သြဂုတ်လ (၁) ရက်၊ အင်္ဂါနေ့ မနက်ပိုင်း မဇ္ဈိမရေဒီယိုအစီအစဉ်
========================

ဒီကနေ့ မနက် နားဆင်ရမယ့် အစီစဉ်တွေကတော့ ...

တနင်္သာရီတိုင်းအခြေစိုက် စစ်ကောင်စီတပ်က ထိပ်တန်းအရာရှိနှစ်ဦးနဲ့ တိုင်းအစိုးရ အဖွဲ့ နယ်လုံဝန်ကြီးတွေကို နေပြည်တော်ကစစ်ဆေးနေပြီး နောက်ဆက်တွဲအနေနဲ့ မြိတ်မြို့က လုပ်ငန်းရှင်ခြောက်ယောက်ကိုပါ စစ်ဆေးနေတဲ့သတင်းနဲ့အတူ ကရင်ပြည်နယ်၊ ဘားအံမြို့ သံလွင်တံတား အဆင်းက စစ်ကောင်စီစစ်ဆေး ရေးဂိတ်မှာ ဇူလိုင်လ ၃၁ ရက်နေ့ မနက် ၇ နာရီဝန်းကျင်လောက် ဗုံးပေါက်ကွဲပြီး စစ်ကောင်စီ တပ်သားတွေအပါအဝင် အရပ်သားအချို့ ထိခိုက်ဒဏ်ရာရခဲ့တဲ့သတင်း အပါအဝင် တခြား စိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။

အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိသလို အပတ်စဉ် ကဏ္ဍအဖြစ် “Mizzima Editorial Talk” အစီအစဉ်ကို နားဆင်ရမှာဖြစ်ပါတယ်ခင်ဗျာ။

https://youtu.be/-c28vq932Bo

#Mizzimaradio
#Morningradio
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

တို့ဟူးရဲ့အကျိုးကျေးဇူးများ | Nature Article

Watch more detail - https://youtu.be/Aw_9r8bdWDk

#naturearticle
#reels
#shorts

မဇ္ဈိမအတွက် ဗွီအိုအေ သတင်းလွှာ၊ သြဂုတ်လ ၁ ရက်၊ ၂၀၂၃ | VOA On Mizzima
========================

သိပ်သည်းလာတဲ့ ဖန်လုံအိမ်ဓာတ်ငွေ့တွေရဲ့ ဂယက်၊ အယ်လ်ဘေးနီးယားနိုင်ငံက ဝန်ထမ်းမလုံလောက်တဲ့ ပြဿနာ၊ ဒီလို စိတ်ဝင်စားစရာ နိုင်ငံတကာသတင်းဆောင်းပါးတွေနဲ့ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ သြဂုတ်လ ၁ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/WPBgzRu7sHY

#မဇ္ဈိမအတွက်ဗွီအိုအေ
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သိပ်သည်းလာတဲ့ ဖန်လုံအိမ်ဓာတ်ငွေ့တွေရဲ့ ဂယက် | VOA On Mizzima
===================

၂၀၂၃ ခုနှစ်ဟာ သဘာဝပတ်ဝန်းကျင် ထိန်းသိမ်းစောင့်ရှောက်ရေးအတွက် ထင်ရှားတဲ့တိုးတက်မှုတွေရခဲ့တဲ့နှစ်ဖြစ်သလို လေထုထဲ ထူထပ်သိပ်သည်းလာတဲ့ ဖန်လုံအိမ်ဓာတ်ငွေ့တွေရဲ့ ဂယက်ကြောင့် ကမ္ဘာ့အပူချိန်တွေစံချိန်တင်တိုးလာရာက ပျက်စီးဆုံးရှုံးမှုတွေများတဲ့နှစ်တခု လည်းဖြစ်ပါတယ်။ နန်းလောင်ဝ် တင်ပြထားပါတယ်။

https://youtu.be/JWPVE3ZTmFY

#မဇ္ဈိမအတွက်ဗွီအိုအေ
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာ့နွေဦးတော်လှန်ရေး ချိနဲ့အောင် လုပ်နေတာ ဘယ်နိုင်ငံတွေလဲ
========================

မြန်မာ့နွေဦးတော်လှန်ရေးမှာ စိုးရိမ်ရမယ့်အချက်က တရုတ်၊ ထိုင်းနဲ့ အိန္ဒိယနိုင်ငံတွေ ကန့်လန့်ခံနေတဲ့ ကိစ္စ ဖြစ်တယ်လို့ မြန်မာ့အရေးနဲ့ပတ်သက်ပြီး ကျွမ်းကျင်သူ အီဂေါဗလာဇီဗစ်က ထောက်ပြထားပါတယ်။
တော်လှန်ရေးအင်အားစုတွေ အနေနဲ့ ဒေါ်အောင်ဆန်းစုကြည်ကို စစ်ကောင်စီက နေပြည်တော် အကျဉ်းထောင်ကနေ နေအိမ်ကိုပြောင်းရွှေ့လိုက်ပြီး တွေ့ဆုံဆွေးနွေးရေးကိစ္စ ထွက်ပြောလာမှာကို စိုးရိမ်မနေသင့်ဘဲ တရုတ်၊ ထိုင်းနဲ့ အိန္ဒိယနိုင်ငံတွေ ဝင်ရှုပ်မယ့်ကိစ္စကိုပဲ စိတ်ပူသင့်တယ်လို့ သူက ဆိုထားပါတယ်။

https://youtu.be/GlpSjmwpmJo

#politics
#newsfeature
#mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

အယ်လ်ဘေးနီးယားနိုင်ငံက ဝန်ထမ်းမလုံလောက်တဲ့ ပြဿနာ | VOA On Mizzima
======================

ပင်လယ်ပြာ ကမ်းခြေတွေ ရှိတဲ့ အယ်လ်ဘေးနီးယားနိုင်ငံကို ခရီးသွားဧည့်သည်တွေ အလာများပါတယ်။ ဒါပေမယ့် နိုင်ငံတွင်းက လူငယ်တွေအများအပြား ပြည်ပကို ပြောင်းသွားကြတဲ့အတွက် လာတဲ့ ခရီးသွားတွေကို ဝန်ဆောင်မှုပေးမယ့် ဝန်ထမ်း မလုံလောက်မှုနဲ့ ကြုံရနိုင်ဖွယ် ရှိနေပါတယ်။ အေပီသတင်းဆောင်းပါးကို မအိသန့်စင် တင်ဆက်ထားပါတယ်။

https://youtu.be/2cRDa3OwPzw

#မဇ္ဈိမအတွက်ဗွီအိုအေ
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဩဂုတ်လ ၁ ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
====================

https://youtu.be/jJERDfpH_XE

​​၂၀၂၂ အတွင်း တရုတ်သို့ ကျောက်စိမ်း အမေရိကန်ဒေါ်လာ ၄ ဘီလီယံဖိုး တင်ပို့
======================

မြန်မာနိုင်ငံသည် တွင်းထွက်သတ္တုနှင့် ကျောက်မျက်ရတနာ တင်ပို့မှုမှ ၂၀၂၁ တွင် ဒေါ်လာ ၃ ဒသမ ၄ ဘီလီယံ ရရှိပြီး ၂၀၂၂ တွင် ဒေါ်လာ ၆ ဒသမ ၂ ဘီလီယံကျော် ရရှိကြောင်း UNComtrade နှင့် တရုတ်အကောက်ခွန်ဌာနတို့က ထုတ်ပြန်သည့် ကုန်သွယ်ရေးအချက်အလက်အရ သိရသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဒေါ်အောင်ဆန်းစုကြည် ထွက်လာပါကလည်း တော်လှန်ရေးလမ်းကြောင်း ပြောင်းသွားမည် မဟုတ်ကြောင်း NUCC နှင့် NUG ကတိပြု
=====================

001
(မဇ္စျိမ)။ ။ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထွက်လာပါကလည်း တော်လှန်ရေးလမ်းကြောင်းပြောင်းသွားမည်မဟုတ်ကြောင်း အမျိုးသားညီညွတ်ရေးအတိုင်ပင်ခံကောင်စီ (NUCC) နှင့် အမျိုးသားညီညွတ်ရေးအစိုးရ (NUG) တို့က ကတိပြုသည်။

ပြီးခဲ့သည့် ဇူလိုင်လ ၃၁ ရက်နေ့က ကျင်းပခဲ့သည့် လက်ရှိဖြစ်ပေါ်နေသော နိုင်ငံရေးအပြောင်းအလဲများနှင့် ပတ်သက်၍ ပြုလုပ်သည့် အထူးအစည်းအဝေးတွင် အထက်ပါအတိုင်း ကတိပြုခဲ့ခြင်းဖြစ်သည်။

“ဒေါ်အောင်ဆန်းစုကြည်ထွက်လာရင် ပြောင်းသွားမလား၊ မေးကြတာရှိပါတယ်။ ကျွန်တော်တို့ လုံးဝမပြောင်းပါဘူး။ ပြည်သူလူထုဆန္ဒအတိုင်းသွားမှာပါ။ ဒေါ်အောင်ဆန်းစုကြည်ကလည်း ပြည်သူလူထုဆန္ဒကို အလေးထားပါတယ်။ ကျွန်တော်တို့ မပြောင်းပါဘူးလို့ ဒီအစည်းအဝေးမှာလည်း ပြောချင်ပါတယ်”ဟု NUG ပြည်ထောင်စုဝန်ကြီးချုပ် မန်းဝင်းခိုင်သန်းက ဆိုသည်။

၂၀၀၈ ဖွဲ့စည်းပုံအခြေခံဥပဒေရှိနေသရွေ့ ဖယ်ဒရယ်ဒီမိုကရေစီပြည် ထောင်စုထူထောင်နိုင်မည်မဟုတ်သည့်အတွက် စစ်ကောင်စီပြုတ်ကျရန်လိုအပ်ပြီး ဝိုင်းဝန်းဆောင်ရွက်ပါက မဖြစ်နိုင်စရာမရှိကြောင်း ပြည်ထောင်စုဝန်ကြီးချုပ်က ဆက်လက်ပြောသည်။

ယာယီသမ္မတ ဒူဝါလရှီးလကလည်း အာဏာရှင်လုံးဝအမြစ်ပြတ်ရေးနှင့် ဖက်ဒရယ်ပြည်ထောင်စုတည်ထောင်ရေးသာ အဓိကဖြစ်ပြီး အကြမ်းဖက်စစ်အုပ်စု အကွက်ဆင်မှုနောက် လိုက်မသွားရန် အရေးကြီးကြောင်း ၎င်း၏ အဖွင့်မိန့်ခွန်းတွင် ထည့်သွင်းပြောသည်။
လက်ရှိ ဆောင်ရွက်နေမှုမှာ အစိုးရအပြောင်းအလဲမဟုတ်ဘဲ စနစ်အပြောင်းအလဲသာဖြစ်ပြီး စစ်အုပ်စုက သပ်လျှိုမှုများ နည်းလမ်းမျိုးစုံသုံးနေသော်လည်း ခေါင်းဆောင်များ အစုအဖွဲ့များအကြား ညီညီညွတ်ညွတ်ဖြင့် ရှေ့ဆက်သွားကြရန် NUCC ကလည်း အဆိုပါ အစည်းအဝေးတွင် တိုက်တွန်းခဲ့သည်။

ယင်းအထူးအစည်းအဝေးသို့ နိုင်ငံတော် ယာယီသမ္မတ၊ ပြည်ထောင်စုဝန်ကြီးချုပ်၊ ဝန်ကြီး ၊ ဒုဝန်ကြီးများနှင့် NUCCကောင်စီဝင်များ စုစုပေါင်း ၇၂ ဦးတက်ရောက်ခဲ့ပြီး လက်ရှိဖြစ်ပေါ်နေသည့် နိုင်ငံရေးအခြေအနေများနှင့်ပတ်သက်ပြီး သုံးသပ်ဆွေးနွေးခြင်း၊ ဖက်ဒရယ်ဒီမိုကရေစီပဋိညာဉ်နှင့်အညီနှင့် ရှေ့ဆက်ဆောင်ရွက်မည့်လုပ်ငန်းများ၊ မဟာမိတ်အဖွဲ့အစည်းများနှင့် ပူးပေါင်းဆောင်ရွက်သွားရန် လိုအပ်သည့်လုပ်ငန်းများကို ဆွေးနွေးဆုံးဖြတ်ခဲ့ကြကြောင်း သတင်းထုတ်ပြန်ထားသည်။

လက်ရှိတွင် စစ်ကောင်စီအနေဖြင့် အရေးပေါ်ကာလကို ယခု ဩဂုတ်လ ၁ ရက်နေ့ကစပြီး ခြောက်လ သက်တမ်းထပ်တိုးထားကာ နေပြည်တော်အချုပ်ထောင်တွင် ထိန်းသိမ်းထားသည့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ထိုင်းနိုင်ငံခြားရေးဝန်ကြီးနှင့် ပေးတွေ့ခြင်း၊ နေအိမ်အကျယ်ချုပ်​ရွှေ့ပြောင်းခြင်းတို့ကို ဇူလိုင်လအတွင်းက ဆောင်ရွက်ခဲ့သည်။

စာတည်း - သန့်ဇော်(သန်လျင်)

#mizzima
#NUCC
#NUG
#ဒေါ်အောင်ဆန်းစုကြည်
#စစ်ကောင်စီ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အမျိုးသမီးအသင်းအပေါ် အာရုံစိုက်မှု တိုးမြှင့်မယ့် Adidas နဲ့ မန်ယူတို့ရဲ့ စာချုပ်သစ်
====================

မန်ချက်စတာယူနိုက်တက်အသင်းက သူတို့ဟာ ဂျာမန်အားကစားပစ္စည်းထုတ်လုပ်ရေးကုမ္ပဏီကြီး Adidas နဲ့ အနည်းဆုံး ပေါင် သန်း ၉၀၀ (ဒေါ်လာ ၁.၁၅ ဘီလီယံ) တန်ကြေးရှိတဲ့ ၁၀ နှစ်စာချုပ်သစ်ကို တနင်္လာနေ့မှာ လက်မှတ်ရေးထိုးလိုက်တယ်လို့ ပြောကြောင်း BBC အရ သိရပါတယ်။

နှစ်ဦးနှစ်ဖက်ဟာ ၂၀၁၅-၁၆ ရာသီကတည်းက လက်တွဲခဲ့ကြပြီး ၂၃ နှစ်ကြာ ရပ်နားထားပြီးတဲ့နောက် ပြန်လည်ပေါင်းစည်းခဲ့ကြကာ စာချုပ်သစ်ဟာ "မန်ချက်စတာယူနိုက်တက် အမျိုးသမီးအသင်း"အပေါ် အဓိက အာရုံစိုက်သွားမှာဖြစ်တယ်လို့ နှစ်ဖက်စလုံးက ပြောကြားခဲ့သည်။

"၂၀၁၈ မှာ ပြန်လည်မိတ်ဆက်ပြီးနောက်ပိုင်း စာချုပ်သစ်က မန်ချက်စတာယူနိုက်တက်အမျိုးသမီးအသင်းအပေါ် အာရုံစိုက်မှု တိုးမြှင့်လာစေပြီး အမျိုးသမီးဘောလုံးပြိုင်ပွဲကို ရှေ့ဆက်ဖို့ မန်ချက်စတာယူနိုက်တက်နဲ့ adidas တို့ရဲ့ ကတိကဝတ်တွေကို ဆက်လက်လုပ်ဆောင်သွားမှာပါ"လို့ ယူနိုက်တက်ရဲ့ ဝက်ဘ်ဆိုဒ်မှာ ကြေညာချက်တစ်စောင်ထုတ်ပြန်ပါတယ်။

ယူနိုက်တက်ဟာ စာချုပ်သစ်အတွက် ကိန်းဂဏန်းကို မဖော်ပြထားပေမယ့် အနည်းဆုံး ပေါင် သန်း ၉၀၀ တန်ကြေးရှိတယ်လို့ BBC က ဆိုပါတယ်။

နှစ်ရာသီဆက်တိုက် ချန်ပီယံလိဂ်ဝင်ခွင့် မရပါက နှစ်စဉ်ပေးချေမှုတွေကို ၃၀ ရာခိုင်နှုန်း လျှော့ချနိုင်တယ်လို့လည်း BBC က ဖော်ပြပါတယ်။ ယူနိုက်တက်ဟာ လာမယ့်ရာသီမှာ ချန်ပီယံလိဂ်မှာ ကစားမှာဖြစ်ပါတယ်။

စစ်အာဏာသိမ်း နောက်ခြောက်လသက်တမ်းထပ်တိုးမှု အမေရိကန်နဲ့ကုလ စိုးရိမ်တကြီးတုံ့ပြန်
======================

နိုင်ငံအတွင်း အကြမ်းဖက်သတ်ဖြတ်တာတွေ ပိုဆိုးလာနေတယ်၊ လုံခြုံရေးဆောင်ရွက်ဖို့ လိုအပ်နေသေးတယ်လို့ အကြောင်းပြပြီး အာဏာသိမ်းအရေးပေါ်ကာလကို နောက်ထပ် ခြောက်လထပ်တိုးပေးဖို့ စစ်ခေါင်းဆောင် မင်းအောင်လှိုင်က ဇူလိုင်လ ၃၁ ရက်က ကာလုံအစည်းအဝေးမှာ တင်ပြခဲ့ပါတယ်။

အခုလို စစ်အုပ်ချုပ်မှု သက်တမ်းတိုးတဲ့အပေါ် ကုလသမဂ္ဂရော အမေရိကန်ပြည်ထောင်စုကပါ စိုးရိမ်တကြီးတုံ့ပြန်လာပါတယ်။
မြန်မာနိုင်ငံကို ဖြစ်နိုင်သမျှ မြန်မြန် ဒီမိုကရေစီနည်းကျ အုပ်ချုပ်ရေးပြန်သွားဖို့ လိုလားပါတယ်လို့ ကုလသမဂ္ဂ အတွင်းရေးမှူးချုပ်ရုံး လက်ထောက်ပြောခွင့်ရသူ Farhan Haq က ပြောပါတယ်။
ဒါ့အပြင် စစ်အာဏာသိမ်းမှုကို ဆန့်ကျင်တယ်ဆိုတာ ရှင်းရှင်းလင်းလင်း ရပ်တည်ပြောဆိုထားပြီးဖြစ်တယ်လို့လည်း ဆိုပါတယ်။

အလားတူ မြန်မာစစ်အစိုးရမှ အရေးပေါ်အခြေအနေအား ခြောက်လသက်တမ်းတိုးရန်ဆုံးဖြတ်ချက်အပေါ် အမေရိကန်ပြည်ထောင်စုက အလွန်စိုးရိမ်မိကြောင်း နိုင်ငံခြားရေးဌာန ပြောရေးဆိုခွင့်ရှိသူက တနင်္လာနေ့မှာ ပြောကြားခဲ့ပါတယ်။

စစ်တပ်က တိုင်းပြည်ကို အကြမ်းဖက်မှုနဲ့ မတည်မငြိမ်ဖြစ်အောင် ပိုလုပ်လာမှာကို စိုးရိမ်ပါတယ်လို့ ပြောရေးဆိုခွင့်ရှိသူ Matthew Miller က ပြောပါတယ်။

စစ်ကောင်စီရဲ့ ကျယ်ပြန့်တဲ့ ရက်စက်ကြမ်းကြုတ်မှုတွေနဲ့ မြန်မာပြည်သူတွေရဲ့ ဒီမိုကရေစီ လိုလားချက်တွေကို လျစ်လျူရှုတာဟာ အကျပ်အတည်းကို ဆက်လက် ရှည်လျားစေပါတယ်လို့လည်း မီလာက ပြောပါတယ်။

အကြောင်းအမျိုးမျိုးပြကာ ဆွဲဆန့်ထားတဲ့ အရေးပေါ်ကာလ သက်တမ်းကုန်ဆုံးပြီးနောက် စစ်ဗိုလ်ချုပ်ကြီးများ ဦးဆောင်ကာ နေပြည်တော်မှာ ဇူလိုင် ၃၁ ပြုလုပ်ခဲ့တဲ့ ကာကွယ်ရေးနှင့်လုံခြုံရေး ကောင်စီအစည်းအဝေးခေါ်ကာ စစ်ကောင်စီရဲ့ သက်တမ်းကို နောက်ထပ် ၆ လထပ်တိုးလိုက်တာဖြစ်ပါတယ်။

ဖွဲ့စည်းပုံအခြေခံဥပဒေအရ အရေးပေါ်ကာလကို နှစ်နှစ်အထိသာ သတ်မှတ်နိုင်တာဖြစ်ပေမယ့် တိုင်းပြည်အတွင်း “သာမာန်မဟုတ်သော” အခြေအနေဖြစ်ပေါ်နေသည်ဆိုကာ ယခုနှစ် ဇန်နဝါ ရီ ၃၁ ရက်မှာ ခြောက်လသက်တမ်းတိုးခဲ့တဲ့ စစ်ကောင်စီက နောက်ထပ်အကြောင်းပြချက်တွေနဲ့ သက်တမ်းထပ်တိုးလိုက်တာပါ။
အမျိုးသားညီညွတ်ရေးအစိုးရ (NUG)၊ ဒေသခံခုခံကာကွယ်ရေးတပ်ဖွဲ့ (PDFs) နဲ့ တိုင်းရင်းသားလက်နက်ကိုင်အဖွဲ့တချို့ရဲ့ အကြမ်းဖက်တိုက်ခိုက်တာတွေ ဆက်ရှိနေသေးတာကြောင့် အရေးပေါ်ကာလသက်တမ်း ထပ်တိုးပေးဖို့လိုတယ်လို့ စစ်ခေါင်းဆောင်က အစည်းအဝေးမှာ ပြောခဲ့ပါတယ်။

မြန်မာနိုင်ငံတွင်း ၂၀၂၁ ခုနှစ် ဖေဖော်ဝါရီလ ၁ ရက်နေ့မှာ စစ်တပ်ကအာဏာသိမ်းယူပြီး ရွေးချယ်ခံအရပ်သားအစိုးရခေါင်းဆောင်တွေကို ဖမ်းဆီးထောင်ချခဲ့တာပါ။

အရေးပေါ်ကာလ ကြေညာပြီး အာဏာသိမ်းယူလာခဲ့တာ အခု ဒီတကြိမ်ဟာ လေးကြိမ်‌မြောက်သက်တမ်းတိုးတာဖြစ်ပါတယ်။
စစ်တပ်က အာဏာသိမ်းပြီးတဲ့နောက် ကန့်ကွက်ဆန္ဒပြမှုတွေကို စစ်ကောင်စီက အကြမ်းဖက်နှိမ်နင်းခဲ့ ပြီး လက်နက်ကိုင်ခုခံမှုတွေ နိုင်ငံအဝှမ်းဖြစ်ခဲ့ပါတယ်။

မြန်မာနိုင်ငံကပဋိပက္ခကို ငြိမ်းငြိမ်းချမ်းချမ်းဖြေရှင်းဖို့ ကုလသမဂ္ဂအပါအဝင်နိုင်ငံတကာက တောင်းဆိုတိုက်တွန်းနေသလို တဖက်မှာလည်း အထူးသဖြင့် အနောက်နိုင်ငံတွေက စစ်ကောင်စီကို အရေးယူဒဏ်ခတ်မှုတွေ တိုးသထက် တိုး လုပ်ဆောင်လာနေပါတယ်။
လွန်ခဲ့တဲ့ နှစ်နှစ်ခွဲလောက်က ဒီမိုကရေစီနည်းကျ ရွေးကောက်တင်မြှောက်ထားတဲ့ အစိုးရကို ဖြုတ်ချပြီးကတည်းက စစ်တပ်က ရာနဲ့ချီတဲ့ လေကြောင်းတိုက်ခိုက်မှုတွေနဲ့ အိုးအိမ်ထောင်ပေါင်းများစွာကို မီးရှို့ဖျက်ဆီးခဲ့ပြီး လူပေါင်း ၁.၆ သန်းကျော်ကို အိုးအိမ်စွန့်ခွာ ထွက်ပြေးစေခဲ့တယ်လို့လည်း မီလာက ပြောကြားခဲ့ပါတယ်။
ဒီတစ်ခေါက် အရေးပေါ်ကာလသက်တမ်းဟာ ၂၀၂၄ ခုနှစ် ဇန်နဝါရီ ၃၁ ရက်နေ့မှာ ကုန်ဆုံးမှာဖြစ်ပါတယ်။

https://youtu.be/NdHI8LvjLNg

#politicalnews
#newsfeature
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ရေးလေ့ကျင့်မှုအားလုံးမှာ တရားမဝင် စစ်ကောင်စီကို ချန်လှပ်ထားဖို့ အာဆီယံ လွှတ်တော်အမတ်တွေ တောင်းဆို
===================

အာဆီယံအဖွဲ့ကပြုလုပ်တဲ့ ပူးတွဲစစ်ရေးလေ့ကျင့်မှုအားလုံးမှာ တရားမဝင် အာဏာသိမ်းစစ်ကောင်စီကို ချန်လှပ်ထားဖို့ အာဆီယံလွှတ်တော်အမတ်တွေက အာဆီယံကို တောင်းဆိုလိုက်ပါတယ်။

အာဆီယံနိုင်ငံတွေက သြဂုတ်လနဲ့ စက်တင်ဘာလအတွင်း မြန်မာစစ်ကောင်စီနဲ့ တန်ပြန်အကြမ်းဖက်မှု စစ်ရေးလေ့ကျင့်မှုတွေပြုလုပ်ဖို့ စီစဉ်ထားတဲ့အပေါ် အလွန်အမင်း စိုးရိမ်မိတယ်လို့ အာဆီယံ လွှတ်တော်အမတ် တွေက ထုတ်ဖော်ပြောပါတယ်။

အကြမ်းဖက်မှုတွေ ချက်ချင်း အဆုံးသတ်မယ့် ဘုံသဘောတူညီချက် ၅ ရပ်ကိုလိုက်နာဖို့ စစ်ကောင်စီက နိုင်ငံရေးဆန္ဒမရှိတာကို စဉ်ဆက်မပြတ် ပြသခဲ့တာကြောင့် ပူးတွဲစစ်ရေးလေ့ကျင့်မှုအားလုံးမှာ စစ်ကောင်စီကို ချန် လှပ်ထားဖို့ အာဆီယံအဖွဲ့ကို တောင်းဆိုပါတယ်” လို့ အာဆီယံ လူ့အခွင့်အရေးဆိုင်ရာ လွှတ်တော်အမတ်များအ ဖွဲ့ (APHR) ဥက္ကဌနဲ့ အင်ဒိုနီးရှား အောက်လွှတ်တော်အမတ် မာစီဘာရန်းစ်က ပြောပါတယ်။

တန်ပြန်အကြမ်းဖက်မှုဆိုင်ရာ အာဆီယံ ကာကွယ်ရေးဝန်ကြီးများ အစည်းအဝေး (ADMM+) ကို သြဂုတ် လနဲ့ စက်တင်ဘာလအတွင်း မြန်မာနဲ့ရုရှားနိုင်ငံမှာ ပြုလုပ်မယ်လို့ ရုရှား ကာကွယ်ရေးဝန်ကြီးဌာနရဲ့ထုတ်ပြန် ချက်တွေနဲ့ အာဆီယံဝဘ်ဆိုဒ်ရဲ့ ဖော်ပြချက်အရ သိရပါတယ်။

မြန်မာနဲ့ရုရှားဟာ ၂၀၂၁ ခုနှစ်ကတည်းက အဆိုပါလုပ်ငန်းကော်မတီရဲ့ ဉက္ကဌအဖြစ် တာဝန်ယူခဲ့တာလို့ သိရပါတယ်။

အာဏာသိမ်းစစ်ကောင်စီဟာ ဒီမိုကရေစီရွေးကောက်ခံ NUG၊ CRPH၊ PDF နဲ့ အခြားဒီမိုကရေစီအဖွဲ့အ စည်းတွေကို အကြမ်းဖက်သမားတွေအဖြစ် သတ်မှတ်ပြီး တန်ပြန်အကြမ်းဖက်ဖို့ ရည်ရွယ်ချက်တွေနဲ့ ဒီစစ်ရေး လေ့ကျင့်မှုတွေမှာ ပါဝင်တာလို့ ဆိုပါတယ်။

ဒီစစ်ရေးလေ့ကျင့်မှုတွေကြောင့် စစ်ကောင်စီက မြန်မာပြည်သူတွေအပေါ် အကြမ်းဖက်မှုတွေ တိုးမြှင့် လုပ်ဆောင်လာနိုင်ပြီး လူ့အခွင့်အရေး ချိုးဖောက်မှုတွေကို ရှုတ်ချကြောင်းနဲ့ စစ်ကောင်စီရဲ့ အကြမ်းဖက်မှုတွေ ကို လက်သင့်မခံကြောင်း ထုတ်ဖော်ပြောရာမှာ အာဆီယံအဖွဲ့က ညီညွတ်မှုရှိရမှာဖြစ်တယ်လို့ဆိုပါတယ်။

ဒါကြောင့် ဒီလိုမျိုး စစ်ရေး လေ့ကျင့်မှုအားလုံးကို ဖျက်သိမ်းပြီး စစ်ကောင်စီကို အနာဂတ် စစ်ရေးလေ့ကျင့်မှုနဲ့ ကာကွယ်ရေးဆိုင်ရာ အစည်း အဝေးတွေမှာ ပါဝင်ခွင့်မပြုဖို့ လိုအပ်ပါတယ်လို့ လည်း အင်ဒိုနီးရှား အောက်လွှတ်တော်အမတ် မာစီဘာရန်းစ်ကပြောပါတယ်။

အင်ဒိုနီးရှားနိုင်ငံ ပင်လယ်ပြင်မှာ ကျင်းပမယ့် အာဆီယံနိုင်ငံများရဲ့ စစ်ရေးလေ့ကျင့်ခန်းအစီအစဉ်ကို မြန်မာစစ်တပ် အပါအဝင် အာဆီယံနိုင်ငံများရဲ့ စစ်တပ်များ ပူးပေါင်းလေ့ကျင့်သွားဖွယ်ရှိနေကြောင်း ပြီးခဲ့တဲ့ ဇွန်လ အတွင်းက အင်ဒိုနီးရှားရေတပ်ဦးစီးချုပ် Admiral Yudo Margono က ပြောကြားထားတာဖြစ်ပါတယ်။

https://youtu.be/P4-6xWkSOA4

#politicalnews
#newsfeature
#mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

ဩဂုတ်လ (၁) ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
========================

00:58- စစ်အာဏာသိမ်း နောက်ခြောက်လသက်တမ်းထပ်တိုးမှု အမေရိကန်နဲ့ကုလ စိုးရိမ်တကြီးတုံ့ပြန်တဲ့သတင်း

03:40- ရခိုင်အပါအဝင် တိုင်းနှင့်ပြည်နယ် ၇ ခု မိုးကြီးမည့် သတိပေးချက် NUG ထုတ်ပြန်တဲ့သတင်း

04:57- ဆေးရုံအနီးဗုံးပေါက်ကွဲပြီးနောက် မူဆယ်မြို့ကို စစ်ကောင်စီက မာရှယ်လောထုတ်တဲ့သတင်းနဲ့

07:16- ပူးပေါင်းစစ်ရေးလေ့ကျင့်မှုအတွင်း ပျက်ကျခဲ့တဲ့ ဩစတြေးလျ စစ်ဘက်ရဟတ်ယာဉ်မှ အပျက်အစီးများတွေ့ရှိ တဲ့သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/0Z6_FTDMwRM

Photo - CJ

#12pmnews
#Mizzimanewshour
#MizzimaTV
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

အကြမ်းဖက် စစ်တပ်နှင့် စေ့စပ်ရေးလုပ်သူ မှန်သမျှ ပြည်ပြတ်သားသား ဆန့်ကျင်ရှုတ်ချကြောင်း တော်လှန်ရေး ၁၁ ဖွဲ့ထုတ်ပြန်
======================

အကြမ်းဖက်စစ်တပ်နဲ့ စေ့စပ်ရေးလျှောက်လှမ်းသူ မည်သူမဆို မည်သည့် အဖွဲ့အစည်းကို မဆို ပြတ်ပြတ်သားသား ဆန့်ကျင့်ရှုတ်ချကြောင်း တော်လှန် ရေး အဖွဲ့ ၁၁ ဖွဲ့က ဇူလိုင် ၃၁ ရက်နေ့မှာ ပူးတွဲ ကြေညာချက် ထုတ်ပြန်လိုက်ပါတယ်။

စစ်ကောင်စီဟာ လူထုတစ်ရပ်လုံးအပေါ် အခုချိန်အထိ ရက်ရက်စက်စက် သတ်ဖြတ်နေတာကြောင့် စစ်အုပ်စု၊ စစ်အစိုးရ၊ စစ်ဗျူရိုကရေစီယန္တရားစတဲ့ စစ်သုံးစစ်နဲ့ အခိုင်အမာတည်ဆောက်ထားတဲ့ စစ်အာဏာရှင်စနစ်ကို အမြစ်ပြတ်ချေမှုန်းရေးဟာ တော်လှန်ရေးရဲ့ သမိုင်းပေးတာဝန်ဖြစ်တယ်လို့လည်း ဆိုထားပါတယ်။

ခေတ်အဆက်ဆက် ဆင်နွဲလာခဲ့တဲ့ စစ်အာဏာရှင်စနစ် အမြစ်ဖြတ်ရေးတိုက်ပွဲမှာ လူမျိုးပေါင်းစုံ လူထုတစ်ရပ်လုံး ပါဝင်မှုမြင့်မားနေချိန် ဘုံရန်သူကိုဆန့်ကျင်တဲ့ ဘယ်အဖွဲ့ကိုမဆို မိတ်ဆွေအဖြစ် သဘောထားရမယ်လို့လည်း ပူးတွဲထုတ်ပြန်ချက်မှာ ရေးသားထားပါတယ်။

ဒါ့အပြင် တော်လှန်ရေးအဖွဲ့အစည်းအချင်းချင်း တိုက်ခိုက်ရန်လိုတဲ့ အပြုအမူအားလုံးကို ချေမှုန်းတိုက်ဖျက် သွားမှာ ဖြစ်ကြောင်း တော်လှန်ရေးအဖွဲ့များရဲ့ ထုတ်ပြန်ချက်မှာဖော်ပြထားပါတယ်။

တော်လှန်ရေးအဖွဲ့ ၁၁ ခုဖြစ်တဲ့ Ayeyarwaddy Federal School Students Union၊ Ayeyarwaddy Youths' Union (AYU)၊ Power Of Education Students Union၊ Political Prisoners Network (Myanmar)၊ UCY Foundation၊ Youths' Force in Ayeyarwaddy Region (YFAR)၊ ကြယ်နီတပ်ဦး၊ တိုးတက်သောလူငယ်အစည်းအရုံး (ဧရာဝတီမြစ်ဝကျွန်း ပေါ်ဒေသ)၊ ပြည်သူ့ဝန်ထမ်းများသမဂ္ဂ၊ ဧရာဝတီ တော်လှန်တပ်ဦး၊ ဧရာဝတီတိုင်းလယ်သမားအင်အားစုများက ထိုသို့ ကြေညာခြင်းဖြစ်ပါတယ်။

စစ်သုံးစစ်အမြစ်ဖြတ်ရေးအတွက် “တူတာတွဲလုပ်၊ မတူတာခွဲလုပ်” ဆိုတဲံ အခြေခံပေါ်မှာ တပ်ပေါင်းစုဖွဲ့စည်းရေး ကြိုးပမ်းဆောင်ရွက်သွားရန် အထူးလိုအပ်ကြောင်း တော်လှန်ရေးအဖွဲ့ ၁၁ ခုက ကြေညာထားပါတယ်။

အမျိုးသားညီညွတ်ရေးအစိုးရ NUG အနေနဲ့ ဒေါ်အောင်ဆန်းစုကြည် လွတ် မြောက်လာသည့်တိုင် အကြမ်းဖက် စစ်အုပ်စု ပြုတ်ကျရေးနဲ့ ဖက်ဒရယ် ဒီမိုကရေစီ ပြည်ထောင်စု ထူထောင်ရေး လမ်းကြောင်းကို ပြောင်းလဲစရာ မရှိကြောင်း NUG ဝန်ကြီးချုပ် မန်းဝင်းခိုင်သန်းကလည်း ပြောဆိုလိုက်ပါတယ်။

အမျိုးသားညီညွတ်ရေး အတိုင်ပင်ခံကောင်စီ (NUCC) နှင့် အမျိုးသားညီညွတ်ရေးအစိုးရ (NUG) တို့က လက်ရှိဖြစ်ပေါ်နေသော နိုင်ငံရေးအပြောင်းအလဲများနဲ့ ပတ်သက်ပြီး အထူးအစည်းအဝေးတရပ်ကို ကျင်းပစဉ် NUG ဝန်ကြီးချုပ် မန်းဝင်းခိုင်သန်းက အထက်ပါအတိုင်း ပြောဆိုလိုက်တာဖြစ်ပါတယ်။

နိုင်ငံတော်ယာယီသမ္မတ ဒူဝါလရှီးလကလည်း အကြမ်းဖက်စစ်အုပ်စု အကွက်ဆင်မှုအပေါ် လိုက်မသွားရန် အရေးကြီးတယ်လို့ ထောက်ပြထားပါတယ်။

https://youtu.be/h16Wv3p4B1s

#politicalnews
#newsfeature
#mizzima
-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့၏ အမှုတစ်ချို့ စစ်​ကောင်စီ လွတ်ငြိမ်းခွင့်ပေး
=======================

001
(မဇ္စျိမ)။ ။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့၏ အမှုတစ်ချို့အား စစ်ကောင်စီက ပြစ်ဒဏ်လွတ်ငြိမ်းခွင့်ပေးလိုက်ကြောင်း စစ်ကောင်စီဝါဒဖြန့် မြဝတီရုပ်သံက ယနေ့ နေ့လယ်ပိုင်းတွင် ထုတ်လွှင့်သည်။

ဒေါ်အောင်ဆန်းစုကြည်အားချမှတ်ခဲ့သည့် ပြစ်ဒဏ်များအနက် ရာဇဝတ်မှုကြီးအမှတ် ၃၅/ ၂၀၂၁၊ ၃၇/၂၀၂၁၊ ၇၁/ ၂၀၂၁၊ ၃၈/၂၀၂၁၊ ၄၅/ ၂၀၂၁ စသည့် အမှုငါးမှုကို ပြစ်ဒဏ်လွတ်ငြိမ်းခွင့်ပေးကြောင်း ကြေညာခဲ့ခြင်းဖြစ်သည်။

အသက် ၇၈ နှစ်အရွယ် ဒေါ်အောင်ဆန်းစုကြည်ကို စစ်ကောင်စီက အဂတိအမှုများ အပါအဝင် အမှုပေါင်း ၁၉ မှုဖြင့် စွပ်စွဲပြီး ထောင်ဒဏ် ၃၃ နှစ် ချမှတ်ခဲ့ခြင်းဖြစ်သည်။ လက်ရှိ လွတ်ငြိမ်းခွင့်ပေးလိုက်သည့် အမှုများနှင့် ပတ်သက်ပြီး အသေးစိတ်ကို ဆက်လက်စုံစမ်းဆဲဖြစ်သည်။

သမ္မတဦးဝင်းမြင့်မှာလည်း အမှုပေါင်းရှစ်မှုဖြင့် ထောင်ဒဏ် ၁၂ နှစ် ချမှတ်ခံထားရပြီး ထိုအထဲမှ အမှုနှစ်ခုကို ပြစ်ဒဏ်လွတ်ငြိမ်းခွင့်ပေးလိုက်ကြောင်း စစ်ကောင်စီက ထုတ်ပြန်ခဲ့သည်။

ယနေ့ကျရောက်သည့် ဒုတိယဝါဆိုလပြည့်နေ့ အထိမ်းအမှတ်အနေဖြင့် အကျဉ်းထောင်၊ အချုပ်ထောင်၊ စခန်းအသီးသီးတွင် ပြစ်ဒဏ်ကျခံနေရသည့် အကျဉ်းသား၊ သူ ၇၇၄၉ ဦးကို နောက်တကြိမ်ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန် ကျန်ရှိသော ပြစ်ဒဏ်များကိုပါ ဆက်လက်ကျခံပါမည်ဟူသည့် စည်းကမ်းချက်ဖြင့် ပြစ်ဒဏ်လွတ်ငြိမ်းခွင့်ပြုလိုက်ကြောင်း စစ်ကောင်စီက ထုတ်ပြန်ထားသည်။

စစ်ကောင်စီက အထိမ်းအမှတ်နေ့များတွင် နိုင်ငံရေးအကျဉ်းသား ထောင်နှင့်ချီလွှတ်ပေးတတ်ရှိသော်လည်း နိုင်ငံရေးအကျဉ်းသား အနည်းအကျဉ်းသား ပါဝင်​လေ့ရှိသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U