​​တူမီးထီအပတ်စဉ် (၁၃) မှ ရရှိလာသော ကန်ဒေါ်လာ ၇၀၀ကျော်ကို CDF ထံပေးအပ်
==================

ပါခွီး
မဇ္စျိမ ။ ။ ချင်းပြည်နယ်တော်လှန်ရေးအတွက် ဘဏ္ဍာငွေအားဖြည့်ရန် ဖွင့်လှစ်ထားသော တူမီးထီအပတ်အစဉ်(၁၃) မှ ရရှိလာသည့် ရန်ပုံငွေ ကန်ဒေါ်လာ၇၆၅ကို ချင်းလဲန်းကာကွယ်ရေးတပ်ဖွဲ့ (တွန်းဇံ) CDF – Tonzangထံ ပေးအပ်ခဲ့ကြောင်း တူမီး ထီက ဇွန်လ ၇ရက်နေ့တွင်ထုတ်ပြန်သည်။

တူမီးထီကို တစ်စောင်လျှင် အမေရိကန်ဒေါ်လာ ၅ ဒေါ်လာဖြင့် ရောင်းချနေပြီး မေလအတွက် အပတ်စဉ် (၁၃) တွင် ၂၀၅စောင် ရောင်းချရသောကြောင့် စုစုပေါင်း ၁၀၂၅ ဒေါ်လာရရှိခဲ့သည်။ ဆုကြေးငွေ ဒေါ်လာ၂၅၀နှင့် အေးဂျင့်အတွက် ၁၀ဒေါ်လာ သုံးစွဲခဲ့သဖြင့် ကျန်ရှိသော ၇၆၅ဒေါ်လာကို CDF – Tonzangထံပေးအပ်ခဲ့ခြင်းဖြစ်ကြောင်းသိရသည်။

“တူမီးအပတ်စဉ် ၁၃မှာ ပေါက်တဲ့သူမရှိပါဘူး။ ဒါပေမဲ့ဆုကြေးငွေ ဒေါ်လာ၂၅၀ ကတော့ နောက်လာမဲ့အပတ်စဉ်မှာ ထပ်ပေါင်းချီးမြှင့်သွားမှာပါ” ဟု တူမီးထီက တာဝန်ရှိသူ တစ်ဦးကပြောသည်။
တူမီးထီအပတ်စဉ်(၁၃)မှ ဆုကြေးငွေ ဒေါ်လာ၂၅၀ကို ထပ်ပေါင်းထည့်မည်ဖြစ်သဖြင့် လာမည့်အပတ်စဉ်(၁၄) တွင် ဆုကြေးငွေ အမေရိကန် ဒေါ်လာ ၁၃၀၀ စတင်သတ်မှတ်ချီးမြှင့်သွားမည်ဖြစ်ကြောင်း၎င်းက ရှင်းပြသည်။

အပတ်စဉ်(၁၄) အတွက် တူမီးထီများကိုရောင်းချလျက်ရှိပြီး ဇွန်လ ၃၀ရက်နေ့တွင် ကံထူးရှင်ရွေးချယ်သွားမည်ဖြစ်သည်။ ‌ပြည်သူများအနေဖြင့် တူမီးထီ ဖေ့စ်ဘွတ်ခ်လူမှုကွန်ရက်မှတဆင့်ဆက်သွယ်ပြီး ကူညီအားဖြည့်နိုင်သည်ဆိုသည်။

တူမီးထီ အပတ်စဉ် (၁၂) မှ ရရှိလာသော ရန်ပုံငွေ ကျပ် ၃၂၂၀,၀၀၀(သုံးဆယ့်နှစ်သိန်းနှစ်သောင်း) ကို ချင်းလဲန်းကာကွယ်ရေးတပ်ဖွဲ့ (ကန်ပက်လက်) CDF – Kanpetlet ထံ ပေးပို့ခဲ့ကြောင်းသိရသည်။ တူမီးထီမှ ရရှ်ိငွေကို ထောက်ပံ့ရာတွင် မြန်မာကျပ်ငွေ၊ အမေရိကန်ဒေါ်လာ၊ အိန္ဒိယရူပီး‌‌ငွေ စသည်ဖြင့် လိုအပ်ချက်ပေါ်မူတည်၍ အဆင်ပြေရာ ငွေကြေးဖြင့် ထောက်ပံ့ခြင်းဖြစ်သည်။

တူမီးထီမှ ရရှိသောဘဏ္ဍာငွေများကို ချင်းတော်လှန်ရေးအင်အားစုများထံသို့ထောက်ပံ့နေပြီး ထီထိုးသူနည်းလျှင် ထောက်ပံ့‌ငွေနည်းပါးသဖြင့် ပြည်သူများအနေဖြင့် များများပါဝင်အားဖြည့်ပေးကြရန် တော်လှန်ရေးအင်အားစုများက မေတ္တာရပ်ခံထားသည်။

တူမီးထီသည် ၂၀၂၁ ခုနှစ်တွင်စတင်သည့် မြန်မာနွေဉီးတော်လှန်ရေးအတွက် လိုအပ်သည့် တော်လှန်ရေးရန်ပုံငွေရှာဖွေရန်အတွက် ဖွဲ့စည်းထားသော ချင်းရန်ပုံငွေအဖွဲ့ (Chin Relief Funding Program - CRFP ) မှရောင်းချသော ချင်းဒီဂျစ်တယ်ထီဖြစ်သည်။
စာတည်း - မောင်ကြီး

#mizzima
#တူမီးထီ
#CDF – Tonzang
ဓာတ်ပုံ - CDF တပ်ဖွဲ့ဝင်များ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​NUG ၏ ရန်ကုန် PDF တပ်ရင်းက ကြိုတင်ပြင်ဆင်သည့် ဆောင်ရွက်ချက်ဟု NUG ဝန်ကြီးချုပ်ရုံး ပြောရေးဆိုခွင့်ရှိသူ ပြော
====================

အမျိုးသားညီညွတ်ရေးအစိုးရ (NUG) က ရန်ကုန်တိုင်းတွင် ပထမဆုံး PDF တပ်ရင်း ဖွဲ့စည်းခြင်းသည် ရန်ကုန်တွင် ချက်ချင်းလက်ငင်း စစ်ရေး လုပ်ဆောင်ချက် ဖြစ်ပေါ်လိမ့်မည်ဟု အဓိပ္ပါယ် သဘော မသက်ရောက်သော်လည်း ယင်းက ရန်ကုန်၌ ရှေ့ကာလ စစ်ဘက် စစ်ဆင်ရေးတစ်ခုအတွက် ကြိုတင်ပြင်ဆင်သော ဆောင်ရွက်မှုတစ်ခု ဖြစ်ကြောင်းနှင့် ထို တပ်ရင်းက ရန်ကုန်ကို ဦးတည်ပြီး ချီတက်မည့် တပ်ရင်းတစ်ခုဖြစ်ကြောင်း NUG အစိုးရ ဝန်ကြီးချုပ်ရုံး၏ ပြောရေးဆိုခွင့်ရှိသူ ဦးနေဘုန်းလတ်က မဇ္ဈိမကို ပြောသည်။

ဇွန်လ ၈ ရက်၊ ည ၇ နာရီ The Mizzima Primetime မဇ္စျိမ ပင်မသတင်းအစီအစဥ်
====================

-NLD ဝန်ကြီး ၂ ဦး၏ အဂတိမှု အထူးအယူခံကို တရားလွှတ်တော်ချုပ် ပယ်ချလိုက်တဲ့သတင်း

-NUG လူ့အခွင့်အရေးဌာန အကြံပေး ဦးအောင်ကျော်မိုး၏ အစ်ကိုအကြီးဆုံး လုပ်ကြံခံရတဲ့အကြောင်း

-အညာဒေသက စစ်ဘေးရှောင်တွေ စိတ်ပိုင်းဆိုင်ရာ ကျဆင်းမှုနှင့် ကြုံတွေ့နေရ

-မအူပင်မြို့ ငလျင်လှုပ်ခတ်မှု နောက်ဆက်တွဲအခြေအနေ

-ဇွန်လဒုတိယလပတ်အတွင်း မြန်မာတနိုင်ငံလုံးသို့ အနောက်တောင်မုတ်သုံလေ ဝင်ရောက်နိုင်တဲ့အကြောင်း သတင်းအပါအဝင် တခြားအရေးကြီးတဲ့ သတင်းတွေနဲ့ စိတ်ဝင်စားဖွယ်ရာ သတင်းတွေကို တင်ဆက်ပေးသွားမှာ ဖြစ်ပါတယ်။

https://www.youtube.com/live/PS7DWPf35x0?feature=share

#7pmnews
#themizzimaprimetime
#MizzimaTV
----------------------------------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ရုရှားဩဇာလွှမ်းမိုးမှု စုံစမ်းစစ်ဆေးရေး ဥပဒေသစ်နဲ့ ပတ်သက်ပြီး ပိုလန်နိုင်ငံကို အရေးယူဖို့ အီးယူစတင်လုပ်ဆောင်

https://www.facebook.com/reel/2012648632409276

#Internationalnews #Mizzima #Russia #EU #Poland #Reels #Shorts

​​နွေဦးတော်လှန်ရေးနေ့စဉ် မှတ်စု (၈ ဇွန် ၂၀၂၃)
==========================

၂၀၂၀ ရွေးကောက်ပွဲတွင် စစ်တပ်ကျောထောက်နောက်ခံ ကြံ့ဖွံ့ပါတီ မဲရှုံး၍ အာဏာလုပြီးမှ လူကြားကောင်းအောင် စစ်တပ်က တရားမဝင်ရွေးကောက်ပွဲလုပ်ရန် စီစဉ်နေချိန် ကြံ့ဖွံ့ ဥက္ကဋ္ဌ ခင်ရီ က စစ်လုပ်မည့် ရွေးကောက်ပွဲတွင် မဲအပြတ်အသတ်နိုင်အောင်လုပ်မည်ဟု ပြောဆိုနေခြင်းသည် လူအများအတွက် လှောင်ရီစရာတစ်ခုပင်ဖြစ်နေသည်။

စစ်ကောင်စီထောက်ခံသူ လီလီနိုင်ကျော်၏ အသုဘကို မင်္ဂလာဒုံ စစ်ဆေးရုံရှိ ဇရပ်တွင် ပြုလုပ်
=================

မောင်ခက်နွေ
(မဇ္ဈိမ)။ ။စစ်ကောင်စီထောက်ခံသူ လီလီနိုင်ကျော်၏ အသုဘကို ရေဝေးသုသာန်တွင် ပြုလုပ်ရဲခြင်းမရှိဘဲ မင်္ဂလာဒုံရှိ စစ်ဆေးရုံအတွင်း ဇရပ်တွင်သာ မီးသင်္ဂြိုဟ်ခဲ့ကြတယ်လို့ စစ်တပ်နှင့် နီးစပ်သည့် အသိုင်းအဝိုင်းက မဇ္ဈိမကို ပြောသည်။

သေနတ်ဖြင့် ပစ်ခတ်ခံရပြီး သေဆုံးသွားသည့် အမျိုးသားရေးသမား၊ စစ်တပ်ထောက်ခံသူ အဆိုတော် လီလီနိုင်ကျော်ကို ယနေ့ ၂၀၂၃ ခုနှစ်၊ ဇွန်လ ၈ ရက်နေ့ ညနေပိုင်းတွင် အသုဘချလိုက်ခြင်းဖြစ်သည်။

“ရေဝေးမှာ မလုပ်ဘူး၊ တပ်မတော်ဆေးရုံထဲက ငြိမ်းအေးဇရပ်မှာပဲ လုပ်တာ။ စစ်တပ် အသိုင်းအဝိုင်းနဲ့ မဘသ ကလူတွေ၊ ပြီးတော့ YMBA ကလူတွေပဲ လာကြတယ်။ စစ်တပ်က ထိပ်ပိုင်းခေါင်းဆောင်တွေတော့ မပါဘူး”ဟု စစ်တပ်နဲ့ နီးစပ်သည့် အသိုင်းအဝိုင်းက မဇ္ဈိမကို ဆိုသည်။

အဆိုတော် လီလီနိုင်ကျော်သည် မေလ ၃၀ ရက်တွင် ရန်ကင်းမြို့နယ်ရှိ နေအိမ်ရှေ့၌ ပစ်ခတ်ခံရပြီး စိုးရိမ်ဒဏ်ရာရကာ စစ်ဆေးရုံတွင် သီတင်း တစ်ပတ်နီးပါးကြာ ကုသမှုခံယူခဲ့သော်လည်း ဇွန်လ ၆ ရက် မနက်ပိုင်းတွင် သေဆုံးခဲ့ကြောင်း မိသားစုနှင့် နီးစပ်သည့် အသိုင်းဝိုင်းထံမှ သိရသည်။

ထို့အပြင် ဇွန်လ ၆ ရက်နေ့က စစ်တပ်ထောက်ခံသူဟု လူသိများသည့် လီလီနိုင်ကျော်အား ပစ်ခတ်ခဲ့သူ Special Task Force- STF အဖွဲ့ဝင် နှစ်ဦးကို ဖမ်းဆီးမိကြောင်း စစ်ကောင်စီဘက်က ထုတ်ပြန်ပြောဆိုထားသည်။

လီလီနိုင်ကျော်ကို လုပ်ကြံပစ်ခတ်ရန် အမိန့်ပေးသူမှာ ဗကသ ကျောင်းသားခေါင်းဆောင်ဟောင်းတစ်ဦးဖြစ်သည့် ကိုဒီငြိမ်းလင်းနှင့် မဟေဇယ် တို့က ညွှန်ကြားခြင်း၊ အချက်အလက်ပေးပို့ခြင်းများ လုပ်ဆောင်ခဲ့သည်ဟု စစ်ကောင်စီက စွပ်စွဲပြောဆိုထားသည်။
၎င်းအပြင် ဗကသ ကျောင်းသားခေါင်းဆောင်ဟောင်း ကိုဒီငြိမ်းလင်းနှင့် မဟေဇယ်တို့ကို ဖမ်းဆီးရန်နှင့် အိမ်ချိပ်ပိတ်ရန် တိုက်တွန်းထားသည်ကိုလည်း စစ်ကောင်စီ၏ ဝါဒဖြန့် တယ်လီဂရမ်ချန်နယ်များတွင် တွေ့ရသည်။

လီလီနိုင်ကျော်ကို ပစ်ခတ်ခဲ့သူသည် ကောင်းဇာနည်ဟိန်း(ခ)လပြည့်ဆိုသူဖြစ်ပြီး ထိုအမျိုးသား၏ပုံကို လုံခြုံရေးကင်မရာမှ တစ်ဆင့်ရရှိပြီးနောက်ပိုင်း ၎င်းတို့ကို ဖမ်းဆီးခဲ့ကြောင်း ပါရှိသည်။

လီလီနိုင်ကျော်သည် စစ်တပ်ထောက်ခံသူတစ်ဦးဖြစ်ပြီး သတင်းပေးတစ်ယောက်လည်းဖြစ်ကာ အာဏာသိမ်းကာလမှစ၍ တော်လှန်လူငယ်များအား ဖမ်းဆီးရန် တိုင်တန်းမှုများပြုလုပ်ခြင်း၊ ရပ်ကွက်အတွင်း သံပုံးတီးသူများအား Video Record ယူကာ တိုင်တန်းခဲ့သဖြင့် ရပ်ကွက်အုပ်ချုပ်ရေးမှူးအပါအ၀င် စစ်ကောင်စီတပ်မှ စစ်ကားသုံးစီးဖြင့် ည ၁၁ နာရီ၀န်းကျင်တွင် သံပုံးတီးသူများအား လာရောက်ရှာဖွေဖမ်းဆီးခြင်းများ ပြုလုပ်ခဲ့သည့် ဖြစ်စဉ်မျိုးရှိခဲ့ဖူးသည်။

စာတည်း - သန့်ဇော်(သန်လျင်)

#mizzima
#စစ်တပ်ထောက်ခံသူ
#လီလီနိုင်ကျော်
#အသုဘ
#မင်္ဂလာဒုံ
#စစ်ဆေးရုံ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ဖင်လန်နိုင်ငံက ရုရှားသံရုံး၀◌န်ထမ်း ၉ ဦးကို သူလျှိုလုပ်မှုအတွက် နှင်ထုတ်

https://www.facebook.com/reel/1891892837846914

#Internationalnews #Reels #Shorts #Russia

လူ့အခွင့်အရေးဆိုင်ရာ စွမ်းစွမ်းတမံဆောင်ရွက်မှု ရွှေတံဆိပ်ဆုရ NUG ဝန်ကြီး

Watch more detail - https://www.youtube.com/watch?v=eluRMzY7SK4

#HumanRightsBarometer #shorts
#reels #Mizzima #HumanRights

ကျောက်တံခါးမြို့နယ် စီမံအုပ်ချုပ်ရေးကောင်စီမှ ဗိုလ်မှူးနေလင်းဦး နှင့် အုပ်ချုပ်ရေးမှူး ဦးသူရ ပစ်သတ်ခံရ
================

YT
မဇ္ဈိမ။ ။ ပဲခူးတိုင်းဒေသကြီး၊ ညောင်လေးပင်ခရိုင်၊ ကျောက်တံခါးမြို့နယ်၊ စစ်ကောင်စီ၏ မြို့နယ်စီမံအုပ်ချုပ်ရေးကောင်စီ အဖွဲ့ဝင် (၁) ဗိုလ်မှူး နေလင်းဦးနှင့် ဗောဓိကွင်းကျေးရွာ အုပ်ချုပ်ရေးမှူး ဦးသူရတို့အား တော်လှန်ရေးအင်အားစု ပူးပေါင်းတပ်ဖွဲ့က ပစ်ခတ်ခဲ့ရာ နှစ်ဦးလုံးသေဆုံးသွားကြောင်း Bago Region PDF က ယမန်နေ့ ဇွန်လ ၇ ရက်တွင် သတင်းထုတ်ပြန်သည်။

ယမန်နေ့ နေ့လယ် ၁ နာရီခန့်က ဆိုင်ကယ်စီးလာသော ဗိုလ်မှူး နေလင်းဦးနှင့် ၎င်း၏တပည့်ဖြစ်သူ ဦးသူရတို့အား တော်လှန်ရေးအင်အားစု ပူးပေါင်းတပ်ဖွဲ့က သေနတ်ဖြင့် ပစ်ခတ်ခဲ့ခြင်းဖြစ်သည်။
ပစ်ခတ်မှုအပြီးတွင် ၎င်းတို့အား ကျောက်တံခါးဆေးရုံသို့ ပို့ဆောင်ခဲ့ကြပြီး ဆေးရုံအရောက်တွင် နှစ်ဦးလုံး သေဆုံးခဲ့ကြောင်း ဒေသတွင်း သတင်းအရင်းအမြစ်တစ်ဦးက ဆိုသည်။

" သေတာက ဆေးရုံမှာမှ သေတာ။ မြို့ထဲကို သွားတဲ့လမ်းမှာ သေနတ်နဲ့ ပစ်လိုက်ကြတာလို့ ပြောတာပဲ" ဟု ဒေသခံ သတင်းရင်းမြစ်က ဆိုသည်။

ထိုပစ်ခတ်မှုအပြီးတွင် ကျောက်တံခါးမြို့နယ်သို့ စစ်ကောင်စီတပ်သား ဦးရေ ၄၀ ခန့် ရောက်ရှိလာပြီး ဓူတင်ကုန်းတောရ ဘုန်းကြီးကျောင်းတိုက်အနီးမှ စစ်တောင်းမြစ်ကမ်းနံဘေးရှိ ကျေးရွာများသို့ လက်နက်ကြီးဖြင့် ပစ်ခတ်ခဲ့ကြောင်း ထုတ်ပြန်ချက်တွင် ဖော်ပြထားသည်။

ပစ်ခတ်မှုကို ဆောင်ရွက်ခဲ့သည့် တော်လှန်ရေးအင်အားစု ပူးပေါင်းတပ်ဖွဲ့ဝင်များနောက်သို့ စုံစမ်းထောက်လှမ်းရန် လိုက်လာသည့် စစ်ကောင်စီတပ်သားများကိုလည်း လမ်းခုလတ်တွင် ကြိုစောင့်နေသည့် တော်လှန်ရေးအင်အားစုများက ထပ်မံတိုက်ခိုက်ခဲ့ကြောင်း သိရသည်။

" နှစ်ယောက်တည်း သေတာမဟုတ်ဘူး။ အဲ့ဒီနှစ်ယောက်ကို ရှင်းပြီး မျှားခေါ်သွားတာ၊ နောက်ကလိုက်တဲ့ တပ်အဖွဲ့တွေကို စောင့်နေတဲ့ အဖွဲ့က ဆော်တာ။ တပ်က ၁၀ ယောက်လောက် ထပ်ကျတယ်ကြားတယ်" ဟု တော်လှန်ရေးအင်အားစုနှင့် နီးစပ်သည့် ဒေသခံက ဆိုသည်။

ထိုဖြစ်ရပ်များနှင့် ပတ်သက်၍ ပဲခူးတိုင်း PDF ပြန်ကြားရေးတာဝန်ခံအား မဇ္ဈိမက ယနေ့ ဇွန်လ ၈ ရက်နေ့ နေ့လယ် ၁၂ နာရီမှစကာ အကြိမ်ကြိမ် ဆက်သွယ်ခဲ့သော်လည်း လက်ရှိအချိန်အထိဆက်သွယ်၍ မရသေးချေ။

ပြီးခဲ့သည့် မေလ ၃၁ ရက်နေ့ကလည်း တောင်ငူအခြေစိုက် လေကြောင်းရန် ကာကွယ်ရေးတပ်- ၁၀၁၅ မှ ဒုတိယဗိုလ်မှူးကြီး ရဲနိုင် အရပ်ဝတ်ဖြင့် သွားလာနေစဉ်အတွင်း
ရေတာရှည်ပြည်သူ့ကာကွယ်ရေးတပ် အမှတ် ၃၅၀၁၊ တပ်ခွဲ-၆ မှ ရဲဘော်များက ပစ်ခတ်ရှင်းလင်းခဲ့ကြောင်း သိရသည်။

စာတည်း။ ။အောင်ကျော်ဖြိုး

#Mizzima
#ဗိုလ်မှူးနေလင်းဦး
#ကျောက်တံခါးမြို့နယ် စီမံအုပ်ချုပ်ရေးကောင်စီ
#Bago Region PDF
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လူ့အခွင့်အရေးဆိုင်ရာ စွမ်းစွမ်းတမံဆောင်ရွက်မှု ရွှေတံဆိပ်ဆုရ NUG ဝန်ကြီး
==================

အမျိုးသားညီညွတ်ရေးအစိုးရ လူ့အခွင့်အရေးဆိုင်ရာ ပြည်ထောင်စုဝန်ကြီး ဦးအောင်မျိုးမင်းကို ဩစကြေးလျားနိုင်ငံ ဆစ်ဒနီငြိမ်းချမ်းရေးဖောင်ဒေးရှင်းက လူ့အခွင့်အရေးဆိုင်ရာ စွမ်းစွမ်းတမံဆောင်ရွက်မှုများအတွက် ရွှေတံဆိပ်ဆု (Golden Medal for Human Rights-2023) ကို မကြာသေးခင်က ချီးမြှင့်လိုက်သည်။ ရွှေတံဆိပ်ဆုရှင်၏ နိုင်ငံရေးနှင့် လူ့အခွင့်အရေးဆိုင်ရာလုပ်ဆောင်မှုများ၊ ဝေဖန်မှုများကိုဘယ်လိုသဘောထားလဲတို့ကို ယခုအင်တာဗျူးတွင် မေးမြန်းထားသည်။

https://youtu.be/eluRMzY7SK4

#Human Rights Barometer
#Sydeny Peace Foundation
#ဦးအောင်မျိုးမင်း
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

စစ်အာဏာသိမ်းအပြီး (၂)နှစ်အကြာ၊ လူထုရဲ့ အကြပ်အတည်း၊ လူထုရဲ့ ရုန်းကန်သံမျာ
=================

စစ်အာဏာသိမ်းအပြီး (၂)နှစ်အကြာ၊ လူထုရဲ့ အကြပ်အတည်း၊ လူထုရဲ့ ရုန်းကန်သံများ ကို မှတ်တမ်းတင်ရိုက်ကူးထားတဲ့ Two Years After Coup အစီအစဉ်ကို ထုတ်လွှင့်တင်ဆက်သွားမှာဖြစ်ပါတယ်။ စောင့်မျှော်ကြည့်ရှု ခံစားနိုင်ပါတယ်ခင်ဗျာ။

https://youtu.be/Sm1fYXqokbA

#two_years_after_coup #Teaser #ရုန်းကန်သံ #SOSMYANMAR
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

တိုက်ပွဲတွေ ပြင်းထန်နေတဲ့ ဆူဒန်မှာ ခါတွန်ကျွန်းသားတွေ ပိတ်မိနေ

https://www.facebook.com/reel/769682768216561

#Internationalnews #Mizzima #Sudan #Reels #Shorts