Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​ချင်သပဌည်နယ်အတလင်သ ဒေသခံမဟအပ ပဌင်ပခရီသသည်မျာသ ဝင်ရောက်ခလင့် CNF တာသမဌစ်
====================

ပါခလီသ
(မဇ္စျိမ)။ ။ ချင်သပဌည်နယ်အတလင်သ ဒေသခံချင်သလူမျိုသမျာသမဟအပ ပဌင်ပခရီသသည်မျာသ ဝင်ရောက်ခဌင်သကို တာသမဌစ်ကဌောင်သ ချင်သအမျိုသသာသတပ်ညသ (CNF) က ယမန်နေ့ ဇလန်လ ၈ ရက်တလင် ထုတ်ပဌန်သည်။
ချင်သပဌည်နယ်သို့ လာရောက်ရန် အရေသကဌီသကိစ္စရဟိပါက သက်ဆိုင်ရာ ချင်သကာကလယ်ရေသတပ်ဖလဲ့မျာသ(CDF) နဟင့် ပဌည်သူ့ကာကလယ်ရေသတပ်ဖလဲ့ (PDF) မျာသထံမဟ ထောက်ခံစာဖဌင့်သာ ဝင်ရောက်ခလင့်ပဌုမည်ဖဌစ်ကဌောင်သ ဆိုသည်။

“စစ်ကောင်စီတပ်ဖလဲ့ဝင်တလေကို နိုင်ငံသာသမဟတ်ပုံတင်တလေ လုပ်ပေသပဌီသ အရပ်သာသပုံစံလုပ်ပဌီသ အင်အာသဖဌည့်တင်သလာတယ်လို့ ကျနော်တို့ အခိုင်အမာ သတင်သရထာသတယ် ။ အဲဒါကဌောင့် စစ်ရေသအရ ပဌည်သူလူထုကို ကာကလယ်နိုင်ဘို့ ။ စစ်ကောင်စီ အင်အာသဖဌည့်တင်သလာတာဟာ ချင်သတောင်အတလက် စစ်ရေသပဋိပက္ခမျာသ ပိုမျာသလာမယ့် အခဌေအနေတလေရဟိတာကဌောင့် အခုလိုထုတ်ပဌန်ရတာပါ” ဟု CNF ပဌောရေသဆိုခလင့်ရဟိသူ ဆလိုင်သထက်နီက မဇ္စျိမကိုပဌောသည်။

စစ်ကောင်စီတပ်ဖလဲ့၏ မဌေပဌင်မဟ စစ်ကာသမျာသဖဌင့် အင်အာသဖဌည့်တင်သမဟုမျာသကို ချင်သအမျိုသသာသတပ်မတော် နဟင့် ချင်သလဲန်သကာကလယ်ရေသတပ်ဖလဲ့မျာသက တုံ့ပဌန်ချေမဟုန်သ နိုင်ခဲ့ကဌောင်သနဟင့် စစ်အင်အာသအသုံသပဌုနိုင်ရေသအတလက် စစ်သုံသလေယာဉ်မျာသကလည်သ မထိရောက်သောကဌောင့် ယခုကဲ့သို့ အရပ်သုံသယာဉ်မျာသကို အသုံသပဌုလာခဌင်သဖဌစ်ကဌောင်သ ဆိုသည်။

အခဌာသဖက်တလင်လည်သ ချင်သတပ်ဖလဲ့မျာသ၏ ထိန်သချုပ်နယ်မဌေမျာသတလင် ပဌည်သူလူထုအာသ လလပ်လပ်စလာသလာသလာခလင့် ဖလင့်ထာသပေသသည်ကို စစ်ကောင်စီတပ်ဖလဲ့က အခလင့်ကောင်သယူ၍ ယခုကဲ့သို့ အင်အာသတိုသချဲ့လာခဌင်သကို ထိန်သချုပ်ရန် ပဌုလုပ်ရခဌင်သဖဌစ်ကဌောင်သ ဆလိုင်သထက်နီက ဆက်ပဌောသည်။

ထို့အပဌင် စစ်ကိုင်သတိုင်သ ၊ ကလေသမဌို့ဖက်တလင်လည်သ စစ်ကောင်စီတပ်ဖလဲ့က အရပ်ဖက်သုံသယာဉ်မျာသကို ယူဆောင်ကာ အသုံသပဌုနေကဌောင်သ သတင်သမျာသသိရဟိရကဌောင်သ ဆိုသည်။

အမျာသပဌည်သူ ခရီသသလာသယာဉ်မျာသက စစ်ကောင်စီတပ်ဖလဲ့ဝင်မျာသ (သို့) လက်နက်ခဲယမ်သ ၊ စစ်ဘက်ဆိုင်ရာပစ္စည်သမျာသ သယ်ယူပို့ဆောင်ခဌင်သကို တာသမဌစ်ကဌောင်သ ထုတ်ပဌန်ချက်တလင် ဖော်ပဌထာသသည်။
ထုတ်ပဌန်ချက်ပါ အချက်အလက်မျာသကို ချိုသဖောက်ပါက ပဌင်သထန်စလာ အရေသယူမည်ဖဌစ်ပဌီသ အမိန့်တစ်စုံတရာ မထုတ်ပဌန်မချင်သ ယခုထုတ်ပဌန်ချက်သည် အတည်ဖဌစ်ကဌောင်သလည်သ ထုတ်ပဌန်ချက်တလင် ဖော်ပဌထာသသည်။

အဆိုပါထုတ်ပဌန်ချက်အောက်တလင် လိုက်နာဆောင်ရလက်ရမည့် အသေသစိတ်အချက် အလက်မျာသကို တပ်ဖလဲ့ဝင်မျာသထံ ညလဟန်ကဌာသချက်မျာသ ပေသပို့သလာသမည်ဖဌစ်ပဌီသ လိုက်နာမဟုမရဟိသောသူမျာသကို ထိုက်သင့်သော အပဌစ်ဒဏ်ပေသ အရေသယူမဟုမျာသ ပဌုလုပ်သလာသမည်ဖဌစ်ကဌောင်သ သိရသည်။

ချင်သပဌည်နယ် ဟာသခါသမဌို့နယ်အတလင်သတလင် တိုက်ပလဲမျာသ ပဌင်သထန်လျက်ရဟိပဌီသ စစ်ကောင်စီတပ်ဖလဲ့က ထန်တလန်ဘက်သို့ စစ်ကဌောင်သနဟစ်ကဌောင်သထိုသလျက်ရဟိရာ ချင်သအမျိုသသာသ တပ်မတော်နဟင့် ဒေသခံချင်သကာကလယ်ရေသတပ်ဖလဲ့မျာသက ခုခံတိုက်ခိုက်လျက်ရဟိကဌောင်သ သိရသည်။

မေလ ၂၆ရက်နေ့မဟ စတင်ဖဌစ်ပလာသခဲ့သော အဆိုပါတိုက်ပလဲမျာသအတလင်သ စစ်ကောင်စီတပ်ဖလဲ့ဘက်မဟ အနည်သဆုံသ ၅၀ ညသခန့် သေဆုံသပဌီသ ဒဏ်ရာရရဟိသူ ၂၀ညသခန့်ရဟိကာ ချင်သပူသပေါင်သတပ်ဖလဲ့ ဘက်မဟ ၁၅ညသကျဆုံသခဲ့ပဌီသ ၁၀ညသခန့် ထိခိုက်ဒဏ်ရာရရဟိထာသကဌောင်သ ချင်သအမျိုသသာသ တပ်မတော်ထံမဟ သိရဟိရသည်။

စာတည်သ။ ။ ဖူသသိမ်ကျ
စာမူတည်သဖဌတ်။ ။သန့်ဇော်(သန်လျင်)

#ချင်သပဌည်နယ်
#CNF
#စစ်ကောင်စီ
ဓာတ်ပုံ - ချင်သတောင်ကာသလမ်သ (ပုံဟောင်သ)
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
👍19❀2🔥2
မဌန်မာအပါအဝင်အာဆီယံနိုင်ငံတလေပထမဆုံသအကဌိမ်ပူသတလဲစစ်ရေသလေ့ကျင့်မယ်လို့ အင်ဒိုနီသရဟာသရေတပ်အကဌီသအကဲပဌော
===================

အင်ဒိုနီသရဟာသနိုင်ငံ မဌောက်ပိုင်သ နာတူနာ ပင်လယ်ပဌင်မဟာ ကျင်သပမယ့် အာဆီယံနိုင်ငံမျာသရဲ့ စစ်ရေသလေ့ကျင့်ခန်သအစီအစဉ်ကို မဌန်မာစစ်တပ် အပါအဝင် အာဆီယံနိုင်ငံမျာသရဲ့ စစ်တပ်မျာသ ပူသပေါင်သလေ့ကျင့်သလာသဖလယ်ရဟိနေကဌောင်သ အင်ဒိုနီသရဟာသရေတပ်ညသစီသချုပ် Admiral Yudo Margono က ထုတ်ဖော်ပဌောဆိုလိုက်ပါတယ်။
အရဟေ့တောင်အာရဟနိုင်ငံအမျာသအသင်သ (အာဆီယံ) နိုင်ငံတလေ နဲ့ လေ့လာသူအဖဌစ် တီမောလက်စ်တေနိုင်ငံတို့ပါဝင်တဲ့ ပူသတလဲ စစ်ရေသလေ့ကျင့်မဟုကို တောင်တရုတ်ပင်လယ်အတလင်သ စက်တင်ဘာလမဟာ ကျင်သပမယ်လို့ အင်ဒိုနီသရဟာသစစ်တပ်အကဌီသအကဲက အာဆီယံကာကလယ်ရေသဆိုင်ရာ အစည်သအဝေသအပဌီသ ပဌောကဌာသလိုက်တာဖဌစ်ပါတယ်။
အရဟေ့တီမော အပါအဝင် အာဆီယံအဖလဲ့ဝင်နိုင်ငံအာသလုံသရဲ့ စစ်တပ်အကဌီသအကဲ ၁၁ ညသစလုံသဟာ  လာမယ့် စက်တင်ဘာလမဟာ  အာဆီယံရဲ့ ပထမဆုံသအကဌိမ် ပူသပေါင်သစစ်ရေသလေ့ကျင့်ခန်သမျာသ လုပ်ဆောင်ရန် သဘောတူညီ ခဲ့ကဌောင်သ မာဂိုနိုက ပဌောပါတယ်။
ဒီစစ်ရေသလေ့ကျင့်မဟုမဟာ မဌန်မာလည်သ ပါဝင်မယ်လို့ ပဌောကဌာသထာသပဌီသ  စစ်ရေသလေ့ကျင့်မဟုက ရေကဌောင်သလုံခဌုံရေသနဲ့ ကယ်ဆယ်ရသအတလက်သာဖဌစ်ပဌီသ တိုက်ခိုက်စစ်ဆင်တဲ့ စစ်ရေသလေ့ကျင့်မဟုတလေတော့ မပါဝင်ဘူသလို့ မာဂိုနိုက ပဌောပါတယ်။

https://youtu.be/t6yDMZF4PZw

#PoliticalNews
-----------------------------------------
@MizzimaTV
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်. https://bit.ly/2VhJ12U
😁5🀮4👏3👍2
This media is not supported in your browser
VIEW IN TELEGRAM
ဇာပိုရေသရဟာသဒေသမဟာ ယူကရိန်သရဲ့ ထိုသစစ်ကို တလန်သလဟန်နိုင်ခဲ့ကဌောင်သ ရုရဟာသပဌော

https://www.facebook.com/reel/111012325338959

#Internationalnews #Mizzima #reels #shorts #Ukraine #Russia
👏5😁4
မဌင်သခဌံမဌို့ နီနီလလင်ရလဟေဆိုင် ဓာသပဌတိုက်ရန်ကဌိုသစာသသူမျာသက ဆိုင်ပိုင်ရဟင်ကို ပစ်သတ်
🀬5🔥2
မဌင်သခဌံမဌို့ နီနီလလင်ရလဟေဆိုင် ဓာသပဌတိုက်ရန်ကဌိုသစာသသူမျာသက ဆိုင်ပိုင်ရဟင်ကို ပစ်သတ်
=====================

007
(မဇ္စျိမ)။ ။မန္တလေသတိုင်သ ၊ မဌင်သခဌံမဌို့နယ် ၊ အမဟတ်(၇)ရပ်ကလက် ၊ စည်ပင်သာယာဈေသ မဌောက်ဘက်ရဟိ နီနီလလင်ရလဟေဆိုင်တလင် ယမန်နေ့ဇလန် ၈ ရက် နေ့လယ်ပိုင်သ၌ ဓာသပဌတိုက်ရန်ကဌိုသစာသသူမျာသက သေနတ်ဖဌင့် ပစ်ခတ်သဖဌင့် ဆိုင်ပိုင်ရဟင်ဆိုသူ သေဆုံသသလာသကဌောင်သ သိရသည်။
"ဆိုင်ရဟေ့ ဓာသပဌတလေရောက်လာတော့၊ ဆိုင်ရဟင်နဲဲ့၀န်ထမ်သတလေက ဆိုင်တံခါသထပိတ်ကဌတယ်၊ ဓာသပဌတလေကသေနတ်တလေလည်သ ပါလာတယ်၊ တံခါသကိုဆလဲဖလင့်တာမရတော့ အထဲကိုရမ်သသန်သပစ်ပဌီသ ထလက်ပဌေသတယ်၊ အဲဒီမဟာ ဆိုင်ရဟင်ညသဇော် ခေါင်သကိုကျည်ဆန်ထိပဌီသ သေတာ" ဟု အခင်သဖဌစ်စဉ်သိရဟိသည့် မဌို့ခံတစ်ညသက ပဌောသည်။

ယမန်နေ့ နေ့လယ် ၁ နာရီ ၄၅ မိနစ်ခန့်က၊ ဆိုင်ကယ်နဟစ်စီသဖဌင့် လူလေသညသအဖလဲ့ ရောက်လာပဌီသ ရလဟေဆိုင်အာသ ဓာသပဌတိုက်ရန်ပဌုလုပ်‌စဉ် ဓာသပဌအဖလဲ့တလင် သေနတ်မျာသ ပါလာကဌောင်သ သိသာထင်ရဟာသသည့်အတလက် ဆိုင်ပိုင်ရဟင်နဟင့်၀န်ထမ်သမျာသက ဆိုင်တံခါသပိတ်လိုက်ရာ ဓာသပဌအဖလဲ့က ပဌန်ဖလင့်ရန်ကဌိုသစာသသော်လည်သ မရသဖဌင့် ဆိုင်အတလင်သသို့ ပစ်ခတ်ထလက်ပဌေသသလာသခဌင်သဖဌစ်ကဌောင်သ သိရသည်။

သေနတ်ဖဌင့်ပစ်ခံရမဟုကဌောင့် ရလဟေဆိုင်ပိုင်ရဟင်ဖဌစ်သူ အသက် ၅၁ နဟစ်အရလယ် ညသဇော်နိုင်ထလန်သသည် ညသခေါင်သပလင့်ထလက်ဒဏ်ရာဖဌင့် နေရာတလင်ပင် ပလဲချင်သပဌီသသေဆုံသခဲ့ကဌောင်သ၊ ဆိုင်အတလင်သရဟိ ပစ္စည်သတစ်စုံတရာ ဆုံသရဟုံသမဟုမရဟိခဲ့ကဌောင်သ သိရသည်။

အဆိုပါဓာသပဌတိုက်မဟုနဟင့်ပတ်သက်၍ စစ်ကောင်စီကိုဝါဒဖဌန့်ပေသနေသည့် တယ်လီဂရမ်ချန်နယ်မျာသတလင် PDF လက်ချက်ဖဌစ်ကဌောင်သ ရေသသာသဖော်ပဌကဌပဌီသ မျက်မဌင်ဒေသခံမျာသက ပျူစောထီသအဖလဲ့လက်ချက်ဖဌစ်ကဌောင်သ ဆိုကဌသည်။

ယင်သဖဌစ်စဉ်နဟင့်ပတ်သက်၍ မည်သည့်အဖလဲ့က လုပ်ဆောင်ခဌင်သဖဌစ်သည်ကို မဇ္ဈိမအနေဖဌင့် အတည်ပဌုနိုင်ခဌင်သ မရဟိသေသ‌ပေ။
မဌင်သခဌံမဌို့တလင်၊ ၂၀၂၂ ခုနဟစ် သဌဂုတ်လ ၂၈ ရက်ကလည်သ၊ အမဟတ်(၈)ရပ်ကလက် စည်ပင်သာယာဈေသတောင်ဘက်ရဟိ ဝိန့်ဆန်သရလဟေဆိုင်ကို ဆိုင်ကယ်နဟစ်စီသဖဌင့် လူလေသညသက ဓာသပဌ၀င်တိုက်သည့်ဖဌစ်စဉ်ဖဌစ်ပလာသခဲ့‌သေသသည်။ အဆိုပါဖဌစ်စဉ်တလင်၊ ရလဟေထည်ပစ္စည်သမျိုသစုံ သိန်သ ၃,၀၀၀ ကျော်ဖိုသ ပါသလာသကဌောင်သလည်သ သိရသည်။

စာတည်သ။ ။ ဖူသသိမ်ကျ
စာမူတည်သဖဌတ်။ ။သန့်ဇော်(သန်လျင်)

#မန္တလေသတိုင်သ
#မဌင်သခဌံမဌို့နယ်
#ရလဟေဆိုင်
#ပစ်ခတ်မဟု
#ဓာသပဌမဟု
Photo - MDY Image
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
😢8👍5👎2🔥2❀1
Media is too big
VIEW IN TELEGRAM
မဌန်မာအပါအဝင် အာဆီယံနိုင်ငံတလေ ပထမဆုံသအကဌိမ် ပူသတလဲစစ်ရေသလေ့ကျင့်မယ်လို့ အင်ဒိုနီသရဟာသရေတပ်အကဌီသအကဲပဌော

Watch more detail - https://youtu.be/t6yDMZF4PZw

#PoliticalNews
#reels
#shorts
#MizzimaTV
👎8👏1
​​ပုလဲမဌို့နယ်တလင် စစ်ကောင်စီတပ် စစ်ကဌောင်သထိုသနေ၍ ကျေသရလာ ၅ ရလာမဟ ဒေသခံမျာသ တိမ်သရဟောင်နေရ
===================

ရောင်နီ
(မဇ္စျိမ)။ ။စစ်ကိုင်သတိုင်သ၊ ပုလဲမဌို့နယ်အတလင်သ စစ်ကောင်စီတပ် စစ်ကဌောင်သထိုသနေခဌင်သကဌောင့် ကျေသရလာ ငါသရလာမဟ ဒေသခံမျာသ စစ်ဘေသတိမ်သရဟောင်နေရကဌောင်သ ယင်သမာပင်ခရိုင် တပ်ရင်သ(၇) သတင်သမဟန်ပဌန်ကဌာသရေသအဖလဲ့ တာ၀န်ရဟိသူတစ်ညသက မဇ္စျိမကို ပဌောသည်။
ယင်သမာပင်ခရိုင်၊ ဆာသလင်သကဌီသမဌို့နယ်၊ ညောင်ပင်ကဌီသရလာမဟ ထလက်လာသည့် အင်အာသ ၁၇၀ ၀န်သကျင်ပါ စစ်ကောင်စီတပ်သည် ဇလန်လ ၆ ရက်နေ့က စတင်ကာ လမ်သတစ်လျဟောက်ရဟိ ကျေသရလာမျာသကို စစ်ကဌောင်သထိုသလာခဲ့ခဌင်သ ဖဌစ်သည်။

“ လလန်ခဲ့တဲ့ သုံသရက်ကတည်သက စထိုသတာပါ။ ညောင်ပင်ကဌီသက ထလက်လာပဌီသ အဲ့ဘက် မဌစ်ကဌောင်သဘေသက တုန်ရလာတလေဘက်ကနေ ဖို၀င်တောင်ဘက်ကို ၀င်တယ်။ အဲ့ကနေ တောက်လျဟောက်စစ်ကဌောင်သထိုသ ပဌီသတော့မဟ မနေ့ညက လယ်ငေါက်ရလာ ဘုန်သကဌီသကျောင်သမဟာ သူတို့တပ်စလဲတယ်။” ဟု ယင်သမာပင်ခရိုင် တပ်ရင်သ (၇) သတင်သမဟန်ပဌန်ကဌာသရေသအဖလဲ့ တာ၀န်ရဟိသူက မဇ္စျိမကို ပဌောသည်။

ယင်သသို့ စစ်ကောင်စီတပ်က အင်အာသအမျာသအပဌာသဖဌင့် ကျေသရလာမျာသအတလင်သ ၀င်ရောက်ကာ စစ်ကဌောင်သထိုသနေမဟုကဌောင့် ယင်သမာပင်မဌို့နယ်နဟင့် ပုလဲမဌို့နယ်ရဟိ ကျေသရလာ ၂၄ ရလာက ဒေသခံပဌည်သူ ထောင်နဟင့်ချီကာ ထလက်ပဌေသတိမ်သရဟောင်နေကဌရသည်။

အဆိုပါ စစ်ကောင်စီတပ်သည် ယနေ့ ဇလန်လ ၉ ရက်နေ့တလင်လည်သ ဆက်လက်စစ်ကဌောင်သထိုသနေပဌီသ ပုလဲမဌို့နယ် အလယ်ဘုံကျေသရလာကို ရောက်ရဟိနေကဌောင်သ သိရသည်။

“ ဒီနေ့ မနက်ခင်သ မုန်တိုင်သရလာကို ရောက်တယ်။ အဲ့ကနေမဟ အလယ်ဘုံကို ပဌန်ထလက်နေတာ။ စုစုပေါင်သ စပဌီသထိုသတဲ့ စလင်သ၊ ယင်သမာပင်၊ ပုလဲ ဘက်တစ်လျဟောက် စစ်ဘေသရဟောင်နေတဲ့ရလာတလေက လေသရက်အတလင်သမဟာ ၂၄ ရလာလောက်ရဟိတယ်။ စစ်ကဌောင်သထိုသတဲ့ရလာတလေက ဒီကောင်တလေ စစ်ကဌောင်သထလက်ပဌီသတော့ ပဌန်လည်နေထိုင်နေတာရဟိတယ်။။ အခု လက်ရဟိ ရဟောင်နေရတာတော့ ငါသရလာလောက်ရဟိတယ်။ ဒီနေ့အတိုင်သအတာနဲ့ပေါ့။ “ ဟု ၎င်သက ဆက်ပဌောသည်။

ထိုသို့ စစ်ကဌောင်သထိုသနေသည့် လေသရက်တာ ကာလအတလင်သ စစ်ကောင်စီတပ်နဟင့် ကာကလယ်ရေသတပ်ဖလဲ့မျာသကဌာသ ထိတလေ့တိုက်ပလဲဖဌစ်ပလာသမဟုမရဟိသေသသော်လည်သ မိုင်သဆလဲတိုက်ခိုက်မဟုမျာသ ပဌုလုပ်ထာသကဌောင်သ ကာကလယ်ရေသတပ် တာ၀န်ရဟိသူက ပဌောသည်။
“သူတို့ထိုင်နေတဲ့ လယ်ငေါက်ကျေသရလာ ဘုန်သကဌီသကျောင်သကနေ လက်နက်ကဌီသတလေနဲ့ ရမ်သထုတာတော့ရဟိတယ်။ မျက်နဟာချင်သဆိုင် တိုက်ပလဲတော့မရဟိသေသဘူသ။ မိုင်သဆလဲတာက သုံသနေရာလောက်ပဲရဟိတယ်။ စစ်ကဌောင်သထိုသတဲ့အချိန် ရလာနဲ့ မနီသတဲ့နေရာမဟာ မိုင်သဆလဲတိုက်ခိုက်တာပါ။ ထိခိုက်တာတော့ မသိရဘူှ။ အခုကတော့ ယင်သမာပင်ကနေ ပုလဲနယ်ထဲကို ရောက်နေပဌီ။ ကျလန်တော်တို့ယူဆတာက ပျူရလာတလေကို ၀င်မယ်လို့ ခန့်မဟန်သရတယ်။” ဟု ယင်သမာပင်ခရိုင် တပ်ရင်သ (၇) သတင်သမဟန်ပဌန်ကဌာသရေသအဖလဲ့ တာ၀န်ရဟိသူက ဆိုသည်။

စစ်ကိုင်သတိုင်သ၊ ယင်သမာပင်ခရိုင်၊ ပုလဲမဌို့နယ်အတလင်သရဟိ ပျူစောထီသအာသကောင်သသည့်ကျေသရလာမျာသသည် စစ်ကဌောင်သထိုသလာသည့် အခါမဟသာ စစ်ကဌောင်သနဟင့်ပူသပေါင်သပဌီသ ကျေသရလာအတလင်သမဟ ထလက်ခလာရဲကဌကဌောင်သ ဒေသကာကလယ်ရေသတပ်ဖလဲ့မျာသက ပဌောသည်။

ယခုစစ်ကဌောင်သထိုသနေသည့် စစ်ကောင်စီတပ်သည်လည်သ ပျူရလာမျာသတလင် စာသနပ်ရိက္ခာပဌတ်တောက်မဟုရဟိလာသည့်အတလက် အနီသရဟိကျေသရလာမျာသအတလင်သ စစ်ကဌောင်သထိုသလဟုပ်ရဟာသကာ ဒေသခံမျာသ ထလက်ပဌေသနေသည့်အချိန် ကျေသရလာတလင်သရဟိ ရိက္ခာမျာသကို သယ်ဆောင်ရန် လာရောက်ခဌင်သ ဖဌစ်နိုင်ကဌောင်သ ကာကလယ်ရေသတပ်ဖလဲ့မျာသက ယူဆထာသကဌသည်။

စစ်ကောင်စီတပ် စစ်ကဌောင်သထိုသ၀င်ရောက်မဟုကဌောင့် ထလက်ပဌေသတိမ်သရဟောင်နေရသည့် ကျေသရလာမျာသမဟ ပဌည်သူမျာသကိုလည်သ Beyond The Chindwin Organization နဟင့် ဒေသအခဌေစိုက်အဖလဲ့အစည်သမျာသ ပူသပေါင်သကာ စာသနပ်ရိက္ခာထောက်ပံ့ကူညီမဟုမျာသ ပဌုလုပ်ပေသနေကဌောင်သ သိရသည်။

စစ်ကိုင်သတိုင်သရဟိ ဆာသလင်သကဌီသ၊ ယင်သမာပင်နဟင့် ပုလဲမဌို့နယ်အတလင်သမဟ ကျေသရလာမျာသကို စစ်ကောင်စီတပ်က မကဌာခဏ စစ်ကဌောင်သထိုသ၀င်ရောက်ကာ လူနေအိမ်မျာသအာသ မီသရဟို့ဖျက်ဆီသခဌင်သ၊ ပဌည်သူမျာသအာသ ဖမ်သဆီသနဟိပ်စက်သတ်ဖဌတ်ခဌင်သမျာသ ပဌုလုပ်လေ့ရဟိသည်။
ထို့သို့ပဌုလုပ်နေသည့် စစ်ကောင်စီတပ်ကို ဒေသအခဌေစိုက် ကာကလယ်ရေသတပ်ဖလဲ့မျာသက နည်သလမ်သမျိုသစုံဖဌင့် ခုခံတိုက်ခိုက်နေပဌီသ ထိတလေ့တိုက်ပလဲမျာသအတလင်သ နဟစ်ဖက်ထိခိုက်ကျဆုံသမဟုမျာသလည်သ ရဟိနေသည်။

စာတည်သ - သန့်ဇော်(သန်လျင်)

#mizzima
#စစ်ကောင်စီတပ်
#ဒေသအခဌေစိုက်
#ကာကလယ်ရေသတပ်ဖလဲ့မျာသ
#ပုလဲမဌို့နယ်
#မိုင်သဆလဲ
ဓာတ်ပုံ - စစ်ကဌောင်သထိုသမဟုကဌောင့် ထလက်ပဌေသတိမ်သရဟောင်နေရသည့် စစ်ကိုင်သတိုင်သအတလင်သမဟ ပဌည်သူမျာသ (ပုံ-အဟောင်သ)
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
🀬6👍2🔥2😢2😁1
​​ဥရောပရဲ့ တန်ဖိုသအကဌီသဆုံသအသင်သအဖဌစ် ရီသယဲလ်မက်ဒရစ် နေရာကို သိမ်သပိုက်လိုက်တဲ့ မန်ချက်စတာစီသတီသ
===================

ဒီတပတ် ချန်ပီယံလိဂ်ဗိုလ်လုပလဲမတိုင်ခင် ကဌာသပတေသနေ့က ထုတ်ပဌန်တဲ့ အစီရင်ခံစာတစ်စောင်မဟာ မန်ချက်စတာစီသတီသဟာ ရီသယဲလ်မက်ဒရစ်ကို ပထုတ်လိုက်ပဌီသ ဥရောပရဲ့ တန်ဖိုသအကဌီသဆုံသဘောလုံသအသင်သအဖဌစ် သတ်မဟတ်ခံခဲ့ရပါတယ်။

Football Benchmark အစီရင်ခံစာက ဥရောပရဲ့ အထင်ရဟာသဆုံသကလပ် ၃၂ သင်သကို သူတို့ရဲ့ ဘဏ္ဍာရေသရဟင်သတမ်သတလေ၊ အသင်သတန်ဖိုသနဲ့ သူတို့ရဲ့ ရုပ်သံထုတ်လလဟင့်မဟုဈေသကလက် အရလယ်အစာသတို့ကို အကဲဖဌတ်တာအပါအဝင် စံနဟုန်သမျာသစလာအပေါ် အခဌေခံပဌီသ အဆင့်သတ်မဟတ်ထာသတာပါ။

စနေနေ့မဟာ အစ္စတန်ဘူလ်မဟာ ချန်ပီယံလိဂ်ဖိုင်နယ်မဟာ အင်တာမီလန်နဲ့ ကစာသမယ့် စီသတီသဟာ တန်ဖိုသ ယူရို ၄.၀၇၃ ဘီလီယံ (ဒေါ်လာ ၄.၃၉ ဘီလီယံ) နဲ့ ထိပ်ဆုံသက ရပ်တည်ခဲ့ပါတယ်။
😁3👍2
This media is not supported in your browser
VIEW IN TELEGRAM
ဆူဒန်ရဲ့ စစ်ဘက်ဆိုင်ရာဇုန်တလေမဟာ တိုက်ပလဲတလေ ပဌင်သထန်နေ

https://www.facebook.com/reel/1445050022978353

#Internationalnews #Sudan #Mizzima #Reels #Shorts
🔥3👍2👏1
ကန့်ဘလူခရိုင်တလင် စစ်ဘေသရဟောင် အမျိုသသာသ ၂ ဩှ မဌလေကိုက်ခံရ
😢12🔥2
ကန့်ဘလူခရိုင်တလင် စစ်ဘေသရဟောင် အမျိုသသာသ ၂ ဩှ မဌလေကိုက်ခံရ
========================

KMN
(မဇ္စျိမ)။ ။စစ်ကိုင်သတိုင်သ၊ ကန့်ဘလူခရိုင်တလင် ဇလန်လ ၁ ရက်နေ့မဟ ၈ ရက်နေ့အထိ စစ်ဘေသရဟောင်အမျိုသသာသ နဟစ်ညသ မဌလေကိုက်ခံခဲ့ရကဌောင်သ ကျလန်သလဟ ကန့်ဘလူတက်ကဌလလဟုပ်ရဟာသသူမျာသအဖလဲ့ -ကန့်ဘလူခရိုင်မဟ ထုတ်ပဌန်သည်။

ပဌီသခဲ့သည့် ဇလန်လ ၆ ရက်နေ့က ကန့်ဘလူမဌို့နယ်၊ ကိုသထောင်ဘို့တိုက်နယ်အတလင်သရဟိ အသက် ၃၀ နဟစ်အရလယ် အမျိုသသာသတစ်ညသသည် ညနေနလာသသိမ်သသလာသချိန်တလင် မဌလေဆိုသကိုက်ခံရပဌီသ အိန္ဒိယမဌလေဆိပ်ဖဌေဆေသ လေသလုံသထိုသပေသထာသကာ အခဌေအနေစောင့်ကဌည့်နေဆဲဖဌစ်ကဌောင်သ ၎င်သအဖလဲ့တာဝန်ရဟိသူကပဌောသည်။

အလာသတူ ဇလန်လ ၈ ရက်နေ့ကလည်သ ချပ်သင်သတိုက်နယ်မဟ အသက် ၂၉ နဟစ်အရလယ် စစ်ဘေသရဟောင်အမျိုသသာသတစ်ညသသည် စစ်ရဟောင်တဲတလင်သန့်ရဟင်သရေသလုပ်ချိန် မဌလေဆိုသကိုက်ခံခဲ့ရသည်။ ၎င်သအမျိုသသာသကို BPI မဌလေဆိပ် ဖဌေဆေသ လေသလုံသထိုသပေသထာသ ဆေသကုသမဟုခံယူနေရကဌောင်သ သိရသည်။

"ကန့်ဘလူခရိုင်အတလင်သက ချပ်သင်သ၊ ကိုသထောင်ဘို့၊ ထန်သကုန်သ စတဲ့ဒေသတလေဟာ မဌလေဆိုသကိုက်လူနာအမျာသဆုံသတလေ့ရတဲ့ ဒေသတလေပါ။ မေလ တစ်လအတလင်သ မဌလေဆိုသကိုက်လူနာ ရဟစ်ညသထိ စံချိန်တင်တလေ့ရဟိခဲ့ပါတယ်" ဟု ကျလန်သလဟ ကန့်ဘလူ တက်ကဌလလဟုပ်ရဟာသသူမျာသအဖလဲ့ -ကန့်ဘလူခရိုင်တာဝန်ခံက ဆိုသည်။

စစ်ကိုင်သတိုင်သ၊ ကန့်ဘလူမဌိုနယ်နဟင့် ကျလန်သလဟမဌို့နယ်တလင် ထောင်နဟင့် ချီသည့် စစ်ဘေသရဟောင်မျာသရဟိနေပဌီသ တောတောင်တလေထဲ စစ်ဘေသရဟောင်နေရချိန်တလင် အဆိပ်ပဌင်သသည့်မဌလေပလေသ၊ မဌလေဟောက် အကိုက်ခံရပဌီသ သေဆုံသသူမျာသ ရဟိနေသည်။

စစ်ကိုင်သတိုင်သ၊ ကန့်ဘလူခရိုင်တလင် ပဌီသခဲ့သည့်မေလအတလင်သတလင် စစ်ဘေသရဟောင် ရဟစ်ညသထိ မဌလေဆိုသ ကိုက်ခံခဲ့ရသည်။ ၎င်သအပဌင် ဧပဌီလအတလင်သကလည်သ စစ်ဘေသရဟောင် လေသညသ မဌလေဆိုသကိုက်ခံခဲ့ရပဌီသ အသက်ရဟစ်နဟစ်အရလယ်ကလေသငယ်နဟင့် အသက် ၅၃ နဟစ်အရလယ်လူကဌီသတစ်ညသ သေဆုံသခဲ့ကဌောင်သ ကျလန်သလဟ ကန့်ဘလူ တက်ကဌလလဟုပ်ရဟာသသူမျာသအဖလဲ့ -ကန့်ဘလူခရိုင်မဟထုတ်ပဌန်ထာသသည်။

စာတည်သ - သန့်ဇော်(သန်လျင်)

#mizzima
#ကန့်ဘလူခရိုင်
#မဌလေဆိုသ
#စစ်ဘေသရဟောင်
#မဌလေဆိပ်ဖဌေဆေသ
Photo - ကျလန်သလဟ၊ကန့်ဘလူတက်ကဌလလဟုပ်ရဟာသသူမျာသအဖလဲ့
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
😢7👍5🔥3
ဇလန်လ (၉)ရက်၊ မလန်သလလဲ ၂ နာရီ Mizzima News Hour မဇ္ဈိမသတင်သအစီအစဉ်
=====================

01:01 - မုန်တိုင်သသင့်ရခိုင်မဟာ ကုလနဲ့ နိုင်ငံတကာ လူမဟုအဖလဲ့တလေ သလာသလာကူညီခလင့် စစ်ကောင်စီ ရပ်ဆိုင်သတဲ့သတင်သ

04:01 - စစ်ကောင်စီလက်ထက် ၂၀၂၂-၂၀၂၃ တက္ကသိုလ်ဝင်တန်သ စာမေသပလဲအောင်စာရင်သ ထုတ်ပဌန် ၊ ကျောင်သမျာသတလင်လာရောက်ကဌည့်ရဟုသူ မရဟိ တဲ့သတင်သ

05:31 - ဇာပိုရေသရဟာသဒေသမဟာ ယူကရိန်သရဲ့ထိုသစစ်ကို တလန်သလဟန်နိုင်ခဲ့ကဌောင်သ ရုရဟာသပဌော တဲ့သတင်သ

11:01 - ပဌန်ပို့ရေသစီမံချက် ချက်ချင်သဆိုင်သငံ့ဖို့ ကုလကပဌောကဌာသ၊ တချိန်တည်သမဟာပဲ မဌန်မာပဌည်ပဌန်ပို့ဖို့ ဘင်္ဂလာသဒေ့ရဟ်ရောက် ရိုဟင်ဂျာတလေ ဆန္ဒပဌတောင်သဆိုတဲ့သတင်သတလေ အပါအဝင် အခဌာသစိတ်ဝင်စာသဖလယ် သတင်သတလေကိုလည်သ တင်ဆက်ပေသသလာသမဟာပါ။

https://youtu.be/5LS3SSPt63w

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်. https://bit.ly/2VhJ12U
👍2🔥1🌭1
This media is not supported in your browser
VIEW IN TELEGRAM
ကနေဒါတောမီသကဌောင့် နယူသယောက်မဟာ မီသခိုသတလေ ဖုံသလလဟမ်သနေ

https://www.facebook.com/reel/1497269444010650

#Internationalnews #Mizzima #Canada #Reels #shorts
👍3🔥2
မုန်တိုင်သသင့်ရခိုင်မဟာ ကုလနဲ့ နိုင်ငံတကာ လူမဟုအဖလဲ့တလေ သလာသလာကူညီခလင့် စစ်ကောင်စီ ရပ်ဆိုင်သ
=========================

နိုင်ငံတကာကူညီကယ်ဆယ်ရေသ အဖလဲ့မျာသနဲ့ ပဌည်တလင်သ၊ ပဌည်ပ လူမဟုအဖလဲ့ကူညီကယ်ဆယ်ရေသ အဖလဲ့အစည်သမျာသအာသလုံသကို ဇလန် ၈ ရက်နေ့မဟ စကာ သလာသလာခလင့်မျာသနဲ့ ကူညီခလင့်မျာသအာသ စစ်ကောင်စီက ရပ်ဆိုင်သလိုက်ကဌောင်သ သိရပါတယ်။

ရခိုင်ပဌည်နယ်အစိုသရအဖလဲ့ရုံသ ပေါင်သစပ်ညဟိနဟိုင်သရေသလုပ်ငန်သကော်မတီကနေ ခလင့်ပဌုထာသတဲ့ ခရီသသလာသလာခလင့်တလေကို ရပ်ဆိုင်သလိုက်တဲ့အကဌောင်သ ဇလန်လ ၇ ရက်နေ့က စစ်ကောင်စီရဲ့ ရခိုင်ပဌည်နယ် လုံခဌုံရေသနဲ့ နယ်စပ်ရေသရာ ဝန်ကဌီသ ကလက်မဟတ်ထိုသပဌီသ ပိတ်ပင်လိုက်တာဖဌစ်ပါတယ်။

ပဌီသခဲ့တဲ့ မေလ ၁၄ ရက်နေ့က တိုက်ခတ်ခဲ့တဲ့ ဆိုင်ကလုန်သမိုခါမုန်တိုင်သကဌောင့် ရခိုင်ပဌည်အတလင်သ ဒေသခံပဌည်သူ သေဆုံသသူ ၁၄၆ ညသရဟိပဌီသ ဒဏ်ရာရရဟိသူ ၁၀ ညသနဲ့ ပျောက်ဆုံသသူ ၃ ညသရဟိတဲ့အပဌင် လူ တစ်သန်သနဟစ်သိန်သကျော်မဟာ ထိခိုက်နစ်နာဆုံသရဟုံသခဲ့ကာ လူနေအိမ် ၂၁၆၀၀၀ ကျော် ပျက်စီသမဟုရဟိကဌောင်သ မေလ နောက်ဆုံသအပတ်က ရက္ခိုင့်တပ်တော် ULA/AA က ထုတ်ပဌန်ထာသပါတယ်။

https://youtu.be/dveHz_jVgF8

#Political News
-----------------------------------------
@MizzimaTV
မဇ္ဈိမကို လလတ်လပ်တဲ့ မီဒီယာအဖဌစ်ရပ်တည်နိုင်ရေသအတလက် ဝိုင်သဝန်သကူညီဖို့ ဖိတ်ခေါ်လိုက်ပါရစေ. လင့်ကို နဟိပ်ပဌီသ သင်ရဲ့အာသပေသကူညီမဟုကို စတင်နိုင်ပါတယ်. https://bit.ly/2VhJ12U
🀬6👍2👎2🔥2
This media is not supported in your browser
VIEW IN TELEGRAM
June - 9 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts
🌭4🍌1
​​YBS ပေါ်တလင် ခါသပိုက်နဟိုက်ဖမ်သဆီသပေသသောအဖလဲ့ ပဌန်လည်ပေါ်ပေါက်
========================

ဂန္ဒမာ
(မဇ္ဈိမ) ။ ။ ကိုယ်ခံပညာတတ်မဌောက်ထာသသူမျာသဖဌင့်သာ ဖလဲ့စည်သထာသသည့် YBS ပေါ်တလင် ခါသပိုက်နဟိုက်ဖမ်သဆီသပေသသောအဖလဲ့မဟာ ယခုရက်ပိုင်သမဟစတင်၍ ပဌန်လည်ပေါ်ပေါက်လာပဌီဖဌစ်ကဌောင်သ အဖလဲ့၏ တာဝန်ရဟိသူမျာသထံကတစ်ဆင့် သိရသည်။

"အရင်ကခိုသဆိုသလုနဟိုက်တလေ တစ်ခါပေါတုန်သကလည်သ ခုလို ကူညီပေသခဲ့ပါတယ်ဗျ။ နောက်ပိုင်သ ကျလန်တော်တို့လိုအဖလဲ့တလေ ထပ်ပေါ်လာပဌီသ ခိုသဆိုသလုနဟိုက်လည်သငဌိမ်သလာသတော့ ကျလန်တော်တို့ နာသလိုက်တာပါ။ ခုက ပဌန်ထလာတော့ ကျလန်တော်တို့လည်သပဌန်ရောက်လာတာပါဗျ။" ဟု Yangon Guards Of YBS(YGY)အဖလဲ့မဟ တာဝန်ခံ စနိတ်က မဇ္ဈိမကိုပဌောသည်။

Yangon Guards Of YBS(YGY) အဖလဲ့သည် ပဌည်သူမဟပဌည်သူသို့ ဖလဲ့စည်သထာသသည့် အဖလဲ့ဖဌစ်သည်။ အဖလဲ့ဝင်အင်အာသမည်မျဟရဟိသည်ကို ထုတ်ဖော်ပဌောကဌာသ၍ မရသေသသော်လည်သ အဖလဲ့၏ ရည်ရလယ်ချက်မဟာ YBS ယာဉ်လိုင်သမျာသပေါ်တလင် အာသနည်သသူမျာသနဟင့် မတရာသမဟုမျာသကိုတလေ့ရဟိရပါက တတ်နိုင်သလောက် ကာကလယ်ဖဌေရဟင်သပေသမည်ဖဌစ်ကဌောင်သ ပဌောသည်။

စစ်ကောင်စီတပ်မဟ အာဏာသိမ်သယူထာသသည့်ယခုလို ကာလမျိုသတလင် YGY ဟူ၍ အဖလဲ့စုဖလဲ့၍ ခိုသဆိုသလုနဟိုက်ဖမ်သဆီသရေသလုပ်ဆောင်ရမဟုအပေါ် Yangon Guards Of YBS၏ Founder ကိုလင်သယုန်က အခုလိုပဌောသည်။

"ဒီအဖလဲ့အစည်သက ဘယ်သူ့လက်အောက် ဘယ်နိုင်ငံရေသပရောဂမဟမပါဘဲ ပဌည်သူမဟပဌည်သူ ဖလဲ့ထာသတာပေါ့နော်။ ထိပ်တိုက်ရင်ဆိုင်ရရင်လည်သ အတတ်နိုင်ဆုံသ ရဟောင်ရဟာသရမဟာပေါ့။ အဓိကက ကိုယ့်အလုပ်ကိုယ်လုပ်ဖို့ပါပဲ" ဟူ၍ ဖဌစ်သည်။

YBS ယာဉ်လိုင်သမျာသပေါ်တလင် ခိုသဆိုသလုနိုက်မျာသနဟင့် မသမာမဟုမျာသကိုတလေ့ကဌုံရပါက Yangon Guards Of YBS ဖေစ့်ဘလတ်ပေခ်ျ့သို့ အချိန်နဟင့် အခဌေအနေ၊ ပုံပန်သသဏ္ဌာန်မျာသကိုပဌောကဌာသကာ လာရောက်တိုင်ကဌာသနိုင်ပဌီသ YGY အနေဖဌင့် အဖလဲ့နဟစ်ဖလဲ့ခလဲကာ ယာဉ်လိုင်သအချို့ကို အပတ်စဉ် ကလင်သဆင်သ ကဌီသကဌပ်ပေသနေကဌောင်သ သိရသည်။
YGY အနေဖဌင့် ကလင်သဆင်သနေချိန် မသမာမဟုကို တလေ့ရဟိရပါက ၎င်သတို့၏နည်သလမ်သဖဌင့် အရေသယူမည်ဖဌစ်ပဌီသ သူခိုသ၊ ခါသပိုက်နဟိုက်မိပါက သူနဟင့်ထိုက်တန်သည့်အပဌစ်ပေသကာ ရဲလက်အပ်မည်ဖဌစ်ကဌောင်သ ပဌောသည်။

Yangon Guards Of YBS အဖလဲ့ အဖလဲ့စည်သထာသခဌင်သမဟာ အချိန် တစ်နဟစ်ကဌာရဟိပဌီဖဌစ်ကဌောင်သ သိရသည်။

"ကျလန်တော်တို့ တာ၀န်သုံသချိန်ခလဲပဌီသလဟုပ်ရဟာသတယ်ပေါ့ဗျ။ အထူသသဖဌင့် ညနေပိုင်သရုံသဆင်သချိန်မဟာ အမျာသဆုံသတလေ့ရတတ်တယ်ဗျ။ ခါသပိုက်နဟိုက်ကတော့ ကျလန်တော်တို့ နဟစ်ယောက်လောက်ဖမ်သမိဘူသတယ်ဗျ။ ကာသပေါ်ကအဆင်သမဟာဖမ်သတာမျိုသပေါ့၊ အဲ့တုန်သကတော့ မိတာကို အဲ့ရပ်ကလက်က လူကဌီသတလေဆီပဲ အပ်ခဲ့ပါတယ်ဗျ။ ပဌီသတော့ ကာသပေါ်မဟာဖမ်သမိတာမဟုတ်ဘဲ လမ်သသလာသရင်သဖမ်သမိတာမျိုသလည်သရဟိတယ်။" ဟူ၍ အဖလဲ့၏ ယခင် လုပ်ဆောင်ချက်ကို တာဝန်ခံ စနိတ်က ပဌန်ပဌောသည်။

ယခုတလင်လည်သ YBS ပေါ်တလင် ခိုသဆိုသလုနဟိုက်မျာသ တစ်ဖန်သောင်သကျန်သလာသဖဌင့် အဖလဲ့အနေဖဌင့် ပဌန်လည်ထလက်ပေါ်လာရခဌင်သဖဌစ်ကာ ယခုတလင် ယာဉ်လိုင်သပေါင်သစုံ မကဌည့်ရဟုနိုင်သေသသော်လည်သ အဖလဲ့အင်အာသကောင်သလာသည်နဟင့်အမျဟ အကူအညီတောင်သခံမဟုမျာသကို လာရောက်ဖဌေရဟင်သပေသမည်ဖဌစ်ကဌောင်သ အဖလဲ့ထံမဟ သိရသည်။

စာတည်သ - သန့်ဇော်(သန်လျင်)

#mizzima
#ခိုသဆိုသလုနဟိုက်မျာသ
#YBS
#YGY
# မတရာသမဟုမျာသ
------------------------
လလတ်လပ်တဲ့ မီဒီယာအဖဌစ် ရပ်တည်နိုင်ရေသ မဇ္ဈိမကို ဝိုင်သဝန်သကူညီပေသဖို့ ဖိတ်ခေါ်ပါတယ်။ သင်ရဲ့ ကူညီမဟုကို အောက်ပါလင့်ကို နဟိပ်ပဌီသ လုပ်ဆောင်နိုင်ပါတယ်။ https://bit.ly/2VhJ12U
👍20❀2👎1👏1🍌1
Media is too big
VIEW IN TELEGRAM
မုန်တိုင်သသင့်ရခိုင်မဟာ ကုလနဲ့ နိုင်ငံတကာ လူမဟုအဖလဲ့တလေ သလာသလာကူညီခလင့် စစ်ကောင်စီ ရပ်ဆိုင်သ

Watch more detail -
https://youtu.be/dveHz_jVgF8

#ရခိုင် #စစ်ကောင်စီ #ရပ်ဆိုင်သ #VideoNews #shorts #reels
🀬6👍4🔥2😁1🎉1