ဟိုပင်မြို့ကို ဗဟိုပြု၍ အင်အားရစ်(ခ်)တာစကေး ၅ဒဿမ ၉ အဆင့် ငလျင်လှုပ်ခတ်၊ အင်တော်ကြီးတွင် ထိခိုက်ပျက်စီးမှုအချို့ရှိ
=====================

ရွှေနွယ်
မဇ္စျိမ။ ။ကချင်ပြည်နယ်ရှိ မြို့နယ်အချို့တွင် ယမန်နေ့ မေလ ၃၁ ရက်နေ့ ညနေ အင်အားသိသိသာသာပြင်းသော ငလျင်တစ်ခုလှုပ်ခတ်သွားပြီး အင်းတော်ကြီးမြို့တွင် လမ်းများအက်ကွဲခြင်း၊ ဘုရားစေတီဟောင်းများ ထိခိုက်မှုရှိခြင်းနှင့် အင်းတော်ကြီးအိုင်အနီးမြေသားအက်ကွဲခြင်းများဖြစ်ပေါ်ခဲ့သည်ဟု ဒေသခံများကပြောသည်။

မြစ်ကြီးနား၊ ဟိုပင်၊ အင်းတော်ကြီး၊ မိုးကောင်း၊ မိုးညှင်း၊ ဖားကန့်အပါအဝင်ကချင်ပြည်နယ်အတွင်းရှိမြို့နယ်အများစုတွင် ယမန်‌နေ့ညနေ ၅ နာရီ ၅၀ မိနစ်ခန့်က ငလျင်လှုပ်ခတ်သွားခြင်းဟု သိရသည်။ အဆိုပါ ငလျင်သည် ဟိုပင်မြို့၏ အနောက်မြောက် (၂၂) မိုင်ခန့်အကွာကို ဗဟိုပြု၍ အင်အားရစ်(ခ်)တာစကေး ၅ဒဿမ ၉ အဆင့်ဖြင့်လှုပ်ခတ်သွားခြင်းဟု မိုးလေဝသနှင့်ဇလဗေဒညွှန်ကြားမှုဦးစီးဌာနက ထုတ်ပြန်ထားသည်။

“ကျွန်မတစ်သက် ဒီလောက်အင်အားပြင်းတဲ့ငလျင်တစ်ခါမှမကြုံဖူးပါဘူး။ လှုပ်တာက မိနစ်ပိုင်းခဏလေးပဲ။ ဒါပေမယ့် ခေါင်းတွေပါမူးသွားပြီး တော်တော်လေးကိုပြင်းထန်ပါတယ်။ အမေတို့လည်းပြောနေတာ။ သူတို့လည်း ဒီလောက်ပြင်းတာမကြုံဖူးဘူး” ဟု ဟိုပင်မြို့နေ အသက် ၂၈ နှစ်အရွယ်အမျိုးသမီးတစ်ဦးက မဇ္ဈိမကိုပြောသည်။
ဟိုပင်မြို့နယ်တွင် ထိခိုက်ပျက်စီးမှု ကြီးကြီးမားမားမရှိသော်လည်း ဟိုပင်နှင့်ကပ်လျက် အင်းတော်ကြီးမြို့နယ်တွင် ကတ္တရာလမ်းများအက်ကွဲခြင်း၊ ဘုရားစေတီဟောင်းအချို့ ထိခိုက်ခဲ့ခြင်း၊ အင်းတော်ကြီးအိုင်အနီးရှိ မြေသားများအက်ကွဲခြင်းနှင့် အက်ကွဲကြောင်းများမှ မြေအောက်ရေထွက်ခြင်းများ ဖြစ်ခဲ့သည်ဟု ဒေသခံများကပြောသည်။ငလျင်ကြောင့် လူထိခိုက်မှုသတင်းမကြားရသေးကြောင်းဟိုပင်မြို့ ဒေသခံများပြောသည်။

ငလျင်သည် မြေအနက် ၁၀ ကီလိုမီတာ( ၆ မိုင်ခန့်) ကို ဗဟိုပြု၍ လှုပ်ခတ်ခြင်းဖြစ်၍ အင်အားသိသိသာသာ ပြင်းထန်ခြင်းဟု ဘူမိဗေဒပညာရှင်တစ်ဦးကပြောသည်။

" ဗဟိုချက်က မြေမျက်နှာပြင်နဲ့နီးလေ အင်အားပြင်းလေပါပဲ။ သတိထားဖို့ လိုပါတယ်။ နောက်ဆက်တွဲ ငလျင်တွေ လှုပ်တတ်ပါတယ်"ဟု အထက်ပါ ပညာရှင်က ပြောသည်။

အင်းတော်ကြီးနှင့် ဟိုပင်မြို့ပတ်ဝန်းကျင်တွင် ယခုမနက်အထိလည်း အင်အားအနည်းငယ်ရှိသော ငလျင်အချို့လှုပ်ခတ်နေသည်ဟု ဒေသခံများကပြောသည်။ အင်းတော်ကြီးနှင့် ဟိုပင်ဒေသသည် စစ်ကိုင်းပြတ်ရွေ့ဖြတ်သွားသည့် ဒေသဖြစ်သည်။ ကချင်ပြည်နယ်မှ ပဲခူးတိုင်းအထိ ဖြတ်သွားသော စစ်ကိုင်းပြတ်ရွေ့သည် အင်အားပြင်းငလျင် လှုပ်နိုင်ခြေမြင့်မားနေသည့် ပြတ်ရွေ့ဖြစ်ကြောင်း ပညာရှင်များက သတိပေးထားသည်။ ယမန်နေ့က ငလျင်ကြောင့်ပျက်စီးဆုံးရှုံးမှု ကိုမူ အတိအကျမသိရှိရသေးပေ။

စာတည်း - မောင်ကြီး

#mizzima
#ငလျင်လှုပ်
#အင်းတော်ကြီးမြို့
#စစ်ကိုင်းပြတ်ရွေ့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

စစ်ကောင်စီကကျင်းပမည့်ရွေးကောက်ပွဲ ရုရှားနိုင်ငံကကူညီပေးမည်ဟုဆို

Watch more detail -
https://youtu.be/pKEaNFjGqVY

#Election #Russia #VideoNews #shorts #Reels

စစ်ဘက်ဆိုင်ရာပူးပေါင်းဆောင်ရွက်ရေး မြန်မာစစ်ကောင်စီနဲ့တရုတ်ထိပ်တန်း ထောက်လှမ်းရေးအရာရှိတို့တွေ့ဆုံ
=================

စစ်ဘက်ဆိုင်ရာ ပူးပေါင်းဆောင်ရွက်ရေးအတွက် မြန်မာစစ်ကောင်စီနဲ့ တရုတ်ထိပ်တန်း ထောက်လှမ်းရေးအရာရှိ ဦးဆောင်တဲ့ ကိုယ်စားလှယ်အဖွဲ့ ဆွေးနွေးခဲ့ကြောင်း စစ်ကောင်စီပိုင် သတင်းမီဒီယာတွေမှာ ဖော်ပြထားပါတယ်။
တရုတ်ဗဟိုစစ်ကော်မရှင်၊ ပူးတွဲစစ်ဦးစီးဌာန၊ စစ်ဘက်ထောက်လှမ်းရေး ယာယီညွှန်ကြားရေးမှူးချုပ် ဗိုလ်ချုပ် ယန်ယန် ဟာ စစ်ကောင်စီ ဒုတိယ ဥက္ကဌ၊ ဒုတိယ ဗိုလ်ချုပ်မှူးကြီး စိုးဝင်းနဲ့ တွေ့ဆုံပြီး ၂ နိုင်ငံ စစ်တပ်ကြား ပူးပေါင်းဆောင်ရွက်ရေး ဆွေးနွေးခဲ့တယ်လို့ သတင်းထုတ်ပြန်ခဲ့တာပါ။

https://youtu.be/JyGv2Lqy3r4

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Blinken urges China to 'open lines of communication' after plane incident
======================

US Secretary of State Antony Blinken calls on Beijing for a greater communication after last week's close encounter between a US and Chinese jet, one he blames on the Chinese pilot. "It is so important that we have regular, open lines of communication including, by the way, between our defence ministers," Blinken tells reporters on a visit to Sweden, after the United States said China declined talks with Defence Secretary Lloyd Austin.

https://youtu.be/NME-bcvksrI

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

Mizzima Shortwave Radio
=============

ဘယ်နေရာမှာပဲဖြစ်ဖြစ်၊ ဘယ်အချိန်မှာပဲဖြစ်ဖြစ်၊ အင်တာနက်ရသည်ဖြစ်စေ၊ မရသည်ဖြစ်စေ ပြည်သူတွေအားလုံး အဆင်ပြေစေဖို့အတွက် မဇ္ဈိမမီဒီယာကနေ ပလက်ဖောင်းအစုံဖြင့် အချိန်နဲ့တပြေးညီ တင်ဆက်ပေးနေပါတယ်။

အွန်လိုင်းကနေကြည့်ဖို့ အင်တာနက် အခက်အခဲရှိတဲ့သူတွေ အတွက်ကတော့ ရေဒီယိုစက်ကလေးရှိတာနဲ့ ဖမ်းယူလို့ရမဲ့ Mizzima Shortwave Radio က မြန်မာစံတော်ချိန် ညနေ၆နာရီခွဲမှ ၇နာရီခွဲအထိ သင်နဲ့အတူ လေလှိုင်းထဲမှာ ရှိနေမှာပါ။

ညနေပိုင်း ထုတ်လွင့်မှုတွင်
ညနေ(၆)နာရီ ၃၀မိနစ်မှ ည(၇)နာရီ ၃၀မိနစ်အထိ

Mizzima Radio နှင့် BNI Radioတို့အား
လှိုင်းတို ၁၃ မီတာ(၂၁.၇၁ မီဂါဟက်)မှ
ထုတ်လွှင့်ပေးနေပြီ ဖြစ်ပါသည်။

..........................................

Mizzima Radio Program & BNI Radio Program
ON Air : 6:30 to 7:30 PM Myanmar Standard Time
Frequency : 13m (21.71 MHz)
ဖမ်းယူရာတွင် အဆင်မပြေမှုများရှိခဲ့ပါက
Messenger တွင်လာရောက်ပြောကြားနိုင်ပါသည်။

https://youtu.be/rPwS6r5vXtI


#mizzimaradio_PM
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

စစ်ဘက်ဆိုင်ရာ ပူးပေါင်းဆောင်ရွက်ရေးအတွက် မြန်မာစစ်ကောင်စီနဲ့ တရုတ်ထိပ်တန်း ထောက်လှမ်းရေးအရာရှိတို့ တွေ့ဆုံ

Watch more detail -
https://youtu.be/JyGv2Lqy3r4

#PoliticalNews #မြန်မာစစ်ကောင်စီ #China #တွေ့ဆုံ #VideoNews #shorts #Reels

​​မိုခါ ဆိုင်ကလုန်းဒဏ်သင့် ဧရိယာများထံ အကန့်အသတ်မဲ့ ဝင်ခွင့်ရရေး ရခိုင် CSO များ တောင်းဆို
=====================

ရခိုင်ပြည်နယ်ရှိ ဆိုင်ကလုန်းမုန်တိုင်းဒဏ်သင့် ဧရိယာများဆီ ကန့်သတ်ချုပ်ချယ်မှုမဲ့ သွားရောက်နိုင်ခွင့်ရရေး အဆိုပါပြည်နယ်ရှိ အရပ်ဖက်လူမှုအဖွဲ့အစည်း (CSOs) များက တောင်းဆိုထားပြီး ဆိုင်ကလုန်း တိုက်ခတ်ပြီးနောက် သီတင်းနှစ်ပတ်အကြာတွင် မုန်တိုင်းဒဏ်သင့် ဒေသခံများမှာ ကယ်ဆယ်ရေးအကူအညီများကို လက်ခံရရှိနိုင်ရန် များစွာလိုအပ်နေကြောင်း Development Media Group က မေ ၂၉ ရက် ဖော်ပြချက်အရ သိရသည်။

​​လေဖိအားနည်းရပ်ဝန်းဖြစ်နိုင်သဖြင့် ရခိုင်နှင့် မြစ်ဝကျွန်းပေါ်ဒေသတွင် လေပြင်းတိုက်ခတ်နိုင်ဟု မိုးဇလပြော
===================

ဂျူချန်း
(မဇ္ဈိမ)။ ။ လာမည့် ဇွန်လ ၅ရက်နေ့မှ ၁၀ရက်နေ့အတွင်း ကပ္ပလီပင်လယ်နှင့် ဘင်္ဂလားပင်လယ်အော်တွင် လေဖိအားနည်းရပ်ဝန်းဖြစ်နိုင်ချေရှိရာ အဆိုပါ လေဖိအားနည်းရပ်ဝန်းကြောင့် ရခိုင်ကမ်းရိုးတန်းဒေသ၊ ကမ်းလွန်ပြင်လယ်ပြင်နှင့် မြစ်ဝကျွန်းပေါ်ဒေသများတွင် မိုးကြီးကာ လေပြင်းတိုက်ခတ်နိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူး ဦးလှထွန်းက ယနေ့ ဇွန်လ ၁ ရက်နေ့တွင် ပြောသည်။

“မြစ်ဝကျွန်းပေါ်၊ ရခိုင်ကမ်းရိုးတန်း၊ ကမ်းလွန် အဲ့ဒီနားမှာ ဖြစ်လာနိုင်တယ်ဆိုတော့ အဲ့ဒီနေရာတွေကတော့ သတိထားရမယ်။ ရခိုင်ကမ်းရိုးတန်း တလျှောက်ပေါ့နော်” ဟု မိုးဇလ ညွှန်ကြားရေးမှုး ဦးလှထွန်းက ပြောသည်။

လက်ရှိအနေအထားရ ကပ္ပလီပင်လယ်နှင့် ဘင်္ဂလားပင်လယ်အော်၌ လေဖိအားနည်းရပ်ဝန်းတစ်ခု ဖြစ်လာနိုင်ခြေရှိကြောင်းသာ ခန့်မှန်းနိုင်ပြီး မုန်တိုင်းအခြေအနေကို ခန့်မှန်းရန် စောနေသေးသဖြင့် ဆက်လက်စောင့်ကြည့်ရမည့် အနေအထားဖြစ်ကြောင်း ၎င်းက ပြောသည်။

ဇွန်လအတွင်းတွင် လေဖိအားနည်းရပ်ဝန်းကြောင့်လည်းကောင်း၊ မုတ်သုံလေအားကောင်းလာခြင်းကြောင့်လည်းကောင်း မိုးသည်းထန်စွာရွာနိုင်ပြီး ရုတ်တရက် ရေကြီးခြင်း၊ လေပြင်းတိုက်ခတ်ခြင်းများရှိလာနိုင်သဖြင့် ပြည်သူများအနေဖြင့် သတိထားသင့်ကြောင်း ဆိုသည်။

“မုန်တိုင်းဖြစ်မဖြစ်က လက်ရှိအနေအထားမှာ ပြောဖို့ စောသေးတယ်။ ၅ရက်နေ့ကနေ ၁၀ ရက်နေ့အတွင်းမှာ ဖြစ်လာနိုင်ခြေရှိတယ်။ လေပြင်းတိုက်တာတွေရှိနိုင်တယ်ဆိုတော့ ပြည်သူတွေအနေနဲ့ သတိထားသင့်တယ်ပေါ့လေ။ လျှပ်တစ်ပြတ်ရေကြီးတာတွေလည်း ဖြစ်နိုင်တယ်” ဟု ဦးလှထွန်းက ပြောသည်။

အဆိုပါ လေထုမငြိမ်သက်မှုကြောင့် ဖြစ်ပေါ်လာသည့် လေဖိအားနည်းရပ်ဝန်းနှင့် အားကောင်းသည့် မုတ်သုံလေကြောင့် ဇွန်လ ၅ရက်နေ့မှ ၁၀ ရက်နေ့အတွင်း ရခိုင်ပြည်နယ်၊ ချင်းပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရှမ်းပြည်နယ် တောင်ပိုင်းနှင့် အရှေ့ပိုင်း၊ ဧရာဝတီတိုင်း၊ ရန်ကုန်တိုင်း၊ မကွေးတိုင်း၊ ပဲခူးတိုင်း၊ တနင်္သာရီတိုင်း၊ နေပြည်တော် တို့တွင် နေရာအနှံ့အပြား မိုးထစ်ချုန်းရွာပြီး အချို့နေရာတွင် လေပြင်းတိုက်ခတ်ခြင်းနှင့်အတူ မိုးသည်းထန်စွာ ရွာသွန်းနိုင်ကြောင်း မိုးဇလက ထုတ်ပြန်ထားသည်။

လေဖိအားနည်းရပ်ဝန်းကြောင့် တိုက်ခတ်နိုင်သည့် လေသည် တစ်နာရီ မိုင် ၃၀ မှ ၃၅ မိုင်နှုန်းအတွင်းသာ ရှိနိုင်ပြီး ၎င်းလေတိုက်နှုန်းသည် သစ်ကိုင်းများကျိုးကျခြင်း၊ ထီးဖွင့်ဆောင်းရန် မလွယ်ကူခြင်းတို့ ဖြစ်နိုင်ကြောင်း ဆိုသည်။

လာမည့် ဇွန်လ ၉ ရက်နေ့ ညပိုင်းမှစတင်ကာ အင်အားအလွန်ကောင်းသည့် ဆိုင်ကလုန်းမုန်တိုင်းအဆင့်ဖြင့် စစ်တွေမြို့ မြောက်ဘက် မိုင် ၆၀ အကွာ၊ မြန်မာ-ဘင်္ဂလားဒေ့ နယ်စပ်ကို ဗဟိုလေတိုက်နှုန်း တစ်နာရီ ၁၁၈ မိုင်နှုန်းဖြင့် ဖြတ်ကျော်ဝင်ရောက်နိုင်သောကြောင့် စစ်တွေ၊ ရသေ့တောင်၊ ဘူးသီးတောင်၊ ချောင်းပေါက်၊ ဒုသန်ဒါ၊ သပြေတော၊ ချပ်ပြင်၊ ဂွဆုံ၊ အောင်ဗလ၊ ပုဏ္ဏားကျွန်း၊ ပေါက်တော၊ ဖေါင်ကြား စသည့် နေရာမှ ဒေသခံများသည် ကြိုတင်ပြင်ဆင်ထားကြသင့်ကြောင်း မိုးလေဝသလေ့လာခန့်မှန်းသူ ဦးဝင်းနိုင်ကပြောသည်။

ရခိုင်ပြည်နယ် ရသေ့တောင်မြို့၊ ဦးကာကျေးရွာတွင် နေထိုင်သူတစ်ဦးက မိုခါ မုန်တိုင်းကြောင့် ၎င်းတို့ရွာတွင် နေအိမ် ၆၀၀ ကျော်ရှိသည့်အနက် နေအိမ် ၃၂ လုံးသာကျန်ခဲ့ပြီး ကျန်သည့်နေအိမ်များ ပျက်ဆီးခဲ့ရကာ လက်ရှိအချိန်အထိ ပြင်ဆင်နေရဆဲဖြစ်သောကြောင့် နောက်ထပ်မုန်တိုင်းဝင်လာမည်ကို စိုးရိမ်ပူပန်မိကြောင်း ဆိုသည်။
“ဟိုလကမှတိုက်သွားတာ နောက်ထပ်လာမယ်ဆိုရင် ဘယ်လိုလုပ်ရမလဲမသိတော့ဘူး။ ပြင်ပြီးတဲ့အိမ်တွေတော့ ပြင်ပြီးသွားပြီ။ တချို့ကဆင်းရဲတော့ မပြင်ရသေးဘူး” ဟု ဦးကာကျေးရွာနေထိုင်သူတစ်ဦးက ပြောသည်။

ပြီးခဲ့သည့် မေလ ၁၄ ရက်နေ့တွင် ရခိုင်ကမ်းရိုးတန်း စစ်တွေမြို့သို့ ဗဟိုပြုကာ ဝင်ရောက်ခဲ့သည့် အင်အားပြင်း မိုခါ ဆိုင်ကလုန်းမုန်တိုင်းကြောင့် ရခိုင်ပြည်နယ် မြို့နယ်တော်တော်များများတွင်း ၉၀ ရာခိုင်နှုန်းနှင့်အထက် ပျက်စီးခဲ့ရပြီး ချင်းပြည်နယ်၊ စစ်ကိုင်းတိုင်း၊ မကွေးတိုင်းတို့တွင်လည်း ပျက်စီးဆုံးရှုံးမှုများရှိခဲ့ရာ ထိခိုက်ပျက်ဆီးမှုများကို လက်ရှိအချိန်အထိ ပြန်လည်ပြုပြင်နေကြဆဲဖြစ်ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#လေဖိအားနည်းရပ်ဝန်း
#ရခိုင်နှင့် မြစ်ဝကျွန်းပေါ်ဒေသ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မော်စကိုမြို့ကိုဒရုန်းနဲ့တိုက်ခိုက်မှုဟာ ယူကရိန်းရဲ့အကြမ်းဖက်လုပ်ရပ်ဖြစ်ကြောင်း ရုရှားပြော

https://www.facebook.com/reel/206315698948817

#Ukraine #Russia #Moscow
#Internationalnews #reels #shorts

ရွှေဘိုမြို့နယ်မှ ပျူစောထီးစခန်းကို ကာကွယ်ရေးပူးပေါင်းတပ်ဖွဲ့က လက်နက်ကြီးဖြင့် ပစ်ခတ်
====================

https://youtu.be/tBsDsT7rHAw

June - 1 [2 Pm] Mizzima News Hour

Mizzima Headline News

#2pmnews
#mizzimanewshour
#reels
#shorts

India: Tribes stage protests against Manipur ethnic violence
===================

https://youtu.be/CdlfjlL1ZWQ

​​လေကြောင်းရန်ကာကွယ်ရေးတပ်မှ ဒုဗိုလ်မှူးကြီးရဲနိုင်ကို PDFက အမြန်လမ်းတွင် ပစ်ခတ်ရာ သေဆုံး၊ အမြန်လမ်းတွင် ၅လအတွင်း ဒုဗိုလ်မှူးကြီး ၂ဦး ပစ်ခတ်ရှင်းလင်းခံရခြင်းဖြစ်
====================

ရွှေနွယ်
(မဇ္ဈိမ)။ ။တောင်ငူမြို့အခြေစိုက်လေကြောင်းရန်ကာကွယ်ရေးတပ်မှ ဒုဗိုလ်မှူးကြီးရဲနိုင်ကို ရန်ကုန်-နေပြည်တော် အမြန်လမ်းတွင် ဆိုင်ကယ်ဖြင့် သွားနေစဉ် ယမန်နေ့ မေလ ၃၁ ရက်နေ့ ညနေတွင် ရေတာရှည်ပြည်သူ့ကာကွယ်ရေးတပ်ဖွဲ့က ပစ်ခတ်တိုက်ခိုက်ခဲ့ရာ သေဆုံးသွားကြောင်း ပဲခူးတိုင်း‌စစ်ဒေသခွဲက အတည်ပြုသတင်းထုတ်ပြန်သည်။

ဒုဗိုလ်မှူးကြီးရဲနိုင်ကို တောင်ငူခရိုင် တပ်ရင်းအမှတ် ၃၅၀၁ တပ်ခွဲ − ၆ ရေတာရှည်ပြည်သူ့ကာကွယ်ရေးတပ်ဖွဲ့က ယမန်နေ့ မေလ ၃၁ ရက်နေ့ ညနေ ၅ နာရီခန့်တွင် အမြန်လမ်း ၁၅၄ မိုင်၊၈ဖာလုံ၌ ပစ်ခတ်ခဲ့ခြင်းဟု ပဲခူးတိုင်း‌စစ်ဒေသခွဲ သတင်းထုတ်ပြန်ရေးစာမျက်နှာ Bago Region PDF က ယနေ့ ဇွန် ၁ရက် နေ့လယ်တွင်ထုတ်ပြန်သည်။

" အကြမ်းဖက်စစ်ကောင်စီ၏ အမှတ်(၁၀၁၅) တောင်ငူအခြေစိုက် လေကြောင်းရန်ကာကွယ်ရေးတပ်မှ စစ်ထောက်လှမ်းရေးမှူး ဒုဗိုလ်မှူးကြီးရဲနိုင်သည် တော်လှန် ရေးတပ်ဖွဲ့များ၏ သတင်းကို စုံစမ်းထောက်လှမ်း၍ အရပ်ဝတ်ဖြင့် သွားလာနေစဉ် ပြည်သူ့ကာကွယ်ရေးတပ်ဖွဲ့က ပစ်ခတ်ရှင်းလင်းခဲ့ခြင်းဖြစ်သည်" ဟု ထုတ်ပြန်ချက်တွင်ဖော်ပြထားသည်။

ဒုဗိုလ်မှူးကြီးရဲနိုင်၏ဖုန်းနှင့် ဆိုင်ကယ်ကိုပါ သိမ်းဆည်းရရှိခဲ့ပြီး ပြည်သူ့ကာကွယ်ရေးတပ်ဖွဲ့ဝင်များ ဘေးအန္တရာယ်မရှိဘဲ အောင်မြင်စွာ ဆုတ်ခွာနိုင်ခဲ့သည်ဟု ထုတ်ပြန်ထားသည်။

" ကျွန်တော်တို့စောင့်ကြည့်နေတာကြာပြီ။ သတင်းတိကျဖို့အတွက်ရော နောက်ပြီးအမြန်လမ်းမှာရှိတဲ့ စစ်ကောင်စီရဲ့ဂိတ်နှစ်ခုကြားထဲမှာဖြစ်နေတဲ့အတွက် ရဲဘော်တွေရဲ့ အန္တရာယ်လည်းကင်းအောင် သေချာအချိန်ယူပြီးတော့မှ ရှင်းလင်းတာဖြစ်ပါတယ်” ဟုတပ်ရင်း ၃၅၀၁ ၏ တာဝန်ရှိသူတစ်ဦးမှ မဇ္ဈိမကိုပြောသည်။

ဒုဗိုလ်မှူးကြီးရဲနိုင်ကို ပစ်ခတ်ခဲ့သည့်နေရာသည် စစ်ကောင်စီဂိတ်ရှိရာနေရာနှစ်ခုဖြစ်သည့် အမြန်လမ်း ၁၅၄ မိုင်နှင့် ၁၅၈ မိုင်ကြားဖြစ်ပြီး လုံခြုံရေးအန္တရာယ်ကြီးမားသည့်ကြားမှ မစ်ရှင်ကိုအကောင်အထည်ဖော်နိုင်ခဲ့ခြင်းဟု ဆိုသည်။

ဒုဗိုလ်မှူးကြီးရဲနိုင်သည် ရန်ကုန်-နေပြည်တော် အမြန်လမ်းတွင် ပစ်ခတ်ရှင်းလင်းခံရသော နှစ်ဦးမြောက် ဒုဗိုလ်မှူးကြီးအဆင့် အရာရှိဖြစ်သည်။ပြီးခဲ့သည့် ဇန်နဝါရီလ ၂၂ ရက်နေ့ကလည်း ရန်ကုန်တိုင်း စစ်ကြောရေးတာဝန်ခံ ဒုဗိုလ်မှူးကြီးသန်းထွဋ်ကို တောင်ငူခရိုင်တပ်ရင်း ၃၅၀၁ တပ်ခွဲ ၆ နှင့် တပ်ခွဲ ၃ တို့ပူးပေါင်း၍ ရန်ကုန် - မန္တလေး အမြန် လမ်း မိုင်တိုင် ၁၆၁ အနီးတွင် ပစ်ခတ်ခဲ့ရာ သေဆုံးခဲ့သည်။ ထိုဖြစ်စဉ်တွင် ဒုဗိုလ်မှူးကြီးသန်းထွဋ်နှင့် တပ်ကြပ်ကြီးမြင့်အောင်အပါအဝင် ၎င်းတို့၏ကားပေါ်တွင်လိုက်ပါလာသူ လေးဦးသေဆုံးပြီး လက်နက်ခဲယမ်းများသိမ်းဆည်းရရှိခဲ့သည်ဟု Bago Region PDF က သတင်းထုတ်ပြန်ခဲ့သည်။

တောင်ငူခရိုင် တပ်ရင်း ၃၅၀၁ တပ်ဖွဲ့ဝင်များသည် ပြီးခဲ့သည့် မတ်လအတွင်းကလည်း ပူးပေါင်းမဟာမိတ်တပ်ဖွဲ့များနှင့်အတူ တောင်ငူလေတပ်စခန်းဌာနချုပ်ကို ရှော့တိုက်ဒုန်း ၄ လုံးဖြင့်ပစ်ခတ်တိုက်ခိုက်ခဲ့သည်။ ထိုတိုက်ခိုက်မှုတွင် စစ်ကောင်စီတပ်သား သုံး ဦးသေဆုံးပြီး ရဟတ်ယာဉ်တစ်စင်းပျက်စီးခဲ့သည်ဟု သိရသည်။ ထို့အပြင် ဇန်နဝါရီလ နှင့် ဖေဖော်ဝါရီလအတွင်းကလည်း ရေတာရှည်မြို့နယ်အတွင်းတွင် စစ်ကောင်စီတပ်နှင့် ပြည်သူ့ကာကွယ်ရေးပူးပေါင်းတပ်များကြား တိုက်ပွဲပြင်းပြင်းထန်ထန်ဖြစ်ပွားခဲ့ပြီး စစ်ကောင်စီတပ်ဘက်မှ အရာရှိ သုံး ဦးအပါအဝင် တပ်သား ၇၀ ကျော်သေဆုံးကာ လက်နက်ခဲယမ်းများလည်းသိမ်းဆည်းရရှိခဲ့ကြောင်း တောင်ငူခရိုင် တပ်ရင်း ၃၅၀၁ က ထုတ်ပြန်ခဲ့သည်။

" တော်လှန်ရေးက နှစ်နှစ်ကျော်ကြာလာပြီဖြစ်တဲ့အတွက် ဒီလိုလူတွေဟာ ကိုယ့်လုပ်ရပ်ကိုယ်တာဝန်ယူရမယ့်အချိန်ရောက်လာပါပြီ။ ကျွန်တော်တို့ဘက်ကတော့ ဘယ်နည်းနဲ့မှနောက်ဆုတ်သွားဖို့မရှိပါဘူး" ဟု တောင်ငူခရိုင် တပ်ရင်း ၃၅၀၁၏ တာဝန်ရှိသူက ပြောသည်။

စာတည်း - မောင်ကြီး

#mizzima
#တောင်ငူလေကြောင်းရန်ကာကွယ်ရေးတပ် #ဒုဗိုလ်မှူးကြီးရဲနိုင်
#ရန်ကုန်-နေပြည်တော်အမြန်လမ်း
#ပဲခူးတိုင်း‌စစ်ဒေသခွဲ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​မြန်မာအပါအဝင် အာရှနိုင်ငံများမှ ကလေးငယ်များ ရာသီဥတုဆိုင်ရာ မြင့်မားသော ဘေးအန္တရာယ်များနှင့် ရင်ဆိုင်နေရဟု ယူနီဆက်ဖ် အစီရင်ခံစာတွင် ဖော်ပြ
========================

မြန်မာ၊ ဗီယက်နမ်၊ ဖိလစ်ပိုင်နှင့် အခြားသောအာရှနိုင်ငံများရှိ ကလေးငယ်များသည် ရာသီဥတု ပြောင်းလဲမှုကြောင့် ဖြစ်ပေါ်သည့် သဘာဝဘေးများမှ လာသော ကြီးထွားလာသည့် အန္တရာယ်များနှင့် ရင်ဆိုင်နေရသည်ဟု ယူနီဆက်ဖ် (UNICEF) အဖွဲ့၏ အစီရင်ခံစာတစ်ရပ်တွင် တွေ့ရှိသည်။ ထို့အတွက်ကြောင့် သက်ရောက်ထိခိုက်မှုများကို နည်းနိုင်သမျှ နည်းစေရေး လျှော့ချရန် အခြေခံအဆောက်အအုံကို ဖွံ့ဖြိုးအောင် လုပ်ဆောင်ရန် လိုအပ်သည်ဟု ယင်းအစီရင်ခံစာတွင် တိုက်တွန်းသည်။

ဖမ်းဆီးခံသတင်းထောက်အားလုံး ပြန်လွှတ်ရန် CPJ တောင်းဆို
==================

ထောင်ဒဏ် ၁ဝ နှစ် ထပ်မံချမှတ်ခံလိုက်ရတဲ့ သတင်းထောက် မမှူးရတနာခက်မို့မို့ထွန်း အပါအဝင် ဖမ်းဆီးခံ သတင်းထောက် အားလုံးကို ပြန်လွှတ်ပေးဖို့ နယူးယောက်အခြေစိုက် သတင်းသမားများ ကာကွယ်စောင့်ရှောက်ရေးကော်မတီ (CPJ)က စစ်ကောင်စီကို တောင်းဆိုလိုက်ပါတယ်။

ပြီးခဲ့တဲ့ မေလ ၂၆ ရက်နေ့က ထောင်ဒဏ် ၁ဝ နှစ် ထပ်မံချမှတ်ခံလိုက်ရတဲ့ သတင်းထောက် မမှူးရတနာခက်မို့မို့ထွန်းကို ခြွင်းချက်မရှိ ချက်ခြင်းပြန်လွှတ်ပေးဖို့ မေ ၃ဝ ရက်နေ့က ကြေညာချက်ထုတ်ပြန်တောင်းဆိုရာမှာ ဖမ်းဆီးခံထားရတဲ့ သတင်းထောက်အားလုံးကို ပြန်လွှတ်ပေးဖို့ CPJ က ထည့်သွင်းတောင်းဆိုလိုက်တာပါ။

https://youtu.be/VXrJFChTFcU

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ဇွန်လ ၁ ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=====================

01:01-စစ်ဘက်ဆိုင်ရာ ပူးပေါင်းဆောင်ရွက်ရေးအတွက် မြန်မာစစ်ကောင်စီနဲ့ တရုတ်ထိပ်တန်း ထောက်လှမ်းရေးအရာရှိတို့ တွေ့ဆုံတဲ့သတင်း

03:00-ရန်ကုန်တိုင်းစစ်ဒေသခွဲရဲ့ ပထမဆုံးတပ်ရင်းဖွဲ့စည်းကြောင်း NUG ထုတ်ပြန်တဲ့သတင်း

03:58-မုံရွာမြို့နယ် မြေနဲကျေးရွာအနီးတိုက်ပွဲမှာ စစ်ကောင်စီဘက်မှ ၇ ဦးသေဆုံးတဲ့သတင်း

06:35-ကိယက်ဗ်ကို တတိယမြောက်နေ့အဖြစ် ရုရှားကတိုက်ခိုက်ခဲ့သလို မော်စကိုမြို့ကအထပ်မြင့်တွေကို ဒရုန်းတွေနဲ့တိုက်ခိုက်တဲ့သတင်း အပါအဝင်တခြားအရေးကြီးသတင်းတွေနဲ့ စိတ်ဝင်စားဖွယ်သတင်းတွေကို တင်ဆက်ပေးမှာဖြစ်ပါတယ်။

https://youtu.be/Ip78Q2QgIGk

#2pmnews
#Mizzimanewshour
#MizzimaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​သံတံတား စစ်ကောင်စီတပ်ဂိတ်တွင် ထိတွေ့တိုက်ပွဲဖြစ်ပွား ၂ ဖက်ထိခိုက်အကျအဆုံးရှိ
=====================

YT
(မဇ္ဈိမ)။ ။ ကရင်အမျိုးသားအစည်းအရုံး (KNU)၊ တပ်မဟာ (၁) နယ်မြေ၊ သထုံခရိုင်၊ ဘီးလင်းမြို့နယ်နှင့် ကျိုက်ထိုမြို့နယ်အစပ်ရှိ သံတံတားစစ်ကောင်စီတပ်ဂိတ်စခန်းအား ကရင်အမျိုးသားလွတ်မြောက်ရေးတပ်မတော် (KNLA)၊ ပြည်သူ့ကာကွယ်​ရေးတပ်ဖွဲ့ (PDF) ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့ရာ နှစ်ဖက် အထိအခိုက် အကျအဆုံးရှိကြောင်း သထုံခရိုင် PDF တာဝန်ခံထံက သိရသည်။

ယမန်နေ့ မေလ ၃၁ ရက်နေ့၊ နံနက် ၅ နာရီ ၄၀ မိနစ်မှစ၍ တပ်မဟာ (၁) KNLA၊ PDF ပါဝင်သော ပူးပေါင်းတပ်ဖွဲ့က သံတံတားဂိတ်ရှိ စစ်ကောင်စီတပ်သားများအား ဝင်ရောက်တိုက်ခိုက်ခဲ့ခြင်းဖြစ်ပြီး နှစ်ဖက်ထိတွေ့တိုက်ပွဲသည် အချိန် ၄၅ မိနစ်နီးပါး ကြာမြင့်ခဲ့သည်။
" မနက် ၅ နာရီ ၄၀ မှာ စတယ်။ ဖြစ်စဉ် ၄၅ မိနစ်လောက်တော့ ကြာသွားတယ်။ ရန်သူ့ဘက်က နှစ်ယောက်နဲ့အထက် ထိပါတယ်။ ကျွန်တော်တို့ ပူးပေါင်းအဖွဲ့ကလည်း နှစ်ယောက် ဒဏ်ရာအနည်းငယ်ရသွားပါတယ်။ မစိုးရိမ်ရပါဘူး" ဟု သထုံခရိုင် PDF တာဝန်ခံ ကိုအေးမင်းထွန်းက မဇ္ဈိမကိုပြောသည်။

အဆိုပါထိတွေ့တိုက်ပွဲအတွင်း စစ်ကောင်စီတပ်ဘက်တွင် နှစ်ဦးနှင့်အထက် သေဆုံးခဲ့၍ အထိအခိုက်ဒဏ်ရာရသူများခဲ့ကြောင်း၊ KNLA၊ PDF ပူးပေါင်းတပ်ဖွဲ့မှလည်း ရဲဘော်နှစ်ဦး မစိုးရိမ်ဒဏ်ရာ ရခဲ့ကြောင်း ကိုအေးမင်းထွန်းက ဆိုသည်။

ထိတွေ့တိုက်ပွဲဖြစ်ပွားပြီးနောက်တွင် တပ်မ(၄၄)လက်အောက်ခံ အမတ(၆၀၂)မှ လက်နက်ကြီးများဖြင့် အဆက်မပြတ်ပစ်ခတ်ခဲ့ပြီး ထိုလက်နက်ကြီးကျည်တစ်လုံးသည် ကျိုက်ထိုမြို့နယ်၊ လှည်းလမ်းကူးကျေးရွာအတွင်းရှိ ဦးစောထွန်း​၏ နေအိမ်အတွင်း ကျရောက်ပေါက်ကွဲခဲ့၍​ ခြောက်နှစ်အရွယ် ကလေးငယ်တစ်ဦးအပါအဝင် မိသားစုခြောက်ဦး ထိခိုက်ဒဏ်ရာရခဲ့ကြောင်း သိရသည်။

" ပြီးတော့ အမြောက်တပ်(၆၀၂)ကနေ လက်နက်ကြီးတွေနဲ့ တောက်လျှောက် ပစ်တယ်။ ရွာတွေကိုကျတယ်။ လှည်းလမ်းကူးရွာထဲကိုကျတော့ ဒေသခံခြောက်ဦး ထိခိုက်ဒဏ်ရာရပါတယ်။ အိမ်ထဲကိုကျတော့ အိမ်ထဲက ပြည်သူတွေကို ထိတာပေါ့" ဟု သထုံခရိုင် PDF တာဝန်ခံ ကိုအေးမင်းထွန်းက ဆက်လက်ပြောဆိုသည်။

ထိခိုက်ဒဏ်ရာရသူများမှာ အသက် ၃၀ နှစ်ကျော်အရွယ်ရှိကြသည့် ဦးစောထွန်း၊ ဒေါ်ဝင်းစန္ဒာမြင့်၊ ဦးထွန်းလင်း၊ ဦးစောထွန်း​၏ သား အသက် ၁၅ နှစ်အရွယ်ရှိ မောင်သိမ်းပိုက်စိုးစံ၊ ဦးထွန်းလင်း​၏ သားနှင့်သမီးဖြစ်သူ အသက် ၁၃ နှစ်အရွယ်ရှိ မောင်မြင့်မြတ်လင်းနှင့် အသက်ခြောက်နှစ်အရွယ်ရှိ မယွန်းရတီထွန်းတို့ဖြစ်ပြီး ဦးစောထွန်းနှင့် မောင်မြင့်မြတ်လင်းတို့​မှာ စိုးရိမ်ဒဏ်ရာဖြင့် ကျိုက်ထိုမြို့နယ် ပြည်သူ့ဆေးရုံတွင် ဆေးကုသမှု ခံယူနေရကြောင်း သိရသည်။

ထိုဒေသခံခြောက်ဦး ထိခိုက်ဒဏ်ရာရခြင်းသည် တော်လှန်ရေးအင်အားစုမှ ပစ်ခတ်ခဲ့ခြင်းဖြစ်သည်ဟု စစ်ကော်စီတပ်​၏ ပြန်ကြားရေးချန်နယ်များမှ ထုတ်ပြန်ပြောဆိုနေကြပြီး ထိုကိစ္စအပေါ် ကိုအေးမင်းထွန်းက ၎င်းတို့ပြုလုပ်ခဲ့ခြင်းမရှိကြောင်း ငြင်းဆိုသည်။

" ဒါကတော့ ထုံးစံအတိုင်းပါပဲ သူတို့ဘာသာ သူတို့ ရွာထဲပစ်ပြီးရင် တော်လှန်ရေးအင်အားစုတွေအပေါ် မပြစ်ပုံချမယ်။ ဒါကတော့ သူတို့ရဲ့ သီအိုရီလိုဖြစ်နေပြီ။ ပွင့်ပွင့်လင်းလင်းဝန်ခံရရင် ဒီလိုလက်နက်ကြီးတွေဆိုတာ ကျွန်တော့ရဲ့ တပ်ရင်းတွေမှာတောင် ၁၂၀ မမ တို့ ၁၂၂ တို့တွေဆိုတာ မရှိသေးဘူးလေ။ ဘယ်ကပစ်တယ်ဆိုတာ ပြည်သူက သိတာပေါ့။ ရွာကိုမီးရှို့မယ်၊ ရွာထဲ ပစ်ထည့်မယ်၊ သူတို့ကိုယ်တိုင်လည်း အော်ပြောဖူးတယ် ရှေ့တန်းတစ်နေရာမှာပေါ့၊ မင်းတို့ ငါတို့ကိုပစ်ရင် ငါတို့ ရွာထဲပစ်ထည့်မယ်ဆိုပြီး အော်ပြောခဲ့ဖူးတယ်" ဟု သထုံခရိုင် PDF တာဝန်ခံက ဆိုသည်။

ယမန်နေ့ မေလ ၃၁ ရက်နေ့တွင် ဖြစ်ပွားခဲ့သော ထိတွေ့တိုက်ပွဲကြောင့် ကျိုက်ထိုနှင့် ဘီးလင်းအစပ်၊ ရန်ကုန်- မော်လမြိုင် ကားလမ်းမကြီးပေါ်တွင် ခရီးသွားယာဉ်များစွာ ပိတ်ဆို့မှု ခေတ္တဖြစ်ပေါ်ခဲ့ပြီး နံနက် ၈ နာရီအကျော်တွင်မှ လမ်းပြန်ဖွင့်ပေးခဲ့ကြောင်း ကျိုက်ထိုမြို့ ဒေသခံတစ်ဦးထံက သိရသည်။

သံတံတားစစ်ကောင်စီတပ်ဂိတ်အား KNLA၊ PDF ပူးပေါင်းတပ်ဖွဲ့များမှ မကြာခဏ ဒရုန်း၊ လက်နက်ကြီးများဖြင့် သွားရောက်ပစ်ခတ်လေ့ရှိပြီး စစ်ကောင်စီတပ်ဘက်ကလည်း ထိုသို့ပစ်ခတ်ခံရတိုင်း လူနေကျေးရွာများအတွင်းသို့ လက်နက်ကြီးများဖြင့် ပြန်လည်ပစ်ခတ်လေ့ရှိကြောင်း သိရသည်။

စာတည်း - သန့်ဇော်(သန်လျင်)

#mizzima
#သံတံတားစစ်ကောင်စီတပ်ဂိတ်
#KNLA
#PDF
#ဘီးလင်းမြို့နယ်
#ကျိုက်ထိုမြို့နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U