ချန်ပီယံလိဂ် ၁၆ သင်းအဆင့်နဲ့ပဲ ကျေနပ်လိုက်ရတဲ့ လီဗာပူးလ်

လီဗာပူးလ် ၁-၄ PSG (Penalties)

ပါရီစိန့်ဂျာမိန့်အသင်းဟာ အင်္ဂါနေ့မှာ လီဗာပူးလ်ကို ပင်နယ်တီအဆုံးအဖြတ်မှာ ၄-၁ ဂိုးနဲ့ နှစ်သင်းကြားက အံ့အားသင့်စရာ ၁၆ သင်းအဆင့်ပွဲစဉ်ကို အနိုင်ရရှိပြီးနောက် ချန်ပီယံလိဂ် ကွာတားဖိုင်နယ်ကို တက်ရောက်သွားပါတယ်။

ဒမ်ဘီလီရဲ့ ဂိုးက ပီအက်စ်ဂျီကို ၁-၀ ဂိုးနဲ့ နှစ်ကျော့ပေါင်းဂိုးရလဒ်ကို တူညီစေခဲ့ပါတယ်။ ဒီနောက် အဝေးကွင်းဂိုးသမား ဒွန်နာရမ်မာက ပင်နယ်တီအဆုံးအဖြတ်မှာ ဒါဝင် နူးနက်ဇ်နဲ့ ကာတစ်စ် ဂျုံးစ်တို့ရဲ့ ပင်နယ်တီတွေကို လက်စွမ်းပြကာကွယ်သွားနိုင်ခဲ့ပြီး ဒီညရဲ့ သူရဲကောင်းဖြစ်ခဲ့ပါတယ်။

ချန်ပီယံလိဂ်ဖလားကို တခါမှ မရဖူးသေးတဲ့ ပီအက်စ်ဂျီဟာ အက်စတွန်ဗီလာ (သို့) ကလပ်ဘရုဂ်ျအသင်းနဲ့ ကွာတားဖိုင်နယ်ပွဲစဉ်ကို ယှဉ်ပြိုင်ရမှာ ဖြစ်ပါတယ်။

လီဗာပူးလ် ဝ-၁ PSG (90' min & Extra time)
⚽️ ဒမ်ဘီလီ ၁၂'
(နှစ်ကျော့ပေါင်းရလဒ် ၁-၁)

Photos: EPA