အဆိုပါ စောင့်ကြည့်သည် ဆိုသည့် နေရာ ဆိုသည်မှာ အီရန်၏ အဆင့်မြင့်သန့်စင်ပြီး ယူရေနီယံအများစုကို သိုလှောင်ထားသည်ဟု ယူဆရသော အစ္စဖာဟန် နျူကလီးယား နည်းပညာစင်တာကို ထရမ့်က ရည်ညွှန်းပြောဆိုခြင်း ဖြစ်သည်။

“အဲ့ဒီမှာ လှုပ်ရှားတဲ့သူ မှန်သမျှကို ကျွန်တော်တို့ သိတယ်။ လူတယောက်ချင်းရဲ့ နာမည်ကိုတောင် ကျွန်တော်တို့ လှမ်းဖတ်လို့ ရတယ်။ တကယ်လို့ သူ့နာမည်က မိုဟာမက် အစချီတဲ့ နာမည် ဖြစ်နေမယ်ဆိုရင်ပေါ့၊ သူတို့ထဲက အများစုက မိုဟာမက်တွေပဲ၊ ဒါကို ခန့်မှန်းကြည့်ရင် ၅၀ ရာခိုင်နှုန်းလောက် မှန်နိုင်တယ်။ သူ့ရဲ့ ရင်ထိုးနာမည်ကတ်ပြားပေါ်က နာမည်ကို အာကာသထဲကနေ အမိအရ ဖတ်နိုင်ပါတယ်။ ဒါက တကယ့်ကို အံ့သြစရာကောင်းတဲ့ အရာပါ။ အဲ့ဒီနေရာနားကို လာတဲ့သူမှန်သမျှကို ကျွန်တော်တို့ မှတ်တမ်းတင်ထားပြီးသားပါ” ဟု ထရမ့်က ပြောသည်။

မဇ္ဈိမ။ ။ Sky Aviator မြန်မာလက်နက်ပွဲစားကွန်ရက်သည် ထိုင်းနိုင်ငံတွင် အစုရှယ်ယာဝယ်ယူရန် ကြိုးပမ်းနေမှုမှာ “ကြီးလေးသော ငွေကြေးခဝါချမှုနှင့် ဆက်စပ်သည့် စိုးရိမ်ဖွယ်ရာများ” ဖြစ်ပေါ်စေကြောင်း Justice for Myanmar (JFM) က ယမန်နေ့ (မေလ ၁၅ ရက်) က ထုတ်ပြန်ပြောဆိုသည်။

အဆိုပါ လက်နက်ပွဲစားကွန်ရက်သည် အမည်ခံပိုင်ဆိုင်မှုအစီအမံတခုကို အသုံးပြုပြီး ထိုင်းစတော့အိတ်ချိန်း (SET) စာရင်းဝင်ကုမ္ပဏီ Advanced Connection Corporation Public Company Limited (ACC) တွင် ကြီးမားသော အစုရှယ်ယာ ပမာဏတရပ်ကို ဝယ်ယူရန် ကြိုးပမ်းနေခြင်းဖြစ်ကြောင်း JFM က ဖော်ပြသည်။

“Sky Aviator လက်နက်ပွဲစားကွန်ရက်က အဆိုပါ ရင်းနှီးမြှုပ်နှံမှုအား အပြီးသတ်ဆောင်ရွက်ကာ ACC ကုမ္ပဏီတွင် အကြီးဆုံးရှယ်ယာရှင်အုပ်စု ဖြစ်လာမည့်အခြေအနေအား အရေးယူတားဆီးရန်နှင့် ထိုင်းနိုင်ငံဘဏ္ဍာရေးစနစ်၏ ဂုဏ်သိက္ခာကို ကာကွယ်ရန်မှာ ထိုင်းအာဏာပိုင်များအပေါ် တာဝန်ကျရောက်လာပြီ ဖြစ်သည်” ဟု JFM က ပြောသည်။

ထိုရင်းနှီးမြှုပ်နှံမှုကို မကြာသေးမီကမှ တည်ထောင်သည့် ထိုင်းကုမ္ပဏီနှစ်ခုဖြစ်သော Sky Avia ထရေးဒင်း ကုမ္ပဏီလီမိတက်နှင့် Heli Asia ထရေးဒင်း ကုမ္ပဏီလီမိတက်တို့မှတဆင့် သီးသန့်ရှယ်ယာ လွှဲပြောင်းရောင်းချမှုပုံစံဖြင့် ပြုလုပ်ခြင်းဖြစ်ကြောင်း သိရသည်။

ယင်းကုမ္ပဏီနှစ်ခု၏ စင်ကာပူမိခင်ကုမ္ပဏီများကို မြန်မာစစ်အုပ်စု အသုံးပြုနေသည့် အဓိက စစ်လက်နက်ပွဲစားများထဲမှ တဦးဖြစ်သည့် ဦးကျော်မင်းဦးက ၂၀၂၂ ခုနှစ်တွင် ၎င်း၏ကာလရှည် အမည်ခံဒါရိုက်တာထံ စာရွက်စာတမ်းပေါ်တွင် ရှယ်ယာများ လွှဲပြောင်းခဲ့ခြင်းမတိုင်မီအထိ အပြည့်အဝပိုင်ဆိုင် ဦးဆောင်ခဲ့ကြောင်း JFM က ဆိုသည်။

ရုရှား၏ "ကျူးကျော်စစ် စစ်ဆင်ရေးသစ်များ" ၌ ပါဝင်လာအောင် ဘီလာရုစ်သမ္မတ အလက်ဇန္ဒား လူကာရှန်ကိုအား စည်းရုံးရန် ရုရှားက လူကာရှန်ကို ကို ထပ်မံ ဆက်သွယ်နေသည်ကို ယူကရိန်းက သိရှိထားကြောင်း ၎င်းက ပြောသည်။

ရုရှားသမ္မတ ဗလာဒီမာ ပူတင်၏ အရင်းနှီးဆုံး မဟာမိတ်များထဲမှ တဦးဖြစ်သူ လူကာရှန်ကိုက ၂၀၂၂ ဖေဖော်ဝါရီ၌ ၎င်း၏ အိမ်နီးချင်းနိုင်ငံငယ် ယူကရိန်းအား ရုရှားက ကျူးကျော်တိုက်ခိုက်မှုတွင် တစိတ်တပိုင်းအဖြစ် ၎င်း၏ နယ်မြေကို အသုံးပြုခွင့်ပေးခဲ့သော်လည်း တိုက်ခိုက်ရာ ဘီလာရုစ်တပ်ဖွဲ့ဝင်များကိုမူ စေလွှတ်ခဲ့ခြင်း မရှိပေ။

သမ္မတကတော် မီလန်နီယာထရမ့်က သမ္မတအိမ်တော်ဝင်းအတွင်း ပျားအုံအသစ်များ ထပ်မံထည့် သွင်းပြီးနောက် ရက်သတ္တပတ်အနည်းငယ်အကြာ သောကြာနေ့တွင်၊ ပျားကောင်ရေ ထောင်ပေါင်း များစွာသည် မြောက်မြက်ခင်းပြင်သို့ အစုလိုက်အပြုံလိုက် ရောက်ရှိလာခဲ့သဖြင့် အိမ်ဖြူတော်တွင် မထင်မှတ်ထားဘဲ ဆူညံပွက်လောရိုက်ခဲ့သည်။

မြောက်မြက်ခင်းပြင်ရှိ သတင်းထောက်များအခြေစိုက်ရာ ပက်ဘဲလ်ဘိချ်မီဒီယာဧရိယာအနီး၊ အိမ်ဖြူ တော်ဝင်းအနောက်ဘက်ပိုင်းတွင် ပျားအုပ်ကြီးကို စတင်တွေ့ရှိခဲ့သည်။

တရုတ်က ထိုင်ဝမ်အရေးနှင့် ပတ်သက်ပြီး ဆတ်ဆတ်ထိ မခံရခြင်းမှာ အချုပ်အခြာအာဏာ ကိစ္စရပ် တခုတည်းကြောင့်သာ မဟုတ်ဘဲ၊ တရုတ်အစိုးရ ရေရှည်ရပ်တည်နိုင်ရေးနှင့် သက်ဆိုင်နေပါသည်။

ထိုင်ဝမ်လွတ်လပ်ရေးကြေညာမှုကို သာမက ထိုင်ဝမ်က ကိုယ်ပိုင်အုပ်ချုပ်ခွင့်ရှိကြောင်း ယုံကြည်ချက် အပြည့်ဖြင့် အခိုင်အမာ ပြောဆိုနေခြင်းကိုပင် ယင်းတို့၏ ပြည်တွင်းတရားဝင်မှုနှင့် ပြည်ပ ရည်မှန်း ချက်များအတွက် တိုက်ရိုက်ခြိမ်းခြောက်မှုအဖြစ် တရုတ်ကွန်မြူနစ်ပါတီက ရှုမြင်နေသည်။

အင်္ဂလန်အသင်းခေါင်းဆောင်ဟောင်း ဆာ ဒေးဗစ်ဘက်ခမ်းဟာ ၂၀၂၆ ခုနှစ်အတွက် ထုတ်ပြန်တဲ့ Sunday Times ရဲ့ ချမ်းသာကြွယ်ဝမှုစာရင်းအရ ယူကေရဲ့ ပထမဆုံးသော ဘီလီယံနာ အားကစားသမား ဖြစ်လာခဲ့ပါတယ်။

စာရင်းပြုစုသူတွေရဲ့ အဆိုအရ ဘက်ခမ်းနဲ့ ဇနီးဖြစ်သူ ဗစ်တိုးရီးယားတို့ရဲ့ စုစုပေါင်းကြွယ်ဝမှုဟာ ပေါင် ၁ ဒသမ ၁၈၅ ဘီလီယံအထိ ရှိလာခဲ့ပါတယ်။

ဒါက သူတို့ကို အားကစားလောကက ပုဂ္ဂိုလ်တွေထဲမှာ ဒုတိယနေရာမှာ ရပ်တည်စေခဲ့ပြီး၊ သူတို့ရဲ့ ရှေ့မှာတော့ ကြွယ်ဝမှု ပေါင် နှစ်ဘီလီယံရှိတဲ့ ဖော်မြူလာဝမ်း (F1) အကြီးအကဲဟောင်း ဘာနီ အက်ကလက်စတုန်းရဲ့ မိသားစုပဲ ရှိပါတော့တယ်။

မြောက်အိုင်ယာလန်က ဂေါဖ့်သမား ရိုရီ မက်အီရွိုင်းဟာ မာစတာစ် ချန်ပီယံဆုကို နှစ်ကြိမ်ဆက် ဆွတ်ခူးနိုင်ခဲ့ပြီးနောက် အသက် ၃၇ နှစ်အရွယ်မှာ ပေါင် ၃၂၅ သန်းနဲ့ နံပါတ် ၇ နေရာမှာ ရှိနေပါတယ်။

မဇ္ဈိမ။ ။ ပြန်လည်ပြင်းထန်လာသည့် တိုက်ပွဲများနှင့် လေကြောင်းတိုက်ခိုက်မှုများကြောင့် စစ်ဘေးတိမ်းရှောင်နေရသည့် မောတောင်မြို့နှင့် အနီးတဝိုက်ရွာများမှ ဒေသခံများ စစ်ဘေးတိမ်းရှောင်နေရပြီး အကူအညီများ လိုအပ်နေကြောင်း သတင်းရရှိသည်။

ကရင်အမျိုးသားလွတ်မြောက်ရေးတပ်မတော် (KNLA) က တိုက်ခိုက်သိမ်းပိုက်ထားသည့် မောတောင်မြို့ကို ပြန်လည်သိမ်းပိုက်ရရှိရေးအတွက် စစ်အုပ်စုတပ်က စစ်ကြောင်းသုံးခုဖြင့် လမ်းကြောင်းနှစ်ခုထက်မနည်းမှ စစ်ကြောင်းထိုးနေသောကြောင့် မေလ ပထမအပတ်အတွင်းကစ၍ မောတောင်မြို့အဝင် အနီး၌ တိုက်ပွဲများ နေ့စဉ် ပြင်းထန် ဖြစ်ပွားနေသည်။

လက်ရှိတွင် ထိုစစ်ကြောင်းများသည် အမှတ် (၉) ရွာ၊ ဖောင်ဆိပ် (အမှတ် (၁၁)) တို့နှင့် အနီးတဝိုက်အထိ ရောက်ရှိနေပြီဖြစ်ကြောင်း၊ စစ်အုပ်စုက မြေပြင်စစ်ကြောင်းထိုးခြင်းအပြင် လေကြောင်းမှ နေ့စဉ် ဗုံးကြဲမှုများလည်း ရှိနေကြောင်း သိရသည်။

ယမန်နေ့ (မေလ ၁၄ ရက်) ညနေပိုင်းကလည်း မောတောင်မြို့အနီး အမှတ် (၃) ရွာကို စစ်အုပ်စုက လေယာဉ်နှစ်စီးဖြင့် ဗုံးကြဲတိုက်ခိုက်ခဲ့သည်။

မဇ္စျိမ။ ။ ရခိုင်ပြည်နယ်၊ ကျောက်ဖြူမြို့နယ်ရှိ တောင်မော်ဦး ရေတပ်စခန်းအနီးတွင် စစ်အုပ်စုတပ်နှင့် အာရက္ခတပ်တော် (AA) တို့အကြား ယမန်နေ့ (မေလ ၁၄ ရက်) မှ ယနေ့ ညနေပိုင်းအထိ တိုက်ပွဲများ အပြင်းအထန် ဖြစ်ပွားနေပြီး ဒေသ ခံ ၅,၀၀၀ ကျော် ဘေးလွတ်ရာသို့ ထွက် ပြေးတိမ်းရှောင်နေကြရသည်ဟု ဒေသခံများထံမှ သိရသည်။
​တောင်မော်ဦး ရေတပ်စခန်းမှတဆင့် စနဲမြို့နှင့် မင်းပြင်ဘက်သို့ ဦးတည်၍ ကမ်း တက်လာသည့် စစ်အုပ်စုစစ်ကြောင်းများကို AA က ကြားဖြတ်တိုက်ခိုက်ရာမှ အဝတောင်၊ မျှောချောင်းနှင့် စံပယ်ချောင်း ကျေးရွာများအနီးတွင် တိုက်ပွဲများ စတင်ခဲ့ရာ စစ်အုပ်စုဘက်မှ လေကြောင်းပစ်ကူများ တောက်လျှောက်အသုံးပြုနေသည်ဟု ကျောက်ဖြူဒေသ စစ်ရေးသတင်းရင်းမြစ်တဦးက ပြောသည်။

အမေရိကန် နိုင်ငံခြားရေးဝန်ကြီး ရူဘီယို ဟာ မနေ့က (မေလ ၁၄ ရက်) ပေကျင်းမှာ ပြုလုပ်ခဲ့တဲ့ အင်တာဗျူးတခုအတွင်းမှာ အမေရိကန်ရဲ့ ထိုင်ဝမ်အပေါ် ထားရှိတဲ့ မူဝါဒတွေဟာ အခုထက်ထိ ပြောင်းလဲခြင်းမရှိသေးကြောင်းနဲ့ လက်ရှိအခြေအနေကို ပြောင်းလဲပစ်တာမျိုးဟာ အမေရိကန်ရော တရုတ်အတွက်ပါ အကျိုးမရှိနိုင်ဘူးလို့ ပြောကြားသွားခဲ့ပါတယ်။

ဒီပြောကြားချက်အပေါ် ထိုင်ဝမ်နိုင်ငံခြားရေးဝန်ကြီး လင်ကျားလုန် က ဒီနေ့မှာပဲ ကျေးဇူးတင်စကား ဆိုလိုက်ပြီး ထိုင်ဝမ်အနေနဲ့ ကိုယ်တိုင်ကာကွယ်နိုင်စွမ်းကို ဆက်လက်မြှင့်တင်သွားမှာဖြစ်သလို အမေရိကန်အပါအဝင် စိတ်တူကိုယ်တူ ဒီမိုကရေစီနိုင်ငံတွေနဲ့အတူ ဒေသတွင်း တည်ငြိမ်ရေးအတွက် ပူးပေါင်းဆောင်ရွက်သွားမယ်လို့ ပြန်လည်တုံ့ပြန်ခဲ့ပါတယ်။

အမေရိကန်သမ္မတ ထရမ့် နဲ့ တရုတ်သမ္မတ ရှီကျင့်ဖျင် တို့ဟာ မနေ့က တွေ့ဆုံဆွေးနွေးမှုတွေ ပြုလုပ်ခဲ့ကြပြီး ဒီနေ့မှာလည်း အလုပ်သဘော နေ့လယ်စာစားပွဲတွေ ရှိနေတာကြောင့် ထိုင်ဝမ်နိုင်ငံခြားရေးဝန်ကြီးဌာနအနေနဲ့ သူတို့နှစ်ဦးရဲ့ လှုပ်ရှားမှုတွေကို အနီးကပ် စောင့်ကြည့်နေပါတယ်။

မြန်မာစစ်အုပ်စုဟာ အာဆီယံက သံတမန်ရေးအရ ကန့်သတ်ထားလို့တင် အထီးကျန်နေတာ မဟုတ်ပါ။ ကိုယ့်ပြည်သူတွေကြားထဲမှာ တရားဝင်မှု မရှိလို့ အထီးကျန်နေတာပါ။
ပိုပြီး အန္တရာယ်ကြီးတာကတော့ တာဝန်ယူမှု၊ တာဝန်ခံမှု မရှိဘဲ အာဆီယံအနေနဲ့ မြန်မာနဲ့ ပုံမှန်လို ပြန်ဆက်ဆံတာဟာ ဒေသတွင်း တည်ငြိမ်ရေးဆိုတဲ့ အကြောင်းပြချက်နဲ့ မြန်မာပြည်သူတွေရဲ့ အခွင့်အရေးနဲ့ အကာအကွယ်တွေကို စတေးလိုက်သလို ဖြစ်သွားနိုင်တာပါပဲ။
အချိန်မတိုင်ခင် မြန်မာနဲ့ ပုံမှန်လို ပြန်ဆက်ဆံလိုက်တာဟာ "စစ်တပ်ရဲ့ အကြမ်းဖက်မှုတွေဟာ ကြာရှည်သွားရင်တော့ နောက်ဆုံးမှာ လက်ခံပေးလို့ ရသွားမှာပါပဲ" ဆိုတဲ့ အန္တရာယ်ရှိတဲ့ သတင်းစကားကို ပေးလိုက်တာပါပဲ။

https://www.youtube.com/watch?v=rMKXAL40hXk
Why #hantavirus is not the new #Covid

https://www.youtube.com/watch?v=h7G3zc1_ovY
Trump says Xi 'feels strongly' Iran can't have nuclear weapon

https://www.youtube.com/watch?v=l0fLE4YkFCI
How #European cities are failing to #house their residents

https://www.youtube.com/watch?v=qsf7kwK9F5g
Samsung ကို တရားစွဲလိုက်တဲ့ Dua Lipa နဲ့ အနုပညာရှင်သတင်းများ | Cele City Ep 171

https://www.youtube.com/watch?v=9bBFJw7kUrk
အားပေးစကားကနေ ဝေဖန်မှုများခံခဲ့ရတဲ့ မင်းသမီး Margie

https://www.youtube.com/watch?v=_h7tQ5pY6rQ
၆၂ ကြိမ်မြောက် Baeksang Arts ဆုပေးပွဲ

https://www.youtube.com/watch?v=CBRcOQSfRFc
စစ်အုပ်စု စစ်ကြောင်းထိုးမှုကြောင့် အပူရှိန်အောက် စစ်ရှောင်နေရသည့် ကနီဒေသခံ ၁၅,၀၀၀ ကျော်

https://www.youtube.com/watch?v=WR2i4BXILgk
လူကြိုက်အများဆုံး သီချင်းအသစ်အဖြစ် ရပ်တည်နေတဲ့ Bring Your Love" သီချင်း

ဘန်ကောက်မြို့၊ ရတ်ချာသီဝီခရိုင်ရှိ မက္ကဆန်ဘူတာအနီးတွင် ကုန်တင်ရထားတစင်းနှင့် ခရီးသည် ဘတ်စ်ကားတစီး ယနေ့ (မေလ ၁၆ ရက်) မွန်းလွဲပိုင်းက တိုက်မိရာ အနည်းဆုံး လူ ရှစ်ဦး သေဆုံးခဲ့ကြောင်း ထိုင်းမီဒီယာများက ဖော်ပြသည်။

ရတ်ချာသီဝီခရိုင်ရုံး၏ အဆိုအရ မီးလောင်မှုနှင့်အတူ ပေါက်ကွဲမှုများ ဆက်တိုက်ဖြစ်ပွားကြောင်း အခင်းဖြစ်ရာဆီ ရောက်ရှိလာသည့် ဖာရာထိုင်း မီးသတ်နှင့် ကယ်ဆယ်ရေးစခန်းမှ တပ်ဖွဲ့ဝင်များက သတင်းပို့ကြောင်း သိရသည်။