Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
မဇ္ဈိမအတွက် ဗွီအိုအေ သတင်းလွှာ (မေလ ၁၁ ရက်၊ ၂၀၂၃ ခုနှစ်| VOA On Mizzima)   
===============

ထိုင်းနိုင်ငံရွေးကောက်ပွဲနဲ့ မြန်မာ့နိုင်ငံရေးအပေါ် သက်ရောက်မှု၊ အမေရိကန်ရောက် မြန်မာယဉ်ကျေးမှု ပြပွဲ၊ ဒီလို စိတ်ဝင်စားစရာ နိုင်ငံတကာသတင်းဆောင်းပါးတွေ၊ နောက်ဆုံးရ ငွေကြေးဈေးကွက် သတင်းတွေကို ၂၀၂၃ ခုနှစ်၊ မေလ ၁၁ ရက်၊ မဇ္ဈိမအတွက် ဗွီအိုအေ အစီအစဉ်မှာ ကြည့်ရှုနိုင်ပါတယ်။ 

https://youtu.be/Jg6NCChWEHQ

#VOA
#MizzimaTv
 ------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁1
“ဆိုင်ကလုန်းမုန်တိုင်း မိုခါ မေလ ၁၂ ရက် ညနေပိုင်းမှာ စစ်တွေကတစ်ဆင့် မြန်မာနိုင်ငံကို ဝင်ရောက်နိုင် တယ်” (ရုပ်/သံ) 
==============

KMN

(မဇ္ဈိမ)။ ။ဘင်္ဂလားပင်လယ်အော်အရှေ့တောင်ပိုင်းတွင် ဖြစ်ပေါ်နေသည့် အားကောင်းသောမုန်တိုင်းငယ် သည် ယနေ့ မေလ ၁၁ ရက်နေ့ နံနက်ပိုင်းတွင် ဆိုင်ကလုန်းမုန်တိုင်း “ONE” (01B) ဖြစ်လာနေသည်။

၎င်းဆိုင်ကလုန်းမုန်တိုင်းသည် ဆိုင်ကလုန်းမုန်တိုင်း မိုခါအဖြစ်အသွင်ပြောင်းပြီး မေလ ၁၂ ရက်နေ့ ညနေ ပိုင်းတွင် ရခိုင်ပြည်နယ်၊ စစ်တွေမြို့မှတစ်ဆင့် မြန်မာနိုင်ငံကို ဝင်ရောက်နိုင်ချေရှိနေသည်။

ဥရောပသမဂ္ဂ(EU)နှင့်ကုလသမဂ္ဂ(UN)မှ ဦးစီးလုပ်ကိုင်နေသည့် သဘာဝဘေးအန္တရာယ်ဆိုင်ရာ သတိပေး ချက်စနစ်(GDACS) အရ မြန်မာနိုင်ငံသို့ အမြင့်ဆုံးလေတိုက်နှုန်း ၁၆၇ ကီလိုမီတာ (တစ်နာရီ ၁၀၃.၇ မိုင်) ရှိသည့် ဆိုင်ကလုန်းမုန်တိုင်းဝင်ရောက်တိုက်ခိုက်မည့် အခြေအနေကြောင့် လူဦးရေ ၂ သန်းကို ထိခိုက် နိုင်ကြောင်း အနီရောင်အဆင့် သတိပေးချက် “RED ALERT” ထုတ်ပြန်ထားသည်။

လူဦးရေ ၂ သန်းတွင် ရခိုင်ပြည်နယ်မှ လူဦးရေ ၉၃၀,၀၀၀ ခန့်၊ ချင်းပြည်နယ်မှ လူဦးရေ ၂၁၀,၀၀၀ ခန့်၊
မကွေးတိုင်းမှ လူဦးရေ ၁၇၀,၀၀၀ခန့်၊ စစ်ကိုင်းတိုင်းမှ လူဦးရေ ၄၄၀,၀၀၀ ခန့်တို့မှာ အန္တရာယ်ရှိသည့် လေပြင်းတိုက်ခိုက်ခြင်းကို ခံရနိုင်ချေရှိနေသည်။

ဆိုင်ကလုန်းမုန်တိုင်း မိုခါ မြန်မာနိုင်ငံဝင်ရောက်နိုင်မှုနှင့်ပတ်သက်ပြီး မိုးလေဝသခန့်မှန်းလေ့လာသူ ဦးဝင်းနိုင်ကို မဇ္ဈိမရုပ်သံသတင်းထောက် KMN က ဆက်သွယ်မေးမြန်းထားသည်။

https://youtu.be/0tDP97Y5-ns

တင်ဆက်၊တည်းဖြတ် - KMN

#Mizzima
#မိုခါ 
#ဆိုင်ကလုန်းမုန်တိုင်း

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🔥2❤1😢1
မုန်တိုင်းအရှိန်ကြောင့် ရန်ကုန်တိုင်းရှိနေရာအချို့တွင် မိုးသည်းထန်စွာရွာသွန်းနေ
👍5🔥1
မုန်တိုင်းအရှိန်ကြောင့် ရန်ကုန်တိုင်းရှိနေရာအချို့တွင် မိုးသည်းထန်စွာရွာသွန်းနေ
================

ကီရာ

(မဇ္ဈိမ) ။  ။ မုန်တိုင်းအရှိန်ကြောင့် ရန်ကုန်တိုင်းဒေသကြီး နေရာအချို့တွင် မေလ ၁၀ ရက်နေ့မှ စတင်ကာ မိုးသည်းထန်စွာ ရွာသွန်းမှုများဖြစ်ပေါ်နေကြောင်း မြို့ခံများကပြောသည်။

မေလ ၁၀ ရက်၊ နေ့လယ် ၁ နာရီခန့်တွင် အချိန် တစ်နာရီကျော်ကြာသည်အထိ ရန်ကုန်တိုင်း နေရာအချို့တွင်မိုးရွာသွန်းမှုနှင့်အတူ လေပြင်းတိုက်ခတ်မှုများဖြစ်ပွားခဲ့ပြီး သစ်ပင်များလည်း ကျိုးကျပျက်စီးမှု ခဲ့သည်ဟု သိရသည်။

လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာစီမံခန့်ခွဲရေးဝန်ကြီးဌာန (NUG) ကလည်း ဘင်္ဂလားပင်လယ်အော် အရှေ့တောင်ပိုင်းတွင် ဖြစ်ပေါ်နေသော လေဖိအားနည်း ရပ်ဝန်းသည် မုန်တိုင်းအဆင့်မှ အားကောင်းသော မုန်တိုင်းငယ်အဆင့်သို့ ရောက်ရှိနေကြောင်း ထုတ်ပြန်ထားသည်။

အဆိုပါအားကောင်းသော မုန်တိုင်းငယ်သည် ယနေ့ မေလ ၁၁ ရက်နေ့ ညပိုင်းတွင် ဆိုင်ကလုန်းမုန်တိုင်း (MOCHA) အမည်ပေးနိုင်သော အဆင့်သို့ ရောက် ရှိနိုင်ကြောင်း မေလ ၁၀ ရက် က ထုတ်ပြန်ထားခြင်းဖြစ်သည်။

မုန်တိုင်းလမ်းကြောင်းအရ ဘေးအန္တရာယ်ကျရောက်နိုင်သောဇုန်များကို ထုတ်ပြန်ချက်တွင် ဖော်ပြထားပြီး ရခိုင်ကမ်းရိုးတန်းမြောက်ပိုင်း (မောင်တောခရိုင်၊ မောင်တောမြို့နယ်၊ ဘူးသီးတောင်မြို့နယ်)၊ စစ်တွေခရိုင် (စစ်တွေမြို့နယ်၊ ပုဏ္ဏားကျွန်းမြို့နယ်၊ ပေါက်တောမြို့နယ်) များကို အန္တရာယ်အများဆုံးဇုန်အဖြစ် သတ်မှတ်ထားသည်။

ထို့အပြင် ကျောက်ဖြူခရိုင် (ကျောက်ဖြူမြို့နယ်၊ အမ်းမြို့နယ်တောင်ပိုင်း၊ ရမ်းဗြဲမြို့နယ်၊ စနဲ မြို့နယ်၊ မာန်အောင်မြို့နယ်၊ သံတွဲမြို့နယ်) များကိုဒုတိယနှင့် သံတွဲခရိုင်(ကျိန္တလီမြို့နယ်ခွဲ၊ ဂွမြို့နယ်)၊ ဧရာဝတီတိုင်း ပုသိမ်ခရိုင်၊ (ရွှေသောင်ယံ မြို့နယ်ခွဲ၊ ငရုပ်ကောင်းမြို့နယ်ခွဲ၊ ဟိုင်းကြီးကျွန်း၊ လပွတ္တာမြို့နယ် ကမ်းခြေဒေသများ) ကို တတိယအန္တရာယ်အများဆုံး ဇုန်အဖြစ် သတ်မှတ်ထားကြောင်း ဖော်ပြထားသည်။

ကမ္ဘာ့သဘာဝဘေး သတိပေးချက်ထုတ်ပြန်ခြင်းနှင့် ပူးပေါင်းဆောင်ရွက်မှုစနစ် (Global Disaster Alert and Coordination SYSTEM − GDACS) မှလည်း ဆိုင်ကလုန်းမုန်တိုင်း ဝင်ရောက်တိုက်ခိုက်နိုင်သည့်အခြေအနေကြောင့် လူဦးရေ ၂ သန်းကို ထိခိုက်နိုင်ကြောင်း အနီရောင်အဆင့်သတိပေးချက် "RED ALERT" ကို ယနေ့ မေလ ၁၁ရက်က ထုတ်ပြန်ခဲ့သည်။

အဆိုပါထုတ်ပြန်ချက်တွင် ရခိုင်ပြည်နယ်မှ လူဦးရေ ၉၃၀,၀၀၀၊ ချင်းပြည်နယ်မှ လူဦးရေ ၂၁၀,၀၀၀၊ မကွေးတိုင်းမှလူဦးရေ ၁၇၀,၀၀၀ နှင့် စစ်ကိုင်းတိုင်းမှ လူဦးရေ ၄၄၀,၀၀၀ တို့သည် အန္တရာယ်ရှိသည့် လေပြင်းတိုက်ခိုက်ခြင်းကို ခံရနိုင်ကြောင်း ဖော်ပြထားသည်။

စာတည်း ။ ။ Alden
စာမူတည်းဖြတ်။ ။ အောင်ကျော်ဖြိုး

#မုန်တိုင်း
#ရန်ကုန်တိုင်း
#မိုးရွာသွန်း
#မုန်တိုင်းအန္တရာယ်

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤4👍3🔥2
This media is not supported in your browser
VIEW IN TELEGRAM
May - 11 [4 Pm] Mizzima News Hour

Mizzima Headline News

#4pmnews #mizzimanewshour #reels #shorts
👍2🤮2😁1
နယ်စပ်ဒေသမှဖြတ်ပြီး လူသားချင်းစာနာမှုအကူအညီပေးဖို့ အာဆီယံကို NUG နှင့် တိုင်းရင်းသားအဖွဲ့များ တောင်းဆို
===================

အာဆီယံအနေနဲ့ မြန်မာနိုင်ငံကို လူသားချင်းစာနာမှုအကူအညီတွေပေးတဲ့နေရာမှာ နယ်စပ်ဒေသတွေဖြတ်ပြီး ဒေသခံတွေဆီအရောက်ပို့ဖို့ အမျိုးသားညီညွတ်ရေးအစိုးရ (NUG) နဲ့ တိုင်းရင်းသားလက်နက်ကိုင်အဖွဲ့တချို့က တောင်းဆိုလိုက်ပါတယ်။
အာဆီယံအကူအညီပေးရေး သံတမန်အဖွဲ့ ယာဉ်တန်းတိုက်ခိုက်ခံရပြီးနောက် တိုင်းရင်းသားအဖွဲ့တွေက အခုလိုအကြံပေး တောင်းဆိုလာတာဖြစ်ပါတယ်။

နယ်စပ်ကနေတစ်ဆင့် အကူအညီပေးတဲ့နေရာမှာလည်း စစ်ကောင်စီနဲ့ မဟုတ်ဘဲ တိုင်းရင်းသားလက်နက်ကိုင်အဖွဲ့တွေနဲ့ ပူးပေါင်းဆောင်ရွက်ဖို့လိုတယ်လို့ KNU၊ KNPP၊ CNF နဲ့ NUG တို့ ပူးပေါင်းပြီး ဒီကနေ့ ထုတ်ပြန်တဲ့ ကြေညာချက်မှာ ပြောထားပါတယ်။

https://youtu.be/Fz9RPy7jmu8

#Political News
#MizzimaTV
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
❤8👍5😁2
Forwarded from Mizzima+ TV Channel
This media is not supported in your browser
VIEW IN TELEGRAM
မော်စကိုရင်ပြင်နီ အောင်ပွဲနေ့စစ်ရေးပြချီတက်ပွဲမှာ နျူကလီးယားလက်နက်တွေကို ခင်းကျင်းပြသ

#internationalnews #reels #shorts
🤬4❤2👏1
​​လေးလအတွင်း တိုက်ပွဲပေါင်း ၁,၆၀၀ ကျော်ဖြစ်ပွားခဲ့ဟု KNU ထုတ်ပြန်
====================

YT
(မဇ္ဈိမ)။ ။ကရင်အမျိုးသားအစည်းအရုံး(KNU)၊ ကော်သူးလေအုပ်ချုပ်နယ်မြေများတွင် ၂၀၂၃ ခုနှစ်၊ ဇန်နဝါရီလမှဧပြီလထိ လေးလအတွင်း တိုက်ပွဲပေါင်း ၁,၆၄၂ ကြိမ် ဖြစ်ပွားခဲ့ကြောင်း KNU (ဗဟို) က ယနေ့ မေလ ၁၁ ရက်နေ့တွင် ထုတ်ပြန်သည်။

၂၀၂၃ ခုနှစ် ဇန်နဝါရီလမှဧပြီလအတွင်း ကရင်အမျိုးသားလွတ်မြောက်ရေးတပ်မတော် (KNLA)၊ ကရင် အမျိုးသားကာကွယ်ရေးတပ်ဖွဲ့ (KNDO)တို့နှင့် စစ်ကောင်စီတပ်၊ ၎င်းတို့၏လက်အောက်ခံ ကရင်နယ် ခြားစောင့်တပ် (BGF) တို့အကြား တိုက်ပွဲပေါင်း ၁,၆၄၂ ကြိမ်ဖြစ်ပွားခဲ့ခြင်းဖြစ်သည်။

ထိုတိုက်ပွဲများအတွင်း စစ်ကောင်စီဘက်မှ တပ်ရင်းမှူး လေးဦး၊ ဒု-တပ်ရင်းမှူး ငါးဦးအပါအဝင် ၁,၇၃၆ ဦးသေဆုံး၍ ၁,၁၈၈ ဦး ထိခိုက်ဒဏ်ရာရခဲ့သည်ဟု ထုတ်ပြန်ချက်တွင် ဖော်ပြသည်။

လေးလအတွင်း ဖြစ်ပွားခဲ့သောတိုက်ပွဲများအတွင်း KNLA ၊ KNDO ဘက်မှလည်း ရဲဘော် ၅၉ ဦး ကျဆုံး ခဲ့ကာ ၁၉၆ ဦး ထိခိုက်ဒဏ်ရာရခဲ့ကြောင်း သိရသည်။

ကော်သူးလေအုပ်ချုပ်နယ်မြေများတွင် စစ်ကောင်စီတပ်နှင့် BGF တို့၏ စစ်ရေးလှုပ်ရှားမှုများ၊ လူ့အခွင့် အရေး ချိုးဖောက်မှုများကြောင့် ဒေသခံပြည်သူ ၄၀၀,၀၀၀ ကျော် ဘေးကင်းရာသို့ တိမ်းရှောင်နေခဲ့ရ သည်။

ထို့ပြင် ဒေသခံ ၁၀၀,၀၀၀ ကျော်၏ လုပ်ငန်းခွင်များပျက်စီးခဲ့ရကာ KNU အနေဖြင့် စစ်ဘေးရှောင်ပြည်သူ ၄၀၀,၀၀၀ ကျော်အနက် ပြည်သူ ၈၅,၀၀၀ အတွက်သာ လစဉ် စားနပ်ရိက္ခာများ ထောက်ပံ့ပေးနိုင်လျက် ရှိကြောင်း ဖော်ပြထားသည်။

“ KNU အနေဖြင့် စစ်ကောင်စီတပ်အား နိုင်ငံရေး၊ စစ်ရေးအရ ရင်ဆိုင်နေရသည်သာမက ကော်သူးလေ အုပ်ချုပ်နယ်မြေများအတွင်းဖြစ်ပွားသော တိုက်ပွဲများကြောင့် ထွက်ပြေးတိမ်းရှောင်နေကြရသည့် ပြည်သူ လူထုများ၏ လိုအပ်ချက်များကိုလည်း ကြိုးစားပြီး ကိုင်တွယ်ဖြေရှင်းနေကြရလျက်ရှိသည်” ဟု ထုတ်ပြန် ချက်ကဆိုသည်။

စစ်ဘေးရှောင်နေရသော ပြည်သူများအနေဖြင့် စားနပ်ရိက္ခာမလုံလောက်မှု၊ အမိုးအကာ မလုံလောက်မှု၊ ဆေးဝါးမလုံလောက်မှု ပြသနာများအား ကြုံတွေ့နေရပြီး လူသားချင်းစာနာထောက်ထားမှုဆိုင်ရာ အကူ အညီများလိုအပ်နေကြောင်း KNU ကဆိုသည်။
စစ်ကောင်စီအာဏာသိမ်းသည့် ၂၀၂၁ ခုနှစ် ဖေဖော်ဝါရီလ ၁ ရက်နေ့မှ ၂၀၂၃ နှစ် မတ်လအထိ နှစ်နှစ် ကျော်ကာလအတွင်း KNU နယ်မြေများတွင် စစ်ကောင်စီတပ်နှင့် ၎င်း၏လက်အောက်ခံ BGF တို့မှ ကျူးလွန်ခဲ့သော လူ့အခွင့်အရေးချိုးဖောက်မှု အကြိမ်ရေပေါင်း ၂,၀၀၀ ကျော်ရှိကြောင်း KNU မှ ထုတ် ပြန်ခဲ့သည့် အစီရင်ခံများတွင်ဖော်ပြထားချက်အရ သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#တိုက်ပွဲ
#လူ့အခွင့်အရေးချိုးဖောက်မှု
#KNU
#KNLA
#BGF
#စစ်ကောင်စီတပ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6❤5😁2🥰1
Media is too big
VIEW IN TELEGRAM
နယ်စပ်ဒေသမှဖြတ်ပြီး လူသားချင်းစာနာမှုအကူအညီပေးဖို့အာဆီယံကို
NUGနှင့် တိုင်းရင်းသားအဖွဲ့များတောင်းဆို

Watch more detail - https://youtu.be/Fz9RPy7jmu8

#PoliticalNews #နယ်စပ် #အာဆီယံ#VideoNews #shorts #reels
👍8😁3
ထိုင်းရွေးကောက်ပွဲနဲ့ မြန်မာ့အရေး | VOA On Mizzima
================

ထိုင်းနိုင်ငံမှာ မေလ ၁၄ ရက်နေ့ကျင်းပမယ့် အထွေထွေရွေးကောက်ပွဲအတွက် နိုင်ငံရေးပါတီအသီးသီးက မဲဆွယ်စည်းရုံးမှုတွေကို အရှိန်ပြင်းစွာနဲ့ လုပ်ဆောင်ကြတာမှာ အတိုက်အခံပါတီတွေက ထိပ်ကနေ ဦးဆောင်နေပါတယ်။ မြန်မာရွေ့ပြောင်းအလုပ်သမား အများစုနေထိုင်ရာ ထိုင်းနိုင်ငံရဲ့ ဒီရွေးကောက်ပွဲရလဒ်ဟာ ထိုင်းမှာရှိနေတဲ့ သန်းနဲ့ချီတဲ့ မြန်မာနိုင်ငံသားတွေသာမကဘဲ မြန်မာ့နိုင်ငံရေးအပေါ်မှာပါ သက်ရောက်မှုတွေ ရှိနိုင်တယ်ဆိုပြီး မြန်မာအများစုက စိတ်ဝင်တစား စောင့်ကြည့်နေကြတာပါ။ ဘန်ကောက်မြို့ကနေ ကိုဇော်ဝင်းလှိုင်က စုစည်း တင်ပြပေးထားပါတယ်။

https://youtu.be/IUQdJUGTPBU

#VOA

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁3
မေလ (၁၁)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
=====================

01:01 - မြန်မာငြိမ်းချမ်းရေး အစီအစဉ်မှာ စွမ်းဆောင်နိုင်မှု အနည်းအကျဉ်းသာ ရှိတယ်လို့ အင်ဒိုနီးရှား သမ္မတ ပြောတဲ့သတင်း

02:29 - ရခိုင်ပြည်နယ်မြောက်ပိုင်း ဆိုင်ကလုန်မုန်းတိုင်းမလာခင် အမြန်ပြောင်းရွှေ့ကြဖို့ သတိပေးတဲ့သတင်း

05:06 - စစ်အုပ်ချုပ်ရေးကြေညာထားတဲ့ ပုလောမှာ အပတ်စဉ်(၇) အခြေခံစစ်ပညာသင်တန်းဆင်းပွဲ ပြုလုပ်တဲ့သတင်း

06:52 - ခင်ဦးမှာ ကင်းလှည့်လာတဲ့ စစ်ကောင်စီတပ်ဖွဲ့ဝင် ၂ ဦးတိုက်ခိုက်ခံရပြီး သေနတ် ၂ လက် သိမ်းဆည်းရရှိတဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာပါ။

https://youtu.be/Gg_zSBMsdNg

#4pmnews
#Mizzimanewshour
#mizzimatv
------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍10😁2
​​PDF နှင့် စစ်ကောင်စီတပ် ပစ်ခတ်မှုဖြစ်ပွား၊ နှစ်ဖက်အကျအဆုံးရှိ 
=====================

YT 

(မဇ္ဈိမ)။     ။ ပဲခူးတိုင်းဒေသကြီး၊ ညောင်လေးပင်ခရိုင်၊ ညောင်လေးပင်မြို့နယ်နှင့် ပိန်းဇလုတ်မြို့အကြား၊ လိန်ပင်ဆိပ်တံတားအနီး၊ရန်ကုန်- မန္တလေးကားလမ်းအဟောင်း ဘေးတွင် မစ်ရှင်ပြုလုပ်ရန်သွားသော ညောင်လေးပင်ခရိုင် PDF တပ်ရင်း (၃၇၀၂ ) မှ ရဲဘော် သုံးဦးသည် စစ်ကောင်စီတပ်သားများနှင့် ထိပ်တိုက်တွေ့ဆုံခဲ့၍ အပြန်အလှန်ပစ်ခတ်မှုဖြစ်ပွားခဲ့ကြောင်း ဒေသတွင်း သတင်းအရင်းအမြစ်တစ်ဦးထံက သိရသည်။ 

ပြီးခဲ့သည့် မေလ ၈ ရက် ညနေပိုင်းတွင် ဖြစ်ပွားခဲ့သည့် ထိုအပြန်အလှန်ပစ်ခတ်မှုတွင် စစ်ကောင်စီတပ်သား လေးဦးကျဆုံးပြီး PDF ရဲဘော်နှစ်ဦး ကျဆုံးခဲ့သည်။ 

" ရန်ကုန်- မန္တလေးလမ်းဟောင်းမှာ မစ်ရှင်သွားလုပ်ရင်း ထိပ်တိုက်တိုးပြီး ကိုယ့်ဘက်က စပစ်တာ။ စစ်သား လေးယောက်ကျတယ်။ ကိုယ့်ဘက်က နှစ်ဥိီးကျတယ်။ တစ်ဦး လွတ်မြောက်ပါတယ်" ဟု ဒေသတွင်း သတင်းအရင်းအမြစ်တစ်ဦးက မဇ္ဈိမကိုပြောသည်။ 

အသက်ရှင်ကျန်ရစ်ခဲ့သော PDF ရဲဘော်တစ်ဦးသည် လုံခြုံသော နေရာသို့ ပြန်ရောက်နေပြီဖြစ်သော်လည်း ကျဆုံးခဲ့သော ရဲဘော်နှစ်ဦး​၏ အလောင်းနှင့် ၎င်းတို့တွင် ပါရှိသော လက်နက်၊ ခဲယမ်းများကို စစ်ကောင်စီတပ်သားများက ရရှိသွားကြောင်း ဒေသတွင်း သတင်းအရင်းအမြစ်က ဆိုသည်။

မစ်ရှင်သွားရောက်ပြုလုပ်သော PDF ရဲဘော်သုံးဦးတွင် CDM ရဲဘော်နှစ်ဦးပါဝင်ပြီး မစ်ရှင်ပြုလုပ်ရန် သွားစဉ် လမ်းတွင်တွေ့သည့် ဒလန်​၏ သတင်းပေးမှုကြောင့် စစ်ကောင်စီတပ်နှင့် ထိပ်တိုက်တိုးရခြင်းဖြစ်ကြောင်းလည်း ဒေသတွင်းလှုပ်ရှားနေသော ပြည်သူ့ကာကွယ်ရေးတပ်ဖွဲ့ဝင်တစ်ဦး​ထံက သိရသည်။ 

စစ်ကောင်စီ​၏ ပြန်ကြားရေးချန်နယ်များတွင် ယခုပစ်ခတ်မှုနှင့် ပတ်သက်၍ PDF နှစ်ဦး​၏ ရုပ်အလောင်းနှင့်အတူ ပစ္စတိုတစ်လက်၊ ကျည် ၁၆ တောင့်၊ ကျည်အိမ်နှစ်ခု၊ လက်လုပ်ရှေ့ထွက်မိုင်းတစ်လုံး၊ မှတ်ပုံတင်တစ်ခုသိမ်းဆည်းရမိသည်ဟု ဖော်ပြထားသည်ကိုတွေ့ရသည်။

စာတည်း။ ။အောင်ကျော်ဖြိုး

# Mizzima
#နှစ်ဖက်အကျအဆုံးရှိ 
#ညောင်လေးပင်ခရိုင်
#ညောင်လေးပင်ခရိုင် PDF တပ်ရင်း (၃၇၀၂ )

ဓါတ်ပုံ- ပြည်သူ့ကာကွယ်ရေးတပ်ဖွဲ့ "ရိုးမ" BPDF- YOMA (ပုံဟောင်း)

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😢18👍7🔥1👏1
Media is too big
VIEW IN TELEGRAM
ထိုင်းရွေးကောက်ပွဲနဲ့ မြန်မာ့အရေး | VOA On Mizzima

Watch more detail - https://youtu.be/IUQdJUGTPBU

#VOA #ထိုင်း#ရွေးကောက်ပွဲ #Mizzima #shorts #reels
👍5🔥1
Forwarded from Mizzima+ TV Channel
This media is not supported in your browser
VIEW IN TELEGRAM
အမေရိကန်အတိုင်ပင်ခံကုမ္ပဏီကို တရုတ်ကအမျိုးသားလုံခြုံရေးအကြောင်းပြချက်နဲ့ ဝင်ရောက်စီနင်း

#internationalnews #reels #shorts
👍5👏2🤣1
ဒေါက်တာဝင်းမြတ်အေး- "NUG ကို လေလှိုင်းအစိုးရလို့မပြောနဲ့"
==================

ဆိုင်ကလုန်းမုန်တိုင်း MOCHA သည် မုန်တိုင်းဗဟိုချက်အနီးတွင် လေတိုက်နှုန်း မိုင် ၁၁၀ ခန့်အထိတိုက်ခိုက်နိုင်ပြီး လက်ရှိခန့်မှန်းထားချက်များအရ မုန်တိုင်းလမ်းကြောင်းကျနိုင်သောဇုံများမှာ ရခိုင်ကမ်းရိုးတန်းမြောက်ပိုင်း၊ ကျောက်ဖြူခရိုင်နှင့် သံတွဲခရိုင်တို့ပါဝင်သည်ဟု အမျိုးသားညီညွတ်ရေးအစိုးရ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက သတိပေးချက်ထုတ်ပြန်ထားသည်။

မုန်တိုင်းဘေးအန္တရာယ်၊ အရေးပေါ်ကယ်ဆယ်ရေးနှင့်ပတ်သက်၍ အမျိုးသားညီညွတ်ရေးအစိုးရကပြင်ဆင်နေမှုများနှင့် အာဆီယံ၏ လူသားချင်းစာနာထောက်ထားရေးဌာနနှင့် ပူးပေါင်းဆောင်ရွက်နိုင်ခြေလမ်းများကို မဇ္ဈိမသတင်းဌာန စီမံခန့်ခွဲမှုအယ်ဒီတာ ကိုစိန်ဝင်းနှင့် တွေ့ဆုံမေးမြန်းခန်းတွင် ဖြေကြားထာသည်။

https://youtu.be/SXqSKkeg1bY

#NUG
#Exclusive Interview
#ဒေါက်တာဝင်းမြတ်အေး

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍15😁4