွင့်ပြုလိုက်သည့်နောက် ဆေးခြောက်လုပ်ငန်းများ ထောင်ပေါင်းများစွာ ပေါ်ပေါက်လာပြီး လာမည့်နှစ်အနည်းငယ်အတွင်း နိုင်ငံ၏ ဆေးခြောက်လုပ်ငန်းက အမေရိကန်ဒေါ်လာ ၁ ဒသမ ၂ ဘီလီယံအထိ ကြီးထွားလာမည်ဟု ခန့်မှန်းထားသည်။

ဘဏ္ဍာရေးဝန်ကြီးလည်း ဖြစ်သည့် ဆရတ်သာက အရှေ့တောင်အာရှ၏ ဒုတိယ စီးပွားရေး အကြီးဆုံး ထိုင်းနိုင်ငံတွင် ပြန်လည်ဦးမော့မှု တရွတ်ဆွဲနေခြင်းကြောင့် စားသုံးမှုနှင့် အသုံးစရိတ်များ မြှင့်တင်နိုင်ရေးကို ရည်ရွယ်ပြီး စီးပွားရေး မူဝါဒများကို ယခု သီတင်းပတ်အစောပိုင်းက ထုတ်ဖော်လာခဲ့သည်။

“ဒီ ရည်မှန်းထားတဲ့ မူဝါဒတွေနဲ့ ပြည်တွင်း အသုံးစရိတ်တွေ အဆမတန် တိုးပွားလာမှာ ဖြစ်တယ်”ဟု ထိုင်းပြည်သူအားလုံးအား ဒီဂျစ်တယ်ပိုက်ဆံအိတ်မှတဆင့် ထိုင်းဘတ်ငွေ ၁၀,၀၀၀ (အမေရိကန်ဒေါ်လာ ၂၈၂ ဒသမ ၀၉ ဒေါ်လာ) အခမဲ့ပေးသည့် ၎င်း လက်မှတ်ထိုးသော မူဝါဒကို ရည်ညွှန်းပြီး ပြောခဲ့သည်။

(မိုးသဲ ဘာသာပြန်သည်။)
Photo - REUTERS
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🔥1
This media is not supported in your browser
VIEW IN TELEGRAM
September - 15 [12 Pm] Mizzima News Hour

Mizzima Headline News

#12pmnews #mizzimanewshour #reels #shorts
👍6🖕1
စစ်ကောင်စီတပ်သားတွေ ဝင်လာတာကို နယ်စပ်ဖြတ်ကျော် မတော်တဆမှုအဖြစ် ထိုင်းအစိုးရတုန့်ပြန်
================

မြန်မာနိုင်ငံနယ်စပ်ဒေသ တိုက်ပွဲတွေအတွင်း ထိုင်းနယ်စပ်ကို စစ်ကောင်စီတပ်ဖွဲ့ ဝင်ရောက်လာတာဟာ မတော်တဆသာ ဖြစ်ကြောင်း ထိုင်းကာကွယ်ရေးဝန်ကြီးက ပြောကြားလိုက်ပါတယ်။
ထိုင်းနိုင်ငံ၊ တာ့ခ်ခရိုင်ထဲကို လက်နက်အင်အား အများအပြားနဲ့ ဝင်ရောက်လာတဲ့ မြန်မာစစ်သားများကို ပြန်လွှတ်ပေးခဲ့ခြင်းနဲ့ ပတ်သက်ပြီး ထိုင်းကာကွယ်ရေးဝန်ကြီး တာဝန်ယူဖြေရှင်းရမယ်လို့ ထိုင်းလွှတ်တော်အမတ်တစ်ဦး ဖြစ်တဲ့ ကန်နာဝီ ဆစ်ဘ်ဆန်က (Kanwee Suebsaeng) ပြီးခဲ့တဲ့ရက်ပိုင်းကပဲ ထိုင်းအစိုးရကို တောင်းဆိုထားတာဖြစ်ပါတယ်။

စက်တင်ဘာလ ၃ ရက်နေ့က မြန်မာစစ်သား အယောက်တစ်ရာနီးပါး ထိုင်းနိုင်ငံထဲ ဝင်ရောက်လာတယ်ဆိုတာ နယ်စပ်ရေးရာ ပြဿနာမဟုတ်ဘဲ ထိုင်းနိုင်ငံရဲ့ အချုပ်အခြာအာဏာကို ထိပါးတဲ့ကိစ္စဖြစ်တယ်လို့ Fair Party မှ ထိုင်းအတိုက်အခံ လွှတ်တော်အမတ် ကန်နာဝီ ဆစ်ဘ်ဆန်က ပြောဆိုကြောင်း ဘန်ကောက်ပို့စ် သတင်းမှာ ဖော်ပြထားပါတယ်။

ဒီလဆန်းက စစ်ကောင်စီတပ်ဖွဲ့တွေ နယ်စပ်ဖြတ်ကျော် ဝင်လာတဲ့အပေါ် လွှတ်တော်အမတ်က အစိုးရကို မေးခွန်းထုတ်ခဲ့ပြီးနောက် ထိုင်းကာကွယ်ရေး ဝန်ကြီး ဆူတင် ကလန်စန် Mr. Suthin Khlangsaeng  က တုန့်ပြန်လိုက်တာပါ။

ထိုင်းအစိုးရသစ်ရဲ့ အရပ်သား ကာကွယ်ရေးဝန်ကြီး ဖြစ်တဲ့ Mr. Suthin Khlangsaeng, ဟာ တာဝန်စတင်ထမ်းဆောင်တဲ့စက်တင်ဘာလ ၁၃ရက်နေ့မှာပဲ လုပ်တဲ့ သတင်းစာရှင်လင်းပွဲမှာ မြန်မာနယ်စပ်အရေးနဲ့ပါတ်သက်ပြီး သတင်းထောက်တွေရဲ့မေးခွန်းတွေကို ပြန်လည်ဖြေကြားသွားခဲ့တာဖြစ်ပါတယ်။

အခုလို ဝင်လာတာဟာ တိုင်းရင်းသားလက်နက်ကိုင်တွေနဲ့ တိုက်ပွဲဖြစ်တဲ့အခါတိုင်း စစ်ရှောင်ရင်း ဝင်ရောက်လာတတ်ပြီး  နယ်စပ်က စစ်တပ်တွေက ဝင်ရောက်ညှိနှိုင်း ဖြေရှင်းခဲ့ရကြောင်း ပြောကြားထားပါတယ်။

အခုဝင်လာတဲ့မြန်မာစစ်သားတွေဟာ ထိုင်းပြည်သူတွေကို ထိခိုက်နစ်နာစေတဲ့အပြုမှုတွေ ထိုင်းနယ်မြေကိုဖျက်ဆီးမှုမရှိသေးတဲ့အတွက် နယ်စပ်မှာ သက်ဆိုင်ရာစစ်ဒေသတွေကို တရားဝင် ကန့်ကွက်ကြောင်းသတင်းပို့ ထားပြီးဖြစ်တာကြောင့် စိုးရိမ်စရာတော့ မရှိသေးပါဘူးလို့ဆိုပါတယ်။

ဒီထက်ပိုတဲ့ ဖြစ်ရပ်တွေ ဖြစ်လာရင်တော့ လုံခြုံရေးဆိုင်ရာကို တဆင့်မြင့် ရမှာဖြစ်တယ်လို့လည်း ထိုင်းကာကွယ်ရေးဝန်ကြီး ကပြောပါတယ်။

နယ်စပ်ဒေသလုံခြုံရေး တာဝန်ယူထားတဲ့ Naresuan Task Force အနေနဲ့ ထိုင်းနိုင်ငံရဲ့နယ်မြေပိုင်နက်ထဲကို ကျူးကျော်ခံရတာမရှိအောင် တာ့ခ်နဲ့ မယ်ဟောင်ဆောင်ခရိုင်တွေထဲက နယ်စပ်ဒေသလုံခြုံရေးစင်တာတွေနဲ့ ပူးပေါင်းပြီး ဖြတ်သန်းသွားလာမှုတွေကို စောင့်ကြည့်နေပါတယ်လို့  ဆိုပါတယ်။

https://youtu.be/aCLuzvgWOPY?si=E6A8yRtUnWSG2lV6

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁14👍4🤮2❤1
စက်တင်ဘာလ (၁၅) ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
=======================

00:59-စစ်ကောင်စီတပ်သားတွေ ဝင်လာတာကို နယ်စပ်ဖြတ်ကျော် မတော်တဆမှုအဖြစ် ထိုင်းအစိုးရတုန့်ပြန် တဲ့သတင်း

03:13-စစ်ကောင်စီရဲ့ အဓိကဝင်ငွေရပေါက် MOGE ကို ဒဏ်ခတ်အရေးယူဖို့ ကုလလူ့အခွင့်ရေးကိုယ်စားလှယ် တိုက်တွန်းတဲ့သတင်း

07:47-ကျွန်းအနီးမှာတရုတ်စစ်လေယာဉ် ၆၈ စင်းနဲ့ သင်္ဘော ၁၀ စင်းတွေ့ရှိခဲ့ကြောင်း ထိုင်ဝမ်ပြော တဲ့သတင်း

11:25-ဒီကနေ့ မနက် ၁၁ နာရီအထိ ရရှိထားတဲ့ ငွေလဲနှုန်း၊ ရွှေစျေး၊ စက်သုံးဆီစျေး နဲ့ စားအုန်းဆီစျေးတွေအပါအဝင် တခြား စိတ်ဝင်စားဖွယ်နဲ့ အရေးကြီးသတင်းတွေကို တင်ဆက်ပေးသွားမှာပါ။

https://youtu.be/P8YdUjS3gSM?si=g0i73UZ9Zc-lZf9G

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍10🍌1
Media is too big
VIEW IN TELEGRAM
စစ်ကောင်စီတပ်သားတွေ ဝင်လာတာကို နယ်စပ်ဖြတ်ကျော် မတော်တဆမှုအဖြစ် ထိုင်းအစိုးရတုန့်ပြန်

Watch more detail - https://youtu.be/aCLuzvgWOPY

#PoliticalNews
#reels
#shorts
#MizzimaTV
😁11🤮4
ထိုင်းနိုင်ငံ MOU ရွှေ့ပြောင်းလုပ်သားများ စာချုပ်ပါအလုပ်ရုံတွင် အလုပ်လုပ်ခွင့်မရ၍ အခက်ကြုံ
🤬8🔥1
ထိုင်းနိုင်ငံ MOU ရွှေ့ပြောင်းလုပ်သားများ စာချုပ်ပါအလုပ်ရုံတွင် အလုပ်လုပ်ခွင့်မရ၍ အခက်ကြုံ
======================

ကိုရွှေမြိတ်
(မဇ္ဈိမ)။ ။ထိုင်းနိုင်ငံသို့ MOU စာချုပ်ဖြင့် ရောက်ရှိလာကြသည့် မြန်မာရွှေ့ပြောင်းလုပ်သား ၃၀ဦးသည် စာချုပ်ပါ အလုပ်ရုံတွင် အလုပ်လုပ်ခွင့် မရသည့်အတွက် အခက်ကြုံနေရသည်ဟု ရွှေ့ပြောင်းလုပ်သားများထံက သိရသည်။

“စာချုပ်မှာပါတဲ့ ကုမ္ပဏီနဲ့ ထိုင်းဘက်ကို ရောက်တဲ့ အချိန်မှာ သွင်းပေးတဲ့ ကုမ္ပဏီက တခုစီဖြစ်နေတာ။ အဲ့ဒီနေရာက တရားမဝင် အလုပ်သမားတွေ လုပ်တဲ့ ကုမ္ပဏီ ဖြစ်နေလို့ အေဂျင်စီဘက်က တာဝန်မယူတဲ့အခြေအနေဖြစ်နေပါတယ်” ဟု MOU မြန်မာရွှေ့ပြောင်းလုပ်သား ၃၀ဦးအဖွဲ့မှ ဦးဆောင်သူတဦးက ပြောသည်။
အဆိုပါရွှေ့ပြောင်းလုပ်သား ၃၀ဦး သည်အလုပ်လက်မဲ့ဖြင့် ထိုင်းနိုင်ငံအတွင်း၌ နေထိုင်ရသည်မှာ တလကျော်ရှိလာပြီဟုလည်း ၎င်းကဆိုသည်။

အလုပ်လက်မဲ့ဖြစ်နေသည့် အဆိုပါ MOU ရွှေ့ပြောင်းလုပ်သားများအဖွဲ့က ယမန်နေ့ စက်တင်ဘာလ ၁၄ ရက် နံနက် ၉ နာရီခန့် အချိန်တွင် ထိုင်းနိုင်ငံ ဘန်ကောက်မြို့ မြန်မာသံရုံးရှေ့၌ ၎င်းတို့ကြုံနေရသည့် အခက်အခဲများကို ကူညီဖြေရှင်းပေးရန် တောင်းဆိုကြသည်ဟု သိရသည်။

“ရင်ဆိုင် ကြုံတွေ့နေရတဲ့ နေထိုင် စားသောက်ရေး အခက်အခဲနဲ့ အလုပ်အမြန်ရဖို့ အတွက် သံရုံးကနေ တဆင့် ကူညီဆောင်ရွက်ပေးဖို့ တောင်းဆိုတာဖြစ်ပါတယ်”ဟု ယင်းရွှေ့ပြောင်းလုပ်သားများထဲမှ ဦးဆောင်သူ အမျိုးသားတဦးက ပြောသည်။

မြန်မာသံရုံးရှေ့တွင် သွားရောက် တောင်းဆိုမှုပြုလုပ်နေချိန် သံအရာရှိထွက်လာကာ ဆန္ဒပြတောင်းဆိုခြင်း၊ ဓါတ်ပုံရိုက် လူမှုကွန်ရက်ပေါ်တွင်တင်ခြင်း မပြုလုပ်ရန်နှင့် သက်ဆိုင်ရာ အေဂျင်စီနှင့် ညှိနှိုင်းဆောင်ရွက် ပေးမည်ဟုသာ ပြောဆိုသွားသည်ဟု ၎င်းကပြောသည်။

“MOU နဲ့ တက်လာမယ့် သူတွေ ပွဲစားတွေကို လုံး၀ မယုံဖို့ပါ။ ပြီးတော့ စာချုပ် ချုပ်ဆိုတဲ့ အခါမှာ သူဌေးအမည်၊ စက်ရုံ သေချာစီစစ်ပြီးမှသာ တက်လာကြပါ”ဟု ဘန်ကောက်မြို့ရှိ မြန်မာသံရုံးရှေ့တွင်သွားရောက်တောင်းဆိုမှု ပြုလုပ်‌သော ရွှေ့ပြောင်းလုပ်သား အမျိုးသမီးတဦးဖြစ်သည့် မငြိမ်းငြိမ်းအေးက ပြောသည်။

အဆိုပါ ရွှေ့ပြောင်းလုပ်သား ၃၀ဦးသည် မြန်မာအေဂျင်စီ Big Money မှ တဆင့် ထိုင်းနိုင်ငံသို့ ပြီးခဲ့သည့် ဩဂုတ်လ ၁၅ ရက်နေ့တွင် ထိုင်းကုမ္ပဏီ Go Merry တွင် လုပ်ကိုင်ရန် တရားဝင် စာချုပ်ဖြင့် လူတဦးလျင် မြန်မာကျပ်ငွေ သိန်း ၃၀ မှ ၃၅ သိန်း အထိ ပေးဆောင်ပြီး ဝင်ရောက်လာခဲ့ခြင်း ဖြစ်သည်ဟု သိရသည်။

Big Money.Co.,Ltd က ယခုအချိန်တွင် ထိုင်းနိုင်ငံရှိစက်ရုံ ၊အလုပ်ရုံများနှင့် ပတ်သက်၍ အလုပ်ခေါ်ယူခြင်းမရှိကြောင်း အများသိစေရန် ကြေညာအပ်ပါသည်ဟု ယင်းကုမ္ပဏီက စက်တင်ဘာလ ၅ ရက်နေ့တွင် ၎င်းတို့၏ လူမှုကွန်ရက်စာမျက်နှာပေါ်၌ ရေးသားထားသည်ကို တွေ့ရသည်။

အဆိုပါ Big Money ကုမ္ပဏီအား ၎င်းတို့ကုမ္ပဏီမှတဆင့် ထိုင်းနိုင်ငံသို့ ရောက်ရှိနေကြသည့် ရွှေ့ပြောင်းလုပ်သား ၃၀ဦး နှင့်ပတ်သက်၍ မေးမြန်းရာ ပြန်လည်ဖြေကြားခြင်း မရှိပေ။

ထိုင်းနိုင်ငံသို့ တရားဝင် MOU စနစ်ဖြင့် ဝင်ရောက်လာသော မြန်မာရွှေ့ပြောင်းလုပ်သားများသည် လက်ရှိကာလတွင် မြန်မာအေဂျင်စီများ၏ လိမ်လည် ခေါ်ယူမှုများကြောင့် အလုပ်သမား အခွင့်ရေး ချိုးဖောက်ခံရမှုများ ဆက်တိုက် ကြုံတွေ့နေရသော်လည်း မြန်မာသံရုံးမှ တာဝန်ယူ ဖြေရှင်းပေးမှုအားနည်းနေသည်ဟု Worker Assistance Group For Myanmar (WAG)မြန်မာအလုပ်သမားကူညီစောင့်ရှောက်ရေးအဖွဲ့မှ တာဝန်ရှိသူက မှတ်ချက်ပြုထားသည်။

စာတည်း ။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#MOU
#ထိုင်းနိုင်ငံ
#ရွှေ့ပြောင်းလုပ်သား

ရုပ်သံအညွှန်း-စက်တင်ဘာလ ၁၄ ရက်နေ့က ထိုင်းနိုင်ငံမြန်မာသံရုံးရှေ့တောင်းဆိုမှုပြုလုပ်သည့် ရွှေ့ပြောင်းလုပ်သားများ။

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍15🔥2🤬2👏1
​​မူးယစ်ဆေးအန္တရာယ်တိုက်ဖျက်ရေးကို တော်လှန်ရေးတာဝန်အဖြစ်သတ်မှတ်ဟု NUG ပြော
===============

ရွှေနွယ်

(မဇ္ဈိမ)။ ။ စစ်ကောင်စီမှ အာဏာသိမ်းခဲ့သည့် ၂၀၂၁ ခုနှစ် ဖေဖော်ဝါရီ ၁ ရက်နေ့ နောက်ပိုင်းမှစတင်ကာ မြန်မာနိုင်ငံတဝန်း မူးယစ်ဆေးဝါးထုတ်လုပ်မှုနှင့် တရားမဝင်သယ်ဆောင်ရောင်းဝယ်မှုများ ပိုမိုတိုးပွားလာနေသောကြောင့် လူသားမျိုးနွယ်အား အညွန့်တုံးစေသည့် မူးယစ်ဆေးအန္တရာယ်တားဆီးကာကွယ်ရေးကို တော်လှန်ရေးတာဝန် တရပ်အဖြစ်သတ်မှတ်ကြောင်း အမျိုးသားညီညွတ်ရေးအစိုးရ(NUG)မှ ထုတ်ပြန်ပြောဆိုသည်။

စစ်အာဏာသိမ်းပြီးနောက် မူးယစ်ဆေးဝါး တရားမဝင်သယ်ဆောင်ရောင်းဝယ်မှုသည် နိုင်ငံတွင်း၌သာမက နယ်စပ်ဖြတ်ကျော်ကာ အိမ်နီးချင်းနိုင်ငံများအထိ ရာဇဝတ်မှုများအဖြစ် ကြီးမားကျယ်ပြန့်လာသည်ကို တွေ့ရှိရသည်ဟု စက်တင်ဘာ ၁၄ ရက်နေ့တွင် ထုတ်ပြန်သည့် NUG ၏ ထုတ်ပြန်ချက်တွင်ဖော်ပြထားသည်။

ထို့ကြောင့် NUG အနေဖြင့် မူးယစ်ဆေးအန္တရာယ် တားဆီးကာကွယ်ရေးကို တော်လှန်ရေးတာဝန်တရပ်အဖြစ် သတ်မှတ်ကာ မြန်မာနိုင်ငံက သဘောတူလက်မှတ်ရေးထိုးထားသည့် မူးယစ်ဆေးဝါးနှင့် စိတ်ကိုပြောင်းလဲစေတတ်သောဆေးဝါးများ တရားမဝင်သယ်ဆောင်ရောင်းဝယ်ခြင်း ဆန့်ကျင်တိုက်ဖျက်ရေးဆိုင်ရာ ကုလသမဂ္ဂကွန်ဗင်းရှင်း၏ ပြဋ္ဌာန်းချက်များကို အကောင်အထည်ဖော်နိုင်ရေး ဆောင်ရွက်သွားမည်ဟုဆိုသည်။

ထို့ပြင် မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများဆိုင်ရာဥပဒေ (၁၉၉၃)နှင့် ယင်းဥပဒေကို ပြင်ဆင်သည့်ဥပဒေ(၂၀၁၈) ပါ ပြဋ္ဌာန်းချက်များနှင့်အညီ လိုအပ်သည့် ယန္တရားများဖွဲ့စည်း၍ ကုလသမဂ္ဂကွန်ဗင်းရှင်းဝင်နိုင်ငံများ၊ အပြည်ပြည်ဆိုင်ရာအဖွဲ့အစည်းများ၊ အိမ်နီးချင်းနိုင်ငံများ၊ မဟာမိတ်တော်လှန်ရေးအင်အားစုများနှင့်ပါ ညှိနှိုင်းပူးပေါင်းဆောင်ရွက်ရေးတို့ကို လုပ်ဆောင်သွားမည်ဟု NUG ၏ထုတ်ပြန်ချက်တွင် ပါရှိသည်။

စစ်အာဏာမသိမ်းမီက ဘိန်းဖြူတကီလိုလျှင် သိန်း ၈၀၀ ကျပ်ခန့်၊ မူးယစ်ဆေးဝါးတပြား(WY) လျှင် ကျပ်၂,၀၀၀ မှ ၃,၀၀၀ ခန့်အထိ ပေါက်စျေးရှိခဲ့သော်လည်း လက်ရှိတွင်မူ ဘိန်းဖြူတကီလိုလျှင် သိန်း ၂၀၀ ကျပ်မှ သိန်း ၃၀၀ ကျပ်ခန့်၊ မူးယစ်ဆေးဝါးတပြားလျှင် ၃၀၀ ကျပ်မှ ၅၀၀ ကျပ်ခန့်သာ ပေါက်စျေးရှိကြောင်း အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ရဲလေ့ကျင့်ရေးဌာနကြီးမှူး ဦးစစ်မင်းနိုင်မှ မဇ္ဈိမကို ပြောသည်။

"စစ်ကောင်စီလက်ထပ်မှာ အစစအရာရာဆုတ်ယုတ်လာပေမယ့် မူးယစ်ဆေးဝါးကတော့ တိုးတက်လာတယ်" ဟု NUG-MOHAI ရဲလေ့ကျင့်ရေးဌာနကြီးမှူး ဦးစစ်မင်းနိုင်မှ ပြောသည်။

စစ်ကောင်စီလက်ထက်တွင် ၎င်းတို့အား ဆန့်ကျင်တော်လှန်နေသည့် ပြည်သူလူထုအား နှိမ်နင်းရေးနှင့် ဖမ်းဆီးနိုင်ရေးကိုသာ အလေးပေးဆောင်ရွက်လျက်ရှိပြီး မူးယစ်ဆေးဝါးအမှု၊ လောင်းကစားမှုနှင့်အတူ အခြားသော ရာဇတ်မှုများ နှိမ်နင်းရေးကို ပျက်ကွက်နေသည်ဟု ဦးစစ်မင်းနိုင်က ပြောသည်။

"၂၀၁၄ ဦးသိန်းစိန်လက်ထက်မှာ ပြဋ္ဌာန်းထားတဲ့ အကြမ်းဖက်မှုတိုက်ဖျက်ရေးဥပဒေဆိုတာ ကျွန်တော်တို့နောက်ဆုံးတာဝန်ထမ်းဆောင်တဲ့အချိန်ထိ တမှုမှတောင် ဖွင့်လှစ်အရေးယူတာမရှိဘူး မှတ်မိသလောက်ဆို။ အာဏာသိမ်းပြီနောက်ပိုင်းမှု တလ တလကို အမှုပေါင်းဆယ်ချီပြီးတော့ကိုဖွင့်နေတာ။ ဒါတွေကိုပဲ သူတို့အရေးယူနေကြတာ။ ကျန်တဲ့ပြည်သူလူထုလုံခြုံရေးကို မဆောင်ရွက်တော့ဘူး” ဟု ဦးစစ်မင်းနိုင်က ပြောသည်။

ထိုသို့ တိုးပွားများပြားလာသော မူးယစ်ဆေးရောင်းဝယ်ဖောက်ကားသုံးစွဲမှုများသည် စစ်ကောင်စီထိန်းချုပ်ရာနယ်မြေများသာမက အမျိုးသားညီညွတ်ရေးအစိုးရ၏ နယ်မြေစိုးမိုးမှုရရှိထားသည့် ဒေသများတွင်ပါ ဖြစ်ပွားလျက်ရှိနေပြီး ထိန်းချုပ်နယ်မြေများအတွင်း ဖြစ်ပွားလာသည့်အမှုများကိုမူ အမျိုးသားညီညွတ်ရေးအစိုးရမှ တရားဥပဒေအတိုင်း ဖမ်းဆီးအရေးယူလျက်ရှိကြောင်း သိရသည်။

စစ်အာဏာသိမ်းပြီးနောက် NUG စိုးမိုးနယ်မြေများဖြစ်သည့် စစ်ကိုင်းတိုင်း၊ မကွေးတိုင်းနှင့် ချင်းပြည်နယ်တို့အတွင်းတွင် NUG ရဲတပ်ဖွဲ့၊ ပြည်သူ့အုပ်ချုပ်ရေးနှင့် ပြည်သူ့လုံခြုံရေးအဖွဲ့များမှ မူးယစ်ဆေးဝါးအမှုပေါင်း ၁၀၀ ကျော်ကို ဖမ်းဆီးစစ်ဆေး အရေးယူနိုင်ခဲ့ကြောင်း ဦးစစ်မင်းနိုင်၏ ပြောဆိုချက်အရသိရသည်။

မကြာသေးမီ စက်တင်ဘာလ ၁၁ ရက်နေ့က အိန္ဒိယနိုင်ငံ ၊ မီဇိုရမ်ပြည်နယ်အတွင်း မြန်မာနိုင်ငံသားတဦးထံမှ ကားဘီးအပို၏ တာယာအတွင်း ဝှက်၍ သယ်ဆောင်လာသော ဘိန်းဖြူ ၄၁၀ ဂရမ်ကို ကျန်းဖိုင်းရဲတပ်ဖွဲ့မှ ဖမ်းဆီးရရှိခဲ့သေးသည်။ ၎င်းအား လက်ရှိတွင် မီဇိုရမ်ပြည်နယ်အစိုးရမှ မူးယစ်ဆေးဝါးတိုက်ဖျက်ရေးဥပဒေ ၊ နိုင်ငံခြားသားပုဒ်မများဖြင့် တရားစွဲဆိုထားသည်။

ထိုသို့ စစ်အာဏာသိမ်းပြီးနောက် ပြည်တွင်းရော အိမ်နီးချင်းနိုင်ငံများအထိပါ ပိုမိုကူးစက်ပြန့်ပွားလျက်ရှိသည့် မူးယစ်ဆေးဝါးနှင့် စိတ်ကိုပြောင်းလဲစေတတ်သောဆေးဝါးများ အန္တရာယ်တားဆီးကာကွယ်ရေးနှင့် ထိန်းချုပ်ရေးဆိုင်ရာလုပ်ငန်းများဆောင်ရွက်ရာ ပြည်သူလူထုမှ တော်လှန်ရေးတာဝန်တရပ်အဖြစ်သတ်မှတ်၍ NUG အစိုးရနှင့်အတူ ပူးပေါင်းဆောင်ရွက်ပေးကြရန် NUG ၏ ထုတ်ပြန်ချက်တွင် ပန်ကြားအသိပေးထားသည်။
👍16😁2❤1
ရုရှားနဲ့မြောက်ကိုရီးယားတို့ရဲ့ ဂြိုလ်တုလွှတ်တင်ရေးပူးပေါင်းမှုအပေါ် စိတ်အနှောက်အယှက်ဖြစ်ရကြောင်း အမေရိကန်ပြော
================

https://youtu.be/9XxeyJGB0SY?si=2LutGHESYaVaDsd4

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6😁4
စစ်ကောင်စီရဲ့ အဓိကဝင်ငွေရပေါက် MOGE ကို ဒဏ်ခတ်အရေးယူဖို့ ကုလလူ့အခွင့်ရေးကိုယ်စားလှယ် တိုက်တွန်း
===================

မြန်မာစစ်ကောင်စီရဲ့ အဓိကဝင်ငွေရရှိနေတဲ့ မြန်မာရေနံနဲ့ သဘာဝဓါတ်ငွေ့လုပ်ငန်း (MOGE) အပါအဝင် မြန်မာစစ်ကောင်စီတာဝန်ရှိသူ တွေကို ပိုပြီးတင်းကျပ်တဲ့ဒဏ်ခတ်ပိတ်ဆို့မှုတွေချမှတ်ဖို့ ကုလသမဂ္ဂရဲ့ မြန်မာနိုင်ငံဆိုင်ရာလူ့အခွင်အရေး အထူးကိုယ်စားလှယ် Tom Andrews က တိုက်တွန်းလိုက်ပါတယ်။
MOGE ကရရှိတဲ့ ဝင်ငွေတွေနဲ့ မြန်မာစစ်တပ်ဟာ ပြည်သူတွေအပေါ် လေကြောင်းက ဗုံးကြဲတိုက်ခိုက်မှုတွေ အပါအဝင် အကြမ်းဖက် သတ်ဖြတ် စစ်ရာဇဝတ်မှုတွေ ရက်ရက်စက်စက် ကျူးလွန်နေတာလည်းဖြစ်ပါတယ်။ 

ဒါကြောင့် ပြီးခဲ့တဲ့လမှာ အာဏာသိမ်းစစ်တပ်ရဲ့ လေယာဉ်ဆီဝယ်ယူမှုအတွက် အကူအညီပေးနေတဲ့ လူပုဂ္ဂိုလ်တဦးချင်းစီနဲ့ ပြည်ပကုမ္ပဏီတွေကိုပါ ဝါရှင်တန်က အရေးယူပိတ်ဆို့မှု ချဲ့ထွင်ခဲ့ပါတယ်။

ပြီးခဲ့တဲ့ ဇန်နဝါရီလမှာ မြန်မာ့ရေနံနဲ့ သဘာဝဓာတ်ငွေ့လုပ်ငန်းကြီးရဲ့ ဦးစီးအရာရှိဖြစ်သူနဲ့ လက်ထောက်ညွှန်ကြားရေးမှူးတို့ကို အမေရိကန်နိုင်ငံက ပစ်မှတ်ထားကာ ဒဏ်ခတ်ခဲ့ပါသေးတယ်။

အမေရိကန် လွှတ်တော် ကိုယ်စားလှယ်ဟောင်း တစ်ဦးဖြစ်ပြီး လောလောဆယ်မှာ မြန်မာ့ လူ့အခွင့်အရေးဆိုင်ရာ ကုလသမဂ္ဂ အထူးကိုယ်စားလှယ်အဖြစ် ခန့်အပ်ခံထားရသူ တွမ်အန်ဒရူးစ်က MOGEဟာ လက်ရှိ အချိန်ထိ အာဏာသိမ်း စစ်တပ်အတွက် ပင်မ ဝင်ငွေ ရပေါက်ရလမ်းအဖြစ် ဆက်လက် ရပ်တည်နေဆဲလို့ ထောက်ပြခဲ့ပါတယ်။

မြန်မာ့ နိုင်ငံခြားကုန်သွယ်ရေးဘဏ် (MFTB)နဲ့ မြန်မာ့ ရင်းနှီးမြှုပ်နှံမှုနဲ့ စီးပွားရေးဘဏ်(MICB) ဘဏ်တွေကို ဇွန်လတုန်းက အရေးယူ ပိတ်ဆို့မှုတွေ သတ်မှတ်လိုက်တဲ့ အမေရိကန်ရဲ့ လုပ်ရပ်ကို ချီးကျူးခဲ့ပေမယ့် အဲဒီထက် ပိုမိုတဲ့ ခြေလှမ်းတွေ အကောင်အထည် ဖော်နိုင်ဖို့ လိုအပ်နေဆဲလို့ ဆိုပါတယ်။

စစ်တပ်ကို ပိုက်ဆံဖြတ်လိုက်နိုင်မယ်ဆိုရင် သူတို့ကျူးလွန်နေတဲ့ အကြမ်းဖက်မှုတွေ ရပ်တန့်သွားအောင် လုပ်ဆောင်နိုင်မှာ ဖြစ်တယ်လို့လည်း သူက ပြောပါတယ်။

စစ်တပ်ကို အထိနာစေမယ့် အရေးယူ ပိတ်ဆို့မှုတွေ အရှိန်မြှင့်ဖို့ လိုနေသလို တစ်ဖက်မှာလည်း အာဏာသိမ်းမှုကြောင့် ထိခိုက် နစ်နာသူတွေကို ပြည်တွင်းမှာရော၊ ပြည်ပမှာပါ အမေရိကန် ထိရောက်တဲ့ ကူညီဖေးမမှုတွေ ဆက်လက် ထိန်းသိမ်းထားဖို့ အရမ်းအရေးကြီးတယ်လို့လည်း သူက ဆိုပါတယ်။

မြန်မာနိုင်ငံရဲ့ နိုင်ငံခြားကုန်သွယ်မှုဘဏ် (MFTB) နဲ့ မြန်မာနိုင်ငံရင်းနှီးမြှုပ်နှံမှုနဲ့ ကူးသန်းရောင်းဝယ်ရေးဘဏ် (MICB) တို့ကို ပြီးခဲ့တဲ့ဇွန်လမှာ အရေးယူမှုတွေ ချမှတ်ခဲ့တာနဲ့ ပတ်သက်ပြီး အန်ဒရူးစ်က ဝါရှင်တန်ကို ချီးကျူးခဲ့ပါတယ်။

ဒါပေမဲ့ ဒီထက်ပိုမိုလုပ်ဆောင်ဖို့ လိုအပ်တယ်လို့ အန်ဒရူးစ် အနေနဲ့ အခုလို မှတ်ချက်ပေးပါတယ်။
စစ်ကောင်စီရဲ့ စစ်လက်နက်ရရှိမှုကို ပိတ်ဆို့ဖို့ အခြားတိုင်းပြည်တွေနဲ့ လက်တွဲဆောင်ရွက်ဖို့လည်း သော မတ်အန်ဒရူးက အမေရိကန်နိုင်ငံကို တိုက်တွန်းလိုက်ပါတယ်။

၂၀၂၁ ခုနှစ်မှာ အာဏာသိမ်းမှု ဖြစ်ပွားပြီးနောက်ပိုင်း မြန်မာစစ်တပ်ဟာ အရပ်သား ပြည်သူပေါင်း ၃,၉၀၀ ကျော်အထိ သတ်ဖြတ်ခဲ့တယ်လို့ ခန့်မှန်းထားသလို အဲ့ဒီထဲမှာ လေကြောင်းတိုက်ခိုက်မှုတွေလည်း ပါဝင်ပါတယ်။
အာဏာသိမ်းမှုနောက်ပိုင်း မြန်မာစစ်တပ်ဟာ ပြည်ပမှ ဒေါ်လာ တစ်ဘီလီယံတန်ကြေးရှိ စစ်လက်နက်နဲ့ အခြားကုန်ကြမ်းတွေ ဝယ်ယူခဲ့တယ်လို့ မေလအတွင်း ထုတ်ပြန်ခဲ့တဲ့ အစီရင်ခံစာတစ်ခုမှာ အန်ဒရူးက ပြောကြား ခဲ့ပြီး အတိုက်အခံတွေကို ချေမှုန်းတဲ့ စစ်ကောင်စီရဲ့ အကြမ်းဖက်မှုတွေကို ကူညီပေးတာ ရပ်တန့်ဖို့ ရုရှားနဲ့တရုတ် ကို တောင်းဆိုခဲ့ပါတယ်။

https://youtu.be/qY-tr08yLjY?si=NzGut1a8QRIUmLN1

#PoliticalNews 
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍15❤2😁1
အိန္ဒိယအုပ်ချုပ်တဲ့ ကက်ရှ်မီးယားဒေသမှာ ပစ်ခတ်မှုအတွင်း လူ ၇ ဦးသေဆုံး
=================

https://youtu.be/nk83XPATs5c?si=VDMrrD7_XStbXbqe

#InternationalNews
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥2
This media is not supported in your browser
VIEW IN TELEGRAM
ကျွန်းအနီးမှာတရုတ်စစ်လေယာဉ် ၆၈ စင်းနဲ့ သင်္ဘော ၁၀ စင်းတွေ့ရှိခဲ့ကြောင်း ထိုင်ဝမ်ပြော

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts
👍7🔥3
​​တမူး-အောင်ဇေယျလမ်းပိုင်းကို ကာကွယ်ရေးတပ်ဖွဲ့ ယာယီပိတ်
==================

ပါခွီး
(မဇ္စျိမ)။ ။ စစ်ကိုင်းတိုင်း ၊ တမူးမြို့နယ်အထက်ပိုင်းတွင် စစ်ကောင်စီတပ်ဖွဲ့က စစ်ကြောင်းထိုးနေပြီး အချိန်မရွေး တိုက်ပွဲများဖြစ်ပွားနိုင်သဖြင့် တမူး - အောင်ဇေယျ ကားလမ်းပိုင်းကို အသွားအလာ ယာယီမပြုလုပ်ကြရန် ကာကွယ်ရေးတပ်ဖွဲ့များက စက်တင်ဘာလ ၁၂ရက်‌နေ့တွင် မေတ္တာရပ်ခံထားကြောင်း သိရသည်။

“စစ်​ေ-ွး(စစ်ကောင်စီတပ်) တွေက အောက်ပိုင်းကို စစ်ဆင်ရေးလုပ်ပြီးတဲ့နောက် အထက်ပိုင်းကိုထပ်တက်တဲ့ သဘောပေါ့ ၊ နယ်မြေရှင်းလင်းရေးဆိုလား တရွာဝင်တရွာထွက် သွားလာလှုပ်ရှားနေတာကို ကာကွယ်ရေးရဲဘော်တွေက သိတဲ့အတွက် အချိန်မရွေး ထိတွေ့မှုဖြစ်နိုင်တယ် ၊ အဲဒါကြောင့် ခေတ္တယာယီ အသွားအလာမလုပ်ဖို့ မေတ္တာရပ်ခံထားတာပါ” ဟု တမူးမြို့နယ် အမျိုးသား လွှတ်တော် ကိုယ်စားလှယ် ဦးထန်ဆေးက မဇ္စျိမကိုပြောသည်။

စစ်ကောင်စီတပ်ဖွဲ့နှင့် ၎င်းတို့၏လက်အောက်ခံလက်နက်ကိုင်များက စက်တင်ဘာလ ၁၂ရက်မှ စတင်ပြီး တမူးမြို့နယ်အထက်ပိုင်းကို စစ်ကြောင်းထိုးလာနေသည်ဟု ဆိုသည်။

စစ်ကောင်စီတပ်ဖွဲ့နှင့် လက်အောက်ခံ လက်နက်ကိုင်များသည် မိန်းလမ်းမကြီးပေါ်မှ သွားလာခြင်းမပြုဘဲ တောတောင်များနှင့် လယ်ကွင်းများမှဖြတ်ပြီး နယ်မြေရှင်းလင်းနေခြင်းဖြစ်ကြောင်း ဆိုသည်။

ထို့အပြင် တမူးမြို့နယ် အောက်ဖက်မှတက်နေသည့် စစ်ကြောင်းရှိသကဲ့သို့ အထက်ပိုင်း ကဘော် မြို့သစ်ဖက်မှလည်း ဆင်းလာသည့် စစ်ကြောင်းရှိနေသဖြင့် ခရီးသည်ယာဥ်နှင့် အခြားယာဥ်များအားလုံး သွားလာဖြတ်သန်းခြင်း မပြုလုပ်ရန် ကာကွယ်ရေးအဖွဲ့များက သက်ဆိုင်ရာနယ်မြေဒေသအလိုက် ပြည်သူများကို အသိပေးထားခြင်းဖြစ်ကြောင်း ဆိုသည်။

အဆိုပါ စစ်ကောင်စီတပ်ဖွဲ့သည် ယမန်နေ့ စက်တင်ဘာလ ၁၄ရက်တွင် ကွမ်းတောင်းရွာအနီးတဝိုက်ရှိ လယ်ကွင်းနှင့် ရော်ဘာစိုက်ခင်းများတွင် အခြေချခဲ့ပြီး ယင်းနေရာမှ တဆင့် မင်းသာ အရှေ့ဖက် ယုချောင်းနှင့် လှည်းဆိပ် အနီးတဝိုက်သို့ တက်သွားကြောင်း သိရသည်။
တမူးမြို့နယ်သည် အိန္ဒိယနိုင်ငံနှင့် ကုန်သွယ်ရေးမြို့ဖြစ်သောကြောင့် တမူး-မိုးရေး နယ်စပ်ကုန်သွယ်ရေးလမ်း အဝင်အထွက်ကို ထိန်းချုပ်နိုင်ရေးအတွက် စစ်ကောင်စီတပ်ဖွဲ့က ယခုကဲ့သို့ စစ်ဆင်ရေးများ ပြုလုပ်နေခြင်းဖြစ်ကြောင်း ဦးထန်ဆေးက သုံးသပ်ပြောဆိုသည်။

တမူးမြို့နယ် ပန်းသာရွာတွင် တပ်စွဲထားသော စစ်ကောင်စီတပ်ဖွဲ့နှင့် လက်အောက်ခံ လက်နက်ကိုင်များကို ဇွန်လ ၁၅ရက်နေ့မှ စတင်၍ ကာကွယ်ရေးတပ်ဖွဲ့ဝင်များက တိုက်ခိုက်ခဲ့ရာ နှစ်ဘက်အပြန်အလှန်တိုက်ပွဲများဖြစ်ပွားခဲ့ပြီး ကလေး-တမူး လမ်းပိုင်း ပိတ်ဆို့သွားခဲ့ရကာ စက်တင်ဘာလ ၁၂ရက်နေ့တွင် အသွားအလာများ ပြန်လည်ပြုလုပ်နိုင်ခဲ့ကြောင်း သိရသည်။

တမူး - အောင်ဇေယျလမ်းပိုင်း၌ ကာကွယ်ရေးတပ်ဖွဲ့ဝင်များက နယ်မြေစိုးမိုးထားပြီး စစ်တပ်ထုတ်ကုန်နှင့် တရားမဝင်ကုန်သွယ်မှုများကို စစ်ဆေးလျက်ရှိကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ် - သန့်ဇော်(သန်လျင်)

#စစ်ကိုင်းတိုင်း
#တမူးမြို့နယ်
#စစ်ကောင်စီတပ်
#တမူး-အောင်‌ဇေယျလမ်း

ပုံအညွှန်း - တမူး-အောင်ဇေယျလမ်းပိုင်းတွင် ကာကွယ်ရေးတပ်ဖွဲ့ဝင်များစစ်ဆေးနေစဥ်။(ဓါတ်ပုံ - PDF-Tamu)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13❤1🔥1
This media is not supported in your browser
VIEW IN TELEGRAM
ရုရှားနဲ့ မြောက်ကိုရီးယားတို့ရဲ့ ဂြိုလ်တုလွှတ်တင်ရေးပူးပေါင်းမှု စိတ်အနှောက်အယှက်ဖြစ်ရကြောင်း ကန်ပြော

#mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts
👍4😁3