မေလ (၂၉)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်

00:56 − မတ်လနဲ့ ဧပြီလအတွင်း ဖြစ်ပွားခဲ့တဲ့ တိုက်ပွဲတွေမှာ စစ်ကောင်စီတပ်ဘက်က ၁၀၀၀ ကျော်သေဆုံးတဲ့သတင်း

03:14 − စစ်ခေါင်းဆောင် မန္တလေးကိုရောက်နေချိန် ခြေလျင်တပ်ရင်း နဲ့ အခွန်ရုံး တိုက်ခိုက်ခံလိုက်ရတဲ့သတင်း

05:00 − တေးသံရှင်ဗျူဟာကို ဒီကနေ့ မေလ ၂၉ ရက်နေ့မှာ ရုံးထုတ်စစ်ဆေးမယ့်သတင်းနဲ့

09:30 − ဒီကနေ့ရရှိထားတဲ့ ရွှေစျေး၊ ငွေစျေးနဲ့ အရေးကြီးကုန်စျေးနှုန်းတွေအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးသွားမှာပါ။

https://youtu.be/N015YbTH_gU

“အခု ဒီဖက်ဒေသမှာတော့ တစ်ပြည်နယ်လုံးအတိုင်းအတာနဲ့ တိုက်ပွဲတွေဖြစ်နေတယ်။ လက်ရှိကလည်း စစ်ကောင်စီက လေကြောင်းကိုခါတိုင်းထက်ပိုပြီး တိုက်ပွဲဖြစ်ပြီဆိုတာနဲ့ လေယာဥ်နဲ့ ဗုံးလာကြဲတာမျိုး တွေပဲတောက်လျှောက်လုပ်နေတော့ ကိုယ့်ဖက်လည်း အထိအခိုက်တွေရှိတာပေါ့။ လေကြောင်းကို ကာကွယ်ဖို့အတွက်ကလည်း အဆင်သင့်မဖြစ်သေးဘူးပေါ့။ ကြိုးတော့ ကြိုးစားနေကြတယ်ပေါ့။ KNDF ဆိုလည်းကြိုးစားနေတာပေါ့။ ကရင်နီပွိုင့်ဖိုက်ဆိုတဲ့ပရောဂျက်တွေ၊ ဒါတွေ မြန်မြန်အောင်ဖို့လည်း လိုတယ်ပေါ့။ လေကြောင်းကို ကျွန်တော်တို့ အန်တုနိုင်မှသာလျှင် အဆင်ပြေမယ့် အနေအထားပေါ့” ဟု ၎င်းကဆိုသည်။
အဆိုပါ ရဲဘော်၊ ရဲမေ လေးဦးမှာ Dove KK ၏ ဆေးသင်တန်းအမှတ်စဥ် (၂) တွင် ဆေးတပ်သားအဖြစ် တက်ကြွစွာပါဝင်ခဲ့ပြီး ရှေ့တန်းမြေပြင်တွင်သာမကစစ်ရှောင်စခန်းများတွင်လည်း လိုအပ်သကဲ့သို့ ကူညီ ပေးနေသူများဖြစ်ကြကြောင်း Dove KK မှ ထုတ်ပြန်ထားသည်။
စစ်ကောင်စီအနေဖြင့် ၂၀၂၁ ခုနှစ် ဖေဖော်ဝါရီမှ ၂၀၂၃ ခုနှစ် ဧပြီလအထိ လေကြောင်းအသုံးပြု တိုက် ခိုက်မှု ၁,၄၀၀ ကျော်ပြုလုပ်ခဲ့ပြီး ကရင်၊ စစ်ကိုင်းနှင့် ကရင်နီဒေသများကို အများဆုံး တိုက်ခိုက်ခဲ့ကြောင်း ဥာဏ်လင်းသစ်သုတေသနအဖွဲ့ကလည်း မေလ ၂၂ ရက်နေ့တွင် ထုတ်ပြန်ခဲ့သည်။
စာတည်း ။ ။ Alden
စာမူတည်းဖြတ်။ ။စောဖေ
#လေကြောင်းတိုက်ခိုက်မှု’
#ကရင်နီ
#ဆေးတပ်သား
#ကျဆုံး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မိုခါမုန်တိုင်းဒဏ်သင့် ဒေသများထံ အကူအညီများ ဝင်ရောက်ပေးခွင့်ရရေး ပုပ်ရဟန်းမင်းကြီး တိုက်တွန်း

“လူသားချင်းစာနာမှု အကူအညီတွေ အရောက်ပေးပို့နိုင်စေအောင် သက်ဆိုင်ရာတာဝန်ရှိသူတွေဘက်က ပံ့ပိုးဆောင်ရွက်ပေးကြဖို့ ကျွန်ုပ် မေတ္တာရပ်ခံပါတယ်” ဟု ပုပ်ရဟန်းမင်းကြီးက ဗာတီကန်တွင် ပြုလုပ်သည့် ဝတ်ပြုဆုတောင်းပွဲတစ်ခုအပြီးတွင် ပြောသည်။

မေလ (၂၉)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်

00:51 - စစ်ခေါင်းဆောင် မန္တလေးကိုရောက်နေချိန် ခြေလျင်တပ်ရင်း နဲ့ အခွန်ရုံး တိုက်ခိုက်ခံလိုက်ရတဲ့ သတင်း

02:42 - စစ်ကောင်စီဘက်မှ မြန်မာနှင့် ထိုင်းဆက်ဆံရေးကို ပြန်လည်စဉ်းစားနေတဲ့ သတင်း

11:52 - ထိုင်ဝမ်ရေလက်ကြားကို တရုတ်လေယာဉ်တင်သင်္ဘောဖြတ်သန်း တဲ့သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးသွားမှာပါ။

https://youtu.be/RXyzbCE7d1A

​​အိန္ဒိယ ၊ မဏိပူရ်ပြည်နယ်၌ လူသေဆုံးသော ပဋိပက္ခများ ထပ်မံပေါ်ပေါက်

အိန္ဒိယနိုင်ငံ၏ အစွန်အဖျားကျသော အရှေ့မြောက် ပြည်နယ်တစ်ခု ဖြစ်သည့် မဏိပူရ်တွင် မေလ ၂၈ ရက်က လူသေဆုံးသည့် ပဋိပက္ခများ အသစ်တစ်ဖန်ဖြစ်ပွားခဲ့သည်ဟု သိရသည်။ အဆိုပါ ပဋိပက္ခများအတွင်း သေဆုံး၊ ထိခိုက်မှုများနှင့်ပတ်သက်ပြီး အတိအကျကို လက်တလောတွင် ရှင်းရှင်းလင်းလင်း မသိရသေးပေ။

​​စစ်ကောင်စီတပ်စခန်းကို ဒရုန်းဖြင့်တိုက်ခိုက်ရာတွင် ပစ်မှတ်လွဲပြီး ကျရောက်ပေါက်ကွဲ၍ အရပ်သား ၂ ဦး သေဆုံး

YT
(မဇ္ဈိမ)။ ။မွန်ပြည်နယ်၊ ဘီးလင်းမြို့နယ်၊ ဒေါင်းကျေးရွာရှိ ခြံဝန်းတစ်ခုအတွင်း ဒရုန်းပေါ်မှ ဗုံးသီးကျ ရောက်ပေါက်ကွဲ၍ ဒေသခံဆယ်ကျော်သက်လူငယ် အရပ်သားနှစ်ဦးသေဆုံးသွားကြောင်း သတင်းရရှိ သည်။
ပြီးခဲ့သည့် မေလ ၂၇ ရက်နေ့က KNU တပ်မဟာ (၁) နယ်မြေ ဘီးလင်းမြို့ နယ်၊ ဒေါင်းရွာအတွင်း တပ်စွဲ အထိုင်ချနေသော စစ်ကောင်စီတပ်သားများအား KNU ၊ KNLA ၊ PDF ပူးပေါင်းတပ်ဖွဲ့များမှ ဒရုန်းဖြင့် ဗုံးသီးပစ်ချတိုက်ခိုက်ခဲ့ရာ ဗုံးသီးတစ်လုံးသည် စောဘခက်၏ခြံဝန်းအတွင်း မတော်တဆ ကျရောက် ပေါက်ကွဲခြင်းဖြစ်သည်ဟု ဒေသတွင်း သတင်းရင်းမြစ်တစ်ဦးက မဇ္ဈိမကို ပြောသည်။
ယင်းသို့ ကျရောက်ပေါက်ကွဲခြင်းကြောင့် ခြံအတွင်းရှိသရက်ပင်အောက်တွင် ဂိမ်းဆော့နေသော အသက် (၁၆)အရွယ် စောမိုးထက်နှင့် ၎င်း၏သူငယ်ချင်းဖြစ်သူ စောမော်ခါးတို့ သေဆုံးသွားခြင်းဖြစ်ကြောင်း မိသားစုနှင့် နီးစပ်သူတစ်ဦးက မဇ္ဈိမကိုပြောသည်။
“အိမ်ထဲမှာ ဂိမ်းဆော့တာ လိုင်းမမိလို့ ခြံထဲကသရက်ပင်အောက်မှာ ထိုင်ဆော့နေကြတာ၊ KNU ၊ PDF က ဒရုန်းနဲ့ ဟိုဘက်(စစ်ကောင်စီတပ်သားများရှိရာ)ကို ပစ်တာ၊ အဲ့ဒီခြံထဲကို မတော်တဆကျတယ်လို့ပြော တယ်၊ အိမ်လည်း အကုန်ပျက်စီးကုန်ပြီ” ဟု စောမိုးထက်၏ မိသားစုနှင့် နီးစပ်သူတစ်ဦးက မဇ္ဈိမကိုပြော သည်။
အဆိုပါ ကျရောက်ပေါက်ကွဲမှုကြောင့် လူငယ်နှစ်ဦး သေဆုံးမှုအပေါ် များစွာစိတ်မကောင်းဖြစ်ရပြီး ယခု ဖြစ်စဉ်အတွက် အနူးညွှတ်တောင်းပန်ကြောင်းနှင့် နောက်နောင်အလားတူဖြစ်ရပ်မျိုး အတတ်နိုင်ဆုံး မဖြစ်အောင် မြေပြင်အဖွဲ့များကိုလမ်းညွှန်သွားမည်ဟု KNU သထုံခရိုင် မိတ်ဖက်ရေးရာ ကြီးကြပ်ကွပ်ကဲ မှုကော်မတီဥက္ကဋ္ဌ ဦးကျော်မြင့်က ပြောကြားကြောင်း သံလွင်တိုင်းမ်သတင်းဌာနက ယမန်နေ့ မေလ၂၈ ရက်နေ့တွင် ဖော်ပြခဲ့သည်။
“ရွာက (ဒေါင်းရွာ) မော်လမြိုင်ကားလမ်းမကြီးဘေးမှာပဲ ရှိတာလေ၊ စစ်သားတွေက ကားလမ်းဘေးတွေ မှာရှိကြတာ၊ အခုကျတဲ့ခြံက ကားလမ်းမနဲ့ သိပ်မဝေးဘူး” ဟု ဒေသခံတစ်ဦးက ပြောသည်။
ဘီးလင်းမြို့နယ်၊ ဒေါင်းရွာမှ လူငယ်နှစ်ဦး ဗုံးသီးထိမှန်သေဆုံးသည့်ကိစ္စနှင့်ပတ်သက်၍ သထုံခရိုင် PDF တာဝန်ခံကိုအေးမင်းထွန်းကို မဇ္ဈိမမှ ဆက်သွယ်မေးမြန်းထားသော်လည်း ပြန်လည်ဖြေကြားခြင်း မရှိ သေးပေ။
KNU တပ်မဟာ(၁)နယ်မြေ၊ ဘီးလင်းမြို့နယ်ရှိ စစ်ကောင်စီတပ်၏ တပ်ရင်းများ၊ ဂိတ်စခန်းများ၊ ကင်းပုန်း များ၊ စစ်ကြောင်းများအား တပ်မဟာ (၁) KNLA၊ PDF ပူးပေါင်းတပ်ဖွဲ့များက ဒရုန်း၊ လက်နက်ကြီးများဖြင့် မကြာခဏ သွားရောက်တိုက်ခိုက်လေ့ရှိပြီး ထိတွေ့တိုက်ပွဲများလည်း ဖြစ်ပွားမှုရှိကြောင်း သိရသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#Mizzima
#ဘီးလင်း
#အရပ်သားနှစ်ဦးသေ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ဒေါ်အောင်ဆန်းစုကြည်၏ မွေးနေ့အထိမ်းအမှတ် ချုပ်လုပ်ထားသည့်ပိုးထည်ကို ရောင်းချပြီး ရန်ပုံငွေ ရှာဖွေ

ဂန္ဓမာ
(မဇ္ဈိမ)။ ။ဒီမိုကရက်တစ်လူငယ်ကောင်စီက အာဏာသိမ်းစစ်တပ်၏ ထောင်သွင်းအကျဉ်းချခြင်းခံထားရ သည့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မွေးနေ့အထိမ်းအမှတ်အတွက် ချုပ်လုပ် ထားသည့် ပိုးထည်စစ်စစ်ကို ရောင်းချကာ ရန်ပုံငွေရှာဖွေရေးပွဲ ပြုလုပ်နေကြောင်း သိရသည်။
လာမည့် ဇွန်လ ၁၉ ရက်နေ့တွင် ကျရောက်မည့် ဒေါ်အောင်ဆန်းစုကြည်၏ (၇၈) နှစ်ပြည့် မွေးနေ့ အထိမ်းအမှတ်အဖြစ် ဒီမိုကရက်တစ်လူငယ်ကောင်စီမှ ရန်ပုံငွေရှာဖွေရေးပွဲ ပြုလုပ်နေခြင်း ဖြစ်သည်။
“ဇွန်လ ၁၉ ရက်နေ့ဟာ လူထုခေါင်းဆောင် ဒေါ်အောင်ဆန်းစုကြည်ရဲ့ မွေးနေ့ရက်မြတ်ဖြစ်ပါတယ်၊ အမေ့ ရဲ့မွေးနေ့မှာ အမေပြန်လာရင်ဆင်မြန်းဖို့ ကျွန်တော်တို့ လူငယ်နိုင်ငံရေးအဖွဲ့အစည်းမှ ရည်မှန်းပြင်ဆင် ထားတဲ့ပိုးထည်စစ်စစ် (အမေ့ကိုယ်ခန္ဓာအချိုးအစား)အတိုင်း ချုပ်လုပ်ထားတဲ့အထည်တစ်ခုကို ကံစမ်းမဲ ဖွင့်လှစ်ပေးသွားမှာဖြစ်ပါတယ်” ဟု ဒီမိုကရက်တစ်လူငယ်ကောင်စီ(ဥက္ကဋ္ဌရုံး)က မဇ္ဈိမကို ပြောသည်။
“Bayda Raffle Event” ဟု အမည်ပေးထားသည့် အဆိုပါ ရန်ပုံငွေရှာဖွေရေးပွဲကို ၂၀၂၃ ခုနှစ် မေလ ၂၅ ရက်နေ့ကစတင်ပြုလုပ်နေခြင်းဖြစ်ပြီး ဇွန်လ ၁၈ ရက်နေ့အထိ လက်မှတ်များရောင်းချပေးသွားမည် ဖြစ်ကြောင်း သိရသည်။
ကံစမ်းမဲ လက်မှတ်တစ်စောင်လျှင် ကျပ် ၁၀,၀၀၀ ဖြင့် အစောင်ရေ ၅၀၀ ရောင်းချသွားမည်ဖြစ်ကြောင်း သိရသည်။
ရန်ပုံငွေရှာဖွေရေးပွဲမှ ရရှိလာသော အလှူငွေများကို ဒီမိုကရက်တစ်လူငယ်ကောင်စီ၏ စစ်ကိုင်းတိုင်း တာဝန်ခံအဖွဲ့၊ ရှမ်းပြည်နယ် တာဝန်ခံအဖွဲ့တို့မှတဆင့် ပြည်နယ်အတွင်း နိုင်ငံရေး၊ လူသားချင်း စာနာ ထောက်ထားမှု အကူအညီပေးရေးလုပ်ငန်းများတွင် အသုံးပြုသွားမည်ဖြစ်ကြောင်းလည်း ဒီမိုကရက်တစ် လူငယ်ကောင်စီ(ဥက္ကဋ္ဌရုံး)မှ ပြောသည်။
ထို့ပြင် ဒေါ်အောင်ဆန်းစုကြည်၏မွေးနေ့အထိမ်းအမှတ်အဖြစ် ဒီမိုကရက်တစ်လူငယ်ကောင်စီမှ နိုင်ငံရေး ဟောပြောပွဲလည်း ကျင်းပပေးနိုင်ရန် ပြင်ဆင်ထားကြောင်း သိရသည်။
“နိုင်ငံတော်အတိုင်ပင်ခံအနေဖြင့်လည်း လူငယ်တွေရဲ့ နိုင်ငံရေးဦးဆောင်မှုဆိုင်ရာ အခန်းကဏ္ဍကို အထူး မျှော်မှန်းခဲ့တယ်လို့ ယုံကြည်ပါတယ်၊ နောက်တချက်က ဒီမိုကရက်တစ်လူငယ်ကောင်စီ၏ ပန်းတိုင် သုံးခု ထဲက လူငယ်များအနေဖြင့် နိုင်ငံရေးတွင် ပိုမိုကျယ်ပြန့်စွာ ပါဝင်လာစေရေးဖြစ်တာမို့ လူငယ်တွေအတွက် လိုအပ်တဲ့ နိုင်ငံရေးသင်တန်း၊ အသက်မွေးဝမ်းကြောင်းဆိုင်ရာသင်တန်းတို့ကို စဉ်ဆက်မပြတ် ဖွင့်လှစ် နိုင်စေရေးတို့နဲ့ ကိုယ့်ပြည်နယ်အကျိူးအတွက် ပါဝင်စွမ်းဆောင်နိုင်စေရေးတို့အတွက် ဆောင်ရွက်ရခြင်း ဖြစ်ပါတယ်” ဟု ဒီမိုကရက်တစ် လူငယ်ကောင်စီ(ဥက္ကဋ္ဌရုံး)မှ ပြောသည်။
ဒီမိုကရက်တစ်လူငယ်ကောင်စီသည် အာဏာဖီဆန်ရေးလှုပ်ရှားမှုဆောင်ရွက်နေသော အဖွဲ့အစည်းဖြစ် ပြီး ဒေါ်အောင်ဆန်းစုကြည်၏ ကိုယ်တိုင်းဖြင့် ချုပ်လုပ်ထားသော ပိုးထည်ဖြင့် မွေးနေ့အမှတ်တရ ရန်ပုံငွေ ရှာဖွေရေးမှတဆင့် လူငယ်များ၏ နိုင်ငံရေးပါဝင်မှု၊ တော်လှန်ရေးတွင်ကဏ္ဍပေါင်းစုံမှ ပါဝင်နိုင်စေရန် မြှင့်တင်သွားမှာဖြစ်ကြောင်း သိရသည်။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အာဏာသိမ်းစစ်ကောင်စီလက်အောက်ခံ တရားရုံးက အမှု ၁၉ မှုအတွက် ထောင်ဒဏ် စုစုပေါင်း ၃၃ နှစ် ချမှတ်ထားပြီး နေပြည်တော် အချုပ်ထောင် တွင် အကျဉ်းချ ထိန်းသိမ်းထားသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#ဒေါ်အောင်ဆန်းစုကြည်
#မွေးနေ့
#၇၈
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မေလ (၂၉)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်

01:01 − လေကြောင်းတိုက်ခိုက်မှုကြောင့် Medic Unit (Demoso) က ဆေးတပ်ဖွဲ့ဝင် ၄ ဦးကျဆုံးသွားတဲ့သတင်း

02:30 − ဘီးလင်းက တပ်စခန်းကို KNU က ဒရုန်းနဲ့ တိုက်ခိုက်ခဲ့ရာ ပစ်မှတ်လွဲသွားခဲ့တာကြောင့် လူ ၂ ဦး သေဆုံးသွားတဲ့သတင်း

04:23 − အာဏာရှင်စနစ်ချုပ်ငြိမ်းရေးအတွက် ပူးပေါင်းတိုက်ပွဲဝင်ဖို့ KIO နဲ့ PSLF တို့ သဘောတူလိုက်တဲ့သတင်းနဲ့

09:04 − နိုင်ငံကိုဆယ်စုနှစ်နှစ်ခုကြာအုပ်ချုပ်ခဲ့သူ တူရကီသမ္မတအာဒိုဂန် ရွေးကောက်ပွဲအနိုင်ရသွားတဲ့သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/I5nmLrdGVLY

​​စစ်ကောင်စီတပ် တပ်ရင်းမှူး ရှေ့တန်းမှထွက်ပြေးရာ ပြန်မိသွားပြီး အချုပ်ကျ

ရွှေနွယ်
(မဇ္ဈိမ) ။ ။ ကရင်နီပြည်နယ်၊ ဒီးမော့ဆိုမြို့နယ်တွင် တာဝန်ကျနေသော ခြေလျင်တပ်ရင်းတခုဖြစ်သည့် ခလရ(၁)မှ တပ်ရင်းမှူး ဒုဗိုလ်မှူးကြီးသူရိန်သည် ရှေ့တန်းတပ်စခန်းမှထွက်ပြေးရာ ပြန်လည်ဖမ်းမိသွား သဖြင့် အချုပ်ချခံနေရကြောင်း ခိုင်မာယုံကြည်ရသော တပ်တွင်းသတင်းရင်းမြစ်က မဇ္ဈိမကိုပြောသည်။
ခလရ(၁)သည် ပဲခူးတိုင်းအနောက်ခြမ်း၊ သာယာဝတီခရိုင်၊ မင်းလှမြိုနယ်၊ စိန်ကန့်လန့်ရွာတွင် အခြေစိုက် သော စစ်ကောင်စီတပ်၏ ခြေလျင်တပ်ရင်းတခု ဖြစ်သည်။
တပ်ရင်းမှုး ဒုဗိုလ်မှူးကြီးသူရိန်သည် ပြီးခဲ့သည့် ၂၀၂၂ ခုနှစ် ဇန်နဝါရီလတတိယပတ်မှစ၍ ရှေ့တန်းသို့ ရောက်ရှိနေခြင်းဖြစ်ပြီး ယခုမေလအတွင်းဖြစ်ပွားခဲ့သည့် ဒီးမော့ဆိုတိုက်ပွဲများတွင် ခလရ (၁) မှ ဗိုလ်ကြီး တစ်ဦးနှင့် တပ်သားလေးဦးသေဆုံးပြီးနောက် ထွက်ပြေးရန်ကြိုးပမ်းခြင်းဖြစ်သည်ဟု သတင်းရင်းမြစ်မှ ပြောသည်။
“မေလ ၂၁ ရက်နေ့က ခလရ(၁) က ဗိုလ်ကြီး မင်းခန့်ကျော်သေတယ်။ အဲဒီနေ့က တပ်ရင်းမှူးနားကိုလည်း ဗုံးသီးကျလာတယ်၊ သူက မသေတာ၊ အဲဒီမှာ ကြောက်ပြီး ရှေ့တန်းကနေ ပြေးတာ။ မနေ့က (မေလ ၂၈ ရက်) ပြန်မိပြီး ရှေ့တန်းတပ်မမှာပဲ အချုပ်ချထားတယ်” ဟု တပ်တွင်းသတင်းရင်းမြစ်က ပြောသည်။
ဒီးမော့ဆိုတိုက်ပွဲတွင်သေဆုံးသွားသော ဗိုလ်ကြီးမင်းခန့်ကျော်သည် အသက်(၂၃)နှစ်အရွယ်ဖြစ်ပြီး ၎င်း၏ ရက်လည်ဆွမ်းသွပ်ကို မေလ ၂၇ ရက်နေ့ နံနက်ပိုင်းက ခလရ(၁) အရာရှိရိပ်သာတွင် ပြုလုပ်ခဲ့ကြောင်း သိရသည်။
ဒု-ဗိုလ်မှူးကြီးသူရိန်ထွက်ပြေးသည့်ဖြစ်စဉ်အသေးစိတ်နှင့် ပြန်လည်ဖမ်းဆီးရမိသည့် ဖြစ်စဉ်အသေးစိတ် အား မသိရှိရသော်လည်း လက်ရှိတွင် ရှေ့တန်းတပ်မအချုပ်၌ ဖမ်းဆီးခံထားရသည်မှာ မှန်ကန်ကြောင်း သတင်းရင်းမြစ်မှ အခိုင်အမာပြောသည်။
ကရင်နီပြည်နယ်၊ ဒီးမော့ဆိုမြို့နယ်အရှေ့ဖက်ခြမ်းရှိ ဒေါလျားခူကျေးရွာအနီးတွင် စစ်ကောင်စီတပ်နှင့် KNDF ပူးပေါင်းတပ်တို့ကြား မေလ ၁၄ ရက်နေ့မှ စတင်ကာ မေလ ၂၃ ရက်နေ့အထိ ၁၀ ရက်တာ တိုက်ပွဲ ပြင်းထန်ခဲ့သည်။
အဆိုပါတိုက်ပွဲများအတွင်း စစ်ကောင်စီတပ်ဘက်မှ ဗိုလ်ကြီးအဆင့်ရှိသူ တဦး၊ ဗိုလ်အဆင့်ရှိသူ နှစ်ဦး အပါအဝင် စစ်ကောင်စီတပ်သား ၄၀ နီးပါးသေဆုံးကာ ထိခိုက်ဒဏ်ရာရသူလည်း များစွာရှိကြောင်း KNDF ဗဟိုက မေလ ၂၄ ရက်နေ့တွင် သတင်းထုတ်ပြန်ခဲ့သည်။
တပ်ရင်းမှူး ဒုဗိုလ်မှူးကြီးသူရိန်သည် ခလရ (၁)မှ ယခင် တပ်ရင်းမှူးဟောင်း ဒု−ဗိုလ်မှူးကြီး ကျော်ဇေယျ ရှေ့တန်းတွင်သေဆုံးပြီးနောက် အခြားတပ်တခုမှ ခလရ(၁)သို့ တပ်ရင်းမှူးအဖြစ် ပြောင်းရွှေ့လာသူဖြစ် ကာ ရှေ့တန်းသို့ပို့ဆောင်ခံလိုက်ရခြင်း ဖြစ်သည်။
ခလရ(၁)၏ယခင်တပ်ရင်းမှူး ဒုဗိုလ်မှူးကြီးကျော်ဇေယျသည် စစ်တပ်ကအာဏာသိမ်းပြီး တနှစ်နီးပါး အကြာ ၂၀၂၁ ခုနှစ် ဒီဇင်ဘာ ၃၁ ရက်နေ့က ဖြစ်ပွားခဲ့သော ကရင်နီပြည်နယ်၊ ငွေတောင်ဆည်တိုက်ပွဲ အတွင်း သေဆုံးခဲ့ခြင်းဖြစ်သည်။
ထွက်ပြေးသူ ဒုဗိုလ်မှူးကြီးသူရိန်၏ဇနီး ဒေါ်ဝင့်နှင်းဖြူသည် မကြာသေးမီကာလက ရှေ့တန်းတွင် ကျဆုံး သူတပ်သားများအားပေးသည့်မြေကွက်များကို ကျန်ရစ်သူမိသားစုများထံမှ စျေးနှိမ်ဝယ်ယူသဖြင့် ပြည်မြို့ ဒေသကွပ်ကဲမှုစစ်ဌာနချုပ် (ဒကစ) မှ ဒု-တပ်မမှူး၏ သတိပေးခြင်းခံခဲ့ရသူ ဖြစ်သည်။
အဆိုပါ ခလရ(၁)စိန်ကန့်လန့်တပ်မှ စစ်အာဏာသိမ်းပြီးနောက် တပ်ရင်းမှူး ဒုဗိုလ်မှူးကြီး ကျော်ဇေယျ အပါအဝင် စစ်ကောင်စီတပ်သား ၄၀ ကျော်သည် ကရင်နီဒေသတိုက်ပွဲများအတွင်း သေဆုံးထားပြီး CDM ပြုလုပ်ထားသူ ၁၀ ဦးနှင့်အထက် ရှိနေကြောင်း သိရသည်။
စစ်တပ်က အာဏာသိမ်းသည့် ၂၀၂၁ ခုနှစ် ဖေဖော်ဝါရီလမှ ၂၀၂၃ ခုနှစ် ဧပြီလကုန်အထိ ကရင်နီပြည် နယ်တွင် တိုက်ပွဲပေါင်း ၆၆၀ ကျော် ဖြစ်ပွားခဲ့ပြီး စစ်ကောင်စီတပ်မှ ၂,၀၀၀ နီးပါး သေဆုံးကာ KNDF ၊ PDF ၊ KA ဘက်မှ ကျဆုံးသူ ၂၅၀ ကျော်ရှိကြောင်း တိုးတက်သော ကရင်နီပြည်သူ့အင်အားစု (PKPF) က ထုတ်ပြန်ထားသည်။
စာတည်း။ ။ နောင်နောင်
စာမူတည်းဖြတ်။ ။စောဖေ
#ခလရ၁
#ဒီးမော့ဆို
#ထွက်ပြေး
#တပ်ရင်းမှူးဒုဗိုလ်မှူးကြီးသူရိန်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U