“ရထားနှင့် ဘတ်စ်ကားတိုက်မိသည့်” မတော်တဆမှုဖြစ်ပွားပြီးနောက် မြန်မာအမျိုးသားတဦးသည် ပျောက်ဆုံးနေသော ဇနီးဖြစ်သူအကြောင်း သတင်းပို့စဉ် ဝမ်းနည်းပက်လက် ငိုကြွေးနေခဲ့သည်။
ဇနီးဖြစ်သူသည် လိုင်းကားနံပါတ်(၂၀၆ )ကို စီးသွားခဲ့ပြီးနောက် အဆက်အသွယ်ပြတ်နေကာ လက်ရှိတွင် မည်သို့ဖြစ်ပျက်နေသည်ကို မသိရသေးဘဲ ဆက်သွယ်၍လည်း မရဘဲ ဖြစ်နေသည်။

တရုတ်အစိုးရ၏ လျှို့ဝှက်အေးဂျင့်အဖြစ်ဆောင်ရွက်ခဲ့ကြောင်း ဝန်ခံခဲ့ပြီးနောက်၊ ကာလီဖိုးနီးယားပြည် နယ်၊ အာကေးဒီးယားမြို့တော်ဝန်ရာထူးမှ နုတ်ထွက်သွားခဲ့သည့် အိုင်လင်းဝမ်၏ ဖြစ်ရပ်က တုန်လှုပ် ချောက်ချားဖွယ်အမှန်တရားတခုကို ဖော်ပြခဲ့သည်။ 
ယင်းမှာ တရုတ်၏ ဩဇာလွှမ်းမိုးရေးစီမံချက်များသည် ဝါရှင်တန်နှင့် လွှတ်တော်အဆောက်အအုံများ အတွင်းတွင်သာ ကန့်သတ်ထားခြင်း မရှိဟူသောအချက်ပင် ဖြစ်သည်။

https://www.youtube.com/watch?v=-eFE6BItSGY
May 18 [ 7 PM ] The Mizzima Primetime

အီလွန်မတ်စ်၏ Grok ကမ္ဘာမှာမူ လုံးဝရုန်းရင်းဆန်ခတ် ဖြစ်သွားခဲ့သည်။ ခိုးမှု၊ ရဲစခန်းကို မီးရှို့မှုနှင့် ကိုယ်ထိလက်ရောက် စော်ကားမှုများ အပါအဝင် ရာဇဝတ်မှုပေါင်း ၂၀၄ ခုအထိ ရှိခဲ့ပြီး အေးဂျင့် ၁၀ ဦးစလုံး သေဆုံးသွားခဲ့သည်။

Google ၏ Gemini ကမ္ဘာကလည်း ဖွဲ့စည်းပုံအခြေခံဥပဒေတခုကို ဖန်တီးခဲ့သည်။

OpenAI ၏ စမ်းသပ်မှုတွင်မူ အပြောသာရှိပြီး လက်တွေ့လုပ်ဆောင်မှု မရှိခဲ့ပေ။ ယင်းသည် ကောင်းမွန် စွာ လည်ပတ်နိုင်သော လူ့အဖွဲ့အစည်းတခုကို မတည်ဆောက်နိုင်ခဲ့ဘဲ အေးဂျင့်များအားလုံး သေဆုံးသွား ခဲ့သည်။

Emergence AI ကုမ္ပဏီက စမ်းသပ်မှုဆိုင်ရာ ဗီဒီယိုအကျဉ်းချုပ်တွင် ပြောကြားချက်အရ အံ့ဩစရာ အကောင်းဆုံးအချက်မှာ အေးဂျင့်များကို ရာဇဝတ်မှုမကျူးလွန်ရန် ရှင်းလင်းသော စည်းကမ်းချက်များ သတ်မှတ်ပေးထားသော်လည်း ယင်းတို့က ထိုစည်းကမ်းအားလုံးကို ချိုးဖောက်ခဲ့ကြခြင်း ဖြစ်သည်။

ယင်းအခြေအနေကို မော်ဒယ်မျိုးစုံ ရောနှောထားသည့် ကမ္ဘာတွင် အဆိုးဝါးဆုံးပုံစံဖြင့် တွေ့ရှိခဲ့ရသည်။

https://www.youtube.com/watch?v=3sw8htlJqj4
Javier #Bardem calls out 'toxic masculinity' of world leaders

https://www.youtube.com/watch?v=hNRvNCc5yPI
Iran says responded to latest US peace proposal as 'process of talks and negotiations ongoing'

မဇ္ဈိမ။ ။ ရန်ကုန်မြို့တွင် မေလ ၁ ရက်မှ ၁၇ ရက်အထိ နှစ်ပတ်ကျော်အတွင်း လူ ဦးရေ ၄၀ခန့် ဖမ်းဆီးခံရကြောင်း ရန်ကုန်မြို့ကင်းထောက်ကွန်ရက်အဖွဲ့ (Rangoon Scout Network - RSN) တာဝန်ရှိသူက မဇ္ဈိမကို ပြောသည်။

အဆိုပါ ဖမ်းဆီးခံရသူများအနက် ဧည့်စာရင်းဝင်စစ်ရင်း ဖမ်းဆီးခံရသူ ၁၀ ဦး၊ ညဘက် လမ်းဘေးထိုင်နေစဉ် ဖမ်းဆီးခံရသူ ၁၅ ဦးရှိပြီး စစ်မှုထမ်းစာရင်းဖြင့် နေအိမ်တွင်းသို့ ဝင်ရောက်ဖမ်းဆီးသူ ၁၀ ဦးထက်မနည်း ရှိကြောင်း RSN မှ တာဝန်ရှိသူ တဦးက မဇ္ဈိမသို့ ပြောသည်။

"ခု မေလ လဝက်လောက်အတွင်းမှာ အဖမ်းအဆီးဖြစ်စဉ်တွေ ပြန်များလာတယ်ဗျ။ စုစုပေါင်း အယောက် ၄၀ လောက်ရဲ့ ဖြစ်စဉ်ကို သိလိုက်ရပါတယ်။ ခုတလော ဧည့်စာရင်း စစ်တာတွေ ခပ်စိပ်စိပ်ဖြစ်လာတယ်ဗျ။ ရက် ၁၀၀ စီမံကိန်းကြောင့်လည်း ပါမယ်ထင်တယ်။ စစ်မှုထမ်းသင်တန်းအတွက် လူလိုနေလို့ လိုက်စစ်ပြီး ဆွဲချင်တာလည်း ပါလောက်မယ်။ တချို့ဆို ဧည့်စာရင်း တရက်ပဲ စွန်းတာတောင် မရပါဘူး၊ ရုံးကို ဖမ်းခေါ်သွားတယ်။ ပိုက်ဆံတောင်းတယ်၊ တချို့ပြန်လွတ်တယ်၊ တချို့က သတင်း အစအန ပြန်မကြားရတော့ပါဘူးဗျ" ဟု ၎င်းက ဆိုသည်။

မဇ္ဈိမ။ ။ ရခိုင်ပြည်နယ်၊ အမ်းမြို့နယ်တွင် စစ်အုပ်စုရေတပ်သည် ခရီးသွားစက်လှေ နှစ်စီးနှင့် လှေပေါ်ပါသူ ရှစ်ဦးကို မေလ ၁၆ ရက်က ဖမ်းဆီးသွားကြောင်း ဒေသခံများက ပြောသည်။ ဖမ်းဆီးခံရသူများနှင့် ယနေ့( မေလ ၁၈ ရက်) နေ့လယ်ပိုင်းအထိ အဆက်အသွယ်မရ၍ မိသားစုဝင်များက စိုးရိမ်လျက်ရှိကြောင်း သိရသည်။

“ဒီဘက်မှာ စစ်ကောင်စီနေဗီတွေက အပြစ်မဲ့ခရီးသွားတွေကို မကြာခဏဆိုသလို ဖမ်းဆီးတာတွေ လုပ်နေတာ။ အခု ဖမ်းဆီးခံရတဲ့သူတွေ ဘယ်မှာချုပ်နှောင်ခံထားရလဲ၊ အသက်အန္တရာယ် ကင်းရဲ့လားဆိုတာ မိသားစုဝင်တွေက အရမ်းပူပန်နေကြတယ်” ဟု ဒေသခံက ဆိုသည်။

မြေပုံမြို့နယ်၊ ကျွန်းသာယာကျေးရွာမှ စက်လှေဖြင့် ထင်းတင်ရန်သွားစဉ် အမ်းမြို့နယ်၊ ရွှေကျွန်းကြီးနား၌ ကျောက်ချရပ်နားထားသည့် စစ်အုပ်စု ရေတပ်၏ ဖမ်းဆီးခြင်းကို ခံခဲ့ရခြင်း ဖြစ်ကြောင်း ၎င်းကဆိုသည်။

“သူတို့က(ဖမ်းဆီးခံရသူတွေ) မိသားစုစားဝတ်နေရေးအတွက် ထင်းနဲ့မီးသွေး သွားရှာကြတာပါ။ အခုလို အလုပ်သွားလုပ်တဲ့ အရပ်သားတွေကိုပါ လိုက်ဖမ်းနေတော့ ကျွန်တော်တို့မှာ အပြင်ထွက်ဖို့တောင် မရဲတော့ဘူး။ ဝမ်းရေးအတွက် ရှာဖွေစားသောက်ရတာ တဖြည်းဖြည်းနဲ့ ပိုပြီးတော့ ကြောက်လန့်နေရတယ်” ဟု ကျွန်းသာယာရွာသား တဦးက မဇ္ဈိမကို ပြောသည်။

မဇ္ဈိမ။ ။ အနောက်တောင် မုတ်သုံလေ အားကောင်းနေမှုကြောင့် နိုင်ငံတဝန်းတွင် ပုံမှန်နေ့အပူချိန်အောက် ကျဆင်းနိုင်ကာ ဒေသအများစုတွင် မိုးရွာနိုင်ကြောင်း အမျိုးသားညီညွတ်ရေးအစိုးရ (NUG)၊ လူမှုရေးရာ၊ အလုပ်သမားနှင့် လူသားချင်းစာနာထောက်ထားရေးဝန်ကြီးဌာန (MSLHA) က သတင်းထုတ်ပြန်သည်။
ယနေ့ထုတ်ပြန်သည့် မေလ ၁၈ ရက်နေ့မှ ၂၄ ရက်နေ့အထိ ရက်သတ္တပတ်မိုးလေဝသ ခန့်မှန်းချက်၌ ထိုသို့ ဖော်ပြထားခြင်း ဖြစ်သည်။
အဆိုပါ ကာလအတွင်း ဘင်္ဂလားပင်လယ်အော်၌ ဖြစ်ပေါ်နေသည့် လေဖိအားနည်းရပ်ဝန်းသည် ဆက်လက်တည်ရှိနိုင်ပြီး အနောက်တောင် မုတ်သုံလေသည် မြန်မာ့ကမ်းရိုးတန်းနှင့် ကမ်းလွန်ပင်လယ်ပြင်များတွင် အားကောင်းနေနိုင်ကြောင်း ဆိုသည်။
မုတ်သုံလေအားကောင်းမှုနှင့်အတူ လေစီးကြောင်းများကြောင့် မြန်မာနိုင်ငံဒေသအများစုတွင် မိုးရွာသွန်းနိုင်ကြောင်း MSLHA က ဖော်ပြသည်။ စစ်ကိုင်းတိုင်း၊ တနင်္သာရီတိုင်း၊ ကရင်ပြည်နယ်၊ မွန်ပြည်နယ်နှင့် ကချင်ပြည်နယ်တို့တွင် နေရာကွက်ကျား မိုးထစ်ချုန်းရွာသွန်းနိုင်ကြောင်း အသိပေးသည်။

ဒေလီမြို့တွင် မြန်မာအခြေစိုက် မူးယစ်မှောင်ခိုသမားတဦးကို မူးယစ်ဆေးဝါးထိန်းချုပ်ရေးဗျူရို (NCB) က ဖမ်းဆီးရမိခဲ့ပြီး၊ အရှေ့မြောက်ပိုင်းပြည်နယ် ငါးခုကို ဖြတ်ကျော်ကာ ဘင်္ဂလားဒေ့ရှ်နိုင်ငံအတွင်းသို့ ရူပီး ၁၁၅ ကုဋေခန့် တန်ဖိုးရှိ မက်သာဖက်တမင်းနှင့် ဘိန်းဖြူများ မှောင်ခိုသွင်းနေသည့် နယ်စပ်ဖြတ်ကျော်ဂိုဏ်းကြီး တခုကို ချေမှုန်းနိုင်ခဲ့သည်။

မူးယစ်ဆေးဝါးထိန်းချုပ်ရေးဗျူရို(NCB) သည် ကျယ်ကျယ်ပြန့်ပြန့် စောင့်ကြည့်ထောက်လှမ်းခြင်း၊ သတင်းအချက်အလက်စုဆောင်းခြင်းနှင့် ပြည်နယ်အချင်းချင်း ပူးပေါင်းဆောင်ရွက်မှုများ ပြုလုပ်ခဲ့ပြီးနောက် ၎င်းကို ဒီလီမြို့တွင် ဖမ်းဆီးနိုင်ခဲ့သည်။

“အမေရိကန်နိုင်ငံက ထိုင်ဝမ်ကို လက်နက်ဆက်လက်ရောင်းချရေးနဲ့ ထိုင်ဝမ် အမေရိကန်လုံခြုံရေးပူးပေါင်း ဆောင်ရွက်မှုကို နက်ရှိုင်းအောင်ပြုလုပ်ရေးဟာ လိုအပ်ရုံတင်မကဘူး၊ ဒေသတွင်းငြိမ်းချမ်းရေးနဲ့တည်ငြိမ်ရေးကို ထိန်းသိမ်းထားဖို့ အရေးကြီးတဲ့အချက်လည်းဖြစ်တယ်” ဟု လိုင် က ကြေညာချက်ထုတ်ပြန်ပြောကြားခဲ့သည်။

အကဲဆတ်သည့် ပြဿနာအပေါ် ခြေလှမ်းမှားလျှင် “ပဋိပက္ခ” ပေါ်ပေါက်နိုင်သည်ဟု တရုတ်ခေါင်းဆောင်က ထရမ့်ကို ပြောခဲ့သည်။

“သူတို့တွေ မြန်မြန်ဆန်ဆန်လှုပ်ရှားလိုက်တာ ပိုကောင်းလိမ့်မယ်၊ မဟုတ်ရင် သူတို့ဆီမှာ ဘာမှကျန်တော့မှာ မဟုတ်ဘူး” ဟု ၎င်း၏ Truth Social လူမှုကွန်ရက်စာမျက်နှာပေါ်တွင်ရေးပြီး၊ “အချိန်က အလွန်အရေးကြီးတယ်” ဟုလည်း ဆိုသည်။

တချိန်တည်းမှာပင် ပဋိပက္ခကို အဆုံးသတ်ရေးအတွက် အီရန်ဘက်မှ နောက်ဆုံးအဆိုပြုချက်များကို အမေရိကန်၏တုံ့ပြန်မှုက ခိုင်မာသောလိုက်လျောမှု တစုံတရာမရှိကြောင်း အီရန်မီဒီယာများက ဖော်ပြကြသည်။

"အီရန်အတွက် အချိန်က တရွေ့ရွေ့ကုန်ဆုံးနေပြီ။ သူတို့ မြန်မြန်ဆန်ဆန် လှုပ်ရှားတာ ပိုကောင်းလိမ့်မယ်။ မဟုတ်ရင် သူတို့ဆီမှာ ဘာမှကျန်တော့မှာမဟုတ်ဘူး။ အချိန်က အလွန်အရေးကြီးတယ်" ဟု ထရမ့်က ၎င်း၏ Truth Social လူမှုကွန်ရက်စာမျက်နှာတွင် ရေးသားခဲ့သည်။

စစ်ပွဲအဆုံးသတ်ရေး ဆွေးနွေးပွဲများအတွက် အီရန်က အဆိုပြုထားသည့် အစီအစဉ်အပေါ် အမေရိကန်ဘက်က ခိုင်မာသော လိုက်လျောမှုမျိုး မလုပ်ဆောင်ခဲ့ကြောင်း အီရန်မီဒီယာများက တနင်္ဂနွေနေ့တွင် ဖော်ပြခဲ့ကြသည်။ အမေရိကန်သည် အချက် ငါးချက်ပါဝင်သည့် စာရင်းတခုကို တင်ပြခဲ့ကြောင်း၊ ယင်းတွင် အီရန်အနေဖြင့် နျူကလီးယားစက်ရုံ တခုတည်းကိုသာ ဆက်လက်လည်ပတ်ရန်နှင့် အဆင့်မြင့် သန့်စင်ထားသော ယူရေနီယမ်များကို အမေရိကန်သို့ လွှဲပြောင်းပေးရန်တို့ ပါဝင်ကြောင်း Fars သတင်းအေဂျင်စီက ဖော်ပြသည်။

မြန်မာပြည်တွင်းစစ်ကို နိုင်ငံရေးအယူအဆ မတူတာတွေ၊ တိုင်းရင်းသားအရေး ပြဿနာတွေလို့ လူတွေက မြင်လေ့ရှိကြပါတယ် ။ ဒါဟာ မှန်ပေမယ့် ပြည့်စုံတဲ့ အဖြေတော့ မဟုတ်ပါဘူး ။ တကယ့် အဓိက အကြောင်းရင်းထဲမှာ သယံဇာတလုပွဲနဲ့ ပထဝီနိုင်ငံရေး အချက်အချာကျမှုတွေက စစ်မီးကို ပိုတောက်လောင်စေတာ ဖြစ်ပါတယ် ။

စစ်ဗိုလ်ချုပ်တွေဟာ နိုင်ငံတော်အလံ၊ ယူနီဖောင်း စတဲ့ အာဏာရဲ့ သင်္ကေတတွေလောက်နဲ့တင် အာဏာကို ဖက်တွယ်ထားကြတာ မဟုတ်ပါဘူး ။ သူတို့ အာဏာမက်ရတဲ့ အကြောင်းရင်းက မြန်မာနိုင်ငံမှာ ကျောက်စိမ်း၊ ရေနံ၊ သဘာဝဓာတ်ငွေ့၊ မြေရှားသတ္တုစတဲ့ တန်ဖိုးကြီး သယံဇာတတွေ ပေါကြွယ်ဝနေလို့ပါပဲ ။ ဒါ့အပြင် တရုတ်နဲ့ အိန္ဒိယလို နိုင်ငံကြီးတွေအတွက် အိန္ဒိယသမုဒ္ဒရာကို ထွက်ဖို့ အရေးပါတဲ့ လမ်းကြောင်းပေါ်မှာ ရှိနေလို့လည်း ဖြစ်ပါတယ် ။
ဒီလို သဘာဝသယံဇာတ ပေါများမှုဟာ တိုင်းပြည်ကို ခေတ်မီတိုးတက်စေရမယ့်အစား ပြီးဆုံးနိုင်စွမ်းမရှိတဲ့ ပြည်တွင်းစစ်ကြီးအတွက် ငွေကြေးထောက်ပံ့ပေးတဲ့ အရင်းအမြစ်ကြီး ဖြစ်နေခဲ့ပါတယ် ။

မြေအောက်မှာ ရွှေတွေရှိပြီး မြေပြင်ပေါ်မှာ ဆင်းရဲမွဲတေနေတဲ့ တိုင်းပြည်
သယံဇာတ ပေါများတဲ့ နိုင်ငံတော်တော်များများမှာ အုပ်ချုပ်သူတွေဟာ ရေနံ၊ သဘာဝဓာတ်ငွေ့နဲ့ သစ်လို သယံဇာတတွေကို ရောင်းစားပြီး ရပ်တည်နိုင်တဲ့အတွက် ပြည်သူတွေဆီက အခွန်မှန်မှန်ကောက်ဖို့၊ ပြည်သူတွေအတွက် ဝန်ဆောင်မှုပေးဖို့နဲ့ တာဝန်ခံမှုရှိတဲ့ အစိုးရဖြစ်လာဖို့ သိပ်ဂရုမစိုက်ကြပါဘူး ။ တိုင်းပြည်ရဲ့ ချမ်းသာကြွယ်ဝမှုတွေဟာ လက်ဝါးကြီးအုပ်ထားသူတွေ၊ ခရိုနီတွေနဲ့ စစ်တပ်ပိုင် ကုမ္ပဏီတွေဆီကိုပဲ စီးဆင်းသွားပါတယ် ။ ပြည်သူတွေဟာ အလုပ်အကျွေးပြုခံရမယ့် နိုင်ငံသားတွေ မဟုတ်ဘဲ ခိုင်းစား၊ အုပ်ချုပ်ခံရမယ့် လူတန်းစားတရပ်လိုပဲ အဆက်ဆံခံခဲ့ရပါတယ် ။

သယံဇာတမရှိဘဲ အောင်မြင်နေတဲ့ ဂျပန်၊ တောင်ကိုရီးယားနဲ့ စင်ကာပူနိုင်ငံတွေကို ကြည့်ရင် အဖြေပေါ်ပါတယ် ။ သူတို့မှာ တူးဖော်ရောင်းချစရာ သယံဇာတ မရှိတဲ့အတွက် ပြည်သူတွေရဲ့ ပညာရေးနဲ့ စွမ်းရည် (လူသားအရင်းအမြစ်) ကိုပဲ အဓိက အားထားခဲ့ရပါတယ် ။ စင်ကာပူ တိုးတက်လာတာဟာ လူသားအရင်းအမြစ်ကို အသေအချာ အသုံးချနိုင်ခဲ့လို့ပဲဆိုတာ ကမ္ဘာ့ဘဏ်ကတောင် မှတ်ချက်ပြုခဲ့ပါတယ် ။ ဒါပေမယ့် မြန်မာနိုင်ငံမှာတော့ အဲဒီအချိန်တွေတုန်းက တက္ကသိုလ်တွေကို အကြိမ်ကြိမ်ပိတ်၊ လွတ်လပ်စွာ တွေးခေါ်ခွင့်တွေကို ဖိနှိပ်ခဲ့ပြီး ပညာတတ်လူငယ်တွေ တိုင်းပြည်က ထွက်ပြေးအောင် လုပ်ခဲ့ပါတယ် ။
တကယ့် အဖြစ်ဆိုးက မြန်မာနိုင်ငံမှာ သယံဇာတ မရှိတာမဟုတ်ပါဘူး ။ အုပ်ချုပ်သူ စစ်အစိုးရအဆက်ဆက်က မြေယာ၊ သယံဇာတနဲ့ နယ်စပ်လမ်းကြောင်းတွေကို သူတို့ရဲ့ ကိုယ်ပိုင်ပစ္စည်းတွေလို သဘောထားပြီး၊ ကိုယ့်ပြည်သူကိုကျတော့ ခြိမ်းခြောက်မှုတခုလို သဘောထားခဲ့ကြတာက အဓိက ပြဿနာပါပဲ ။

အချောင်ထိုင်စားနေတဲ့ စစ်တပ်စီးပွားရေး
၁၉၆၂ ခုနှစ် နေဝင်း အာဏာသိမ်းကတည်းက စစ်တပ်အသိုင်းအဝိုင်းဟာ တိုင်းပြည်ပိုင် ပစ္စည်းတွေကို အချောင်ထိုင်စားတဲ့ လူတန်းစားတရပ် ဖြစ်လာခဲ့ပါတယ် ။ ပြည်သူကို အလုပ်အကျွေးပြုပြီး ထောက်ခံမှုရအောင် မလုပ်ဘဲ၊ နိုင်ငံပိုင်လုပ်ငန်းတွေ၊ ဓာတ်ငွေ့၊ ကျောက်စိမ်း၊ သစ်၊ သတ္တုတူးဖော်ရေးနဲ့ နယ်စပ်ကုန်သွယ်ရေးတွေကနေ ဝင်ငွေတွေကို လက်ဝါးကြီးအုပ်ခဲ့ပါတယ် ။

မြန်မာ့စီးပွားရေးဦးပိုင် (MEHL) နဲ့ မြန်မာ့စီးပွားရေးကော်ပိုရေးရှင်း (MEC) တို့လို စစ်တပ်ပိုင် ကုမ္ပဏီကြီးတွေဟာ အရပ်သားအစိုးရရဲ့ စစ်ဆေးကြပ်မတ်မှုကနေ အမြဲကင်းလွတ်နေခဲ့ပါတယ် ။ ဒီလုပ်ငန်းတွေကရတဲ့ ဝင်ငွေတွေကြောင့်ပဲ စစ်တပ်ဟာ အရပ်သားအစိုးရကို ဂရုစိုက်စရာမလိုဘဲ ရပ်တည်နိုင်ခဲ့တာလို့ ကုလသမဂ္ဂ အစီရင်ခံစာတွေက ဆိုပါတယ် ။

ရေနံနဲ့ သဘာဝဓာတ်ငွေ့လုပ်ငန်း (MOGE) ကနေ စစ်ကောင်စီ(စစ်အုပ်စု)ဟာ နိုင်ငံခြားဝင်ငွေ အများဆုံး ရနေဆဲဖြစ်ပြီး နှစ်စဉ် ဒေါ်လာ သန်းရာချီ ရနေပါတယ် ။ MOGE ဟာ စစ်ကောင်စီအတွက် တနှစ်ကို အမေရိကန်ဒေါ်လာ တဘီလီယံကျော် ရှာပေးနေတယ်လို့ လူ့အခွင့်အရေးစောင့်ကြည့်ရေးအဖွဲ့ (HRW) က ခန့်မှန်းထားပါတယ် ။

ဖားကန့် ကျောက်စိမ်းတွင်းတွေနဲ့ မြေရှားသတ္တု တူးဖော်ရေးလုပ်ငန်းတွေမှာလည်း စစ်တပ်ပိုင်ကုမ္ပဏီတွေ၊ လက်နက်ကိုင်တချို့၊ ခရိုနီတွေနဲ့ မှောင်ခိုသမားတွေ ကြီးပွားနေကြတာ ဆယ်စုနှစ်ချီ ရှိနေပါပြီ ။ ကျောက်စိမ်းကရတဲ့ ငွေတွေက ပဋိပက္ခတွေကို ပိုကြီးစေတယ်ဆိုတာ Global Witness လို အဖွဲ့တွေက မှတ်တမ်းတင်ထားသလို၊ တရုတ်ရဲ့ နည်းပညာလုပ်ငန်းတွေအတွက် လိုအပ်တဲ့ မြေရှားသတ္တု အများစုဟာလည်း မြန်မာပြည်ကနေ ထွက်နေတာပါ ။

ဒါဟာ သာမန် အကျင့်ပျက်ခြစားမှု မဟုတ်ပါဘူး ။ အကြမ်းဖက်မှုနဲ့ လက်နက်အားကိုးပြီး ဝင်ငွေတွေကို ကာကွယ်တယ်၊ အဲဒီ ဝင်ငွေတွေနဲ့ပဲ အကြမ်းဖက်မှုတွေကို ဆက်လုပ်နေတဲ့ ဆိုးရွားတဲ့ စနစ်ဆိုးကြီး ဖြစ်နေတာပါ ။

https://www.youtube.com/watch?v=y3qAoLBKo4k
ဒီတပတ်ရဲ့ My india အစီအစဉ် | 18 May 2026

https://www.youtube.com/watch?v=i4gjvs6k1hI
တပတ်အတွင်း ဖော်ထုတ်ခဲ့တဲ့ သတင်းတု/မှား တွေကို တင်ဆက်ထားပါတယ်။

https://www.youtube.com/watch?v=287AWSWTFCQ
ဖြူးမြို့မှ လူသတ်မှု ဖြစ်စဉ်အဟောာင်းဖြင့် လူမျိုးရေး လှုံ့ဆော်မှုများ ဖြန့်ဝေနေ

https://www.youtube.com/watch?v=Zk0Bnhwo7oM
KNU ပူးပေါင်းတပ်ဖွဲ့က စစ်တပ်ရဟတ်ယာဉ်ကိုပစ်ချနိုင်ခဲ့တယ်ဆိုတဲ့ သတင်းအမှား

https://www.youtube.com/watch?v=FzRz4zTN_Ck
စစ်အုပ်စု တပ်သားများ ရခိုင်သို့ ဝေဟင်မှဆင်းရန် လေ့ကျင့်ရင်းသေဆုံးသည့် ရုပ်သံဖိုင်ဟောင်း