​​မော်လမြိုင်တွင် ဖမ်းဆီးခံခဲ့ရသည့် UG များ နှစ်ရှည်ထောင်ဒဏ် ချမှတ်ခံထားရ
====================

ဂျူချန်း
(မဇ္ဈိမ) ။ ။ မွန်ပြည်နယ်၊ မော်လမြိင်မြို့၊ ဇေယျာသီရိရပ်ကွက်၊ ဇေယျာ(၃) လမ်းရှိ နေအိမ်တစ်အိမ်တွင် ပစ်ခတ်ပိတ်ဆို့ကာ ဖမ်းဆီးခံခဲ့ရသည့် မြေအောက်တော်လှန်ရေးတပ်ဖွဲ့ဝင် လေးဦးအပါအဝင် မော်လမြိုင်မြို့တွင် ဖမ်းဆီးခံခဲ့ရသည့် မြေအောက်တော်လှန်ရေးရဲဘော် ခြောက်ဦးသည် နှစ်ရှည်ထောင်ဒဏ် အသီးသီး ချမှတ်ခံထားရကာ ထိုခြောက်ဦးအနက် သုံးဦးသည် အမှုဆက်လက်ရင်ဆိုင်နေရဆဲဖြစ်ကြောင်း နီးစပ်သည့် သတင်းရင်းမြစ်ထံမှ သိရသည်။

မော်လမြိုင်မြို့ ဇေယာသီရိရပ်ကွက်၊ ဇေယျာ(၃) လမ်းရှိ မြေအောက်တော်လှန်ရေးတပ်ဖွဲ့ဝင်များ နေထိုင်သည့် နေအိမ်တစ်အိမ်အား ၂၀၂၂ ခုနှစ် နိုဝင်ဘာလ ၁၄ရက်နေ့တွင် စစ်ကောင်စီတပ်နှင့် ရဲများက အင်အားအလုံးအရင်းဖြင့် ပိတ်ဆို့ကာ ပစ်ခတ် ဖမ်းဆီးခဲ့သည်။

အဆိုပါ ပိတ်ဆို့ ပစ်ခတ်ဖမ်းဆီးမှုတွင် ဖမ်းဆီးခံခဲ့ရသည့် လူငယ် လေးဦးသည် ပြီးခဲ့သည့် ဧပြီလအတွင်း၌ မော်လမြိုင်ခရိုင်တရားရုံးမှ အမိန့်ချမှတ်ခဲ့ပြီး လက်ရှိတွင် ကျိုက်မရောအကျဉ်းထောင်၌ အကျဉ်းချခံထားရကြောင်း သိရသည်။

ဖမ်းဆီးခံခဲ့ရသည့် လူငယ်လေးဦးအနက် ဇော်ထက်အောင်(ခ) ဆံရှည် သည် အကြမ်းဖက်မှု ဥပဒေပုဒ်မများဖြစ်သည့် ပုဒ်မ ၅၀(က)၊ ၅၁(ဂ)၊ ၅၄၊ ရာဇသတ်ကြီး ဥပဒေ ပုဒ်မ(၃၀၂) တို့ဖြင့် ထောင်ဒဏ် တစ်သက် နှင့် ၃၃ နှစ် ချမှတ်ခံထားရကာ လက်ရှိတွင် ဖောက်ခွဲမှုပုဒ်မ(၃) အား အမှုဆက်လက်ရင်ဆိုင်နေရဆဲဖြစ်ကြောင်း သိရသည်။

ကျန်သုံးဦးဖြစ်သည့် ထက်လင်းအောင်သည် ပုဒ်မ ၅၀(ဃ)၊ ၅၀(ဈ)၊ ၅၁(ဂ)ပုဒ်မ၅၄ တို့ဖြင့် ထောင်ဒဏ် တစ်သက်နှင့် ၁၅နှစ် ချမှတ်ခံထားရပြီး ကျော်သက်ဦးနှင့် ဖြိုးကိုအောင် (ခ) ငသီ တို့သည် ပုဒ်မ ၅၁(ဂ) နှင့် ပုဒ်မ ၅၄ တို့ဖြင့် ထောင်ဒဏ် တစ်သက်နှင့် ငါးနှစ် အသီးသီးချမှခံထားရကြောင်း သတင်းရင်းမြစ်မှ သိရသည်။

အလားတူ ၂၀၂၂ ခုနှစ် ဇွန်လ ၈ ရက်နေ့ တွင် မော်လမြိုင် သံလွင်ဥယျာဉ်အနီး၌ ဒုတိယဗိုလ်ချုပ်ကြီး အောင်လင်းဒွေးနှင့် ဆွေမျိုးတော်စပ်ပြီး ဒလန်ဆိုသူ ဦးမျိုးမင်းထွဋ်အား သေနတ်ဖြင့် ပစ်ခတ်ရင်း ဖမ်းဆီးခံခဲ့ရသည့် ဘိုဘိုအောင် (ခ) အောင်အောင် (၂၁နှစ်) သည် ပုဒ်မ ၅၀(ဈ)၊ ၅၀(က)နှင့် ပုဒ်မ ၃၀၂ တို့ဖြင့် ထောင်ဒဏ် ၇၀နှစ် ချမှတ်ခံထားရကာ လက်ရှိတွင် ပုဒ်မ ၅၄ အား ဆက်လက်ရင်ဆိုင်နေရဆဲဖြစ်ကြောင်း သိရသည်။

ထို့အပြင် ၂၀၂၁ ခုနှစ် နိုဝင်ဘာလတွင် မော်လမြိုင်မြို့ရှိ စားသောက်ဆိုင်တစ်ခု၌ ဖမ်းဆီးခံခဲ့ရသည့် ကိုရန်နိုင်ဖြိုး (ခ) ကိုဖြိုး (၃၃နှစ်) သည် ပုဒ်မ ၅၀(ဈ)၊ ၅၁(ဂ)၊ ၅၂(ဃ)နှင့် ပုဒ်မ ၃(ခ) တို့ဖြင့် ထောင်ဒဏ် ၁၀၃ နှစ် ချခံထားရပြီး လက်ရှိတွင် ပုဒ်မ ၅၄ ဖြင့် အမှုရင်ဆိုင်ရဆဲ ဖြစ်ကြောင်း သိရသည်။

အမှုရင်ဆိုင်နေရဆဲဖြစ်သည့် မြေအောက်တော်လှန်ရေး တပ်ဖွဲ့ဝင်များသည် ယခင်က လုပ်ဆောင်ခဲ့သည်များနှင့် ဆက်စပ်ကာ လက်ရှိတွင် အဆိုပါ ခြောက်ဦးအနက် သုံးဦးသည် ချမှတ်ပြီးသည့် အမှုများအပြင် နောက်ထပ်အမှုတွဲများကို ဆက်လက်ရင်ဆိုင်နေရကြောင်း သတင်းရင်းမြစ်က ပြောသည်။

“သူတို့က အရင်တုန်းက အလုပ်(တိုက်ခိုက်မှု)အတူတူ လုပ်ခဲ့တယ်ဖြစ်မယ်။ အထဲရောက်တော့ အမှုတွဲတွေက ပြန်ပြီးတော့ တူကုန်တယ်။ အမှုတွဲတွေဖြစ်ပြီးတော့ ပြန်ရင်ဆိုင်နေရတယ်။ ၅၄ ရင်ဆိုင်နေရတဲ့သူတွေဆို နောက်ထပ်ကျစရာ ဘာအမှုမှလည်း မရှိတော့ပါဘူး” ဟု သတင်းရင်းမြစ်က ပြောသည်။

လက်ရှိတွင် ၎င်းတို့ ခြောက်ဦးစလုံးသည် ကျိုက်မရောအကျဉ်းထောင်တွင် အကျဉ်းချခံထားရပြီး ထောင်တွင်းရှိ နိုင်ငံရေးအကျဉ်းသားများသည် မိသားစုဝင်များနှင့် တွေ့ခွင့်မရရှိကြဘဲ တရားရုံးခေါ်ထုတ်သည့် နေ့တွင်သာ ၁၅ မိနစ်ခန့် တွေ့ခွင့်ရကြောင်း သတင်းရင်းမြစ်ထံမှ သိရသည်။

“မိသားစုနဲ့ တွေ့ခွင့်မရဘူး။ ထောင်ဝင်စာလည်း တွေ့ခွင့်မရှိနေဘူး။ တစ်ယောက်မှ တွေ့ခွင့်မရှိတာ။ ရုံးထွက်တဲ့အချိန်မှာတော့ တွေ့ခွင့်ရတယ်။ ဒါပေမယ့် အချိန်ပိုင်းပဲပေါ့” ဟု အထက်ပါ သတင်းရင်းမြစ်က ပြောသည်။

ပြီးခဲ့သည့် ၂၀၂၂ ခုနှစ် ဇူလိုင်လ ၂၈ ရက်နေ့တွင် မော်လမြိုင်ပြည်သူ့ကာကွယ်ရေးအဖွဲ့နှင့် စွန်ရဲမြို့ပြပြောက်ကျား ပူးပေါင်းတပ်ဖွဲ့၏ အခြေစိုက်စခန်း စီးနင်းခံခဲ့ရကာ ရဲဘော် လေးဦး ဖမ်းဆီးခံခဲ့ရသေးသည်။

မော်လမြိုင်မြို့တွင် စစ်ကောင်စီဒေါက်တိုင်များအား တိုက်ခိုက်လေ့ရှိသည့် မြေအောက်တော်လှန်ရေး အဖွဲ့အစည်း အားလုံးနီးပါး ဖမ်းဆီးခံခဲ့ရပြီးနောက် မော်လမြိုင်မြို့ပေါ်တွင် ပစ်ခတ်တိုက်ခိုက်မှုများ မရှိသလောက် လျော့နည်းခဲ့သော်လည်း ခိုးမှု နှင့် ဓားပြတိုက်မှုများ တိုးများလာကြောင်း မြို့ခံများမှ သိရသည်။

အကြမ်းဖက်မှု ဥပဒေပုဒ်မများဖြင့် တရားစွဲဆိုခံရသည့် နိုင်ငံရေး အကျဉ်းသားများအား ကျိုက်မရော ဗဟိုအကျဉ်းထောင်သို့ ပို့လေ့ရှိရာ ကျိုက်မရော ဗဟိုအကျဥ်းထောင်တွင် နိုင်ငံရေးအကျဉ်းသား ၂၀၀ ဝန်းကျင်ခန့်ရှိပြီး နိုင်ငံရေးအကျဉ်းသူ ၁၅၀ ခန့် ရှိကြောင်း သိရသည်။

စာတည်း - သန့်ဇော်(သန်လျင်)
#mizzima
#နိုင်ငံရေးအကျဉ်းသား
#ကျိုက်မရော
#ဗဟိုအကျဉ်းထောင်
#မော်လမြိင်မြို့
#ဇေယျာသီရိရပ်ကွက်

ဗီယက်နမ်ကြက်မွေးမြူရေးသမားများ အရှုံးပေါ်နေတာကြောင့် အစိုးရထံ အကူအညီတောင်းခံ

Watch more detail - https://youtu.be/hIs4yvYU3ps

#reels
#shorts
#BusinessRoundUp
#MizzimaTV

​​လက်နက်ကိုင်ပဋိပက္ခများကြောင့် မြန်မာနိုင်ငံတွင် စားနပ်ရိက္ခာမလုံလောက်မှု ပိုမိုမြင့်တက်လာနိုင်
==========================

မိုးသောက်
မဲဆောက်(မဇ္ဈိမ)။ ။လက်နက်ကိုင်ပဋိပက္ခများကြောင့် မြန်မာနိုင်ငံတွင် စားနပ်ရိက္ခာမလုံလောက်မှု ပိုမို မြင့်တက်လာနိုင်ကြောင်း ကုလသမဂ္ဂ စားနပ်ရိက္ခာနှင့်စိုက်ပျိုးရေးအဖွဲ့(FAO)နှင့် ကမ္ဘာ့စားနပ်ရိက္ခာအဖွဲ့ (WFP)တို့က ထုတ်ပြန်ထားသည်။

လက်နက်ကိုင်ပဋိပက္ခများ ဖြစ်ပွားနေသည့်နေရာများတွင် လူသားချင်းစာနာထောက်ထားမှု အကူအညီ များကင်းမဲ့နေခြင်း၊ အိုးအိမ်စွန့်ခွာရခြင်းနှင့် ကုန်ဈေးနှုန်းကြီးမြင့်ခြင်းများကြောင့် စားနပ်ရိက္ခာမလုံ လောက်မှုသည် ပိုမိုလာနိုင်သည်ဟု ဆိုသည်။

အထူးသဖြင့် စစ်ကောင်စီက စစ်အုပ်ချုပ်ရေးကြေညာထားသည့် ဒေသများတွင် စစ်ရေးပဋိပက္ခများ ပိုမို ကျယ်ပြန့်လာနိုင်ပြီး စားနပ်ရိက္ခာပြဿနာကို ပိုရင်ဆိုင်ရနိုင်ကြောင်း WFP ကခန့်မှန်းသည်။

စစ်ကိုင်းတိုင်း၊ မကွေးတိုင်း၊ တနင်္သာရီတိုင်း၊ ပဲခူးတိုင်း၊ မွန်ပြည်နယ်၊ ချင်းပြည်နယ်၊ ကရင်ပြည်နယ်နှင့် ကရင်နီပြည်နယ်အတွင်းမှ မြို့နယ် ၃၇ မြို့နယ်ကို ပြီးခဲ့သည့် ဖေဖော်ဝါရီလအတွင်းက စစ်ကောင်စီက စစ်အုပ်ချုပ်ရေးကြေညာခဲ့သည်။

စစ်ကောင်စီက စစ်အုပ်ချုပ်‌ရေးကြေညာထားသည့်နေရာများတွင် ယခင်ကထက် စားဝတ်နေရေးပြဿ နာများကို ပိုမိုရင်ဆိုင်နေရပြီးဖြစ်ကြောင်း အဆိုပါမြို့နယ်များရှိ ‌ဒေသခံကာကွယ်ရေးအဖွဲ့များထံမှ သိရ သည်။

စစ်အုပ်ရေးမြို့နယ်အဖြစ်ကြေညာခံထားရသည့် စစ်ကိုင်းတိုင်း ခင်ဦးမြို့နယ်အတွင်းမှ စစ်ဘေးရှောင်များ နှင့် ပြည်သူများ၏ စားနပ်ရိက္ခာအခက်အခဲနှင့်ပတ်သက်ပြီး “ကျနော်တို့ စစ်ဘေးရှောင် မီးဘေးသင့် ပြည် သူတွေမှာက နေ့စဉ် ဝင်ငွေမရှိကြဘူး။ နေ့စဉ်စားဝတ်နေရေးအတွက် အခက်အခဲတွေဖြစ်နေကြတာပေါ့” ဟု ခင်ဦးသတင်းမှန်ပြန်ကြားရေးမှတာဝန်ရှိသူတစ်ဦးက မဇ္ဈိမကို ပြောသည်။

စစ်ကောင်စီတပ်နှင့် ရင်ဆိုင်တိုက်ပွဲဖြစ်ပွားနေသည့်ဒေသများတွင် စားနပ်ရိက္ခာပြဿနာအပြင် သောက် သုံးရေပြတ်လပ်ခြင်း၊ နေအိမ်မီးရှို့ခံရခြင်း၊ လမ်းပန်းဆက်သွယ်ရေးခက်ခဲခြင်း၊ အင်တာနက်လိုင်းများ ဖြတ်တောက်ထားခြင်းနှင့် ဆေးဝါးပြဿနာများလည်းဖြစ်ပွားနေသည်ဟု ဒေသခံများထံမှသိရသည်။

ထိုသို့ကဲ့သို့ဖြစ်ပွားနေခြင်းသည် စစ်အာဏာသိမ်မှုကြောင့်ဖြစ်သည့်အတွက် စစ်ကောင်စီကို အမြစ်ဖြတ် ဖြုတ်ချဖို့အတွက် အမြန်ဆုံးကြိုးစားသင့်ကြောင်း တော်လှန်ရေးအဖွဲ့များကတိုက်တွန်းသည်။
အာဏာရှင်တော်လှန်ရေးပြည်သူ့တပ်မတော်(DRPA)မှ ပြန်ကြားရေးတာဝန်ရှိသူ ကိုလင်းနွေ “ကျနော်တို့ တော်လှန်ရေးကို အချိန်ကြာအောင် ဆွဲလို့မရဘူး။ ကြာလာလေ လူထုရော အဖွဲ့တွေပါ ရပ်တည်ဖို့မလွယ် တော့ဘူး” ဟု ဆိုသည်။

စစ်အာဏာသိမ်းပြီးနှစ်နှစ်ကျော်လာချိန်တွင် မြန်မာနိုင်ငံတွင် လူဦးရေ ၁၇.၆ သန်းသည် လူသားချင်း စာနာထောက်ထားမှု အကူအညီလိုအပ်နေပြီး အဆိုပါပမာဏ၏ သုံးပုံတစ်ပုံမှာ ကလေးသူငယ်များဖြစ် သည်ဟု ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး (OCHA Myanmar) ကထုတ်ပြန်ထား သည်။

Photo- CJ( ကရင်ပြည်နယ်အတွင်းက စစ်ဘေး‌ရှောင်စခန်းတစ်ခု)
စာတည်း။ ။စောဖေ
စာမူတည်းဖြတ်။ ။စောဖေ

#စားနပ်ရိက္ခာမလုံလောက်မှု
#လက်နက်ကိုင်ပဋိပက္ခ
#စစ်အုပ်ချုပ်ရေး
#စစ်ဘေးရှောင်ဒုက္ခသည်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

China says US should 'show sincerity' for military dialogue
=================

https://youtu.be/KgFtrqKkQpY

​​၂၀၁၅ ၊ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်ကို ပြန်၍အကဲဖြတ်ခြင်း
====================

မြန်မာတွင် ၂၀၁၅ ခုနှစ် စစ်အစိုးရနှင့် တိုင်းရင်းသားလက်နက်ကိုင်အဖွဲ့အစည်းတချို့အကြား ငြိမ်းချမ်းရေးလုပ်ငန်းစဉ်သည် တိုင်းရင်းသား ငြိမ်းချမ်းရေးနှင့် ပြုပြင်ပြောင်းလဲရေးဆီ ဦးတည်သည့် လမ်းစတစ်ခု ဆိုသည်ထက် စင်စစ်အားဖြင့် အစိုးရထိန်းချုပ်မှုကို အားကောင်းစေရေးအတွက် ရည်ရွယ်သည့် နည်းလမ်းတစ်ခု ဖြစ်ကြောင်း အစီရင်ခံစာသစ်တစ်ရပ်က ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

May - 30 [ 7 Pm ] The Mizzima Primetime

Mizzima Headline News

#7pmnews
#themizzimaprimetime
#reels
#shorts

​​ပီတ လင်ဂျာရွန်ရတ်ရဲ့ စကားကြောင့် စစ်ကောင်စီ သောကများနေပြီလား 
===================

ထိုင်းနိုင်ငံရွေးကောက်ပွဲမှာ ဆယ်စုနှစ်တစ်ခုအတွင်း ပထမဆုံးအကြိမ်အဖြစ် အတိုက်အခံပါတီအနိုင်ရပြီးနောက် တော်ဝင်မျိုးနွယ်နဲ့ စစ်တပ်အပေါ် ကြီးမားတဲ့ စိန်ခေါ်မှုတွေဖြစ်လာပါတယ်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဟိုင်းကြီးကျွန်းတွင် PDF တပ်ဖွဲ့ဝင် ရေခပ်ဆင်းစဥ် ဖမ်းဆီးခံရပြီးနောက် စခန်းသိမ်းဆည်းခံရ
=========================

မင်းထက်
(မဇ္စျိမ) ။ ။ဧရာဝတီတိုင်း၊ ငပုတောမြို့နယ်၊ ဟိုင်းကြီးကျွန်းတွင် PDF တပ်ဖွဲ့ဝင်တဦးဖမ်းဆီးခံရပြီး လက်နက်ခဲယမ်းအချို့နှင့် ဆေးဝါးများသိမ်းဆည်းခံခဲ့ရကြောင်း ဒေသခံများထံမှ သိရသည်။
ဟိုင်းကြီးကျွန်းမြို့၊ သံပုရာကုန်းကျေးရွာအနောက်ဘက်တောအတွင်း စခန်းချထားသည့် PDF စခန်းမှ တပ်ဖွဲ့ဝင်တဦးကို စစ်ကောင်စီတပ်ဖွဲ့များကဖမ်းဆီးပြီး ၎င်းနေထိုင်ရာစခန်းရှိ လက်နက်ခဲယမ်းအချို့ကို သိမ်းဆည်းခဲ့ခြင်းဖြစ်သည်ဟု ဒေသခံတစ်ဦးကပြောသည်။

ဖြစ်စဥ်မှာ မေလ ၂၆ ရက်နေ့က သံပုရာကုန်းကျေးရွာ အနောက်ဘက်တောအတွင်းစခန်းချထားသည့် PDF အဖွဲ့ဝင်တဦး ရေခပ်ဆင်းစဥ် စစ်ကြောင်းထိုးလာသည့် စစ်ကောင်စီတပ်ဖွဲ့နှင့်တိုးပြီး ဖမ်းဆီးခံခဲ့ရ ခြင်းဖြစ်သည်ဟု ငပုတောမြို့နယ်အတွင်းလှုပ်ရှားနေသည့် PDF အဖွဲ့တဖွဲ့မှ အတည်ပြု ပြောဆိုသည်။

ဖမ်းဆီးခံရသည့် PDF တပ်ဖွဲ့ဝင်ကို စစ်ဆေးမေးမြန်းပြီး ၎င်းနေထိုင်ရာစခန်းရှိ လက်လုပ်သေနတ်များ၊ လက်လုပ်ကျည်များ၊ ဆေးဝါးများနှင့် ခဲယမ်းများကို စစ်ကောင်စီတပ်ဖွဲ့များက သိမ်းဆည်းသွားခြင်းဖြစ် သည်ဟုဆိုသည်။

“တစ်ယောက်အဖမ်းခံရတယ်ဆိုတာ မှန်ပါတယ်။ ရေခပ်ဖို့ထွက်တဲ့လူကိုဖမ်းပြီး စခန်းကို ဝင်သိမ်းတာပါ။ ကျန်တဲ့လူတွေတော့ အကုန်လွတ်သွားတယ်လို့သိရတယ်။ စစ်တပ်ဘက်က သေနတ်နဲ့ပစ်တာတွေ လုပ် သေးတယ်။ ကျွန်တော်တို့ စုံစမ်းလို့သိရသလောက်တော့ ပစ်ခတ်မှုကြောင့် ဒဏ်ရာရတဲ့သူမရှိပါဘူး။ ပြီး တော့ အဲ့ဒီစခန်းဟာ ဘယ်အဖွဲ့ရဲ့စခန်းဆိုတာ ကျွန်တော်တို့လည်း စုံစမ်းနေတုန်းပါ”ဟု ဆိုသည်။

အဆိုပါ PDF အဖွဲ့ဝင်အားဖမ်းဆီးသွားပြီးနောက် ဟိုင်းကြီးရဲစခန်းသို့ခေါ်ဆောင်သွားပြီး ထိုမှတဆင့် ဟိုင်း ကြီးရေတပ်အတွင်း ခေါ်ဆောင်ကာ ရိုက်နှက်စစ်ဆေးမှုများပြုလုပ်နေသည်ဟု သိရသည်။
ဖမ်းဆီးခံထားရသည့် PDF အဖွဲ့ဝင်မှာ မည်သည့်အဖွဲ့အစည်းမှဖြစ်သည်ကို မဇ္စျိမက ဆက်လက်စုံစမ်းနေ ဆဲဖြစ်သည်။

ပြီးခဲ့သည့် ဇန်နဝါရီလ ၁၄ ရက်နေ့ကလည်း ငပုတောမြို့နယ်၊ ငရုတ်ကောင်းမြို့၊ သံပတ်ကွင်းကျေးရွာ အနီးရှိ PDF စခန်းတစ်ခုကို စစ်ကောင်စီတပ်ဖွဲ့ဝင်များက ဝင်ရောက်စီးနင်းပြီး လက်နက်ခဲယမ်းအချို့ကို သိမ်းဆည်းသွားခဲ့သေးသည်။

စာတည်း။ ။စောဖေ
စာမူတည်းဖြတ်။ ။စောဖေ

#ဧရာဝတီတိုင်း
#ဟိုင်းကြီးကျွန်း
#PDFတပ်ဖွဲ့ဝင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Green Tribe - Dog Tails
===========

https://youtu.be/jecu7DRqAE8