နတ်တလင်းမြို့နယ်မှ ပြည်သူ ၃ ဦး ပန်းပန်မှုဖြင့် ဖမ်းဆီးခံရ
====================

ရွှေနွယ်
(မဇ္ဈိမ)။ ။ ပဲခူးတိုင်း အနောက်ခြမ်း၊ သာယာဝတီခရိုင် နတ်တလင်းမြို့နယ်မှ ပြည်သူသုံးဦးသည် ပန်းပန်၍ လူမှုကွန်ရက်တွင်ပုံတင်မိ၍ စစ်ကောင်စီတပ်မှ လာရောက်ဖမ်းဆီးသွားသည်ဟု ဒေသခံများမှ မဇ္ဈိမသို့ပြောသည်။

ဖမ်းဆီးခံရသူများသည် နတ်တလင်းမြို့နယ် တာပွန်မြို့တွင်နေထိုင်သည့် မဝင်းလေး၊ ရွာသာကုန်းရွာမှ ကိုသန့်ဇင်ထက်နှင့် နတ်တလင်းမြို့ပေါ်မှ မခင်ပြည့်ပြည့်အောင်တို့ဖြစ်ပြီး လက်ရှိတွင် နတ်တလင်းမြို့မရဲစခန်း၌ ဖမ်းဆီးထားကြောင်းသိရသည်။

“ မနေ့က ညနေပိုင်းကဖမ်းသွားတာပါ။ လူမှုကွန်ရက်မှာ ပန်းပန်တဲ့ပုံတွေတင်တဲ့အတွက် စစ်လော်ဘီချန်နယ်တွေမှာ ဖမ်းဖို့စာရင်းတက်လာပြီးတဲ့နောက် လာဖမ်းသွားတာပါ ” ဟု နတ်တလင်းမြို့ ဒေသခံတစ်ဦးကပြောသည်။

ဖမ်းဆီးခံရသူများအနက် ကိုသန့်ဇင်ထွန်းသည် ပြီးခဲ့သည့် ၂၀၂၁ ခုနှစ်၊ ဖေဖော်ဝါရီလ စစ်အာဏာသိမ်းစကာလက ပုဒ်မ ၅၀၅−က ဖြင့် တစ်ကြိမ်ဖမ်းဆီးခံခဲ့ရဖူးပြီး ၂၀၂၂ ခုနှစ် နှစ်ကုန်ပိုင်းတွင် ပြန်လည်လွတ်မြောက်လာသူဖြစ်သည်။

၎င်းတို့သုံးဦးအပြင် ပဲခူးတိုင်းအတွင်း၌ ပန်းသပိတ်တွင်ပါဝင်မှုဖြင့် အခြားသော ဖမ်းဆီးခံထားရသူများလည်းရှိနေပြီး အရေအတွက်အတိအကျကို မဇ္ဈိမအနေဖြင့်စုံစမ်းနေဆဲ ဖြစ်သည်။
ဇွန်လ ၁၉ ရက်နေ့တွင် ကျရောက်သည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈ နှစ်မြောက် မွေးနေ့အထိမ်းအမှတ်အနေဖြင့် နိုင်ငံနှင့်အဝှမ်း ပန်းသပိတ်ဆင်နွှဲခဲ့ကြခြင်း ဖြစ်သည်။

ပန်းသပိတ်တွင်ပါဝင်ကာ လူမှုကွန်ရက်တွင် ပုံတင်ထားသူများအား ဖမ်းဆီးရန် စစ်ကောင်စီသတင်းပေး တယ်လီဂရမ်ချန်နယ်များတွင် ပုံများနှင့်တကွတင်ထားသည်များရှိသကဲ့သို့ ရန်ကုန်၊ မန္တလေးမြို့ကြီးများတွင် စစ်ကောင်စီတပ်ဖွဲ့ဝင်များက အစစ်အဆေးတင်းကျပ်ကာ ပန်းပန်ထားသည်များရှိပါက ဖြုတ်ခိုင်းခြင်း ဆဲဆိုခြင်းများ ပြုလုပ်ခဲ့သည်။

စာတည်း ။ ။ Alden
စာမူတည်းဖြတ်။ ။ သန့်ဇော်(သန်လျင်)

#နတ်တလင်းမြို့နယ်
#ပန်းပန်မှု
#ပန်းသပိတ်
#ဖမ်းဆီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကရင်နီပြည်နယ် မယ်စဲ့မြို့တွင် 4 K တပ်ပေါင်းစုအဖြစ်စုပေါင်းပြီး စစ်ကောင်စီတပ်ဖွဲ့ကို တိုက်ခိုက်

ကရင်နီပြည်နယ် မယ်စဲ့မြို့တွင် 4 K တပ်ပေါင်းစုအဖြစ်စုပေါင်းပြီး စစ်ကောင်စီတပ်ဖွဲ့ကို တိုက်ခိုက်
=======================

မဇ္ဈိမ။ ။ကရင်နီပြည်နယ်၊ မယ်စဲ့မြို့တွင် 4 K တပ်ပေါင်းစုအဖြစ်စုပေါင်းပြီး စစ်ကောင်စီတပ်ဖွဲ့ကို တိုက် ခိုက်နေကြောင်း တိုးတက်သောကရင်နီပြည်အင်အားစု(PKPF)က ယနေ့ ဇွန်လ ၂၀ ရက်တွင် သတင်း ထုတ်ပြန်သည်။

4 K တပ်ပေါင်းစုတွင် KNU/KNLA ၊ KNPP/KA ၊ KNDF သုံးဖွဲ့အပြင် ပြည်သူ့စစ်အဖြစ် အသွင်ပြောင်း ခံထားရသည့် ကရင်နီလူမျိုးပေါင်းစုံပြည်သူ့လွတ်မြောက်ရေးတပ်ဦး(ကလလတ-KNPLF)တို့ ပါဝင်သည်။

ယခုကဲ့သို့ တပ်ပေါင်းစုအဖြစ်တိုက်ခိုက်ခြင်းမှာ ကရင်နီပြည်စစ်ရေးအတွက် အပြောင်းအလဲကြီးမားသည် ဟု PKPF က သုံးသပ်သည်။
KNPLF သည် ၁၉၉၃ ခုနှစ်တွင် အပစ်အခတ်ရပ်စဲခဲ့ပြီး ၂၀၀၉ ခုနှစ်တွင် တပ်ရင်းနှစ်ခု နယ်ခြားစောင့်တပ် (BGF) အဖြစ် ဖိအားပေးအသွင်ပြောင်းခံခဲ့ရသည်။

ယခုနှစ် ဇွန်လတွင် BGF အဖြစ် အသွင်ပြောင်းခံထားရသည့် အဆိုပါတပ်ရင်းနှစ်ခုမှာ KNPLF တပ်ဖွဲ့ အဖြစ်ပြန်လည်ရပ်တည်ကာ မိခင်အဖွဲ့အစည်းနှင့်အတူ စစ်ကောင်စီတပ်ဖွဲ့အား တိုက်ခိုက်နေခြင်းဖြစ် သည်။

မယ်စဲ့မြို့နယ်၊ ပန်တိမ်းအခြေစိုက် BGF တပ်ရင်းအမှတ်(၁၀၀၄)သည် မူလအတိုင်း KNPLF (4878) တပ်ရင်းအဖြစ်လည်းကောင်း၊ ရွာသစ်မြို့အခြေစိုက် BGF တပ်ရင်းအမှတ် (၁၀၀၅) သည် မူလအတိုင်း KNPLF (7894)တပ်ရင်းအဖြစ်လည်းကောင်း ပြန်လည်ရပ်တည်ပြီး အလံ၊ ယူနီဖောင်း ၊ ဘက်တံဆိပ်များ ကိုလည်း ပြောင်းလဲတပ်ဆင်ခဲ့ကြသည်ဟု PKPF က ဆိုသည်။

ဇွန် ၁၄ ရက်မှစ၍ ကလလတ(KNPLF) သည် ဌာနချုပ်အခြေစိုက်ရာ ဟိုစဲမြို့သစ် ဝန်းကျင်ရှိ စစ်ကောင်စီ ၏ မယ်စဲ့မြို့မ ရဲစခန်း၊ ဗျူဟာကုန်းနှင့် ထိုင်းမြန်မာနယ်ခြားအမှတ် BP (14) တပ်စခန်း၊ BP (15) မယ် တနွယ်စခန်း၊ BP (16) တောင်လှစခန်းတို့ကို တိုက်ခိုက်သိမ်းယူခဲ့ပြီး နယ်ခြားစောင့်တပ် အမှတ် (၁၀၀၄) နှင့် (၁၀၀၅) တပ်ရင်းဌာနချုပ်စခန်း နှစ်ခုကိုလည်း တပါတည်း စီးနင်းထိန်းချုပ်ထားခဲ့သည်ဟု PKPF ၏ ထုတ်ပြန်ချက်တွင် ဖော်ပြထားသည်။

စစ်ကောင်စီဘက်မှ ဟိုစဲ့မြို့သစ်ရှိ ကလလတ(KNPLF)၏ ဌာနချုပ်၊ ဖားဆောင်းမြို့၏ သံလွင်မြစ်တဖက် ကမ်းမှ KNPLF စခန်းများ၊ ဂိတ်များကိုလေယာဉ်ဖြင့် ဗုံးကြဲခြင်း၊ လက်နက်ကြီးဖြင့်ပစ်ခြင်းတို့ကို အပြင်း အထန် ပြုလုပ်ခဲ့သည်။

ရက်သတ္တပတ်ခန့် တိုက်ပွဲများပြင်းထန်ခဲ့ပြီး လက်နက်ကြီး၊ လေယာဉ်တို့ကို အင်အားအလွန်အကျွံသုံး ကာ BGF (၁၀၀၄) စခန်းကို စစ်ကောင်စီဘက်က ပြန်လည်တိုက်ခိုက်သိမ်းယူခဲ့သည် ဟု PKPF က ဆို သည်။

လတ်တလောအခြေအနေများအရ မယ်စဲ့မြို့နယ်တခုလုံးတွင် စစ်ကောင်စီတပ်များသည် BGF (၁၀၀၄) နှင့် BP(13) စခန်းနှစ်ခုတွင်သာ တပ်စွဲနိုင်တော့ကြောင်း၊ ဒီးမော့ဆိုအရှေ့ခြမ်းသို့ ထိုးစစ်ဆင်ရန် ရောက်ရှိ နေသောတပ်များ၊ ဖရူဆို-ဘောလခဲနှင့် ဖားဆောင်းအခြေစိုက်တပ်များကို ဖားဆောင်းတွင် အင်အားစုဖွဲ့ ပြီး မယ်စဲ့မြို့နယ်ကို ထိုးစစ်ဆင်ရန် ပြင်ဆင်နေသည်ဟု PKPF က ထုတ်ပြန်သည်။

တိုင်းရင်းသားလက်နက်ကိုင် အဖွဲ့အစည်းများကို ဖိအားပေးကာ နယ်ခြားစောင့်တပ်အဖြစ် အသွင်ပြောင်း ထားရာမှ စစ်ကောင်စီတပ်ဖွဲ့ကို စတင်တိုက်ခိုက်သည့် တပ်များမှာ ကရင်နီရှိ BGF (၁၀၀၄) ၊ (၁၀၀၅) တို့သည် ပထမဆုံးတပ်ရင်းများဖြစ်သည်ဟု PKPF က ဆိုသည်။

အများပြည်သူနှင့် လက်နက်ကိုင်အဖွဲ့အစည်းများ၏ ဝန်းရံမှုအားကောင်းပါက KNPLF (ကလလတ) ဌာန ချုပ်အခြေစိုက်ရာ မယ်စဲ့မြို့နယ်သည် စစ်ကောင်စီတပ်ဖွဲ့များ ထိန်းချုပ်မှုလက်လွှတ်လိုက်ရသည့် မြို့နယ် တခုဖြစ်လာရန် အလားအလာရှိသည်ဟု PKPF က သုံးသပ်သည်။

စစ်ကောင်စီဘက်ကလည်း မယ်စဲ့မြို့နယ်လုံးကျွတ် လက်လွှတ်ရမှု၊ BGF တပ်ရင်းနှစ်ခု ပြန်လည်တွန်း လှန်တိုက်ခိုက်မှုတို့မှာ အရှိုက်ထိသည့် ထိုးနှက်ချက်ဖြစ်၍ အပြင်းအထန် တန်ပြန်ထိုးစစ်ဆင်မည်ဟု ယူဆရကြောင်း၊ တပ်မအသစ်များ၊ အတွဲလိုက်ဒုံးများ၊ ဟောက်ဝှစ်ဇာအမြောက်ကြီးများ၊ ရဟတ်ယာဉ်၊ လေယာဉ်တို့ဖြင့် အင်အားဖြည့်ပြီး ကြီးမားစွာတိုက်ခိုက်ရန် ပြင်ဆင်နေကြောင်း PKPF သတင်းနှင့်ပြန် ကြားရေးဗျူရိုက ထုတ်ပြန်သည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ကရင်နီပြည်နယ်
#PKPF
#စစ်ကောင်စီတပ်
#တိုက်ခိုက်မှု
ပုံစာ- ၂၀၂၁ ခုနှစ်က ကရင်နီပြည် မိုင်းလုံးရပ်ကွက် သပိတ်စစ်ကြောင်းကို စစ်ကောင်စီဖြိုခွင်းရန် ကြိုးစားစဉ် KNPLF က ဆန္ဒပြသူများကို ကာကွယ်ပေးနေစဉ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဆူဒန်အပစ်အခတ်ရပ်စဲရေး ဒုတိယမြောက်နေ့၌ ဂျီနီဗာမှာ နိုင်ငံတကာအလှူရှင်များ ညီလာခံကျင်းပဖို့ရှိနေ

https://www.facebook.com/reel/2034997383506791

#internationalnews #reels #shorts #Mizzima

ကရင်နီပြည် ကိုယ်ပိုင်ပြဋ္ဌာန်းခွင့်အတွက် ညီညွတ်စွာဖြင့် စစ်အာဏာရှင်ကိုတိုက်ထုတ်ကြရန် KNPP တိုက်တွန်း

ကရင်နီပြည် ကိုယ်ပိုင်ပြဋ္ဌာန်းခွင့်အတွက် ညီညွတ်စွာဖြင့် စစ်အာဏာရှင်ကိုတိုက်ထုတ်ကြရန် KNPP တိုက်တွန်း
==================

မဇ္ဈိမ။ ။ကရင်နီအမျိုးသားများအားလုံးနှင့် ပြည်သူလူထုတစ်ရပ်လုံး စစ်အာဏာရှင် စနစ်ချုပ်ငြိမ်းပြီး စစ်မှန်သည့် ဖက်ဒရယ်ဒီမိုကရေစီပြည်ထောင်စုအတွင်းတွင် ကိုယ်ပိုင်ပြဋ္ဌာန်းခွင့် အပြည့်အဝရှိသော ကရင်နီပြည်ဖြစ်ပေါ်လာရေးအတွက် ညီညွတ်စွာဖြင့် စစ်အာဏာရှင်ကိုတိုက်ထုတ်ကြရန် ကရင်နီအမျိုး သားများတိုးတက်ရေးပါတီ (KNPP) က တိုက်တွန်းလိုက်သည်။

ဇွန်လ ၂၁ ရက်နေ့တွင် ကျရောက်မည့် (၁၄၈) နှစ်မြောက် ကရင်နီအမျိုးသားနေ့အခမ်းအနားသို့ ပေး ပို့သော သဝဏ်လွှာတွင် KNPP က ထိုသို့ တိုက်တွန်းထားခြင်း ဖြစ်သည်။

ကရင်နီပြည်နယ်အတွင်းရှိ အင်အားစုများအားလုံး တော်လှန်ရေးတွင်ပါဝင်ကာ ပိုမိုစည်းလုံးညီညွတ်ပြီး ကျစ်လစ်ခိုင်မာစေရန် တည်ဆောက်နိုင်ရေးသည် အရေးတကြီးလိုအပ်နေကြောင်းလည်း ဆိုသည်။

အင်အားစုများအားလုံး စည်းလုံးညီညွတ်မှသာ တော်လှန်ရေးကာလမှ ဖက်ဒရယ်ဒီမိုကရေစီ ပြည်ထောင် စုတည်ဆောက်ရေးကာလအထိ ကိုယ်ပိုင်ပြဋ္ဌာန်းခွင့်ဖြစ်သော ဥပဒေပြုရေး၊ အုပ်ချုပ်ရေးနှင့် တရားစီရင် ရေးအပိုင်းတွင် ခိုင်ခိုင်မာမာချမှတ် ကျင့်သုံးသွားနိုင်မည်ဖြစ်ကြောင်း KNPP က ပြောသည်။

“မှန်ကန်သည့် ဆုံးဖြတ်ချက်၊ ဘုံရပ်တည်ချက်များနှင့်အတူ အကြမ်းဖက် စစ်အာဏာရှင် ချုပ်ငြိမ်းရေး အတွက် အမြန်ဆုံးဆောက်ရွက်ကြရန် လိုအပ်နေပြီ” ဟု KNPP က ပြောထားသည်။
အာဏာရှင်ဟူသမျှချုပ်ငြိမ်းပြီး ဖက်ဒရယ်ဒီမိုကရေစီပြည်ထောင်စုကို အမြန်ဆုံး တည်ဆောက်နိုင်ရေး အတွက် အခြားနိုင်ငံရေးအင်အားစုများ၊ နိုင်ငံရေးပါတီများနှင့် ညှိနှိုင်းဆောင်ရွက်နေသကဲ့သို့ NUCC ၊ NUG တို့နှင့်လည်း ပူးပေါင်းဆောင်ရွက်နေကြောင်း KNPP က ပြောသည်။

ထို့ပြင် စုပေါင်းခေါင်းဆောင်မှုများဖြင့် ကြားကာလအစိုးရတရပ်၏အုပ်ချုပ်ရေးကို ဖော်ဆောင်ရန် ကရင်နီ ပြည် ကြားကာလအုပ်ချုပ်ရေးကောင်စီ (IEC) ကို ဇွန်လ ၁၂ ရက်နေ့တွင် ဖွဲ့စည်းခဲ့သေးသည်။

ကရင်နီပြည်နယ်တွင် ကရင်နီတပ်မတော် (KA) မှ စစ်ရေးအရ ဦးဆောင်ပြီး အာဏာသိမ်းပြီးနောက်ပိုင်း ပေါ်ပေါက်လာသည့် ဒေသကာကွယ်ရေးတပ်များ၊ ကရင်နီအမျိုးသားများ ကာကွယ်ရေးတပ် (KNDF) နှင့် အာဏာသိမ်း စစ်ကောင်စီတပ်တို့အကြား တိုက်ပွဲများ ဖြစ်ပွားနေသည်။

အာဏာသိမ်း စစ်ကောင်စီသည် ကရင်နီပြည်နယ်အပါအဝင် စစ်မက်ဖြစ်ပွားနေသော အခြားပြည်နယ် များ၊ မကွေးနှင့် စစ်ကိုင်းတိုင်းဒေသများတွင် သာလွန်အင်အားဖြစ်သော လက်နက်ကြီးများ၊ အတွဲလိုက် ပစ်ဒုံးကျည်များအပြင် လေကြောင်း အသုံးပြုပြီး တိုက်ခိုက်မှုများ ပြုလုပ်နေသည်။

စာတည်း ။ ။ နောင်နောင်
စာမူတည်းဖြတ်။ ။စောဖေ

#ကရင်နီပြည်နယ်
#ကြားကာလကောင်စီ
#တိုက်ပွဲ
#ကရင်နီအမျိုးသားနေ့
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာအကျပ်အတည်းအခြေအနေ ပိုမိုဆိုးဝါးလာဟု ကမ္ဘောဒီးယားဝန်ကြီးချုပ် ပြော

မြန်မာအကျပ်အတည်းအခြေအနေ ပိုမိုဆိုးဝါးလာဟု ကမ္ဘောဒီးယားဝန်ကြီးချုပ် ပြော
=======================

ယခုအချိန်တွင် မြန်မာ၏ အခြေအနေက ပြေလည်အောင် မဖြေရှင်းနိုင်သည့်အပြင် ပိုမို ဆိုးဝါးလာသည့်ပုံပေါ်နေကြောင်း ဟွန်ဆန်က မှတ်ချက်ပြုသည်။ အရေးအကြီးဆုံးသော အချက်က မြန်မာနိုင်ငံ လုံးလုံးလျားလျား ပြည်တွင်းစစ်တစ်ခုထဲ သက်ဆင်းမသွားစေရေး ကာကွယ်ရန် ဖြစ်ကြောင်း ၎င်းက ပြောသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မိုးဗြဲတွင် စစ်ကောင်စီတပ်မှ ပစ်ခတ်သည့် လက်နက်ကြီး စစ်ကောင်စီတပ်သားများအား ပြန်လည်ထိမှန်
===================

ဂျူချန်း(မဇ္ဈိမ)။ ။ ရှမ်းပြည်နယ်တောင်ပိုင်း၊ မိုးဗြဲမြို့ပေါ်ရပ်ကွက်များရှိ အရပ်သားနေအိမ်များတွင် တပ်စွဲထားသည့် စစ်ကောင်စီတပ်သားများအား စစ်ကောင်စီအမြောက်တပ်မှ ပစ်ခတ်သည့် လက်နက်ကြီး ပြန်လည်ထိမှန်ခဲ့သဖြင့် ဒဏ်ရာရရှိခဲ့ကြကြောင်း KNDF-UAV မှ ထုတ်ပြန်ထားသည်။

KNDF-UAV မှ ထုတ်ပြန်ထားသည့် ဗီဒီယိုဖိုင်ထဲတွင် မိုးဗြဲမြို့ပေါ်၌ စစ်ကောင်စီတပ်သားများ တပ်စွဲထားသည့် အရပ်သားနေအိမ်တစ်အိမ်အား လက်နက်ကြီး ထိမှန်ခဲ့ရာ ဒဏ်ရာရရှိသည့် စစ်သားများအား ကယ်ထုတ်နေသည်ကို တွေ့ရသည်။

ဇွန်လ ၁၆ ရက်နေ့ နံနက်ပိုင်းတွင် မိုးဗြဲမြို့၊ ဒုန်းဒူထန် ရပ်ကွက်၌တပ်စွဲထားသည့် စစ်ကောင်စီတပ်နှင့် ကာကွယ်ရေး ပူးပေါင်းတပ်များကြား တိုက်ပွဲဖြစ်ပွားခဲ့ပြီး စစ်ကောင်စီ၏ မိုးဗြဲမြို့အခြေစိုက် ခမရ(၄၂၂) တပ်ရင်းနှင့် လွိုင်ကော်အမြောက်တပ်တို့က လက်နက်ကြီးပစ်ကူများပစ်ခတ်ခဲ့ရာ ယင်းကဲ့သို့ အချင်းချင်း ပြန်လည်ပစ်ခတ်မိခဲ့ခြင်းဖြစ်ကြောင်းသိရသည်။

“အဲ့လို မှားပြီးပစ်ခဲ့တာမျိုးတွေ ကြုံတွေ့ရတယ်။ မိုးဗြဲမှာတင် နှစ်ကြိမ်လောက်ရှိပြီ ကျနော်တို့ တွေ့ရတာ။ မိုးဗြဲက တခြားတိုက်ပွဲတွေမှာလည်း အဲ့လိုဖြစ်စဉ်မျိုးတွေ ခဏခဏ ကြားရတယ်။ ပေ၂၀၊ ၃၀ ဝန်းကျင်လေးမှာပဲတိုက်ပွဲဖြစ်နေတော့ ကိုယ့်ဆီမရောက်ဘဲ သူတို့ဆီပဲ ပြန်ကျသွားတာမျိုးတွေပေါ့” ဟု မိုးဗြဲ PDF ပြန်ကြားရေးတာဝန်ခံ ကိုနေကြောင်း ကပြောသည်။

ယခင် ၂၀၂၂ ခုနှစ် ဩဂုတ်လအတွင်း မိုးဗြဲမြို့ စက်တော်ရာကုန်းပေါ်တွင် တပ်စွဲထားသည့် စစ်ကောင်စီတပ်များအား ကာကွယ်ရေးတပ်ဖွဲ့များ သွားရောက်တိုက်ခိုက်ခဲ့စဉ်တွင်လည်း စစ်ကောင်စီ၏ လွိုင်ကော်အမြောက်တပ်မှ ပစ်ခတ်ခဲ့သည့် ၁၂၀မမ အမျိုးအစား လက်နက်ကြီးသည် စစ်ကောင်စီတပ်သားများ တပ်စွဲထားသည့် စက်တော်ရာကုန်းကို ထိမှန်ခဲ့သည်ကို မြင်တွေ့ခဲ့ရပြီး အလားတူဖြစ်စဉ်မျိုး မကြာခဏ ဖြစ်လေ့ရှိကြောင်း ကိုနေကောင်းက ဆက်ပြောသည်။

ဇွန်လ ၁၆ ရက်နေ့ တွင် မိုးဗြဲမြို့ပေါ်၌ ဖြစ်ပွားခဲ့သည့် တိုက်ပွဲအတွင်း စစ်ကောင်စီတပ်သား ၁၀ ဦးထက်မနည်း သေဆုံးကာ မိုးဗြဲ PDF ပူးပေါင်းအဖွဲ့မှ သုံးဦး ထိခိုက်ဒဏ်ရာရရှိခဲ့ပြီး စစ်ကောင်စီ၏ လက်နက်ကြီး ပစ်ခတ်မှုကြောင့် ဘာသာရေးအဆောက်အဦနှင့် လူနေအိမ်အများအပြားထိခိုက်ပျက်စီးခဲ့ရကြောင်း မိုးဗြဲ PDF၊ ရွှေလင်းယုန်တပ်ခွဲက ထုတ်ပြန်ထားသည်။

လက်ရှိတွင် တိုက်ပွဲဆက်လက် ဖြစ်ပွားခြင်း မရှိသော်လည်း မိုးဗြဲမြို့ စည်ကားရပ်ကွက် အမှတ်(၁)၊ (၂)၊ (၃)၊ ပွဲကုန်းရပ်ကွက် အမှတ်(၁)၊ (၂)၊ (၃)၊ ဈေးကုန်း၊ ပေါ်ဦးရပ်ကွက်၊ ဒုန်းဒူထန်ရပ်ကွက်နှင့် စက်တော်ရာကုန်း စသည့် နေရာများတွင် စစ်ကောင်စီတပ်သားများ ဝင်ရောက်တပ်စွဲထားဆဲဖြစ်ကြောင်း ဒေသခံနှင့် ကာကွယ်ရေးတပ်များမှ သိရသည်။

https://youtu.be/ylN_rAFIE4Q

စာတည်း- သန့်ဇော်(သန်လျင်)

#mizzima
#မိုးဗြဲမြို့
#လက်နက်ကြီး
#ကာကွယ်ရေးတပ်
#PDF

video- KNDF-UAV

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

June - 20 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

ကနီတွင် ကင်းလှည့်နေသည့်ရဲတပ်ဖွဲ့ဝင်များ တိုက်ခိုက်ခံရပြီး ၃ ဦးသေဆုံး
===================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ ကနီမြို့၊ အမှတ်(၃)ရပ်ကွက် ကြို့ပင်သာဘုရားအနီးတွင် ကင်းလှည့်နေသည့် ရဲတပ်ဖွဲ့ဝင် ၁၇ ဦးကို ဒေသကာကွယ်ရေးတပ်ဖွဲ့က ဇွန်လ ၁၉ ရက် နံနက် ၇ နာရီတွင် တိုက်ခိုက်ခဲ့ရာ ရဲတပ်သား သုံးဦးသေဆုံးသွားသည်ဟု Dictatorship People’s Revolution Army (DRPA)တပ်ဖွဲ့ထံမှ သိရပါသည်။

“ကျနော်တို့ဘက်က အင်အား ၅၀ လောက်နဲ့ စောင့်ကြိုပြီးတိုက်ခဲ့တာ ဖြစ်ပါတယ်။ နှစ်ဖက် အပြန်အလှန် ပစ်ခတ်မှု တစ်နာရီခန့်အတွင်း ရဲတပ်သား သုံးဦးသေဆုံးတယ်၊ ထိခိုက်ဒဏ်ရာရသူတွေများမယ်” ဟု DRPA သတင်းနှင့်ပြန်ကြားရေးတာဝန်ရှိသူက ပြောသည်။

တိုက်ခိုက်မှုအတွင်း ထိခိုက်ဒဏ်ရာရခဲ့သည့် စစ်ကောင်စီလက်အောက်ခံရဲတပ်ဖွဲ့ဝင်များသည် ကနီဆေးရုံ တွင် ဆေးကုသမှုခံယူနေကြောင်း သိရသည်။

အဆိုပါ တိုက်ခိုက်မှုအတွင်း ရဲတပ်ဖွဲ့ဝင်များထံမှ G3 မောင်းပြန်သေနတ် တစ်လက် ၊ G3 ကျည်အတောင့် ၉၀၊ ကျည်ဘောက်သုံးခု၊ ဖုန်းတလုံး၊ ကျည်ကာနှစ်ခု၊ စာရွက်စာတန်းများနှင့် ငွေကျပ် ၂၀၀,၀၀၀ သိမ်း ဆည်းရမိခဲ့ကြောင်း သိရသည်။

ယင်းတိုက်ခိုက်မှုကို ယင်းမာပင်ခရိုင် တပ်ရင်း အမှတ်(၃၀) (DRPA) တပ်ဖွဲ့က တိုက်ခိုက်ခဲ့ခြင်းဖြစ်ပြီး ကာကွယ်ရေးရဲဘော်များဘက်မှ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။
တိုက်ခိုက်မှု ဖြစ်ပွားနေစဉ်အတွင်း ကနီမြို့အတွင်းရှိ စစ်ကောင်စီတပ်ဖွဲ့၏ လက်နက်ကြီးပစ်ခတ်မှုများ ကြောင့် ဒေသခံတဦး ကျည်ထိမှန်သေဆုံးခဲ့ရကြောင်း DRPA တပ်ဖွဲ့ထံမှ သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#စစ်ကိုင်းတိုင်း
#ကနီမြို့
#စစ်ကောင်စီတပ်
#တိုက်ခိုက်မှု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဘလင်ကင်ရဲ့ခရီးစဉ်အပေါ် အမေရိကန်နဲ့တရုတ်တို့က ပိုမိုတည်ငြိမ်တဲ့ ဆက်ဆံရေးလမ်းကြောင်းကို မျှော်လင့်ထား

https://www.facebook.com/reel/1502724617220564

#internationalnews #reels #shorts #Mizzima

အနောက်တိုင်းက မယုံကြည်မှုတွေ ကြီးထွားလာချိန်မှာ ဂျာမနီကို တရုတ်ဝန်ကြီးချုပ်အလည်အပတ် ရောက်ရှိ
==================

https://youtu.be/LUDWNxzIbq0

Xi says China, US 'made progress' in Blinken visit
==================

https://youtu.be/2FCXiwEPwYE

ဇွန်လ (၂၀)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
====================

01:00 − မြန်မာစစ်အစိုးရနဲ့အလွတ်သဘောတွေ့ဆုံခဲ့တဲ့ ထိုင်းဒုတိယဝန်ကြီးချုပ်ကို လူ့အခွင့်အရေးဆိုင်ရာ အာဆီယံပါလီမန်အမတ်များအဖွဲ့ (APHR)က ရှုတ်ချလိုက်တဲ့သတင်း

05:15− ပဋိပက္ခတွေကြောင့် အာရှ၊ ပစိဖိတ်ဒေသတွင်း မြန်မာနိုင်ငံတွင် ဒုက္ခသည်အများဆုံးရှိနေကြောင်း UNHCR ပြောတဲ့သတင်း

08:28 − မြန်မာ့အရေးပြဿနာတွေဖြေရှင်းရာမှာ ‌ဒေါ်အောင်ဆန်းစုကြည်က အရေးပါဆုံးပုဂ္ဂိုလ်ဖြစ်တယ်လို့ NLD ကထုတ်ပြန်တဲ့သတင်းနဲ့

10:22 − ဖားဆောင်းမြို့နယ်မှာ စစ်ကောင်စီတပ်ဖွဲ့ နဲ့ ကာကွယ်ရေးတပ်ဖွဲ့တို့ ထိတွေ့တိုက်ပွဲဖြစ်ပွါးနေတဲ့သတင်းအပါအဝင် နောက်ဆုံးရ ပြည်တွင်းသတင်းတွေနဲ့ နိုင်ငံတကာသတင်းတွေကိုတင်ဆက်ပေးသွားမှာပါရှင်။

https://youtu.be/_YXODamwcAo

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဘရပ်ဆဲလ်နဲ့အာဖရိကဆက်ဆံရေးကိုမြှင့်တင်ဖို့ အီးယူနဲ့ကင်ညာတို့ကြား ကုန်သွယ်ရေး သဘောတူညီချက်ရယူနိုင်ခဲ့

https://www.facebook.com/reel/831623988423143

#Mizzima #internationalnews
#reels #shorts

ရွေးကောက်ပွဲရလဒ် အတည်ပြု၍ ထိုင်းလွှတ်တော် မကြာခင် စတင်မည်

ရွေးကောက်ပွဲရလဒ် အတည်ပြု၍ ထိုင်းလွှတ်တော် မကြာခင် စတင်မည်
======================

ထိုင်းနိုင်ငံ ရွေးကောက်ပွဲကော်မရှင်က ပြီးခဲ့သည့်လ ရွေးကောက်ပွဲ ရလဒ်ကို အတည်ပြုလိုက်ပြီးဖြစ်ရာ အစိုးရသစ် မဖွဲ့မီ လာမည့် သီတင်းပတ်အနည်းငယ်၌ လွှတ်တော်၏ ပထမအစည်းအဝေးများကို ဆင့်ခေါ်ဖြစ်တော့မည် ဖြစ်သည်။

အောက်လွှတ်တော် အမတ် ၅၀၀ စလုံး၌ အနိုင်ရသူများကို အတည်ပြုကြောင်း ရွေးကောက်ပွဲကော်မရှင်က တနင်္လာနေ့တွင် ကြေညာလာခြင်း ဖြစ်ပြီး အောက်လွှတ်တော်အနေနဖြင့် ၁၅ ရက်အတွင်း ဥက္ကဋ္ဌဖြစ်သူကို ရွေးကောက်တင်မြှောက်ရမည်ဖြစ်ကာ ဥက္ကဋ္ဌက ဝန်ကြီးချုပ်အား မဲပေးရွေးချယ်ရေးအတွက် လွှတ်တော်နှစ်ရပ် ပူးတွဲအစည်းအဝေးကို ဆင့်ခေါ်ရမည် ဖြစ်သည်။

မေ ၁၄ ရက် ရွေးကောက်ပွဲတွင် တိုးတက်ရေးဝါဒီ Move Forward ပါတီက အံ့အားသင့်ဖွယ် အနိုင်ရပြီး ယင်းနောက်တွင် လူကြိုက်များသော ဖျူထိုင်းပါတီက ကပ်လျက် ဒုတိယနေရာ အနိုင်ရခြင်း ဖြစ်သည်။ ယခု ရွေးကောက်ပွဲရလဒ်က စစ်တပ် ဦးဆောင်သော သို့မဟုတ် ကျောထောက်နောက်ခံပြုသော အစိုးရ၏ ကိုးနှစ်တာ အုပ်ချုပ်မှုနောက် သစ္စာခံစစ်တပ်နှင့် မိတ်ဖက်မဟာမိတ်များကို အတိုက်အခံများက အနိုင်ရလိုက်ခြင်းလည်း ဖြစ်သည်။

အတိုက်အခံများက ရှစ်ပါတီပါဝင်သော ညွန့်ပေါင်းအဖွဲ့ကို ဖွဲ့စည်းထားပြီး ယင်း ညွန့်ပေါင်းအဖွဲ့က Move Forward ပါတီ၏ ဟားဗတ်တက္ကသိုလ်ဘွဲ့ရ ခေါင်‌း​ေ ဆာင် ပီတာ လင်ဂျာရွန်ရတ်ကို ဝန်ကြီးချုပ်အဖြစ် မဲပေးကြနိုင်ပြီး လာမည့် လ၌ ညွန့်ပေါင်းအစိုးရတစ်ရပ်ကို ဖွဲ့စည်းဖြစ်ဖို့ များသည်။

ယခု ရွေးကောက်ပွဲရလဒ်ကို အတည်ပြုလိုက်ခြင်းက ထိုင်းနိုင်ငံအတွင်း ရွေးကောက်ပွဲနောက်ပိုင်း မရေရာမှုအချို့ကို ရှင်းလင်းပေးလိုက်လင့်ကစား အထက်နှင့် အောက်လွှတ်တော်နှစ်ရပ်ပေါင်းမှ မဲ ၃၇၆ မဲ ထောက်ခံရန် လိုအပ်သော ဝန်ကြီးချုပ်နေရာအတွက် ပီတာက လုံလောက်သော ထောက်ခံမှု ရနိုင်မရနိုင်က မရေရာသေးဘဲ ရှိနေဆဲ ဖြစ်သည်။

မဟာမိတ် ညွန့်ပေါင်းအနေဖြင့် အမတ်နေရာ ၃၁၂ မဲ နေရာ ထိန်းချုပ်ထားရာ ပြိုင်ဖက်ပါတီများ သို့မဟုတ် ၂၀၁၄ အာဏာသိမ်းမှုနောက် စစ်တပ်အုပ်ချုပ်ရေးအောက် ခန့်အပ်သော ဆီးနိတ်လွှတ်တော်အမတ် ၂၅၀ မှ အချို့၏ ထောက်ခံမှု ရရှိရန် လိုအပ်လိမ့်မည် ဖြစ်သည်။

လွှတ်တော်ဥက္ကဋ္ဌနှင့် ဒုတိယဥက္ကဋ္ဌတို့ ခန့်အပ်ရေးအတွက် သဘောတူညီမှု ရရှိရန် ကြာသပတေးနေ့တွင် တွေ့ဆုံကြမည် ဖြစ်ကြောင်း Move Forward ပါတီ၏ မဟာမိတ်ညွန့်ပေါင်းအဖွဲ့က ပြောထားသည်။