အီရန်က ပိတ်ဆို့အရေးယူမှုများအောက်မှပင် အရေးပါသော ရေနံတင်ပို့သူအဖြစ် ရှိနေဆဲဖြစ်သည်ဟု နိုင်ငံတကာ စွမ်းအင်အေဂျင်စီ (IEA) က ဆိုသည်။ အမေရိကန်က ရေနံတင်ပို့မှုကို ပိတ်ပင်ရန် ကြိုးပမ်းနေသည့်ကြားမှပင် ဒီဇင်ဘာလအထိ တရက်လျှင် ရေနံစည်ပေါင်း ၁ ဒသမ ၉ သန်းခန့်အထိ အီရန်က တင်ပို့နိုင်ခဲ့သည်။

နိုင်ငံရေးအန္တရာယ်ဆိုင်ရာ အကြံပေးလုပ်ငန်း 3TEN32 Associates မှ ရက်ဒ်အယ်ကာဒီရီကမူ ရေနံဈေးကွက်အတွက် စိုးရိမ်နေရသည့် အဓိကအကြောင်းရင်းက အမေရိကန် တိုက်ခိုက်မှုအပေါ် အီရန်က မည်သို့ တုံ့ပြန်မည်နည်းဆိုသည့် အချက်ပဲဟု ပြောသည်။

အဆိုးရွားဆုံး အခြေအနေမှာ အီရန်က ၎င်း၏ အိမ်နီးချင်းနိုင်ငံများကို တုံ့ပြန်တိုက်ခိုက်ခြင်း ဖြစ်လိမ့်မည်ဟု ဟက်ဖ်က ပြောသည်။

♦️ သတင်းအပြည့်အစုံ - https://bur.mizzima.com/2026/03/01/83396

#အမေရိကန်
#အီရန်
#ကမ္ဘာ့ရေနံဈေးကွက်
#မဇ္ဈိမသတင်းဌာန
#MizzimaBurmeseNews

အမေရိကန်နှင့် အစ္စရေးတို့၏ ကနဦး တိုက်ခိုက်မှုများအပြီး နာရီပိုင်းအတွင်းမှာပင် ရုရှားနှင့် တရုတ်တို့က အီရန်ဘက်မှ ရပ်တည်ကြောင်း ကြေညာချက်များ ထုတ်ပြန်ခဲ့ကြပြီး ကနေဒါ၊ သြစတြေးလျနှင့် ယူကရိန်းတို့က အမေရိကန်နှင့် အစ္စရေးတို့ဘက်မှ ထောက်ခံကြောင်း ဖော်ပြခဲ့ကြသည်။ အခြားသော ကမ္ဘာ့ခေါင်းဆောင် အများအပြားက နှစ်ဖက်စလုံးအနေဖြင့် ထိန်းထိန်းသိမ်းသိမ်း လုပ်ဆောင်ကြရန်နှင့် စစ်ရှိန်လျှော့ချကြရန် တိုက်တွန်းခဲ့ကြသည်။

တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက "အီရန်၏ အချုပ်အခြာအာဏာ၊ လုံခြုံရေးနှင့် နယ်မြေတည်တံ့ခိုင်မြဲမှုကို လေးစားရမည်" ဟု X လူမှုကွန်ရက်တွင် ရေးသားခဲ့သည်။

ကနေဒါဝန်ကြီးချုပ် မာ့ခ်ကာနေးက "ကနေဒါရဲ့ ရပ်တည်ချက်ကတော့ ရှင်းပါတယ်။ အီရန်အစ္စလာမ္မစ်သမ္မတနိုင်ငံဟာ အရှေ့အလယ်ပိုင်းတခွင် မတည်ငြိမ်မှုနဲ့ အကြမ်းဖက်မှုတွေရဲ့ အဓိကအရင်းအမြစ် ဖြစ်ပါတယ်။ ကမ္ဘာ့အဆိုးရွားဆုံး လူ့အခွင့်အရေး ချိုးဖောက်မှု မှတ်တမ်းတွေ ရှိနေတဲ့အပြင် သူတို့ကို နျူကလီးယားလက်နက် ပိုင်ဆိုင်ခွင့် ဒါမှမဟုတ် ထုတ်လုပ်ခွင့် ဘယ်တော့မှ မပေးသင့်ပါဘူး" ဟု ပြောသည်။ Read more: https://bur.mizzima.com/2026/03/01/83399

မဇ္ဈိမ။ ။ တော်လှန်ရေးအင်အားစုများကို သတင်းအချက်အလက် စစ်ဆင်ရေးလုပ်ရန်အတွက် စစ်ဗိုလ်ချုပ်များ ဦးဆောင်သည့် အဖွဲ့ကို ဖွဲ့စည်းလိုက်ကြောင်း ဖေဖော်ဝါရီ ၂၇ ရက်နေ့ထုတ် မြန်မာနိုင်ငံပြန်တမ်းတွင် ဖော်ပြသည်။

အဆိုပါအဖွဲ့ကို “သတင်းလွှာ (Information Sheet) ထုတ်ပြန်ရေးနှင့် တန်ပြန်သတင်းဖြန့်ချိရေးအဖွဲ့” ဟု အမည်ပေးထား၍ စစ်ကော်မရှင်က ပြီးခဲ့သည့် ဇန်နဝါရီ ၃၁ ရက်နေ့ ရက်စွဲဖြင့် ဖွဲ့စည်းခဲ့ခြင်းဖြစ်သည်။

စစ်ကော်မရှင် လက်အောက်ခံ ကာကွယ်ရေး ဒုတိယဝန်ကြီး ဗိုလ်ချုပ်အောင်မျိုးသန့်က အဖွဲ့ခေါင်းဆောင်အဖြစ် ဦးဆောင်ပြီး စစ်ကော်မရှင်တပ် ဒုတိယလေ့ကျင့်ရေးအရာရှိချုပ် ဗိုလ်မှူးချုပ်စိုးညွန့်က အတွင်းရေးမှူး၊ ဒုတိယရဲချုပ် (၁) ရဲဗိုလ်ချုပ် ဝင်းဗိုလ်က တွဲဖက်အတွင်းရေးမှူးအဖြစ် တာဝန်ယူထားသည်။

Read more: https://bur.mizzima.com/2026/03/01/83404

https://www.youtube.com/watch?v=Zrn9q7bv3lI
CENTCOM releases images of US aircraft and warships during Iran operation

အဆိုပါ ယာယီအဖွဲ့အစည်းကို ယနေ့ (မတ်လ ၁ ရက်) နှောင်းပိုင်းတွင် ဖွဲ့စည်းသွားမည်ဖြစ်ကြောင်း အီရန်အမျိုးသားလုံခြုံရေးကောင်စီ၏ အတွင်းရေးမှူး အလီလာရီဂျာနီက ပြောသည်။

အီရန်ထိပ်ပိုင်းခေါင်းဆောင်များကို ပစ်မှတ်ထားတိုက်ခိုက်ခြင်းဖြင့် "ရန်သူများ၏ ရည်မှန်းချက်များ" အောင်မြင်သွားမည်မဟုတ်ဘဲ ယင်းလုပ်ရပ်သည် ပြည်တွင်းစည်းလုံးညီညွတ်မှုကို ပိုမိုခိုင်မာစေကာ ပြတ်သားသော တုံ့ပြန်မှုများကိုသာ ဖြစ်ပေါ်စေလိမ့်မည်ဟု လာရီဂျာနီက ပြောကြားကြောင်း Tasnim သတင်းဌာနက ကိုးကားဖော်ပြခဲ့သည်။

"အီရန်လက်နက်ကိုင်တပ်ဖွဲ့တွေအနေနဲ့ နိုင်ငံကို အစိတ်စိတ်အမြွှာမြွှာဖြစ်အောင် ကြိုးပမ်းမှုမှန်သမျှကို ဆန့်ကျင်တိုက်ခိုက်သွားမှာဖြစ်ပြီး ရန်သူတွေရဲ့ အစီအစဉ်တွေကိုလည်း ပျက်ပြားအောင် လုပ်ဆောင်သွားမှာပါ" ဟု လာရီဂျာနီက ဆိုသည်။

♦️ သတင်းအပြည့်အစုံ- https://bur.mizzima.com/2026/03/01/83414

#ခါမေနီ
#အီရန်
#ယာယီဦးဆောင်ကောင်စီ
#မဇ္ဈိမသတင်းဌာန
#MizzimaBurmeseNews

မန္တလေးတိုင်း ၊ ပုဂံ- ညောင်းဦးမြို့နယ်အတွင်း ကင်းလှည့်နေသည့် ကားတိုက်ခိုက်ခံရပြီး စစ်ကော်မရှင်တပ်သားလေးဦးသေဆုံးကာ ၎င်းတို့ကိုင်ဆောင်သည့် သေနတ်လေးလက်နှင့် ခဲယမ်းများ သိမ်းဆည်းရမိကြောင်း Pakokku Special Task Force ပခုက္ကူမြို့နယ် ပြည်သူ့ကာကွယ်ရေးတပ်ဖွဲ့ (ပကဖ) ထံကသိရသည်။

♦️ သတင်းအပြည့်အစုံ - https://bur.mizzima.com/2026/03/01/83417

#နွေဦးတော်လှန်ရေး
#နေ့စဉ်မှတ်စု
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=LULtiNaKQCc
Moment #Iran State TV confirms #Khamenei’s death

အီရန်ကာကွယ်ရေးဝန်ကြီးနှင့် ပြည်ထဲရေးဝန်ကြီးဟောင်းဖြစ်သူ အာမက် ဗာဟီဒီအား အီရန်တော်လှန် ရေးအစောင့်တပ်ဖွဲ့ (IRGC) ၏ တပ်မှူးအသစ်အဖြစ် တနင်္ဂနွေနေ့တွင် ခန့်အပ်လိုက်ကြောင်း နိုင်ငံပိုင် မီဒီယာများက သတင်းထုတ်ပြန်လိုက်သည်။

၂၀၂၂ ခုနှစ် အီရန်တနိုင်ငံလုံးအတိုင်းအတာဖြင့် ဆန္ဒပြပွဲများအတွင်း လုံခြုံရေးတပ်ဖွဲ့များက အင်အားသုံး နှိမ်နင်းရာတွင် ဗာဟီဒီက ဦးဆောင်ခဲ့မှုကြောင့် အမေရိကန်၏ ပိတ်ဆို့အရေးယူမှုကို ခံထားရသူ ဖြစ် သည်။

ဗာဟီဒီသည် အီရန်၏ အချိုးမညီစစ်ဆင်ရေးမဟာဗျူဟာကို ရေးဆွဲရာတွင်လည်းကောင်း၊ ဒေသတွင်းမ ဟာမိတ်များ တည်ထောင်ရာတွင်လည်းကောင်း အဓိကအခန်းကဏ္ဍမှ ပါဝင်ခဲ့သူဖြစ်သည်။

♦️ သတင်းအပြည့်အစုံ - https://bur.mizzima.com/2026/03/01/83421

#အီရန်
#တော်လှန်ရေးအစောင့်တပ်
#အာမက်ဗာဟီဒီ
#မဇ္ဈိမသတင်းဌာန
#MizzimaBurmeseNews

ခါမေနီ သေဆုံးသွားသော်လည်း အစ္စရေး၏ စစ်ဗျူဟာပြောင်းလဲမည်မဟုတ်ဘဲ အီရန်အရာရှိများနှင့် ဒုံးကျည်အခြေခံအဆောက်အအုံများကို ဆက်လက်ပစ်မှတ်ထားသွားမည်ဟု အစ္စရေး၏ စစ်ဆင်ရေးအခြေအနေကိုသိရှိသည့် သတင်းရင်းမြစ်တခုက ရိုက်တာသတင်းဌာနသို့ ပြောသည်။

အီရန်က ၎င်းတို့တိုက်ခိုက်ခံရပါက အမေရိကန်စခန်းများကို ပစ်မှတ်ထားမည်ဟု ပြောကြားထားပြီး၊ ယခုအခါ အခြားသောပစ်မှတ်များကိုပါ ထိမှန်နေသဖြင့် ရေနံထုတ်လုပ်ရာ ပင်လယ်ကွေ့ဒေသတခုလုံး ထိတ်လန့်တုန်လှုပ်နေရသည်။

အစ္စရေးတဝန်းတွင်လည်း တနင်္ဂနွေနေ့အစောပိုင်းက လေကြောင်းရန်သတိပေးဥသြသံများ အကြိမ်ကြိမ်ထွက်ပေါ်ခဲ့ပြီး တဲလ်အဗစ်မြို့တွင်လည်း ပေါက်ကွဲသံများ ဆက်တိုက်ကြားခဲ့ရသည်။

♦️ သတင်းအပြည့်အစုံ - https://bur.mizzima.com/2026/03/01/83424

#အီရန်
#ခါမေနီ
#ပြင်းထန်သောအကျိုးဆက်များ
#မဇ္ဈိမသတင်းဌာန
#MizzimaBurmeseNews

ခါမေနီကို သတ်ဖြတ်ခြင်းသည် "မွတ်စလင်များအပေါ် စစ်ကြေညာခြင်း" ဖြစ်ကြောင်း အီရန်သမ္မတ မာဆုဒ်ပီဇက်ရှ်ကီယန်က ပြောကြားလိုက်ပြီး "ဒီသမိုင်းဝင် ရာဇဝတ်မှုကို ကျူးလွန်သူတွေနဲ့ နောက်ကွယ်က ကြိုးကိုင်သူတွေကို ကလဲ့စားချေဖို့ဟာ အီရန်ရဲ့ တရားဝင် တာဝန်နဲ့ အခွင့်အရေးဖြစ်တယ်လို့ မှတ်ယူပါတယ်" ဟု သတိပေးခဲ့သည်။

အီရန်အမျိုးသားလုံခြုံရေးကောင်စီအကြီးအကဲ အလီလာရီဂျာနီက "မနေ့က အီရန်ဟာ အမေရိကန်နဲ့ အစ္စရေးကို ဒုံးကျည်တွေနဲ့ ပစ်ခတ်ခဲ့တယ်၊ သူတို့ တကယ်ပဲ အထိနာသွားတယ်။ ဒီနေ့မှာတော့ သူတို့တခါမှ မကြုံဖူးသေးတဲ့ အင်အားမျိုးနဲ့ ကျွန်တော်တို့က ထပ်မံတိုက်ခိုက်သွားမှာပါ" ဟု သမ္မတထရမ့်၏ ရေးသားပုံစတိုင်နှင့် လေသံအတိုင်း တုပကာ လူမှုကွန်ရက်တွင် ရေးသားခဲ့သည်။

♦️ သတင်းအပြည့်အစုံ - https://bur.mizzima.com/2026/03/01/83427

#အီရန်
#ခါမေနီ
#လုပ်ကြံခံရမှု
#မဇ္ဈိမသတင်းဌာန
#MizzimaBurmeseNews

ထိုင်းတွင် ဘန်ကောက်မြို့အပါအဝင် ပြည်နယ် ၆၂ ခုတွင် ယခုသီတင်းပတ် အင်္ဂါနေ့မှ သောကြာနေ့ အထိ မိုးသက်မုန်တိုင်းကျခြင်း၊ လေပြင်းတိုက်ခိုက်ခြင်း၊ အချို့ဒေသများတွင် မိုးသီးကြွေခြင်းနှင့်အတူ မိုးသည်းထန်စွာရွာသွန်းခြင်းနှင့် မိုးကြိုးပစ်ခြင်းများ ဖြစ်ပေါ်နိုင်သောကြောင့် ဒေသခံများ ကြိုတင်ပြင် ဆင်ထားကြရန် မုန်တိုင်းသတိပေးချက် ထုတ်ပြန်ထားသည်။

ထိုင်းနိုင်ငံအထက်ပိုင်းတွင် နွေရာသီမုန်တိုင်းများကျရောက်နိုင်ကြောင်း မိုးလေဝသဌာန၏ အကြံပြုချက် အပြီးတွင် ဗဟိုသဘာဝဘေးအန္တရာယ် ကာကွယ်ရေးနှင့် လျော့ချရေးဌာန (CDPMC) က ယခုသတိပေး ချက်ထုတ်ပြန်ခဲ့ခြင်းဖြစ်သည်။

♦️ သတင်းအပြည့်အစုံ - https://bur.mizzima.com/2026/03/01/83430

#ထိုင်း
#မုန်တိုင်းသတိပေးချက်
#နွေရာသီမုန်တိုင်းများ
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=wPdweITx-6c
မတ်လ ၁ ရက်၊ တနင်္ဂနွေနေ့ ညပိုင်း မဇ္ဈိမရေဒီယိုအစီအစဥ်

မဇ္ဈိမ။ ။ လုပ်သက်ရင့် စစ်ကော်မရှင်တပ်သားနှင့် ရဲတပ်ဖွဲ့ဝင်များကို ကျပ် ၃၀,၀၀၀ မှ ၁၀၀,၀၀၀ အထိ တာဝန်ထမ်းဆောင်မှု အထူးထောက်ပံ့ကြေး ပေးမည်ဟု စစ်ကော်မရှင်ထိန်းချုပ် MRTV က ယနေ့ (မတ်လ ၁ ရက်) ညနေပိုင်းတွင် ထုတ်ပြန်သည်။

အမှုထမ်းသက်အပေါ်မူတည်၍ တာဝန်ထမ်းဆောင်မှုအထူးထောက်ပံ့ကြေးကို လစဉ်ပေးအပ်သွားမည်ဖြစ်ပြီး ထိုသို့ ပေးအပ်ခြင်းသည် မတ်လ ၁ ရက်တွင် စတင်အကျိုးသက်ရောက်မည်ဖြစ်ကြောင်း စစ်ကော်မရှင်က ဆိုသည်။

ယခုနှစ် ဖေဖော်ဝါရီလ ၂၈ ရက်နေ့တွင် အမှုထမ်းသက် ၁၀ နှစ်ပြည့်မြောက်သည့် အမှုထမ်းသက် ၁၀ နှစ်နှင့် အထက် ရှိသူများကို လစဉ် ၃၀,၀၀၀ ကျပ်၊ အမှုထမ်းသက် ၁၅ နှစ်ပြည့်မြောက်သည့် အမှုထမ်းသက် ၁၅ နှစ်နှင့် အထက်ရှိသူများကို လစဉ် ၅၀,၀၀၀ ကျပ်နှင့် အမှုထမ်းသက် ၂၀ နှစ်ပြည့်မြောက်သည့် အမှုထမ်းသက် ၂၀ နှစ်နှင့် အထက်ရှိသူများကို လစဉ် ၁၀၀,၀၀၀ ကျပ် ပေးအပ်မည်ဟု ဖော်ပြသည်။ Read more: https://bur.mizzima.com/2026/03/01/83433

https://www.youtube.com/watch?v=mNOaji7LK0U
မတ်လ ၂ ရက်၊ တနင်္လာနေ့ မနက်ပိုင်း မဇ္ဈိမရေဒီယိုအစီအစဥ်

https://www.youtube.com/watch?v=OtGPC_G-bF0
Deaths as pro-Iran protesters try to storm US missions in Pakistan and Iraq