Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
မြန်မာ့အရေးအတွက် မူ ၅ ချက်နဲ့ အလုပ်ရှုပ်နေတဲ့ အာဆီယံရဲ့အလားအလာ (ဆောင်းပါး)
======================

အာဆီယံအနေနဲ့ မြန်မာ့အရေးကြားဝင်ဖြေရှင်းပေးဖို့ တာဝန်ယူထားခဲ့တာ ၃ နှစ်တာကာလအတွင်းရောက်လာခဲ့ ပြီဖြစ်ပါတယ်။ လက်ရှိအချိန်ထိတော့ အာဆီယံကချမှတ်ထားတဲ့ မူ ၅ ချက်ဟာ ဘာတစ်ခုမှ အလုပ်မဖြစ်သေး တာတွေ့ရပါတယ်။ အာဏာသိမ်း စစ်ကောင်စီ ခေါင်းဆောင်တွေကို အာဆီယံ ထိပ်သီးအစည်းအဝေးတွေကနေ ဖယ်ကြဉ်ထားနိုင်တာကလွဲပြီး မူ ၅ ချက်က ဘာမှအလုပ်မဖြစ်သေးဘူးလို့ဆိုရပါမယ်။ ၂၀၂၁ ဖေဖော်ဝါရီ ၁ ရက် မှာ စစ်တပ်ကအာဏာသိမ်းပြီး ၂ လကျော်အကြာ ဧပြီ ၂၄ ရက်မှာ အာဆီယံက မြန်မာ့အရေး အရေးပေါ်အစည်း အဝေးခေါ်ပြီး ဘုံသဘောတူညီချက် ၅ ချက်ကိုချမှတ်ထားခဲ့တာဖြစ်ပါတယ်။ မြန်မာနိုင်ငံမှာ အကြမ်းဖက်မှုတွေ ချက်ချင်းရပ်ပြီး သက်ဆိုင်သူအားလုံး ထိန်းထိန်းသိမ်းသိမ်း ဆောင်ရွက်ကြဖို့၊ ပြည်သူတွေရဲ့ အကျိုးစီးပွားအတွက် ငြိမ်းချမ်းတဲ့အဖြေတစ်ခုရအောင် သက်ဆိုင်သူအားလုံး အပြုသဘောဆွေးနွေးကြဖို့၊ အာဆီယံအတွင်းရေးမှူးချုပ် ရဲ့ အကူအညီနဲ့ ဆွေးနွေးရေးလုပ်ငန်းစဉ် အကောင်အထည်ဖော်နိုင်အောင် အာဆီယံဥက္ကဋ္ဌရဲ့အထူးကိုယ်စားလှယ် တစ်ယောက်က ကြားဝင်ညှိနှိုင်းပေးဖို့၊ အာဆီယံရဲ့ လူသားချင်းစာနာမှု အကူအညီပေးရေးဌာနကတစ်ဆင့် မြန်မာ နိုင်ငံကိုအကူအညီတွေပေးဖို့၊ သက်ဆိုင်သူအားလုံးနဲ့တွေ့ဆုံဖို့ အာဆီယံအထူးကိုယ်စားလှယ်နဲ့အဖွဲ့ မြန်မာနိုင်ငံကို စေလွှတ်ဖို့ဆိုတဲ့အချက် ၅ ချက်ကို ချမှတ်ခဲ့တာဖြစ်ပါတယ်။

https://youtu.be/mFgJ04DQoxI

#Newsfeature
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍3🥴2😁1
Media is too big
VIEW IN TELEGRAM
The Cooking Guy Ep_29 Seg_1 | ဝက်သားလုံးချဉ်စပ်ဟင်းရည်နှင့် အာလူးထောင်း

Watch more detail - https://youtu.be/jAeKBnq-xhg

#thecookingguy #mizzimatv #reels #shorts #cooking
👍3🤮1
မတ်လ (၈) ရက်၊ ဗုဒ္ဓဟူးနေ့ မနက်ပိုင်း မဇ္ဈိမရေဒီယိုအစီအစဉ်
=====================

မြန်မာစစ်တပ်ရဲ့ လူ့အခွင့်အရေး ချိုးဖောက်မှုတွေကို အရေးယူဖို့  နိုင်ငံတကာကို ICA ‌တောင်းဆိုတဲ့ သတင်းနဲ့ အတူ  
 
ရေတာရှည်မြို့နယ်မှာ  PDF တွေထံပေးပို့မယ့်  လက်နက်ခဲယမ်းတွေ သိမ်းဆည်းခံရတဲ့သတင်းတွေ အပါအ၀င်  အခြားစိတ်ဝင်စားဖွယ် နိုင်ငံတကာသတင်းတွေနဲ့ စီးပွားရေးသတင်းတွေကို နားဆင်ရမှာပါ။
 
အဲ့ဒီနောက်မှာတော့ အပတ်စဉ် တင်ဆက်နေကျဖြစ်တဲ့ မရွှေမိုးရဲ့ လေးညှို့သံအစီအစဉ်ကိုလည်း နားဆင်ကြရဖို့ ရှိပါမယ်။ 

https://youtu.be/WvZdQeIsZWk
 
#Mizzimaradio
#Morningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8🤮1
​​တရုတ်တွင် ဆင်ဆာဖြတ်တောက်ခြင်းက ဉာဏ်ရည်တု ထုတ်ကုန်များအပေါ် သက်ရောက်မှုရှိလာမည်
============================

တရုတ်နိုင်ငံတွင် လူမှုရေး၊ နိုင်ငံရေးနှင့် ဘာသာရေးဆိုင်ရာ အကြောင်းအရာများအား ဆင်ဆာဖြတ်တောက်ခြင်းများသည် ဉာဏ်ရည်တု (AI) ထုတ်ကုန်များအပေါ် မလွှဲမရှောင်သာ သက်ရောက်မှုရှိလာမည်ဖြစ်ပြီး ယင်းကဲ့သို့ အထောက်အထားများလည်း ရှိနှင့်ပြီးဖြစ်ကြောင်း Insideover ဝက်ဘ်ဆိုက်တွင် ဖရက်ဒရီကို ဂူလီယာနီက ရေးသားထားသည်။
👍5
​​တရုတ် သမ္မတက ကိုဗစ်အလွန်ကာလစီးပွားရေး ပြန်လည်နာလန်ထူရန် စားသုံးသူများနှင့် ရင်းနှီးမြှုပ်နှံမှုများကို ပစ်မှတ်ထား 
=================

ရုန်းကန်နေရသော စီးပွားရေးကို ပြန်လည်အသက်သွင်းရေးအတွက် တရုတ်ခေါင်းဆောင်ရှီကျင့်ဖျင်၏ အထက်မှ အောက်သို့ အစီအစဉ်ချမှတ်ကြိုးပမ်းမှုတွင် ကိုဗစ်လုံးဝကင်းစင်ရေးမူဝါဒကြောင့် ပျက်စီးသွားမှုများကို ထည့်သွင်းစဉ်းစားထားခြင်းမရှိကြောင်း RFA သတင်းတွင် ဖော်ပြထားသည်။
😁5
​​ပါကစ္စတန် ဝန်ကြီးချုပ်ဟောင်း အီမရန်ခန်းကို ဖမ်းဆီးရန် ရဲတပ်ဖွဲ့ ကြိုးပမ်းနေ
=======================

ပါကစ္စတန် အစိုးရအား ရွေးကောက်ပွဲများ စော၍ ကျင်းပရန် ဖိအားပေးနေသော တရားဥပဒေဆိုင်ရာ အမှုအခင်းများစွာ ရင်ဆိုင်နေရသည့် ဝန်ကြီးချုပ်ဟောင်း အီမရန်ခန်းကို ရဲတပ်ဖွဲ့က မတ် ၅ ရက်က ဖမ်းဆီးရန် ကြိုးပမ်းခဲ့ကြသည်။
👍4😁2
မတ်လ 8 ရက်နေ့ မနက်ပိုင်း ၁၁ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍3🔥1
Myanmar PDFs remain outgunned
==============

https://youtu.be/fkfkLbo2tWw

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍5😁1
မန္တလေးအိုးဘိုထောင်ရှိ နိုင်ငံရေးအကျဉ်းသူ အမျိုးသမီးများ အဆိုးဝါးဆုံး အခြေအနေနှင့် ရင်ဆိုင်နေရ
=========================

မန္တလေးမြို့၊ အိုးဘိုအကျဉ်းထောင်တွင် နိုင်ငံရေးပုဒ်မများဖြင့် ဖမ်းဆီးခံထားရသူများထဲမှ အမျိုးသမီး ၇၀ ကျော်ကို စစ်ကောင်စီက ရိုက်နှက်၊ နှိပ်စက်၊ အစာဖြတ် စသည့် နည်းမျိုးစုံသုံး၍ ဆိုးရွားစွာ ဖိနှိပ်နေသည်ဟု စုံစမ်းသိရှိရသည်။

မန္တလေးဗဟိုအကျဉ်းထောင်(အိုးဘို)တွင် မတရားသဖြင့် ဖမ်းဆီးခံထားရသော အမျိုးသမီး နိုင်ငံရေးအကျဉ်းသူများသည် စစ်ကောင်စီလက်အောက်ခံ ထောင်တာဝန် ရှိသူများကြောင့် လက်ရှိတွင် အဆိုးဝါးဆုံး အခြေအနေများနှင့် ရင်ဆိုင်နေရပြီး ထောင်ပြောင်းရွေ့မှုများလည်း ရှိနေကြောင်း နိုင်ငံရေးအကျဉ်းသူ မိသားစုဝင်များနှင့် ရှေ့နေများထံက သိရသည်။

နိုင်ကျဉ်းအမျိုးသမီးများကို ထောင်အာဏာပိုင်တို့က ဖေဖော်ဝါရီလဆန်းမှစ၍ နည်းမျိုးစုံဖြင့် နှိပ်စက်ခဲ့ပြီး ပြင်ပမှ အစားအစာပို့ခွင့် (ထောင်ဝင်စာ) ပိတ်ထားသလို အခန်းကျဉ်းထဲတွင် တစ်ဦးချင်း ပိတ်လှောင်ထားသည်ဟု လုံခြုံရေးအရ အမည်မဖော်လိုသော မိသားစုဝင်အချို့ထံမှ သိရသည်။

မတ်လ ၇ ရက်နေ့က ပြုလုပ်သည် အာဏာရှင်စနစ်ဆန့်ကျင်ရေး ပြည်သူ့ အင်အားများ ချိတ်ဆက်ညှိနှိုင်းရေးကော်မတီ-မန္တလေး (AFCC Mandalay) ၏ သတင်းစာ ရှင်းလင်းပွဲတွင် အဆိုပါထောင်တွင်းရှိ အမျိုးသမီးနိုင်ငံရေးအကျဉ်းသူများ ရင်ဆိုင်နေရသည့် အခြေအနေနှင့် ပတ်သက်၍ ပြောကြာခဲ့ခြင်းဖြစ်သည်။

https://youtu.be/ZPovMRINPOk

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🤬15❤1😢1
ရေးတံတားကြီးဂိတ်အား ရေးဘီလူးအဖွဲ့က ဒရုန်းဖြင့် တိုက်ခိုက်
===================

ဂျူချန်း
မဇ္ဈိမ။ ။မွန်ပြည်နယ်၊ ရေးမြို့နယ်အထွက်ရှိ လုံခြုံရေးတင်းကြပ်ထားသည့် ရေးတံတားကြီးဂိတ်အား ရေးဘီလူးအဖွဲ့မှ ဒရုန်းဖြင့် ဗုံးသီးချကာ တိုက်ခိုက်ခဲ့ကြောင်း သိရသည်။

ရေးမြို့နယ်နှင့် တနင်္သာရီတိုင်းအား ဆက်သွယ်ထားသည့် ရေးတံတားကြီးဂိတ်ရှိ ကတုတ်ကျင်းများအား ရေးဘီလူးအဖွဲ့မှ မတ်လ ၈ ရက်နေ့က ဒရုန်းဖြင့် ဗုံးသီးတစ်လုံးချကာ တိုက်ခိုက်ခဲ့ခြင်းဖြစ်သည်။
“ဆက်သွယ်ရေးမြောင်း (ကတုတ်ကျင်း) ကိုချတာ။ တပ်သား ၃၀ လောက်တော့ရှိမယ်” ဟု ရေးဘီးလူး အဖွဲ့ခေါင်းဆောင်က မဇ္ဈိမ ကိုပြောသည်။

စစ်ကောင်စီတပ်မှ ထိခိုက်ကျဆုံးမှုရှိနိုင်သော်လည်း အသေးစိတ်ကိုမူ အတည်မပြုနိုင်သေးပေ။
ဒရုန်းဖြင့် တိုက်ခိုက်မှုအပြီးတွင် စစ်ကောင်စီတပ်ဘက်မှ ပြန်လည်ပစ်ခတ်မှုများရှိသော်လည်း ရေးဘီးလူးအဖွဲ့မှ ဒရုန်းရောလူပါ အထိအခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

အဆိုပါ ရေးတံတားကြီးဂိတ်အား ဖေဖော်ဝါရီလ ၁၉ ရက်နေ့က ရေးဘီလူးအဖွဲ့မှ တိုက်ခိုက်ခဲ့ရာ စစ်ကောင်စီတပ်မှ တပ်သား ၁၅ ဦးထက်မနည်း သေဆုံးခဲ့ကြောင်း အဖွဲ့ခေါင်းဆောင်က ဆိုသည်။

ယင်းသို့ တိုက်ခိုက်ခံရမှုတွင် စစ်ကောင်စီဘက်မှ အထိနာခဲ့သဖြင့် လုံခြုံရေးတင်းကြပ်ထားသည့်ကြားမှ ဒရုန်းဖြင့် ထပ်မံတိုက်ခိုက်ခံရခြင်းဖြစ်ကြောင်း သိရသည်။

ဖေဖော်ဝါရီလ ၂၈ ရက်နေ့ကလည်း ကျောင်းရွာအခြေစိုက် အမှတ်(၅၈၃) ခြေမြန်တပ်ရင်းအား ရေးဘီလူး အဖွဲ့မှ ဒရုန်းဖြင့် ဗုံးသီးနှစ်လုံးချ တိုက်ခိုက်ခဲ့သေးသည်။

https://youtu.be/gekrv4RXROg

စာတည်း။ ။စောဖေ
စာမူတည်းဖြတ်။ ။စောဖေ

#မွန်ပြည်နယ်
#ရေးမြို့နယ်
#ရေးဘီလူးအဖွဲ့
#ဒရုန်း
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍13❤5😁1
စကစတပ်၏တိုက်ခိုက်မှုကြောင့်တစ်လအတွင်းအမျိုးသမီး၁၅ ဦးသေဆုံးခဲ့ကြောင်း အမျိုးသမီးသမဂ္ဂ(BWU)ထုတ်ပြန်
=====================

အာဏာသိမ်း စစ်ကောင်စီတပ်ရဲ့ အရပ်သားပြည်သူတွေအပေါ် ပစ်မှတ်ထားတိုက်ခိုက်မှုအပါ အဝင် ကျေးရွာတွေကို ဝင်ရောက်စီးနင်း ပစ်ခတ်တာ၊ အရှင်လတ်လတ် မီးရှို့သတ်ဖြတ်တာတွေ ကြောင့် ဖေဖော်ဝါရီ တစ်လအတွင်း အမျိုးသမီး ၁၅ ဦး သေဆုံးခဲ့ရတယ်လို့ မြန်မာ့အမျိုးသမီး သမဂ္ဂ (BWU) က ထုတ်ပြန်ထားပါတယ်။

မြန်မာ့အမျိုးသမီးသမဂ္ဂ (BWU) ရဲ့ မတ် ၆ ရက်နေ့က ထုတ်ပြန်ထားတဲ့ အချက်အလက်တွေ အရ သေဆုံးသွားတဲ့ အမျိုးသမီးတွေထဲမှာ စစ်ကိုင်းတိုင်းက ၇ ဦးနဲ့ အများဆုံးဖြစ်ပြီး ပဲခူးတိုင်း က ၃ ဦး၊ ကချင်၊ကရင်၊ချင်း၊ တနင်္သာရီနဲ့ မကွေးတိုင်းတို့မှာ တစ်ဦးစီ ပါဝင်ပါတယ်။
သေဆုံးခဲ့ရတဲ့ အမျိုးသမီး ၈ ဦးဟာ စစ်ကောင်စီတပ်က ကျေးရွာတွေထဲ လက်နက်ကြီး ပစ်ခတ်ခဲ့မှုကြောင့် သေဆုံးခဲ့ရတာ ဖြစ်ပြီး စစ်ကိုင်းတိုင်းထဲက အမျိုးသမီး ၃ ဦးဆိုရင် စစ်ကောင်စီတပ် စစ်ကြောင်းထိုစဉ် အရှင်လတ်လတ် မီးရှို့သတ်ဖြတ်ခံခဲ့ရတာပါ။

https://youtu.be/-5BharZv-yI

#Political New
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🔥4👍3😢1
မတ်လ ၈ ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
=====================

01:01 -တရုတ်က တိုင်းရင်းသား လက်နက်ကိုင် အဖွဲ့တွေအပြင် စစ်ကောင်စီကိုပါ တွေ့ဆုံမှုရှိလာတဲ့သတင်း

02:09 -မြန်မာ့အရေးက စိုးရိမ်ဖွယ်ရာအခြေအနေဖြစ်နေတယ်လို့ ကမ္ဘောဒီးယား နိုင်ငံခြားရေးဝန်ကြီးပြောတဲ့သတင်း

04:30 -ရန်ကုန် အနုပညာတက္ကသိုလ်မှ ကျောင်းသင်္ကြန် ဝေဖန်သူတွေကို ဟန်ငြိမ်းဦးတယ်လီဂရမ်ကို ပေးပို့တိုင်ကြားမှုပြုလုပ်တဲ့သတင်း

05:20 -မူဆယ်မြို့ရှိ 69 ဟိုတယ် မိုင်းခွဲခံရတဲ့သတင်း
အပါအဝင် အရေးကြီးသတင်းတွေနဲ့ အခြားစိတ်ဝင်စားဖွယ်ရာ သတင်းတွေကို တင်ဆက်ပေးသွားမှာပါ။

https://youtu.be/C_DTxpOcl0E

#12pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6🤮1
​​တန့်ဆည်မြို့မှ NLDပါတီဝင်အမျိုးသမီးတဦးကိုစစ်ကောင်စီဖမ်းဆီး၊စစ်ကောင်စီဖမ်းဆီးထားသည့် NLDပါတီဝင် ၁,၂၀၀ကျော်ရှိလာ
============================

ကချင်လေး
မဇ္ဈိမ။ ။စစ်ကိုင်းတိုင်း၊ တန့်ဆည်မြို့မှ အမျိုးသားဒီမိုကရေစီအဖွဲ့ချုပ်ပါတီ(NLD) ပါတီဝင်အမျိုးသမီးတဦးသည် ဖားကန့်တွင်တိမ်းရှောင်နေစဉ် စစ်ကောင်စီကဖမ်းဆီးသွားကြောင်းသတင်းရရှိသည်။

တန့်ဆည်မြို့နယ် NLD ပါတီဝင်ဒေါ်မာမာအေးသည် ကချင်ပြည်နယ်၊ဖားကန့်မြို့နယ်၊မှော်စီဆာ ကျေးရွာအုပ်စု၊ဖားပြင်ကျေးရွာတွင် မတ်လ (၆)ရက်ညက ဖမ်းဆီးခံရခြင်းဖြစ်ကြောင်း ဒေသခံများကပြောသည်။

အသက် ၄၀ နှစ်အရွယ်ဒေါ်မာမာအေးသည် ဖားကန့်ရှိ ၎င်း၏ ဆွေမျိုးအိမ်တွင်လာရောက်တိမ်းရှောင်နေစဉ် စစ်ကောင်စီတပ်ဖွဲ့က ပိတ်ဆို့ဖမ်းဆီးခေါ်ဆောင်သွားကြောင်း မိုးညင်းခရိုင် NLD ပါတီသတင်းနှင့်ပြန်ကြားရေးအဖွဲ့မှ တာဝန်ရှိသူတဦးက မဇ္ဈိမကိုပြောသည်။

“သူက ဒီ(ဖားကန့်)ကိုရောက်လာတာလည်း မကြာသေးဘူးလို့တော့ သိထားတယ်။ အဲ့မှာ ဘယ်ကနေ ဘယ်လိုသတင်းတွေရသွားပြီး လာဖမ်းသွားမှန်းမသိဘူး” ဟု NLD ပြန်ကြားရေးသတင်းရင်းမြစ်က ပြောသည်။

လက်ရှိတွင် ဒေါ်မာမာအေးကို စစ်ကောင်စီတပ်က မည်သည့်နေရာတွင် ဖမ်းဆီးထိန်းသိမ်းထားသည်ကို မသိရသေးသလို ကျန်မိသားစုဝင်များနှင့်လည်း အဆက်အသွယ်မရရှိသေးကြောင်း စုံစမ်းသိရှိရသည်။

ဖားကန့်တွင် ယခုလလဆန်းပိုင်းအတွင်း စစ်ကောင်စီတပ်က အရပ်သားပြည်သူများကို မကြာခဏဖမ်းဆီးနေသည်။မတ်လ၁ရက်နေ့တွင် ဖားကန့်မြို့နယ်၊ ရှရော်ခကျေးရွာ ဒေသခံ ၁၀၀ကျော်ကို ဖမ်းဆီးခဲ့သည်။ပြန်လည်လွတ်မြောက်လာသူအချို့ရှိ‌သော် လည်း ဖမ်းဆီးခံထားရသူများလည်းရှိနေသေးသည်။ယမန်နေ့ မတ်လ ၇ရက်ညကလည်း ဖားကန့်မြို့၊ မှော်ဝမ်းရပ်ကွက်မှ အရပ်သား ခုနှစ်ဦးကို စစ်ကောင်စီက ဖမ်းဆီးသွားသည်ဟု ဒေသခံများကပြောသည်။

စစ်တပ်က နိုင်ငံတော်အာဏာကိုသိမ်းယူပြီးချိန်မှစ၍ ဇန်နဝါရီလ ၅ရက်အထိ မတရားဖမ်းဆီးထိမ်းသိမ်းခံထားရသူများအနက် လွှတ်တော်ကိုယ်စား လှယ် ၈၀ ဦး အပါအဝင် အမျိုးသားဒီမိုကရေစီအဖွဲ့ချုပ်ပါတီဝင် ၁,၂၃၂ ဦးပါဝင်ကြောင်း၊ဖမ်းဆီးထားစဉ်အတွင်းနှင့်အကြောင်းမဲ့သတ်ဖြတ်ခံရသူများအနက် လွှတ်တော်ကိုယ်စားလှယ် နှစ်ဦးပါဝင်ခဲ့ပြီး အမျိုးသားဒီမိုကရေစီအဖွဲ့ချုပ်ပါတီဝင် ၈၄ ဦးရှိကြောင်း အမျိုးသားဒီမိုကရေစီအဖွဲ့ချုပ်ပါတီ၊ ဗဟိုအလုပ်ကော်မတီက ဇန်နဝါရီ ၂၉ရက်တွင် ထုတ်ပြန်ထားသည်။

အာဆီယံအပါအဝင် နိုင်ငံတကာအသိုက်အဝန်းအနေဖြင့် စစ်ကောင်စီကကျူးလွန်သော ရာဇဝတ်မှုများကို နိုင်ငံတကာဥပဒေများနှင့်အညီ ဖော်ထုတ်အရေးယူနိုင်ရေးအတွက် ယခုထက်ပိုမိုထိရောက်စွာ ကူညီပေးကြပါရန် အမျိုးသားဒီမိုကရေစီအဖွဲ့ချုပ်ပါတီက မေတ္တာရပ်ခံထားသည်။

စာတည်း - မောင်ကြီး

#စစ်ကိုင်းတိုင်း
#တန့်ဆည်မြို့
#အမျိုးသားဒီမိုကရေစီအဖွဲ့ချုပ်ပါတီ
#ပါတီဝင်အမျိုးသမီးတဦး
#စစ်ကောင်စီဖမ်းဆီး
-------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8🤬6🔥1🤯1
စစ်အာဏာသိမ်းမှုအောက်အမျိုးသမီးများဖိနှိပ်မှုမျိုးစုံနှင့်Onlineခြိမ်းခြောက်တိုက်ခိုက်ခံရမှုကြီးမားလာ
================

စစ်အာဏာသိမ်းမှုအောက်မှာ မြန်မာအမျိုးသမီးတွေဟာ ဖိနှိပ်မှုမျိုးစုံကြုံနေရပြီး အွန်လိုင်းဆိုရှယ်မီဒီယာတွေပေါ်မှာ စနစ်တကျနဲ့တိုက်ခိုက်မှု၊ ခြိမ်းခြောက်မှု၊ ကိုယ်ရေးအချက်အလက်တွေ ထုတ်ဖော်ခံရမှုနဲ့ လိင်ပိုင်းဆိုင်ရာစော်ကားပြောဆိုမှုတွေ ခံနေရတယ်လို့ နယူးယောက်က ကုလသမဂ္ဂရုံးချုပ်မှာကျင်းပတဲ့ အမျိုးသမီးဆိုင်ရာဆွေးနွေးပွဲတခုမှာ ပြောလိုက်ပါတယ်။
အမျိုးသမီးများအခြေပြကော်မရှင် CSW ရဲ့ ၆၇ ကြိမ်မြောက်ညီလာခံကို ကျင်းပနေရာမှာ မြန်မာအမျိုးသမီးအရေးနဲ့ပတ်သက်ပြီး ညီလာခံပြင်ပမှာ သီးသန့်ခေါင်းစဉ်တခုနဲ့ COVID-19 ကပ်ရောဂါနဲ့ စစ်တပ်အာဏာသိမ်းမှုကြောင့် မြန်မာအမျိုးသမီးတွေနဲ့ မိန်းကလေးငယ်တွေရင်ဆိုင်နေရတဲ့ စိန်ခေါ်မှုတွေကို တင်ပြဆွေး‌နွေးခဲ့ကြပါတယ်။

အမျိုးသမီအရေးနဲ့ လူ့အခွင့်အရေး လှုံ့ဆော်စည်းရုံးတာတွေကို ဒစ်ဂျစ်တဲလ် နည်းပညာနဲ့ ကျယ်ပြန့်တွင်ကျယ်အောင်လုပ်နိုင်နေပေမယ့် တပြိုင်တည်းမှာ လူမှုကွန်ရက်တွေပေါ်မှာ လူ့အခွင့်အရေး ကာကွယ်သူတွေ၊ အမျိုးသမီးတွေဟာ အသက်အန္တရာယ်ကြုံတဲ့အထိ တိုက်ခိုက်ခြိမ်းခြောက်ခံနေရတာတွေကို ဆွေးနွေးခဲ့ကြပါတယ်။

https://youtu.be/lfDFHRaNHvQ

#Political News

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6❤1
​​နိုင်ငံခြားငွေဖြင့် အခွန်ဆောင်ရသူများ စစ်ကောင်စီလက်အောက်ခံဘဏ်များတွင် ငွေစာရင်းဖွင့်လှစ်ပြီး အခွန်ဆောင်ရမည်
==================

မေဘယ်လ်သူ
မဇ္ဈိမ။ ။နိုင်ငံခြားငွေဖြင့် အခွန်ဆောင်သူများအနေဖြင့် စစ်ကောင်စီလက်အောက်ခံ ဘဏ်များတွင် ငွေစာရင်းဖွင့်လှစ်ကာ အခွန်ဆောင်ရမည်ဟု ဗဟိုဘဏ်က ညွှန်ကြားထားသည်။

နိုင်ငံခြားငွေစာရင်းဖွင့်လှစ်ရာတွင် စစ်ကောင်စီလက်အောက်ခံ မြန်မာ့စီးပွားရေးဘဏ် (MEB)၊ မြန်မာ့ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် (MICB)၊ မြန်မာ့နိုင်ငံခြားကုန်သွယ်မှု (MFTB) စသည့် ဘဏ်များတွင် ဖွင့်လှစ်ကာ အခွန်ပေးသွင်းရမည်ဟု ဆိုသည်။

ထို့ပြင် ပုဂ္ဂလိကဘဏ်နှင့် နိုင်ငံခြားဘဏ်ခွဲများတွင် ငွေစာရင်းဖွင့်လှစ်ထားပါက အခွန်ဆောင်ရမည့် နိုင်ငံခြားငွေအား ကျပ်ငွေအဖြစ် လဲလှယ်ခြင်းမပြုစေဘဲ မြန်မာ့စီးပွားရေးဘဏ် (MEB) ထံသို့ ရရှိသည့် နိုင်ငံခြားငွေအတိုင်း လွှဲပြောင်းပေးရမည်ဟု သိရသည်။
ကျသင့်အခွန်ပေးချေသည့်အခါ နိုင်ငံသားနှင့် ပြည်တွင်းနေထိုင်သည့် နိုင်ငံခြားသားဖြစ်ပါက ဗဟိုဘဏ် ၏ သတ်မှတ်ငွေလဲနှုန်းဖြင့် နိုင်ငံခြားငွေမှကျပ်ငွေသို့ဖလှယ်ရမည်ဖြစ်ပြီး ပြည်ပနေနိုင်ငံခြားသားဖြစ်ပါ က ရရှိသည့်နိုင်ငံခြားငွေအမျိုးအစားဖြင့် အခွန်ပေးဆောင်ရမည်ဟု သတ်မှတ်ထားသည်။

စာတည်း။ ။စောဖေ
စာမူတည်းဖြတ်။ ။စောဖေ

#နိုင်ငံခြားငွေ
#အခွန်
#စစ်ကောင်စီ
#ဗဟိုဘဏ်
👍9😁2❤1
​​စားအုန်းဆီဈေး ၄,၆၀၀ ကျပ် သတ်မှတ်ထားသော်လည်း ပြင်ပတွင် ကျပ် ၈,၀၀၀ ဝန်းကျင်အထိ ဈေး တက်နေ
================

မေဘယ်လ်သူ
မဇ္ဈိမ ။ ။စားအုန်းဆီ တစ်ပိဿာလျှင် ၄,၆၀၀ ကျပ် သတ်မှတ်ထားပြီး ဈေးနှုန်းမြှင့်တင်ရောင်းချပါက အရေးယူမည်ဟု စစ်ကောင်စီလက်အောက်ခံ စီးပွားရေးနှင့်ကူးသန်းရောင်းဝယ်ဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက ထုတ်ပြန်ထားသည်။

မတ်လ ၆ ရက်မှ မတ်လ ၁၂ ရက်နေ့အထိ ရန်ကုန်စားအုန်းဆီ အခြေခံလက်ကားရည် ညွှန်းစျေးနှုန်းကို တစ်ပိဿာလျှင် ၄,၆၀၀ ကျပ် သတ်မှတ်ထားကြောင်း အဆိုပါကော်မတီက ကြေညာထားသည်။

သို့သော် ပြင်ပတွင် စားအုန်းဆီ တစ်ပိဿာလျှင် ကျပ် ၈,၀၀၀ ဝန်းကျင်ဖြင့် ဝယ်ယူနေရကြောင်း မဇ္ဈိမ၏ သတင်းရင်းမြစ်များထံမှ သိရသည်။

“အပြင်မှာတော့ စားအုန်းဆီ တစ်ပိဿာ ၈,၅၀၀ ကျပ်၀န်းကျင် ပေးဝယ်နေရတယ်။ ရည်ညွှန်းစျေးထပ် တဆကျော်ပေးဝယ်နေရတာပေါ့”မဇ္ဈိမ၏ သတင်းရင်းမြစ်တစ်ဦးကဆိုသည်။

စားအုန်းဆီအပြင် အခြားသော ပဲဆီ၊ နေကြာဆီနှင့် ဟင်းသီးဟင်းရွက် ဆီတို့မှာလည်း ဈေးနှုန်းများမြင့် တက်နေသည်ဟု ဆိုသည်။

“စက်သုံးဆီစျေးကလည်း တက်နေတာရယ်၊ လျှပ်စစ်မီးပုံမှန်မရရှိတာကြောင့် ဆီစက်တွေလည်း လည် ပတ်နေရတာ အဆင်မပြေဘူး။ ဒါကြောင့် စားသုံးဆီစျေးတွေကလည်း တက်နေတာ”ဟု ဆီစက်လုပ်ငန်း ရှင်တစ်ဦးကဆိုသည်။

စာတည်း။ ။စောဖေ
စာမူတည်းဖြတ်။ ။စောဖေ

#စာအုန်းဆီ
#ဆီးဈေးတက်
#ပြင်ပဈေးကွက်
-------------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🤬2🔥1😱1
စစ်အုပ်ချုပ်ရေးကြေညာထားသော တနင်္သာရီမြို့နယ်တွင် တိုက်ပွဲများဆက်လက်ဖြစ်ပွားနေ
👍5🔥1