Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
မန္တလေးတွင် ငွေလဲရန်လာသည့်အမျိုးသမီးကိုသတ်ပြီး ငွေကျပ်သိန်း ၂၀၀ လုယူထွက်ပြေး

007
မဇ္စျိမ။ ။မန္တလေးတိုင်း၊ အောင်မြေသာစံမြို့နယ်တွင် ငွေလဲလုပ်ငန်းလုပ်ကိုင်သူက ငွေလဲရန်လာသူကို သတ်ဖြတ်ပြီး ငွေကျပ်သိန်း ၂၀၀ လုယူထွက်ပြေးသွားသည့်ဖြစ်စဉ် ဧပြီလ ၂ ရက်နေ့ မွန်းလွဲ ၁၂ နာရီ ၄၅ မိနစ်ခန့်က ဖြစ်ပွားခဲ့ကြောင်း သိရသည်။
အောင်မြေသာစံမြို့နယ်၊ မေဃဂီရိရပ်ကွက်၊ အကွက်အမှတ်(၁၄၆)၊ လမ်း ၈၀ နှင့် ၈၁ လမ်းကြား၊ ၁၈ လမ်းနှင့် ၁၉ လမ်းကြားရှိ အိမ်တစ်အိမ်၌ ငွေလဲလုပ်ငန်းလုပ်ကိုင်သူအမျိုးသားက ငွေလဲရန်လာရောက် သည့် အမျိုးသမီးကို သတ်ဖြတ်ကာ ငွေများလုယူ ထွက်ပြေးသွားခြင်းဖြစ်ကြောင်းသိရသည်။
အခင်းဖြစ်နေအိမ်အား ငှားရမ်းပြီး Online ငွေလဲလုပ်ငန်းလုပ်ကိုင်နေသည့် ဦးအောင်နိုင်ဝေဆိုသူက အွန်လိုင်းမှတစ်ဆင့် ချိတ်ဆက်ကာ ငွေလဲရန်ရောက်လာသည့် တစ်မြို့နယ်ထဲနေသူ အမျိုးသမီးအား ကြိုး ဖြင့်တုပ်ကာ ဓားဖြင့်ထိုးသတ်ပြီး ငွေကျပ် သိန်း ၂၀၀ နှင့် Scoopy အမျိုးအစားဆိုင်ကယ်ကိုပါ လုယူထွက် ပြေးသွားခြင်းဖြစ်ကြောင်း တိုင်းရဲတပ်ဖွဲ့နှင့် နီးစပ်သည့်အသိုင်းအဝိုင်းမှ သိရသည်။
👍9🤬4😁1😢1
“အောင်နိုင်ဝေက ပုသိမ်ကြီး ကုန်းတန်းမှာနေတာ၊ အခုဖြစ်တဲ့နေရာက ငှားနေတာပါ။ အဲဒီမှာငှားနေပြီး တရား မဝင်ငွေလဲ လုပ်နေတာ၊ ငွေသားနဲ့ Kpay လဲတာတို့ဘာတို့ပေါ့ဗျာ၊ အဲဒါအမျိုးသမီးက ငွေလဲဖို့ လာတဲ့အချိန်မှာ ကြိုးနဲ့တုပ်သတ်ပြီး ငွေယူထွက်ပြေးတာ” ဟု နီးစပ်သူတစ်ဦးက ပြောသည်။
အသတ်ခံရသည့်အမျိုးသမီးသည် အောင်မြေသာစံမြို့နယ် ဥပုသ်တော်ရပ်ကွက်မှ အသက် ၃၇ နှစ်အရွယ် မ.....ဆိုသူဖြစ်ကြောင်း၊ ဓားဖြင့်ထိုးခုတ်ခံရမှုကြောင့် လည်ပင်းပြတ်ရှဒဏ်ရာ၊ ဘယ်ဘက်ပါးစောင် ပေါက် ပြဲဒဏ်ရာများဖြင့် အခင်းဖြစ်နေရာတွင် သေဆုံးခဲ့ခြင်းဖြစ်ကြောင်း စစ်ကောင်စီတပ်ဖွဲ့ဘက်က ထုတ်ပြန် သည့် သတင်းများအရ သိရသည်။
“အွန်လိုင်းကနေ ငွေသားဘယ်လောက်ရှိတယ်၊ Kpay နဲ့လဲမယ်၊ ဘယ်လောက်ရာခိုင်နှုန်းဆိုပြီး ပို့စ်တင် တယ်၊ တကယ်အမှန်အကန် လုပ်စားကြသူလည်းရှိသလို၊ လိမ်လည်မှုတွေလည်း တွေ့ရတယ်၊ မကြာ မကြာ ကြားနေရတယ်၊ အခုကိစ္စမှာလည်း ကောင်မလေးဆီက ငွေသားသိန်းနှစ်ရာယူမယ်၊ Kpay ထဲ ပြန် ထည့်ပေးမယ်ဆိုပြီး ချိန်းကြတယ်ထင်ပါတယ်၊ ကိုယ့်ပိုက်ဆံကိုယ် အချိန်မရွေးပြန်ထုတ်ခွင့်မရတဲ့ နောက် ဆက်တွဲဆိုးကျိုးတွေပေါ့ဗျာ” ဟု မြို့ခံစီးပွားရေးသမားတစ်ဦးက သုံးသပ်ပြောဆိုသည်။
အာဏာသိမ်းပြီးနောက် စစ်ကောင်စီသည် ပြည်တွင်းပုဂ္ဂလိကဘဏ်များအပါအဝင် တရားဝင် ငွေလဲ၊ ငွေလွှဲလုပ်ငန်းများအား စည်းကမ်းတင်းကျပ်ခဲ့ရာမှ တရားမဝင်ငွေလဲ၊ ငွေလွှဲလုပ်ငန်းများ ပေါ်ပေါက်လာ ခြင်းဖြစ်သည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
#မန္တလေးတိုင်း
#အောင်မြေသာစံမြို့နယ်
#ငွေလဲလုပ်ငန်း
#သတ်ဖြတ်မှု
#လုယက်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7😁2
ဖယ်ခုံတွင် စစ်ကောင်စီတပ်ဖွဲ့က လက်နက်ကြီးဖြင့်ပစ်ခတ်မှုကြောင့် ၁ ဦးသေဆုံးကာ ၅ ဦး ဒဏ်ရာရ

ဂျူချန်း
မဇ္ဈိမ။ ။ရှမ်းပြည်နယ်တောင်ပိုင်း၊ ဖယ်ခုံမြို့၊ မိုးဗြဲကျေးရွာအုပ်စု အရှေ့ဘက်ကမ်းကျေးရွာများသို့ စစ် ကောင်စီတပ်ဖွဲ့က လက်နက်ကြီးများဖြင့်ပစ်ခတ်ခဲ့ရာ အရပ်သားတစ်ဦးသေဆုံးကာ ငါးဦးအပြင်းအထန် ဒဏ်ရာရရှိခဲ့ကြောင်း KNDF-B3 ၏ ထုတ်ပြန်ချက်အရ သိရသည်။
ဧပြီလ ၂ ရက် နံနက် ၇ နာရီဝန်းကျင်တွင် စစ်ကောင်စီ၏ ခမရ(၄၂၂)မှ မိုးဗြဲအရှေ့ဘက်ကမ်းရှိ ကျေးရွာ များသို့ လက်နက်ကြီးများဖြင့်ပစ်ခတ်ခဲ့ရာ ကျေးရွာအတွင်း လက်နက်ကြီးကျည် ၅၀ လုံးထက်မနည်း ကျရောက်ပေါက်ကွဲခဲ့ကြောင်း သိရသည်။
🤬7👏2❤1
အဆိုပါ လက်နက်ကြီးကျည် ကျရောက်ပေါက်ကွဲမှုကြောင့် အသက် ၅၀ အရွယ်ခန့် ပြည်သူတစ်ဦး ပွဲချင်း ပြီးသေဆုံးခဲ့ကာ ငါးဦး ပြင်းထန်ဒဏ်ရာများ ရရှိခဲ့ကြောင်း သိရသည်။
ထို့ပြင် ကျေးရွာတွင်းရှိ ဘုရားကျောင်းတစ်ကျောင်းနှင့် လူနေအိမ်များလည်း လက်နက်ကြီးကျည် ထိမှန် သဖြင့်ပျက်စီးခဲ့ကြောင်း ထုတ်ပြန်ချက်တွင် ဖော်ပြထားသည်။
စစ်ကောင်စီတပ်က ဖယ်ခုံအရှေ့ဘက်ကမ်းသို့ ယင်းနေ့ ည ၁၀ နာရီဝန်းကျင်တွင် ခမရ(၄၂၂)မှ လက်နက် ကြီးဖြင့် ဆက်လက်ပစ်ခတ်ခဲ့ရာ ကျေးရွာတွင်းသို့ လက်နက်ကြီးကျည် ၁၀ လုံးထက်မနည်း ကျရောက် ခဲ့ပြီး ဒေသခံပြည်သူများမှာ နေရပ်စွန့်ခွာကာ စစ်ဘေးရှောင်နေရကြောင်း ကရင်နီပြည် စစ်ဘေးရှောင် ကူညီစောင့်ရှောက်ရေးကွန်ရက်မှ သိရသည်။
အာဏာသိမ်းပြီးနောက် ၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် မတ်လ ၃၁ ရက်နေ့အထိ ကရင်နီပြည် နယ်တွင် တိုက်ပွဲပေါင်း ၆၅၀ ကြိမ်ဖြစ်ပွားခဲ့ရာ ဘာသာရေးအဆောက်အဦး ၃၃ လုံး၊ နေအိမ် ၁၄၇၃ လုံး ပျက်စီးခဲ့ပြီး ဒေသခံ ၃၁၃ ဦးသတ်ဖြတ်ခံရကာ စစ်ဘေးဒုက္ခသည် ၁၃၄ ဦး သေဆုံးခဲ့ရကြောင်း တိုးတက် သောကရင်နီပြည်သူ့အင်အားစု(PKPF) က ဧပြီလ ၁ ရက်နေ့တွင် ထုတ်ပြန်ထားသည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
#ရှမ်းပြည်နယ်
#ဖယ်ခုံမြို့နယ်
#စစ်ကောင်စီတပ်
#လက်နက်ကြီးပစ်ခတ်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬6❤2😁2
သတင်းချန်နယ်သီးသန့်အဖြစ် ထုတ်လွှင့်နေတဲ့ Mizzima TV Channel မှ အစီစဉ်တွေနဲ့ မိတ်ဆက်ပေးချင်ပါတယ်။

နေ့စဉ်နဲ့အမျှဖြစ်ပျက်နေတဲ့ နောက်ဆုံးရ ပြည်တွင်းပြည်ပသတင်းများ၊ စီးပွားရေးသတင်းများ၊ သတင်းဆောင်းပါးများ၊ ဆွေးနွေးပွဲများ၊ အထူးတွေ့ဆုံမေးမြန်းချက်များနှင့် အစီအစဉ်ပေါင်းများစွာကို ထုတ်လွှင့်ပြသနေတဲ့ Mizzima TV Channel
Mizzima TV channel ကိုတော့ မနက် ၆ နာရီကနေစပြီး ည ၁၂ နာရီအထိ မြန်မာနိုင်ငံနှင့် အာရှနိုင်ငံများသို့ မြန်မာဘာသာဖြင့် ထုတ်လွှင့်ပြသလျက်ရှိပါတယ်။

https://youtu.be/0eVnM_X-kG4
👍7😁2
Media is too big
VIEW IN TELEGRAM
အာဏာသိမ်းကာလအတွင်း ကယားမှာ စစ်တပ်က လေကြောင်းတိုက်ခိုက်မှု ၁၂၀ ကျော် ပြုလုပ်ခဲ့ပြီး တိုက်ပွဲပေါင်း ၆၅၀ ရှိ

Watch more detail - https://www.youtube.com/watch?v=Vc5WLx2E2ng

#Mizzima #VideoNews #shorts #reels
🤬4❤1👏1
​​KIA စစ္သင္တန္းဆင္းဟုစြပ္စြဲကာ ဖမ္းဆီးခံရသည့္ လူငယ္ ၅ ဦးကို ေျမာက္ပိုင္းတိုင္းစစ္ဌာနခ်ဳပ္တြင္ စစ္ေဆးေန

မဇၩိမ။ ။ကခ်င္ျပည္နယ္၊ ျမစ္ႀကီးနားၿမိဳ့တြင္ KIA စစ္သင္တန္းဆင္းဟုစြပ္စြဲကာ ဖမ္းဆီးခံရသည့္ လူငယ္ ငါးဦးကို ေျမာက္ပိုင္းတိုင္းစစ္ဌာနခ်ဳပ္တြင္ စစ္ေဆးေနေၾကာင္း အဆိုပါလူငယ္မ်ားႏွင့္ နီးစပ္သူမ်ားက မဇၩိမကို ေျပာသည္။

ျမစ္ႀကီးနားၿမိဳ့၊ ရမ္ပူရပ္ကြက္တြင္ မတ္လ ၃၀ ရက္ေန႔ ညေနပိုင္းက တက္တူထိုးသည့္ဆိုင္မွ အမ်ိဳးသား ငါးဦးကို ေျမာက္ပိုင္းတိုင္း စစ္ဌာနခ်ဳပ္ လက္ေအာက္ခံ အမွတ္(၄) အထူးကြန္မန္ဒိုအဖြဲ႕က ဖမ္းဆီးခဲ့ျခင္း ျဖစ္သည္။

အဆင့္ျမင့္ အိမ္စီးကားသုံးစီးျဖင့္ မ်က္ႏွာတြင္ အမည္းေရာင္ပုဝါမ်ား စည္းထားေသာ အင္အား ၂၅ ဦးခန႔္ ပါဝင္သည့္ အထူးကြန္မန္ဒိုအဖြဲ႕က ဆိုင္ရွင္အပါအဝင္ လူငယ္လူတစ္စုကို လက္ျပန္ႀကိဳးတုပ္ကာ ဖမ္းဆီး ေခၚေဆာင္ သြားျခင္းျဖစ္သည္ဟု အမည္မေဖာ္လိုေသာ သတင္းရင္းျမစ္က ေျပာသည္။

“အိမ္ရွင္ရဲ့သားကို ေစာင့္ၾကည့္ေနတာၾကာၿပီနဲ႔တူတယ္၊ နာမည္ကိုေခၚၿပီးမွကို တစ္ခါတည္း ဝင္လာတာ၊ အဲ့မွာ က်န္တဲ့လူငယ္ေတြက တက္တူးထိုးဖို့ ေရာက္ေနတာ အကုန္လုံးကို လက္ေနာက္ျပန္ဖမ္းခ်ဳပ္ၿပီး ေခၚသြားတာ၊ ဒီလိုလာဖမ္းတာ ရပ္ကြက္လူႀကီးေတာင္ မသိလိုက္ဘူးတဲ့။ က်ေနာ္တို့သူတို့လည္း သတင္း ရလို့ ေနာက္မွလူႀကီးေတြကိုေမးၾကည့္တာ တိုင္း(စစ္ဌာနခ်ဳပ္) ကို ေခၚသြားတယ္ ေျပာတယ္။ ရဲစခန္းမွာ မရွိဘူးတဲ့” ဟု သတင္းရင္းျမစ္က ေျပာသည္။

ထိုသို့ လာေရာက္ဖမ္းဆီးစဥ္တြင္ ေနအိမ္တြင္ရွိေနေသာ ကားတစ္စီးကို ယူေဆာင္သြားသည့္အျပင္ အဖမ္း ခံရသူမ်ား၏ သတင္းမ်ားကို ဆက္လက္စုံစမ္းျခင္းမျပဳရန္ႏွင့္ စုံစမ္းပါက စုံစမ္းသူကိုပါ ထပ္မံဖမ္းဆီးမည္ ဟု ၿခိမ္းေျခာက္သြားေၾကာင္း သိရသည္။

တပ္တြင္းသတင္းရင္းျမစ္၏အဆိုအရ ဖမ္းဆီးခံလူငယ္မ်ားကို KIA ထံမွ စစ္သင္တန္းဆင္းလူငယ္မ်ားဟု စြပ္စြဲၿပီး စစ္ဌာနခ်ဳပ္ကတိုက္ရိုက္ကိုင္တြယ္သည့္ အထူးအၾကမ္းဖက္ကြန္မန္ဒိုတပ္ရင္းမွ လၽွို့ဝွက္သီးသန႔္ ကိုင္တြယ္စစ္ေဆး‌ေနေၾကာင္း သိရသည္။

ျမန္မာနိုင္ငံတြင္ စစ္တပ္ကအာဏာသိမ္းၿပီးေနာက္ ၂၀၂၃ ခုႏွစ္ မတ္လ ၃၁ ရက္ေန႔အထိ လူေပါင္း ၂၀,၉၄၂ ဦး ဖမ္းဆီးထိန္းသိမ္းခံခဲ့ရၿပီး စစ္ေၾကာေရးတြင္ ေသဆုံးသူမ်ား အပါအဝင္ ၃၁၉၄ ဦးကို စစ္တပ္ က သတ္ျဖတ္ထားေၾကာင္း နိုင္ငံေရးအက်ဥ္းသားမ်ား ကူညီေစာင့္ေရွာက္ေရးအသင္း AAPP က ထုတ္ျပန္ ထားသည္။

စာတည္း။ ။ ေနာင္ေနာင္
စာမူတည္းျဖတ္။ ။ေစာေဖ

#ျမစ္ႀကီးနား
#KIA
#လူငယ္ငါးဦးဖမ္းဆီးခံရ
#mizzimatv

------------------------
လြတ္လပ္တဲ့ မီဒီယာအျဖစ္ ရပ္တည္နိုင္ေရး မဇၩိမကို ဝိုင္းဝန္းကူညီေပးဖို့ ဖိတ္ေခၚပါတယ္။ သင္ရဲ့ ကူညီမွုကို ေအာက္ပါလင့္ကို ႏွိပ္ၿပီး လုပ္ေဆာင္နိုင္ပါတယ္။ https://bit.ly/2VhJ12U
👍2❤1
Business Round Up (3 April 2023)

- ပဋိပက္ခတွေ ဆက်ဖြစ်နေတာကြောင့် မြန်မာ့စီးပွားရေး ဆိုးဆိုးရွားရွားကျဆင်းနေကြောင်း ကမ္ဘာ့ဘဏ်ထုတ်ပြန်
- ကုမ္ပဏီများ နှစ်စဉ်အစီရင်ခံစာတင်ပြရာမှာ ရဲစခန်းထောက်ခံချက်အပါအဝင် ပူးတွဲတင်ပြရမည့်အချက်များကို DICA ထုတ်ပြန်
- ဒေါ်လာဈေး ပြောင်းလဲ သတ်မှတ်ဖို့ အစီအစဉ်မရှိကြောင်း စစ်ကောင်စီ ဗဟိုဘဏ်ထုတ်ပြန်
- သင်္ကြန်ကာလ စားသုံးဆီဈေးမတက်အောင် ပိုမိုတင်သွင်းထားတယ်လို့ ထုတ်ပြန်ပေမယ့်လည်း ဆီဈေးများမြင့်တတ်နေ
- အာဆီယံအဖွဲ့ များကြား ကုန်သွယ်ရာမှာ အမေရိကန်ဒေါ်လာနှင့် ယူရိုငွေကြေးအသုံးပြုမှုတွေကို လျှော့ချဖို့စီစဉ်နေ
- မလေးဝန်ကြီးချုပ်အန်ဝါ၏ တရုတ်ခရီးစဉ်က တရုတ်၏ ပိုမိုရင်းနှီးမြှုတ်နှံမှုများစတင်ရန်ဖြစ်လာဟုဆို

https://youtu.be/UaQ-AWdDLKo
👍5🥱2🔥1
ဧပြီလ ၃ ရက်၊ ညနေ ၄နာရီ Mizzima News Hour မဇ္စျိမသတင်းအစီအစဥ်

00:59- သာစည်အကျဉ်းထောင်လုံခြုံရေး ၂ဦး အနီးကပ်ပစ်ခံရပြီးသေဆုံးတဲ့သတင်း

02:07 - မော့ကနင်ရွာအထွက်တွင် ရွာသား ၂ဦး ပစ်ခတ်ခံရတဲ့သတင်း

03:17 - အကြွေးဝန်ပိနေတဲ့ တရုတ်အိမ်ခြံမြေကုမ္ပဏီ အဲဗားဂရန့်က ကြွေးမြီဆပ်မည့်အစီအစဉ်ကို ပြင်ဆင်ရေးဆွဲလိုက် တဲ့သတင်း အပါအဝင်တခြားအရေးကြီးတဲ့သတင်းတွေနဲ့ စိတ်ဝင်စားဖွယ်သတင်းတွေကို တင်ဆက်သွားမှာပါခင်ဗျာ ။

08:37- စစ်ကောင်စီတပ်ဖွဲ့ရဲ့ လက်နက်ကြီးကျည်ကြောင့် ဒေသခံ ၁ ဦးသေဆုံးပြီး ကလေးငယ်အပါအဝင် ၄ ဦးဒဏ်ရာရ တဲ့သတင်း

https://youtu.be/sqTIUtpZUNo
👍8😁2