FM: Taiwan removal from PARLACEN an "attack" on global democracy
=====================

https://youtu.be/hA5xo-UrC38

မြိတ်-တနင်္သာရီလမ်းပိုင်းတွင် စစ်ကောင်စီတပ်က အကန့်အသတ်ဖြင့် စားနပ်ရိက္ခာ သယ်ယူခွင့်ပြု
=================

ကိုရွှေမြိတ်
(မဇ္ဈိမ)။ ။တနင်္သာရီတိုင်း၊ တနင်္သာရီမြို့နယ်၊ မြိတ်-တနင်္သာရီလမ်းပိုင်း ဇဝဲကျေးရွာရှိ စစ်ကောင်စီတပ် အထိုင်ချထားသည့် စစ်ဆေးရေးဂိတ်က စားနပ်ရိက္ခာကို အကန့်အသတ်ဖြင့်သာ သယ်ယူခွင့်ပြုသည်ဟု ဒေသခံများထံမှ သိရသည်။

“အခုရက်ပိုင်းမှာ တကူရွာကနေ တနင်္သာရီမြို့နယ်ဘက်ကို ဆန်၊ ဆီ၊ ဆေးဝါး သယ်ဆောင်ခွင့်ကို ကန့် သတ်သတိပေးတာတွေ လုပ်လာတာပါ” ဟု ဒေသခံက ပြောသည်။

ယခင်က အဆိုပါ စစ်ဆေးရေးဂိတ်တွင် ယခုကဲ့သို့ တားမြစ်ကန့်သတ်ခြင်းမရှိဘဲ ယခုရက်ပိုင်းတွင် စစ်ရေး လှုပ်ရှားမှုများ ဆက်တိုက်ဖြစ်ပွားလာခြင်းကြောင့် ဩဂုတ်လ ၁၉ ရက်နေ့မှစ၍ ဖြတ်သန်းသွားလာသည့် ကားများကို ပစ္စည်းသယ်ယူခွင့် ကန့်သတ်၊ ပိတ်ပင်လိုက်ခြင်းဖြစ်ကြောင်း ကားသမားများနှင့် ဒေသခံများ ကပြောသည်။
“အဓိကတော့ ဆန်၊ ဆီ၊ ဆေးဝါး သုံးမျိုးကို အဓိကထားစစ်ဆေးပြီး သယ်ဆောင်ခွင့် တားမြစ် ကန့်သတ် နေတာပါ။ လောလောဆယ် သတိပေးတဲ့အဆင့်ပဲရှိသေးတော့ နောက်ပိုင်း ဘာတွေဖြစ်လာမလဲ မသိသေး ဘူး ”ဟု တနင်္သာရီမြို့နယ်မှ ယာဉ်မောင်းတဦးက ပြောသည်။

တနင်္သာရီမြို့နယ် ဇဝဲရွာလမ်းဆုံစစ်ဆေးရေးဂိတ်သည် မြိတ်မြို့၊ တနင်္သာရီမြို့နှင့် တကူကျေးရွာများသို့ သွားသည့်လမ်းသုံးခွဆုံရာနေရာဖြစ်ပြီး စစ်ကောင်စီလက်အောက်ခံ ခမရ(၅၅၆)မှ တပ်ရင်းမှူးကိုယ်တိုင် စစ်ဆေးနေကြောင်း ဒေသခံများ၏ ပြောဆိုချက်အရ သိရသည်။

ယခင်က အဆိုပါစစ်ဆေးရေးဂိတ်တွင် တခါတရံသာ စစ်ဆေးလေ့ရှိပြီး ငွေကြေးပေးဆောင်ကာသွားလာ ၍ရကြောင်း၊ တနင်္သာရီမြို့နယ်အတွင်း စစ်ရေးလှုပ်ရှားမှုများနှင့် တိုက်ပွဲများဖြစ်ပွားလာပါက ယင်းစစ် ဆေးရေးဂိတ်ကို ပိတ်ထားလေ့ရှိကြောင်း ဒေသခံများက ပြောသည်။

ဩဂုတ်လဒုတိယပတ်တွင် တနင်္သာရီမြို့နယ်အတွင်းရှိ တမုတ်ချုံးကျေးရွာအုပ်စု၊ အရှေ့မော်တုံးကျေး ရွာအုပ်စု၊ မြို့ပေါ်ရပ်ကွက်အချို့နှင့် ထုံခါ-မောတောင်လမ်းပိုင်းတို့တွင် စစ်ကောင်စီတပ်ဖွဲ့၏ စစ်ရေးလှုပ် ရှားမှုများရှိနေ၍ ဒေသခံအချို့ဖမ်းဆီးသတ်ဖြတ်ခံရမှုများရှိနေပြီး ကာကွယ်ရေးတပ်ဖွဲ့များနှင့် စစ်ကောင် စီတပ်ဖွဲ့တို့ကြား စစ်ရေးတင်းမာနေကြောင်းလည်း သိရသည်။

စစ်ကောင်စီတပ်က ထားဝယ်မြို့နယ်၊ အရှေ့တောဒေသကိုလည်း ဩဂုတ်လ ဒုတိယပတ်မှစ၍ ဆန်နှင့် ဆေးဝါး သယ်ယူခွင့်ကို ကန့်သတ်ထားသည်ဟု သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#တနင်္သာရီတိုင်း
#တနင်္သာရီမြို့နယ်
#စစ်ဆေးရေးဂိတ်

ပုံအညွှန်း-မြိတ်-တနင်္သာရီလမ်းပိုင်း။(ဓာတ်ပုံ-CJ)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖူကူရှီးမားဓာတ်ပေါင်းဖိုမှ ရေထုတ်လွှတ်မှုနဲ့ပတ်သက်ပြီး အင်္ဂါနေ့မှာဆုံးဖြတ်မယ့်အကြောင်း ဂျပန်ပြော

#Internationalnews #mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts #Japan

ဆားလင်းကြီး ချည်မျှင်နှင့်အထည်စက်ရုံ၌တပ်စွဲထားသည့် စစ်ကောင်စီတပ်ဖွဲ့ တိုက်ခိုက်ခံရ
=======================

လွှမ်းမိုး (မဇ္ဈိမ) ။ ။စစ်ကိုင်းတိုင်း၊ ဆားလင်းကြီးမြို့ရှိ အမှတ်(၆) ချည်မျှင်နှင့်အထည်စက်ရုံ၌ တပ်စွဲနေသည့် စစ်ကောင်စီတပ်ဖွဲ့ကို ဒေသကာကွယ်ရေးတပ်ဖွဲ့များက ဩဂုတ်လ ၂၀ ရက်နေ့ ညနေ ၅ နာရီခွဲက လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း Hero Fighter တပ်ဖွဲ့ထံမှ သိရသည်။

“လက်နက်ကြီးတွေ ဖြစ်တဲ့ ၆၀ မမ ၊ ၈၀ မမ ၊ ၄၀ မမ တွေနဲ့ ပစ်ခတ်တိုက်ခိုက်ခဲ့တာ ဖြစ်ပါတယ်။ စက်ရုံ အဆောက်အဦးတွေပျက်စီးခဲ့ပြီး စစ်သားသေဆုံးမှုလည်းရှိပေမယ့် အသေးစိတ် အတည်မပြုနိုင်သေး ပါ ဘူး”ဟု Hero Fighter တပ်ဖွဲ့မှ ဗိုလ်သူရိန်က ပြောသည်။

အဆိုပါ တိုက်ခိုက်မှုကို Hero Fighter (SALINGYI) ၊ ယင်းမာပင်ခရိုင် အမှတ်(၃၅) တပ်ရင်း ၊ Chindwin Dynamite နှင့် ဒေသတွင်း ညီနောင်မဟာမိတ်များက ပူးပေါင်းတိုက်ခိုက်ခဲ့ခြင်းဖြစ်ပြီး ဒေသကာကွယ်ရေး ရဲဘော်များ အထိအခိုက်မရှိ ဆုတ်ခွာနိုင်ခဲ့‌ကြောင်း သိရသည်။

စစ်ကောင်စီတပ်သားများ အထိုင်ချတပ်စွဲနေထိုင်ရာဖြစ်သည့်အတွက် တပတ်ခန့်အချိန်ယူကာ ကြိုတင် ပြင်ဆင်မှုများ ပြုလုပ်ခဲ့ရသည်ဟု ဆိုသည်။

ဆားလင်းကြီးမြို့တွင် စစ်ကောင်စီတပ်ဖွဲ့ဝင်များသည် ရဲစခန်း၊ ထွေအုပ်ရုံး၊ ချည်မျှင်နှင့်အထည်စက်ရုံ တို့၌တပ်စွဲနေထိုင်ပြီး ယခုစစ်ဆင်ရေးဖြစ်ပွားပြီးနောက် စစ်ကောင်စီတပ်က မြို့တောင်ဘက်၌ ကင်းပုန်း များချထားကြောင်း Hero Fighter တပ်ဖွဲ့ ထံမှ သိရသည်။


စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

https://youtu.be/a7tDFx8EhzY

#စစ်ကိုင်းတိုင်း
#ဆားလင်းကြီးမြို့
#စစ်ကောင်စီတပ်
#တိုက်ခိုက်မှု

ရုပ်သံအညွှန်း-ပစ်ခတ်တိုက်ခိုက်မှုပြုလုပ်နေသည့် ကာကွယ်ရေးတပ်ဖွဲ့ဝင်များ။(ဓာတ်ပုံ-Hero Fighter)

-----------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်.
https://bit.ly/2VhJ12U

​​ရေနံချောင်းတွင် အရပ်ဝတ်ဖြင့်ဈေးလာဝယ်သည့် စစ်သား ၂ ဦးကို PDF တိုက်ခိုက်၊ ၁ ဦး သေဆုံး
======================

မောင်ခက်နွေ၊ ရောင်နီ
(မဇ္ဈိမ) ။ ။မကွေးတိုင်း၊ ရေနံချောင်းမြို့၊ မြို့မဈေးကြီးတွင် ဈေးဝယ်ပြီးပြန်လာသည့် စစ်ကောင်စီတပ်သား နှစ်ဦးကို တိုက်ခိုက်ခဲ့ရာ ဒုတပ်ကြပ်တဦးသေဆုံးပြီး တပ်သားတဦး ထိခိုက်ဒဏ်ရာရရှိခဲ့ကြောင်း ဒေသခံ များနှင့် မကွေးခရိုင်၊ အမှတ်(၂) PDF တပ်ရင်းက မဇ္ဈိမကို အတည်ပြုပြောကြားသည်။

ခလရ(၇၇)မှ စစ်ကောင်စီတပ်ဖွဲ့ဝင်နှစ်ဦး ရေနံချောင်းမြို့လယ် မြို့မတောင်ရပ်ကွက်၊ ဂုဏ်မသိမ်လမ်း တွင် သြဂုတ် ၂၁ ရက်နေ့ ညနေ ၅ နာရီဝန်းကျင်က ပစ်ခတ်ခံခဲ့ရခြင်း ဖြစ်သည်။

ပစ်ခတ်ခံရမှုကြောင့် စစ်ကောင်စီတပ်ဖွဲ့ဝင် ဒုတပ်ကြပ်၏ခေါင်းကိုကျည်ဆန်ထိမှန်ပြီး နေရာမှာတင် ပွဲချင်းပြီး သေဆုံးသွားသည်ဟု မကွေးခရိုင် အမှတ် (၂) တပ်ရင်း၏ ပြန်ကြားရေးတာဝန်ခံက ပြောသည်။

“သူတို့က ညနေတိုင်း အရပ်ဝတ်တွေနဲ့ ကင်းပတ်ရင်း စျေးဝယ်နေကျပေါ့။ ဆိုင်ကယ်နဲ့ ကင်းပတ်နေတဲ့ နှစ်ယောက်ပေါ့။ စကစဘက်က ဒုတပ်ကြပ်တဦး နေရာမှာတင် ခေါင်းမှန်ပြီး သေတယ်၊ ကျန်တဦးက ဒဏ် ရာပြင်းထန်တယ်၊ ပစ်ခတ်မှုကတော့ သူတို့ဆိုင်ကယ်ကို အနောက်ကနေလိုက်ပစ်တာဆိုတော့ သိပ် မကြာပါဘူး ခဏပါပဲ၊ ပြီးတော့ အမြန်ဆုံး ဆုတ်ရတာပေါ့” ဟု မကွေးခရိုင် အမှတ် (၂) တပ်ရင်း၏ ပြန်ကြားရေးတာဝန်ခံက ပြောသည်။

သေဆုံးသွားသော ဒုတပ်ကြပ်၏ အလောင်းကို ပစ်ခတ်မှုဖြစ်ပြီး တနာရီကျော်ကြာမှ စစ်ကောင်စီတပ်က လာရောက်ကောက်ယူသွားကြောင်း ဒေသခံတဦးက မဇ္ဈိမကို ပြောသည်။

“လမ်းပေါ်မှာ သေသွားတဲ့ စစ်သားအလောင်းကို ချက်ချင်း လာမကောက်ကြဘူး၊ တနာရီလောက်ကြာမှ စစ်တပ်က ရောက်လာပြီး ကောက်သွားတယ်” ဟု ရေနံချောင်း ဒေသခံတဦးက ပြောသည်။
စစ်ကောင်စီတပ်က ပစ်ခတ်မှုဖြစ်ပွားခဲ့သည့် ဂုဏ်မသိမ်လမ်းကိုပိတ်ဆို့ကာ တအိမ်တက် တအိမ်ဆင်း လိုက်လံစစ်ဆေးခြင်း၊ နေအိမ်အတွင်းမှ ထွက်မလာပါက “မီးရှို့ပစ်မည်”ဟု ခြိမ်းခြောက်မှုများ ပြုလုပ်ခဲ့ ကြောင်း သိရသည်။

တိုက်ခိုက်မှုကို ကွေးခရိုင် အမှတ်(၂)တပ်ရင်း၊ ငါးပြေမပြောက်ကျားတပ်ဖွဲ့နှင့် ချောက်ပကဖတို့ ပူးပေါင်း တိုက်ခိုက်ခဲ့ခြင်းဖြစ်ပြီး တော်လှန်ရေးတပ်ဖွဲ့ဝင်များ အထိအခိုက်မရှိ ဆုတ်ခွာနိုင်ခဲ့ကြောင်း မကွေးခရိုင်၊ အမှတ် (၂) PDF တပ်ရင်းက ပြောသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#မကွေး
#ရေနံချောင်း
#ရဲပစ်သတ်ခံရ
#Mizzima

ပုံစာ- ရေနံချောင်းမြို့မဈေးကို ၂၀၂၀ ခုနှစ်ကတွေ့မြင်ရပုံ

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

သြဂုတ်လ ၂၂ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
===================

https://youtu.be/-13Eo3FBaiM

​​တော်လှန်ရေးဦးဆောင်သူများ ဖြောင့်မတ်မှုရှိရန် ယာယီသမ္မတ သတိပေး
=====================

ရောင်နီ
(မဇ္စျိမ)။ ။တော်လှန်ရေးဦးဆောင်သူများအနေဖြင့် လူထုနှင့်တသားတည်းနေထိုင်ကြရန်နှင့် ဖြောင့်ဖြောင့် မတ်မတ်ရှိကြရန် NUG ယာယီသမ္မတ ဒူဝါလရှီးလက အထူးသတိပေး တိုက်တွန်းလိုက်သည်။

ယနေ့ သြဂုတ်လ ၂၂ ရက်တွင်ပြုလုပ်သည့် အမျိုးသားညီညွတ်ရေးအစိုးရ၏ အစိုးရအဖွဲ့ အစည်းအဝေး၌ ယာယီသမ္မတ ဒူဝါလရှီးလက အထက်ပါအတိုင်း ပြောကြားခဲ့ခြင်းဖြစ်သည်။

“ လူထုတော်လှန်ရေးကို ဦးဆောင်နေတဲ့ ကျွန်တော်တို့ဟာ မိမိကိုယ်ကိုယ် လူထုနဲ့တသားတည်း နေထိုင် ကြဖို့နဲ့ လူထုကိုဦးဆောင်ရာမှာ ဖြောင့်ဖြောင့်မတ်မတ်ရှိကြဖို့ အထူးသတိပေးတိုက်တွန်းလိုပါတယ်။ ဒါ့ အပြင် လက်ရှိ အရှိပကတိကို လူထုနားလည်သဘောပေါက်အောင် ရှင်းလင်းပြဖို့လည်း တာဝန်ရှိပါတယ်” ဟု ၎င်းက ပြောသည်။

နွေဦးတော်လှန်ရေးသည် နှစ်နှစ်ကျော် သုံးနှစ်အတွင်းကိုရောက်ရှိနေပြီး လူထုထောက်ခံမှုနှင့် မဟာမိတ် စုဖွဲ့နိုင်မှုသည့် အထူးအလေးထားရမည့် အရေးကိစ္စများဖြစ်ကြောင်းလည်း ယာယီသမ္မတကဆိုသည်။
“နွေဦးတော်လှန်ရေးမှာ ကျွန်တော်တို့ဟာ လူမျိုးစုလက်နက်ကိုင်အဖွဲ့အစည်းတွေနဲ့ မဟာမိတ်ဆက်ဆံ ရေးကို ဖက်ဒရယ်ဒီမိုကရေစီ ပဋိညာဉ်အပေါ်အခြေခံပြီး စနစ်တကျတည်ဆောက်ထားပါတယ်။ ဒါကို ပို ပြီး စည်းနှောင်အားကောင်းတဲ့ မဟာမိတ်ဆက်ဆံရေးဖြစ်ထွန်းအောင် လုပ်ဆောင်ထားဖို့ လိုအပ်ပါတယ်” ဟု ယာယီသမ္မတက ဆိုသည်။

စစ်အာဏာရှင်စနစ်အမြစ်ပြတ်ချေမှုန်းရေးတွင် လူထုတိုက်ပွဲနှင့် လက်နက်ကိုင်တိုက်ပွဲကို ဘယ်ဘက် ခြေထောက်နှင့် ညာဘက်ခြေထောက်အဖြစ် မှတ်ယူဖို့လိုကြောင်းလည်း ယာယီသမ္မတက အစိုးရအဖွဲ့၀င် များကို ပြောသည်။

“ လူထုတော်လှန်ရေးလမ်းစဉ်နဲ့ လက်နက်ကိုင်တော်လှန်ရေးလမ်းစဉ်ဟာ သီးခြားဖြစ်တည်နေလို့ မရပါ ဘူး။ သိမ်မွေ့စွာပေါင်းစပ်ဖို့ အထူးလိုအပ်ပါတယ်။ လူထုတိုက်ပွဲဖြစ်တဲ့ နိုင်ငံရေးနည်းနဲ့ ခုခံတော်လှန်စစ် ဖြစ်တဲ့ လက်နက်ကိုင်တိုက်ပွဲဟာ ရန်ဖက်တွေ မဟုတ်ပါဘူး။ မိတ်ဖက်တွေဖြစ်ကြောင်း နားလည်ဖို့ လိုပါ တယ် ” ဟု ၎င်းက ဆိုသည်။

လက်တွေ့ကျသည့် တော်လှန်ရေးအောင်ပွဲရလဒ်များကို လူထုထံအပ်နှံရန်လိုအပ်ပြီး လူထုနှင့်မကင်းကွာ သည့် တော်လှန်ရေးသည်သာလျှင် အောင်ပွဲရလဒ်ကို အမှန်တကယ် ဆောင်ကြဉ်းပေးနိုင်မည်ဖြစ်ကြောင်း ယာယီသမ္မတက ပြောကြားခဲ့သည်။

စာတည်း ။။ Alden
စာမူတည်းဖြတ်။ ။စောဖေ

#ယာယီသမ္မတ
#ဒူဝါလရှီးလ
#သတိပေး
#တော်လှန်ရေး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ထိုင်းဘတ်ငွေဈေးဂယက်ကြောင့် စားနပ်ရိက္ခာ၊ ဆေးဝါးနဲ့ တော်လှန်ရေးအတွက် လက်နက်ခဲယမ်းဝယ်ယူဖို့ ခက်ခဲလာဟုဆို

Watch more detail - https://youtu.be/TlpCwNmEYo4

#BusinessRoundUp #MizzimaTV #mizzimaplushd #internationalnews #mizzima #mizzimanews #mizzimadailynews #myanmarnews #todaynews #newsupdate #Reels #Shorts

​​Chalk And Duster
=============

ဒီဇာတ်လမ်းလေးက ကျောင်းဆရာ/ဆရာမတွေနဲ့ ပတ်သက်ပြီး ရိုက်ကူးထားတဲ့ ဇာတ်ကားလေးပဲ ဖြစ်ပါတယ်။

ဒီဇာတ်လမ်းကို ကြည့်နေရင်းနဲ့ ငယ်စဉ်က ကိုယ်တွေကို ပညာသင်ကြားပေးခဲ့တဲ့ ဆရာ/ဆရာမတွေကို ပြန်ပြီး အမှတ်ရသွားမှာ အသေအချာပါပဲ ။

ဖြစ်လေ့ဖြစ်ထရှိတတ်တဲ့ အထက်လူကြီးနဲ့ ဝန်ထမ်းတွေကြားက ပြသနာတွေကို ရိုက်ကူးထားတာပါ ။

ဇာတ်ကားရဲ့ အစမှာတော့ ဆရာမတွေက ကျောင်းသားတွေကို ပညာသင်ကြားပေးနေတဲ့ ပုံရိပ်လေးတွေနဲ့ ဆရာမနဲ့ ကျောင်းသားတွေရဲ့ ကြားက ရင်းနှီးမှုကိုတွေ့ရမှာပါ ။

ကျောင်းရဲ့ပိုင်ရှင်က ကျောင်းကို လာကြည့်ဖို့ လုပ်တဲ့အခါ သူ့ကို ကြိုဆိုတဲ့ အနေနဲ့ ကပွဲတခုပြုလုပ်ကြပါတယ်။
အဲ့ကပွဲအတွက် ဆရာ/ဆရာမတွေက အကောင်းဆုံးဖြစ်အောင် ကြိုးစားပြီး လုပ်ခဲ့ကြပါတယ်။

ဒါကို ကျောင်းရဲ့ ဒုကျောင်းအုပ်က ဒီကြိုးစားမူတွေက သူမ လုပ်ပါတယ်ဆိုပြီး နေရာဝင်ယူဖို့ ကြံစည်ပါတော့တယ်။
အဲ့ဒီနောက်သူ့ရဲ့ အကြံအစည်က အောင်မြင်ပြီး နဂို ကျောင်းအုပ်ကြီးရဲ့ နေရာကို ဝင်ယူသွားပါတော့တယ်။

တစ်ရက်မှာ ကျောင်းပိုင်ရှင်ဆီက မျက်နှာရချင်တာကြောင့် နံပါတ်၁ ကျောင်းဖြစ်အောင် လုပ်ပြမယ်ဆိုပြီး ကတိပေးခဲ့တယ် ။
သူ့ရဲ့ကတိကို အောင်မြင်အောင်လုပ်ချင်တာကြောင့် သူဘာတွေ ကြံစည်ပြီး ကောက်ကျစ်မလဲဆိုတာကိုတော့ Mizzima + မှာ စောင့်မျှော်ကြည့်ရူနိုင်ပါပြီ ။

Mizzima+ Channel တွင် ပြသနေသည့်အချိန်မှာပဲ Mizzima TV App တွင်လည်း Live stream တိုက်ရိုက်ကြည့်ရှုနိုင်တာမို့MizzimaTV Application လေးကို download လုပ်ပြီးကြည့်လိုက်ကြရအောင်

App ဒေါင်းလော့လုပ်ရန် - https://bit.ly/44WaGEU

#New ပြသမည့်ရက်။ ။၂၂.၈.၂၀၂၃
ပြသမည့် အချိန် ။ ။ ည (၈:၀၀)နာရီ
ပြန်လည်ပြသမည့်ရက်။ ။ ၂၃.၈.၂၀၂၃
အချိန်။ ။ နေ့လည် (၂:၀၀) နာရီ

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U"

​​ထိုင်းလွှတ်တော်က ဆရက်သာ သာဗီဆင်ကို ဝန်ကြီးချုပ်အဖြစ် ရွေးကောက်တင်မြှောက်
=====================

ထိုင်းလွှတ်တော်အမတ်များသည် အိမ်ခြံမြေလုပ်ငန်း သူဌေးကြီး ဆရက်သာ သာဗီဆင်ကို နိုင်ငံ၏ ဝန်ကြီးချုပ်သစ်အဖြစ် ဩဂုတ် ၂၂ ရက်တွင် အတည်ပြုလိုက်သည်။ ယင်းအတွက်ကြောင့် သုံးလကြာ နိုင်ငံရေး မဆုတ်သာ မတိုးသာ အခြေအနေကို အဆုံးသတ်စေခဲ့သည်။

ပြည်ပတွင် သွားရောက်တိမ်းရှောင်နေသည့် ဝန်ကြီးချုပ်ဟောင်း သက်ဆင် ရှင်နာဝါထရာ နိုင်ငံသို့ ပြန်ရောက်လာသည့်နေ့မှာပင် ထိုင်းဝန်ကြီးချုပ်သစ်ကို ပါလီမန်၌ မဲခွဲဆုံးဖြတ်ခြင်းလည်း ဖြစ်သည်။

ဆရက်သာသည် ထိုင်းနိုင်ငံ၏ ၃၀ ဦးမြောက် ဝန်ကြီးချုပ်အဖြစ် အတည်ပြုခံရရန် လွှတ်တော်နှစ်ရပ်ရှိ ပါလီမန်တွင် ထောက်ခံမဲ အများစုကို အလွယ်တကူ ရယူနိုင်ခဲ့သည်။

၎င်း၏ ဖျူထိုင်းပါတီသည် ပြီးခဲ့သည့် မေလ ရွေးကောက်ပွဲတွင် ဒုတိယမဲအများဆုံး ရရှိခဲ့သည်။

ဆရက်သာသည် ယခင်စစ်အုပ်စု ခန့်အပ်သော အထက်လွှတ်တော်အမတ်များနှင့် ရွေးကောက်ခံ အောက်လွှတ်တော်အမတ်များထံမှ ထောက်ခံမှု အများစုအတွက် လိုအပ်သည့် မဲ ၃၇၄ မဲကို ရရှိခဲ့ကြောင်း ပါလီမန်ရုပ်သံတွင် တိုက်ရိုက်လွှင့်သည့် မဲပေးမှုများအပေါ် အေအက်ဖ်ပီ၏ ရေတွက်မှုအရ သိရသည်။

ဖျူထိုင်းပါတီ ဦးဆောင်သော ညွန့်ပေါင်းအဖွဲ့သည် အောက်လွှတ်တော် အမတ်နေရာ ၅၀၀ အနက် ၃၁၄ နေရာကို ထိန်းချုပ်ထားနိုင်သည်။

သို့သော် ဖျူထိုင်းပါတီ၏ ယခင်ပြီးခဲ့သည့် ဝန်ကြီးချုပ်ကို ဖြုတ်ချခဲ့သည့် စစ်အာဏာသိမ်းအုပ်စုဝင်ဟောင်းများ၏ စစ်တပ်လိုလားသော ပါတီများ အပါအဝင် ပြိုင်ဘက်ဟောင်းများကို မိတ်ဖက်အုပ်စုတွင် လက်ခံကြိုဆိုခြင်းအားဖြင့် ဖျူထိုင်းပါတီအနေဖြင့် အငြင်းပွားဖွယ်ရာတို့ကို ဖြစ်စေခဲ့သည်။

ဖျူထိုင်း တည်ထောင်သူ သက်ဆင် ရှင်နာဝါထရာ ၂၀၀၈ နောက်ပိုင်း ပထမဆုံးအကြိမ်အဖြစ် နိုင်ငံသို့ ပြန်ရောက်လာပြီး ထောင်ဒဏ်ချမှတ်ခံရပြီးနောက် နာရီပိုင်းအကြာတွင် ပါလီမန်မဲပေးမှု ပြုလုပ်ခဲ့ခြင်းဖြစ်သည်။

ပြီးခဲ့သည့် မေလ ရွေးကောက်ပွဲတွင် မဲအများဆုံးဖြင့် အနိုင်ရခဲ့သည့် ရှေ့သို့ချီ (MFP) ပါတီ၏ ခေါင်းဆောင်ကို ဝန်ကြီးချုပ် ဖြစ်မလာစေရန် ကွန်ဆာဗေးတစ်၊ စစ်တပ်လိုလားသော အုပ်စုများက ပိတ်ပင်တားမြစ်ပြီးနောက် ဖျူထိုင်းပါတီက ဦးစီးဦးဆောင်ပြုပြီး အစိုးရဖွဲ့ရန် ဝင်ရောက်ဆောင်ရွက်ခဲ့ခြင်းဖြစ်သည်။

တရုတ်နှင့်စစ်ကောင်စီဝန်ကြီးတို့စီးပွားရေး စီမံကိန်းများ လုပ်ဆောင်ဖို့ ဆွေးနွေးနေ

Watch more detail - https://youtu.be/TlpCwNmEYo4

#reels
#shorts
#BusinessRoundUp
#MizzimaTV

“The Way” ရုပ်ရှင်ဇာတ်ကားအား အမေရိကန်နိုင်ငံတွင် ပွဲဦးထွက်ပြသမည်ဟု ကြေညာ
======================

ဂန္ဒမာ
(မဇ္ဈိမ) ။ ။တေးရေးတေးဆို လင်းလင်း ဇာတ်ညွှန်းရေးသားဖန်တီးထားသည့် “The Way” အမည်ရ ဂီတ အသားပေး ရုပ်ရှင်ဇာတ်ကားအား အမေရိကန်နိုင်ငံတွင် ပွဲဦးထွက်ပြသမည်ဟု The Way ဖေစ့်ဘုတ်ပေခ်ျ့ မှ ကြေညာထားသည်။

အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆာခရာမန်တိုမြို့တွင် ဩဂုတ်လ ၂၆ ရက်နေ့ ညနေ ၃ နာရီမှ ၆ နာရီအထိကျင်းပပြုလုပ်မည့် “သွေးစည်းညီညွတ်သော ဖက်ဒရယ်ပြည်ထောင်စုသစ် ဆီသို့” အမည်ရသော တိုင်းရင်းသားမိသားစုရန်ပုံငွေရုပ်ရှင်ပြပွဲနှင့် တိုင်းရင်းသားအကအလှ ဈေးရောင်း ပွဲတော်တွင် “THE WAY” ရုပ်ရှင်ကို ပြသသွားမည်ဖြစ်ကြောင်း သိရသည်။

“အခု ပြည်ပတော်လှန်လူထုတွေထံသို့ လိုက်လံပြသပါမယ်။ ရရှိတော်လှန်ငွေတွေဟာ စစ်ရှောင်ဘိုးဘွား မိသားစုများနဲ့ ကလေးသူငယ်တွေရဲ့ ကျန်းမာရေး၊ ပညာရေး၊ ပြန်လည်ထူထောင်ရေးများသို့ အရင်းမချန် အကုန်ရောက်ရှိမှာ ဖြစ်ပါတယ်” ဖန်တီးသူ တေးရေးတေးဆို လင်းလင်းက ၎င်း၏ Htwe Lynn Ko ဖေစ့်ဘုတ်အကောင့်တွင် မျှဝေထားသည်။

“The Way” တွင် ချစ်သုဝေ၊ မြတ်နိုးအေး၊ အောင်မြင့်မြတ်၊ Russell အပါအဝင် တော်လှန်ညီအစ်ကို မောင်နှမ ၁၉ ဦးအထိ ပါဝင်သရုပ်ဆောင်ထားကာ မိုဘိုင်းဖုန်းနှစ်လုံးတည်းဖြင့် ရိုက်ကူးထားခြင်းဟု သိရသည်။

"The Way" ရုပ်ရှင်သည် Cannes World Film Festival တွင် Best Mobile Phone Feature Film ဆု ၊ Festigious နိုင်ငံတကာရုပ်ရှင်ပြိုင်ပွဲတွင် Best Musical Film-အကောင်းဆုံးဂီတရုပ်ရှင်ဆု နှင့် Best First Time Director (Feature)-အကောင်းဆုံး ပထမအကြိမ်ရုပ်ရှင်ဒါရိုက်တာဆု၊ Best Song - အကောင်းဆုံး သီချင်းဆုတို့ရရှိထားကာ World Film Carnival , Singapore တွင်လည်း ဆုသုံးဆု ရရှိထားသည်။

စာတည်း ။ ။ Alden
စာမူတည်းဖြတ်။ ။စောဖေ

#TheWay
#အဆိုတော်လင်းလင်း
#အမေရိကန်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

WHO ဦးဆောင်တဲ့ ပထမဆုံးအကြိမ် တိုင်းရင်းဆေး ညီလာခံ ကျင်းပမှုသဘောထား ကွဲလွဲမှုများဖြစ်ပေါ်

Watch more detail - https://youtu.be/TlpCwNmEYo4

#reels
#shorts
#BusinessRoundUp
#MizzimaTV

မြဝတီ- အာရှလမ်းပေါ်တွင် အိမ်စီးကားများသွားလာနိုင်ပြီဖြစ်သော်လည်း လမ်းဟောင်းကို အသုံးပြုသူများပြား
===================

YT
(မဇ္ဈိမ) ။ ။ ကရင်ပြည်နယ်၊ မြဝတီ- ကော့ကရိတ် အာရှလမ်းမကြီးပေါ်၌ မိုးသည်းထန်စွာ ရွာသွန်း၍ ရေတိုက်စားကာ တောင်မြေပြိုမှု၊ လမ်းမြေပြိုမှု ဖြစ်ပေါ်နေသည့် လမ်းပိုင်းနေရာဘေးတွင် တောင်မြေအား ဖြို၍ မြေသားလမ်း ဆောက်လုပ်နေပြီး အိမ်စီးကားများ သွားလာနိုင်ပြီဖြစ်ကြောင်း သိရသည်။

" မြေကျွံတဲ့နေရာ ဘေးကို တောင်မြေကို မြေသားလမ်း ထပ်လုပ်လိုက်တာပါ။ ကားသေးတွေတော့ အချိန်နဲ့ သွားလာနေပြီ၊ လမ်းလုပ်ငန်းထမင်းစားနားတဲ့အချိန်၊ စက်ယန္တရားတွေ ရပ်တဲ့တဲ့အချိန် လွှတ်ပေးတယ်။ ကားအကြီးတွေကတော့ သွားလို့ရတော့မယ်လို့တော့ ပြောတယ်၊ ရက်အတိအကျတော့ မသိရသေးဘူး။ ဘေလီတံတားတော့ မထိုးသေးဘူး အဲ့ဒီမြေသားလမ်းပေါ်မှာပဲ သွားလာလို့ရတယ်" ဟု ဒေသတွင်း လူမှုကူညီရေးအသင်းတာဝန်ရှိသူက မဇ္ဈိမကိုပြောသည်။

လက်ရှိတွင် မြဝတီ- ကော့ကရိတ် အာရှလမ်းပေါ်သို့ နံနက် ၆ နာရီမှ ၇ နာရီအထိ တကြိမ်၊ နေ့လယ် ၁၂ နာရီမှ ၁ နာရီအထိတကြိမ်၊ ညနေ ၅ နာရီမှ ၆ နာရီအထိတကြိမ် တနေ့ သုံးကြိမ်ခန့် အိမ်စီးကားများ၊ ဆိုင်ကယ်များအား ဖြတ်သန်းသွားလာခွင့်ပြုနေပြီဖြစ်ကြောင်း၊ ကုန်တင်ကားကြီးများလည်း မကြာခင် သွားလာနိုင်တော့မည်ဖြစ်ကြောင်း သိရသည်။

ပြီးခဲ့သည့် ဩဂုတ်လ ၂၀ ရက်နေ့က ပြုပြင်နေဆဲ အာရှလမ်းမကြီးပေါ်၊ ဒေါနသစ္စာ စားသောက်ဆိုင်အနီးတွင် ခရီးသည်တင်လာသည့် အံဇာတုံးကားတစီးနှင့် ဘက်ဟိုးတင်လာသည့် ၁၂ ဘီး တွဲကားတစီး အမည်မသိ အဖွဲ့တစ်ဖွဲ့က သေနတ်များဖြင့် ပစ်ခတ်ခြင်းခံရပြီး ကားပေါ်ပါလာသည့် အမျိုးသားသုံးဦးနှင့် အမျိုးသမီးတဦး ထိခိုက်ဒဏ်ရာရခဲ့သေးသည်။

အဆိုပါဖြစ်ရပ်ကြောင့် လက်ရှိအချိန်တွင် အာရှလမ်းမကြီးအား အချိန်ပိုင်း အသုံးပြုခွင့် ပြုထားသော်လည်း အသုံးပြုသူနည်းပါးနေပြီး ဒေါနတောင်လမ်းဟောင်းကိုသာ အသုံးပြုလျက်ရှိကြကြောင်း ဒေသတွင်းလူမှုကူညီရေးအသင်းတာဝန်ရှိသူနှင့် ဒေသခံတဦးက ဆိုသည်။

" တကယ်တမ်းကျတော့ အခုအခြေအနေနဲ့ဆို ထို့ကော်ကိုးလမ်းက အလုံခြုံဆုံးလို့ပဲ ထင်တယ်ဗျ။ ဒါပေမယ့် သူက သွားရတာ လှမ်းတယ်။ လမ်းဟောင်းကတော့ တိုက်ပွဲဖြစ်ပွားမှုနည်းတော့ နည်းနည်းတော့ ပိုလုံခြုံပါတယ်၊ လမ်းဟောင်းကိုပဲ အသုံးပြုကြတာ များပါတယ်" ဟု အခြား ဒေသတွင်း လူမှုကူညီရေးအသင်းတခု​၏ တာဝန်ရှိသူက မဇ္ဈိမကိုပြောသည်။

"ဒီက ကားတွေကတော့ အကုန် လမ်းဟောင်းကနေပဲ သွားလာနေကြတယ်။ လမ်းသစ်ကနေ ဆင်းတက်တဲ့ ကားတော့ မရှိသေးဘူး။ အခြေအနေကလည်း ဘာမှန်းမသိသေးတော့" ဟု မြဝတီမြို့ခံတဦးကလည်း မဇ္ဈိမကိုပြောသည်။

အာရှလမ်းမကြီးသည် စစ်ကောင်စီတပ်​၏ အဓိက ထောက်ပို့လမ်းကြောင်းဖြစ်သဖြင့် စစ်ကောင်စီက အမြန်ပြီးစီးသွားလာနိုင်ရန် အသည်းအသန်ပြုပြင်နေခြင်းဖြစ်ကြောင်း ကျားဖြူတပ်ခွဲ(၄) ပြန်ကြားရေးထံက သိရသည်။

" လက်ခတ်တောင်စခန်းပြန်ရရေး ၊ သူတို့အသည်းအသန်လုပ်ပြီး ပြင်နေတာ။ အာရှလမ်းမကြီးက စစ်ကောင်စီအတွက် စစ်လက်နက်၊ ခဲ၊ ယမ်း၊ လူအင်အား သယ်ယူပို့ဆောင်ရေးအတွက် အရေးပါတာပေါ့နော်။ အဲ့တာကြောင့်လည်း အသည်းအသန်လမ်းပြင်ထားတယ်၊ ခရီးသွားပြည်သူအသက်ကိုတန်ဖိုးမထားဘဲ အမြန်ဖြစ်သလိုပြင်ဆင်ထားတယ်" ဟု ကျားဖြူတပ်ခွဲ(၄) သတင်းပြန်ကြားရေး ရဲဘော် AKM က မဇ္ဈိမကိုပြောသည်။

ယနေ့ ဩဂုတ်လ ၂၂ ရက်နေ့၊ နံနက်ပိုင်းတွင်လည်း စစ်ကောင်စီတပ်က ကင်းထောက်လေယာဉ်တစီး၊ ရိက္ခာတင်လေယာဉ်တစီးတို့ဖြင့် မြဝတီမြို့နယ်ရှိ စစ်ကောင်စီအထိုင်ချစခန်းများထံ ရိက္ခာ၊ လက်နက်၊ ခဲ၊ ယမ်းများ ထောက်ပို့မှု ပြုလုပ်သွားကြောင်း ဒေသခံတဦးထံက သိရသည်။

စာတည်း - သန့်ဇော်(သန်လျင်)

#mizzima
#ကရင်ပြည်နယ်
#မြဝတီ
#ကော့ကရိတ်
#အာရှလမ်းမကြီး

ပုံအညွှန်း- ပြင်ဆင်နေဆဲ အာရှလမ်းမကြီးတစ်နေရာ (ဓါတ်ပုံ- သင်္ဃန်းညီနောင်မြို့သစ် လူမှုကူညီရေးအသင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U