သမင်ကောင်ရေတိုးမှုကြောင့် သစ်တောပြုန်းနိုင်| VOA On Mizzima
=====================

အမေရိကန်ပြည်ထောင်စု ဝါရှင်တန်ဒီစီမြို့တော်မှာ ဒေသခံတွေ လေ့ကျင့်ခန်းလာလုပ်လေ့ရှိတဲ့ Rock Creek ဥယျာဉ်မှာ သမင်ပေါက်ဖွားမှုနှုန်းများနေပါတယ်။ ဒီလို သမင်အကောင်ရေ တိုးလာတာနဲ့အမျှ သစ်ပင်ပေါက်လေးတွေကို စားတာလည်း များလာတာကြောင့် သစ်တောပြုန်းမယ့်အရေးကိုလည်း စိုးရိမ်လာကြပါတယ်။ AFP သတင်းဆောင်းပါးတပုဒ်ကို ကိုအောင်အောင် တင်ဆက်ထားပါတယ်။

https://youtu.be/BYQAjX6xIAY?si=RacMMLBNB5Qaibxw
 
#VOA
#mizzimatv
------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ရေးမြို့ မြဝတီဘဏ် လုံခြုံရေးအစောင့် စစ်ကောင်စီတပ်ကို ရေးဘီလူးအဖွဲ့ ပစ်ခတ်တိုက်ခိုက်
======================

ဂျူချန်း
(မဇ္ဈိမ)။ ။မွန်ပြည်နယ်၊ ရေးမြို့၊ ရန်ကြီးအောင်ရပ်ကွက်၊ ဗိုလ်ချုပ်လမ်းရှိ မြဝတီဘဏ်တွင် လုံခြုံရေးယူ ထားသည့် စစ်ကောင်စီတပ်ဖွဲ့ကို စက်တင်ဘာလ ၂၆ ရက် နေ့လယ် ၁၂ နာရီခန့်တွင် ပစ်ခတ်တိုက်ခိုက် ခဲ့ကြောင်းရေးဘီလူးအဖွဲ့က ထုတ်ပြန်သည်။

“ရေးမြို့လယ် ရွှေဆံတော်ဘုရားနဲ့ မီတာ ၁၀၀ အကွာမှာရှိတဲ့ ဘဏ်လုံခြုံရေးအစောင့်တွေကို ဝင်ရောက် ပစ်ခတ်ခဲ့တယ်။ ပြည်သူတွေမထိအောင် အသွားအလာရှင်းတဲ့အချိန်မှာ အကောင်အထည်ဖော်ခဲ့တာ”ဟု ရေးဘီလူးအဖွဲ့ခေါင်းဆောင်က ရုပ်သံမှတ်တမ်းဖြင့် ပြောဆိုထုတ်ပြန်ထားသည်။

တိုက်ခိုက်မှုပြုလုပ်ချိန်တွင် ဘဏ်အပြင်ဘက် ကတုတ်ကျင်းတွင် စစ်ကောင်စီတပ်သား သုံးဦးနှင့် ဘဏ်အတွင်းစစ်ကောင်စီတပ်သားနှစ်ဦးခန့်ရှိပြီး တပ်ကြပ်ကြီးအဆင့်ရှိသူအပါအဝင် ငါးဦးထိမှန်ခဲ့ကြောင်း ရေးဘီးလူးအဖွဲ့ခေါင်းဆောင်က မဇ္ဈိမကိုပြောသည်။
“တပ်ကြပ်ကြီးတဦးပါမယ်။ နောက်ပြီးတော့ ပျူစစ်သားနှစ်ဦးပါမယ်။ အမှတ်(၁၉)က လက်အောက်ခံတွေ ပဲပေါ့” ဟု ၎င်းကပြောသည်။

တိုက်ခိုက်မှုအပြီးတွင် ကာကွယ်ရေးတပ်ဖွဲ့ဝင်များ အထိအခိုက်မရှိဆုတ်ခွာနိုင်ခဲ့ကြောင်းလည်း ၎င်းက ပြောသည်။
“ဘဏ်ကတံခါးပိတ်ထားတော့ အပြင်မှာရှိနေတဲ့ နှစ်ယောက်ကို ထိသွားတယ်။ တစ်ယောက်ကတော့ ထိထိချင်းမှာဆုံးသွားပြီး နောက်တယောက်ကတော့ ဆေးရုံရောက်မှ ဆုံးသွားတယ်” ဟု ရေးမြို့ခံတဦးက မဇ္ဈိမကိုပြောသည်။

ပစ်ခတ်မှု ဖြစ်ပွားပြီးနောက် ရေးမြို့လယ်ရှိ ရွှေဈေးမှ ရွှေဆိုင်များအပါအဝင် ဈေးဆိုင်များ ပိတ်သိမ်းခဲ့ပြီး စစ်ကောင်စီတပ်ဖွဲ့ဝင်များနှင့်ရဲများက မြို့အဝင်အထွက်တွင် စစ်ဆေးမှုများလုပ်ဆောင်ခဲ့ကြောင်း ဒေသခံ များထံမှ သိရသည်။

စက်တင်ဘာလ ၂၅ ရက်နေ့ ည ၇ နာရီခန့်ကလည်း ရေးမြို့နယ်၊ မော့ကနင်ကျေးရွာအခြေစိုက် ခလရ (၁၀၆) တပ်ရင်းကို အမည်မသိလက်နက်ကိုင်လေးဦးက လာရောက်ပစ်ခတ်ခဲ့ရာ နှစ်ဖက် အပြန်အလှန် ပစ်ခတ်မှု ဖြစ်ပွားခဲ့သေးကြောင်း ဒေသခံများထံမှ သိရသည်။

စာတည်း ။ ။ ဖူးသိမ်ကျ
စာမူတည်းဖြတ်။ ။စောဖေ
ရုပ်သံ- ရေးမြို့၊ မြဝတီဘဏ်အား ရေးဘီလူးအဖွဲ့မှ ဝင်ရောက်ပစ်ခတ်စဉ် (ပေးပို့)

https://youtu.be/8WdOeU4XASE?si=fKaY7J04diuqqkvO

#မွန်ပြည်နယ်
#ရေးမြို့
#ပစ်ခတ်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ကောင်စီကျူးလွန်မှုတွေ ICC လွှဲပြောင်းကိုင်တွယ်ဖို့ ကုလလူ့အခွင့်အရေးကော်မရှင်နာမင်းကြီး တိုက်တွန်း

#PoliticalNews
#reels
#shorts
#MizzimaTV

တောင်ကိုရီးယားနိုင်ငံမှာ ဆယ်စုနှစ်တစ်ခုအတွင်း ပထမဆုံး စစ်ရေးပြချီတက်ပွဲပြုလုပ်
=======================

https://youtu.be/tdD4h_Fawi0?si=BlAgkQ1uDwmh2KRe

တရုတ် တောင်ကိုရီးယားနဲ့ ဂျပန်ခေါင်းဆောင်တွေ ထိပ်သီးဆွေးနွေးပွဲကျင်းပဖို့ရှိ

#InternationalNews #reels #shorts #China

စစ်ကောင်စီကျူးလွန်မှုတွေ ICC လွှဲပြောင်းကိုင်တွယ်ဖို့ ကုလလူ့အခွင့်အရေးကော်မရှင်နာမင်းကြီး တိုက်တွန်း
=====================

မြန်မာနိုင်ငံအတွင်း စစ်ကောင်စီရဲ့ လူ့အခွင့်အရေး ချိုးဖောက်မှုတွေ ပိုမို ဆိုးရွားလာနေတာနဲ့ ပြစ်မှု ကျူးလွန်သူတွေကို အရေးယူခြင်း မရှိတာတွေကြောင့် ဒီကိစ္စကို ICC - နိုင်ငံတကာ ရာဇဝတ်ခုံရုံးက ကိုင်တွယ် ဖြေရှင်းနိုင်ရေး လုံခြုံရေးကောင်စီက အဆိုပြုပေးဖို့ လူ့အခွင့်အရေးဆိုင်ရာ ကုလသမဂ္ဂ မဟာမင်းကြီး Volker Türk က စက်တင်ဘာလ ၂၆ ရက်နေ့ကထပ်မံ တောင်းဆိုလိုက်ပါတယ်။

ဆွစ်ဇာလန်နိုင်ငံ ဂျနီဗာမြို့က ကုလသမဂ္ဂ လူ့အခွင့်အရေးကောင်စီရဲ့ ၅၄ ကြိမ်မြောက် အစည်းအဝေးမှာ လူ့အခွင့်အရေးဆိုင်ရာ မဟာမင်းကြီး Volker Türk က မြန်မာနိုင်ငံအကြောင်း အစီရင်ခံစာ တင်သွင်းတဲ့နေရာမှာ မြန်မာစစ်တပ်ဟာ အရပ်သားပြည်သူတွေကို တိုက်ခိုက်မှုတွေ တိုးလုပ်လာနေတာဟာ အဓိကတွေ့ရှိချက်အနေနဲ့ ပါဝင်တဲ့အကြောင်း ပြောသွားပါတယ်။

မြန်မာပြည်သူတွေဟာ နေ့စဉ်နဲ့အမျှ ထိတ်လန့် တုန်လှုပ်ဖွယ် တိုက်ခိုက်မှုတွေ ခံနေရတဲ့အပြင် ၊ လူ့အခွင့်အရေးတွေ ပြောင်ပြောင်းတင်းတင်း ချိုးဖောက်ခံနေရပြီး အသက်ရှင် ရပ်တည်မှုနဲ့ အနာဂတ်အတွက် မျှော်လင့်ချက်တွေလည်း ပြိုကျ ပျက်ဆီးခြင်းနဲ့ ရင်ဆိုင်နေကြရတယ်လို့ ပြောဆိုခဲ့ပါတယ်။

Volker Türk က ၂၀၂၂ ခုနှစ်၊ ဧပြီလ ၁ ရက်နေ့ကနေ အခုနှစ် ဇူလိုင်လ ၃၁ ရက်နေ့အကြားဖြစ်ပေါ်ခဲ့တဲ့ မြန်မာနိင်ငံအတွင်းက အခြေအနေတွေကို အစီရင်ခံ တင်ပြတာမှာ အဲဒီကာလအတွင်း မြန်မာစစ်တပ်ဟာ အရပ်သား ပြည်သူတွေအပေါ် အကြမ်းဖက်မှုတွေ တိုးမြှင့်လုပ်ဆောင်ခဲ့တယ်လို့ ဖော်ပြထားပါတယ်။

မြန်မာစစ်တပ်ဟာ သူ့ရဲ့ အကြမ်းဖက်လုပ်ရပ်တွေကို ကျယ်ကျယ်ပြန့်ပြန့် ဆက်လက် ကျူးလွန်နေတဲ့အပြင် အကြမ်းဖက်မှုတွေ ရပ်တန့်ဖို့နဲ့ စာနာမှုဆိုင်ရာ အကူအညီတွေ အဟန့်အတားမရှိ ပေးပို့ခွင့်ပြုဖို့ ကုလသမဂ္ဂ လုံခြုံရေးကောင်စီက အကြိမ်ကြိမ် တောင်းဆိုတာကိုလည်း လူမဆန်စွာ မျက်ကွယ်ပြုနေတယ်လို့ ဆိုပါတယ်။

မြန်မာစစ်တပ်ဟာ လေကြောင်းတိုက်ခိုက်တာ၊ အစုလိုက်အပြုံလိုက်သတ်ဖြတ်တာနဲ့ ရွာတွေကို မီးရှို့တဲ့ နည်းလမ်းသုံးခုနဲ့ အရပ်သားပြည်သူတွေကို ဖိနှိပ်နေတဲ့အကြောင်း၊ ယုံကြည်ရတဲ့ သတင်းရင်းမြစ်တွေအရ စက်တင်ဘာလ ၂၅ ရက်နေ့အထိ စစ်တပ်နဲ့ စစ်တပ်ထောက်ခံတဲ့ စစ်သွေးကြွအဖွဲ့တွေရဲ့လက်ချက်နဲ့ လူအနည်းဆုံး ၄၁၀၈ ဦး သေဆုံးခဲ့ကြောင်း အတည်ပြုနိုင်ခဲ့ကြောင်း ဖော်ပြထားပါတယ်။

စစ်တပ်ရဲ့ မြေပြင် စစ်ဆင်ရေးတွေအတွင်းမှာ လူအနည်းဆုံး ၁၀ ဦးထက်မနည်း သေဆုံးတဲ့ အစုလိုက်အပြုံလိုက် သတ်ဖြတ်မှု ၂၂ ကြိမ် ဖြစ်ပွားခဲ့တဲ့အကြောင်း၊ မြန်မာနိုင်ငံအလယ်ပိုင်း စစ်ကိုင်းဒေသမှာ နေအိမ်အဆောက်အဦးပေါင်း ၇၅၀၀၀ ကျော်ကို မီးရှို့ ဖျက်ဆီးခဲ့ပြီး အဲဒီဒေသဟာ မီးရှို့ဖျက်ဆီးခံရမှု အများဆုံးဖြစ်ကြောင်း လူ့အခွင့်အရေး မဟာမင်းကြီးက ပြောသွားပါတယ်။

စစ်တပ်ဆန့်ကျင်ရေးအဖွဲ့တွေရဲ့ တိုက်ခိုက်မှုတွေနဲ့ ပတ်သက်လို့လည်း လူ့အခွင့်အရေး မဟာမင်းကြီး Volker Türk က ပြောသွားပါတယ်။

ပစ်မှတ်ထားသတ်ဖြတ်မှုတွေနဲ့ အများပြည်သူနေရာတွေကို ဗုံးခွဲတိုက်ခိုက်တာလိုမျိုး စစ်တပ်ဆန့်ကျင်ရေး အုပ်စုတွေရဲ့ အကြမ်းဖက်တိုက်ခိုက်မှုတွေလည်း ဆက်ဖြစ်နေပါတယ်။ ဒါပေမဲ့ စစ်တပ်ကကျူးလွန်တဲ့ ရာဇဝတ်မှုတွေနဲ့ နှိုင်းယှဉ်လို့ မရလောက်အောင် အတိုင်းအတာက သေးငယ်ပါတယ်လို့ဆိုပါတယ်။

အရေးကြီးတာက စစ်တပ်ကို ဆန့်ကျင်တဲ့အုပ်စုတွေဟာ နိုင်ငံတကာ လူ့အခွင့်အရေးနဲ့ လူသားချင်းစာနာမှု ဥပဒေတွေ၊ အရပ်သား ပြည်သူတွေကို အကာအကွယ်ပေးရမဲ့ စည်းမျဉ်းစည်းကမ်းတွေကို လေးစာလိုက်နာမှု ရှိကြတယ်ဆိုတာလည်း ပြောချင်ပါတယ်လို့ ဆိုပါတယ်။

စစ်ကောင်စီဟာ သူတို့ကိုယ်တိုင် ပါဝင်သဘောတူထားတဲ့ အာဆီယံ ဘုံသဘောတူညီချက် (၅) ချက်ကို အခုချိန်ထိ အကောင်အထည်ဖော်ဖို့ ပျက်ကွက်နေတဲ့ကိစ္စကိုလည်း ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး Volker Türk တင်ပြတဲ့ အစီရင်ခံစာမှာ ထည့်သွင်းဖော်ပြခဲ့ပါတယ်။

https://youtu.be/4ZAmCRZUOqk?si=FVAnt4siruLBznG6

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ကျောက်ဆည်တွင် စစ်ကောင်စီသတင်းပေးဆိုသူ ပစ်ခတ်ခံရပြီး သေဆုံး
=====================

ကိုခင်မောင် (မဇ္စျိမ) ။ ။ ကျောက်ဆည်မြို့နယ်၊ အနောက်ငယ်တိုးကျေးရွာမှ ဦးဖိုးအောင်(ခ)အောင်မင်းဆိုသူသည် စစ်ကောင်စီနှင့် ပူးပေါင်းကာ လူထုတော်လှန်ရေးအား ဒုက္ခပေးနေ၍ သေနတ်ဖြင့်ပစ်ခတ်ရှင်းလင်းခဲ့ကြောင်း ဒေသကာကွယ်ရေးရဲဘော်များကပြောသည်။

ဦးဖိုးအောင်ကို ကျောက်ဆည်မြို့နယ်၊ညောင်ဝန်းကျေးရွာအနီးတွင် ယမန်နေ့ စက်တင်ဘာလ ၂၆ရက် နံနက် ၉နာရီခန့်၌ ပစ်ခတ်ခဲ့ခြင်းဟု ဆိုသည်။

"နောက်ကျောတချက်နဲ့ ဦးခေါင်းတချက် ထိပြီး နေရာမှာတင် သေဆုံးပါတယ်"ဟုဒေသကာကွယ်ရေး ရဲဘော်တဦးကပြောသည်။

ဦးဖိုးအောင်သည် အသက် ၆၅ နှစ်ခန့် ရှိပြီဖြစ်ပြီး စစ်တပ်သတင်းပေးလုပ်ခြင်း၊ ဒေသခံပြည်သူများ၏ မဟုတ်မမှန်သော သတင်းများအား စစ်ကောင်စီကို ပေးပို့တိုင်ကြားခြင်းများ ပြုလုပ်သဖြင့် အကြိမ်ကြိမ်သတိပေးခဲ့သော်လည်း မလိုက်နာ၍ ပစ်ခတ်ရှင်းလင်းခဲ့ခြင်းဟု ၎င်းကပြောသည်။

ကျောက်ဆည်မြို့နယ်၊ပြည်သူ့ကာကွယ်ရေးအဖွဲ့တာဝန်ရှိသူတဦးကလည်း ဦးဖိုးအောင်သည် စစ်ကောင်စီနှင့်ပေါင်းကာ တော်လှန်ရေးအင်အားစုများအား ဒုက္ခပေးနေသူဖြစ်ပြီး သူနေထိုင်ရာရွာတွင် စစ်တပ်ကို လပေါင်းများစွာ တပ်စွဲ‌နေထိုင်အောင် အကူအညီပေးခဲ့သူဟု ပြောသည်။ဦးဖိုးအောင်၏ တိုင်ကြားချက်ကြောင့် ဒေသကာကွယ်ရေးရဲ‌ဘော်တချို့ ဖမ်းဆီးခံရမှုများရှိခဲ့သည်ဟု ဆိုသည်။

ဦးဖိုးအောင်နှင့် ပတ်သက်၍ အသေးစိတ်သိနိုင်ရန် အနောက်ငယ်တိုးကျေးရွာရပ်ကျေးအုပ်ချုပ်ရေးအဖွဲ့ထံ ဆက်သွယ်မေးမြန်းရာ ပြန်လည်ဖြေကြားခြင်းမရှိပေ။
ယနေ့ စက်တင်ဘာလ ၂၇ရက်တွင် စစ်ကောင်စီတပ်သားများသည် ကျောက်ဆည်မြို့ အဝင်၊အထွက်ဂိတ်များတွင် စစ်ဆေးမှုများတင်းကြပ်စွာလုပ်ဆောင်နေကြောင်း ဒေသကာကွယ်ရဲဘော်တဦးထံမှ သိရသည်။

မန္တလေးတိုင်း၊ ကျောက်ဆည်မြို့နယ်သည် စစ်အစိုးရခေါင်းဆောင် အငြိမ်းစားဗိုလ်ချုပ်မှူးကြီး ဦးသန်းရွှေ၏ ‌ဇာတိဖြစ်သည်။ စစ်တပ်က နိုင်ငံတော်အာဏာသိမ်းယူပြီးနောက်ပိုင်း ကျောက်ဆည်မြို့နယ်၌ စစ်အာဏာရှင်တော်လှန်ရေးလူထုလှုပ်ရှားမှုများ ရှိနေသည်။

https://youtu.be/lDKITbe6S0c?si=FJzdNWqPXnxneYxA

စာတည်း - အေးချမ်း

#mizzima
#ကျောက်ဆည်
#စစ်ကောင်စီသတင်းပေး
#ပစ်ခတ်ခံရ
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

စင်ကာပူမှာ ဒုတိယကမ္ဘာစစ်လက်ကျန်ဗုံးကို ဖောက်ခွဲရှင်းလင်းဖို့ ထောင်နဲ့ချီတဲ့လူတွေ ဘေးလွတ်ရာ ရွှေ့ပြောင်းခဲ့ရ

#InternationalNews #reels #shorts #Singapore

တောင်ကိုရီးယားနိုင်ငံမှာ ဆယ်စုနှစ်တစ်ခုအတွင်း ပထမဆုံး စစ်ရေးပြချီတက်ပွဲပြုလုပ်

#InternationalNews #reels #shorts #Southkorea

မြန်မာနိုင်ငံအရှေ့တောင်ပိုင်းဒေသတွေမှာ စစ်ကောင်စီရဲ့ ထိန်းချုပ်နိုင်မှု ကျဆင်း
======================

စစ်အာဏာသိမ်းပြီးနောက်ပိုင်း မြန်မာနိုင်ငံအရှေ့တောင်ပိုင်းကို စစ်ကောင်စီရဲ့ စစ်ရေးနဲ့ အုပ်ချုပ်မှု နှစ်ခုစလုံးမှာ သိသိသာသာ ကျဆင်သွားတယ်လို့ ကရင်ငြိမ်းချမ်ရေးအထောက်အကူပြုကွန်ယက် (KPSN) က စက်တင်ဘာ ၂၆ ရက် အစီရင်ခံစာ ထုတ်ပြန်ပြောကြားလိုက်ပါတယ်။

“အာဏာဟန်ချက် အပြောင်းအလဲ” လို့အမည်ပေးထားတဲ့ အစီရင်ခံစာမှာ အာဏာသိမ်းပြီးချိန်ကနေ ၂၀၂၃ ခု ဇူလိုင်လအထိ ကရင်အမျိုးသားအစည်းအရုံး / ကရင်အမျိုးသားလွတ်မြောက်ရေး တပ်မတော် KNU/KNLA နဲ့ မဟာမိတ်တွေရဲ့ စစ်ရေးထိုးစစ်ကြောင့် စစ်ကောင်စီတပ်စခန်း ၆၂ ခု ဆုံးရှုံးခဲ့ကြောင်း အစီရင်ခံစာ မှာ ဖော်ပြထားပါတယ်။

စစ်ကောင်စီလက်လွှတ်ခဲ့ရတဲ့ စခန်းတွေဟာ သထုံခရိုင်မှာ ၁၇ ခု ၊ တောင်ငူမှာ ၆ ခု ၊ ညောင်လေးပင်မှာ ၁၃ ခု ၊ တနင်္သာရီမှာ ၁ ခု ၊ဖာပွန်မှာ ၂၁ ခု ၊ ကြာအင်းဆိပ်ကြီးမှာ ၅ ခုတို့ဖြစ်ပါတယ်။
စစ်ကောင်စီတပ်စခန်းလက်လွတ်ရမှုအများဆုံးဟာ ကရင်ပြည်နယ်အတွင်း ဖာပွန်ဒေသမှာဖြစ်တယ်လို့ ကရင်ငြိမ်းချမ်းရေးအထောက်အကူပြုကွန်ရက် ရဲ့စာတမ်းအရသိရပါတယ်။

သံလွင်မြစ်ကမ်းတလျောက်က အဓိကစစ်စခန်းတွေကို စစ်ကောင်စီတပ်က ဆုံးရှုံးထားတယ်လို့ ကရင်ငြိမ်းချမ်းရေးအထောက်အကူပြုကွန်ရက် ရဲ့တာဝန်ရှိသူတစ်ဦးကပြောကြားထားပါတယ်။
KNU ရဲ့ ဗျုဟာအရ အောင်မြင်မှုအနေနဲ့ ထိုင်းနိုင်ငံနဲ့ထိစပ်နေတဲ့ နယ်နိမိတ်တွေကို ထိန်းချုပ်မှုပိုရလာတယ်လို့ ဆိုပါတယ်။

ကေအန်ယူနဲ့ တခြားပူးပေါင်းတပ်ဖွဲ့တွေ ပေါင်းပြီး စစ်ကောင်စီစခန်းတွေကို ဆက်တိုက်သိမ်းပိုက်မှုနဲ့ တိုက်ပွဲတွေအပြင် စစ်ကောင်စီဘက်က လက်နက်ကြီးတွေ၊ လေယာဉ်တွေနဲ့ နေရာမရွေး ပစ်ခတ်တိုက်ခိုက်မှုကြောင့်  စစ်ဘေးရှောင်တွေ တနေ့ထက်တနေ့ ပိုမိုများပြားလာတယ်လို့ အစီရင်ခံစာမှာ ဖော်ပြပါတယ်။
လေကြောင်းတိုက်ခိုက်မှုနဲ့ လက်နက်ကြီး ပစ်ကူသုံးတိုက်ခိုက်မှုတွေဟာ စစ်ကောင်စီ ဆုံးရှုံးလိုက်ရတဲ့နယ်မြေတွေကို ပြန်မရပေမယ့် KNU နယ်မြေမှာ စစ်ရှောင် အရေအတွက် ၆ သိန်းကျော် ရှိလာစေတယ်လို့ သိရပါတယ်။

၂၀၂၃ ခု ဇူလိုင်လအတွင်း  စစ်ဘေးရှောင်အိုင်ဒီပီ ၁ သိန်းကျော်အထိ တိုးလာကြောင်း ပြောပါတယ်။
ဒီလိုစစ်ဘေးရှောင် ၆ သိန်းကျော်ရဲ့လာမယ့် တနှစ်စာအတွက် လူသားချင်း စာနာထောက်ထားမှုအကူအညီ ဒေါ်လာ ၄၃ သန်း လိုအပ်နေကြောင်းလည်း ပြောပါတယ်။

စစ်ဘေးဒုက္ခသည်တွေအတွက် အခြေခံစားသောက်ကုန်အပြင် ဆေးဝါး၊ အဆောက်အအုံ၊ ကျောင်းစတဲ့ လူသားချင်းစာနာမှုဆိုင်ရာ အကူအညီတွေ လိုအပ်နေတယ်လို့ အစီရင်ခံစာမှာ ဖော်ပြပါတယ်။
ပြည်သူလူထုတွေ လိုအပ်နေတဲ့ အကူအညီတွေကို ကောင်းကောင်းမွန်မွန် ရောက်ရှိအောင် နိုင်ငံတကာအနေနဲ့က ဆက်လက်အထောက်အကူပြုပေးဖို့နဲ့ စကစရဲ့ တရားဝင်မှု မရှိစေဖို့  ကြိုးပမ်းလုပ်ဆောင်ဖို့လည်း ကရင်ငြိမ်းချမ်းရေးအထောက်အကူပြုကွန်ရက်က တိုက်တွန်းပါတယ်။

https://youtu.be/D7nnPZd_3ls?si=QRwk5hp133tGFmvA

#PoliticalNews
#Mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

September - 27 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

​​ရုရှားလူငယ်အသင်းများ UEFA ပြိုင်ပွဲများသို့ ပြန်လည်ယှဉ်ပြိုင်ခွင့်ပြု
======================

By PKThawn
UEFA က ရုရှားလူငယ်အသင်းတွေကို ၎င်းရဲ့ပြိုင်ပွဲတွေမှာ ပြန်လည်ထည့်သွင်းလိုက်ခဲ့ပေမယ့် ယူကရိန်းမှာ ဖြစ်ပွားနေတဲ့ စစ်ပွဲကြောင့် နိုင်ငံရဲ့ ဆီနီယာအသင်းတွေကို ပိတ်ပင်ထားခဲ့တယ်လို့ ဥရောပဘောလုံးအဖွဲ့ချုပ်က အင်္ဂါနေ့မှာ ပြောပါတယ်။

ဆိုက်ပရပ်စ်မှာ ၎င်းရဲ့ အမှုဆောင်ကော်မတီ အစည်းအဝေးအပြီးမှာ UEFA က “လူကြီးတွေအတွက်သာ တာဝန်ရှိတဲ့ လုပ်ရပ်တွေအတွက် ကလေးတွေကို အပြစ်ပေးအရေးယူခြင်း မပြုသင့်ပါဘူး"လို့ ပြောပါတယ်။

“ပြင်းထန်တဲ့ ပဋိပက္ခတွေကြောင့် အရွယ်မရောက်သေးသူ မျိုးဆက်တဆက်ဟာ နိုင်ငံတကာ ဘောလုံးပြိုင်ပွဲတွေမှာ ပါဝင်ယှဉ်ပြိုင်ခွင့် ဆုံးရှုံးသွားရတာ အထူးပဲ စိတ်မကောင်းဖြစ်ရပါတယ်။"
အဆိုပါ ဆုံးဖြတ်ချက်ဟာ ရုရှား ယူ-၁၇ အသင်းတွေ ဖြစ်တဲ့ အမျိုးသား၊ အမျိုးသမီး အားလုံးကို ၎င်းရဲ့ ပြိုင်ပွဲတွေမှာ "အခုရာသီ... မဲခွဲပြီးသွားရင်တောင်" ပြိုင်ပွဲတွေဆီ ဝင်ရောက်ခွင့်ပြုမှာဖြစ်ပါတယ်။

ဒါပမေယ့် ရုရှားအသင်းတွေဟာ ရုရှားပိုင်နက်မှာ ကစားနိုင်မှာမဟုတ်သလို နိုင်ငံအလံ၊ နိုင်ငံတော်သီချင်းနဲ့ နိုင်ငံအားကစားဝတ်စုံကိုလည်း ခွင့်ပြုမှာမဟုတ်ကြောင်း UEFA က ပြောပါတယ်။
၂၀၂၂ ဖေဖေါ်ဝါရီလမှာ ရုရှားက ယူကရိန်းကိုကျူးကျော်ပြီးနောက် ရုရှားအသင်းအားလုံးကို ၎င်းရဲ့ပြိုင်ပွဲတွေမှ ချက်ချင်း ဆိုင်းငံ့ဖို့ အဖွဲ့ချုပ်က လျင်မြန်စွာ လုပ်ဆောင်ခဲ့ပါတယ်။

"ရုရှားနိုင်ငံရှိ တခြားသော အသင်းတွေ (ကလပ်အသင်းများနဲ့ နိုင်ငံအသင်းများ) အားလုံးကို ဆိုင်းငံ့ထားမှုဟာ ယူကရိန်းပဋိပက္ခပြီးဆုံးသည်အထိ ဆက်လက်အသက်ဝင်နေပါလိမ့်မယ်"လို့ ၎င်းက ပြောပါတယ်။

(AFP)

မြန်မာနိုင်ငံအရှေ့တောင်ပိုင်းဒေသတွေမှာ စစ်ကောင်စီရဲ့ ထိန်းချုပ်နိုင်မှု ကျဆင်း

#PoliticalNews
#reels
#shorts
#MizzimaTV

စက်တင်ဘာလ( ၂၇ )ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
====================

-အကြောင်းမဲ့သတ်ဖြတ်ခံရတဲ့ NLD ပါတီဝင်အမျိုးသမီး ၁၀ဦးအထိရှိဆိုတဲ့သတင်း

-စစ်ကောင်စီရဲ့ လေကြောင်းတိုက်ခိုက်မှု အကြိမ်ရေ ၁ ထောင်နီးပါးအထိရှိလာကြောင်း ကုလအစီရင်ခံစာဖော်ပြတဲ့သတင်း

-မူးယစ်ဆေး ဖမ်းဆီးတားမြစ်ရေးမှာ ချင်းအဖွဲ့အစည်းတွေ ပူးပေါင်းကူညီစေလိုကြောင်း မီဇိုရမ်ဝန်ကြီးချုပ် ပြောတဲ့သတင်း

-တရုတ်၊ တောင်ကိုရီးယားနဲ့ ဂျပန်ခေါင်းဆောင်တွေ ထိပ်သီးဆွေးနွေးပွဲကျင်းပဖို့ရှိတဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာြဖစ်ပါတယ်။

https://youtu.be/WAqvrJCUHTk?si=xfWLlws2V5sbB18J

#2pmnews
#Mizzimanewshour
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ကောင်စီရဲ့ လေကြောင်းတိုက်ခိုက်မှု အကြိမ်ရေ ၁ ထောင်နီးပါးအထိရှိလာကြောင်း ကုလအစီရင်ခံစာဖော်ပြ

#PoliticalNews
#reels
#shorts
#MizzimaTV

'စစ်ကိုင်း၊ ရွှေဘို၊ ဝက်လက်နယ်ထဲ ဘီလူးစစ်ကြောင်း၏ စစ်ရာဇဝတ်မှု ကျူးလွန်ခဲ့သည့် အခြေအနေများ'
မန္တလေး-ရွှေဘို-မြစ်ကြီးနား ရထားသံလမ်း ပြုပြင်နိုင်ရေး စစ်ကောင်စီဘက်က လုပ်ဆောင်လျက်ရှိရာ အဆိုပါ Mission အောင်မြင်နိုင်ရေး စစ်ကြောင်း ၇ ကြောင်းအသုံးပြု၍ နယ်မြေရှင်းလင်းရေးကို ဩဂုတ်လ ၂၁ ရက်နေ့မှ စက်တင်ဘာလ ၁၁ ရက်နေ့အထိ လုပ်ဆောင်ခဲ့သည်။

စစ်ကြောင်း ၇ ကြောင်းအနက် ဘီလူးစစ်ကြောင်း၏ ဆိုးသွမ်းရက်စက်မှုက လူထုကို မေ့မရနိုင်သည့် စိတ်ဒဏ်ရာများ ထင်ကျန်စေခဲ့သည်။

ဝက်လက်မြို့နယ် ပကဖ ပြန်ကြားရေးတာဝန်ခံ ကိုနိုင်ကြီးက “၂၁ ရက်မှာပဲ လူ ၅ ဦးကို တစ်နေရာတည်း သတ် ဖြတ်ပြီးတော့ ခန္ဓာကိုယ်နဲ့ လက်တွေနဲ့ကို တခြားစီ၊ ဇက်ဖြတ်ပြီးတော့ ဇက်ကို တခြားနေရာမှာ ချိတ်ထားခဲ့တဲ့ အနေအထား အဲ့ကစပြီး လူ့အခွင့်အရေးချိုးဖောက်မှုတွေက စပြီး လုပ်လာတာပေါ့။ အဲ့ဒါတော့ ဘီလူးစစ် ကြောင်းပေါ့။ အဲ့ဒါက ထန်းတောဆိပ်၊ စစ်ကိုင်းမှာ ဖြစ်သွားတာပေါ့” ဟု ပြောသည်။

အလားတူ ဝက်လက်နယ်ရှိ ကျီးကန် (တောင်) နှင့် ကျီးကန် (မြောက်) ရွာက အပြစ်မဲ့ပြည်သူများကိုလည်း ရက်ရက်စက်စက် သတ်ဖြတ်ခဲ့သေးသည်ဟု ကိုနိုင်ကြီးက ဆက်ပြောသည်။
“၂၆ ရက်နေ့မှာတော့ ဝက်လက်မြို့နယ်ထဲက ကျီးကန် တောင်ရွာနဲ့ မြောက်ရွာကို စစ်ကြောင်းဝင်လာပြီးတော့ ကျီးကန်တောင်ရွာက ပြည်သူနှစ်ဦးကိုလည်း အဲ့လိုပဲ သတ်ဖြတ်တယ်။ ကျီးကန်မြောက်ရွာကို ရောက်လာတဲ့ အချိန်မှာ မိသားစုဝင် ၄ ဦးကို ဖမ်းဆီးပြီးတော့ သတ်ဖြတ်တယ်။ သတ်ဖြတ်ပြီးတော့ အမျိုးသမီးနှစ်ဦးကိုတော့ မုဒိမ်းကျင့်တာပေါ့နော်။ တစ်ဦးကိုဆို မုဒိမ်းကျင့်ပြီးတော့ မဖွယ်မရာတွေလုပ်တယ်။ မိန်းမအင်္ဂါထဲကို တခြား အချိုရည်ဗူးတစ်ဗူးကို ထိုးသွင်းပြီးတော့ လည်ပင်းကို ဓါးနဲ့လှီးသတ်သွားတာ။ အဲ့မှာ ၄ ဦးသတ်ခံလိုက်ရ တယ်။ ကျီးကန် မြောက်ရွာမှာ။ တောင်ရွာက ၂ ယောက်ဆိုရင်တော့ အဲ့မှာပဲ ၆ ဦး သတ်ဖြတ်ခံလိုက်ရတာပေါ့။”

မုဒိမ်းကျင့် အသတ်ခံလိုက်ရသည့် အမျိုးသမီး ၂ ဦးအနက် တစ်ဦးကို မိန်းမအင်္ဂါထဲ Royal D အချိုရည်ဗူးကို ထိုး ထည့်ထားပြီး လည်ပင်းကို ဓါးနှင့်လှီးကာ သတ်သွားခဲ့သော အချက်အလက်များကို ရရှိထားသည်ဟု ဒေသတွင်း ရှိ ပြည်သူ့ကာကွယ်ရေးတပ်ဖွဲ့၊ အုပ်ချုပ်ရေးအဖွဲ့ တာဝန်ရှိသူများက အတည်ပြုပြောသည်။
ဘီလူးစစ်ကြောင်း၏ ဝက်လက်မြို့နယ်တွင်း စစ်ရာဇဝတ်မှု ချိုးဖောက်ခဲ့သည့် အခြေအနေများနှင့်ပတ်သက်၍ ဝက်လက်မြို့နယ် ပကဖ တာဝန်ရှိသူများအနေဖြင့် သက်သေအချက်အလက်များကို ကောင်းမွန်စွာ စုစည်းရရှိ ထားပြီဟု ဆိုသည်။

ဝက်လက်မြို့နယ်သို့ ဘီလူးစစ်ကြောင်းပါအဝင် ခမရ ၇၀၈၊ ခမရ ၃၆၄၊ ၄၆၉၊ ခမရ ၁၂၊ ရွှေဘိုမြို့ အမှတ် ၈ စစ်လေ့ကျင်ရေးတပ်၊ ၇၀၁ တို့က လမ်းကြောင်းသုံးကြောင်းခွဲကာ ဝင်လာခြင်းဖြစ်သည်ဟု ဝက်လက် ပကဖ တာဝန်ရှိသူများနှင့် စစ်ရှောင်များကို ကူညီပေးနေသူများက ပြောသည်။

'မီးကုန်ယမ်းကုန် ရက်စက်သည့် နယ်လှည့် စစ်ရေးလှုပ်ရှား လူသတ်နေသော ဘီလူးစစ်ကြောင်း'
ဘီလူးစစ်ကြောင်းမှာ ၂၀၂၂ ခုနှစ်ကတည်းက ယခုနှစ် ၂၀၂၃ ခုနှစ်အထိ နယ်လှည့် စစ်ရေးလှုပ်ရှားနေသည့် စစ်ကြောင်းတစ်ကြောင်းဟု ဆိုလျှင်လည်း မမှားပေ။

ပြီးခဲ့သည့် ၂၀၂၂ ခုနှစ်ကတည်းက စစ်ကိုင်းတိုင်းအတွင်း စစ်ရေးလှုပ်ရှားမှုများ ပြုလုပ်လာပြီး ရောက်လေရာရာ နေရာဒေသများတွင် ပြည်သူများကို ရက်ရက်စက်စက်သတ်ဖြတ်ခဲ့သည့် စစ်ကြောင်းတစ်ကြောင်းပင်ဖြစ်သည်။

အဆိုပါ ဘီလူးစစ်ကြောင်းသည် ၎င်းတို့ ဝင်ရောက်လာသည့် နေရာများတွင် အခြားသော စစ်ကြောင်းများကဲ့သို့ ကျေးရွာများကို မီးရှို့ခြင်း၊ မြေပြင်တွင် စစ်ရေးလှုပ်ရှားခြင်းတို့ မလုပ်ဘူးဟု ဆိုသည်။
“လုံးဝ မြေပြင်ထဲမှာ စစ်ရေးလှုပ်ရှားမှု မရှိဘူး။ ည လူတိတ်ချိန်နဲ့ မနက် အရုဏ်လင်းချိန် အစောပိုင်း လင်း အားကြီးချိန်တွေမှာပဲ စစ်ရေးလှုပ်ရှားတယ်။ ပြည်သူတွေအိပ်ချိန်၊ ကာကွယ်ရေးအဖွဲ့တွေ နားချိန်မှာပဲ သူတို့ လှုပ်ရှားတယ်။ လျှပ်တပြတ်ကို ကျေးရွာတွေထဲ ဝင်ရောက် စီးနင်းတာမျိုးတွေ လုပ်တယ်ပေါ့။ အဲ့လိုဆို ပြည် သူတွေ ပြေးရလွှားရတာလည်း ခက်တာပေါ့။ ဘီလူးစစ်ကြောင်း ရောက်ပြီဟေ့ဆို သေချာတယ်၊ အဲ့ဒီပတ်ပတ် လည်က လေးငါးဆယ်မိုင်က ရွာတွေ လုံးဝကို ရှောင်ထားရတော့တာ။ အဲ့မှာ ကြိုတင်စစ်ရှောင်ရတဲ့ ကိစ္စတွေ ကြုံခဲ့တာပေါ့” ဟု ရေဦးမြို့နယ်တွင် စစ်ရှောင်များကို ကူညီပေးနေသူ တစ်ဦးကပြောသည်။

ဘီလူးစစ်ကြောင်းမှာ လူသတ်ခြင်း၊ မုဒိမ်းကျင့်ခြင်းတို့ကိုသာ သီးသန့်လုပ်သည့်စစ်ကြောင်း ဖြစ်သည်ဟု ဆိုကြ သည်။
မြောင်မြို့နယ်၊ ပြည်သူ့ကာကွယ်ရေးနှင့် လုံခြုံရေးအဖွဲ့ (CDSOM) က ကိုနွေဦးက “ပြည်သူပဲ ဖြစ်နေဖြစ်နေ PDF ပဲ ဖြစ်နေဖြစ်နေ သူတို့တွေ့တယ်ဆိုလို့ရှိရင် သတ်တယ်ပေါ့နော။ ပြီးလို့ရှိရင် သူတို့လက်ထဲ ဖမ်းမိသွား တယ်ဆိုလို့ရှိရင် ယောက်ကျားလေးတွေ ဆိုလို့ရှိရင်တော့ PDF ပဲဖြစ်ဖြစ် ဘာပဲဖြစ်ဖြစ် မသက်ညှာဘူး ရက် ရက်စက်စက်သတ်တယ်။ မီးရှို့တာတွေ ဖျက်ဆီးတာတွေ မလုပ်ဘူး။ မလုပ်ဘဲနဲ့ လူသတ်တာ သီးသန့်ပဲ သတ် တာတောင်မှ ရိုးရိုးသတ်တာ မဟုတ်ဘူး။

ရက်ရက်စက်စက်ကို သတ်တာ။ ဘာဖြစ်လို့လဲဆိုရင် သူတို့နဲ့တွေ့လို့ ရှိရင် သေချာပေါက် အသတ်ခံရမယ်ဆိုတဲ့ဟာကို သိထားတဲ့အတွက် ကြောင့်မို့လို့ အဲဒါက ဒေသခံတွေရဲ့ စိတ် ပေါ့ဗျာ။ ကြိုပြီးတော့ ရှောင်ကြတယ်” ဟု ပြောသည်။
၂၀၂၃ ခုနှစ် မတ်လ ၃၀ ရက်နေ့တွင် စစ်ကိုင်းတိုင်း၊ မြောင်မြို့နယ်အတွင်း စစ်ကြောင်းထိုးနေသည့် စစ်ကောင်စီ တပ် လက်အောက်ခံ ဘီလူးစစ်ကြောင်းက ပြည်သူ့ကာကွယ်ရေးတပ် (PDF)၊ စစ်ကိုင်းခရိုင် တပ်ရင်းအမှတ် (၁) ၏ ဒုတိယတပ်ရင်းမှူး ဗိုလ်ဆင်ရိုင်းကို တိုက်ပွဲအတွင်း ဖမ်းမိပြီး ခေါင်းဖြတ်သတ်ဖြတ်ခဲ့သည်။ ဗိုလ်ဆင်ရိုင်းမှာ မြောင်မြို့နယ်အတွင်း ပထမဆုံး ခေါင်းဖြတ်သတ်ခံလိုက်ရသူ ဖြစ်သည်။
ထို ဘီလူးစစ်ကြောင်းသည် ၂၀၂၃ ခုနှစ်၊ ဖေဖော်ဝါရီ ၂၅ ရက် ညပိုင်းတွင် မြင်းမူမြို့နယ် မြောက်ပိုင်းရှိ ပဒတ္တိုင်း ကျေးရွာကို စီးနင်းစဉ် မိုင်းဆွဲတိုက်ခိုက်ရန် ကြိုးပမ်းသည့် ကာကွယ်ရေးတပ်ဖွဲ့ဝင် ကိုမော်ကွန်း ဆိုသူကိုလည်း အပိုင်းပိုင်း ခုတ်ထစ်သတ်ဖြတ်ခဲ့သည်။
ကိုမော်ကွန်းအား ခုတ်ထစ်သတ်ဖြတ်ခဲ့သည့် ထိုစစ်ကြောင်းမှာ ဖေဖော်ဝါရီလ ၂၆ ရက်နေ့တွင် ကန်တော်ကျေး ရွာကို ဆက်လက်စီးနင်းစဉ် အသက် ၁၅ နှစ်အရွယ် ကိုလမင်းစိန် (ခ) ဖိုးစိန်၊ အသက် ၁၇ နှစ်အရွယ် ဖိုးကဲ၊ အသက် ၁၉ နှစ်အရွယ်များဖြစ်သည့် ကိုမျိုးဇင်နှင့် ကိုဇော်မျိုးသန့်တို့ကိုလည်း ခေါင်းဖြတ်သတ်ခဲ့သည်။ ၎င်းတို့ထဲတွင် ကာကွယ်ရေးအဖွဲ့ဝင်လည်း ပါသည်။
ထို့နောက် ဖေဖော်ဝါရီလ ၂၈ ရက်နေ့တွင် မြင်းမူမြို့နယ် အရှေ့ဘက်ရှိ စစ်ကိုင်းမြို့နယ်၊ တာတိုင်ကျေးရွာကို ဆက်လက်စီးနင်းပြီးနောက် ဒေသခံရွာသား ၁၇ ဦး၊ မတ်လ ၅ ရက်နေ့တွင် မြင်းမူမြို့နယ်၊ လက္ကပင်ကျေးရွာကို နှစ်ရက်ကြာ စီးနင်းပြီးနောက် ဒေသခံရွာသား ၁၀ ဦးကို အစုလိုက်အပြုံလိုက် သတ်ဖြတ်ခဲ့သည်။
ထို့ပြင် လက္ကပင်ကျေးရွာကို စီးနင်းစဉ်က ရွာဦးကျောင်းထိုင်ဆရာတော် ဦးအဂ္ဂဝံသနှင့် အရပ်သား ၄ ဦးကို စစ် ကြောင်းနှင့်အတူ ဖမ်းဆီးခေါ်ဆောင်သွားပြီးနောက် ဖမ်းဆီးသတ်ဖြတ်ကာ စစ်ရာဇဝတ်မှုကျူးလွန်ရာတွင် ပါဝင်သည့် စစ်ကြောင်းလည်းဖြစ်သည်။
ကိုနွေဦးက “ကိုဆင်ရိုင်းကို သတ်ပြီးတော့ ခေါင်းကို မပြတ်မချင်း ခုတ်ဖြတ်ပြီး အဲ့ဒါကျတော့ ကျနော်တို့ ဒရုန်း မှတ်တမ်းရ လိုက်တဲ့အတွက်ကြောင့်မို့လို့ ကျနော်တို့က သက်သေအထောက်အထား ခိုင်လုံသွားတာပေါ့ဗျာ။ ယောက်ကျားလေးတွေ ဆိုလို့ရှိရင်လည်း ဗိုက်တွေဖောက်တယ်။ အူတွေထုတ်တယ်။ ပြီးလို့ရှိရင် အမျိုးသား အင်္ဂါတွေ ဖြတ်တယ်။ ဖြတ်ပြီး ပါးစပ်တွေထဲ ထိုးထည့်တယ်။ ခေါင်းတွေဖြတ်တယ်။ ဖြတ်ပြီးတော့ ဆိုလို့ရှိရင် လည်း ဒီအတိုင်းထားခဲ့တာ မဟုတ်ဘူး။ သူတို့ ချိတ်ချင်တဲ့နေရာမျိုး ချိတ်ထားတယ်။ တော်တော်ရက်စက်တဲ့ လုပ်ရပ်မျိုးတွေကိုပဲ လုပ်တဲ့ စစ်ကြောင်းလို့ပဲ ပြောရမှာ” ဟု ပြောသည်။
ထိုဘီလူးစစ်ကြောင်းသည် ဩဂုတ်လထဲတွင်ပင် မြောင်မြို့နယ်အတွင်း ဝင်ရောက်လာခဲ့သေးရာ နွားကျောင်း သားလေးတစ်ဦးအား လည်လှီး၊ ဗိုက်ဖောက်ကာ ရက်ရက်စက်စက် သတ်သွားခဲ့သေးသည်ဟု ကိုနွေဦးက ဆက် ပြောသည်။
“ကျနော်တို့ မြောင်ကို ဘီလူးစစ်ကြောင်း ထပ်ဝင်သေးတယ်။ ရှစ်လပိုင်းထဲမှာ ဝင်တာပေါ့ဗျာ။ နွားကျောင်း သားလေးတစ်ယောက်ကို အဲလိုမျိုး လက်ပြန် ကြိုးတုတ်၊ လက်ပြန်ကြိုးတုတ်ပြီး လည်ပင်းကိုလှီးတယ်။ ဗိုက် ကိုဖောက်ပြီး အူတွေ ဆွဲထုတ်တယ်။ အဲလိုမျိုးလုပ်ပြီးတော့ သတ်လိုက်သေးတယ်။ ၈ လပိုင်းထဲမှာပဲ။”
အလားတူ အဆိုပါ ဘီလူးစစ်ကြောင်းသည် ပြီးခဲ့သည့် ၂၀၂၂ ခုနှစ် မေလ ၁၀ ရက်နေ့ကလည်း ရေဦးမြို့နယ်၊ မုန်တိုင်ပင်ကျေးရွာက အရပ်သား ၃၀ နီးပါးကို သတ်ဖြတ်ခဲ့သည့်စစ်ကြောင်း ဖြစ်သည်ဟု အမျိုးသားညီညွတ် ရေးအစိုးရ (NUG) က ထုတ်ပြန်ထားသည်။
'ဘီလူးစစ်ကြောင်းဆိုသည်မှာ'
ဘီလူးစစ်ကြောင်းဆိုသည်မှာ တပ်ရင်း၊ တပ်ဖွဲ့ တစ်ခုတည်းက စစ်ကြောင်းမဟုတ်ဘဲ တပ်ရင်းတပ်မ အသီးသီး က လက်ရွေးစင်ပုံစံမျိုးဖြင့် ရွေးထုတ်ပြီး စုဖွဲ့ထားသည့် စစ်ကြောင်းဟုလည်း တော်လှန်ရေးတပ်ဖွဲ့အချို့က ပြော သည်။
စစ်ကိုင်းမှ တော်လှန်ရေးအင်အားစုများ၏ ပြောဆို အတည်ပြုချက်အရ တပ်မ ၉၉၊ တပ်မ ၇၇၊ တပ်မ ၃၃ လက်အောက်ခံတပ်များထဲမှ လက်ရွေးစင် ရွေးထုတ်ထားသည့်အပြင် ခမရ ၇၀၉ တပ်ရင်းက တပ်သားများ လည်းပါသည်ဟု ပြောသည်။
စစ်ကိုင်းတိုင်း၊ ရေဦးမြို့နယ်အတွင်းက ဒေသခံ ၂၆ ဦးအား စစ်ကောင်စီတပ်သားအချို့က သတ်ဖြတ်ခဲ့သည့် ဖြစ်စဉ်တွင် ရုပ်သံဗွီဒီယိုနှင့် ဓါတ်ပုံများက ဘီလူးစစ်ကြောင်းကို နိုင်ငံတဝန်းရှိ ပြည်သူများနှင့် မိတ်ဆက်ပေး လိုက်ခြင်းဟု ဆိုရမည်။
ဇွန်လ ၁၇ ရက် နေ့စွဲဖြင့် ရေးသားဖော်ထုတ်ခဲ့သည့် RFA သတင်းတွင် စစ်ကိုင်းတိုင်း၊ ရေဦးမြို့နယ်အတွင်း ရွာ သားများအား ဖမ်းဆီးသတ်ဖြတ်ခဲ့သည်ဟု ယုံကြည်ရသော စစ်သားများ၏ ဗီဒီယိုနှင့် ဓာတ်ပုံများကြောင့် နိုင်ငံတဝန်းက ပြည်သူများ ဝမ်းနည်းဒေါသဖြစ်ခဲ့ရသည်။
အဆိုပါ စစ်ကြောင်းမှာ ရန်ကုန်အခြေစိုက် အမှတ် (၄) စစ်ဆင်ရေးကွပ်ကဲမှုဌာနချုပ် လက်အောက်ခံဖြစ်သော ခြေမြန်တပ်ရင်း ၇၀၈ ပင်ဖြစ်သည်။ မှော်ဘီမြို့နှင့် တိုက်ကြီးမြို့အကြားတွင် တည်ရှိသည့် စစ်ဆင်ရေးကွပ်ကဲမှု ဌာနချုပ်ဖြစ်သည်။ အဆိုပါတပ်ရင်းက တပ်သားများသည်လည်း ဘီလူးစစ်ကြောင်းဟု လူသိများသော စစ် ကြောင်းတွင် ပါဝင်သည်ဟု စစ်ကိုင်းအခြေစိုက် တော်လှန်ရေးအင်အားစုများက ပြောသည်။

ထို အမှတ် ၄ စစ်ဆင်ရေးကွပ်ကဲမှု ဌာနချုပ်သည် ‘ခြေမြန်တပ်မဌာနချုပ်’ အသွင်ယူထားသော တိုက်ခိုက်ရေး တပ်ဖွဲ့ဖြစ်ပြီး လှုပ်ရှားရာ စစ်ဒေသ ပုံသေမရှိဘဲ ရန်သူ၏ အင်အားအပေါ်မူတည်၍ လိုအပ်သလို စစ်ကစားနိုင် ရန် ဖွဲ့စည်းထားခြင်းလည်း ဖြစ်သည်ဟု စစ်ရေးကျွမ်းကျင်သူများက သုံးသပ်ကြသည်။
“သူတို့ရဲ့ စစ်ရေးလှုပ်ရှားမှုက တခြားစစ်ကြောင်းတွေနဲ့ မတူတဲ့ဟာက ဘာလဲဆိုလို့ရှိရင် ဗျူဟာကတော့ သူတို့ က အမြဲတမ်းပြောင်းတယ်ဗျနော။ အမြဲတမ်းပြောင်းတယ်။ ပထမ ကျနော်တို့နဲ့ ထိပ်တိုက်တွေ့တဲ့ပွဲက တော် တော်ကြီးကြီးကျယ်ကျယ် တွေ့ခဲ့တယ်။ အဲဒီအချိန်တွေတုန်းက ဆိုရင်တော့ သူတို့က သူပစ်ကိုယ်ပစ်ကိုမှ သူတို့ က သေမှာလည်း မကြောက်ဘူး။ ပြီးလို့ရှိရင် နာမှာလည်း မကြောက်ဘူးနော။ ပြီးတော့ ပစ်နေခတ်နေတဲ့ ကြား ကိုက မတ်တပ်ရပ်ပြီးတော့ သူတို့ဘက်ကလည်းပစ် ကိုယ့်ဘက်ကလည်းပစ် အဲဒီကြားထဲကိုက ဇွတ်တက်တာ နော” ဟု ကိုနွေဦးက မြောင်မြို့နယ်အတွင်း ဘီလူးစစ်ကြောင်းနှင့် ထိပ်တိုက်တွေ့စဉ်က အခြေအနေကို ပြောပြ သည်။
ထိပ်တိုက်တွေ့သည့် တိုက်ပွဲများတွင်ပင် အကြောက်တရားမရှိ၊ နာကျင်မှုကိုမသိ၊ သေရမည်ကို မကြောက်သော သူများကဲ့သို့ မူးယစ်ဆေးများကို သုံးထားသည်ဟု ယူဆရသော ပုံစံများဖြင့် နယ်လှည့်လှုပ်ရှားနေသည့် စစ် ကြောင်းဖြစ်သည်။
ဘီလူးစစ်ကြောင်းထဲက စစ်သားများ၏ ပုံသဏ္ဌာန်၊ လှုပ်ရှားမှုပုံစံများနှင့် ပတ်သက်၍ မြောင်မြို့နယ်၊ ပြည်သူ့ကာ ကွယ်ရေးနှင့် လုံခြုံရေးအဖွဲ့ (CDSOM) က ကိုနွေဦးက ယခုကဲ့သို့ ဆက်ပြောသည်။
“သူတို့မှာက ကျနော်တို့ သိတဲ့ဟာက ဒီသေရမှာကို အဲလောက်ကြီး စိတ်မဝင်စားဘူး။ စိတ်လည်းမဝင်စားဘူး ကြောက်လည်း မကြောက်ဘူး။ အဲလိုပုံစံမျိုး ဘီဘူးသဘက်တွေ ပုံစံအတိုင်းပဲဗျနော။ ဘယ်လောက်ကြီး ပစ်နေ ခတ်နေတဲ့ ကြားထဲကိုက မမှန်မချင်း သူတို့ကိုထိပြီး လဲမသွားမချင်း ဟန်မပျက်ဘူး၊ ဒီအတိုင်းပဲ ပစ်တက် တက် တာပေါ့နော်။ အဲ့လိုအခြေအနေရှိတယ်။ ပြီးတော့ ဆေးတွေဘာတွေ သုံးထားတဲ့ အမူအရာအတိုင်းပဲဗျ။ ဆေး သုံးထားတဲ့ သူဆိုတာ နာမှန်းလည်း မသိဘူး။ သေမှန်းလည်း မသိဘူးပေါ့နော။ အဲဒီပုံစံမျိုး အနေအထားအတိုင်း ဗျ။ စစ်ရေးလှုပ်ရှားမှုကို တွေ့ရတယ်။”
ဘီလူးစစ်ကြောင်းသည် အခြားသော စစ်ကောင်စီလက်အောက်ခံ တပ်ရင်း၊ တပ်ဖွဲ့၊ တပ်မ၊ စစ်ကြောင်းများနှင့် မတူသည့် ကွဲပြားမှုပုံစံနှင့်ပတ်သက်၍ ကိုနွေဦးက ယခုကဲ့သို့ ဆက်ပြောသည်။
“တခြားစစ်ကြောင်းတွေ ဝင်လာရင် သူတို့အထိအခိုက် များပြီဆိုလို့ရှိရင် လေယာဉ်အကူတွေ လာတယ်ပေါ့ နော်။ ဒါပေမယ့် ဘီလူးစစ်ကြောင်းမှာကျတော့ သူတို့က သူတို့ဘက်က ဘယ်လောက်ပဲကျကျ ဘယ်လောက်ပဲ တိုက်ပွဲ ကျနေကျနေ ဘယ်လောက်ပဲ ပြင်းထန်ပြင်းထန် လေယာဉ်အကူ လာတယ်ဆိုတဲ့ဟာ မတွေ့ရဘူး။ မတွေ့ ရဘဲနဲ့ သူတို့ကလည်း အဲလိုမျိုး အသေခံ တအားရဲတယ်။ အကုန်လုံးကုန်ရင်တောင်မှ သူတို့က တစ်ယောက် မကျန် သေတဲ့အထိ သူတို့က ပြန်ချမယ်ဆိုတဲ့ပုံစံမျိုးနဲ့ အဲဒီလိုစိတ်မျိုးနဲ့။”
ဘီလူးစစ်ကြောင်း ဝင်လာပြီဟု အသံကြားသည်နှင့် အနီးပတ်ဝန်းကျင်က ရွာများက ဒေသခံများကို ဘေးလွှတ် ရာ အမြန်ဆုံးပြောင်းရွှေ့ကာ လုံခြုံရေးကအစ စနစ်တကျ ပြင်ဆင်ရသည်ဟု ဝက်လက်မြို့နယ် ပကဖ ပြန်ကြား ရေးတာဝန်ခံ ကိုနိုင်ကြီးကပြောသည်။
“တော်တော်လေးကို စိုးရိမ်ကြတယ်။ ဒီစစ်ကြောင်းက မိတဲ့လူမှန်သမျှကို သတ်တာများတာကိုး။ သူတို့နဲ့ တွေ့ တဲ့ လူအများစုက သတ်ခံရတာများတော့ စိုးရိမ်ကြောက်လန့်စိတ်က ကြီးကြတယ်။ PDF ထက် ပြည်သူကို သတ်ဖြတ်မှုက ပိုများလာတဲ့အတွက် အရင်ဆုံး ဘေးလွတ်ရာကိုပို့၊ PDF တွေ အကာအကွယ်ယူပေး အဲ့လိုနဲ့ပဲ ဖြေသိမ့်ရတာပေါ့။”
ဩဂုတ်လ နောက်ဆုံးပတ်အတွင်း ဝက်လက်နယ်ထဲ စစ်ရေးလှုပ်ရှားလာသည့် ဘီလူးစစ်ကြောင်းတွင် အင်အား ၁၀၀ ခန့်ရှိပြီး အဆိုပါ စစ်ကြောင်းမှာ ဝက်လက်မြို့နယ်မှ ပြန်ထွက်သွားချိန်တွင် အင်အား ၆၀ ခန့်ဖြင့်သာ ပြန် ထွက်သွားရသည်ဟု ကိုနိုင်ကြီးက ပြောသည်။
လူထုအား အကြောက်တရားသွင်းရန် ရက်စက်မှုများကို မီးကုန်ယမ်းကုန် လုပ်နေသည့် ဘီလူးစစ်ကြောင်းမှာ လူထုထံမှ အကြောက်တရားထက် စက်ဆုပ် ရွံရှာမှု အမုန်းတရားများကိုသာ ရရှိသွားခဲ့သည်။
စစ်ကောင်စီတပ် ဘီလူးစစ်ကြောင်းက ကျူးလွန်ခဲ့သည့် ၂၀၂၂ ခုနှစ်၊ မေလအတွင်း ဖြစ်ပျက်ခဲ့သည့် ရေဦးမြို့နယ် မုန်တိုင်ပင်ကျေးရွာက အရပ်သား ၃၀ နီးပါးကိစ္စ၊ ၂၀၂၃ ခုနှစ်၊ ဖေဖော်ဝါရီလအတွင်း ဖြစ်ပျက်ခဲ့သည့် မြင်းမူမြို့ နယ်အတွင်းက အရပ်သားပြည်သူများ သတ်ဖြတ်ခံရမှုများ၊ မြင်းမူမြို့နယ်၊ လက္ကပင် ကျေးရွာတွင် မတ်လ ၅ ရက်နေ့က ဖြစ်ခဲ့သည့် ဒေသခံရွာသား ၁၀ ဦးတို့အား အစုလိုက်အပြုလိုက် သတ်ဖြတ်ခဲ့သောကိစ္စ၊ မတ်လ ၃၀ ရက်နေ့တွင် ဖြစ်ခဲ့သည့် မြောင်မြို့နယ်တွင် PDF ဒုတပ်ရင်းမှူး ဗိုလ်ဆင်ရိုင်းနှင့်အဖွဲ့ကိစ္စ၊ ဩဂုတ်လ တတိယပတ် အတွင်း ဝက်လက်မြို့နယ်တွင် အရပ်သားပြည်သူ ၆ ဦး လည်လှီးအသတ်ခံရသည့်ကိစ္စများကို စစ်ကောင်စီက သတင်းအမှောင်ချထားသည်။
စစ်ကောင်စီက ၎င်းတို့သည် ပြည်သူလူထုကို အကာအကွယ်ပေးနေသည်ဟု ဆက်တိုက် ပြောဆိုထားသည်။
ဘီလူးစစ်ကြောင်းကိစ္စကိုလည်း အရေးယူမှုအသီးသီးမှ လွတ်ကင်းအောင် ရည်ရွယ်ချက်ရှိရှိ ကြိုတင်ပြင်ထား သည့် အခြေအနေမျိုးဖြစ်နိုင်သည်ဟု ကိုနွေဦးက ထောက်ပြသည်။