Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
Business Roundup (7 April 2023)
==============

- မိုင်းပေါက်ကွဲမှုများကြောင့် သေဆုံးထိခိုက်သူ ၃၄ ရာခိုင်နှုန်းမှာ ကလေးငယ်များဖြစ်ကြောင်း UNICEF ထုတ်ပြန်

- သင်္ကြန်အကြိုကာလ စက်သုံးဆီဈေးမြင့်တတ်နေပြီး လုပ်ငန်းသုံး မီးစက်များအတွက် ဒီဇယ်ဆီဝယ်ရခက်ခဲနေ

- ထိုင်းနိုင်ငံမှ အလုပ်ထုတ်ခံရသည့် မြန်မာ လုပ်သား ၁၀၀၀ ကျော်ကို လျော်ကြေးပေးပြီး နေရပ်ပြန်လိုသူများအား ပြန်ပို့မည်ဟုဆို

- ဂျပန်တွင် ကြက်ငှက်တုပ်ကွေးရောဂါဖြစ်ပွားမှု အခြေအနေ အလွန်ဆိုးရွားနေ

- သင်္ကြန်ရက်သတ္တတစ်ပတ်အတွင်း ထိုင်းနိုင်ငံသို့ ခရီးသည် ၂ ဒဿမ ၃၇သန်း ဝင်ရောက်မည်ဟု ခန့်မှန်း

https://youtu.be/L9Edzmg-NAw

#BusinessRoundUp

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁5👍4
This media is not supported in your browser
VIEW IN TELEGRAM
လက်ဘနွန်ဘက်က ဒုံးကျည်တွေပစ်လွှတ်အပြီးမှာ အစ္စရေးအနေနဲ့
မိမိကိုယ်ကို ခုခံကာကွယ်ပိုင်ခွင့်ရှိကြောင်း အမေရိကန်က ပြောကြား

#InternationalNews #VideoNews #shorts #reels
👍8🔥3👏2🥰1
​​ကနီမြို့နယ် အနီးကပ်တိုက်ပွဲတွင် စစ်ကောင်စီတပ်ဖွဲ့ဝင် ၃ ဦးသေဆုံး
======================

MTO
မဇ္ဈိမ။ ။ စစ်ကိုင်းတိုင်း၊ ယင်းမာပင်ခရိုင် ကနီမြို့နယ် အလယ်ကျွန်းရွာတွင် ဧပြီလ ၄ ရက်နေ့က စစ်ကောင်စီတပ်ဖွဲ့ဝင်များနှင့် ပျူစောထီးပူးပေါင်းစစ်ကြောင်းနှင့် အနီးကပ်တိုက်ပွဲဖြစ်ပွားခဲ့ရာ စစ်ကောင်စီတပ်ဘက်မှ သုံးဦး သေဆုံးသွားကြောင်း Anti-Dictatorship Revolution Army DRPA အဖွဲ့မှ တာဝန်ရှိသူတစ်ဦးက ပြောသည်။

၎င်းက “ တိုက်ပွဲက တစ်နာရီခွဲဝန်းကျင်လောက်ကြာတယ်၊ အပြန်အလှန် ပစ်ခတ်ရင်းနဲ့ စစ်ကောင်စီတပ်ဘက်က သုံးယောက်ကျတယ်၊ သယ်ထုတ်သွားတာတွေ မြင်လိုက်ရတယ်၊ အဲ့ဘက်မှာရှိတဲ့ ကျနော်တို့ လူကလည်း အတည်ပြုပေးထားတယ်” ဟု ပြောသည်။
အလယ်ကျွန်းပျူရွာနှင့် DRPA တပ်စခန်းအကြား မိုင်းကွင်းများဖော်ဆောင်ထားပြီး စစ်ကောင်စီတပ်များသည် မိုင်းကွင်းကို ဖြတ်သန်းစစ်ကြောင်းထိုးနိုင်ရန် မိုင်းကွင်းအတွင်းသို့ နွားများစေလွှတ်ခဲ့ရာ နွားသုံးကောင်သေဆုံးသွားပြီး ကျွံထွက်လာသည့် နွားလေးကောင်ကိုတော့ သိမ်းယူထား လိုက်ကြောင်း DRPA အဖွဲ့ ကတာဝန်ရှိသူက ပြောသည်။

“ စစ်ကြောင်းထိုးဖို့လာတာ မိုင်းကွင်းရှိမှန်းသိတော့ နွားတွေကို အရင်ဖြတ်ခိုင်းတာ နွား ၁၆ ကောင်ကို အရင်ဖြတ်ခိုင်းတာ နွာလေးကောင်က ဒီဘက်ကိုကျော်လာလို့ သိမ်းထားလိုက်တယ် နွား သုံးကောင်ကတော့ မိုင်းကွင်းဖြတ်ရင်းနဲ့ မိုင်းပေါက်ပြီးသေသွားတယ်၊ မိုင်းပေါက်တဲ့အချိန်မှာပဲ တိုက်ပွဲစဖြစ်တာပဲ “ ဟုပြောသည်။

စစ်ကောင်စီတပ်များနှင့် အပြန်အလှန်ပစ်ခတ်မှုအတွင်း ကာကွယ်ရေးရဲဘော်တစ်ဦး သေနတ်ကျည်ညှပ် ယမ်းပေါက်ကွဲကာ ထိခိုက်ဒဏ်ရာရရှိခဲ့သော်လည်း စိုးရိမ်စရာမရှိကြောင်း DRPA က တာဝန်ရှိသူက ဆိုသည်။

ပြီးခဲ့သည့် မတ်လ ၃၀ ရက်နေ့ကလည်း ကနီမြို့နယ် အနောက်ဖက်ခြမ်းတွင် ကင်းပုန်းဝပ်နေသည့် စစ်ကောင်စီတပ်ဖွဲ့ဝင်များနှင့် ဒေသကာကွယ်ရေးတပ်ဖွဲ့များအကြား ထိတွေ့တိုက်ပွဲဖြစ်ပွားခဲ့ရာ စစ်ကောင်စီတပ်ဖွဲ့ ဝင် နှစ်ဦးသေဆုံးသွားကြောင်း DRPA က ထုတ်ပြန်ကြေညာထားသည်။

စာတည်း - သန့်ဇော်(သန်လျင်)

#mizzima
#ကနီမြို့နယ်
#အနီးကပ်တိုက်ပွဲ
#စစ်ကောင်စီတပ်ဖွဲ့
#DRPA
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11🥴2👏1
ဧပြီလ ၇ ရက်နေ့၊ ည ၇ နာရီ၊ The Mizzima Primetime မဇ္စျိမ ပင်မသတင်းအစီအစဥ်
==========================

-ကုလလူ့အခွင့်အရေး ကောင်စီရဲ့ ဆုံးဖြတ်ချက်အဆိုကို စစ်ကောင်စီ ကန့်ကွက်တဲ့သတင်း

-ဒေါက်တာ ခလမ်ဆမ်ဆွန်ကို ထောင် ၆ နှစ်ချ တဲ့သတင်း

-ရေပိုင်နက်အတွင်း တရုတ်ရဲ့ဝင်ရောက်နှောက်ယှက်မှုကိုတားဆီးဖို့ လုပ်ဆောင်နေကြောင်း ထိုင်ဝမ်ပြော တဲ့သတင်း

-သင်္ကြန်ရက်သတ္တတစ်ပတ်အတွင်း ထိုင်းနိုင်ငံသို့ ခရီးသည် ၂ ဒဿမ ၃၇သန်း ဝင်ရောက်မည်ဟု ခန့်မှန်း တဲ့သတင်း

-ညနေ ၅ နာရီအထိ ရရှိထားတဲ့ငွေလဲနှုန်း၊ ရွှေစျေး၊ စက်သုံးဆီစျေး နဲ့ စားအုန်းဆီစျေးတွေအပါအဝင် အခြားစိတ်ဝင်စားဖွယ် သတင်းတွေနဲ့ အရေးကြီး သတင်းတွေကို တင်ဆက်ပေးသွားမှာပါ ။

https://www.youtube.com/live/49fWmrTf0vE?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8😁2
ဧပြီလ (၇) ရက်၊ သောကြာနေ့ ညပိုင်း မဇ္ဈိမရေဒီယိုအစီအစဉ်
==================

ဒီကနေ့ည နားဆင်ရမယ့် အစီစဉ်တွေကတော့ ...

စစ်ကောင်စီရဲ့ နျူကလီးယားဓာတ်ပေါင်းဖိုတည်ဆောက်မှုကို နိုင်ငံတကာအနေနဲ့ အလေးထားစောင့်ကြည့်ဖို့ သံအမတ်ကြီးဦးကျော်မိုးထွန်းကတိုက်တွန်းလိုက်တဲ့သတင်းနဲ့အတူ မြဝတီ-ကော့ကရိတ် အာရှလမ်းမကြီးကို နှစ်ပတ်ကြာဖြတ်သန်းသွားလာတာမလုပ်ဖို့ လက်နက်ကိုင်တော်လှန်ရေးတပ်ဖွဲ့တွေက ကြေညာလိုက် တဲ့ သတင်းအပါအဝင် နောက်ဆုံးရ ပြည်တွင်းသတင်းတွေနဲ့နိုင်ငံတကာသတင်းတွေကို နားဆင်ရပါမယ်။

အဲ့ဒီနောက်မှာတော့ စီးပွားရေးသတင်းတွေကို နားဆင်ကြရဖို့ရှိပါတယ်။

သတင်းတွေအပြီးမှာတော့ မြန်မာနိုင်ငံရဲ့ တော်လှန်ရေးကာလအတွင်း ပညာရေးနဲ့ကျန်းမာရေးဝန်ကြီးဌာန ရဲ့ ပြန်လည်ထူထောင်ရေးလပ်ငန်းစဉ်များနဲ့ရပ်တည်ချက်များကို အမျိုးသားညီညွတ်ရေးအစိုးရ ပညာရေးနဲ့ ကျန်းမာရေးဝန်ကြိးဌာန ပြည်ထောင်စုဝန်းကြီး ဒေါက်တာဇော်ဝေစိုး ကို မေးမြန်းထားတဲ့ အစီအစဉ်ထဲက ကောက်နုတ်ချက်ကို နားဆင်ရမှာပါ။

....................................................
မဇ္ဈိမရေဒီယို ညနေပိုင်းအစီအစဉ်ကို မတ်လ ၂၆ ရက်နေ့ကစပြီး Frequency ပြောင်းလဲထုတ်လွှင့်နေတာဖြစ်တဲ့အတွက် ယခင်ဖမ်းယူနေကျ လှိုင်းတိုမီတာ ၁၆ မီတာ ၊ ၁၇.၇၃ မီဂါဟဇ်ကနေ လှိုင်းတိုမီတာ ၁၃ မီတာ၊ ၂၁.၇၁ မီဂါဟဇ်ကို ပြောင်းလဲဖမ်းယူနားဆင်ကြဖို့အတွက် မေတ္တာရပ်ခံအပ်ပါတယ်။
ဖမ်းယူနားဆင်နိုင်မယ့်အချိန်ကတော့ ထုတ်လွှင့်နေကျဖြစ်တဲ့ မြန်မာစံတော်ချိန် ညနေ ၆ နာရီခွဲကနေ ၇ နာရီခွဲအတွင်း ဖမ်းယူနားဆင်နိုင်မှာပဲဖြစ်ပါတယ်။

https://youtu.be/iZcSozy9AdQ

#Mizzimaradio
#Eveningradio


-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8😁2
​​ရခိုင်မှာ နိုင်ငံရေးအမြတ်ထုတ်ဖို့ကြိုးစားနေတဲ့ စစ်ခေါင်းဆောင် (ဆောင်းပါး)
=======================

ဒီဘက်နှစ်ထဲမှာ အာဏာသိမ်း စစ်ခေါင်းဆောင်ဟာ ရခိုင်ပြည်နယ်ကို တစ်လတစ်ခေါက်နှုန်းလောက်သွားနေတာ တွေ့ရပါတယ်။ ၂၀၂၃ ခုနှစ် ဇန်နဝါရီ ၁၉ ရက်မှာ ရခိုင်ပြည်နယ်၊ သံတွဲမြို့ကိုစတင်သွားရောက်ခဲ့ပြီး ဖေဖော်ဝါရီလ ၂၆ ရက်နဲ့ မတ်လ ၃၀ ရက်တို့မှာ စစ်တွေမြို့ကို သွားရောက်ခဲ့တာဖြစ်ပါတယ်။ အာဏာသိမ်း စစ်ခေါင်းဆောင်ရဲ့ ရခိုင်ပြည်နယ်ခရီးစဉ်တွေဟာ သာမန်အခြေအနေမျိုးတော့မဟုတ်ပါဘူး။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍10💩5❤1👏1🤬1
​​ဟွန်ဆန်၏ သားက ဇူလိုင်ရွေးကောက်ပွဲ၌ ဝင်အရွေးခံမည် 
=====================

အနာဂတ် ဝန်ကြီးချုပ်အဖြစ် ကမ္ဘောဒီးယား ပြည်သူ့ပါတီက အတည်ပြုထားပြီးဖြစ်သည့် ဟွန်မန်နက်သည် အမျိုးသားလွှတ်တော်အတွက် ဇူလိုင် ၂၃ ရက် ရွေးကောက်ပွဲများတွင် ပါတီ၏ စာရင်းပါ ကိုယ်စားလှယ်လောင်း ၁၂ ဦး၌ ပထမဆုံး ကိုယ်စားလှယ်အဖြစ် Kyodo News သတင်းဌာနက မိတ္တူမြင်ခဲ့ရသည့် ဆုံးဖြတ်ချက်ချသော စာတွင် ဖော်ပြထားသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍3👎2🔥2
​​ကြံခင်းမြို့နယ်တွင် စကြဝတေးမင်းကြီး သပိတ်ကော်မတီက (၄၄ )ကြိမ်မြောက် ဆန္ဒထုတ်ဖော်
=======================

မင်းထက်
(မဇ္စျိမ)။ ။ဧရာဝတီတိုင်း ၊ကြံခင်းမြို့နယ်တွင် ယနေ့ ဧပြီလ ၇ ရက်နေ့ မွန်းလွဲပိုင်းအချိန်က "ပြည်သူတွေရဲ့တောက်ခေါက်သံ၊ အာဏာရှင်ရဲ့ သေနတ်သံထက် ပြင်းထန်တယ်။

ခေတ်ဟောင်းကိုဖြို၊ ခေတ်သစ်ကိုထူမယ်"စာတန်းအား ကိုင်စွဲကာ စစ်အာဏာရှင်ဆန့်ကျင်ရေး လှုပ်ရှားမှု ပြုလုပ်ခဲ့ကြောင်းသိရသည်။
အဆိုပါ ဆန္ဒထုတ်ဖော်မှုကို စကြဝတေးမင်းကြီး သပိတ်ကော်မတီက ပြုလုပ်ခဲ့ခြင်းဖြစ်ပြီး ကြံခင်းမြို့ပေါ်တစ်နေရာ၌ ဆန္ဒထုတ်ဖော်ခဲ့ခြင်းဖြစ်သည်ဟု သပိတ်ကော်မတီဝင်တစ်ဦးက ပြောသည်။

စကြဝတေးမင်းကြီး သပိတ်ကော်မတီသည် ၂၀၂၃ ခုနှစ်၊ ဇန်နဝါရီလမှ စတင်ကာ စစ်အာဏာရှင် ဆန့်ကျင်ရေးသပိတ်များပြုလုပ်နေသည့် အဖွဲ့ဖြစ်ပြီး ယနေ့ ဆန္ဒထုတ် ဖော်မှုသည် အဆိုပါသပိတ်ကော်မတီ၏ (၄၄)ကြိမ်မြောက် ဆန္ဒထုတ်ဖော်မှုဖြစ်သည်ဟု သိရသည်။

စာတည်း။ ။ အောင်ကျော်ဖြိုး
# Mizzima

#စကြဝတေးမင်းကြီး
# (၄၄)ကြိမ်မြောက် ဆန္ဒထုတ်ဖော်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤11👍4😁3
​​နွေဦးတော်လှန်ရေး နေ့စဉ် မှတ်စု (၇ ဧပြီ ၂၀၂၃ ) 
===================

ကရင်ပြည်နယ်တွင် စစ်ကောင်စီနှင်၎င်းလက်အောက်ခံ BGF များ အသေများနေပြီး ကားဖြင့်တိုက်ယူရ လောက် သည်ထိ အလောင်းများပုံနေသည်ကိုတွေရသည်။ ယင်းအပြင်တိုက်ပွဲများကြောင့် ရွှေက္ကိုလ် ဒေသမှ ပြည်သူ ၆ထောင်ကျော်သည် ထိုင်းနိုင်ငံဘက်အခြမ်းကို ထွက်ပြေးတိမ်းရှောင်နေရပြီး အရေးပေါ် အကူအညီများလိုအပ်နေသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7😁2❤1
​​ဖမ်းဆီးခံ ကြို့ပင်ကောက်မြို့နယ် NLD လွှတ်တော်အမတ်အား ပေါင်းတည်ထောင်သို့ပို့
====================

ရွှေနွယ်
(မဇ္ဈိမ) ။ ။ ပဲခူးတိုင်းအနောက်ခြမ်း သာယာဝတီခရိုင် ကြို့ပင်ကောက်မြို့နယ်တွင် ဧပြီလ ၄ ရက်နေ့က ဖမ်းဆီးခံရသော ရွေးကောက်ပွဲအနိုင်ရ NLD ပြည်သူ့လွှတ်တော်အမတ် ဦးဌေးမင်းသိန်းအား ယနေ့ ဧပြီလ ၇ ရက်နေ့တွင် ပေါင်းတည်ထောင်သို့ ရွှေ့ပြောင်းထားကြောင်း နီးစပ်ရာအသိုင်းအဝိုင်းထံမှ သိရသည်။

ဧပြီလ ၄ ရက်နေ့ နေ့လယ်ပိုင်းတွင် ကြို့ပင်ကောက်မြို့နယ် စျေးချိုတောင်ရပ်ကွက်၊ ပွဲစားတန်းလမ်း နေအိမ်၌ ရှိနေသော ဦးဌေးမင်းသိန်းအား စစ်ကောင်စီတပ်သားများမှ အရပ်ဝတ်နှင့် ဆိုင်ကယ်များဖြင့်လာရောက်ဖမ်းဆီးသွားပြီးနောက် ပြည်မြို့ ဒေသကွပ်ကဲရေးစစ်ဌာနချုပ်သို့ခေါ်ဆောင်သွားခဲ့သည်ဟု ဦးဌေးမင်းသိန်းနှင့်နီးစပ်ရာအသိုင်းအဝိုင်းကပြောသည်။

"ပြည် ဒကစ ကနေ ကြို့ပင်ကောက် ရဲစခန်းကိုပြန်ခေါ်ပြီးမှ ပေါင်းတည်ထောင်ကို ရွှေ့တယ်လို့သိရပါတယ်။ လောလောဆယ် ၅၀၅/၁၇(၁) (မတရားအသင်းအက်ဥပဒေပုဒ်မ) ကပ်တယ်လို့ အကြမ်းဖျင်းသိရပါတယ်” ဟု နီးစပ်ရာအသိုင်းအဝိုင်းမှ ပြောသည်။
ဦးဌေးမင်းသိန်းသည် ၂၀၁၅ ရွေးကောက်ပွဲနှင့် ၂၀၂၀ ရွေးကောက်ပွဲတို့တွင် ကြို့ပင်ကောက်မြို့နယ် မဲဆန္ဒနယ်၌အနိုင်ရရှိထားသော ပြည်သူ့လွှတ်တော်ကိုယ်စားလှယ်ဖြစ်သည်။

ဦးဌေးမင်းသိန်းသည် စစ်အာဏာသိမ်းစ ကာလများတွင် ခေတ္တတိမ်းရှောင်ခဲ့သော်လည်း နောက်ပိုင်းတွင် ၎င်း၏ ကြို့ပင်ကောက်မြို့နေအိမ်တွင်ပင်ပြန်လည်နေထိုင်နေပြီး ၎င်း၏နေအိမ်တွင်ပင် ဖမ်းဆီးခံခဲ့ရခြင်း ဖြစ်သည်။

ဒေသခံများမှ ဦးဌေးမင်းသိန်းမှာ စစ်ကောင်စီထံတွင် အာမခံပြုလုပ်ပြီး နေအိမ်တွင်ပြန်လည်နေထိုင်နေခြင်းဖြစ်သည်ဟု ဆိုကြသော်လည်း လက်ရှိတွင် မည်သည့်အတွက်ဖမ်းဆီးခံရခြင်းဖြစ်ကြောင်း အသေးစိတ်မသိရသေးပေ။

စစ်ကောင်စီသည် နိုင်ငံတော်အာဏာသိမ်းပြီးနောက် မတ်လ ၂၉ရက်အထိ ပါတီဝင် ၁,၂၃၅ ဦးကို ဖမ်းဆီးခဲ့ကြောင်း၊ ပါတီဝင်၂၆ ဦးသည် စစ်ကြောရေးစခန်းများနှင့် ထောင်တွင်းတွင် ကျဆုံးခဲ့ရပြီး အကြောင်းမဲ့ သတ်ဖြတ်ခံရသူ ၆၃ ဦး ရှိကြောင်း အမျိုးသားဒီမိုကရေစီအဖွဲ့ချုပ် ဗဟိုအလုပ်ကော်မတီက မတ်လ ၂၉ ရက်တွင် ထုတ်ပြန်ထားသည်။

စာတည်း - သန့်ဇော်(သန်လျင်)

#mizzima
#သာယာဝတီခရိုင်
#စစ်ကောင်စီ
#နိုင်ငံတော်အာဏာ
#ကြို့ပင်ကောက်မြို့နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥2👏1
မန္တလေးသင်္ကြန်ရေကစားမဏ္ဍပ်များတွင် ပုဂ္ဂလိကအလုပ်ရုံဝန်ထမ်းများ အလှည့်ကျရေကစားပေးရန် ဖိအားပေးခြင်းများရှိနေဟုဆို
❤5🤮3🥱3👍1😁1
မန္တလေးသင်္ကြန်ရေကစားမဏ္ဍပ်များတွင် ပုဂ္ဂလိကအလုပ်ရုံဝန်ထမ်းများ အလှည့်ကျရေကစားပေးရန် ဖိအားပေးခြင်းများရှိနေဟုဆို
====================

007
(မဇ္စျိမ) ။ ။စစ်ကောင်စီသည် မန္တလေးသင်္ကြန်ပွဲ စည်ကားစေရန် ပုဂ္ဂလိကအလုပ်ရုံ ၀န်ထမ်းများကိုပါ အလှည့်ကျပါ၀င် ရေကစားကြရန် ဖိအားပေးခိုင်းစေနေကြောင်း ဒေသတွင်းသတင်းများအရ သိရသည်။

"စီးပွားရေးလုပ်ငန်းရှင်ကြီးတွေကို မဏ္ဍပ်တစ်ခု မဆောက်မနေရ ဆောက်ခိုင်းတယ်၊ အလုပ်ရုံတွေမှာ ၀န်ထမ်းအင်အားစာရင်း လိုက်ကောက်ပြီး အလှည့်ကျ ရေကစားခိုင်းထားတယ် ၊ တချို့နယ်ပြန်ချင်ပေမယ့်လည်း စာရင်းထဲပါလို့ မပြန်ရတာတွေရှိတယ်၊ သူတို့ဌာနဆိုင်ရာတွေနဲ့ မလုံလောက်လို့ ပုဂ္ဂလိက ၀န်ထမ်းတွေကိုပါ ချောဆွဲတဲ့သဘောပါပဲ" ဟု လုပ်ငန်းရှင်အသိုက်အ၀န်းနှင့် နီးစပ်သူတစ်ဦးကပြောသည်။

စစ်ကောင်စီသည် ယမန်နှစ် မန္တလေးသင်္ကြန်ပွဲ၌ ပြည်သူပါ၀င်ခြင်း မရှိခဲ့သဖြင့် ယခုနှစ်တွင် ပြည်သူများ ပူးပေါင်းပါ၀င်လာစေရန် နည်းလမ်းပေါင်းစုံဖြင့်ကြိုးပမ်းနေသည်ကို တွေ့ရသည်။

"မနှစ်ကအတွေ့အကြုံကိုကြည့်ပြီး ဒီနှစ်အတွက် ဖိအားပေး ပြင်ဆင်လာတာ တွေ့ရတယ်၊ မနှစ်က တစ်မြို့လုံး ခြောက်ကပ်ခဲ့တယ်၊ ဒီနှစ်တော့ အထိုက်အလျောက်ထက်ကို ပိုပြီးစည်ကားလိမ့်မယ်ထင်တယ်၊ စီးပွားရေးသမားက ငြင်းမရတဲ့အခက်အခဲကြောင့် ၀င်ပါရပေမယ့် ပြည်သူက မပါ၀င်ချင်ရင် မပါ၀င်ဘဲနေနိုင်တာမို့လို့ ဒီတစ်နှစ် လည်း ထပ်ပြီးသီးခံသင့်တယ်" ဟု စီးပွားရေးလုပ်ငန်းရှင်တစ်ဦးက ပြောသည်။

မန္တလေးသင်္ကြန်ပွဲကို စည်ကားသိုက်မြိုက်စွာ ကျင်းပနိုင်ရန် မတ်လကုန်ပိုင်းမှစ၍ ပြင်ဆင်ခဲ့ခြင်းဖြစ်ပြီး ပြည်သူ လူထုပါ၀င်လာစေရန် ရည်ရွယ်ချက်ဖြင့် အနုပညာရှင်များဖြင့် စည်းရုံးနေသည်ကိုလည်း တွေ့ရသည်။

ပြည်သူအတွက် စစ်အာဏာရှင်ကို အသက်စွန့်တော်လှန်နေသော ပြည်သူ့ကာကွယ်ရေး ပြောက်ကျားတပ်ဖွဲ့များက စစ်ကောင်စီ၏ သင်္ကြန်ပွဲများတွင် ပြည်သူက မပူးပေါင်းမပါ၀င်ခြင်းဖြင့် ဆန္ဒထုတ်ဖော်ကြရန် တိုက်တွန်းနှိုးဆော် ထားကြသည်။

"မပျော်ပါနဲ့ လို့လည်း မပြောချင်ပါဘူး၊ ပျော်တော့ပျော်ကြပါ တိုးတိုးတိတ်တိတ်ပျော်ပေးကြဖို့ပါ၊ လိုင်းပေါ် အတတ်နိုင်ဆုံးမတင်ပါနဲ့၊ တောထဲကရဲဘော်တွေ စိတ်ညစ်စေမဲ့ အရာများကို အတတ်နိုင်ဆုံး ရှောင်ပေးကြပါ" ဟု ယူနီကွန်းပြောက်ကျားတပ်ဖွဲ့ တာဝန်ရှိသူက မေတ္တာရပ်ခံထားသည်။

မန္တလေးသင်္ကြန်ပွဲတွင် လမ်းလျှောက်သင်္ကြန် သုံးခုနှင့် ရေကစားမဏ္ဍပ်ပေါင်း ၃၀ ပါ၀င်မည်ဖြစ်ကြောင်း စစ်ကောင်စီ၏ မန္တလေးမြို့တော်စည်ပင်သာယာရေး ကော်မတီက ယနေ့ရက်စွဲဖြင့်သတင်းထုတ်ပြန်ထားသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ သန့်ဇော်(သန်လျင်)

#မန္တလေးတိုင်း
#စစ်ကောင်စီ
#သင်္ကြန်ပွဲ
#ရေကစားမဏ္ဍပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16😁7🤮4❤3🥱2
​​ထိုင်းနိုင်ငံတွင်ဖမ်းဆီးခံရသည့် တော်လှန်ရေးတပ်ဖွဲ့ဝင် ၃ ဦး၏ ဖြစ်စဉ်အပါအဝင် အလားတူကိစ္စရပ်များကို NUG အနေဖြင့် သက်ဆိုင်ရာအဖွဲ့အစည်းများနှင့် ဆက်သွယ်ညှိနှိုင်းလျက်ရှိကြောင်း ထုတ်ပြန်
=====================

ဂန္ဒမာ
(မဇ္ဈိမ)။ ။ ထိုင်းနိုင်ငံ၊ မဲဆောက်မြို့တွင်ဖမ်းဆီးခံရသည့် တော်လှန်ရေးတပ်ဖွဲ့ဝင် သုံးဦး၏ ဖြစ်စဉ်အပါအဝင် အလားတူကိစ္စရပ်များကို အမျိုးသားညီညွတ်ရေးအစိုးရ(NUG) အနေဖြင့် သက်ဆိုင်ရာအဖွဲ့အစည်းများနှင့် ဆက်သွယ်ညှိနှိုင်းလျက်ရှိကြောင်း ယနေ့ ဧပြီလ ၇ ရက် ညပိုင်းက ထုတ်ပြန်လာခဲ့သည်။

အမျိုးသားညီညွတ်ရေးအစိုးရ(NUG) မှ နိုင်ငံသားများအား ကာကွယ်စောင့်ရှောက်ရမည့် တာဝန်ရှိသောကြောင့် မြန်မာစစ်ကောင်စီ၏ အကြမ်းဖက် ဖိနှိပ်မှုများအပါအဝင် အကြောင်းအမျိုးမျိုးကြောင့် ထိုင်းနိုင်ငံသို့ ရွှေ့ပြောင်းခိုလှုံနေသော မြန်မာနိုင်ငံသားများ၏ အသက်အန္တရာယ်နှင့် လုံခြုံရေးကို ခြိမ်းခြောက်လာသည့် ကိစ္စရပ်အား အထူးအလေးထားဦးစားပေးကာ ဖြေရှင်းဆောင်ရွက်နေခြင်းဖြစ်ကြောင်း ဖော်ပြထားသည်။

၂၀၂၃ ခုနှစ်၊ ဧပြီလ ၁ ရက်နေ့က မြန်မာ့တော်လှန်ရေးတပ်ဖွဲ့ဝင် လူငယ် သုံးဦးအား ထိုင်းနိုင်ငံအာဏာပိုင်များက ဖမ်းဆီး၍ အကြမ်းဖက်စစ်အုပ်စုလက်အောက်ခံ လက်နက်ကိုင်အဖွဲ့(BGF) ထံအပ်နှံခဲ့သည်မှာ နိုင်ငံတကာ ရဲလုပ်ထုံးလုပ်နည်းများနှင့် ညီညွတ်မှုမရှိဘဲ လွှဲပြောင်းပေးအပ်ခဲ့သည့်ဖြစ်စဉ်ဖြစ်ကြောင်း ဆိုသည်။

ထိုင်းနိုင်ငံတွင် ဖမ်းဆီးခံရသည့် တော်လှန်ရေးရဲဘော်များသည် မြန်မာနိုင်ငံဘက်ရှိ စစ်ကောင်စီထံသို့ လွှဲပြောင်းခံရပြီးနောက်တွင် သင်္ကန်းညီနောင်ဗျူဟာ၌ ချုပ်နှောင်စစ်ဆေးခံနေရသည့်သတင်းကို မဇ္ဈိမ အနေဖြင့် ဖော်ပြပြီးဖြစ်သည်။ ဖမ််းဆီးခံ တော်လှန်ရေးရဲဘော် သုံးဦး၏ လက်ရှိအခြေအနေနှင့်ပတ်သက်ပြီး စုံစမ်းမေးမြန်းရာ ” လက်ရှိအချိန်ထိ သူတို့ မကျသေးဘူးဆိုတာ သေချာတယ်နော်။ သူတို့နဲ့ပတ်သက်တဲ့ဖရဲသီးတစ်ယောက်က သူတို့မိသားစုတွေကို ဆက်သွယ်ပေးတယ်။ သူတို့မကျသေးဘူး” ဟု ဖြစ်စဉ်အစမှ စတင်ကာ လိုက်ပါကူညီဆောင်ရွက်ပေးသူက မဇ္ဈိမ ကို ဖြေကြားထားသည်။

စာတည်း - သန့်ဇော်(သန်လျင်)

#mizzima
#ထိုင်းနိုင်ငံ
#ဖမ်းဆီး
#တော်လှန်ရေးရဲဘော်
#မဲဆောက်မြို့
#NUG
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11🤣2😁1
National Unity Government (NUG)၏ PVTV Channel မှ ၂၀၂၃ ခုနှစ် ဧပြီလ ၇ ရက်ထုတ်လွှင့်မှုများ
====================

https://youtu.be/-oRgpTYfbx4

#PVTV
#mizzimatv
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
❤7👍5🤮2🍌1
ဧပြီလ (၈) ရက်၊ စနေနေ့ မနက်ပိုင်း မဇ္ဈိမရေဒီယိုအစီအစဉ်
=================

ဒီကနေ့ မနက် နားဆင်ရမယ့် အစီစဉ်တွေကတော့ ...

ကချင်နှစ်ခြင်းခရစ်ယာန်အဖွဲ့ချုပ် (KBC) အကြံပေးပုဂ္ဂိုလ် သိက္ခာတော်ရဆရာတော် ဒေါက်တာခလမ်ဆမ်ဆွန်ကို ဧပြီလ (၇)ရက်နေ့မှာ မြစ်ကြီးနားထောင်တွင်းတရားရုံးက ထောင်ဒဏ်ခြောက်နှစ် အမိန့်ချမှတ်လိုက်တဲ့ သတင်းနဲ့အတူ အိန္ဒိယနိုင်ငံ မဏိပူရပြည်နယ်မှာ မြန်မာနိုင်ငံသား ကလေးငယ်တွေအပါဝင် ရက်ကန်းအလုပ်သမား ၂၃ဦး အဖမ်းခံခဲ့ရတဲ့သတင်းအပါအဝင် နောက်ဆုံးရ ပြည်တွင်းသတင်းတွေနဲ့ တပတ်အတွင်း နိုင်ငံတကာသတင်းတွေကို နားဆင်ကြရပါမယ်။

အဲဒီနောက်မှာတော့ တပတ်အတွင်း စီးပွားရေးသတင်းတွေကို နားဆင်ကြရမှာပါ။

သတင်းတွေအပြီးမှာတော့ မြန်မာနိုင်ငံရဲ့ တော်လှန်ရေးကာလအတွင်း ပညာရေးနဲ့ကျန်းမာရေးဝန်ကြီးဌာန ရဲ့ ပြန်လည်ထူထောင်ရေးလပ်ငန်းစဉ်များနဲ့ရပ်တည်ချက်များကို အမျိုးသားညီညွတ်ရေးအစိုးရ ပညာရေးနဲ့ ကျန်းမာရေးဝန်ကြိးဌာန ပြည်ထောင်စုဝန်းကြီး ဒေါက်တာဇော်ဝေစိုး ကို မေးမြန်းထားတဲ့ အစီအစဉ်ထဲက ကောက်နုတ်ချက်ကို နားဆင်ရမှာပါ။

https://youtu.be/GJ79g24aJrk

#Mizzimaradio
#Morningradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍6🤮3❤1👏1💩1