၀က်လက်မြို့နယ် တကောင်းမင်းကျေးရွာမှ အမျိုးသား ၂ ဦးအား စစ်ကောင်စီတပ်က ပစ်သတ်
======================

KMN
(မဇ္ဈိမ) ။ ။ စစ်ကိုင်းတိုင်း၊ ဝက်လက်မြို့နယ် တကောင်းမင်းကျေးရွာမှ အမျိုးသား နှစ်ဦးအား ဇွန်လ ၂၂ ရက်နေ့တွင် စစ်ကောင်စီတပ်မှ ပစ်ခတ်သတ်ဖြတ်ခဲ့ကြောင်း ဒေသခံကာကွယ်ရေးတပ်ဖွဲ့ဝင်က ပြောသည်။

ဇွန်လ ၂၂ ရက်နေ့၊ မနက် ၈နာရီခွဲခန့် အချိန်တွင် ဝက်လက်မြို့နယ်မှ ထွက်ခွာလာသော အင်အား ၇၀ ခန့်ပါဝင်သည့် စစ်ကောင်စီတပ်စစ်ကြောင်းအား သဖန်းကုန်းရွာနှင့် တကောင်းမင်းရွာကြားအရောက်တွင် ရွှေဘိုခရိုင် အမှတ် (၁၅) တပ်ရင်း Eagle Guerrilla Force မှ မိုင်းဆွဲတိုက်ခိုက်ခဲ့ပြီး စစ်သား လေးဦးခန့် သေဆုံးနိုင်ကြောင်း သိရသည်။

၎င်းစစ်ကြောင်းသည် သုံးကြိမ်ခန့် မိုင်းဆွဲတိုက်ခိုက်ခံရပြီးနောက် တကောင်းမင်းကျေးရွာသို့ စစ်ကြောင်းဆက်ထိုးခဲ့ပြီး ဇွန်လ ၂၂ ရက်နေ့လယ်ပိုင်း၌ တကောင်းမင်းကျေးရွာအနီးတွင် ဆိတ်ကျောင်းနေသော အမျိုးသား တစ်ဦးအား ပစ်ခတ်ဖမ်းဆီးကာ သေနတ်ဒင်ဖြင့် ဦးခေါင်းကို ထုနှက် သတ်ဖြတ်ခဲ့သည်။

၎င်းနောက် သစ်ပင်ပေါ်၌ တက်ရောက်နေသော အသက် ၅၀ အရွယ်ခန့်ရှိ အမျိုးသားတစ်ဦးကိုလည်း ပစ်ခတ်သတ်ဖြတ်ခဲ့ကြောင်း သိရသည်။

"ရွာခံတွေပြောတာတော့ ဆိတ်ကျောင်းတဲ့ကောင်လေးက စစ်ကြောင်းနဲ့ပက်ပင်းတိုးတော့ ပစ်သတ်ခံလိုက်ရတာပေါ့။ ဦးစိန်မြင့်ဆိုတဲ့လူကတော့ သစ်ပင်ပေါ်တက်နေတဲ့ချိန် စစ်ကြောင်းကတွေ့ပြီး ပစ်ချသတ်ခံလိုက်ရပါ" ဟု ရွှေဘိုခရိုင် အမှတ် (၁၅) တပ်ရင်း၊ Eagle Guerrilla Force တပ်ရင်းမှူး ဗိုလ်ကောက်ရိုးကမဇ္ဈိမကို ပြောကြားသည်။

စစ်ကြောင်းက ပစ်သတ်ခဲ့သည့် အမျိုးသားနှစ်ဦးသည် တကောင်းမင်းကျေးရွာမှဖြစ်ပြီး ဇွန်လ ၂၂ ရက်နေ့ညနေပိုင်း စစ်ကြောင်းထွက်ခွာသွားချိန်တွင် သဂြိုဟ်ခဲ့ကြောင်း သိရသည်။

အင်အား ၇၀ ခန့်ပါဝင်သည့် စစ်ကောင်စီတပ်စစ်ကြောင်းသည် ဇွန်လ ၂၂ ရက်နေ့တွင် တကောင်းမင်းရွာ အမျိုးသားနှစ်ဦးအားသတ်ဖြတ်ခဲ့သလို နေအိမ် ၁၅လုံးခန့်အား မီးရှို့ဖျက်ဆီးပြီး လှတောကျေးရွာမှ တစ်ဆင့် ကျီးကန်ကျေးရွာဘက်သို့ ဝင်ရောက်ကာ နေအိမ် သုံးလုံးခန့်ကို မီးရှို့ခဲ့သည်။

ယင်းစစ်ကြောင်းသည် ယနေ့၊ ဇွန်လ ၂၃ ရက်နေ့တွင် ကျီးကန်ကျေးရွာမှတစ်ဆင့် ဝက်လက်မြို့နယ် အနောက်ခြမ်း သားနားရွာအနီးသို့ ဆက်လက်စစ်ကြောင်းထိုးနေကြောင်းသိရသည်။

စာတည်း - သန့်ဇော်(သန်လျင်)

Mizzima
#ဝက်လက်မြို့နယ်
#စစ်ကြောင်း
#EagleGuerrillaForce
#တကောင်းမင်းကျေးရွာ
Photo - Wetlet Informational Network (ပုံဟောင်း)
(ဇွန်လဆန်းတွင် စစ်ကောင်စီတပ်၏ မီရိူ့ခြင်းခံခဲ့ရသည့် ဝက်လက်မြို့နယ်၊အရှေ့ခြမ်း နဘဲပင်လှရွာ)
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ပင်လယ်ကွေ့ခရီးစဉ်ရဲ့ ဒုတိယမြောက်မှတ်တိုင်အဖြစ် အိုမန်ကို အီရန်ထိပ်တန်းသံတမန်ရောက်ရှိ

https://www.facebook.com/reel/945936293290330

#internationalnews #reels #shorts

​​နိုင်ငံတော်အတိုင်ပင်ခံပုဂ္ဂိုလ်နှင့် သမ္မတတို့၏ အမှုပြင်ဆင်မှုများ တရားလွှတ်တော်ချုပ်တွင် ကြားနာမည်
=================

001
(မဇ္စျိမ)။ ။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့အပေါ် စွပ်စွဲအမိန့်ချထားသည့် အမှုနှစ်မှု ပြင်ဆင်မှုကို လာမည့် ဇူလိုင်လ ပထမပတ်အတွင်း ပြည်ထောင်စုတရားလွှတ်တော်ချုပ်တွင် ကြားနာသွားရန် ရှိကြောင်း တရားရုံးနှင့် နီးစပ်သည့် အသိုင်းအဝိုင်းထံက သိရသည်။

အဆိုပါ အမှုနှစ်မှုမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား စစ်ကောင်စီဘက်က စွပ်စွဲခဲ့သည့် နိုင်ငံတော်လျှို့ဝှက်ဥပဒေပုဒ်မ ၃(၁)(ဂ) အမှုနှင့် ဒေါ်အောင်ဆန်းစုကြည်၊ သမ္မတဦးဝင်းမြင့်နှင့် ပြည်ထောင်စုအစိုးရအဖွဲ့ရုံး ဝန်ကြီးဌာန ပြည်ထောင်စုဝန်ကြီး ဦးမင်းသူတို့ ပူးတွဲစွဲဆိုခံထားရသည့် ပုဒ်မ ၁၃၀ (က) အမှုတို့ဖြစ်ကြောင်း သိရသည်။

ယင်းအမှုများမှာ တရားလွှတ်တော်ချုပ်က ကြားနာရန် လက်ခံထားသည့် အမှုများဖြစ်ပြီး ယခုတစ်ကြိမ်ကြားနာပြီးပါက အမိန့်ချမှတ်ရန်သာ ကျန်ရှိတော့ကြောင်း တရားရုံးနှင့် နီးစပ်သူတစ်ဦးက ပြောသည်။

ရွေးကောက်ပွဲကိစ္စဖြင့် စွပ်စွဲခဲ့သည့် ပုဒ်မ ၁၃၀(က) အမှုအတွက် စစ်ကောင်စီလက်အောက်ခံ အထူးတရားရုံးက စွပ်စွဲခံရသူများကို အလုပ်နှင့် ထောင်ဒဏ် သုံးနှစ်စီ ချမှတ်ထားခြင်း ဖြစ်သည်။

ပုဒ်မ ၃(၁)(ဂ) အမှုမှာမူ ဒေါ်အောင်ဆန်းစုကြည်၊ ဩစတြေးလျနိုင်ငံသား စီးပွားရေးပညာရှင် မစ္စတာ ရှောင်တာနယ်လ်၊ စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန ပြည်ထောင်စုဝန်ကြီး ဦးစိုးဝင်း၊ ဝန်ကြီးဟောင်း ဦးကျော်ဝင်းနှင့် ဒုတိယဝန်ကြီး ဦးဆက်အောင်တို့ ပူးတွဲစွဲဆိုခံခဲ့ရခြင်း ဖြစ်သည်။

စစ်ကောင်စီလက်အောက်ခံ အထူးတရားရုံးက ၎င်းတို့အား တစ်ဦးလျှင် ထောင်ဒဏ်သုံးနှစ် ချမှတ်ခဲ့ပြီး လက်ရှိတွင် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှလွဲ၍ ကျန်သည့်သူများမှာ လွတ်ရက်စေ့၊ လွတ်ငြိမ်းတို့ဖြင့် ပြန်လည်လွတ်မြောက်ခဲ့ပြီးဖြစ်သည်။

လက်ရှိတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် အမှု ၁၉ မှုအတွက် စုစုပေါင်းထောင်ဒဏ် ၃၃ နှစ် ချမှတ်ခံထားရပြီး သမ္မတဦးဝင်းမြင့်မှာ အမှုရှစ်မှုအတွက် ထောင်ဒဏ် ၁၂ နှစ် ချမှတ်ခံထားရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#နိုင်ငံတော်အတိုင်ပင်ခံပုဂ္ဂိုလ်
#ပြည်ထောင်စုတရားလွှတ်တော်ချုပ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ညောင်ပင်ကြီးရဲစခန်း တိုက်ခိုက်ခံရပြီးနောက် စစ်ကောင်စီတပ်ဖွဲ့က ဒေသခံများကို ပစ်သတ်ကာ အလောင်းဖျောက်ဟုဆို
==================

MTO
(မဇ္ဈိမ)။ ။စစ်ကိုင်းတိုင်း၊ ဆားလင်းကြီးမြို့နယ်၊ ညောင်ပင်ကြီးကျေးရွာရဲစခန်းကို ကာကွယ်ရေးတပ်ဖွဲ့ များက စခန်းသိမ်းတိုက်ပွဲ ပြုလုပ်ပြီးနောက် စစ်ကောင်စီတပ်ဖွဲ့က ဒေသခံများကို ပစ်သတ်ကာ ရုပ်အလောင်းဖျောက်ဖျက်ခြင်းများ ပြုလုပ်လာသည်ဟု ချင်းတွင်းမြစ်ကမ်းဘေး ကျေးရွာများ သပိတ်ကော်မတီထံမှ သိရသည်။

“သေဆုံးတဲ့ဦးရေက ၁၅ ဦးကျော်လောက်ရှိမယ်၊ အလောင်းပြန်မရတာတွေရှိတယ်၊ အလောင်းပြန်ရတာလည်း ရှိပါတယ်၊ ကျန်တာတွေကို မီးရှို့တဲ့အထဲ ထည့်ပြီး အလောင်းဖျောက်တာတွေ ရှိတယ်” ဟု သပိတ်ကော်မတီဝင် တစ်ဦးက ပြောပသည်။

ဇွန်လ ၁၄ ရက်နေ့တွင် ပြည်သူ ရှစ်ဦးခန့်ရှိသည့် နေရာတစ်ခုကို စစ်ကောင်စီတပ်ဖွဲ့က ဝင်ရောက်ပစ်ခတ်ခဲ့ရာ တစ်ဦးခေါင်းထိမှန်သေဆုံးခဲ့ပြီး နှစ်ဦးဒဏ်ရာရရှိခဲ့သည်ဟု သိရသည်။
ယင်း‌နေ့တွင်ပင် ထန်းတောရွာ မြောက်ပိုင်းတွင် နေအိမ်သို့ ပစ္စည်းပြန်ယူသူများကို စစ်ကောင်စီတပ်ဖွဲ့က ပစ်ခတ်ရာ ဒေသခံ ၁၀ ဦး သေဆုံးခဲ့ကြောင်း ချင်းတွင်းမြစ်ကမ်းဘေး ကျေးရွာများ သပိတ်ကော်မတီဝင်က ဆိုသည်။

ဇွန်လ ၁၉ ရက်နေ့တွင် စစ်ကောင်စီတပ်ဖွဲ့၏ ပစ်ခတ်မှုကြောင့် သေဆုံးသွားသည့် စိတ်ဝေဒနာသည် အမျိုးသားတစ်ဦးကို ချင်းတွင်းမြစ်ကမ်းဘေး ကျေးရွာများ သပိတ်ကော်မတီက သင်္ဂြိုဟ်ပေးခဲ့ရကြောင်း ဆိုသည်။

“အစုလိုက်အပြုံလိုက် သတ်ဖြတ်တဲ့သဘောမျိုးဖြစ်နိုင်တယ်၊ သိရသလောက်တော့ ထန်းတောရွာ မြောက်ပိုင်းမှာ ၁၀ ယောက်ရှိတယ်၊ နှစ်လောင်းပြန်ကောက်နိုင်တယ်” ဟု ချင်းတွင်းမြစ်ကမ်းဘေးကျေးရွာများသပိတ်ကော်မတီဝင်တစ်ဦးက ပြောသည်။

လက်ရှိတွင် စစ်ကောင်စီတပ်ဖွဲ့သည် ညောင်ပင်ကြီးကျေးရွာရဲစခန်း၌ ဒေသခံ ၃၀ ဦးထက်မနည်း ဖမ်းဆီးထားပြီး စခန်းပြန်လည်တည်ဆောက်ရေးလုပ်ငန်းများတွင် အလုပ်ကြမ်းများ လုပ်ခိုင်းနေကြောင်း သိရသည်။

ညောင်ပင်ကြီး ရဲစခန်းအား ဒေသကာကွယ်ရေးတပ်ဖွဲ့များက ဇွန်လ ၉ ရက်နေ့တွင် ဝင်ရောက်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၂ ဦးထက်မနည်းသေဆုံးခဲ့ပြီး လက်နက်ခဲယမ်းများကို သိမ်းယူသွားပြီးနောက် စစ်ကောင်စီတပ်ဖွဲ့က အင်အားတိုးချဲ့ကာ အနီးအနားရှိ ကျေးရွာများကို စစ်ကြောင်းထိုး၍ နေအိမ်များကို မီးရှို့ဖျက်ဆီးခြင်း ၊ ဒေသခံများကို သတ်ဖြတ်ခြင်းများ ပြုလုပ်နေခြင်း ဖြစ်သည်ဟု ဆိုသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ သန့်ဇော်(သန်လျင်)

#စစ်ကိုင်းတိုင်း
#ဆားလင်းကြီးမြို့နယ်
#စစ်ကောင်စီတပ်
#ပစ်ခတ်မှု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ကျောက်မဲမြို့ရှိ ကမ္ဘာ့ရတနာဘဏ်ခွဲ ခေတ္တပိတ်မည်ဟုကြေညာ
===================

ဂျူချန်း
(မဇ္ဈိမ)။ ။ ရှမ်းပြည်နယ်မြောက်ပိုင်း၊ ကျောက်မဲမြို့၊ ပင်လုံလမ်း၊ (၂) ရပ်ကွက်ရှိ ကမ္ဘာ့ရတနာဘဏ်ခွဲသည် လာမည့် ဇူလိုင်လ ၁ ရက်မှစတင်ကာ ခေတ္တပိတ်မည်ဖြစ်သဖြင့် ငွေအပ်နှံထားသူများအနေဖြင့် ဇွန်လ ၃၀ ရက် နောက်ဆုံးထားကာ ငွေလာရောက်ထုတ်ယူကြရန် ကြေညာထားသည်။

“အခုရက်ပိုင်းအတွင်းကို ရှိတဲ့ပိုက်ဆံတွေ သွားထုတ်ခိုင်းထားတာလို့ ကြေညာထားတယ်။ ကိုယ်တိုင်သွားထုတ်ရမယ်။ ကိုယ့်စာအုပ်နဲ့ ကိုယ့်မှတ်ပုံတင်နဲ့ ကိုယ့်ဟာကိုယ် သွားထုတ်မှ ရမှာ။ နှစ်ရက်၊ သုံးရက်လောက်ရှိပြီ ကြေညာထားတာ” ဟု ကျောက်မဲ ဒေသခံတစ်ဦးက ပြောသည်။

ငွေထုတ်ယူရာတွင်လည်း အပ်နှံထားသည့် ငွေများအား ဘဏ်စာအုပ်ပြကာ သတ်မှတ်နှုန်းထားအတိုင်း ကိုယ်တိုင်လာရောက် ထုတ်ယူနိုင်ကြောင်း ကြေညာချက်တွင် ပါရှိသည်။

ကျောက်မဲ ကမ္ဘာ့ရတနာဘဏ်ခွဲ၏ အသိပေးကြေညာချက်၌ ဇူလိုင်လ ၁ ရက်နေ့တွင် ခေတ္တပိတ်သိမ်းမည်ဟုသာ ဖော်ပြထားပြီး ပိတ်သိမ်းရသည့် အကြောင်းအရင်းနှင့် ပြန်လည်ဖွင့်မည့်ရက်ကို ဖော်ပြထားခြင်း မရှိပေ။

“အပြီးပိတ်တာလို့တော့ပြောတယ်။ ဘဏ်စာအုပ်ထဲမှာရှိတဲ့amount(ပမာဏ) အတိုင်း ထုတ်ပေးတာဖြစ်ပြီး အကောင့် ပိတ်လိုက်တာပါ။မပိတ်ချင်တဲ့သူဆိုရင်တော့ လားရှိူးမှာ သူတို့သတ်မှတ်နှုန်းအတိုင်းထုတ်ပေးတာပါ။ ကျောက်မဲမှာလုပ်ခဲ့တဲ့စာအုပ်တော့လားရှိုးမှာပဲ ထုတ်လို့ရမှာပါ။မပိတ်လိုက်ရတဲ့အကောင့်ကို ကျောက်မဲဘဏ်ခွဲကနေ လားရှိုးဘဏ်ခွဲကို လွှဲလိုက်တဲ့သဘောပါ” ဟု ငွေထုတ်ခဲ့သည့် ဒေသခံက ပြောသည်။

ကမ္ဘာ့ရတနာဘဏ်ခွဲ (ကျောက်မဲ)သို့ မဇ္ဈိမမှ ဖုန်းဖြင့် ဆက်သွယ်မေးမြန်းခဲ့ရာ“ကိုးလပိုင်းအထိရှိမှာပါ ။ ကိုးလပိုင်းအထိ ထုတ်လို့ရပါတယ်” ဟု ဘဏ်ဝန်ထမ်းအမျိုးသမီးတစ်ဦးက ပြန်လည်ဖြေကြားသည်။

ဇူလိုင်လ ၁ ရက်မှစတင်ကာ ခေတ္တပိတ်မည်ဆိုသည့်အချက်နှင့် ကွဲလွဲနေ၍ အသေးစိတ်ကိုထပ်မံမေးမြန်းရာ ပြန်လည်ဖြေကြားခြင်း မရှိပေ။

ကမ္ဘာ့ရတနာဘဏ် ဥက္ကဌဖြစ်သူ စစ်ဗိုလ်ချုပ်ဟောင်း ဦးမောင်မောင်သိမ်းသည် (နအဖ) စစ်အစိုးရလက်ထက်၌ မွေးမြူရေးနှင့် ရေလုပ်ငန်း ဝန်ကြီးတစ်ဦးအဖြစ် ဆောင်ရွက်ခဲ့ပြီး ကမ္ဘာ့ရတနာဘဏ်ကို စစ်ဗိုလ်ချုပ်ဟောင်းများနှင့် စစ်တပ်အသိုင်းအဝိုင်းနှင့် ဆက်နွှယ်သူအများစုက ပိုင်ဆိုင်ကြကြောင်း သိရသည်။

စစ်တပ်အသိုင်းအဝိုင်းနှင့် နီးစပ်သူများ ပိုင်ဆိုင်သည့် ကမ္ဘာ့ရတနာဘဏ်သည် အာဏာသိမ်းပြီးနောက် မကြာခဏ ဓါးပြတိုက်ခံခဲ့ရသည်။ ၂၀၂၁ ခုနှစ် ဇူလိုင် ၁၅ ရက်နေ့တွင် ရန်ကုန်တိုင်း၊ တောင်ဥက္ကလာပမြို့နယ်ရှိ ဘဏ်ခွဲတွင် တစ်ကြိမ်၊ ဩဂုတ်လ ၃၀ ရက်တွင် မရမ်းကုန်းမြို့နယ်ရှိ ဘဏ်ခွဲ၌ တစ်ကြိမ်၊ ၂၀၂၂ ခုနှစ် ဇန်နဝါရီလ ၆ ရက်နေ့တွင် သထုံမြို့နယ်၊ သုဝဏ္ဏဝတီမြို့ရှိ ဘဏ်ခွဲတွင် တစ်ကြိမ်၊ ဧပြီလ ၁၈ ရက်နေ့တွင် တောင်ဒဂုံမြို့နယ်ရှိ ဘဏ်ခွဲတွင် တစ်ကြိမ် ကမ္ဘာ့ရတနာဘဏ်၏ ဘဏ်ခွဲများ၌ ဓါးပြတိုက်ခံရမှုများ ဖြစ်ပွားခဲ့ကြောင်း သိရသည်။

ကမ္ဘာ့ရတနာဘဏ်သည် ၁၉၉၆ ခုနှစ်တွင် မွေးမြူရေးနဲ့ ရေလုပ်ငန်း ဖွံ့ဖြိုးရေးဘဏ်အဖြစ် စတင်ဖွင့်လှစ်ခဲ့ပြီး ၂၀၁၃ ခုနှစ်တွင် အများပြည်သူပိုင်ဘဏ်အဖြစ် ပြောင်းလဲခဲ့ရာ လက်ရှိတွင် ဘဏ်ခွဲစုစုပေါင်း ၁၈၈ ခု ဖွင့်လှစ်ထားကြောင်း သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး

#Mizzima
#ရှမ်းပြည်နယ်
#ကျောက်မဲမြို့
#ကမ္ဘာ့ရတနာဘဏ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Chef Eve's Easy Thai Cooking Show | Episode (20) Promo
==================

ဒီတစ်ပတ်မှာ ချက်ပြပေးမှာကတော့ Chef Eve ရဲ့ ကြက်မျှစ်ချဉ် နဲ့ ဝက်သားငရုတ်သီးအနှစ် ချက်ပြုတ်ပုံတွေကို တင်ဆက်ပေးသွားမှာပဲ ဖြစ်ပါတယ်။ ကြက်မျှစ်ချဉ် နဲ့ ဝက်သားငရုတ်သီးအနှစ်ကို ထိုင်းစတိုင်လ်ပုံစံမျိုး ဘယ်လိုချက်ပြုတ်ထားလဲဆိုတာကို အခုလာမယ့် ဇွန်လ ၂၄ရက်၊ စနေနေ့ ညနေ (၆) နာရီမှာ Mizzima + Channel ကနေ စောင့်မျှော်ကြည့်ရှုနိုင်ပါပြီ။

https://youtu.be/H5f-4SYWScY

#EasyThaiCookingShow
#ChefEve
#NorthernThailandFood
#ThaiFood
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​စာသင်ကျောင်းတွင် တပ်စွဲထားသည့် စစ်ကောင်စီတပ်ကို ချင်းကာကွယ်ရေးတပ် ဗုံးဖောက်ခွဲသတိပေး
=================

ပါခွီး
(မဇ္စျိမ) ။ ။ချင်းပြည်နယ် ၊ တွန်းဇံမြို့ရှိ အခြေခံပညာအထက်တန်း ကျောင်းတွင် တပ်စွဲထားသည့် စစ်ကောင်စီတပ်သားများကို ဗုံးဖောက်ခွဲသတိပေးခဲ့ကြောင်း ချင်းကာကွယ်ရေးတပ်ဖွဲ့ (တွန်းဇံ) CDF – Ton Zang ထံမှ သိရသည်။

ဇွန်လ ၂၀ ရက်ညပိုင်းတွင် အဆိုပါကျောင်း၌ တပ်စွဲထားသည့် စစ်ကောင်စီတပ်များကို မိုင်းဖြင့်ဖောက်ခွဲသတိပေးခဲ့ရာ နောက်ရက် ဇွန် ၂၁ရက်နေ့တွင် ကျောင်းပိတ်သွားခဲ့ကြောင်း ဆိုသည်။

“စာသင်ကျောင်းမှာ စစ်ကောင်စီတပ်စွဲဖို့ အကြောင်းမရှိဘူး ၊ နောက်ပြီး စစ်ကောင်စီယန္တရားလည်ပတ်တာကိုလည်း ကျနော်တို့က လက်ပိုက်ကြည့်နေမှာမဟုတ်ဘူး” ဟု CDF – Ton Zang ပြောရေးဆိုခွင့်ရှိသူ ထန်ဆွင်းမုန် က မဇ္စျိမကိုပြောသည်။

ကျောင်းတွင် စစ်ကောင်စီတပ်စွဲထားခြင်းသည် ဂျနီဗာကွန်ဗင်းရှင်းပါ ပြဋ္ဌာန်းချက်များနှင့် မကိုက်ညီသောကြောင့် တားမြစ်လိုသဖြင့်သတိပေးဖောက်ခွဲခဲ့ခြင်းဖြစ် ကြောင်းဆိုသည်။

ဖောက်ခွဲတိုက်ခိုက်မှုကြောင့် ကျောင်းဆောင်အချို့ပျက်စီးသွားခဲ့ပြီး စစ်ကောင်စီတပ်သားများ ထိခိုက်မှုကို မသိရှိရကြောင်းဆိုသည်။
အဆိုပါကျောင်းရှိ ဒဿမတန်းကျောင်းခန်းတွင် စစ်ကောင်စီတပ်သား ၁၀ဦးခန့် တပ်စွဲနေထိုင်လျက်ရှိပြီး ဆေးရုံတွင်လည်း စစ်ကောင်စီတပ်သားများရှိနေကြောင်း သိရသည်။

တွန်းဇံမြို့ အခြေခံပညာအထက်တန်းကျောင်းတွင် ပညာသင်ကြားနေသော ကျောင်းသူကျောင်းသားများသည် ဇို(ချင်း) လူမျိုးများဖြစ်သကဲ့သို့ CDF – Ton Zang တပ်ဖွဲ့ ဝင် လူငယ်များသည်လည်း အမျိုးတူ ဆွေမျိုးများဖြစ်သည်အတွက် ထိခိုက်နစ်နာရန် ပြုလုပ်မည်မဟုတ်ကြောင်းဆိုသည်။

တွန်းဇံမြို့နယ် ၊ မြို့နယ်ပညာရေးမှူးအဖွဲ့ ၊ ကျောင်းအုပ်ဆရာကြီးနှင့် ကျောင်းဆရာ/မ များအနေဖြင့် စစ်ကောင်စီလက်အောက်တွင် ရုံးတက်ခြင်း ၊ ကျောင်းတက်ခြင်းများ မပြုလုပ်ကြရန် အပြင်းအထန်တားမြစ်ကြောင်းနှင့် တားမြစ်ခြင်းများ မလိုက်နာပါက ပြင်းထန်းသော အရေးယူခံရမည်ဖြစ်ကြောင်း CDF – Ton Zang ထံမှ သိရှိရသည်။

တွန်းဇံမြို့အထက်တန်းကျောင်းသည် ၁၉၆၄ ခုနှစ်တွင် တွန်းဇံမြို့နယ် အခြေခံပညာအထက်တန်းကျောင်းအဖြစ် သတ်မှတ်ခြင်းခံရသည့် ပထမဦးဆုံးကျောင်းဖြစ်ကြောင်း သိရသည်။

စာတည်း- သန့်ဇော်(သန်လျင်)

#mizzima
#တွန်းဇံမြို့နယ်
#အခြေခံပညာအထက်တန်းကျောင်း
#စစ်ကောင်စီတပ်
#ဗုံးဖောက်ခွဲ
#ချင်းကာကွယ်ရေးတပ်ဖွဲ့
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အင်ဒိုနီးရှား၌ ပြည်သူများ အပြင်သွားလာ ပိုက်ဆံ သုံးကြရန်အတွက် အလုပ်ပိတ်ရက် ၅ ရက် သတ်မှတ်ကြေညာ
=====================

အင်ဒိုနီးရှား၌ ပြည်သူများ အပြင်သွားလာကြကာ ပိုက်ဆံသုံးကြရန်ကို အားပေးမြှင့်တင်ရန်အတွက် ငါးရက်တာ အလုပ်ပိတ်ရက်ကို သတ်မှတ်ကြေညာသည်။
အလုပ်နားရက် ပိုမို ဖန်တီးပေးရန် ဆုံးဖြတ်ခြင်းသည် ခရီးသွားလုပ်ငန်းနှင့် ခရီးထွက်သွားလာခြင်းများနှင့်အတူ စီးပွားရေးကို မြှင့်တင်ရန် ရည်ရွယ်ကြောင်း အင်ဒိုနီးရှားအစိုးရက ပြောသည်။

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

တရုတ်နိုင်ငံအနောက်မြောက်ပိုင်းမှာ စားသောက်ဆိုင်ပေါက်ကွဲမှုကြောင့် လူ ၃၁ ဦး သေဆုံး

https://www.facebook.com/reel/1002607527537317

#internationalnews #Mizzima #China #Reels #shorts

ဇွန်လ (၂၃) ရက်၊ ည ၇ နာရီ The Mizzima Primetime မဇ္စျိမ ပင်မသတင်းအစီအစဥ်
====================

- အာဆီယံဦးဆောင်တဲ့ မြန်မာ့အရေးဖြေရှင်းဖို့ ကြိုးပမ်းမှုများကို ထောက်ခံကြောင်း ပီတာပြောတဲ့သတင်း

- ရေကြီးရေလျှံမှုဘေး သတိပြုရန် NUG ထုတ်ပြန် တဲ့သတင်း

-ပျောက်ဆုံးသွားတဲ့ရေငုပ်သင်္ဘောကိုရှာဖွေဖို့ ရေငုပ်စက်ရုပ်တွေ တပ်ဆင်ထားတဲ့ ပြင်သစ်ရှာဖွေရေးသင်္ဘော ရောက်ရှိတဲ့သတင်း

-ရန်ကုန်နှင့် မန္တလေးအပါအဝင် ဒေသ ၅ခုတွင် ဆန်သိုလှောင်ထားမှုစာရင်း စတင်ကောက်တဲ့သတင်း

-ညနေ ၅ နာရီအထိ ရရှိထားတဲ့ငွေလဲနှုန်း၊ ရွှေစျေး၊ စက်သုံးဆီစျေး နဲ့ စားအုန်းဆီစျေးတွေအပါအဝင် အခြားစိတ်ဝင်စားဖွယ် သတင်းတွေနဲ့ အရေးကြီး သတင်းတွေကို တင်ဆက်ပေးသွားမှာပါ ။

https://www.youtube.com/live/RCrHc-5jOkA?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​နွေဦးတော်လှန်ရေးနေ့စဉ် မှတ်စု (၂၃ ဇွန် ၂၀၂၃) 
========================

အမေရိကန်က စစ်ကောင်စီဘဏ်နှစ်ခုကို ပိတ်ပင်ပြီး မကြာခင်မှာပဲ စစ်ကောင်စီဗဟိုဘဏ်မှ နိုင်ငံခြားငွေရောင်းဝယ်ရေးအားလုံးကို ထိန်းချုပ်လိုက်သည်။ယင်းအကျိုးဆက်ကြောင့် ဒေါ်လာ ဈေးထိုးတက်လာပြီး ဈေးကွက်အတွင်း အဝယ်သာရှိပြီးအရောင်းမရှိသည့် အခြေအနေဖြစ် နေသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဆိပ်ဖြူမြို့နယ်အတွင်း ၂ရက်ဆက်တိုက်ခိုက်မှု စစ်ကောင်စီတပ်သား ၂၀ဦးသေဆုံး ၃၀ဦးထက်မနည်း ဒဏ်ရာရဟု MOD ထုတ်ပြန်
===================

ကိုခင်မောင်
(မဇ္စျိမ)။ ။ မကွေးတိုင်း၊ ဆိပ်ဖြူမြို့နယ်တွင် စစ်ကောင်စီတပ်ဖွဲ့အား ဇွန်လ ၂၁ရက်နှင့် ၂၂ရက် နှစ်ရက်ဆက်တိုက်ခိုက်မှုအတွင်း စစ်ကောင်စီဘက်မှ ၂၀ဦးသေဆုံးကာ ၃၀ဦးထက်မနည်း ဒဏ်ရာရရှိသွားသည်ဟု အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန(MOD)၊ပြည်သူ့ကာကွယ်ရေးတပ်မတော်(PDF)၊ (စစ်ရုံးချုပ်)ကသတင်းထုတ်ပြန်သည်။

ဇွန်လ၂၀ရက်နေ့ တိုက်ခိုက်မှုတွင် ဆိပ်ဖြူမြို့မှ ဆောလမ်းပိုင်းသို့ ဝင်ရောက်လာသော စစ်ကောင်စီကားနှစ်စီးကို နံနက် ၇နာရီ ၅၀ မိနစ်တွင် တစ်ကြိမ်၊ နံနက် ‌၉နာရီတွင် တစ်ကြိမ် ပဒေသာမိုင်းဖြင့် တိုက်ခိုက်ခဲ့ခြင်းဟု သိရသည်။ ထိုနေ့ တိုက်ခိုက်မှုတွင် စစ်ကောင်စီတပ်ဖွဲ့ဝင် ငါးဦး သေဆုံးပြီး ၂၅ ဦး ခန့် ဒဏ်ရာရသွားသည်ဟု MOD က ထုတ်ပြန်ထားသည်။

ဇွန်လ၂၀ရက်နေ့ တိုက်ခိုက်မှုကြောင့် သေဆုံးသွားသူများ၏ ရုပ်အလောင်းများကို ဇွန်လ ၂၁ရက် နံနက် ၁၁နာရီ ၃၀မိနစ်ခန့်တွင် လာကောက်စဉ် ထပ်မံ၍ မိုင်းဆွဲတိုက်ခိုက်ရာ စစ်ကောင်စီတပ်ဖွဲ့ဝင် ၁၅ဦး သေဆုံးပြီး ပြင်းထန်ဒဏ်ရာရရှိသူ ငါး ဦးခန့်ရှိခဲ့သည်ဟု MOD ထုတ်ပြန်ချက်တွင် ဖော်ပြထားသည်။

" နှစ်ရက်တာ မိုင်းဆွဲတိုက်ခိုက်မှုအတွင်း ရန်သူ့တပ်၏ စစ်ကားတစ် စီးပျက်စီးခဲ့ပြီး ရန်သူ့တပ်သား ၂၀ဦးသေဆုံးကာ ၃၀ ဦးထက်မနည်း ထိခိုက်ဒဏ်ရာရရှိခဲ့သည်" ဟု MOD ကထုတ်ပြန်သည်။
တစ်ဆက်တည်းတွင် ပြည်သူ့ကာကွယ်ရေးတပ်မတော်သားများ အထိအခိုက်မရှိ တိုက်ခိုက်နိုင်ခဲ့သည် အသိပေးထားသည်။

စစ်ကောင်စီဘက်မှ သေဆုံးမှုကို မဇ္ဈိမအနေဖြင့် အသေးစိတ်အတည်မပြုနိုင်သေးသော်လည်း ဆိပ်ဖြူ -ဆောလမ်းပိုင်း တိုက်ပွဲတွင် စစ်ကောင်စီအလွန်အထိနာသွားသည်ဟု ဆောမြို့နယ်မှ ပြည်သူ့ကာကွယ်ရေးရဲဘော်တစ်ဦးကပြောသည်။

၎င်းက " ပခုက္ကူဘက်က အဖွဲ့တွေ ချကြတာ။ တ်ိုက်ပွဲက ကြမ်းတယ်။ အခုထိ လမ်းမပွင့်သေးဘူး။ ဟိုဘက်ကရော ဒီဘက်ကရော ပိတ်ထားပါတယ်" ဟု ယနေ့ ဇွန်လ ၂၃ ရက် ညနေတွင် ပြောသည်။
ဆိပ်ဖြူမြို့နယ်အတွင်း နှစ်ရက်ဆက် တိုက်ခိုက်မှုကို ပြည်သူ့ကာကွယ်ရေးတပ်မတော်(PDF)၊ ပခုက္ကူခရိုင် အမှတ် (၄) တပ်ရင်း - တပ်ခွဲ ၁ (Caf – Spupdf) နှင့် ဆိပ်ဖြူမြို့နယ် ပြည်သူ့ကာကွယ်ရေးအဖွဲ့ - ဆိပ်ဖြူ ပကဖ (မြေလတ်ဇုံ ပကဖအဖွဲ့) တို့ ပူးပေါင်းတိုက်ခိုက်ခြင်းဟု MOD ကထုတ်ပြန်ထားသည်။

ပုံ-မကွေးတိုင်းမှ PDF ရဲဘော်များ
စာတည်း - မောင်ကြီး

#mizzima
#ဆိပ်ဖြူမြို့နယ်
#ပဒေသာမိုင်း
#MOD
#PDF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဇွန်လ( ၂၃ )ရက်၊ သောကြာနေ့ ညပိုင်း မဇ္ဈိမရေဒီယိုအစီအစဉ်
==================

ဒီကနေ့ည နားဆင်ရမယ့် အစီစဉ်တွေကတော့ ...

မိုခါဆိုင်ကလုန်းမုန်တိုင်းအပြီး အချိန်တစ်လကျော်ကြာတဲ့အထိ လူသားစာနာမှုဆိုင်ရာ အဖွဲ့အစည်းတွေဟာ လက်ရှိထုတ်ပေးထားတဲ့ ခရီးသွားခွင့်ပြုမိန့်တွေ ဆိုင်းငံ့ခံထားရဆဲဖြစ်တယ်လို့ ကုလသမဂ္ဂ လူသားစာနမှုဆိုင်ရာ ညှိနှိုင်းရေးရုံး UN OCHA က ဇွန်လ ၂၂ ရက်နေ့မှာ ထုတ်ပြန်လိုက်တဲ့သတင်းနဲ့အတူ ကျိုက်ထိုမြို့နယ်မှာ မြို့နယ်စီမံ အုပ်ချုပ်ရေးကောင်စီဝင် သေနတ်နဲ့ ပစ်သတ်ခံလိုက်ရတဲ့သတင်းအပါအဝင် နောက်ဆုံးရ ပြည်တွင်းသတင်းတွေနဲ့ နိုင်ငံတကာသတင်းတွေကို နားဆင်ရပါမယ်။

အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိပါတယ်။ သတင်းတွေအပြီးမှာတော့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ ရှိပါတယ်။

အဲ့ဒီနောက်မှာတော့ အပတ်စဉ်တင်ဆက်နေကျဖြစ်တဲ့ Insight Myanmar အစီအစဉ်ကိုနားဆင်ရမှာပါ။

https://youtu.be/8D_Oz30NvsE

#Eveningradio
#Mizzimaradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Jun - 23 [ 7 Pm ] The Mizzima Primetime

Mizzima Headline News

#7pmnews #themizzimaprimetime #reels #shorts

National Unity Government (NUG)၏ PVTV Channel မှ ၂၀၂၃ ခုနှစ် ဇွန်လ ၂၃ ရက်ထုတ်လွှင့်မှုများ
==================

https://youtu.be/kKN-IycMgik

#PVTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ( ၂၄ )ရက်၊ စနေနေ့မနက်ပိုင်း မဇ္ဈိမရေဒီယိုအစီအစဉ်
=====================

ဒီကနေ့ မနက် နားဆင်ရမယ့် အစီစဉ်တွေကတော့ ...

မူဆယ်မြို့မှာ စစ်ကောင်စီရဲ့ လုံခြုံရေးကင်းလှည့်ကား ပစ်ခတ်ခံရပြီး ပြည်သူ့စစ် အဖွဲ့ဝင် သေဆုံးခဲ့တဲ့ သတင်းနဲ့အတူ ၂၀၂၁ ခုနှစ်နဲ့ ၂၀၂၂ ခုနှစ်အတွင်း အာရှ ၂၂ နိုင်ငံမှာ လူ့အခွင့်အရေး ခုခံကာကွယ်သူတွေအပေါ် လူ့အခွင့်အရေးချိုးဖောက်မှု ၁၆ဝဝ ကျော် ရှိပြီး မြန်မာနိုင် ငံမှာ အများဆုံး ချိုးဖောက်ခံရတယ်လို့ Forum- Asia က ပြောလိုက်တဲ့သတင်းအပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။

အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိပါတယ်။ သတင်းတွေအပြီးမှာတော့ ဒီကနေ့အတွက် သတင်းသုံးသပ်ချက်အစီအစဉ်ကို နားဆင်ရဖို့ ရှိပါတယ်။

အဲ့ဒီနောက်မှာတော့ အပတ်စဉ်တင်ဆက်နေကျဖြစ်တဲ့ Insight Myanmar အစီအစဉ်ကိုနားဆင်ရမှာပါ။

https://youtu.be/y22vKGWiL74

#Morningradio
#Mizzimaradio
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U