နယူးယောက်တွင် ပဇီကြီးလေကြောင်းတိုက်ခိုက်မှုနှင့် ခါးစည်းခံမြန်မာပြည်သူများအတွက် ဆန္ဒပြ
=========================

ဂျူချန်း
(မဇ္ဈိမ)။ ။ အမေရိကန်ပြည်ထောင်စု နယူးယောက်မြို့၌ ဒေသစံချိန် ဧပြီလ ၁၃ ရက်နေ့ ညနေ ၃ နာရီ တွင် နယူးယောက်မြို့မှ ရဟန်းသံဃာများ အပါအဝင် မြန်မာတိုင်းရင်းသားများ ၃၀၀ ခန့် ဆုတောင်းဆန္ဒပြပွဲ ကျင်းပခဲ့ကြောင်း သိရသည်။

စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာတွင် ဧပြီလ ၁၁ ရက်နေ့၌ စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်မှုပြုလုပ်ခဲ့ပြီး Mi35 ရဟတ်ယာဉ်ဖြင့် အရပ်သားပြည်သူများအား ပစ်ခတ်မှုကြောင့် အမျိုးသမီးနှင့် ကလေးငယ်များအပါအဝင် လူပေါင်း ၁၆၀ ထက်မနည်း သေဆုံးခဲ့ရခြင်း ဖြစ်စဉ်နှင့် စပ်လျဉ်း၍ ပြုလုပ်ခဲ့ခြင်းဖြစ်သည်။

အဆိုပါ ဆုတောင်းဆန္ဒဖော်ထုတ်ပွဲတွင် စစ်ကောင်စီ၏ လူမဆန်သည့် အကြမ်းဖက်လုပ်ရပ်များအား အပြင်းအထန် ရှုတ်ချခဲ့ကြပြီးနိုင်ငံတကာ ခေါင်းဆောင်များက မြန်မာနိုင်ငံအား အကူအညီပေးနိုင်ရန် နယူးယောက်ရှိ မြန်မာလူမှုအဖွဲ့အစည်းများနှင့် နိုင်ငံရေးလှုပ်ရှားသူများက အမေရိကန်သမ္မတ ဂျိုးဘိုင်ဒင် ထံသို့ အိတ်ဖွင့်ပေးစာတစ်စောင် ပေးပို့ တောင်းဆိုခဲ့ကြကြောင်း ဆိုသည်။

ထို့အပြင် စစ်အုပ်စုအား အကြမ်းဖက်သမားအဖြစ် သတ်မှတ်ကာ NUG အစိုးရအား တရားဝင်အစိုးရအဖြစ် အသိအမှတ်ပြု၍ အစိုးရအချင်းချင်း တိုက်ရိုက်အကူအညီပေးခြင်းများ အလျင်အမြန်လုပ်ဆောင်ရန်၊ စစ်တပ်အား လေယာဉ်ဆီရောင်းချခြင်းများအား ပိတ်ပင်ရန်၊ စစ်ရာဇဝတ်မှု ကျူးလွန်နေသူများကို နိုင်ငံတကာရာဇဝတ်မှုတရားရုံး (ICC) ထံသို့ လွှဲပြောင်းပေးကြရန် တောင်းဆို ဆန္ဒပြခဲ့ကြကြောင်း သိရသည်။

စာတည်း။ ။ အောင်ကျော်ဖြိုး

#Mizzima
#ပဇီကြီးလေကြောင်းတိုက်ခိုက်မှု
#နယူးယောက်
ဓါတ်ပုံ- KyawSoe Latt
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

Lion Battalion Commando စစ်ကြောင်းနာမည်ကို သုံးပြီး ဖွင့်ထားတဲ့
ဖေ့ဘုတ်ပေ့ချ်အတုကနေ အလှူငွေကောက်ခံတာတွေ ရှိနေပါတယ်။

သတင်းအပြည့်အစုံဖတ်ရန် -
https://www.facebook.com/MizzimaDaily/posts/6593735780661271

#Misinformation_Buster #Reels
#Fake_News #Shorts #Lion_Battalion

ဧပြီလ (၁၄) ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်

00:55 - ထိုင်းနိုင်ငံတွင် ပန်းရောင်ကတ် ထုတ်ပေးခြင်း ယာယီရပ်ဆိုင်းထားတဲ့သတင်း

02:09 - စစ်အာဏာရှင်ဆန့်ကျင်ခဲ့ဖူးသည့် အနုပညာရှင်အချို့ စစ်ကောင်စီသင်္ကြန်မဏ္ဍပ်တွင် ပြန်လည်ထွက်ပေါ်လာတဲ့သတင်း

07:53 - နယူးယောက်မှာ ပဇီကြီးလေကြောင်းတိုက်ခိုက်မှုနှင့် ခါးစည်းခံမြန်မာပြည်သူတွေအတွက် ဆန္ဒပြတဲ့သတင်း

04:07 - အကယ်ဒမီပေးပွဲကို ခမ်းခမ်းနားနား ကျင်းပသွားမယ်လို့ စစ်ကောင်စီဆိုတဲ့သတင်း တွေအပါအဝင် တခြားစိတ်ဝင်စားဖွယ်ရာနဲ့ အရေးကြီးသတင်းတွေကို တင်ဆက်ပေးပါတော့မယ်။

https://youtu.be/lIhTbA9HNyo