လူမျိုးအလိုက် ကြည့်မည်ဆိုလျှင် တရုတ်တို့၏ ဝယ်ယူမှုက လျော့ကျသွားသော်လည်း အကြီးဆုံး ဝယ်လက် အုပ်စုအဖြစ် ဆက် ရှိနေသည်။

မြန်မာနိုင်ငံသားများ၏ ဝယ်ယူမှုမှာ အခန်းပေါင်း ၁,၉၆၈ ဖြင့် ဒုတိယနေရာတွင် ရပ်တည်ပြီး ယခင်နှစ်ထက် ၄၁ ဒသမ ၈ ရာခိုင်နှုန်း အရှိန်အဟုန်ဖြင့် မြင့်တက်လာခြင်းဖြစ်သည်။

အခြားသော အဓိက ဈေးကွက်များမှာ ထိုင်ဝမ်၊ အမေရိကန်၊ ပြင်သစ်၊ ဗြိတိန်၊ ဂျာမနီ၊ အိန္ဒိယနှင့် စင်ကာပူတို့ ဖြစ်ကြသည်။

♦️ သတင်း အပြည့်အစုံ - https://bur.mizzima.com/2026/03/05/83857

#ကွန်ဒိုဝယ်ယူမှု
#နိုင်ငံခြားသားများ
#မဇ္ဈိမသတင်းဌာန
#MizzimaBurmeseNews

အီရန်က မဟာဗျူဟာ အမှား ကျူးလွန်ဟု CIA ညွှန်ကြားရေးမှူးဟောင်း ပြော

Iran Intel

အီရန်က တိုက်ခိုက်မှုများကို အမေရိကန်နှင့် အစ္စရေး ပစ်မှတ်များအပြင် ပါရှန်းပင်လယ်ကွေ့နိုင်ငံများအထိ ချဲ့ထွင်ခြင်းဖြင့် မဟာဗျူဟာမြောက် အမှားတခုကို ကျူးလွန်မိပြီး စစ်ပွဲအတွင်း အခြား နိုင်ငံများကို ပို၍ ဆွဲသွင်းလိုက်ရာ ရောက်ကြောင်း CIA ညွှန်ကြားရေးမှူးဟောင်း ဒေးဗစ် ပီထရေးရက်စ်က တနင်္လာနေ့တွင် Iran International နှင့် အင်တာဗျူး၌ ပြောသည်။

"ဒါဟာ အီရန်ဘက်က ကြီးမားတဲ့ အတွက်အချက်မှားယွင်းမှုလို့ ကျွန်တော် ထင်တယ်" ဟု ပီထရေးရက်စ်က '24 with Fardad Farahzad' အစီအစဉ်တွင် ပြောသည်။ တိုက်ရိုက် ပါဝင်မပတ်သက်အောင် ရှောင်ရှားနေကြသည့် အာရပ်နိုင်ငံများကို တိုက်ခိုက်ခြင်းက ထို နိုင်ငံများကို ဒေသတွင်း ကာကွယ်ရေး လုပ်ငန်းစဉ်များ၌ ပိုမို တိုက်ရိုက် ပါဝင်လာအောင် တွန်းအားပေးသလို ဖြစ်စေကြောင်း ၎င်းက ဆိုသည်။

အမေရိကန်နှင့် အစ္စရေးတပ်ဖွဲ့များက အီရန်၏ လက်တုံ့ပြန်နိုင်စွမ်းကို "သိသိသာသာ ယုတ်လျော့စေခဲ့ပြီ" ဟု ပီထရေးရက်စ်က ပြောသော်လည်း ပြီးခဲ့သည့် ၁၂ နာရီမှ ၂၄ နာရီအတွင်း တိုက်ခိုက်မှု အရှိန် လျော့သွားခြင်းမှာ ရေရှည်အပြောင်းအလဲတခု…

အမေရိကန်ဗဟိုထောက်လှမ်းရေးအေဂျင်စီ (CIA) နှင့် စစ်ပွဲအဆုံးသတ်ရေး ဆွေးနွေးရန် အီရန်ထောက် လှမ်းရေးဝန်ကြီးဌာနမှ အရာရှိများက လမ်းဖွင့်ထားကြောင်း ကမ်းလှမ်းလာသည်ဟု၊ ယင်းကိစ္စနှင့် နီးစပ်သည့် အရာရှိများကို ကိုးကားပြီး နယူးယောက်တိုင်းမ်က ဗုဒ္ဓဟူးနေ့တွင် ဖော်ပြလိုက်သည်။

အမည်မဖော်လိုသည့် နိုင်ငံတခု၏ ထောက်လှမ်းရေးအဖွဲ့မှတဆင့် ယင်းသို့ကမ်းလှမ်းခဲ့ခြင်းဖြစ်ကြောင်း အရှေ့အလယ်ပိုင်းနှင့် အနောက်နိုင်ငံတနိုင်ငံမှ အမည်မဖော်လိုသူ တာဝန်ရှိသူများကို ကိုးကား၍ NYT က ဖော်ပြခဲ့သည်။

ယင်းသတင်းသည် "စစ်ပွဲကာလအတွင်း လုပ်ကြံဖန်တီးထားသည့် လိမ်လည်မှုနှင့် စိတ်ဓာတ်စစ်ဆင်ရေး သာဖြစ်သည်" ဟု ဆိုကာ အီရန်ထောက်လှမ်းရေးဝန်ကြီးဌာနမှ တာဝန်ရှိသူတဦးက ငြင်းဆိုကြောင်း အီရန်၏ Tasnim သတင်းဌာနက ဖော်ပြခဲ့သည်။ Read more: https://bur.mizzima.com/2026/03/05/83861

အီရန်ဝေဟင်ကို စိုးမိုးထားသော်လည်း ‘တိုက်ခိုက်မှုအားလုံးကို မတားဆီးနိုင်’ဟု အမေရိကန် ကာကွယ် ရေးဝန်ကြီး ပြော

AP

အမေရိကန်၏ စစ်ရေးသာလွန်မှုကြောင့် အီရန်၏ ဝေဟင်ပိုင်နက်ကို လျင်မြန်စွာ စိုးမိုးလာနိုင်သော် လည်း၊ အီရန်၏ လေကြောင်းတိုက်ခိုက်မှုအချို့က ပစ်မှတ်များကို ထိမှန်နိုင်သေးကြောင်း ကာကွယ်ရေး ဝန်ကြီး ပိဟက်ဆက်က ဗုဒ္ဓဟူးနေ့တွင် ဝန်ခံပြောကြားလိုက်သည်။

အမေရိကန်နှင့် အစ္စရေးတို့က အီရန်ကို စတင်တိုက်ခိုက်ပြီးနောက် ဒေသတွင်းစစ်ပွဲ ကျယ်ပြန့်လာချိန် တွင် အရှေ့အလယ်ပိုင်းရှိ အမေရိကန်တပ်ဖွဲ့ဝင်များနှင့် မဟာမိတ်များကို အကာအကွယ်ပေးရန် လေကြောင်းရန် ကာကွယ်ရေးစနစ်များအတွက် "ငွေကြေးနှင့် ရင်းမြစ်များ" ကို အကန့်အသတ်မရှိ အသုံးပြုထားကြောင်း ကာကွယ်ရေးဝန်ကြီး ဟက်ဆက်က ပန်တဂွန်စစ်ဌာနချုပ်တွင် သတင်းထောက် များကို ပြောကြားခဲ့သည်။

"ဒါက အရာအားလုံးကို တားဆီးနိုင်မယ်လို့ ဆိုလိုတာမဟုတ်ပါဘူး။ ဒါပေမဲ့ ကျွန်တော်တို့ဘက်က စစ်ဆင်ရေးမစတင်ခင်ကတည်းက အကောင်းဆုံးခုခံကာကွယ်မှုနဲ့ တပ်ဖွဲ့ဝင်တွေကို အကာအကွယ်ပေးဖို့ အမြင့်ဆုံး ပြင်ဆင်ထားခဲ့ပါတယ်" ဟု ၎င်းက ပြောကြားသည်။

ဒေသတွင်းရှိ ဒရုန်းနှင့် ဒုံးကျည်တိုက်ခိုက်မှုများကြောင့်…

ယူကရိန်းဒရုန်းဟု ထင်မှတ်ပြီး ကိုယ့်ရဟတ်ယာဉ်ကိုယ် မှားယွင်းပစ်ချမိသည့် ရုရှား

Defence Blog

ရုရှားနိုင်ငံ၊ ရော့စတော့ဗ်ဒေသတွင် မတ်လ ၃ ရက်နှောင်းပိုင်းက ယူကရိန်း၏ ဒရုန်းများဖြင့် တိုက်ခိုက်မှုအတွင်း ရုရှားတပ်ဖွဲ့ဝင်များက ၎င်းတို့၏ စစ်ရဟတ်ယာဉ်တစင်းကို မှားယွင်းပစ်ချမိခဲ့ဟန်ရှိကြောင်း Militarnyi သတင်းဌာနက ဖော်ပြလိုက်သည်။

ယူကရိန်း၏ ဒရုန်းအုပ်စုလိုက်တိုက်ခိုက်မှုကို ရုရှားလေကြောင်းရန်ကာကွယ်ရေးစနစ်များက ပြန်လည် ခုခံစဉ်အတွင်း မီလီရိုဗိုမြို့အနီးတွင် ယခုဖြစ်စဉ် ဖြစ်ပွားခဲ့ခြင်းဖြစ်သည်။ ရဟတ်ယာဉ်ပေါ်လိုက်ပါလာသည့်တပ်ဖွဲ့ဝင်များ သေဆုံးခဲ့ကြောင်း သတင်းရရှိသော်လည်း အရေအတွက်အတိအကျကို ထုတ်ဖော်ပြောကြားခြင်း မရှိသေးပေ။

ရုရှားတောင်ပိုင်းဒေသများကို ပစ်မှတ်ထားသည့် အကြီးစားဒရုန်းတိုက်ခိုက်မှုတခုအတွင်း ယင်းဖြစ်ရပ် ပေါ်ပေါက်ခဲ့ခြင်းဖြစ်ကြောင်း ဒေသန္တရအာဏာပိုင်များက ပြောကြားသည်။

ရော့စတော့ဗ်ဒေသတွင် ယူကရိန်းဒရုန်းများကို ရုရှားကာကွယ်ရေးစနစ်များက ပစ်ခတ်နေစဉ် ရုရှား ရဟတ်ယာဉ်ကို ရန်သူ့ပစ်မှတ်အဖြစ် မှားယွင်းသတ်မှတ်မိနိုင်သည့် အခြေအနေမျိုးဖြစ်ပေါ်ခဲ့ကြောင်း ဒေသဆိုင်ရာ တာဝန်ရှိသူများက ပြောကြားသည်။…

“အီရန် အညံ့ခံမည်မဟုတ်”၊ အမေရိကန်နှင့် အစ္စရေးက အီရန်ကိုလျှော့တွက်ဟု ဂျွန်ဟော့ပ်ကင်းစ်ပညာရှင် ပြော

Democracy Now

အီရန်ခေါင်းဆောင် အယာတိုလာခါမေနီကို လုပ်ကြံသတ်ဖြတ်ပြီးနောက် နောက်ထပ် တရားဝင် အစားထိုးခေါင်းဆောင် မည်သူ့ကိုမဆို ဆက်လက်ပစ်မှတ်ထားမည်ဟု အစ္စရေးဘက်က ပြောထားသည်။

အစ္စရေးသည် လက်ဘနွန်တွင် ပထမဆုံးအသုံးပြုခဲ့သည့် “Dahiya doctrine” ဟုခေါ်သော စစ်မဟာဗျူဟာကို မကြာမီအသုံးချနိုင်ကြောင်း လေ့လာသုံးသပ်သူများကလည်း သတိပေးထားသည်။ ယင်းမဟာဗျူဟာမှာ လူနေထူထပ်သည့် မြို့ပြနေရာများကို အပြင်းအထန် ဗုံးကြဲသည့် နည်းလမ်းဖြစ်သည်။

အမေရိကန်ဘက်က စစ်ပွဲကို အချိန်တိုအတွင်း အဆုံးသတ်နိုင်မည်ဟု မျှော်လင့်ထားသော်လည်း အီရန်သည် “ကမ္ဘာ့သမိုင်းတလျှောက် အကြီးမားဆုံး စစ်ရေးအင်အားကြီးနိုင်ငံ” ဖြစ်သော အမေရိကန်နှင့် “အရှေ့အလယ်ပိုင်းတွင် နျူကလီးယားလက်နက်ရှိသည့် တခုတည်းသောနိုင်ငံ” ဖြစ်သော အစ္စရေးကို ရင်ဆိုင်ကာ “အမှည့်ခြွေစစ်ပွဲ” မဟာဗျူဟာဖြင့် ဆက်လက်တိုက်ခိုက်ရန် ပြင်ဆင်နေသည်ဟု ဂျွန်ဟော့ပ်ကင်းစ်တက္ကသိုလ်မှ မနုဿဗေဒနှင့် အရှေ့အလယ်ပိုင်းလေ့လာရေးပါမောက္ခ နာဂတ်စ်ဘာဂျိုဂလီက Democracy Now သတင်းဌာနှင့်အင်တာဗျူးတွင်…

ကမ္ဘာ့ရေနံနှင့် သဘာဝဓာတ်ငွေ့ ထောက်ပံ့မှုအတွက် အရေးပါသော ဟော်မုဇ်ရေလက်ကြားကို အီရန်တပ်ဖွဲ့များက "အပြည့်အဝ ထိန်းချုပ်" ထားပြီးဖြစ်ကြောင်းနှင့် ဖြတ်သန်းသွားလာသည့် မည်သည့်သင်္ဘောမဆို ဒုံးကျည် သို့မဟုတ် ဒရုန်းအန္တရာယ်နှင့် ရင်ဆိုင်ရနိုင်ကြောင်း အစ္စလာမ္မစ်တော်လှန်ရေးအစောင့်တပ်က သတိပေးထားသည်။

အမေရိကန်သမ္မတ ထရမ့်က အရေးပါသော ပင်လယ်ကွေ့ ရေကြောင်းလမ်းတွင် ရေနံတင်သင်္ဘောများကို အကာအကွယ်ပေးရန် အမေရိကန်ရေတပ်က အဆင်သင့်ရှိနေကြောင်း အင်္ဂါနေ့တွင် ပြောကြားခဲ့သည်။

♦️ သတင်းအပြည့်အစုံ - https://bur.mizzima.com/2026/03/05/83875

#အစ္စရေး
#ဟော်မုဇ်ရေလက်ကြား
#အီရန်
#မဇ္ဈိမသတင်းဌာန
#MizzimaBurmeseNews

https://www.youtube.com/watch?v=PJ_UNNbkYG0
Pakistanis scramble to flee Iran, truck drivers stranded at border

https://www.youtube.com/watch?v=ZxqonPswcLk
Polls open in Nepal ahead of high-stakes general election

နယ်စပ်ပဋိပက္ခများ မကြာခဏဖြစ်ပွားနေသော်လည်း အိမ်နီးချင်းနှစ်နိုင်ငံအကြား ရှေ့ဆက်ရမည့် နည်းလမ်းကို ရှာဖွေရမည်ဖြစ်ကြောင်းနှင့် ထိုင်းနှင့် တင်းမာမှုများကို ဖြေရှင်းရန် ကြိုးပမ်းအားထုတ်မှု များ ပိုမိုလုပ်ဆောင်ကြရန် ကမ္ဘောဒီးယား ဒုတိယဝန်ကြီးချုပ်နှင့် အရပ်ဘက်ဝန်ထမ်းရေးရာဝန်ကြီး ဟွန်မာနီက တိုက်တွန်းလိုက်သည်။

"၂၀၀၈ ခုနှစ်မှ ၂၀၁၁ ခုနှစ်အတွင်း ဝန်ကြီးချုပ်ဟောင်း ဟွန်ဆန် ပြောခဲ့သလိုပဲ ကျွန်တော်တို့ နှစ်နိုင်ငံက လျှာနဲ့သွားလိုပါပဲ၊ တနိုင်ငံနဲ့တနိုင်ငံ ခွဲခြားလို့မရပါဘူး။ တခါတလေမှာ သွားကလျှာကို ကိုက်မိလို့ အော်ဟစ်ရတာမျိုးရှိသလို၊ တခါတလေကျတော့လည်း လျှာကိုမကိုက်ဘဲ သွားအချင်းချင်း ပြန်ကိုက်မိလို့ သွားကျိုးရတာမျိုးလည်း ရှိတတ်ပါတယ်။" ဟု ဝန်ကြီးချုပ်ဟောင်း ဟွန်ဆန်၏ ပြောကြား ချက်များကို ကိုးကား၍ ဟွန်မာနီက ပြောကြားခဲ့သည်။

♦️ သတင်း အပြည့်အစုံ - https://bur.mizzima.com/2026/03/05/83904

#ထိုင်း
#ငြိမ်းချမ်းရေး
#ရရှိအောင်
#ဆောင်ရွက်ရန်
#ဟွန်ဆန်သား
#တိုက်တွန်း
#မဇ္ဈိမသတင်းဌာန
#MizzimaBurmeseNews
---------------------------------------