Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
STA မြို့ပြပြောက်ကျားအဖွဲ့ဝင် အမျိုးသားနှစ်ဦးအား ယမန်နေ့ ဧပြီလ ၉ ရက်တွင် ဖမ်းဆီးရမိကြောင်း နှင့် ၂၀၂၂ ခုနှစ် အောက်တိုဘာလ ၂၅ ရက်ကလည်း STA မြို့ပြပြောက်ကျားအဖွဲ့ဝင် အမျိုးသားနှစ်ဦးနှင့် အမျိုးသမီးတစ်ဦးအား ဖမ်းဆီးရမိထားကြောင်း စစ်ကောင်စီ၏ ထုတ်ပြန်ကြေညာချက်တွင် ဖော်ပြထား သည်။
စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ
#ရန်ကုန်တိုင်း
#SpecialTaskAngencyOfBurma-STA
#စစ်ကောင်စီ
#ဖမ်းဆီးမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍4👎3👏3
This media is not supported in your browser
VIEW IN TELEGRAM
ပေးထားတဲ့ကတိအတိုင်း ထိုင်ဝမ်ကို လက်နက်တွေပေးအပ်သွားမှာဖြစ်ကြောင်း အမေရိကန်ပြော

#Mizzima #internationalnews #reels #shorts
👍7🔥2
Business Round Up (10 April 2023)

- ဘင်္ဂလားဒေ့ရှ်နိုင်ငံ ဒေါ်လာ အခက်အခဲကြောင့် နှစ်နိုင်ငံကုန်သွယ်ရေး ကျဆင်း
- ထိုင်းသို့ ရေထွက်ကုန်တင်ပို့မှု ၆၅ ရာခိုင်နှုန်းခန့် လျော့နည်းနိုင်
- အခေါက်ရွှေတစ်ကျပ်သား ကျပ် ၂၉ သိန်းအထက်တွင်သာရှိနေ
- နယ်စပ်ဖြတ်ကျော်မီးခိုးမြူငွေ့ညစ်ညမ်းမှု မေလအထိ ဖြစ်ပေါ်နိုင်ကြောင်း သတိပေး
- ရုရှားနဲ့တရုတ် ဦးဆောင်တဲ့ BRICS အဖွဲ့ရဲ့ဂျီဒီပီနှုန်းက အမေရိကန်၊ ဗြိတိန်တို့ဦးဆောင်တဲ့ ဂျီ ၇ အဖွဲ့ရဲ့ ဂျီဒီပီနှုန်းထက် ပိုမိုကောင်းမွန်နေ

https://youtu.be/LHJCetitT2E
👍6🔥2
​​ဘုတလင်တွင် စစ်ကောင်စီစစ်ကြောင်း ခြုံခိုတိုက်ခိုက်ခံရပြီး ၃ ဦး သေဆုံး

MTO
(မဇ္ဈိမ)။ ။စစ်ကိုင်းတိုင်း၊ ဘုတလင်မြို့နယ်အတွင်း ကျေးရွာများကို မီးရှို့ပြီးထွက်လာသည့် စစ်ကောင်စီ စစ်ကြောင်းကို ဒေသကာကွယ်ရေးတပ်ဖွဲ့က ဧပြီလ ၈ ရက်နေ့က ခြုံခိုတိုက်ခိုက်ခဲ့ရာ သုံးဦးသေဆုံးပြီး ရှစ် ဦးဒဏ်ရာရရှိသွားကြောင်း ကျောင်းသားလက်ရုံးတပ်တော် (SAF)မှ တာဝန်ရှိသူ တစ်ဦးက ပြောသည်။
“ဇီးတောရွာအနီးမှာတိုက်ပွဲဖြစ်ပွားခဲ့တာပါ၊ သတင်းကြိုရလို့ ခြုံခိုတိုက်ခိုက်ခဲ့တာပါ၊ ရန်သူ့လက်က ထွက် ပြေးလွတ်မြောက်လာတဲ့ ဓားစာခံတစ်ဦး ပြန်လည်သတင်းပေးပို့မှုအရ ရန်သူ့ဘက်မှ သုံးယောက် သေဆုံး ကာ ရှစ်ဦးဒဏ်ရာရရှိသွား ကြောင်း သိရပါတယ်” ဟု ကျောင်းသားလက်ရုံးတပ်တော် (SAF) မှ တာဝန်ရှိ သူတစ်ဦးက ပြောသည်။
တိုက်ခိုက်မှုအတွင်း နှစ်ဖက်အပြန်အလှန်ပစ်ခတ်မှု မိနစ်အနည်းငယ်သာကြာမြင့်ခဲ့ကာ စစ်ကောင်စီတပ် က လက်နက်ကြီးလက်နက်ငယ်များ အသုံးပြုပြန်လည်တိုက်ခိုက်ခဲ့သော်လည်း ကာကွယ်ရေးတပ်ဖွဲ့များ ထိခိုက်မှုမရှိခဲ့ကြောင်း ဆိုသည်။
“ကျနော်တို့ဘက်က ခြုံခိုတိုက်ခိုက်မှုကို ရန်သူ့ဘက်က သတိရှိရှိပြန်လည် ပစ်ခတ်တဲ့အခြေအနေမျိုးပါ၊ သူတို့ ၄၀ မမ၊ ၆၀ မမ စက်လတ်တွေနဲ့ ဖိအားပေး ပစ်ခတ်ကာ ခုခံခဲ့ပေမယ့် ကျနော်တို့ အထိအခိုက် အကျအဆုံးမရှိ ပြန်လည်ဆုတ်ခွာလာနိုင်ခဲ့ပါတယ်” ဟု ကျောင်းသားလက်ရုံးတပ်တော် (SAF) မှ တာဝန် ရှိသူတစ်ဦးက ပြောသည်။
အင်အား ၅၀ မှ ၇၀ ဝန်းကျငးရှိသော စစ်ကောင်စီတပ်စစ်ကြောင်းသည် ဘုတလင်မြို့နယ်အတွင်းရှိ ယုန် လှေးကုန်းရွာသစ် ၊ တရော်တောရွာ နှင့် ကုက္ကိုစုရွာ များကို ဧပြီလ ၈ ရက်နေ့ နံနက်အစောပိုင်းတွင် မီးရှို့ ဖျက်ဆီးခဲ့သည်။
ယင်းနောက် နှောပင်ရိုးရွာ ဘုန်ကြီးကျောင်းသို့ ခေတ္တဝင်ရောက်ပြီး ပြန်လည်ထွက်ခွာလာစဉ် ခြုံခိုတိုက်ခိုက်ခဲ့ခြင်းဖြစ်ကြောင်း သိရသည်။
စစ်ကောင်စီစစ်ကြောင်း၏ မီးရှို့ဖျက်ဆီးမှုကြောင့် ယုန်လှေးကုန်းရွာသစ်တွင် အိမ်ခြေ ၅၀ နီးပါးနှင့် တရော်တောရွာတွင် အိမ်ခြေ ၃၀ နီးပါး မီးလောင်ပျက်စီးခဲ့ကြောင်း သိရသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#SAF
#ကျောင်းသားလက်ရုံးတပ်တော်
#ခြုံခိုတိုက်
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍14👏2🤣2
​​မြန်မာနှင့်ပတ်သက်၍ အာဆီယံ၏ ရှေ့ကာလ ဆက်ဆံ ဆောင်ရွက်မှုအပေါ် ထိုင်းရွေးကောက်ပွဲက သက်ရောက်မှု ရှိနိုင်

မြန်မာ့အကျပ်အတည်း ဖြေရှင်းရာတွင် တိုးတက်အောင်မြင်မှု ရရှိစေရေး လုပ်ဆောင်နိုင်ရန် ယခုနှစ် အာဆီယံအလှည့်ကျဥက္ကဋ္ဌ အင်ဒိုနီးရှားအပေါ် ဖိအားများ တိုးလာလျက်ရှိစဉ် လာမည့် မေလလယ်၌ ကျင်းပရန် စီစဉ်ထားသော ထိုင်းနိုင်ငံ၏ အထွေထွေရွေးကောက်ပွဲက အာဆီယံအုပ်စု၏ လုပ်ဆောင်ချက်များနှင့် မြန်မာ၏ အနာဂတ်အပေါ်တွင် သိသာထင်ရှားသော သက်ရောက်မှုတစ်ခု ဖြစ်စေနိုင်သည်ဟု အကဲခတ်များက ပြောသည်။
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🥴2
စစ်ကောင်စီသင်္ကြန်မဏ္ဍပ်များ တိုက်ခိုက်ခံနေရ

စစ်ကောင်စီက ဒီနှစ် ၂၀၂၃ သင်္ကြန်ကို ရန်ကုန်၊ မန္တလေး၊ နေပြည်တော် မြို့ကြီးတွေ အပါအဝင် သူတို့ ထိန်းချုပ်လို့ရတဲ့ မြို့တွေမှာ သင်္ကြန်မဏ္ဍပ်တွေနဲ့ လမ်းလျှောက်သင်္ကြန်ပွဲတွေ စည်စည်ကားကားကျင်းပဖို့ ပြင်ဆင်နေပါတယ်။
စစ်ကောင်စီက ကျင်းပမယ့်သင်္ကြန်ကို လက်မခံကြောင်း ပြသတဲ့အနေနဲ့ ရန်ကုန်တိုင်း လွှတ်တော်ရှေ့ ပြည်လမ်းပေါ်မှာ စစ်ကောင်စီဆောက်လုပ်ထားတဲ့ တိုင်းဗဟိုမဏ္ဍပ်ကို စစ်အာဏာဆန့်ကျင်ရေး လှုပ်ရှားနေတဲ့အဖွဲ့တစ်ဖွဲ့ဖြစ်တဲ့ Dark Shadow အဖွဲ့က ဧပြီလ ၈ ရက်နေ့မှာ တိုက်ခိုက်ခဲ့ပါတယ်။
အဝေးထိန်းဗုံးနဲ့ တိုက်ခိုက်ခဲ့တာလို့ အဲဒီအဖွဲ့က ထုတ်ပြန်ပါတယ်။

https://youtu.be/WPKRvMHpm9U
👍11❤1👏1😁1🥴1
ဧပြီလ ၁၀ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍5🔥2
This media is not supported in your browser
VIEW IN TELEGRAM
ယူကရိန်းကအစ္စလာမ်ဥပုသ်ထွက်အစ်ဖ်တာစားပွဲကိုကျင်းပခဲ့ပြီးမွတ်စလင်တွေအပေါ်ရုရှားရဲ့ဖိနှိပ်မှုကိုရှုတ်ချ

#Mizzima #internationalnews #reels #shorts
👍9😁1🤮1
Media is too big
VIEW IN TELEGRAM
မာဆေးလ်မှာ အဆောက်အဦးပြိုကျမှုကြောင့် လူငါးဦးဒဏ်ရာရရှိပြီး ပိတ်မိနေသူတွေကိုရှာဖွေနေ

#Mizzima #internationalnews #reels #shorts
👍4🔥1
ရန်ကုန်−မန္တလေးအမြန်လမ်းတွင် တစ်ပတ်အတွင်း ယာဉ်မတော်တဆမှု ၅ ကြိမ်ထက်မနည်း ဖြစ်ပွား

ရွှေနွယ်
(မဇ္ဈိမ)။ ။ရန်ကုန်-မန္တလေး အမြန်လမ်းမကြီးတွင် ပြီးခဲ့သည့်တစ်ပတ်အတွင်း ယာဉ်မတော်တဆမှု ၅ ကြိမ် ထက်မနည်းဖြစ်ပွားခဲ့ကြောင်း သတင်းရရှိသည်။
မတော်တဆမှုများမှာ ဧပြီလ ၄ ရက်နေ့မှ ၁၀ ရက်နေ့အတွင်းဖြစ်ပွားခဲ့ပြီး လူထိခိုက်၊ သေဆုံးမှုများ လည်း ရှိခဲ့သည်ဟု စစ်ကောင်စီလက်အောက်ခံ မြန်မာနိုင်ငံမီးသတ်ဦးစီးဌာန၏ ထုတ်ပြန်ချက်များတွင် ဖော်ပြ ထားသည်။
ယနေ့ ဧပြီလ ၁၀ ရက်၊ နံနက် ၁၁ နာရီခွဲခန့်တွင် ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၃၂၅/၆) နှင့် (၃၂၅/၇) ကြား၌ Honda Civic အမျိုးအစားယာဉ်သည် လမ်းဘေးရှိ ဘယ်ရီယာတုံးအား ဝင်တိုက်မိပြီး မီးလောင်မှုဖြစ်ပွားခဲ့သည်။
👍4🔥2
မီးလောင်မှုအား ပြင်စည်အမြန်လမ်းမီးသတ်စခန်းမှ မီးသတ်ယာဉ်တစ်စီး၊ ရေသယ်ယာဉ်တစ်စီးနှင့် မီးသတ်တပ်ဖွဲ့ ဝင်များမှသွားရောက်ငြိမ်းသတ်ခဲ့ပြီး ဆယ်မိနစ်ခန့်အကြာတွင် မီးငြိမ်းခဲ့ကြောင်းသိရသည်။
မီးလောင်ကျွမ်းမှုကြောင့် ယာဉ်ပေါ်တွင်လိုက်ပါလာသော အမျိုးသားသုံးဦးသေဆုံးခဲ့ပြီး ရုပ်အလောင်း များအား နွားထိုးကြီးပြည်သူ့ဆေးရုံသို့ပို့ဆောင်ခဲ့ကြောင်း မီးသတ်ဦးစီးဌာန၏ ထုတ်ပြန်ချက်အရ သိရ သည်။
အလားတူ ဧပြီလ ၉ ရက်နေ့ ည ၉ နာရီခွဲခန့်ကလည်း ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ် (၂၈၆/၀)တွင် ရွှေရည်ဖူးပွင့်ခရီးသည်တင်ယာဉ်သည် အနောက်မှ အတိုက်ခံရသည့်ဖြစ်စဉ် ဖြစ်ပွားခဲ့သေး သည်။
ဧပြီလ ၄ ရက်မှ ၁၀ ရက်နေ့အတွင်းဖြစ်ပွားခဲ့သည့် မတော်တဆမှုများအတွင်း စုစုပေါင်း အမျိုးသမီး နှစ်ဦး၊ အမျိုးသား လေးဦး သေဆုံးကာ၊ ခြောက်ဦးထိခိုက်ဒဏ်ရာများရရှိခဲ့ကြောင်း သိရသည်။
“ဧပြီလအတွင်းမှာ ရန်ကုန်−မန္တလေးအမြန်လမ်းတစ်လျောက် ယာဉ်မတော်တဆမှု ခြောက်ကြိမ် ဖြစ်ပွား ထားပါတယ်။ အခုကာလက ရာသီဥတုကလည်း အရမ်းပူလာပြီဖြစ်တာကြောင့် ယာဉ်မောင်းတွေအနေနဲ့ သတိထားကြဖို့နဲ့ ခရီးမစခင်မှာ ယာဉ်ကိုသေချာလေးစစ်ဆေးမှု လုပ်ကြဖို့ အကြံပြုချင်ပါတယ်” ဟု အမြန် လမ်းမီးသတ်တပ်ဖွဲ့မှတာဝန်ရှိသူတစ်ဦးက ပြောသည်။
ရန်ကုန်−မန္တလေးအမြန်လမ်းသည် အရှည်အားဖြင့် ၃၆၄ မိုင် ရှည်လျားပြီး ၂၀၁၁ ခုနှစ် ဒီဇင်ဘာလ ကုန်ပိုင်းတွင် စတင်ဖွင့်လှစ် အသုံးပြုခဲ့ခြင်းဖြစ်သည်။
စာတည်း ။ ။ Alden
စာမူတည်းဖြတ်။ ။စောဖေ
#အမြန်လမ်း
#ရန်ကုန်
#မန္တလေး
#ယာဉ်မတော်တဆမှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🔥2👍1