https://www.youtube.com/watch?v=kPqY7m8hMvs
Cheers heard across Iran after reports of Khamenei's death

"ဒါဟာ တကယ့်ကို စိုးရိမ်စရာဖြစ်ပြီး အခြေအနေတွေ ပိုမိုဆိုးရွားလာနေပါတယ်။ အီရန်ရဲ့ ခွဲခြားမှုမရှိ ရမ်းသန်းလက်တုံ့ပြန်တိုက်ခိုက်မှုတွေ ပိုတိုးလာနိုင်တဲ့ အန္တရာယ်တွေလည်း ရှိနေပါတယ်။ ဥပမာတွေပြောရမယ်ဆိုရင် မနေ့က အီရန်ရဲ့ ဒုံးကျည်တွေ၊ ဒရုန်းတွေနဲ့ တိုက်ခိုက်တာခံခဲ့ရတဲ့ ဘာရိန်းအခြေစိုက်စခန်းမှာ ကျွန်တော်တို့ ဗြိတိန်တပ်ဖွဲ့ဝင် ၃၀၀ ရှိနေခဲ့ပါတယ်။ အချို့ဆိုရင် ဒုံးကျည်ကျတဲ့နေရာနဲ့ ကိုက်အနည်းငယ်အကွာမှာပဲ ရှိနေခဲ့တာပါ။" ဟု ဂျွန်ဟေလီက Sunday Morning With Trevor Phillips ရုပ်မြင်သံကြားအစီအစဉ်တွင် ပြောသည်။

"ဆိုက်ပရပ်စ်ဘက်မှာလည်း ဒုံးကျည်နှစ်စင်း ပစ်ခတ်တာ ခံခဲ့ရပါတယ်။ ဒါဟာ ဆိုက်ပရပ်စ်ကို ပစ်မှတ်ထားတိုက်ခိုက်ခဲ့တာလို့ ကျွန်တော်တို့ မယူဆပါဘူး။ ဒါပေမဲ့ ဒေသတွင်းမှာ ကျယ်ကျယ်ပြန့်ပြန့် ခြိမ်းခြောက်နေတဲ့ အစိုးရတရပ်ဆီကနေ တကယ့်ခြိမ်းခြောက်မှု မြင့်တက်လာနေတယ်ဆိုတာကို ပြသနေတဲ့ ဥပမာတခုဖြစ်ပြီး အဲဒါကို ကျွန်တော်တို့ အရေးယူလုပ်ဆောင်ဖို့ လိုအပ်ပါတယ်။" ဟု ဂျွန်ဟေလီက ပြောကြားခဲ့သည်။ Read more: https://bur.mizzima.com/2026/03/02/83436

“သူတို့က ဆွေးနွေးချင်နေကြတယ်။ ကျွန်တော်လည်း ဆွေးနွေးဖို့ သဘောတူလိုက်ပြီ။ ဒါကြောင့် သူတို့နဲ့ ကျွန်တော် ဆွေးနွေးဖြစ်ပါလိမ့်မယ်။ သူတို့ ဒီထက်စောပြီး လုပ်ခဲ့သင့်တာ။ လက်တွေ့ကျပြီး လုပ်ရလွယ်ကူတဲ့ အရာတွေကို သူတို့ အစောကြီးကတည်းက လုပ်သင့်တာပါ။ သူတို့ အကြာကြီး အချိန်ဆွဲနေခဲ့တယ်” ဟု ထရမ့်က နံနက် ၉ နာရီခွဲမတိုင်မီတွင် မာ-အာ-လာဂို အိမ်တော်မှ ပြောကြားခဲ့သည်။

အီရန်အပေါ် တိုက်ခိုက်မှုနှင့်ပတ်သက်၍ မြို့ကြီးအချို့တွင် အစိုးရအပြောင်းအလဲအတွက် အောင်ပွဲခံမှုများ ရှိသကဲ့သို့၊ အချို့နေရာများတွင် စစ်ဆင်ရေး ဆန့်ကျင်သည့် ဆန္ဒပြမှုကြီးများလည်း ရှိနေသည်။
ယခုအချိန်အထိ အီရန်ပြည်သူများ၏ တုံ့ပြန်မှုအပေါ် ကျေနပ်ကြောင်းလည်း ထရမ့်က ပြောသည်။

ထရမ့်က အီရန်အား တိုက်ခိုက်မှုနှင့်ပတ်သက်ပြီး “လူတွေက ဒါကိုလုပ်ဖို့ နှစ်ပေါင်း ၄၇ နှစ်လုံးလုံး စောင့်မျှော်ခဲ့ကြတာ။ သူတို့ (အီရန်အစိုးရ) က ၄၇ နှစ်လုံးလုံး လူတွေကို သတ်ခဲ့တာလေ၊ အခုတော့ အဲဒါက သူတို့ဘက် ပြန်လှည့်သွားပြီပေါ့။” ဟု ထရမ့်က ဆိုသည်။

♦️ သတင်းအပြည့်အစုံ - https://bur.mizzima.com/2026/03/02/83439

#အီရန်
#ထရမ့်
#ဆွေးနွေးမှု
#မဇ္ဈိမသတင်းဌာန
#MizzimaBurmeseNews

အသက် ၆၉ နှစ်အရွယ်ရှိ အမာဒီနီဂျက်သည် ၂၀၀၅ ခုနှစ်မှ ၂၀၁၃ ခုနှစ်အထိ သမ္မတအဖြစ် တာဝန်ထမ်းဆောင်ခဲ့သူဖြစ်ပြီး တာဝန်ထမ်းဆောင်စဉ်အတွင်း အစ္စရေး၏ အကြီးမားဆုံး ရန်သူတော်ကြီးတဦးအဖြစ် သတ်မှတ်ခံခဲ့ရသူဖြစ်သည်။ အမာဒီနီဂျက်သည် ဂျူးအစုလိုက်အပြုံလိုက် သတ်ဖြတ်မှု (Holocaust) ဖြစ်ရပ်ကို အကြိမ်ကြိမ် ငြင်းဆိုခဲ့သူဖြစ်ပြီး အစ္စရေးနိုင်ငံသည် မကြာမီ ပျောက်ကွယ်သွားလိမ့်မည်ဟုလည်း ကြွေးကြော်ခဲ့ဖူးသည်။

အမာဒီနီဂျက်သည် နေအိမ်ပစ်မှတ်ထားတိုက်ခိုက်ခံရကာ “ဇီယွန်ဝါဒီအစိုးရနှင့် အမေရိကန်တို့၏ ဒုံးကျည်ဖြင့် တိုက်ခိုက်မှုအတွင်း သက်တော်စောင့်များနှင့်အတူ သေဆုံးသွားခဲ့သည်” ဟု နိုင်ငံပိုင်မီဒီယာများက ဖော်ပြခဲ့သည်။

♦️ သတင်းအပြည့်အစုံ - https://bur.mizzima.com/2026/03/02/83442

#အီရန်
#အမေရိကန်
#တိုက်ခိုက်မှု
#မဇ္ဈိမသတင်းဌာန
#MizzimaBurmeseNews

အီရန်အဓိပတိ အယာတိုလာ ခါမေနီသည် အမေရိကန်နှင့် အစ္စရေးတို့၏ တိုက်ခိုက်မှုကြောင့် သေဆုံးခဲ့ ပြီးနောက်၊ အီရန်တော်လှန်ရေး အစောင့်တပ်ဖွဲ့က ပင်လယ်ကွေ့အတွင်းရှိ အမေရိကန်လေယာဉ်တင် သင်္ဘောယူအက်စ်အက်စ် အေဘရာဟမ် လင်ကွန်းကို တိုက်ခိုက်ခဲ့ကြောင်း သတင်းထုတ်ပြန်လိုက် သည်။

အီရန်၏ ပြောကြားချက်မှာ မဟုတ်မမှန်ကြောင်း အမေရိကန်အလယ်ပိုင်းစစ်ဌာနချုပ်က တုံ့ပြန်ခဲ့ပြီး ပစ်ခတ်ခဲ့သော ဒုံးကျည်များသည် သင်္ဘောအနီးသို့ပင် ရောက်ရှိခြင်းမရှိကြောင်း X လူမှုကွန်ရက်တွင် ဖော်ပြခဲ့သည်။

♦️ သတင်းအပြည့်အစုံ - https://bur.mizzima.com/2026/03/02/83445

#အီရန်
#အမေရိကန်
#လေယာဉ်တင်သင်္ဘော
#မဇ္ဈိမသတင်းဌာန
#MizzimaBurmeseNews

သမ္မတ ထရမ့်က "Operation Epic Fury" စစ်ဆင်ရေးဖြင့် စစ်ကြေညာသည့် ဗီဒီယိုမိန့်ခွန်းတွင် အမေရိကန်စစ်တပ်က အီရန် ရေတပ်နှင့်တကွ အခြား စစ်ရေးစွမ်းဆောင်ရည်များကို "အမြစ်ပြတ် ချေမှုန်းသွားမည်" ဟု ပြောထားသည်။

အီရန်တွင် "မည်သည့်အခါမျှ" နျူကလီးယားလက်နက် မပိုင်ဆိုင်နိုင်အောင် ရည်မှန်းချက်ဖြင့် စစ်ဆင်ရေး ဆင်နွှဲခြင်း ဖြစ်သည်ဟု ထရမ့်က ပြောသည်။ ထို့ပြင် အမေရိကန်၏ စစ်ဆင်ရေးများအပြီး အီရန်နိုင်ငံသားများအနေဖြင့် "နိုင်ငံအား ထိန်းချုပ်ရန်" တိုက်တွန်းကာ"ဒါဟာ မျိုးဆက်ပေါင်းများစွာအတွင်း ခင်ဗျားတို့အတွက် တခုတည်းသော အခွင့်အရေး ဖြစ်ကောင်းဖြစ်နေမတယ်" ဟု ဆိုသည်။

♦️ သတင်းအပြည့်အစုံ - https://bur.mizzima.com/2026/03/02/83458

#အီရန်
#အမေရိကန်
#ဂြိုဟ်တုဓာတ်ပုံများ
#မဇ္ဈိမသတင်းဌာန
#MizzimaBurmeseNews

အမေရိကန်နှင့် အစ္စရေးတို့၏ အလစ်အငိုက်ဗုံးကြဲတိုက်ခိုက်မှုအတွင်း အီရန်ဦးသျှောင်အယာတိုလာ အလီ ခါမေနီသေဆုံးခဲ့ပြီးနောက်၊ ပိုမိုကျယ်ပြန့်လာသော စစ်ပွဲ၏ အစိတ်အပိုင်းအဖြစ် အစ္စရေးနှင့် အီရန်တို့သည် တနင်္ဂနွေနေ့တွင် အပြင်းအထန် တိုက်ခိုက်ခဲ့ကြသည်။

တီဟီရန်မြို့ရှိ အစိုးရအဆောက်အအုံများရှိရာ ဧရိယာတွင် ပေါက်ကွဲမှုများဖြစ်ပွားခဲ့ပြီး ကောင်းကင် ယံသို့ မီးခိုးလုံးကြီးများ တက်လာသည်ကို တွေ့မြင်ခဲ့ကြသည်။

ခါမေနီနှင့် အခြားအဆင့်မြင့်ခေါင်းဆောင်များ သေဆုံးခဲ့သည့် အမေရိကန်နှင့် အစ္စရေးတို့၏ တိုက်ခိုက်မှုများ စတင်ကတည်းက လူပေါင်း ၂၀၀ ကျော် သေဆုံးခဲ့ပြီဟု အီရန်အာဏာပိုင်များက ပြောကြားခဲ့သည်။

♦️ သတင်းအပြည့်အစုံ - https://bur.mizzima.com/2026/03/02/83461

#အီရန်
#အစ္စရေး
#တီဟီရန်မြို့
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=SUxfRLwL-0Y
Fact Check : နေမျိုးဇင်၏ နန်းတွင်းသတိပေးချက် ရုပ်သံဖိုင်အဟောင်းဖြင့် သတင်းမှားဖြန့်ဝေနေမှု

"ကျွန်တော်တို့ ရထားတဲ့ အောင်မြင်မှုကို ဘယ်သူမှ ယုံနိုင်မှာ မဟုတ်ဘူး၊ တချက်တည်းနဲ့ ခေါင်းဆောင် ၄၈ ယောက် ပျောက်ကွယ်သွားပြီ၊ စစ်ဆင်ရေးကလည်း အရမ်း မြန်မြန်ဆန်ဆန် ရှေ့တိုးနေတယ်" ဟု Fox News နှင့် အင်တာဗျူးတွင် ထရမ့်က ဆိုသည်။

အီရန်ဘက်ကလည်း ဖိ၍ တုံ့ပြန်တိုက်ခိုက်ရာ ဒုတိယမြောက်နေ့၌ ဟော်မုဇ်ရေလက်ကြားတွင် သင်္ဘောသုံးစီး တိုက်ခိုက်ခံခဲ့ရကြောင်း ရေကြောင်းလုံခြုံရေးအေဂျင်စီများက ဆိုသည်။

♦️ သတင်းအပြည့်အစုံ - https://bur.mizzima.com/2026/03/02/83468

#အီရန်သင်္ဘော
#ဒေါ်နယ်ထရမ့်
#အလီခါမေနီ
#မဇ္ဈိမသတင်းဌာန
#MizzimaBurmeseNews

ပါကစ္စတန်နိုင်ငံတောင်ပိုင်း ဆိပ်ကမ်းမြို့ ကရာချိနှင့် နိုင်ငံမြောက်ပိုင်းတို့တွင် ဆန္ဒပြသူများနှင့် လုံခြုံရေးတပ်ဖွဲ့များအကြား ပြင်းထန်သည့် ထိပ်တိုက်တွေ့ပဋိပက္ခများ ဖြစ်ပွားခဲ့ရာ အနည်းဆုံး လူ ၂၂ ဦး သေဆုံးပြီး ၁၂၀ ကျော် ထိခိုက်ဒဏ်ရာရခဲ့ကြောင်း အာဏာပိုင်များက ပြောသည်။ အီရန်အစိုးရကို ထောက်ခံသော ဆန္ဒပြသူများက မတ်လ ၁ ရက်တွင် အမေရိကန်ကောင်စစ်ဝန်ရုံးတခုကို စီးနင်းရန် ကြိုးပမ်းခဲ့ကြခြင်းဖြစ်သည်ဟု အာဏာပိုင်များက ပြောသည်။

နိုင်ငံမြောက်ပိုင်းတွင်လည်း ဆန္ဒပြသူများသည် ကုလသမဂ္ဂရုံးများနှင့် အစိုးရရုံးများကို တိုက်ခိုက်ခဲ့ကြသည်ဟု သိရသည်။

♦️ သတင်းအပြည့်အစုံ - https://bur.mizzima.com/2026/03/02/83471

#ပါကစ္စတန်
#အမေရိကန်ကောင်စစ်ဝန်ရုံး
#ဆန္ဒပြ
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=64BDUi74vAo
Israeli army images of Israeli fighter jets and strikes over Iran

အမေရိကန်နှင့် အစ္စရေးတို့က အီရန်ကို တိုက်ခိုက်ရန် အသင့်ပြင်နေချိန်တွင် အမေရိကန်ဗဟိုထောက်လှမ်းရေးအေဂျင်စီ (CIA)သည် အရေးအကြီးဆုံး ပစ်မှတ်ဖြစ်သည့် အီရန်ဦးသျှောင်အယာတိုလာ အလီ ခါမေနီ တည်ရှိရာနေရာကို အတိအကျ စုံစမ်းဖော်ထုတ်နိုင်ခဲ့သည်။

စီအိုင်အေသည် ခါမေနီ၏ သွားလာလှုပ်ရှားမှုပုံစံများနှင့် တည်နေရာများကို လပေါင်းများစွာ စောင့်ကြည့် ထောက်လှမ်းခဲ့ခြင်းဖြင့် ခိုင်လုံသောသတင်းအချက်အလက်များ ရရှိခဲ့ကြောင်း စစ်ဆင်ရေးနှင့် နီးစပ်သူများက ပြောကြားသည်။

ထို့နောက် တီဟီရန်မြို့လယ်ရှိ ခေါင်းဆောင်မှုဝင်းအတွင်း၌ အီရန်ထိပ်တန်းခေါင်းဆောင်များ၏ အစည်းအဝေးတခုကို စနေနေ့နံနက်တွင် ပြုလုပ်မည်ဖြစ်ကြောင်း စီအိုင်အေက သိရှိခဲ့သည်။ အရေးကြီးဆုံးအချက်မှာ အဆိုပါနေရာ၌ အီရန်ဦးသျှောင်ကိုယ်တိုင် ရှိနေမည်ဟူသော အချက်ပင်ဖြစ်သည်။

♦️ သတင်းအပြည့်အစုံ - https://bur.mizzima.com/2026/03/02/83474

#ခါမေနီ
#CIA
#ထောက်လှမ်းရေးစွမ်းပကား
#မဇ္ဈိမသတင်းဌာန
#MizzimaBurmeseNews