Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ဧပြီလ (၁၂) ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
======================

01:05 -အစုလိုက်အပြုံလိုက် သေဆုံးရတဲ့ ပဇီကြီးရွာ လေကြောင်းတိုက်ခိုက်မှုမှာ ကလေးတွေနဲ့ အမျိုးသမီးတွေအများဆုံးပါဝင်တဲ့သတင်း

02:33 - ကိုကိုးကျွန်းပေါ်မှာ စစ်ဘက်ဆိုင်ရာ အဆောက်အအုံတွေ ကူညီတည်ဆောက်နေတယ်ဆိုတဲ့ သတင်းတွေကို တရုတ် ငင်းဆိုတဲ့သတင်း

06:07 - မန္တလေးမှာ သင်္ကြန်မဏ္ဍပ်တွေကို လုံခြုံရေးများစွာချပြီး ဆောက်လုပ်နေတဲ့သတင်း

07:01 - အကြမ်းဖက် စစ်ကောင်စီရဲ့ လူမဆန်တဲ့ စစ်အုပ်စုကို ပြတ်သားစွာ အရေးယူမှု အမြန်လုပ်ဆောင်ဖို့ ကမ္ဘာ့နိုင်ငံအသီးသီးကို ထပ်မံတိုက်တွန်းတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးသွားမှာပါ။

https://youtu.be/7BpieWj5_4Y

#12pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
❤3👍3
​​ကျောက်ပန်းတောင်း မြို့အဝင်တိုးဂိတ်တွင် စစ်ကောင်စီတပ်က လက်နက်အပြည့်အစုံဖြင့် စစ်ဆေးရေး တင်းကြပ်
=====================

ကီရာ
(မဇ္ဈိမ)။ ။မန္တလေးတိုင်း၊ ကျောက်ပန်းတောင်းမြို့နယ် မြို့အဝင်တိုးဂိတ်တွင် ယနေ့ ဧပြီလ ၁၂ ရက် နံနက် ပိုင်းမှစတင်၍ စစ်ကောင်စီတပ်က လက်နက်အပြည့်အစုံဖြင့် စစ်ဆေးရေးများ တင်းကြပ်နေသည်ဟု သိရ သည်။

ပြီးခဲ့သည့်ရက်များက ယခုကဲ့သို့ စစ်ဆေးမှုများမရှိခဲ့ဘဲ ယနေ့တွင် လက်နက်အပြည့်အစုံတပ်ဆင်ထား သည့် စစ်ကောင်စီတပ်သား ၁၀ ဦးခန့်မှ တိုးဂိတ်အဝင်တွင် စစ်ဆေးမေးမြန်းမှုများအပြင် သယ်ဆောင် လာသည့်အထုတ်အပိုးများကို ထုရိုက်စစ်ဆေးမှုများပါ ပြုလုပ်နေကြောင်း သိရသည်။

“ရှေ့ရက်တွေတုန်းက ဘယ်သွားမလဲဘာလဲဆိုတာလောက်ပဲ မေးတာမြန်းတာ။ ဒီနေ့တော့ မှတ်ပုံတင် တွေလည်းစစ်တယ်၊ အိတ်တွေကိုလဲ ထုရိုက်တယ်” ဟု စစ်ဆေးမှုကို ကြုံတွေ့ခဲ့ရသူတစ်ဦးက ပြောသည်။
ခရီးသည်တင်ယာဉ်များကို ပိုမိုစစ်ဆေးပြီး မိတ္ထီလာအထွက် ၂၈၅ မိုင်ဂိတ်တွင် လူငယ်များကို တစ်ဦးချင်း ခေါ်ယူစစ်ဆေးမှုများ လုပ်ဆောင်လျက်ရှိသည်ဟုလည်း သိရသည်။

“Express ကားတွေဆိုရင် ခရီးသည်တွေကို အကုန်ကားပေါ်ကဆင်းခိုင်းပြီး စစ်တယ်။ လူငယ်တွေဆိုရင် တစ်ယောက်ချင်းခေါ်ပြီး သေချာစစ်တယ်၊ လူငယ်တွေဆိုရင် တခြားလူတွေထက် ပိုစစ်ဆေးကြတယ်။ အိမ်စီးကားတွေဆိုရင်တော့ သိပ်စစ်တာ မတွေ့ရဘူး” ဟု စစ်ဆေးမှုကြုံတွေ့ခဲ့ရသူတစ်ဦးက ပြောသည်။

ထို့ပြင် ပြီးခဲ့သည့်ရက်ပိုင်းအတွင်း တန့်‌ကြည်တောင်ဘက်တွင် စစ်ကောင်စီတပ်မှ လေယာဉ်ဖြင့် ဗုံးကြဲ တိုက်ခိုက်မှုကြောင့် အဆိုပါဒေသအတွင်းနေထိုင်သူများမှာ နီးစပ်ရာမြို့နယ်များတွင် ခိုးဝှက်ရှောင်တိမ်း နေထိုင်နေရပြီး ဒုက္ခသည်စခန်းပင် ဖွင့်ခွင့်မရှိကြောင်း သိရသည်။

“ညဘက် လှေနဲ့ထွက်ပြေးလာကြတဲ့သူတွေက နီးစပ်ရာဘက်တွေမှာ ခိုးဝှက်နေ နေရတယ်ဗျာ။ ဒုက္ခသည် စခန်းတောင်ဖွင့်မရဘူး။ စစ်တပ်က သိတာနဲ့ ပြန်ခိုင်းတာ” ဟု အမည်မဖော်လိုသူ ဒေသခံတစ်ဦးကပြော သည်။

စာတည်း။ ။စောဖေ
စာမူတည်းဖြတ်။ ။စောဖေ

#မန္တလေးတိုင်း
#ကျောက်ပန်းတောင်းမြို့
#စစ်ဆေးရေးတင်းကြပ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍12❤3
This media is not supported in your browser
VIEW IN TELEGRAM
စစ်ကောင်စီ၏လူမဆန်မှု့အားပြတ်သားစွာအရေးယူမှုအမြန်လုပ်ဆောင်ရန် ကမ္ဘာ့နိုင်ငံအသီးသီးအား ထပ်မံတိုက်တွန်း

Watch more detail -
https://youtu.be/NAH2699KUTY

#PoliticalNews #NLD #VideoNews #shorts #Reels
👍8😁2
NUG ရဲ့ လူ့အခွင့်အရေးနယ်ပယ်စွမ်းဆောင်ရည်ဆိုင်ရာ အကဲဖြတ်ချက် | Human Rights Barometer - Episode 11
===================

အမျိုးသားညီညွတ်ရေးအစိုးရ (NUG) တည်ထောင်တာ နှစ်နှစ်ပြည့်မြောက်တော့မှာဖြစ်ပါတယ်။ လူ့အခွင့်အရေးဆိုင်ရာဝန်ကြီးဌာနဟာ ဘယ်လိုလည်ပတ်ခဲ့လဲ၊ ဘယ်ကိစ္စတွေကို စွမ်းဆောင်နိုင်ခဲ့ပါလဲ၊ ဘယ်အကြောင်းအရာတွေက စိန်ခေါ်မှုတွေရှိပါသလဲဆိုတာကို ပြည်ထောင်စုဝန်ကြီး ဦးအောင်မျိုးမင်းကို မဇ္ဈိမသတင်းခန်းစီမံခန့်ခွဲမှုအယ်ဒီတာ ကိုစိန်ဝင်းက မေးမြန်းထားပါတယ်။

https://youtu.be/5XIWAorO8jU

# ​NUG
#လူ့အခွင့်အရေး
# ဦးအောင်မျိုးမင်း
# Human Rights Barometer
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9🤮1
​​ပဇီကြီးရွာမှ ရုပ်အလောင်းများ မကောက်နိုင်ရန် စစ်ကောင်စီက လေကြောင်းကင်းထောက်နေ၊ ရှာဖွေကယ်ဆယ်ရေးများ ရပ်နားထားရဟုဆို
======================

ဂျူချန်း
(မဇ္ဈိမ)။ ။ စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာတွင် ယနေ့ ဧပြီလ ၁၂ ရက်နေ့ နံနက် ၁၀နာရီဝန်းကျင်၌ စစ်ကောင်စီက Mi-35 ရဟတ်ယာဉ် နှစ်စင်း ဖြင့် လေကြောင်းမှ ကင်းထောက်နေ၍ ကယ်ဆယ်ရေး ဆက်လုပ်၍ မရကြောင်း မြေပြင်တွင် ရှိနေသူများက ပြောသည်။

“ဝဲပြီးတော့မှ ပစ်ခတ်မှုတော့မရှိဘူး။ ကျနော်တို့ ကယ်ဆယ်ရေးအဖွဲ့တွေလည်း ဘာမှလုပ်လို့မရဘူး။ အခုလက်ရှိထိ dead body တွေကလည်း အများကြီးပဲလေ။ အဲ့ဒါတွေကလည်း ဘာမှ သန့်ရှင်းရေးမလုပ်နိုင်သေးဘူး။ နောက်ထပ်လည်း အခု နမခ ဘက်က Mi-35 တက်တယ်ပြောလို့ ကျနော်တို့ အခု ပြန်ဆုတ်နေရတာ” ဟု မြေပြင်တွင် ကယ်ဆယ်ရေးလုပ်နေသူတစ်ဦးက မဇ္ဈိမ ကိုပြောသည်။
လက်ရှိတွင် ကယ်ဆယ်ရေးလုပ်ငန်းများ ရပ်နားထားရပြီး ပဇီကြီးကျေးရွာအနီးနားရှိ ကျေးရွာခြောက်ရွာမှ ဒေသခံများ စစ်ဘေးရှောင်နေရကြောင်း သိရသည်။

“အခု လေကြောင်းကနေ တိုက်ခိုက်မယ်။ အနောက်မြောက်တိုင်း စစ်ဌာနချုပ်ကနေ ပို့မယ်လို့လည်း သတင်းရလို့ပါ။ လေယာဉ်တက်လာတယ်လို့ ပြောလို့ ကယ်ဆယ်ရေးတွေ မလုပ်နိုင်ဘူး။ ကယ်ဆယ်ရေးလုပ်တယ်ဆိုတာကလည်း သေဆုံးထားတဲ့ dead body တွေကို မြေမြှပ် သင်္ဂြိုလ် ချင်တာပေါ့နော်။ အဲ့ဒါမျိုးတွေ မလုပ်နိုင်ဘူး။ စစ်ရှောင်တွေကတော့ အများကြီးပဲ။ လက်ရှိ ပဇီကြီး၊ မဲဇတော်၊ ထန်းတော၊ ချောင်းသာ၊ ချောင်းမကြီး၊ ရွာသာယာ အဲ့ဒီရွာတွေအားလုံးကတော့ စစ်ဘေးရှောင်နေရတယ်။ အကုန်ကျီးလန့်စာစားဖြစ်ပြီး ဘေးလွတ်ရာမှာ တိမ်းရှောင်နေရတယ်” ဟု ၎င်းကပြောသည်။

လက်ရှိတွင် ရုပ် အလောင်း စုစုပေါင်း ၈၀ ကျော်အား သင်္ဂြိုဟ်ခဲ့ပြီးဖြစ်သော်လည်း မြေပြင်တွင် တစ်စစီ ကျန်ရှိနေသေးသည့် အလောင်းများ ရှိနေသေးပြီး အတိအကျ အတည်ပြုနိုင်ခြင်း မရှိသေးကြောင်း မြေပြင်တွင် ကယ်ဆယ်ရေးလုပ်နေသူများက ပြောသည်။
မီးသင်္ဂြိုဟ်ပြီးသည့် ရုပ်အလောင်းများတွင် ၁၀နှစ်အောက် ကလေး ယောကျာ်းလေး ငါးဦးနှင့် မိန်းကလေး ခုနစ်ဦး ပါဝင်သည်ဟု ကယ်ဆယ်ရေးအဖွဲ့က အတည်ပြုထားသည်။

“ကလေးလို့ယူဆရတဲ့ဟာတွေက ငါးနှစ်၊ ခြောက်နှစ်အရွယ်လေးတွေက ယောက်ျားလေး ငါးယောက်၊ မိန်းကလေး ခုနစ်ယောက်တွေ့တယ်။ မီးရှို့တဲ့ထဲမှာ အဲ့ဒီကလေးတွေ ပါသွားပြီ။ မအေတစ်ယောက်ပဲ ကျန်ခဲ့တာမျိုး၊ တစ်ချို့ သားသမီးနှစ်ယောက်ပဲ ကျန်ခဲ့တော့တာမျိုး အဲ့လိုမျိုးတွေ” ဟု ကယ်ဆယ်ရေးလုပ်ဆောင်နေသူက ပြောသည်။
ယမန်နေ့ ဧပြီလ ၁၁ ရက် နံနက် ၇နာရီ ၄၅ မိနစ်တွင် စစ်ကောင်စီက ပဇီကြီးရွာကို လေကြောင်းဖြင့် လာရောက်ဗုံးကြဲတိုက်ခိုက်ခဲ့ရာ လူအစုလိုက်၊ အပြုံလိုက် သေဆုံးမှုဖြစ်ပွားခဲ့သည်။

ထိုတိုက်ခိုက်မှုကြောင့် ပဇီကြီး၊ မဲဇတော်၊ ထန်းတော၊ ချောင်းသာ၊ ချောင်းမကြီး၊ ရွာသာယာ စသည့် ကျေးရွာ ခြောက်ရွာမှ ဒေသခံ ၁၀၀ ကျော် သေဆုံးခဲ့ကြောင်း ဒေသခံများက ပြောသည်။ သေဆုံးသူအရေအတွက်သည် တိုးလာနိုင်သည်ဟုဆိုသည်။

ပစ်ခတ်မှုအပြီး ယမန်နေ့ နေ့လယ် ၁နာရီခန့်တွင် စစ်ကောင်စီက လေကြောင်းမှ ကင်းထောက်ပြီး ညနေ ၅နာရီ ၃၅မိနစ်တွင် လေကြောင်းမှ ထပ်မံတိုက်ခိုက်ခဲ့သည်။ ဒုတိယအကြိမ်ပစ်ခတ်မှုတွင် အိမ်မွေးတိရိစ္ဆာန်အချို့သေဆုံးခဲ့သည်။ယနေ့နံနက် ၁၀ နာရီဝန်းကျင်ခန့်တွင်လည်း လေကြောင်းဖြင့် ထပ်မံကင်းထောက်လျက်ရှိရာ ကယ်ဆယ်ရေးလုပ်ငန်းများ ရပ်နားထားရသဖြင့် သေဆုံးမှုအရေအတွက် အတိအကျကိုမူ လက်ရှိအချိန်အထိ အတည်ပြု၍ မရနိုင်သေးကြောင်း သိရသည်။

စာတည်း - မောင်ကြီး
စာမူတည်းဖြတ်_အောင်ကျော်ဖြိုး

#mizzima
#ကန့်ဘလူမြို့နယ်
#ပဇီကြီးကျေးရွာ
#လေကြောင်းကင်းထောက်နေ
#ကယ်ဆယ်ရေးရပ်နားထားရ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬22👍11😢6🔥3
​​ပဇီကြီးရွာကို စစ်ကောင်စီလေကြောင်းတိုက်ခိုက်မှု အမေရိကန် ပြစ်တင်ရှုတ်ချ
=======================

စစ်ကိုင်းတိုင်း၊ ကန့်ဘလူနယ် ပဇီကြီးကျေးရွာ၌ ဧပြီ ၁၁ ရက်က ကလေးအများအပြား အပါအဝင် လူ ၁၅၀ ဦးထက်မနည်း တက်ရောက်ခဲ့သည့် ရပ်ရွာလူထုစုဝေးမှု အခမ်းအနားတစ်ခုကို စစ်ကောင်စီက ပစ်မှတ်ထား လေကြောင်းတိုက်ခိုက်ခဲ့မှုအပေါ် အမေရိကန်နိုင်ငံခြားရေးဝန်ကြီးဌာနက ပြစ်တင်ရှုတ်ချလိုက်သည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤8🤣6👍5
ကိုကိုးကျွန်းပေါ်မှာ စစ်ဘက်ဆိုင်ရာ အဆောက်အအုံတွေ ကူညီတည်ဆောက်နေတယ်ဆိုတဲ့ သတင်းများအား တရုတ် ငြင်းဆို
=====================

ဘင်္ဂလားပင်လယ်အော်အတွင်းရှိ ဝေးလံခေါင်ဖျား ကိုကိုးကျွန်းပေါ်မှာ သူလျှိုစခန်းတစ်ခု ကူညီဆောက် ပေးနေတယ်ဆိုတဲ့ ထောက်လှမ်းရေးသတင်းတွေနဲ့ပတ်သက်လို့ အိန္ဒိယနိုင်ငံရဲ့ ပြောကြားချက်တွေကို တရုတ် နိုင်ငံက ငြင်းဆိုလိုက်ပါတယ်။
“ဒီသတင်းတွေက အဓိပ္ပာယ်မရှိပါဘူး” လို့ တရုတ်နိုင်ငံက ကိုကိုးကျွန်းပေါ်မှာ စစ်ကောင်စီကို သူလျှိုစ ခန်းတစ်ခု ကူညီတည်ဆောက်ပေးခြင်းရှိ မရှိ ဘလွန်းဘဂ်သတင်းဌာနရဲ့ မေးမြန်းချက်ကို တရုတ်နိုင်ငံခြားရေးဝန် ကြီးဌာနက ငြင်းဆန်လိုက်တာဖြစ်ပါတယ်။

https://youtu.be/uYK_kPUXw4Q

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁8👏2❤1
“သုံးနှစ်အရွယ်ကနေ ငါးဆယ်ကျော်အရွယ် အလောင်းတွေ သင်္ဂြိုဟ်နေရတယ်” (ရုပ်/သံ)
=========================

KMN(မဇ္ဈိမ)။ ။စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာမှာ ဧပြီလ ၁၁ ရက်နေ့ နံနက် ၇ နာရီ ၄၅ မိနစ်က အခမ်းအနားတစ်ခုကျင်းပဖို့ လူစုနေစဉ်မှာ စစ်ကောင်စီတပ်က ဂျက်တိုက်လေယာဉ်အပြင် Mi 35 ရဟတ်ယာဉ်နဲ့ပါ ပစ်ခတ်တိုက်ခိုက်တာကြောင့် လူဦးရေ ၈၀ ကျော်သေဆုံးခဲ့ပြီး ၁၀၀ ဝန်းကျင် ထိခိုက် ဒဏ်ရာရခဲ့ပါတယ်။

သေဆုံးခဲ့တဲ့အလောင်းတွေကို ဒေသခံကာကွယ်ရေးတပ်ဖွဲ့ဝင်တွေက ဧပြီလ ၁၁ ရက်နေ့ ညနေပိုင်းမှာ ကောက်ယူသင်္ဂြိုဟ်ခဲ့ပေမယ့် စစ်ကောင်စီတပ်က လေကြောင်းတိုက်ခိုက်မှု ထပ်မံပြုလုပ်ခဲ့တာကြောင့် ရပ်နားခဲ့ရပါတယ်။

ဒီကနေ့ ဧပြီလ ၁၂ ရက်နေ့ နံနက်ပိုင်းမှာတော့ သင်္ဂြိုဟ်မှု ဆက်လက်ပြုလုပ်နေပြီး ပဇီကြီးကျေးရွာမှာ ကူညီနေတဲ့ ပြည်သူ့လွတ်မြောက်ရေးတပ်မတော်(PLA) ရဲဘော်တစ်ဦးကို မဇ္ဈိမက ဆက်သွယ်မေးမြန်း ထားပါတယ်။

မဇ္ဈိမက ဧပြီလ ၁၂ ရက်နေ့ မွန်းတည့် ၁၂ နာရီအချိန် နောက်ဆုံးရရှိထားတဲ့သတင်းအရတော့ ပဇီကြီး ကျေးရွာကို နံနက် ၁၀ နာရီဝန်းကျင်မှာ စစ်ကောင်စီက Mi-35 ရဟတ်ယာဉ်နှစ်စင်းနဲ့ လေကြောင်းက ကင်းထောက်နေလို့ ကယ်ဆယ်ရေးလုပ်ငန်းတွေ ရပ်နားထားရကြောင်း သိရပါတယ်။

လက်ရှိအချိန်ထိ အလောင်း စုစုပေါင်း ၈၀ ကျော်ကိုသင်္ဂြိုဟ်ခဲ့ပြီးဖြစ်ပေမယ့် တစ်စစီပြန့်ကျဲနေတဲ့ အလောင်းတွေကျန်ရှိနေပြီး အတိအကျအတည်ပြုနိုင်ခြင်း မရှိသေးဘူးလို့ မြေပြင်မှာ ကယ်ဆယ်ရေးလုပ် နေသူတွေကပြောပါတယ်။

https://youtu.be/qH4qZF0wdMo

ရုပ်သံတည်းဖြတ်-KMN
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9😢8❤1
ထားဝယ်သပိတ်ခေါင်းဆောင်ကို ဖမ်းဆီးပေးနိုင်ပါက ငွေကျပ်သိန်း ၃၀၀ ပေးမည်ဟု စစ်ကောင်စီက ၀ရမ်း ကြော်ငြာကပ်
😁13🤮3👍1
ထားဝယ်သပိတ်ခေါင်းဆောင်ကို ဖမ်းဆီးပေးနိုင်ပါက ငွေကျပ်သိန်း ၃၀၀ ပေးမည်ဟု စစ်ကောင်စီက ၀ရမ်း ကြော်ငြာကပ်
===================

ကိုရွှေမြိတ်
မဲဆောက်(မဇ္ဈိမ)။ ။ တနင်္သာရီတိုင်း၊ ထားဝယ်ခရိုင် လောင်းလုံးမြို့နယ်အတွင်းရှိ လူထုလှုပ်ရှားမှုများတွင် ပါဝင်သူ၊ သပိတ်ခေါင်းဆောင် ကိုမင်းလွင်ဦးကို ဖမ်းဆီးပေးနိုင်ပါက ငွေကျပ်သိန်း ၃၀၀ ပေးမည်ဟု ဧပြီ ၁၂ ရက်နေ့တွင် ဝရမ်း ကြော်ငြာကပ်ထားကြောင်း သိရသည်။

၎င်းကို စစ်ကောင်စီတပ်က အပူတပြင်းအလိုရှိနေသည့်ပုံစံဖြင့် စျေးနှင့် လူစည်ကားရာ နေရာများအပြင် လမ်းဘေးဓာတ်တိုင်များတွင်ပါ ပုံနှင့်တကွ ၀ရမ်း ကြော်ငြာကပ်ထားခြင်း ဖြစ်သည်ဟု ကာယကံရှင်က ပြောသည်။

“ အခု ၀ရမ်းစာ ကပ်တဲ့ အထဲမှာ အဓိက ဘာပါလည်းဆိုတော့ ကျွန်တော်အနေနဲ့ လောင်းလုံးမြို့နယ်မှာ ရပ်ရွာတည်ငြိမ် အေးချမ်းမှုကို ဆူပူအောင် လုပ်တယ် ဆိုပြီးပါတယ်။ ဘယ်သူမဆို ကျွန်တော့်ကို ဖမ်းပေးသူရှိရင် ငွေကျပ် သိန်း ၃၀၀ ပေးမယ် ဆိုပြီး ၀ရမ်းကပ်စာမှာ တွေ့ရတယ်”ဟု ထားဝယ်ခရိုင် ဒီမိုကရေစီအရေးလှုပ်ရှားမှု သပိတ်ကော်မတီ ဦးဆောင်သူ ကိုမင်းလွင်ဦးက ပြောသည်။

သေနတ်ပစ်ဖောက်ခြိမ်းခြောက်မှုများ ရှိနေသည့်ကြားမှ မိမိကိုယ်ကိုလုံခြုံစေရန် စီမံနေထိုင်ရ၍ ယခုဝရမ်းကပ်မှုသည် ကြီးမားသော ခြိမ်းခြောက်မှုမဟုတ်ဟုလည်း ၎င်းကဆိုသည်။

လက်ရှိ စစ်ကောင်စီမှအလိုရှိနေသူ ကိုမင်းလွင်ဦးသည် ၂၀၂၁ ခုနှစ် မတ်လ ကတည်းက ၅၀၅ (က) ဖြင့် ဖမ်းဝရမ်းထုတ်ခံထားသူဖြစ်ပြီး ၂၀၂၃ ခုနှစ် မတ်လထဲတွင်လည်း အကြမ်းဖက် ဥပဒေအရ အရေးယူခံထားရသည့် တရားခံပြေး စာရင်းတွင် ပါဝင်နေသူဖြစ်သည်။

စာတည်း ။ ။ Alden
စာမူတည်းဖြတ်။ ။သန့်ဇော်(သန်လျင်)

#ထားဝယ်သပိတ်ခေါင်းဆောင်
#မင်းလွင်ဦး
#ဝရမ်းကပ်
#သိန်း၃၀၀
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤮11❤2🔥1
ဧပြီလ ( ၁၂ ) ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=======================

01:04 - ပဇီကြီးရွာမှ ရုပ်အလောင်းတွေ မကောက်နိုင်ဖို့ စစ်ကောင်စီက လေကြောင်းကင်းထောက်နေလို့ ရှာဖွေကယ်ဆယ်ရေးတွေ ရပ်နားထားရတဲ့သတင်း

02:28 - ယင်းမာပင်မှာ စစ်ကောင်စီလက်နက်ကြီးကြောင့် (၅) တန်းကျောင်းသူ ၁ ဦးသေဆုံးတဲ့သတင်း

03:32 - KIA တပ်ဖွဲ့ဝင် ၁၃ ဦးကို စစ်ကောင်စီက ထောင် ၅ နှစ်ချတဲ့သတင်း

04:50 - သင်္ကြန်မှာ စစ်ကောင်စီက အကြမ်းဖက်မှုကျူးလွန်ပြီးတော်လှန်ရေးအင်အားစုတွေကို အထင်လွဲအောင်လုပ်နိုင်ကြောင်း NUG ခေါင်းဆောင်တွေက သတိပေးတဲ့သတင်းအပါအဝင် တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးသွားမှာပါ။

https://youtu.be/4hJ5iHvtCt4

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍8🤬2🤮1
This media is not supported in your browser
VIEW IN TELEGRAM
ကိုကိုးကျွန်းပေါ်မှာ စစ်ဘက်ဆိုင်ရာ အဆောက်အအုံတွေ
ကူညီတည်ဆောက်နေတယ်ဆိုတဲ့ သတင်းများအား တရုတ် ငြင်းဆို

Watch more detail -
https://youtu.be/uYK_kPUXw4Q

#PoliticalNews #NLD #VideoNews #shorts #reels
👍3👏1😁1
​​Lion Battalion Commando စာမျက်နှာအတု ထွက်ပေါ်
==================

JC
(မဇ္ဈိမ)။ ။Lion Battalion Commando အမည်ဖြင့် ဖေ့စ်ဘုတ်စာမျက်နှာအတုထွက်ပေါ်နေပြီး အလှူငွေ ကောက်ခံနေမှုများရှိနေသည်။

ကရင်ပြည်နယ်၊ မြဝတီမြို့နယ်နှင့် ကော့ကရိတ်မြို့နယ်များတွင် စစ်ရေးလှုပ်ရှားလျက်ရှိသည့် ဗိုလ်အယ် စေးဝါးဦးဆောင်သည့် Lion Battalion Commando စစ်ကြောင်းအမည်အသုံးပြုကာ ဖေ့စ်ဘုတ် စာမျက် နှာအတုတစ်ခု ထွက်ပေါ်နေသည်။

ထို Lion Battalion Commando ဖေ့စ်ဘုတ်နှာအတုသည် ၂၀၂၂ ခုနှစ် နိုဝင်ဘာလ ၂ ရက်နေ့တွင် စတင် အသုံးပြုခြင်းဖြစ်ပြီး လက်ရှိတွင် အဆိုပါစာမျက်နှာအား ကြိုက်နှစ်သက်သူ ၁,၀၀၀ ကျော်ရှိပြီး follow လုပ်ထားသူ ၁,၉၀၀ ကျော်ရှိနေသည်။

ထိုပေ့ချ်တွင် ဒဏ်ရာရရဲဘော်များအတွက် ဆေးကုသစရိတ်များလိုအပ်နေသောကြောင့် လှူဒါန်းပေးကြ ရန်မေတ္တာရပ်ခံကြောင်း၊ အလှူရှင်များအတွက် မှတ်တမ်းလွှာထုတ်ပေးရန်ကြန့်ကြာနေသဖြင့် တောင်း ပန်ကြောင်းများအပြင် အခြားတော်လှန်ရေးစာမျက်နှာကိုလည်း Like ပြုလုပ်ထားကြရန် တိုက်တွန်းထား သည်။

မဇ္ဈိမမှ Lion Battalion Commando ၏ တရားဝင် ဖေ့စ်ဘုတ်စာမျက်နှာအား ထိုပေ့ချ်နှင့် ပတ်သက်၍ မေးမြန်းရာတွင် “အတုပါခင်ဗျာ။ ပြည်သူတွေအနေနဲ့ အဲဒီအကောင့်ကို (Report) ဝိုင်းထုပေးကြပါ။ နောက်ပြီး လိုင်းပေါ်တင်ပေးကြပါခင်ဗျာ။ ကျွန်တော်တို့အဖွဲ့ အလုပ်ရှုပ်နေလို့ပါ” ဟု စာဖြင့် ပြန်လည်ဖြေ ကြားသည်။
တရားဝင်စာမျက်နှာမှာ ကြိုက်နှစ်သက်သူ ၁၆၆,၀၀၀ ကျော်ရှိပြီး အမည်မှာလည်း “Lion Battalion Commando Special Forces ဗျူဟာစစ်ကြောင်း” ဖြစ်သည်။ စာမျက်နှာ အစစ်လင့် - https://bit.ly/3MFgMU2

စာမျက်နှာအတုမှဖော်ပြထားသည့် အခြားတော်လှန်ရေးစာမျက်နှာများသည် “Generation Defense.Force” “Smile Hucker UG” “ဖားရွှေကျော်တော်လှန်ရေးတပ်ဖွဲ့” စသည့် စာမျက်နှာများဖြစ် ပြီး ယခုနှစ် မတ်လ ၂၇ ရက်နှင့် ၂၉ ရက်နေ့ကမှ စတင်အသုံးပြုခြင်းဖြစ်သည်။

ဖော်ပြပါစာမျက်နှာများအနက် “ဖားရွှေကျော်တော်လှန်ရေးတပ်ဖွဲ့” ဟူသည့်စာမျက်နှာသည် ရွှေဘိုခရိုင်၊ ယင်းမာပင်မြို့နယ်တဝိုက်တွင် စစ်ရေးလှုပ်ရှားနေသည့် “ဖားရွှေကျော်” အဖွဲ့အား တုပထားခြင်းဖြစ် သည်။

“ဖားရွှေကျော်” ၏ တရားဝင်ဖေ့စ်ဘုတ် စာမျက်နှာအစစ်အား မဇ္ဈိမမှမေးမြန်းရာတွင် မိမိတို့ လက်ရှိသုံး နေသည့် စာမျက်နှာတစ်ခုတည်းသာ အမှန်ဖြစ်ကြောင်းနှင့် စာမျက်နှာအတုမှာ မည်သည့်ရည်ရွယ်ချက် ဖြင့်ဖွင့်ထားသည်ကိုမူ စုံစမ်းနေဆဲဖြစ်ကြောင်း ပြန်လည်ဖြေကြားသည်။

ဖားရွှေကျော် အစစ်- https://bit.ly/3KSkl84
ဖားရွှေကျော် စာမျက်နှာအတုအပြင် ၎င်းတို့ဖော်ပြထားသည့် စာမျက်နှာအတုများတွင် သတင်းရင်းမြစ် မတိကျဘဲ လူထုအား စိတ်ဓါတ်တက်ကြွစေမည့် “ပျော်စေ စခန်းသိမ်းလိုက်ပြီ” စသဖြင့် စာများ မျှဝေလေ့ ရှိသည်။

ထို့ပြင် အဆိုပါ စာမျက်နှာအတုများတွင်လည်း အလှူငွေများ ကောက်ခံလျက်ရှိပြီး အလှူရှင်များအား အသိအမှတ်ပြုသည့် အလှူဖြတ်ပိုင်းများအားလည်း ဖော်ပြထားသည်ကိုလည်း တွေ့ရသည်။
ထို့ကြောင့် ဖော်ပြပါ “Lion Battalion” နှင့်အတူ “Generation Defense.Force” “Smile Huker UG” နှင့် “ဖားရွှေကျော်တော်လှန်ရေးတပ်ဖွဲ့” အမည်ရှိ ဖေ့စ်ဘုတ်စာမျက်နှာများသည် စာမျက်နှာအတုများဖြစ်ပြီး တော်လှန်ရေးတပ်ဖွဲ့များအား လှူဒါန်းနေသည့်အလှူရှင်များအနေဖြင့် မိမိလှူဒါန်းမည့်သူနှင့် အဖွဲ့ အစည်းများအား စိစစ်ပြီးမှသာ လှူဒါန်းကြရန် ဖော်ပြလိုက်ရသည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့် - https://bit.ly/3x5qnf5 သို့ ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။

စာတည်း။ ။စောဖေ

#Misinformation_Buster
#Fake_News
#PDF_Fake_Page
#Lion_Battalion
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16❤2😁1