သားဆက်ခြားခြင်း|ကျန်းမာသုတ လူမှုဘ၀
သားဆက်ခြားခြင်း|ကျန်းမာသုတ လူမှုဘ၀ #reels #shorts #ဒေါက်တာဖြိုးသီဟ ...
https://www.youtube.com/watch?v=A7apxLo_5l8

ချိန်ကိုက်မိုင်းကြောင့် ရဲဘော် ဘောမိုင်း လို့အမည်တွင်သွားသူ| မသေဘဲပြောတဲ့ ဟာသ Ep-2
မြို့ပေါ် UG တာဝန်ထမ်းဆောင်နေတုန်း မစ်ရှင်တစ်ခုကို ...
https://www.youtube.com/watch?v=C6220ogKgtw

သားဆက်ခြားခြင်း | ကျန်းမာသုတ လူမှုဘ၀ Episode - 37
ပြီးခဲ့တဲ့ စက်တင်ဘာ ၂၆ ရက်နေ့က ကမ္ဘာ့သားဆက်ခြားနေ့ ဖြစ်ပါတယ်။
https://www.youtube.com/watch?v=UkjMSJqmzBI

အောက်တိုဘာလ (၁၅) ရက်၊ တနင်္ဂနွေနေ့ညပိုင်း မဇ္ဈိမရေဒီယိုအစီအစဉ်
ဒီကနေ့ည နားဆင်ရမယ့် အစီစဉ်တွေကတော့ ... NCA သဘောတူညီချက် ...
https://www.youtube.com/watch?v=7mFd_6EKAi0

ဗိုလ်ဒါဘောပြောတဲ့ စစ်ကောင်စီတပ်လေကြောင်းတိုက်ခိုက်မှုကို အာခံပုံ | Frontline Report (Ep-02)
(မဇ္ဈိမ)။ ။ထိုင်း-မြန်မာနယ်စပ်က စစ်ကောင်စီတပ်နဲ့ ...
https://www.youtube.com/watch?v=S9sQFDsnD5I

KNU တပ်မဟာ(၃)နယ်မြေမှ ရေဘေးသင့်ကျေးရွာများတွင် ကူးစက်ရောဂါအချို့ ခံစားနေရ 
================

YT 

(မဇ္ဈိမ)။ ။ကရင်အမျိုးသားအစည်းအရုံး(KNU) တပ်မဟာ(၃)နယ်မြေ ပဲခူးတိုင်း၊ ညောင်လေးပင်ခရိုင်၊ မုန်း မြို့နယ်မှ ရေဘေးသင့်ကျေးရွာအချို့တွင် ကူးစက်ရောဂါများဖြစ်သည့် မျက်စိနာရောဂါနှင့် ဝမ်းပျက်ရော ဂါများခံစားနေရကြောင်း KNU ဗဟို၏ အောက်တိုဘာလ ၁၄ ရက်နေ့ ထုတ်ပြန်ချက်အရ သိရသည်။ 

အောက်တိုဘာလ ၇ ရက်နေ့မှစ၍ မိုးရွာသွန်းမှုများကြောင့် စစ်တောင်းမြစ်ထဲသို့ စီးဝင်သည့် ကျောက်ကြီး ပေါက်ချောင်းရေတိုးလာကာ နေအိမ်များအတွင်းရေဝင်ရောက်လာသဖြင့် ကျေးရွာ ၁၀ ရွာမှ ဒေသခံများ ဘေးလွတ်ရာသို့ ပြောင်းရွှေ့နေရကြောင်း သိရသည်။

ရေဘေးသင့်ကျေးရွာ ၁၀ ရွာမှာ သပြေညွန့်၊ ကျောက်ကြီးပေါက်၊ မန်ကျီးတော၊ လေလံကုန်း၊ တောပု၊ ဇီးကုန်း၊ ကြက်တက်ညောင်ပင်၊ ဒိုက်ပုံ၊ ညောင်ပင်သာ၊ ငဘတ်အင်းစသည့် ကျေးရွာများဖြစ်ကြောင်း KNU က ဖော်ပြထားသည်။

“အဲဒီဘက်က ကျောက်ကြီးပေါက်ချောင်းရေကြီးရင် ရေတက်ပါတယ်။ သီးနှံစိုခင်းပျက်စီးတာတွေဖြစ် တယ်” ဟု ဒေသခံတဦးက မဇ္ဈိမကိုပြောသည်။

လက်ရှိတွင် ရေကျနေပြီဖြစ်သော်လည်း အဆိုပါ ရေဘေးသင့်ကျေးရွာများမှ ဒေသခံများမှာ ရေကြီးမှု၏ နောက်ဆက်တွဲအဖြစ် မျက်စိနာရောဂါ၊ ဝမ်းပျက်ရောဂါများ ခံစားနေရကြောင်း ကရင်အရေးပေါ် ကူညီ ကယ်ဆယ်ရေးကော်မတီမှ သိရသည်။

“ရေဘေးသင့်တဲ့ဒေသတွေမှာ မျက်စိနာရောဂါဖြစ်နေတာတွေ့နေရတယ်။ တချို့ရွာတွေဆို အိမ်လုံးကျွတ် မျက်စိနာတာမျိုးတွေ့ရတယ်။ ခန့်မှန်းတာတော့ ကူးစက်ရောဂါလို့တွေ့ရတယ်။ ဝမ်းပျက်ရောဂါက ရေ မသန့်တာကြောင့်ပေါ့နော်။ ရေက သောက်သုံးဖို့မသန့်တဲ့အတွက်မှာ ဝမ်းပျက်တာတွေ့ရတယ်” ဟု ကရင် အရေးပေါ် ကူညီကယ်ဆယ်ရေးကော်မတီဝင်တဦးက မဇ္ဈိမကိုပြောသည်။

ကူးစက်ရောဂါများခံစားနေရသည့် ဒေသခံများအတွက် သက်ဆိုင်ရာကျေးနယ်အလိုက်ထားရှိသည့် KNU ကျေးလက်ဆေးပေးခန်းများမှ ဆေးကုသမှုပေးနေသော်လည်း ဆေးဝါးလိုအပ်ချက်ရှိနေကြောင်း ကရင် အရေးပေါ် ကူညီကယ်ဆယ်ရေးကော်မတီဝင်က ဆိုသည်။

“ဆေးဝါးကတော့ လုံလောက်မှုမရှိပါဘူး။ ဆေးဝါးသယ်ယူပို့ဆောင်ရေးက အရမ်းခက်တယ်၊ များများ သယ် လို့မရဘူး။ ဒီဘက်မှာက ပြည်သူတွေက ထောင်သောင်းမကဘူး ရှိတယ်။ ဆေးက နည်းနည်းပဲသယ် မှရတဲ့အတွက် အခက်အခဲကတော့ အများကြီးရှိတယ်” ဟု ၎င်းက ဆက်ပြောသည်။ 

ရေဘေးသင့်မှုကြောင့် မုန်းမြို့နယ်အတွင်းရှိ စာသင်ကျောင်းငါးကျောင်းကို ယာယီပိတ်ထားရပြီး စပါးစိုက် ခင်း ဧက ၂,၀၀၀ ဝန်းကျင့်ခန့်ပျက်စီးဆုံးရှုံးခဲ့ရကြောင်း KNU ၏ ထုတ်ပြန်ချက်တွင် ဖော်ပြထားသည်။

မုန်းမြို့နယ်မှ ရေဘေးသင့်ကျေးရွာ ၁၀ ရွာသည် စစ်ကောင်စီတပ်၏ လက်နက်ကြီးပစ်ခတ်မှုများ၊ စစ် ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော်(KNLA)တို့အကြား တိုက်ပွဲဖြစ်ပွားမှုများ ကြောင့် စစ်ဘေးတိမ်းရှောင်ရလေ့ရှိသည့် ကျေးရွာများဖြစ်ကြောင်း သိရသည်။

စာတည်း။ ။စောဖေ

#KNUတပ်မဟာ(၃)နယ်မြေ
#မုန်းမြို့နယ်
#ရေဘေးသင့်ကျေးရွာ
#ကူးစက်ရောဂါ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​အရပ်သားများ ထွက်ပြေးကြစဉ် ဂါဇာကို မြေပြင်ထိုးစစ်ဆင်ရန် အစ္စရေး အသင့်ပြင်
===============

နိုင်ငံသမိုင်းတွင် သွေးထွက်သံယိုအများဆုံးဖြစ်စေသော တိုက်ခိုက်မှုကို လုပ်ဆောင်ခဲ့သည့် ဟားမတ်စ်တို့ကို ချေမှုန်းရန် ရည်ရွယ်သည့် ဂါဇာ မြေပြင်ထိုးစစ်တရပ်အတွက် အစ္စရေးတပ်ဖွဲ့များက အောက်တိုဘာ ၁၅ ရက်တွင် အသင့်ပြင်နေခဲ့ကြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

နွေဦးတော်လှန်ရေးနေ့စဉ် မှတ်စု (၁၅ အောက်တိုဘာ၂၀၂၃)
အမျိုးသားညီညွတ်ရေးအစိုးရ
https://ift.tt/sQUM8DE

တနင်္သာရီတိုင်းတွင် စစ်ဘေးရှောင် ၂၁,ဝဝဝ ကျော်ရှိဟု ဒေါနတနင်္သာရီ ထုတ်ပြန်
=================

ကိုရွှေမြိတ်

(မဇ္ဈိမ)။    ။ တနင်္သာရီတိုင်းတွင် စက်တင်ဘာလအတွင်း နေရပ်စွန့်ခွာထွက်ပြေးတိမ်းရှောင်နေရသည့် စစ်ဘေးရှောင်ဦးရေ ၂၁,ဝဝဝ ကျော်ရှိသည်ဟု ဒေါနတနင်္သာရီ-စစ်ဘေးရှောင်များ အထောက်အကူပြုရေးအဖွဲ့က ယမန်နေ့ အောက်တိုဘာလ ၁၄ရက်က ထုတ်ပြန်သည်။

“တိုက်ပွဲတွေကြောင့် ယာယီစစ်ဘေးရှောင်ကြရတဲ့ စစ်ဘေးရှောင်ဦးရေကိုပါ ထည့်တွက်ထားတာပါ။ အခုချိန်မှာတော့ စစ်ကြောင်းထိုးမှု၊ ထိတွေ့တိုက်ပွဲ ဖြစ်ပွားမှု မရှိတော့တဲ့ ဒေသတွေက ပြည်သူတွေအနေနဲ့ နေရပ်ပြန်နေကြပါပြီ”ဟု ဒေါနတနင်္သာရီ-စစ်ဘေးရှောင်များ အထောက်အကူပြုရေးအဖွဲ့မှတာဝန်ရှိသူ ကိုယွန်းနသန်က ပြောသည်။

မြေပြင်အခြေအနေများ၊ သတင်းဌာနတို့မှ ရရှိသော အချက်အလက်များနှင့် ၂ဝ၁၄ သန်းခေါင်စာရင်းတို့ အပေါ် အခြေခံ၍ စုစည်း တွက်ချက်ထားခြင်းဖြစ်သည်ဟု ဖော်ပြထားသည်။

တနင်္သာရီဒေသ တခုလုံးအတွင်း စက်တင်ဘာလတွင် မြေပြင်ရှိ စစ်ဘေးရှောင် ဦးရေ ၅ဝ,ဝဝဝ နီးပါးခန့် ရှိခဲ့ပြီး စက်တင်ဘာလနောက်ဆုံးပတ်အထိ မြေပြင် စစ်ဘေးရှောင် ဦးရေ ၂၁,ဝဝဝ ကျော် ကျန်ရှိနေဆဲ ဖြစ်သည်ဟု အစီရင်ခံစာတွင် ဖော်ပြထားသည်။

“စစ်ဘေးရှောင်တွေ အတွက်ကတော့ စားဝတ် နေရေး၊ ကျန်းမာရေး၊ ပညာရေး လိုအပ်ချက်တွေ ရှိနေတုန်းပါ”ဟု ဒေါနတနင်္သာရီ-စစ်ဘေးရှောင်များ အထောက်အကူပြုရေးအဖွဲ့မှ တာဝန်ရှိသူက ပြောသည်။

ထားဝယ်ဒေသ၊ အရှေ့တောနယ်တွင် စစ်ဘေးရှောင် ၂,ဝဝဝ ကျော်၊ ရေဖြူမြို့နယ်တွင် ၅,ဝဝဝ ကျော်၊ သရက်ချောင်းမြို့နယ်တွင် ၈,ဝဝဝ ခန့်နှင့် လောင်းလုံး မြို့နယ်တွင် ၆,၅ဝဝ ခန့်ရှိသည်ဟု ဒေါနတနင်္သာရီ-စစ်ဘေးရှောင်များ အထောက်အကူပြုရေးအဖွဲ့၏ အစီရင်ခံစာတွင် ဖော်ပြထားသည်။

လက်ရှိတွင် အချို့သော ဒေသများ၌ ပြန်လည်ငြိမ်သက်မှုများ ရှိနေ၍ နေရပ်ပြန်သွားကြသူများရှိပြီး အမြဲတမ်းစစ်ရှောင် ၂၁၀၀၀ ကျော်ကျန်ရှိနေဆဲ ဖြစ်သည်ဟု ဖော်ပြထားသည်။

လက်ရှိတွင် အဆိုပါ စစ်ဘေးရှောင် ၂၁၀၀၀ ကျော်ထဲမှ အများစုသည် တိုင်းရင်းသား လက်နက်ကိုင် တပ်ဖွဲ့များ၏ ထိန်းချုပ်နယ်မြေနှင့် PDF တပ်ဖွဲ့များ၏ စိုးမိုးနယ်မြေများတွင် ခိုလှုံနေရကြောင်း ကိုယွန်းနသန်က ဆိုသည်။

စစ်ဘေးရှောင်များသည် ရာသီအကူးအပြောင်း ကာလကြောင့် ဆောင်းရာသီ အစပိုင်းတွင် ရာသီတုပ်ကွေး ဖြစ်ပွားခြင်း၊ ဖျားနာခြင်း စသည့်ရောဂါများ ယခုထက်ပိုပြီး ဖြစ်ပွားလာနိုင်ခြေရှိကြောင်း စစ်ရှောင်အရေး ကူညီပေးနေသူများထံက သိရသည်။

အချို့သောလမ်းများတွင် စစ်ကောင်စီတပ်ဖွဲ့က ဆေးဝါးများ သယ်ယူခွင့် တားဆီးပိတ်ပင်ခြင်းများရှိနေ၍ စစ်ရှောင်များအတွက် ကျန်းမာရေးကူညီပေးရန် အခက်အခဲရှိနေသည်ဟု ကူညီပေးနေသူများက ဆိုသည်။

ပုံအညွှန်း- တနင်္သာရီတိုင်းမှ စစ်ဘေးရှောင်များ

စာတည်း။    ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး

#တနင်္သာရီတိုင်း
#စစ်ဘေးရှောင်
#စစ်ကောင်စီတပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မန်ယူအသင်းအား ဝယ်ယူရန် ကမ်းလှမ်းမှုကို ကာတာမှ ရှိတ်ဂျာဆင် ရုပ်သိမ်း
=================

By PKThawn

ကာတာဘဏ်လုပ်ငန်းရှင် ရှိတ်ဂျာဆင် ဘင်ဟာမက် အယ်သာနီဟာ မန်ချက်စတာယူနိုက်တက်ကို ဝယ်ယူဖို့ ကမ်းလှမ်းမှုကို ရုပ်သိမ်းလိုက်ပြီလို့ BBC သတင်းဌာနက စနေနေ့မှာ ဖော်ပြခဲ့ပါတယ်။

ရွေးချယ်စရာတွေထဲမှ တခုဖြစ်တဲ့ အပြည့်အဝရောင်းချခြင်းအပါအဝင် "ကလပ်ရဲ့ တိုးတက်ကြီးထွားမှုကို မြှင့်တင်ဖို့အတွက် ဗျူဟာမြောက်ရွေးချယ်စရာတွေ"ကို ရှာဖွေနေကြောင်း ယူနိုက်တက်က လွန်ခဲ့တဲ့တစ်နှစ်နီးပါးက ကြေညာခဲ့ပါတယ်။

ဒီနှစ်အစောပိုင်းမှာ အကြိမ်များစွာ ကမ်းလှမ်းပြီးနောက် ရှိတ်ဂျာဆင်နဲ့ ဗြိတိန်ဘီလျံနာ ဂျင်မ် ရက်ကလစ်ဖ်တို့ဟာ ဦးဆောင်သူတွေဖြစ်ကြပါတယ်။ ဒါပေမယ့် လက်ရှိပိုင်ရှင်တွေအပေါ် ပရိသတ်ရဲ့ ဒေါသဖြစ်လင့်ကစား ဂလေဇာမိသားစုက မကြာသေးခင်လတွေအတွင်း ဒီလုပ်ဆောင်မှုတွေကို ရပ်တန့်လိုက်ပါတယ်။

Daily Mail ရဲ့ ဖော်ပြချက်အရ ရက်ကလစ်ဖ်ဟာ အခုအခါ ကလပ်ရဲ့ ရှယ်ယာ ၂၅ ရာခိုင်နှုန်းကို ပေါင် ၁.၅ ဘီလီယံ (ဒေါ်လာ ၁.၇ ဘီလီယံ)ဝန်းကျင်ဖြင့် ရယူဖို့ စီစဉ်ထားကြောင်း သိရပါတယ်။

ဂလေဇာတို့ဟာ ၂၀၀၅ မှာ စတာလင်ပေါင် သန်း ၇၉၀ (ဒေါ်လာ ၉၆၁ သန်း) ဖြင့် လွှဲပြောင်းရယူခဲ့ပြီးကတည်းက အင်္ဂလိပ်ဘီလူးကြီးတွေကို ပိုင်ဆိုင်ထားခဲ့ကာ ကလပ်အသင်းကို အကြွေးများစွာတင်စေခဲ့ပါတယ်။

မတ်လက ကိန်းဂဏန်းတွေအရ ယူနိုက်တက်ရဲ့ အကြွေးဟာ ပေါင် သန်း ၉၇၀ အထိ တိုးလာကြောင်း ပြသခဲ့ပါတယ်။

ရှိတ်ဂျာဆင်ရဲ့ ကမ်းလှမ်းမှုဟာ ယူတိုက်တက်ကို အပြည့်အဝထိန်းချုပ်ဖို့ဖြစ်ပြီး ကလပ်ရဲ့ ချေးယူမှုတွေကို ရှင်းပေးဖို့ ကတိပြုခဲ့ပါတယ်။

သူ့ရဲ့ ကမ်းလှမ်းမှုဟာ ပေါင် ၅ ဘီလီယံ တန်ကြေးရှိတယ်လို့ BBC က ဖော်ပြခဲ့ပေမယ့် ယခုသီတင်းပတ်မှာ နောက်ထပ် ဆွေးနွေးမှုတွေ ပျက်ပြားသွားခဲ့ပါတယ်။

ဆန့်ကျင်ဘက်အားဖြင့် ရက်ကလစ်ဖ်ဟာ ဂလေဇာရဲ့ ပေါင် ၆ ဘီလီယံတောင်းဆိုတဲ့ ဈေးနှုန်းနဲ့ ပတ်သက်လို့ သောင်တင်ရေမကျဖြစ်မှုကို ချိုးဖျက်ဖို့ အသေးစားအစုရှယ်ယာတစ်ခုကို ဝယ်လိုကြောင်း သိရပါတယ်။

ရေနံဓာတုပစ္စည်းကုမ္ပဏီကြီး Ineos ကို တည်ထောင်သူ ရက်ကလစ်ဖ်ဟာ ငယ်ကတည်းက ယူနိုက်တက် ပရိသတ်တစ်ဦးဖြစ်ပြီး အားကစားဆိုင်ရာ ရင်းနှီးမြှုပ်နှံမှုတွေ အစုစုကို ပိုင်ဆိုင်ထားပြီးဖြစ်ပါတယ်။

Ineos ဟာ ပြင်သစ်ကလပ် နိုက်နဲ့ ဆွစ်ဇာလန်ကလပ် Lausanne-Sport တို့အပြင် စက်ဘီးစီးအသင်း Ineos Grenadiers ကို ဦးဆောင်ကာ Mercedes Formula One အဖွဲ့ရဲ့ အဓိကစပွန်ဆာလည်းဖြစ်ပါတယ်။

ဂလေဇာတွေရဲ့ ပိုင်ဆိုင်မှုသက်တမ်းအောက်မှာ ယူနိုက်တက်ရဲ့ ကံကြမ္မာတွေကလည်း ကွင်းတွင်းမှာ မှေးမှိန်သွားပြီဖြစ်ပါတယ်။

နည်းပြဟောင်း အဲလက်စ်ဖာဂူဆန်ဟာ ၂၀၁၃ မှာ အနားယူခဲ့ပြီးနောက်ပိုင်း သရဲနီတို့ဟာ ပရီးမီးယားလိဂ်ဖလားကို ဆွတ်ခူးနိုင်ခြင်းမရှိခဲ့ဘဲ ၂၀၀၈ မှာ ချန်ပီယံလိဂ်ဖလားကို နောက်ဆုံးရရှိခဲ့ပါတယ်။

သူတို့ဟာ လက်ရှိ ပရီးမီးယားလိဂ်မှာ အဆင့် (၁၀) နေရာမှာ ရပ်တည်နေပြီး ကလပ်အသင်းသမိုင်းတလျှောက် ပထမဆုံးအကြိမ်အဖြစ် သူ့တို့ရဲ့ ချန်ပီယံလိဂ်အုပ်စုအဆင့်ပွဲစဉ် (၂) ပွဲစလုံးကို ရှုံးနိမ့်ထားပါတယ်။

ပြီးခဲ့တဲ့ ဆယ်စုနှစ် နှစ်ခုအတွင်း ယူနိုက်တက်ရဲ့ အခြေခံအဆောက်အအုံတွေမှာ ရင်းနှီးမြှုပ်နှံမှု နည်းပါးခြင်းအတွက်လည်း ပရိသတ်တွေ စိတ်ပျက်နေကြရပါတယ်။

အိုးထရက်ဖို့ဒ်ဟာ အင်္ဂလန်ရှိ အကြီးဆုံးကလပ်ဘောလုံးကွင်းအဖြစ် ဆက်လက်တည်ရှိနေပေမယ့်လည်း သူတို့ရဲ့ ပြိုင်ဘက်တွေနဲ့အပြိုင် အဆောက်အဦတွေမှာ လိုက်လျောညီထွေဖြစ်စေဖို့အတွက် သိသာထင်ရှားတဲ့ ပြန်လည်ပြင်ဆင်မှုတွေ လိုအပ်နေပါတယ်။

ယူကေနဲ့ အိုင်ယာလန်တို့ရဲ့ ယူရို ၂၀၂၈ အိမ်ရှင်အဖြစ် လက်ခံကျင်းပဖို့ ကမ်းလှမ်းမှု အောင်မြင်တာကြောင့် မန်ချက်စတာစီးတီးရဲ့ အီးတီးဟတ်ကွင်းကို ဦးစားပေးပြီး ယူနိုက်တက်ရဲ့ အိမ်ကွင်းကို လျစ်လျူရှုထားလိုက်ပါတယ်။

၂၀၀၈ မှာ အဘူဒါဘီရဲ့ မိသားစုအဖွဲ့ဝင် ရှိတ်မန်ဆော်မှ လွှဲပြောင်းရယူပြီးနောက်ပိုင်း လက်ရှိ ပရီးမီးယားလိဂ်ချန်ပီယံ စီးတီးရဲ့ ကံကြမ္မာတွေဟာ ပြောင်းလဲသွားခဲ့ပါတယ်။

ဆော်ဒီရဲ့ အချုပ်အခြာအာဏာ ကြွယ်ဝမှုရန်ပုံငွေကြေးမှလည်း နယူးကာဆယ်မှာ ထိန်းချုပ်ထားတဲ့ အစုရှယ်ယာတစ်ခုကို ၂၀၂၁ မှာ ဝယ်ယူခဲ့ပါတယ်။

ဒါပေမယ့် ကာတာဝန်ကြီးချုပ်ဟောင်းတစ်ဦးရဲ့ သားဖြစ်သူ ရှိတ်ဂျာဆင်ရဲ့ ကမ်းလှမ်းမှုဟာ ပရီးမီးယားလိဂ်မှာ နိုင်ငံ့သြဇာလွှမ်းမိုးမှု ကြီးထွားလာမှု အလားလာအပေါ် စိုးရိမ်ပူပန်မှုဖြစ်စေခဲ့ပါတယ်။

နိုင်ငံတကာ လွတ်ငြိမ်းချမ်းသာခွင့်အဖွဲ့ (AI)က သူတို့တွေ "နောက်ထပ် sportswashing အတွက် အခွင့်အရေး မပေးမိ"ဖို့ ပရီးမီးယားလိဂ် ပိုင်ဆိုင်မှု စည်းမျဉ်းတွေကို သေချာ တင်းကျပ်ဖို့ တောင်းဆိုထားပါတယ်။

(AFP)

Photo: EPA

#manchesterunited #SheikhJassim #မန်ယူ #ရှိတ်ဂျာဆင် #မန်ချက်စတာယူနိုက်တက် #Glazers #Mizzima

​​Mizzima needs your support! 

မဇ္ဈိမသတင်းများ ဆက်လက်တင်ဆက်နိုင်ဖို့ သင့်ရဲ့ ပံ့ပိုးမှုလိုအပ်နေပါတယ်.

ဖော်ပြပါလင့်တွင် မဇ္ဈိမကိုကူညီပံ့ပိုးမှု စတင်လိုက်ပါ 
👉 https://bit.ly/2VhJ12U 

For more information- https://donate.mizzima.com/mm/ 

#supportmizzima