​​ရေးတွင် စစ်မှုထမ်း‌ဟောင်း ၁ဦး ပစ်ခတ်ခံရပြီး သေဆုံး
================

ဂျူချန်း
(မဇ္ဈ်ိမ)။ ။ ရေးမြို့နယ်၊ ကျောက်မိချောင်းကျေးရွာမှ၌ စစ်ကောင်စီသတင်းပေးဆိုသူစစ်မှုထမ်း‌ဟောင်းဦးရဲဝင်းနိုင်အား ယနေ့ ဇွန်လ ၂၀ ရက်နေ့ နံနက် ၉နာရီခန့်တွင် သေနတ်ဖြင့် ပစ်ခတ်ခဲ့ရာ သေဆုံးသွားကြောင် ရေးဘီလူးအဖွဲ့ထံမှ သိရသည်။

ဦးရဲဝင်းနိုင်ကို ကျောက်မိချောင်းကျေးရွာရှိ ၎င်း၏ နေအိမ်တွင် ၉မမ သေနတ်ဖြင့် ၁၅ချက်အထိ ပစ်ခတ်ခဲ့ခြင်းဖြစ်ကြောင်း ရေးဘီလူးအဖွဲ့ခေါင်းဆောင်ကပြောသည်။ဦးရဲဝင်းနိုင်သည် စစ်ကောင်စီသတင်းပေးဖြစ်ကြောင်း ဒေသခံများ၏ တိုင်ကြားချက်အား လက်ခံရရှိခဲ့ပြီး အချိန်ယူ စုံစမ်းအတည်ပြုပြီးမှ ပစ်ခတ်ရှင်းလင်းခြင်းဟု ၎င်းက ဆိုသည်။

“သူက စစ်မှုထမ်းဟောင်းတစ်ယောက်လည်းဖြစ်တယ်။ ပြီးတော့ သူက ဒီဇာတိမဟုတ်ဘူး။ စခ(စစ်ကောင်စီတပ်) နဲ့ပေါင်းပြီး သတင်းပေးတယ်။ ရွာသားတွေတိုင်ကြားချက်အရ ကျနော်တို့ သေချာ ခုနစ်လ၊ ရှစ်လ လောက်အချိန်ယူပြီးတော့ စုံစမ်းပြီးမှ၊ သေချာမှ ကျနော်တို့ ရှင်းလိုက်တာဖြစ်ပါတယ်" ဟု ရေးဘီလူးအဖွဲ့ခေါင်းဆောင်က မဇ္ဈိမ ကိုပြောသည်။

ရေးဘီလူးအဖွဲ့သည် မွန်ပြည်နယ်တောင်ပိုင်း ရေးမြို့နယ်တွင် အခြေစိုက်ပြီး စစ်ကောင်စီတပ်နှင့် စစ်ကောင်စီဒေါက်တိုင်များအား မကြာခဏ တိုက်ခိုက်နေသည့် ပြည်သူ့ကာကွယ်ရေးတပ်ဖွဲ့ဖြစ်သည်။

ပြီးခဲ့သည့် ၂၀၂၂ ခုနှစ် ဇူလိုင် ၂၂ ရက်ကလည်း ကျောက်မိချောင်းကျေးရွာအုပ်ချုပ်ရေးမှုးဖြစ်သူ ဦးဝင်းမြင့်သည် ရေးဘီလူးအဖွဲ့၏ ပစ်ခတ်ခံရပြီး သေဆုံးခဲ့သည်။ ထို့အပြင် ခေါဇာမြို့မစခန်းမှုးကို ၂၀၂၂ ခုနှစ် စက်တင်ဘာလ ၃၀ ရက်နှင့်ရေးမြို့မစခန်းမှုးကို ၂၀၂၂ ခုနှစ် နိုဝင်ဘာလ ၂၃ ရက်တွင် ရေးဘီလူးအဖွဲ့က သေနတ်ဖြင့် ပစ်ခတ်ခဲ့ရာ သေဆုံးခဲ့သည်ဟု သိရသည်။

ရေးဘီလူးအဖွဲ့ကို ၂၀၂၂ ခုနှစ် ဇန်နဝါရီလတွင်ဖွဲ့စည်းခဲ့ပြီး စစ်အာဏာရှင်ပြုတ်ကျသည်အထိ တိုက်ပွဲဝင်သွားမည်ဟု ရေးဘီလူးအဖွဲ့ခေါင်းဆောင်က ပြောထားသည်။

စာတည်း - မောင်ကြီး

#mizzima
#ရေးမြို့နယ်
#ကျောက်မိချောင်းကျေးရွာ
#စစ်မှုထမ်း‌ဟောင်း
#ရေးဘီလူး
ဓာတ်ပုံ - ဦးရဲဝင်းနိုင်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇွန်လ (၂၀)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
====================

01:00 - ကရင်နီပြည် ကိုယ်ပိုင်ပြဌာန်းခွင့်အတွက် ညီညီညွတ်ညွတ်နဲ့ စစ်အာဏာရှင်ကို တိုက်ထုတ်ကြဖို့ KNPP တိုက်တွန်းလိုက်တဲ့ သတင်း

02:47 - မတရားဖမ်းဆီးခံထားရသူတွေ ပြန်လည်လွတ်မြောက်ရေးအတွက် မိတ်ဆွေနိုင်ငံတွေနဲ့ ထိရောက်စွာ ပူးပေါင်းဆောင်ရွက်သွားမယ်လို့ NLD ထုတ်ပြန်တဲ့သတင်း

05:26 - နတ်တလင်းမြို့နယ်မှ ပြည်သူ ၃ ဦး ပန်းပန်မှုဖြင့် ဖမ်းဆီးခံရတဲ့သတင်းနဲ့

10:14 - အနောက်ဖက်ကမ်းမှာ အစ္စရေးရဟတ်ယာဉ်တွေ စီးနင်းတိုက်ခိုက်မှုကြောင့် ပါလက်စတိုင်းသုံးဦးသေဆုံးတဲ့သတင်း အပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/ajRUX2iZIbk

#4pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

စစ်တပ်လက်အောက်ခံ မြန်မာဘဏ် ၂ ခုကို အမေရိကန်က စီးပွားရေး ပိတ်ဆို့

Watch more detail - https://youtu.be/Obp-ibuK7MY

#reels #shorts #BusinessRoundUp #MizzimaTV

ဘလင်ကင်ရဲ့ခရီးစဉ်အတွင်း တရုတ်နဲ့အမေရိကန်ဆက်ဆံရေး တိုးတက်မှုရှိကြောင်း ရှီကျင့်ဖျင်ပြော

https://www.facebook.com/reel/3606159263040554

#internationalnews #reels
#shorts

​​ကင်မွန်းချောင်းနယ်မြေရဲစခန်းနှင့် မြေယာစီမံကိန်းရုံး တိုက်ခိုက်ခံရ
==================

YT
(မဇ္ဈိမ)။ ။မွန်ပြည်နယ်၊ သထုံခရိုင်၊ ကရင်အမျိုးသားအစည်းအရုံး (KNU)တပ်မဟာ(၁) နယ်မြေအတွင်း ရှိ ကင်မွန်းချောင်းနယ်မြေရဲစခန်းနှင့် အောင်ဆန်းမြို့သစ် မြေယာစီမံကိန်းရုံး တိုက်ခိုက်ခံခဲ့ရကြောင်း တော်လှန်ရေးအင်အားစုများနှင့် ဒေသခံများက မဇ္ဈိမကို ပြောသည်။

ယမန်နေ့ ဇွန်လ ၁၉ ရက်နေ့၊ ညနေ ၃ နာရီ ၄၅ မိနစ်ခန့်တွင် ကျိုက်ထိုမြို့နယ်၊ ကင်မွန်းစခန်းကျေးရွာရှိ ကင်မွန်းချောင်းနယ်မြေရဲစခန်းအား ဒရုန်းဖြင့် ဗုံးသီး ၁၀ လုံးခန့် ပစ်ချတိုက်ခိုက်ခဲ့ခြင်းဖြစ်ပြီး အထိ အခိုက်၊ အပျက်အစီးများအား စုံစမ်းနေဆဲဖြစ်ကြောင်း သထုံခရိုင် PDF တာဝန်ခံက မဇ္ဈိမကို ပြောသည်။

“ကင်မွန်းနယ်မြေရဲစခန်းကို ဒရုန်းနဲ့ တိုက်ခိုက်ပါတယ်၊ အထိအခိုက်တော့ မသိရသေးပါဘူး” ဟု သထုံ ခရိုင် PDF တာဝန်ခံက မဇ္ဈိမကို ပြောသည်။

အဆိုပါ ကင်မွန်းနယ်မြေရဲစန်းတွင် စစ်ကောင်စီတပ်သားနှင့်ရဲ စုစုပေါင်း ၁၅ ဦးခန့် စခန်းချနေထိုင်ပြီး ကာကွယ်ရေးတပ်ဖွဲ့၏ ဒရုန်းပေါ်မှပစ်ချတိုက်ခိုက်သော ဗုံးသီးအများစုသည် ပစ်မှတ်တည့်တည့်ကို ထိမှန် ခဲ့ကြောင်း PDF သတင်းရင်းမြစ်တဦးကလည်း ပြောသည်။

“ပစ်မှတ်တည့်တည့်ကိုကျတာများပါတယ်၊ စခန်းအထဲမှာက စစ်ကောင်စီရော ရဲရော စုစုပေါင်း ၁၅ ယောက် လောက်ရှိတယ်ဗျ” ဟု PDF သတင်းရင်းမြစ်က ပြောသည်။

အဆိုပါ ဒရုန်းဖြင့် ဗုံးကြဲတိုက်ခိုက်မှုအား တပ်မဟာ (၁) KNLA ၊ ကျိုက်ထိုတော်လှန်ရေးအင်အားစု (KRF)၊ ပအိုဝ်းပြည်သူ့ကာကွယ်ရေးတပ်ဖွဲ့ (ခမ်းဒေါမ်) PPDF-KD ၊ သထုံပြည်သူ့ကာကွယ်ရေးတပ်ဖွဲ့ (TPDF) ၊ Yangon Eagle Force၊ ကျိုက်ထို ပ.က.ဖ ပူးပေါင်းအဖွဲ့မှ ပူးပေါင်းတိုက်ခိုက်ခဲ့ကြောင်း သိရသည်။
ရဲစခန်းအတွင်းမှ လက်နက်ကြီးသုံးလုံးဖြင့် ပြန်လည်ပစ်ခတ်ခဲ့သော်လည်း ပူးပေါင်းတပ်ဖွဲ့ဘက်က အထိ အခိုက်မရှိခဲ့ကြောင်း သထုံခရိုင် PDF တာဝန်ခံက ပြောသည်။

အလားတူ ဘီးလင်းမြို့နယ်၊ တောင်စွန်းကျေးရွာအုပ်စု၊ ရွှေကန်နောင်ရပ်ကွက်ရှိ အောင်ဆန်းမြို့သစ် မြေယာစီမံကိန်းရုံးလည်း ဇွန်လ ၁၈ ရက်နေ့ ညနေ ၆ နာရီအချိန်ခန့်တွင် ဗုံးတလုံးဖြင့် တိုက်ခိုက်ခံခဲ့ရ ကြောင်း အဆိုပါရုံးနှင့် နီးစပ်သည့် သတင်းရင်းမြစ်တစ်ဦးက ပြောသည်။

“ဗုံးပေါက်ကွဲလို့ ရုံးအဆောက်အဦးတဝက်ဝန်းကျင် ပြိုကျပျက်စီးပြီး လူအထိခိုက်တော့ မရှိဘူးကြားပါ တယ်” ဟု ဒေသတွင်း သတင်းရင်းမြစ်က မဇ္ဈိမကို ပြောသည်။

ဗုံးဖောက်ခွဲခံရမှုကြောင့် အောင်ဆန်းမြို့သစ် မြေယာစီမံကိန်းရုံးအဆောက်အဦး၏ ယာဘက်ခြမ်းနှင့်အမိုး ပျက်စီးခဲ့ကြောင်း သိရသည်။

အောင်ဆန်းမြို့သစ် မြေယာစီမံကိန်းရုံးသည် တောင်စွန်းကျေးရွာအုပ်စု၊ ရွှေကန်နောင်ရပ်ကွက်အနီးတွင် တည်ဆောက်ဆဲရုံး ဖြစ်သည်။ ထိုရုံးတွင် ပုံမှန်ရုံးတက်သော ဝန်ထမ်းများရှိသော်လည်း ဗုံးဖောက်ခွဲခံရ ချိန်၌ ရုံးအတွင်း လူတဦးမျှ မရှိကြောင်း သိရသည်။
အဆိုပါ မြေယာစီမံကိန်းရုံးကို မည်သည့်အဖွဲ့က ဖောက်ခွဲမှုပြုလုပ်ခဲ့သည်ကိုမူ မသိရသေးပေ။

ပြီးခဲ့သည့် ဧပြီလ ၂၅ ရက်နေ့ကလည်း ဘီးလင်းမြို့နယ်၊ ကန်သာယာရပ်ကွက်ရှိ ဘီးလင်းပြည်တွင်း အခွန် များဦးစီးဌာနရုံးအား ဘီးလင်းမြို့နယ်၊ ပ.က.ဖ အဖွဲ့ကဗုံးနှစ်လုံးဖောက်ခွဲခဲ့ရာ အခွန်ဦးစီးမှူးရုံး အဆောက် အအုံ ပျက်စီးခဲ့ပြီး ဘေးကပ်ရှိ စာရင်းစစ်ရုံးပါ ထိမှန်ပျက်စီးခဲ့ကြောင်း သိရသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ကင်မွန်းချောင်းနယ်မြေရဲစခန်း
#မြေယာစီမံကိန်းရုံး
#ဘီးလင်းမြို့နယ်
#Mizzima
ဓါတ်ပုံ - လူမှုကွန်ယက်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Chinese President Xi meets Blinken in Beijing
================

https://youtu.be/wmhrfArQ6H0

အာဏာသိမ်းကာလ ၃ နှစ်အတွင်း အလုပ်လက်မဲ့နှုန်း ၂သန်းခန့် ရှိလာဟု စစ်ကောင်စီ

Watch more detail - https://youtu.be/Obp-ibuK7MY

#reels #shorts #BusinessRoundUp #MizzimaTV

ဆူဒန်အပစ်အခတ်ရပ်စဲရေး ဒုတိယမြောက်နေ့၌ ဂျီနီဗာမှာ နိုင်ငံတကာအလှူရှင်များ ညီလာခံကျင်းပဖို့ရှိနေ
====================

https://youtu.be/bcVrFA8DlVE

ရွှေဈေးထိန်းဖို့ မန္တလေးမှာ တစ်ကျပ်သား ရွှေအတုံး ၇၃၀ ခန့် မန္တလေးရွှေအသင်း ထုတ်ရောင်း

Watch more detail - https://youtu.be/Obp-ibuK7MY

#reels #shorts #BusinessRoundUp #MizzimaTV

Blinken speaks in Beijing after meeting with Chinese President Xi
=====================

https://youtu.be/dekFEZTM_cA

အယ်နီညိုကြောင့် ဆန်စပါးစိုက်ပျိုးထုတ်လုပ်မှုအပေါ်သက်ရောက်မှုရှိနိုင်

Watch more detail - https://youtu.be/Obp-ibuK7MY

#reels #shorts #BusinessRoundUp #MizzimaTV

ကန့်ဘလူခရိုင်အတွင်း မြွေဆိုးကိုက်ခံရသည့် လူနာ ၁၁ ဦးအထိရှိလာ
===================

ကိုခင်မောင်
မဇ္ဈိမ။ ။ စစ်ကိုင်းတိုင်း၊ ကန့်ဘလူမြို့နယ်အတွင်းရှိ ချပ်သင်းတိုက်နယ် နှင့် ကိုးထောင်ဘို့တိုက်နယ်တို့တွင် ဇွန်လအတွင်း၌ မြွေဆိုးကိုက်ခံရသူ ၁၁ ဦးအထိ ရှိလာသည်ဟု ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ တာဝန်ရှိသူထံမှ သိရသည်။

“ပိုးထိလူနာတွေက မြွေပွေးပဲများတယ်ဗျ၊ မေလတုန်းကတော့ မြွေဟောက် ကိုက်ခံရတာ နှစ်ယောက်ရှိတယ်၊ အခုက မြွေကိုက်ခံရတဲ့ လူနာက တစ်ရက်ကို တစ်ယောက်နှုန်းမကအောင်ဖြစ်နေလို့ ဆေးဝါးကတော့ အမြဲလိုပါတယ်”ဟု ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်မှ တာဝန်ရှိသူက မဇ္ဈိမသို့ပြောသည်။

ယနေ့ ဇွန်လ၂၀ ရက်တွင် ကိုးထောင်ဘို့တိုက်နယ်အတွင်း၌ အသက် ၃၀နှစ်အရွယ် စစ်ဘေးရှောင်အမျိုးသားတစ်ဦး မြွေဆိုးကိုက်ခံရ၍ မြွေဆိပ်ဖြေဆေး နှစ်လုံးထိုးပေးထားကာ စောင့်ကြည့်နေဆဲ ဖြစ်သည်ဟု ၎င်းကပြောသည်။

ဇွန်လ ၁၉ ရက်နေ့တွင် ကိုးတောင်ဘို့တိုက်နယ်၌ အသက် ၅၀ နှစ်အရွယ် စစ်ရှောင်အမျိုးသားတစ်ဦးသည် မြွေဆိုးကိုက်ခံရ၍ BPI မြွေဆိပ်ဖြေဆေးလေးလုံးထိုးပေးထားကြောင်း ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်က ထုတ်ပြန်ထားသည်။

ချပ်သင်းတိုက်နယ်၌ ဇွန်လ ၁၈ ရက်တွင် အမျိုးသမီးတစ်ဦးနှင့် အမျိုးသားတစ်ဦး မြွေဆိုးကိုက်ခံရပြီး ဆေးကုသမှုခံယူနေသည်ဟု သိရသည်။

ကန့်ဘလူမြို့နယ်အတွင်းရှိ စစ်ဘေးရှောင်စခန်းများ၌ ဇွန်လ ၆ရက်တွင် အမျိုးသား တစ်ဦး ၊ ဇွန်လ ၈ ရက်တွင် အမျိုးသား တစ်ဦး ၊ ဇွန်လ ၁၁ ရက်တွင်အမျိုးသမီး တစ်ဦး၊ ဇွန်လ ၁၃ ရက်တွင် အမျိုးသား တစ်ဦး၊ဇွန်လ ၁၄ ရက်နှင့် ၁၅ ရက်တို့တွင် အမျိုးသမီး နှစ်ဦး နှင့် ဇွန်လ၁၇ရက်တွင် အမျိုးသမီး တစ်ဦးတို့ မြွေဆိုးကိုက်ခံရကြောင်း သိရသည်။

ဇွန်လ ၁ရက်မှ ၂၀ရက်နေ့အတွင်း မြွေဆိုးကိုက်ခံရသည့် လူနာစုစုပေါင်း ၁၁ဦးအထိ ရှိလာပြီဟု ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့(ကန့်ဘလူခရိုင်)မှ ပြုစုထားသည့် စာရင်းအရ သိရသည်။

ယခုစာရင်းများသည် ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့(ကန့်ဘလူခရိုင်)မှ လက်လှမ်းမီသမျှ ပြုစုထားသည့် အချက်အလက်များသာဖြစ်ပြီး မြေပြင်တွင် ယခုထက်ပိုဖြစ်ပွားနိုင်ကြောင်းလည်း ထုတ်ပြန်ချက်တွင် ဖော်ပြထားသည်။
မြွေဆိုးကိုက်လူနာဦးရေ မြင့်တက်သည်နှင့်အမျှ မြွေဆိပ်ဖြေဆေးများလည်း အရေးပေါ်လိုအပ်လျှက်ရှိသည်ဟု စစ်ရှောင်ကူညီသူများထံမှ သိရသည်။

မိုးတွင်းကာလ ရောက်လာသည်နှင့်အမျှ မြွေဆိုးအန္တရာယ်လည်း ပိုမိုကြုံတွေ့ လာရပြီး စစ်‌ရှောင်များအနေဖြင့် ပိုမိုခက်ခဲလာနေကြကြောင်းလည်း သိရသည်။

မြွေဆိုးအန္တရာယ်မှ ရှောင်ရှားနိုင်ရန် အသိပညာပေးမှုများ ပြုလုပ်သော်လည်း ထပ်ကာတလဲလဲ ထွက်ပြေးနေရသော စစ်ဘေးဒုက္ခသည်များအတွက် လက်တွေ့မြေပြင်တွင် အခက်အခဲများစွာရှိကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်မှ တာဝန်ရှိက မဇ္ဈိမကို ပြောသည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#စစ်ကိုင်းတိုင်း
#ကန့်ဘလူမြို့နယ်
#စစ်ဘေးရှောင်
#မြွေအန္တရာယ်
ပုံ - ကျွန်းလှ ကန့်ဘလူ တက်ကြွလှုပ်ရှားသူများအဖွဲ့- ကန့်ဘလူခရိုင်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​၂ နှစ်ကျော်အတွင်း လိင်ပိုင်းဆိုင်ရာအကြမ်းဖက်မှုတိုင်ကြားချက် ၁၀၀ ကျော်ရရှိခဲ့ဟု NUG ထုတ်ပြန်
==================

001
မဇ္စျိမ။ ။ အာဏာသိမ်းကာလ နှစ်နှစ်ကျော်အတွင်း လိင်ပိုင်းဆိုင်ရာအကြမ်းဖက်မှု တိုင်ကြားချက် ၁၁၇ မှုကို လက်ခံရရှိကြောင်း အမျိုးသားညီညွတ်ရေးအစိုးရ (NUG)၊ အမျိုးသမီး၊ လူငယ်နှင့် ကလေးသူငယ်ရေးရာဝန်ကြီးဌာနနှင့် လူ့အခွင့်အရေးဆိုင်ရာဝန်ကြီးဌာနတို့မှ ဇွန်လ ၁၉ ရက်နေ့တွင် ပူးတွဲထုတ်ပြန်သည်။

၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် ဇွန်လ ၁၅ ရက်နေ့အထိ လက်ခံရရှိထားသည့် စာရင်းများကို ထုတ်ပြန်ခြင်းဖြစ်ပြီး အဆိုပါတိုင်ကြားချက်များတွင် အတည်ပြုနိုင်သည့်ဖြစ်စဉ် ၅၁ ခုနှင့် အတည်ပြုရန်ခက်ခဲသည့်ဖြစ်စဉ် ၆၆ ခုရှိကြောင်း ဆိုထားသည်။
ထိုအနက်မှ ၁၀၈ မှုမှာ စစ်ကောင်စီတပ်က ကျူးလွန်သည့်အမှုများဖြစ်ပြီး ကိုးမှုမှာ အရပ်သားအချင်းချင်း ကျူးလွန်မှုဖြစ်ကြောင်း ဖော်ပြထားသည်။ တော်လှန်ရေးအင်အားစုများက ကျူးလွန်ကြောင်း ဖော်ပြတိုင်ကြားသည့်အမှု ၁၃ မှုလည်းပါဝင်သည်ဟု NUG ကဆိုသည်။

အာဏာသိမ်းကာလတွင် လိင်ပိုင်းဆိုင်ရာ အကြမ်းဖက်ခံရမှုများနှင့် ပတ်သက်ပြီး ဥပဒေပိုင်းဆိုင်ရာ ဆောင်ရွက်ရာတွင် အကန့်အသတ်များ၊ အားနည်းချက်များ လွန်စွာရှိနေကြောင်း ထုတ်ပြန်ချက်တွင် ရေးသားထားသည်။

ထို့ကြောင့် အမျိုးသမီးများအား အကူအညီပေးနေသည့်အဖွဲ့အစည်းများ၏ ကူညီနိုင်မှုမှာလည်း အားနည်းနေရကြောင်း အမျိုးသမီးအရေးတက်ကြွလှုပ်ရှားသူတစ်ဦးက ပြောသည်။

“အထူးသဖြင့်တော့ ကာမလိမ်လည်မှုတွေရှိတယ်။ ပြီးတော့ အိမ်တွင်းအကြမ်းဖက်မှုပေါ့နော်။ ကိုယ့်ရဲ့ မိန်းမကို ပြန်ပြီးမှ လုပ်ချင်သလိုလုပ်တဲ့ဟာပေါ့။ ပြောချင်တာ၊ ပြီးတဲ့အခါ အထူးသဖြင့် ဖခင်တွေကိုယ်တိုင်ကိုယ်က ကိုယ့်ရဲ့သမီးတွေကို အများအသိမှာ ပေါ်ပေါ်တင်တင်ပဲ ကျူးလွန်ပြီးတော့မှ အဲ့ဒီလိုမျိုးပေါင်းသင်းသွားနေတဲ့ဟာတွေပေါ့။ အဲ့တာမျိုးတွေ ဖြစ်နေပါတယ်” ဟု ဆိုသည်။
သို့သော် အဆိုပါအမှုများ၊ ဖြစ်စဉ်များနှင့်ပတ်သက်၍ မဇ္ဈိမအနေဖြင့် သီးခြားအတည်ပြုနိုင်ခြင်း မရှိသေးပေ။

ပဋိပက္ခကာလအတွင်း လိင်အကြမ်းဖက်မှုအဆုံးသတ်ရေးအတွက် လူ့အဖွဲ့အစည်းဝင်အားလုံး ပါဝင်သည့် စုပေါင်းအားထုတ်မှုလိုအပ်ကြောင်း NUG ၏ အဆိုပါဝန်ကြီးဌာနနှစ်ခုက တိုက်တွန်းသည်။
အမျိုးသားညီညွတ်ရေးအစိုးရအနေဖြင့် လိင်အကြမ်းဖက်ခြင်းအမျိုးမျိုးကို ကာကွယ်နိုင်ရန် လမ်းညွှန်ချက်များ၊ ဥပဒေနှင့် နည်းဥပဒေများပြဋ္ဌာန်းကာ လုပ်ဆောင်ထားပြီးဖြစ်သကဲ့သို့ ဖြစ်ပွားခဲ့သော လိင်ပိုင်းဆိုင်ရာအကြမ်းဖက်မှုများကိုလည်း အရေးယူဆောင်ရွက်လျက်ရှိသည်ဟု ထုတ်ပြန်ချက်တွင် ဖော်ပြထားသည်။

ပြီးခဲ့သည့် ဇွန်လ ၁၇ ရက်နေ့တွင် မြန်မာ့အမျိုးသမီးသမဂ္ဂ (BWU) မှထုတ်ပြန်ခဲ့သည့် စစ်တမ်း၌ ၂၀၂၁ ခုနှစ်မှ ၂၀၂၃ ခုနှစ်အတွင်း စစ်ကောင်စီတပ်သားများမှ ကျူးလွန်သည့် လိင်ပိုင်းဆိုင်ရာ အကြမ်းဖက်မှုများနှင့် ကာယိန္ဒြေ ထိပါးနှောက်ယှက်မှု ကိုးမှု ရှိခဲ့သည်။

ထို့အတူ စစ်တပ်မဟုတ်သည့် အခြားသောလက်နက်ကိုင်အဖွဲ့များမှ ကျူးလွန်သည့်အမှု လေးမှု၊ အရပ်သားအချင်းချင်း ကျူးလွန်သည့် လိင်ပိုင်းဆိုင်ရာအကြမ်းဖက်မှု ၂၃ မှု၊ အိမ်တွင်းအကြမ်းဖက်မှုနှင့် ကာမလိမ်လည်မှု ၂၃ မှုရှိကြောင်း ပါရှိကြောင်းဆိုသည်။

စစ်ကောင်စီတပ်က ၎င်းတို့အား ဆန့်ကျင်သူများအား ရက်စက်စွာပစ်ခတ်သတ်ဖြတ်ခြင်း၊ ဖမ်းဆီးနှိပ်စက်ခြင်းများအပြင် ကျား၊ မ မရွေး လိင်ပိုင်းဆိုင်ရာအကြမ်းဖက်မှုများကို စစ်ကြောရေးကာလအတွင်း ကျူးလွန်ခဲ့ကြောင်းလည်း BWU က ဖော်ပြခဲ့သည်။

စာတည်း ။ ။ Alden
စာမူတည်းဖြတ်။ ။သန့်ဇော်(သန်လျင်)

#လိင်ပိုင်းဆိုင်ရာအကြမ်းဖက်မှု
#တိုင်ကြားချက်
#NUG
#အမျိုးသမီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြန်မာ့အကျပ်အတည်း ဖြေရှင်းရေး၌ ပိုမို ထဲထဲဝင်ဝင် ပါဝင်ရန် ထိုင်းအနိုင်ရပါတီ ကြိုးပမ်း
======================

ထိုင်းနိုင်ငံ၏ Move Forward Party ပါတီဦးဆောင်သော ညွန့်ပေါင်းအဖွဲ့သည် “ထိုင်းနိုင်ငံ၏ မြန်မာ့အရေး အကျပ်ရိုက်ခြင်း” အဖြစ် ရည်ညွန်းသော အရေးကိစ္စရပ်အား ကိုင်တွယ်ဖြေရှင်းရေးအတွက် ဝန်ကြီးချုပ်ရုံး၏ အာဏာစက်အောက်တွင် မြန်မာ ပြည်တွင်းအေဂျင်စီ လုပ်ငန်းအဖွဲ့ Myanmar Inter-Agency Task Force ကို ဖွဲ့စည်းထူထောင်ရန် စီစဉ်လျက် ရှိသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U