Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ဧပြီလ ၅ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍3🔥2
This media is not supported in your browser
VIEW IN TELEGRAM
အိန္ဒိယမှာ ဟိမဝန္တာတောင်တန်းတွေရဲ့
နှင်းထုပြိုကျမှုကြောင့် လူ ၇ ဦးသေဆုံး

#internationalnews #reels #shorts
👍3🔥1😁1
မဇ္ဈိမအတွက် ဗွီအိုအေ သတင်းလွှာ၊ ဧပြီလ ၅ ရက်၊ ၂၀၂၃
======================

လုပ်ငန်းခွင်မှာ စက်ရုပ်တွေကို ပိုတွေ့လာရပါပြီ။ လူမှုကွန်ယက်ပေါ်မှာ လူကြည့်များတဲ့ တမိနစ် သတင်းတိုများနဲ့ စိတ်ဝင်စားစရာ နိုင်ငံတကာသတင်းဆောင်းပါးတွေအပြင် နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ ဧပြီလ ၅ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။

https://youtu.be/jfi2aj4DM-E

#VOA
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍3🔥2
​​သာယာဝတီထောင်မှ နိုင်ကျဉ်း ၁၅ ဦးကို ရိုက်နှက်ပြီး ၁၀ ရက်ကြာ တိုက်ပိတ်
==================

001
(မဇ္စျိမ)။ ။ ပဲခူးတိုင်းဒေသကြီး၊ သာယာဝတီအကျဉ်းထောင်ရှိ နိုင်ငံရေးအကျဉ်းသား ၁၅ ဦးကို ထောင်ဝန်ထမ်းများက ရိုက်နှက်ပြီး ၁၀ ရက်ကြာတိုက်ပိတ်ခဲ့ကြောင်း အကျဉ်းထောင်နှင့် နီးစပ်သူများက သတင်းပေးပို့သည်။

၎င်းတို့မှာ အသက် ၂၁ နှစ်မှ ၂၅ နှစ်အတွင်း အရွယ်ခန့်ရှိကြသည့် တက္ကသိုလ်ကျောင်းသားများဖြစ်ကြပြီး မတ်လ ၂၇ ရက်နေ့မှ စတင်ကာ ၁၀ ရက်ကြာတိုက်ပိတ်ခံရခြင်းဖြစ်သည်။

ရိုက်နှက်ခံရသူများအနက် ကိုရဲထွဋ်ခေါင်၊ ကိုမင်းသူအောင်၊ ကိုစည်သူဟိန်း၊ ကိုအောင်ကြည်သိန်းနှင့် ကိုသက်ပိုင်ဦးတို့မှာ ပြင်းထန်ဒဏ်ရာများရရှိထားကြောင်း သိရသည်။

“ ဒီနေ့တော့ တိုက်ကနေထုတ်ပေးလိုက်ပြီလို့ ကြားတယ်။ ဒဏ်ရာတွေ ဆေးကုသခွင့် ရ၊ မရတော့ မသိသေးဘူး”ဟု နီးစပ်သူက ပြောသည်။

အဆောင် (၅) ရှိ နိုင်ငံရေးအကျဉ်းသူတစ်ဦးကို ပုံစံ မထိုင်တတ်၍ဟုဆိုပြီး စစ်ကောင်စီလက်အောက်ခံ ထောင်ဝန်ထမ်းများက မတ်လ ၁၃ ရက်တွင် ဝိုင်းဝန်းရိုက်နှက်ခဲ့ကြသည်။

ထိုအကျဉ်းသူကို ဆက်လက်မရိုက်နှက်ရန် ဝင်ရောက်တားမြစ်သည့် နောက်ထပ် အကျဥ်းသူတစ်ဦးကိုပါ ထပ်မံရိုက်နှက်ပြီး နှစ်ဦးစလုံးကို တိုက်ပိတ်ခဲ့သည်။

ရိုက်နှက်ခံရမှုကြောင့် ပြင်းထန်ဒဏ်ရာရရှိခဲ့သည့် အကျဉ်းသူနှစ်ဦးကို တိုက်ထဲမှ ထုတ်ကာ ဆေးကုပေးရန် အဆောင် (၃) ရှိ နိုင်ငံရေးအကျဥ်းသားများက ဆန္ဒပြတောင်းဆိုခဲ့ကြသည်။

မတ်လ ၂၇ ရက်နေ့ တန်းပိတ်ချိန်တွင် အထဲမဝင်ဘဲ ဆန္ဒပြခဲ့သည့်အတွက် အဆိုပါအကျဉ်းသား၁၅ ဦးကို ထောင်ဝန်ထမ်းများက ထပ်မံရိုက်နှက်ပြီး တိုက်ပိတ်ခဲ့ခြင်းဟု သိရသည်။

သာယာဝတီထောင်သို့ အသစ်ပြောင်းရွှေ့လာသူများကိုလည်း ထောင်ဝန်ထမ်းများက နေ့တစ်ဝက်ခန့် ပုံစံထိုင်ခိုင်းပြီး ရိုက်နှက်နေကြောင်း၊ လူဦးရေ ၅၀ သာဆန့်သည့် အခန်းတွင် လူဦးရေ၉၀ ခန့်ထည့်ထားကြောင်း အကျဉ်းထောင်နှင့် နီးစပ်သူများကပြောသည်။

အဆိုပါအကျဉ်းထောင်တွင် နိုင်ငံရေးအကျဉ်းသူ၊ အကျဉ်းသားများကို စစ်ကောင်စီလက်အောက်ခံ ထောင်ဝန်ထမ်းများက ရိုင်းပြစွာဆဲဆိုမှုများ၊ ညှဥ်းပန်းနှိပ်စက်မှုများ ပြုလုပ်လေ့ရှိသည့်အပြင် ပြစ်ဒဏ်တွင်မပါဝင်သည့် အလုပ်ကြမ်းများလည်း ခိုင်းစေကြောင်း နီးစပ်သူများက ဆိုသည်။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ စာရင်းများအရ အာဏာသိမ်းချိန်မှစတင်၍ ၂၀၂၃ ခုနှစ် ဧပြီလ ၄ ရက်နေ့အထိ ဖမ်းဆီးချုပ်နှောင်ခြင်းခံထားရသူ ဦးရေ စုစုပေါင်း ၁၇,၃၃၆ ဦး ရှိပြီဖြစ်သည်။

စာတည်း ။ ။ Alden
စာမူတည်းဖြတ်။ ။ အောင်ကျော်ဖြိုး

#သာယာဝတီထောင်
#နိုင်ကျဉ်း
#ရိုက်နှက်
#တိုက်ပိတ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬12👍4👎1👏1💔1
ရေတာရှည်တွင် တိုက်ပွဲဖြစ်ပွားနေပြီး စစ်ကောင်စီတပ်မှ လေကြောင်းတိုက်ခိုက်မှုများပြုလုပ်
==================

ရွှေနွယ်(မဇ္ဈိမ)။ ။ ပဲခူးတိုင်း၊ တောင်ငူခရိုင် ရေတာရှည်မြို့နယ်တွင် စစ်ကောင်စီတပ်နှင့် KNLA၊ PDF ပူးပေါင်းတပ်ဖွဲ့များကြား တိုက်ပွဲများဖြစ်ပွားနေပြီး ဧပြီလ ၄ ရက်နေ့ ညနေပိုင်းတွင်မူ စစ်ကောင်စီတပ်ဘက်မှ လေကြောင်းမှဗုံးလာကြဲသွားသည်ဟု ဒေသတွင်းကာကွယ်ရေးတပ်ဖွဲ့များမှ မဇ္ဈိမကိုပြောသည်။

ရေတာရှည်မြို့နယ် ဆက်ရစ်ရိုးကုန်းကျေးရွာတွင် တပ်စွဲထားသော စစ်ကောင်စီတပ်များအား KNLA နှင့် ပဲခူးတိုင်း PDF ပူးပေါင်းတပ်ဖွဲ့များမှ ဧပြီလ ၃ရက် ညနေ ၆ နာရီအချိန်ခန့်တွင် ဒရုန်းဖြင့် ဗုံးကြဲတိုက်ခိုက်ခြင်း၊ လက်နက်ငယ်များဖြင့် ပစ်ခတ်တိုက်ခိုက်ခြင်းများပြုလုပ်ခဲ့ပြီး စစ်ကောင်စီတပ်ဘက်မှလည်း ပြန်လည်ပစ်ခတ်မှုများရှိခဲ့သောကြောင့် တိုက်ပွဲကြာချိန် တစ်နာရီခွဲခန့် တိုက်ပွဲဖြစ်ပွားခဲ့သည်ဟု သိရသည်။

ထို့နောက် ဧပြီလ ၄ရက်နေ့ နံနက် ၁၀ နာရီ ၄၅ မိနစ်အချိန်ခန့်တွင်မူ ရေတာရှည်မြို့နယ်၊ မိကျောင်းအိုင်အုပ်စု ရွှေသောင်ရွာသစ်၊ ရွှေသောင်ရွာဟောင်း၊ ရတနာကျောက်ပုံကျေးရွာတစ်လျှောက်တွင် တိုက်ပွဲများဆက်လက်ဖြစ်ပွားခဲ့သည်ဟု တောင်ငူခရိုင် PDF 3502 Hunter Rangers 2 အဖွဲ့ တာဝန်ခံမှ မဇ္ဈိမကိုပြောသည်။

"တိုက်ပွဲက အခုလက်ရှိအချိန်အထိ ဖြစ်နေဆဲပါ၊ တိုက်ပွဲက မကြာမကြာဖြစ်နေကျပါ၊ ဒါပေမယ့် ပြီးခဲ့တဲ့ နှစ်ရက်ကတော့ ပြင်းပြင်းထန်ထန်ဖြစ်နေတာပါ၊ သူတို့ဘက်က လေကြောင်းတိုက်ခိုက်မှုတွေအပြင် ရွာသားတွေကိုဖမ်းဆီးပြီး လူသားဒိုင်းလုပ်နေတာတွေပါရှိနေတဲ့အတွက်၊ ကျွန်တော်တို့်ဘက်က နောက်ပြန်ဆုတ်ပေးနေရတဲ့အနေအထားပါ" ဟု PDF 3502 Hunter Rangers 2 အဖွဲ့ တာဝန်ခံမှ ပြောသည်။

စစ်ကောင်စီတပ်များမှ ဧပြီ ၄ ရက်နေ့နံနက်ပိုင်း တိုက်ပွဲပြင်းထန်ပြီးနောက် မွန်းလွဲပိုင်းတွင် ရတနာကျောက်ပုံရွာနှင့် ရွှေသောင်ရွာဟောင်းရွာဘက်သို့ လေယာဉ်များဖြင့် ဗုံးလာကြဲသွားသောကြောင့် အဆိုပါ ကျေးရွာများမှ နေအိမ်များ မီးလောင်ပျက်စီးခဲ့ရကြောင်း သိရသည်။

"သူတို့ဘက်က လေကြောင်းတိုက်ခိုက်မှုတွေ လုပ်သွားတဲ့အတွက် ရတနာကျောက်ပုံနဲ့ ရွှေသောင်ရွာဟောင်းဘက်မှ နေအိမ်တချို့ ပျက်စီးတာ မီးလောင်တာတွေရှိတယ်၊ ဒါ့အပြင် လူသားဒိုင်းအဖြစ် အဖမ်းခံထားရတဲ့ ရွာသားတွေမှာလည်း ထိခိုက်မှုတွေရှိထားပါတယ်" ဟု PDF 3502 Hunter Rangers 2 တာဝန်ခံမှပြောသည်။

တိုက်ပွဲများအတွင်း စစ်ကောင်စီတပ်ဘက်မှ ထိခိုက်သေဆုံးမှုများရှိပြီး တိုက်ပွဲဖြစ်ပွားနေဆဲဖြစ်သည့်အတွက် အရေအတွက် စာရင်းအတိအကျမသိရသေးကြောင်း ဆိုသည်။

ဒေသခံကာကွယ်ရေးပူးပေါင်းတပ်များဘက်မှလည်း ဧပြီလ ၃ ရက်နေ့တိုက်ပွဲတွင် ရဲဘော် သုံးဦး လက်နက်ကြီးစထိမှန်ကာ မစိုးရိမ်ရဒဏ်ရာများရရှိထားကြောင်း သိရသည်။

အဆိုပါတိုက်ပွဲများအတွင်း KNLA နှင့်အတူ ပဲခူးတိုင်း တောင်ငူခရိုင် PDF တပ်ရင်း (၃၅၀၁) လက်အောက်ရှိ တပ်ခွဲများမှ ပူးပေါင်းတိုက်ခိုက်နေကြခြင်းဖြစ်ပြီး ရေတာရှည်မြို့နယ်အတွင်းတွင် လက်ရှိအချိန်အထိ စစ်ဘေးရှောင် ဦးရေ ၃၀၀ နီးပါးရှိနေပြီဖြစ်ကြောင်း သိရသည်။

https://youtu.be/0EPl6qEGKKA

စာတည်း - သန့်ဇော်(သန်လျင်)
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍11🔥2👏1🤬1
Media is too big
VIEW IN TELEGRAM
အီရတ်နဲ့ကာ့ဒ်ကိုယ်ပိုင်အုပ်ချုပ်ခွင့်ရဒေသတို့ကြား
ရေနံတင်ပို့မှုပြန်လည်စတင်ဖို့ သဘောတူလက်မှတ်ရေးထိုး

#internationalnews #reels #shorts
👍9🔥3
လူသားအစားထိုး စက်ရုပ်များ လုပ်ငန်းခွင်ဝင်
==============

လုပ်ငန်းခွင်မှာ စက်ရုပ်တွေကို ပိုတွေ့လာရပါပြီ။ ကိုဗစ်ကပ်ရောဂါကာလ အိမ်ပြင်မထွက်ရချိန်မှာ စက်ရုပ်တွေနဲ့အစားထိုး ပို အလုပ်လုပ်လာကြပါတယ်။ ကမ္ဘာတဝှမ်း အလုပ်သမားမလုံလောက်မှုနဲ့ ကုန်စည်စီးဆင်းမှု နှေးကွေးမှုတွေကြောင့် စက်ရုပ်တွေကို ပိုအသုံးများလာကြောင်း ဥရောပရဲ့ အကြီးဆုံး စက်ရုပ်ဆိုင်ရာညီလာခံစီစဉ်သူက ပြောပါတယ်။ အေပီသတင်းဆောင်းပါးကို မအိသန့်စင် တင်ဆက်ထားပါတယ်။

https://youtu.be/WmrPZTS4VwE

#VOA
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8❤1🔥1
လူမှုကွန်ယက်ပေါ်မှာ လူကြည့်များတဲ့ တမိနစ် သတင်းတိုများ
======================

အနောက်နိုင်ငံထုတ် တင့်ကားနဲ့ စစ်လက်နက် အယောင်ဆောင် ပစ္စည်းတွေတွေကို အဝယ်လိုက်နေပါတယ်။ အင်တာနက်မရှိတဲ့ ကမ္ဘာ့ဒေသတွေကို ကောင်းကင်က လေသင်္ဘောတွေနဲ့ အင်တာနက်ချိန်ဆက်နိုင်ဖို့ အာဖရိကမှာ လုပ်ဆောင်နေပါတယ်။

ဒီလို ဆိုရှယ်မီဒီယာပေါ်မှာ လူကြည့်များတဲ့ တမိနစ်သတင်းတိုလေးတွေကို မအေးသန္တာကျော် စုစည်းတင်ဆက်ထားပါတယ်။

https://youtu.be/k0loyX0-DvU

#VOA
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7🔥1
Business Round Up (05 April 2023)
=================

- အိန္ဒိယနိုင်ငံက နယ်စပ်ကုန်သွယ်မှုမှာ အမေရိကန်ဒေါ်လာအသုံးပြုမှုကို လျှော့ချသည့်အနေဖြင့် ရူပီး/ကျပ် တိုက်ရိုက်လဲလှယ်ခွင့် သဘောတူထား

- ထိုင်းရောက် MOU မြန်မာအလုပ်သမား ၁၀၀၀ ကျော်အလုပ်ဖြုတ်ခံရပြီးနောက် ၃၆၀ ကျော် ထပ်မံအလုပ်ထုတ်ခံရ

- လယ်ယာထွက်ကုန်တင်ပို့မှုမှ ယမန်နှစ်ထက် သန်း ၆၀ ကျော်လျော့ကျ

- တရုတ် နဲ့ ဘရာဇီး နှစ်နိုင်ငံကုန်သွယ်မှုမှာ ပြည်တွင်းသုံးငွေကြေးကိုသာ အသုံးပြုဖို့ သဘောတူ

- အမေရိကန်က ကြက်ငှက်တုပ်ကွေး ကာကွယ်ဆေးသုံးဖို့ စဉ်းစားနေ

https://youtu.be/3IHO05TFm3I

#BusinessRoundUp
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🔥3👏1😢1
This media is not supported in your browser
VIEW IN TELEGRAM
နေတိုးရဲ့တံခါးကိုပိတ်ဆို့ထားဖို့ ပူတင်မတတ်နိုင်ဘူးလို့
စတိုတင်ဘာ့ဂျ်ပြောကြား

#internationalnews #reels #shorts
👍1🔥1😁1
ရွှေကုက္ကိုလ်မြို့သစ်အနီး တိုက်ပွဲပြင်းထန်နေပြီး စစ်တပ်မှလေကြောင်းဖြင့်ပါပစ်ခတ်၊ ဒေသခံများ ထွက်ပြေးနေရ
👍7🔥1👏1
ရွှေကုက္ကိုလ်မြို့သစ်အနီး တိုက်ပွဲပြင်းထန်နေပြီး စစ်တပ်မှလေကြောင်းဖြင့်ပါပစ်ခတ်၊ ဒေသခံများ ထွက်ပြေးနေရ
=================

သွင်ထူးဈာန်၊ YT
(မဇ္ဈိမ) ။ ။ ကရင်ပြည်နယ်၊ မြဝတီမြို့၊ ရွှေကုက္ကိုလ်နယ်မြေအနီးရှိ ထီးကောထောကျေးရွာနှင့် သက္ကာရကျေးရွာဝန်းကျင်တွင် နှစ်ဖက်တိုက်ပွဲပြင်းထန်နေပြီး စစ်တပ်ဘက်မှ လေကြောင်းဖြင့်ပါ ပစ်ခတ်၍ ဒေသခံအများအပြားထွက်ပြေးနေကြရသည်။

ယနေ့ ဧပြီ ၅ ရက်၊ နံနက် ၆ နာရီခန့်မှစတင်ကာ ကရင်လက်နက်ကိုင်ပူးပေါင်းတပ်နှင့် PDF တပ်ဖွဲ့ဝင်များမှ စစ်ကောင်စီလက်အောက်ခံ ကရင်နယ်ခြားစောင့်တပ် (BGF) အခြေစိုက်နေရာများကို ဝင်ရောက်ပစ်ခတ်ခဲ့ခြင်းဟု သိရသည်။

“ မနက်စပြီး ပစ်ခတ်သံကြားတယ်။ BGF ဂိတ် (၁) နေရာတွေရော၊ တခြားနေရာတွေပါ ပစ်ခတ်မှုဖြစ်တာ အဖွဲ့အစုံဝင်တိုက်တယ်လို့ ကြားတယ်။ စစ်တပ်ဘက်ကရော၊ BGF အဖွဲ့တွေပါ အတော်ထိသွားတယ်” ဟု မြေပြင် စစ်ရေးသတင်းအရင်းအမြစ်ကပြောသည်။
တိုက်ပွဲဖြစ်ပွားနေစဉ် နေ့လယ် ၁၂ နာရီခွဲ ဝန်းကျင်အချိန်၌ ရွှေကုက္ကိုလ်နယ်မြေ၊ မဲကနယ်မြေ၊ သင်္ကန်းညီနောင်နယ်မြေတို့ကို စစ်ကောင်စီတပ်မှ Mi 35 တိုက်ခိုက်ရေးရဟတ်ယာဉ်ဖြင့် ပစ်ခတ်ခဲ့သည်။

တိုက်ပွဲတွင် အထိနာနေ၍ စစ်ကောင်စီတပ်မှ လေကြောင်းတိုက်ခိုက်မှုကို ပြုလုပ်ခဲ့ခြင်းဟုလည်း ၎င်းက သုံးသပ်သည်။
“ ရဟတ်ယာဥ် အရင်ဆို တစ်နေရာတည်းကိုပဲ လာပစ်တာ။ အခုက နေရာစုံတွေကို တစ်စီးတည်းနဲ့လာပစ်တာဗျ။ စက်လက်နက်နဲ့ပစ်တယ်၊ ဗုံးလည်းကြဲတယ်၊ မဲကနယ်ရွာဘက်မှာတော့ မီးလောင်နေတယ်။ မဲကနယ်မှာက သူတို့လူ (စစ်ကောင်စီတပ်) တွေပိတ်မိနေတာရှိတယ်။ အဲ့ဒါကို ထွက်ပေါက်ရဖို့ လာကူပေးတာလို့ ပြောလို့ရတယ်” ဟု ပြည်သူ့ကာကွယ်ရေးတပ် (PDF) တပ်ဖွဲ့ဝင်တစ်ဦးက ပြောသည်။

တိုက်ပွဲပြင်းထန်နေပြီး စစ်တပ်မှ လေကြောင်းတိုက်ခိုက်မှုနှင့် လက်နက်ကြီးပစ်ခတ်မှုများပါ ပြုလုပ်လာ၍ ရွှေကုက္ကိုလ်အနီးဝန်းကျင်တွင်နေထိုင်ကြသော ဒေသခံများသည် သောင်းရင်းမြစ်ကို ဖြတ်ကူးကာ ထိုင်းနယ်စပ်သို့ ထွက်ပြေးနေကြကြောင်း သိရသည်။

“ မနက် ၁၀နာရီလောက်ကနေစပြီး ကျနော်တို့ ထွက်ပြေးရတာပဲ၊ အခု ထိုင်းနယ်စပ် သောင်ပြင်မှာနေနေရတယ်။ ပစ်ခတ်တာက လက်နက်ကြီးတွေကအစုံပဲ ရွာတွေထဲလည်းကျတယ်။ နေ့ခင်း ၁၂ ခွဲလောက်မှာ ရဟတ်ယာဉ်နဲ့လာပစ်တာမှာ ရွာသားတွေက မနေရဲကြတော့ဘူး။ အကုန်လုံး ထွက်ပြေးရတယ်။ လူ နှစ်ယောက်ထိတယ်လို့ကြားတယ်။ သေဆုံးမှုရှိလားလို့တော့ မသိသေးဘူး။ အဲ့ဘက်မှာ လမ်းတွေအကုန်ပိတ်ထားကြတယ်” ဟု ဒေသခံတစ်ဦးက ပြောပြသည်။

ရွှေကုက္ကိုလ်မြို့သစ်နှင့် အနီးတစ်ဝိုက်ရှိဒေသခံအများစုသည် သောင်ရင်းမြစ်ကမ်း၊ တချို့သည်လည်း ထိုင်းဘက်ကမ်းအထိ တိမ်းရှောင်နေကြပြီး ရွှေကုက္ကိုလ်မြို့ထဲတွင် ကျန်နေခဲ့သော ဒေသခံအချို့ ရှိသေးကြောင်း သိရသည်။

" တချို့ကတော့ အခြေအနေစောင့်ကြည့်ဦးမယ်ဆိုပြီး နေခဲ့ကြတာပဲ။ လေယာဉ်လည်းလာနေတော့ ပြေးရမှာပဲ။ ကျွန်တော်တို့တော့ ထိုင်းဘက်ကမ်းကိုရောက်ပါပြီ " ဟု ဒေသခံတစ်ဦးက ဆိုသည်။
ရွှေကုက္ကိုလ်မြို့အနီးတိုက်ပွဲဖြစ်ပွားမှုကြောင့် မြို့အတွင်းနှင့် ရပ်ကွက်အတွင်း အဝင် အထွက် လမ်းဆုံများအား အသွားအလာ ကန့်သတ်ထားကြောင်း သိရသည်။

ရွှေကုက္ကိုလ်နယ်မြို့သစ်မြေသည် စစ်ကောင်စီလက်အောက်ခံ ကရင်နယ်ခြားစောင့်တပ် (BGF) ထိန်းချုပ်ရာ နေရာဖြစ်သည်။
၎င်းကို မြို့သစ်စီမံကိန်းဟုခေါင်းစဥ်တပ်ထားသော်လည်း တရုတ်လူမျိုးများ အများစုပါဝင်သည့် ကာစီနိုလောင်းကစားရုံများ၊ လူမှောင်ခိုကူးမှုများဖြင့် အမည်ဆိုးကျော်ကြားနေသည့် နေရာဟု ဒေသခံများက ပြောသည်။

ယခုနှစ် ၂၀၂၃၊ မတ်လ ၂၅ ရက်နေ့မှ စတင်ကာ မြဝတီ၊ သင်္ကန်းညီနောင်၊ ကော့ကရိတ်၊ ကျုံဒိုး၊ ငါးတိုင်၊ ကြာအင်းဆိပ်ကြီး၊ ဘရားသုံးဆူနေရာတို့တွင် စစ်ကောင်စီတပ်နှင့် BGF တပ်တို့ တိုက်ခိုက်ခံနေရသည်။

ရွှေကုက္ကိုလ်တိုက်ပွဲသည် ကရင့်အမျိုးသားအစည်းအရုံး တပ်မဟာ (၇) ထိန်းချုပ်မြေတွင်ရှိပြီး စစ်အာဏာသိမ်းပြီးနောက်ပိုင်း ၎င်းတပ်မဟာအတွင်း ပထမဆုံးအကြိမ် တိုက်ပွဲဖြစ်ပွားခဲ့ခြင်း ဖြစ်သည်။

စာတည်း ။ ။ Alden
စာမူတည်းဖြတ်။ ။ သန့်ဇော်(သန်လျင်)

#ရွှေကုက္ကိုလ်
#BGF
#လေကြောင်းတိုက်ခိုက်
#မြဝတီ
#တိုက်ပွဲပြင်းထန်
#စစ်ဘေးရှောင်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👏12👍7❤2🔥2
​​ပုလဲမြို့နယ် ပန်းရွာ အနီးရှိ M-7 စခန်းကို စစ်ကောင်စီတပ်က လေကြောင်းသုံး၍ ဝင်ရောက်စီးနင်း
===================

လွှမ်းမိုး
(မဇ္ဈိမ)။ ။ စစ်ကိုင်းတိုင်း ၊ ပုလဲမြို့နယ် ၊ အနောက်တောင်ခြမ်းရှိ ပန်းရွာ အနီး အခြေစိုက် ဒေသကာကွယ်ရေးစခန်း တစ်ခုဖြစ်သည့် M-7 စခန်းကို စစ်ကောင်စီတပ်က ယနေ့ ဧပြီလ ၅ ရက် နံနက်ပိုင်း ၉ နာရီခွဲ အချိန်တွင် တိုက်ခိုက်ရေးရဟတ်ယာဉ်များ ဖြင့်ပစ်ခတ်၍ စီးနင်းခဲ့ကြောင်း ပုလဲမြို့နယ် ပ.အ.ဖ တာဝန်ခံ တစ်ဦးထံမှ သိရသည်။

“ Mi-35 တိုက်ခိုက်ရေး ရဟတ်ယာဉ်တစ်စီးဖြင့် စခန်းပတ်ပတ်လည်ကို လက်နက်ကြီးငယ်များ ပစ်ခတ်ပြီး Mi-17 ရဟတ်ယာဉ် နှစ်စီးဖြင့် စစ်အင်အား ၅၀ လောက်ချကာ စခန်းကို စီးနင်းခံလိုက်ရတာ ဖြစ်ကြောင်း” ၎င်း က ဆိုသည်။

ကျနော်တို့ကို ရဟတ်ယာဉ်နဲ့ စစ်အင်အားချပြီး အဝိုင်းခံလိုက်ရသလို ဖြစ်သွားတယ်။ ရုတ်တရက် ထွက်ပြေးကြရတာဖြစ်တဲ့အတွက် ရဲဘော်တွေ ကွဲသွားတယ်။ နောက်ပိုင်း ကျနော်တို့ ဘေးလွတ်ရာကို ရောက်သွားတဲ့ အချိန်မှာ ရဲဘော်တွေကို ကြိုးစားပြီး ဆက်သွယ်တယ်။ ရဲဘော် ခြောက်ဦးကတော့ အခုအချိန်ထိ အဆက်သွယ်မရသေးဘူး ။ ဘေးလွတ်ရာ တစ်နေရာကို ရောက်သွားတာလား ၊ စစ်တပ်ရဲ့ ဖမ်းဆီးခြင်းကို ခံလိုက်ရသလား ဆိုတာတော့ အတည်ပြုလို့မရသေးဘူး” ဟု M-7 စခန်းမှ ထွက်ပြေးလွတ်မြောက်လာသည့် ရဲဘော်များထံမှ သိရသည်။

ထိုကဲ့သို့ စစ်ကောင်စီတပ်က ရဟတ်ယာဉ်ဖြင့် ရုတ်တရက် ဝင်ရောက်စီးနင်း တိုက်ခိုက်မှုများကြောင့် ပုလဲမြို့နယ်အတွင်းရှိ ပန်းရွာ ၊ နွားကူး ၊ တနယ် စတဲ့ ကျေးရွာများမှ လူဦးရေ ၅,၀၀၀ ကျော်ခန့် စစ်ရှောင်နေရကြောင်း သိရသည်။

“ ရုတ်တရက်ကြီး ရဟတ်ယာဉ်သံတွေ ၊ ရဟတ်ယာဉ်ပေါ်က ပစ်ခတ်လိုက်တဲ့ အသံတွေကြောင့် မောဟိုက်ပြီး ရင်တွေတုန်နေတော့တာပဲ။ ဘာပစ္စည်းမှလည်း မယူနိုင်ဘူး၊ ကိုယ့်မိသားစုကို လက်စွဲပြီး ပြေးခဲ့ရတာပါ။ အိမ်တံခါးတွေတောင် ပိတ်ချိန်မရဘူး ။ အိမ်က နွားတွေ ၊ ဝက်တွေ အစာလည်း မကြွေးခဲ့ရဘူး ၊ ဒီအတိုင်း ချည်တိုင်မှာ ချည်ပစ်ထားခဲ့ရတယ်။ လူတွေလည်း ဘာစားစရာမှလည်း ပါမလာဘူး ။ စားချင်စိတ်တွေလည်း မရှိဘူး” ဟု လုံခြုံရေးအရ အမည်မဖော်လိုတဲ့ ဒေသခံ တစ်ဦးက ဆိုသည်။

စာတည်း - သန့်ဇော်(သန်လျင်)

#mizzima
#ပုလဲမြို့နယ်
#Mi35
#တိုက်ခိုက်ရေး
#ရဟတ်ယာဉ်
#ဝင်ရောက်စီးနင်း
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢13👍7🔥2❤1👏1
This media is not supported in your browser
VIEW IN TELEGRAM
ကော်ဖီဆိုင်ပေါက်ကွဲမှုအတွက် သံသယရှိသူကို
ဖမ်းဆီးထားကြောင်း ရုရှားပြော

#internationalnews #reels #shorts
👍4🔥2👏2
ဧပြီလ (၅) ရက်၊ ည ၇ နာရီ The Mizzima Primetime မဇ္စျိမပင်မသတင်း အစီအစဥ်
=========================

- ရွှေကုက္ကိုလ်မြို့သစ်အနီးမှာ တိုက်ပွဲပြင်းထန်တဲ့သတင်း

- ပြည်ထောင်စုရွေးကောက်ပွဲကော်မရှင်(UEC)ကို အကြမ်းဖက်အဖွဲ့အစည်းအဖြစ်သတ်မှတ်ကြောင်း NUG ကြေညာ လိုက်တဲ့သတင်း

- ရွှေဘိုမှာ မိုင်းရှင်းဖို့ ထွက်လာတဲ့ စစ်ကောင်စီတပ်သားတွေ မိုင်းဆွဲခံရပြီး ၂ ဦး သေဆုံးတဲ့ သတင်း

- ထိုင်းရောက် MOU မြန်မာအလုပ်သမား ၁၀၀၀ ကျော်အလုပ်ဖြုတ်ခံရပြီးနောက် ၃၆၀ ကျော် ထပ်မံအလုပ်ထုတ်ခံလိုက်ရတဲ့ အကြောင်း

- အမေရိကန်အစိုးရဟာ ကြက်ငှက်တုပ်ကွေးရောဂါကို ကာကွယ်ဆေးနဲ့ ထိန်းချုပ်ဖို့ စတင်စဉ်းစားလာနေတဲ့ သတင်းနဲ့

- ကော်ဖီဆိုင်ပေါက်ကွဲမှုအတွက် သံသယရှိသူကိုဖမ်းဆီးထားကြောင်း ရုရှားပြောတဲ့ အကြောင်း အပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်ရာ သတင်းတွေကို တင်ဆက်ပေးသွားမှာပါ။

https://www.youtube.com/live/U68Vgox7hxI?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍12🔥2❤1😁1
ရေတာရှည်တွင် တိုက်ပွဲဖြစ်ပွားနေပြီး စစ်ကောင်စီတပ်မှ လေကြောင်းတိုက်ခိုက်မှုများပြုလုပ်
===================

ရွှေနွယ်(မဇ္ဈိမ)။ ။ ပဲခူးတိုင်း၊ တောင်ငူခရိုင် ရေတာရှည်မြို့နယ်တွင် စစ်ကောင်စီတပ်နှင့် KNLA၊ PDF ပူးပေါင်းတပ်ဖွဲ့များကြား တိုက်ပွဲများဖြစ်ပွားနေပြီး ဧပြီလ ၄ ရက်နေ့ ညနေပိုင်းတွင်မူ စစ်ကောင်စီတပ်ဘက်မှ လေကြောင်းမှဗုံးလာကြဲသွားသည်ဟု ဒေသတွင်းကာကွယ်ရေးတပ်ဖွဲ့များမှ မဇ္ဈိမကိုပြောသည်။

ရေတာရှည်မြို့နယ် ဆက်ရစ်ရိုးကုန်းကျေးရွာတွင် တပ်စွဲထားသော စစ်ကောင်စီတပ်များအား KNLA နှင့် ပဲခူးတိုင်း PDF ပူးပေါင်းတပ်ဖွဲ့များမှ ဧပြီလ ၃ရက် ညနေ ၆ နာရီအချိန်ခန့်တွင် ဒရုန်းဖြင့် ဗုံးကြဲတိုက်ခိုက်ခြင်း၊ လက်နက်ငယ်များဖြင့် ပစ်ခတ်တိုက်ခိုက်ခြင်းများပြုလုပ်ခဲ့ပြီး စစ်ကောင်စီတပ်ဘက်မှလည်း ပြန်လည်ပစ်ခတ်မှုများရှိခဲ့သောကြောင့် တိုက်ပွဲကြာချိန် တစ်နာရီခွဲခန့် တိုက်ပွဲဖြစ်ပွားခဲ့သည်ဟု သိရသည်။

ထို့နောက် ဧပြီလ ၄ရက်နေ့ နံနက် ၁၀ နာရီ ၄၅ မိနစ်အချိန်ခန့်တွင်မူ ရေတာရှည်မြို့နယ်၊ မိကျောင်းအိုင်အုပ်စု ရွှေသောင်ရွာသစ်၊ ရွှေသောင်ရွာဟောင်း၊ ရတနာကျောက်ပုံကျေးရွာတစ်လျှောက်တွင် တိုက်ပွဲများဆက်လက်ဖြစ်ပွားခဲ့သည်ဟု တောင်ငူခရိုင် PDF 3502 Hunter Rangers 2 အဖွဲ့ တာဝန်ခံမှ မဇ္ဈိမကိုပြောသည်။

"တိုက်ပွဲက အခုလက်ရှိအချိန်အထိ ဖြစ်နေဆဲပါ၊ တိုက်ပွဲက မကြာမကြာဖြစ်နေကျပါ၊ ဒါပေမယ့် ပြီးခဲ့တဲ့ နှစ်ရက်ကတော့ ပြင်းပြင်းထန်ထန်ဖြစ်နေတာပါ၊ သူတို့ဘက်က လေကြောင်းတိုက်ခိုက်မှုတွေအပြင် ရွာသားတွေကိုဖမ်းဆီးပြီး လူသားဒိုင်းလုပ်နေတာတွေပါရှိနေတဲ့အတွက်၊ ကျွန်တော်တို့်ဘက်က နောက်ပြန်ဆုတ်ပေးနေရတဲ့အနေအထားပါ" ဟု PDF 3502 Hunter Rangers 2 အဖွဲ့ တာဝန်ခံမှ ပြောသည်။

စစ်ကောင်စီတပ်များမှ ဧပြီ ၄ ရက်နေ့နံနက်ပိုင်း တိုက်ပွဲပြင်းထန်ပြီးနောက် မွန်းလွဲပိုင်းတွင် ရတနာကျောက်ပုံရွာနှင့် ရွှေသောင်ရွာဟောင်းရွာဘက်သို့ လေယာဉ်များဖြင့် ဗုံးလာကြဲသွားသောကြောင့် အဆိုပါ ကျေးရွာများမှ နေအိမ်များ မီးလောင်ပျက်စီးခဲ့ရကြောင်း သိရသည်။

"သူတို့ဘက်က လေကြောင်းတိုက်ခိုက်မှုတွေ လုပ်သွားတဲ့အတွက် ရတနာကျောက်ပုံနဲ့ ရွှေသောင်ရွာဟောင်းဘက်မှ နေအိမ်တချို့ ပျက်စီးတာ မီးလောင်တာတွေရှိတယ်၊ ဒါ့အပြင် လူသားဒိုင်းအဖြစ် အဖမ်းခံထားရတဲ့ ရွာသားတွေမှာလည်း ထိခိုက်မှုတွေရှိထားပါတယ်" ဟု PDF 3502 Hunter Rangers 2 တာဝန်ခံမှပြောသည်။

တိုက်ပွဲများအတွင်း စစ်ကောင်စီတပ်ဘက်မှ ထိခိုက်သေဆုံးမှုများရှိပြီး တိုက်ပွဲဖြစ်ပွားနေဆဲဖြစ်သည့်အတွက် အရေအတွက် စာရင်းအတိအကျမသိရသေးကြောင်း ဆိုသည်။

ဒေသခံကာကွယ်ရေးပူးပေါင်းတပ်များဘက်မှလည်း ဧပြီလ ၃ ရက်နေ့တိုက်ပွဲတွင် ရဲဘော် သုံးဦး လက်နက်ကြီးစထိမှန်ကာ မစိုးရိမ်ရဒဏ်ရာများရရှိထားကြောင်း သိရသည်။

အဆိုပါတိုက်ပွဲများအတွင်း KNLA နှင့်အတူ ပဲခူးတိုင်း တောင်ငူခရိုင် PDF တပ်ရင်း (၃၅၀၁) လက်အောက်ရှိ တပ်ခွဲများမှ ပူးပေါင်းတိုက်ခိုက်နေကြခြင်းဖြစ်ပြီး ရေတာရှည်မြို့နယ်အတွင်းတွင် လက်ရှိအချိန်အထိ စစ်ဘေးရှောင် ဦးရေ ၃၀၀ နီးပါးရှိနေပြီဖြစ်ကြောင်း သိရသည်။

https://youtu.be/wCk1-LPXJf4

စာတည်း - သန့်ဇော်(သန်လျင်)

#mizzima
#ရေတာရှည်မြို့နယ်
#စစ်ကောင်စီ
#KNLA
#PDF

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9😁3
​​စွမ်းအင်အသွင်ကူးပြောင်းရေးအတွက် အာဆီယံက ဒေါ်လာ ၂၉ ထရီလီယံကျော် လိုအပ်မည် 
=====================

အရှေ့တောင်အာရှနိုင်ငံများအသင်း အာဆီယံအနေဖြင့် ကမ္ဘာ့ကာဗွန်ထုတ်လွှတ်မှု ကင်းစင်ရေး ရည်မှန်းမှတ်အား ရရှိရန် မျိုးစုံသော ရင်းမြစ်များမှ ကာဗွန်ထုတ်လွှတ်မှု နည်းပါးသော နည်းပညာများနှင့် အတိုးနှုန်းနည်း ရန်ပုံငွေ ထောက်မမှုများ ရရှိရန် လိုအပ်လိမ့်မည်ဟု အင်ဒိုနီးရှား စွမ်းအင်ဝန်ကြီး အာရီဖင်း တာစရစ်က ပြောကြောင်း Vietnam Investment Review က သတင်းဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍2🔥2
​​ဘိုင်ဒင်အစိုးရလက်ထက်တွင် ကမ္ဘာကြီးသည် နျူကလီးယား တတိယကမ္ဘာစစ်နှင့် ရင်ဆိုင်ရနိုင်ဟု ထရမ့် သတိပေး
====================

လက်ရှိအမေရိကန်သမ္မတ ဂျိုးဘိုင်ဒင် အစိုးရ တာဝန်ယူစဉ်ကာလတွင် ကမ္ဘာကြီးသည် နျူကလီးယား တတိယကမ္ဘာစစ်ကို ရင်ဆိုင်ရဖွယ်ရှိကြောင်း အမေရိကန်သမ္မတဟောင်း ဒေါ်နယ်ထရမ့်က ပြောကြားပြီး လက်ရှိအမေရိကန်အစိုးရသည် နိုင်ငံကို ဖျက်ဆီးနေသည်ဟု စွပ်စွဲလိုက်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🥰6👍3❤2👏2🔥1
ဧပြီလ (၀၅) ရက်၊ ဗုဒ္ဓဟူးနေ့ ညပိုင်း မဇ္ဈိမရေဒီယို အစီအစဉ်
=====================

ဒီကနေ့ည နားဆင်ရမယ့် အစီစဉ်တွေကတော့ ...

ကုလသမဂ္ဂအဖွဲ့ဝင်နိုင်ငံတွေအနေနဲ့ အာဏာသိမ်းစစ်ကောင်စီကို လက်နက်မရောင်းဖို့ တိုက်တွန်းလိုက်တဲ့သတင်းနဲ့အတူ လေကြောင်းက ဗုံးကြဲတိုက်ခိုက်မှုတွေကြောင့် သက်ကြီးရွယ်အိုအတော်များများ နေရပ်စွန့်ခွာထွက်ပြေးနေရတယ်လို့ သံအမတ်ကြီး ဦးကျော်မိုးထွန်းက နယူးယောက်မြို့အခြေစိုက် ကုလသမဂ္ဂဌာနချုပ်မှာ ပြောဆိုလိုက်တဲ့သတင်းအပါအဝင် တခြားစိတ်ဝင်စားဖွယ် ပြည်တွင်းသတင်းတွေနဲ့ နောက်ဆုံးရ နိုင်ငံတကာသတင်းတွေကို နားဆင်ကြရမှာပါ။
အဲ့ဒီနောက်မှာတော့ Spring University က ပေးပို့တဲ့ အစီအစဉ်ကို နားဆင်ရမှာပါ။
သတင်းတွေအပြီးမှာတော့ ရေဒီယိုသတင်းဆောင်းပါးကို ဆက်လက်နားဆင်ရမှာဖြစ်ပါတယ်။
....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။
ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/h8zky7RoYJI

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍12😁2