ရေအောက်မှာ ရက် ၁၂၀ ကြာ နေထိုင်ပြီး ဂင်းနစ်ကမ္ဘာ့စံချိန် ချိုးဖျက်နိုင်ခဲ့တဲ့ ဂျာမန်အမျိုးသား

ဂျာမနီလေကြောင်းအင်ဂျင်နီယာတဦး ဖြစ်တဲ့ ရူဒီဂါ ကို့ချ်ဟာ ရေအောက်မှာ အချိန်အကြာဆုံး နေထိုင်နိုင်မှုအဖြစ် ဇန်နဝါရီ ၂၄ ရက်က ကမ္ဘာ့စံချိန်မှတ်တမ်းသစ်တခု စိုက်ထူနိုင်ခဲ့ပြီး သူဟာ ပနားမားနိုင်ငံကမ်းရိုးတန်းရဲ့ မလှမ်းမကမ်းက ရေအောက်မှာရှိတဲ့ capsule တခုမှာ ရက်ပေါင်း ၁၂၀ ကြာ နေထိုင်ခဲ့တာဖြစ်ပါတယ်။

အသက် ၅၉ နှစ်ရှိ ကို့ချ်ဟာ ဂင်းနစ်ကမ္ဘာ့စံချိန်မှတ်တမ်း အကဲဖြတ်ဒိုင် ဆူဆန်နာ ရေးယက်စ်ရဲ့ ရှေ့မှောက်မှာပဲ ပင်လယ်ရေအောက်က သူ့ရဲ့ စတုရန်းမီတာ ၃၀ (စတုရန်းပေ ၃၂၀) အိမ်ထဲကနေ ပေါ်ထွက်လာခဲ့ပါတယ်။

ဖလော်ရီဒါပြည်နယ် အိုင်တခုရှိ ရေအောက်အိမ်တခုမှာ ရက် ၁၀၀ နေထိုင်ခဲ့တဲ့ အမေရိကန်နိုင်ငံသား ဂျိုးဆက်ပ် ဒစ်တူရီ တင်ရှိထားတဲ့ ယခင်စံချိန်ကို ကို့ချ်က ချိုးဖျက်နိုင်ခဲ့ကြောင်း ဂင်းနစ်ကမ္ဘာ့စံချိန်မှတ်တမ်း အကဲဖြတ်ဒိုင် ရေးယက်စ်က အတည်ပြုပါတယ်။ သတင်းအပြည့်အစုံဖတ်ရန် >> https://bur.mizzima.com/2025/01/27/44996