Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
​​မိုခါမုန်တိုင်းဒဏ်သင့် ပြည်သူများထံ အကူအညီ ပေးပို့ခွင့်အား စစ်ကောင်စီ ဆိုင်းငံ့
======================

ဆိုင်ကလုန်းမုန်တိုင်းဒဏ်သင့် ရခိုင်ပြည်နယ်က ပြည်သူ ထောင်ပေါင်းများစွာထံ ရောက်ရှိနိုင်ရေး ကြိုးပမ်းကြသည့် အကူအညီပေးရေး အလုပ်သမားများအတွက် ခရီးသွားခွင့်ပြုမိန့်ကို စစ်ကောင်စီက ဆိုင်းငံ့ထားကြောင်း ကုလသမဂ္ဂ လူသားချင်း စာနာထောက်ထားရေး ရုံးက သောကြာနေ့တွင် ပြောသည်။

မြန်မာနှင့် အိမ်နီးချင်း ဘင်္ဂလားဒေ့ရှ်တို့တွင် မိုးသည်းထန်စွာ ရွာသွန်းပြီး လေတိုက်နှုန်း တစ်နာရီလျှင် မိုင် ၁၂၀ ရှိခဲ့သည့် ဆိုင်ကလုန်းမုန်တိုင်း မိုခါကြောင့် မြန်မာနိုင်ငံတွင် လူပေါင်း ၁၄၈ ဦး သေဆုံးခဲ့သည်။

တိုင်းရင်းသား ပဋိပက္ခ ဆယ်စုနှစ်များကြာအပြီး ရွှေ့ပြောင်းစခန်းများ၌ နေထိုင်နေရသည့် ရိုဟင်ဂျာလူနည်းစု ဒုက္ခသည်များ ရှိနေရာ ရခိုင်ပြည်နယ်၌ မုန်တိုင်းကြောင့် အိမ်ခြေများ ပျက်စီးကာ ရေကြီးရေလျှံခဲ့သည်။
🤬12🔥2👍1
​​ကျောက်ကြီးမြို့နယ် ထွေအုပ်ရုံး ချိန်ကိုက်ဗုံးဖြင့် ဖောက်ခွဲခံရပြီး ဦးစီးမှူး သေဆုံး
===================

YT
(မဇ္ဈိမ) ။ ။ ပခူးတိုင်း၊ တောင်ငူခရိုင်၊ ကျောက်ကြီးမြို့နယ်၊ မြို့နယ် အထွေအထွေ အုပ်ချုပ်ရေးမှူးရုံးအား ကရင်အမျိုးသားအစည်းအရုံး(KNU) တပ်မဟာ (၃) KNLA၊ PDF ပူးပေါင်းတပ်ဖွဲ့များက ချိန်ကိုက်ဗုံးဆင် ဖောက်ခွဲခဲ့ကြောင်း တပ်မဟာ (၃) KNLA သတင်းအရင်းအမြစ်တစ်ဦးထံက သိရသည်။

"ချိန်ကိုက်ဗုံးထောင် ဖောက်ခွဲခဲ့ခြင်း ဖြစ်ပါတယ်။ ဦးစီးမှူးသေပြီး လေးဦး ထိခိုက်ဒဏ်ရာရသွားပါတယ်။ အခြားပစ်ခတ်တာမျိုးတော့ မရှိပါဘူး" ဟု တပ်မဟာ (၃) KNLA သတင်းအရင်းအမြစ်တစ်ဦးက မဇ္ဈိမကိုပြောသည်။

ယမန်နေ့ ဇွန်လ ၉ ရက်နေ့၊ နံနက် ၁၀ နာရီခန့်တွင် ကျောက်ကြီးမြို့နယ် အထွေအထွေ အုပ်ချုပ်ရေးမှူးရုံး၌ ထောင်ထားသော ချိန်ကိုက်ဗုံးအား ဖောက်ခွဲခဲ့ခြင်းဖြစ်ပြီး ထိုဗုံးပေါက်ကွဲမှုကြောင့် ကျောက်ကြီးမြို့နယ် စိုက်ပျိုးရေးဦးစီးမှူး သေဆုံးခဲ့၍ ရဲတပ်ဖွဲ့ဝင်တစ်ဦးအပါအဝင် လေးဦး ထိခိုက်ဒဏ်ရာရခဲ့ကြောင်း သိရသည်။

ဗုံးဖောက်ခွဲချိန်တွင် ကျောက်ကြီးမြို့နယ် အထွေအထွေ အုပ်ချုပ်ရေးမှူးရုံး၌ မြို့နယ်ရှိ အစိုးရဌာနဆိုင်ရာ ဝန်ထမ်းများ အစည်းအဝေး ပြုလုပ်နေချိန်ဖြစ်သဖြင့် ထိခိုက်ဒဏ်ရာရသူများခဲ့ခြင်းဖြစ်ပြီး ထိခိုက်ဒဏ်ရာရသူများအား ကျောက်ကြီးမြို့နယ် ပြည်သူ့ဆေးရုံသို့ ပို့ဆောင်ခဲ့ကြောင်း ဒေသခံတစ်ဦးထံက သိရသည်။

" ထွေအုပ်ထဲမှာ အစည်းအဝေးရှိနေတာ။ ဆိုင်ကယ်တွေလည်း အများကြီးပဲ ရုံးရှေ့မှာ။ အဲ့ဒီအချိန်မှာ ပေါက်ကွဲသံကြားရတာ။ ရာထူးအကြီးပိုင်းထဲက တစ်ဦးသေတယ် ပွဲချင်းပြီးပဲ။ ဒဏ်ရာရတဲ့ထဲမှာ ရဲလည်းပါတယ်" ဟု ဆိုသည်။

အဆိုပါ ဖောက်ခွဲခံရမှုအပြီးတွင် စစ်ကောင်စီတပ်သားများက လက်နက်ကြီးများဖြင့် နီးစပ်ရာများသို့ ပစ်ခတ်မှုရှိခဲ့သော်လည်း ထိခိုက်ပျက်စီးမှု မရှိကြောင်း သိရသည်။

ထို့အပြင် ဇွန်လ ၈ ရက်နေ့၊ နံနက် ၁၀ နာရီကျော် ဝန်းကျင်အချိန်က ကျောက်ကြီးမြို့မရဲစခန်းအား တပ်မဟာ (၃) KNLA၊ PDF ပူးပေါင်းတပ်ဖွဲ့များက ဒရုန်းဖြင့် ဗုံးသီးချကာ တိုက်ခိုက်ခဲ့ခြင်းရှိကြောင်း သိရသည်။

အဆိုပါ ဒရုန်းဖြင့် ဗုံးသီးချတိုက်ခိုက်မှုကြောင့် ရဲဝန်းထမ်းလိုင်းခန်းအိမ်များအနက် တစ်လုံးအနီး ကျရောက်ပေါက်ကွဲခဲ့၍ ရဲမိသားစုဝင် တစ်ဦး ထိခိုက်ဒဏ်ရာရခဲ့ကြောင်း သိရသည်။

ပြီးခဲ့သည့် ဇွန်လ ၆ ရက်နေ့ကလည်း ကျောက်ကြီးမြို့နယ်၊ နတ်သံကွင်းရဲစခန်း၊ ဘုံသဘောတံတားအနီးရှိ စစ်ကောင်စီတပ်စခန်း၊ ရေတွင်းကုန်းလမ်းဆုံရှိ စစ်ကောင်စီတပ်သားများ၊ ရေတွင်းကုန်းကြီးကျေးရွာအတွင်း အထိုင်ချနေသော စစ်ကောင်စီတပ်သားများအား တပ်မဟာ (၃) KNLA၊ PDF ပူးပေါင်းတပ်ဖွဲ့များမှ ဝင်ရောက်စီးနင်း တိုက်ခိုက်ခဲ့ပြီး ရဲနှင့်စစ်သား ၄၀ ဦးထက်မနည်း သေဆုံးခဲ့ကြောင်း သိရသည်။

စာတည်း- သန့်ဇော်(သန်လျင်)

#mizzima
#ကျောက်ကြီးမြို့နယ်
#ထွေအုပ်ရုံး
#ချိန်ကိုက်ဗုံး
#KNLA
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍24❤3🔥1😁1
​​မြောက်ဒဂုံ ၅၁ ရပ်ကွက် အုပ်ချုပ်ရေးမှူးရုံးအား မြို့ပြပြောက်ကျားများ မီးပုလင်းပစ်တိုက်ခိုက်မှုပြုလုပ်
==================

ဂန္ဒမာ
(မဇ္ဈိမ)။ ။ ရန်ကုန်တိုင်း၊ ဒဂုံမြို့သစ်မြောက်ပိုင်းမြို့နယ်၊ ၅၁ ရပ်ကွက်အုပ်ချုပ်ရေးမှူးရုံးအား ဇွန်လ ၉ ရက် နံနက် ၃ နာရီက မြို့ပြပြောက်ကျားအဖွဲ့များမှ မီးပုလင်းပစ်၍ တိုက်ခိုက်မှု ပြုလုပ်ခဲ့ကြောင်း ပြောသည်။

"ကျွန်တော်တို့ မီးပုလင်းသုံးလုံးနဲ့ တိုက်ခိုက်တယ်။ တိုက်ခိုက်တော့ အုပ်ချုပ်ရေးမှူးရုံးရဲ့ ရှေ့တံခါးပေါက်က တံခါးချိတ်ကြီး မီးလောင်သွားတယ်။ "ဟူ၍ တိုက်ခိုက်မှုပြုလုပ်ခဲ့သည့် Mother Son Yangon Force တာဝန်ခံ ဗိုလ်နိုင်က ပြောသည်။

တိုက်ခိုက်မှုပြုလုပ်ပြီးနောက် စစ်ကားနှစ်စီးနှင့် ရဲဆိုင်ကယ်နှစ်စီးရောက်ရှိလာကာ စစ်ဆေးမှုပြုလုပ်ခဲ့ကြောင်းကို အနီးနေဒေသခံမှတစ်ဆင့် သိရသည်။

အဆိုပါတိုက်ခိုက်မှုအား Mother Son Yangon Force အဖွဲ့၊ Our City အဖွဲ့နှင့် Dragon Army မြို့ပြပြောက်ကျားအဖွဲ့ သုံးဖွဲ့ပေါင်းကာ တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်အရ သိရသည်။

အဆိုပါမစ်ရှင်တွင် မီးပုလင်းဖြင့် ပစ်ခွဲတိုက်ခိုက်ရခြင်းမှာ စစ်ကောင်စီနှင့် လက်အောက်ခံအဖွဲ့များအား အခွင့်အခါကြုံကြိုက်တိုင်း ရရှိသည့်နည်းဖြင့် တိုက်ခိုက်ခြင်းဖြစ်ပြီး စစ်အာဏာရှင်များအား ဘယ်တော့မှအရှုံးမပေးဘဲ တိုက်ခိုက်သွားမည်ကို ပြသချင်၍ဖြစ်ကြောင်း Mother Son Yangon Force အဖွဲ့က ပြောသည်။

စာတည်း- သန့်ဇော်(သန်လျင်)

#mizzima
#မီးပုလင်း
#ပစ်ခွဲတိုက်ခိုက်
#ဒဂုံမြို့သစ်မြောက်ပိုင်းမြို့နယ်
#အုပ်ချုပ်ရေးမှူးရုံး
#မြို့ပြပြောက်ကျား
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍32😁4❤1
ကယ်ဆယ်ရေးအဖွဲ့တွေကို သွားလာခွင့်ပိတ်တာ ရခိုင်ပြည်သူတွေအတွက် စိုးရိမ်စရာဖြစ်တယ်လို့ NUG ပြော
====================

ဂျူချန်း (မဇ္ဈိမ)။ ။ ရခိုင်ပြည်နယ်မှာ ကူညီကယ်ဆယ်ရေး ဆောင်ရွက်နေတဲ့ အရပ်ဘက်အဖွဲ့အစည်းတွေနဲ့ နိုင်ငံတကာအဖွဲ့အစည်းတွေကို စစ်ကောင်စီက ဇွန်လ ၇ ရက်နေ့ကစပြီး ခရီးသွားလာခွင့် ရပ်ဆိုင်းလိုက်ပါတယ်။

စစ်ကောင်စီရဲ့ လုပ်ရပ်ဟာ ရခိုင်ပြည်သူတွေ အတွက် စိုးရိမ်စရာဖြစ်လို့ နိုင်ငံတကာအနေနဲ့ စစ်ကောင်စီကို ဖိအားပေးကိုင်တွယ်ဖို့ လိုအပ်တယ်လို့ ဒေါက်တာဝင်းမြတ်အေးက မဇ္ဈိမကို ပြောပါတယ်။

ရခိုင်ပြည်နယ်မှာ မုန်တိုင်းဒဏ်သင့်တဲ့ ဒေသခံတွေဟာ စားနပ်ရိက္ခာနဲ့ အရေးပေါ်အကူအညီတွေ အရေးတကြီး လိုအပ်နေတယ်လို့ နိုင်ငံတကာကူညီရေးအဖွဲ့တွေက ပြောဆိုနေချိန်မှာ စစ်ကောင်စီက အခုလိုသွားလာခွင့် ပိတ်လိုက်တာဟာ ရခိုင်လူထုကို ဒုက္ခပေးဖို့ အကြံအစည်ဖြစ်တယ်လို့ မုန်တိုင်းဘေးသင့် ပြည်သူတွေက ပြောပါတယ်။

ပြည်တွင်းနဲ့ အရပ်ဖက်အဖွဲ့အစည်းတွေဟာ အရေးပေါ်ကာလမှာပဲ ထောက်ပံ့ထားနိုင်ပြီး နိုင်ငံတကာက အကူအညီမရရင် ရေရှည်မှာ ဒေသခံပြည်သူတွေအနေနဲ့ ဆိုးရွားတဲ့ အခြေအနေကို ရင်ဆိုင်ရဖွယ် ရှိနေတယ်လို့ ကူညီကယ်ဆယ်ရေး အဖွဲ့တွေနဲ့ ဒေသခံတွေက ပြောပါတယ်။

https://youtu.be/PKjCRbyzEcQ

တည်းဖြတ်/တင်ဆက် ဂျူချန်း

#စစ်ကောင်စီ
#ကယ်ဆယ်ရေး
#သဘာဝဘေး
#ရခိုင်ပြည်နယ်
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😢19👍4🔥1🤣1
ညောင်ပင်ကြီး ကျေးရွာကို လေကြောင်းပါသုံးပြီး စစ်ကောင်စီ တိုက်ခိုက် မီးရှို့နေ
======================

KMN (မဇ္ဈိမ)။ ။စစ်ကိုင်းတိုင်း၊ ဆားလင်းကြီးမြို့နယ် ညောင်ပင်ကြီးကျေးရွာ ကို စစ်ကောင်စီတပ်တွေက ဇွန်လ ၉ ရက်နေ့ ညနေပိုင်းမှာ လေကြောင်းအသုံးပြုပြီး ပစ်ခတ်ခဲ့သလို ဒီကနေ့ မနက်ပိုင်းအထိ နေအိမ်တွေကို မီးရှို့နေတယ်လို့ ဒေသခံတွေက ပြောပါတယ်။

ဇွန်လ ၉ ရက်နေ့ ညနေပိုင်းမှာ ပြည်သူ့ကာကွယ်ရေးပူးပေါင်းတပ်တွေက ညောင်ပင်ကြီးရဲစခန်းကို ဝင်ရောက်တိုက်ခိုက်ပြီး စခန်းသိမ်းတိုက်ပွဲ ဆင်နွှဲခဲ့ပါတယ်။ အဲဒီတိုက်ပွဲမှာ စစ်ကောင်စီတပ်ဘက်က အသေအဆုံးများခဲ့တာကြောင့် လေကြောင်းကနေပါ ပစ်ခတ်တိုက်ခိုက်ခဲ့တာပါ။

ညောင်ပင်ကြီးကျေးရွာ နဲ့ ထန်းတောကြီး ကျေးရွာတွေကို ဒီကနေ့ မနက်ပိုင်းအထိ မီးရှို့နေတာကြောင့် ကျေးရွာ ခုနစ်ရွာက ဒေသခံ ၅,၀၀၀ ခန့်ဟာ အရေပေါ်ထွက်ပြေးတိမ်းရှောင်နေရတယ်လို့ အညာပစ်တိုင်းထောင်လေးများအဖွဲ့ ပြန်ကြားရေးတာဝန်ခံနဲ့ နယ်မြေခံ National Revolution Army တာဝန်ခံတွေက မဇ္ဈိမကို ပြောပါတယ်။

https://youtu.be/PHtQBJWvxms

စာတည်း - သန့်ဇော်(သန်လျင်)

တင်ဆက်၊တည်းဖြတ် - KMN

#Mizzima
#ဆားလင်းကြီး
#ညောင်ပင်ကြီးရဲစခန်း
#လေကြောင်း
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🤬12😢3❤2😁2👎1
​​ညောင်ပင်ကြီးကျေးရွာ စခန်းသိမ်းတိုက်ပွဲတွင် လက်နက်နှင့် ခဲယမ်းများ သိမ်းဆည်းရမိ ဟု BPDF ထုတ်ပြန်
===================

MTO
(မဇ္ဈိမ) ။ ။ စစ်ကိုင်းတိုင်း၊ ဆားလင်းကြီးမြို့နယ် ၊ ညောင်ပင်ကြီးရဲစခန်း စခန်းသိမ်းတိုက်ပွဲတွင် စစ်ကောင်စီတပ်ဖွဲ့ဝင် ၁၀ဦးထက်မနည်း သေဆုံးပြီး လက်နက်ခဲယမ်းများ သိမ်းဆည်းရမိကြောင်း Buffalo People Defense Force ( BPDF) က ယနေ့ ဇွန်လ ၁၀ ရက်တွင် ထုတ်ပြန်သည်။

ညောင်ပင်ကြီး ရဲစခန်းကို ဇွန်လ ၉ ရက် ညနေပိုင်းတွင် ဝင်ရောက်တိုက်ခိုက် သိမ်းပိုက်ခဲ့ခြင်းဖြစ်ပြီး တိုက်ပွဲတွင် G-3 လေးလက်၊ MA-1 တစ်လက်၊ 79 တစ်လက် အပါအ၀င် လက်နက်ခဲယမ်း အ‌ေမြာက်အမြား သိမ်းဆည်းရမိခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

စခန်းသိမ်းတိုက်ပွဲအတွက် ကြိုတင်ပြင်ဆင်မှုများကို အသေအချာပြုလုပ်ခဲ့ပြီးနောက် Buffalo People Defense Force ( BPDF) နှင့် စစ်ကိုင်းပူးပေါင်းတပ် (ULF ) တို့က ပူးပေါင်းတိုက်ခိုက်ခဲ့ကြောင်း BPDF မှ တာဝန်ရှိသူတစ်ဦးက ပြောသည်။

“စခန်းသိမ်းပိုက်ဖို့အတွက် အချိန် နှစ်လကျော်လောက် ပူးပေါင်းတပ်တွေနဲ့ ကြိုတင်ပြင်ဆင်ခဲ့ရပါတယ်။ စခန်းတစ်ခုလုံး ကိုယ့်လက်အောက်ရောက်နေပြီးမှ ဝေဟင်ပစ်ကူလာတာကြောင့် စခန်းကို မီးရှို့ပြီးပြန်ဆုတ်ခဲ့ပါတယ်။ စကစ(စစ်ကောင်စီတပ်ဖွဲ့)ဘက်ကတော့ ၁၀ ယောက်ကျပါတယ်။ ဒီထက်လည်း ပိုကျဆုံးနိုင်ပါ သေးတယ် ” ဟု ၎င်းကပြောသည်။

စစ်ကောင်စီတပ်ဖွဲ့၏ ဝေဟင်မှပစ်ခတ်မှုကြောင့် BODF အဖွဲ့ မှ ရဲဘော်ဒိုလာ ကျဆုံးခဲ့ပြီး စစ်ကိုင်း ပူးပေါင်းတပ်ဖွဲ့ ULF မှ ရဲဘော်တစ်ဦး ပေါင်ပြတ်ဒဏ်ရာ ရရှိကာ ရဲဘော် လေးဦး ထိခိုက်ဒဏ်ရာ ရရှိခဲ့ကြောင်း BPDF ၏ တာဝန်ရှိသူက ဆိုသည်။

“စခန်းအတွင်းမှာက ရဲနဲ့ စစ်သားပဲရှိတယ် အရှင်ဖမ်းမိပေမယ့် ထွက်ပြေးတာကြောင့် ပစ်ခတ်ရှင်းလင်းခဲ့ပါတယ်” ဟု ၎င်းကပြောသည်။

ညောင်ပင်ကြီးစခန်း တိုက်ခိုက်ခံရပြီးနောက် အထိနားသွားသည့် စစ်ကောင်စီတပ်ဖွဲ့သည် ညောင်ပင်ကြီးရွာအနီးနေရာများကို ယမန်နေ့ ညပိုင်းမှစ၍ ယနေ့ နေ့လယ်ပိုင်းအချိန်ထိ မီးရှို့ဖျက်ဆီးမှုများလုပ်ဆောင်နေကြောင်း ဒေသခံများထံက သိရသည်။

စာတည်း။ ။ ဖူးသိမ်ကျ
စာမူတည်းဖြတ်။ ။ အောင်ကျော်ဖြိုး

#စစ်ကိုင်းတိုင်း
#ဆားလင်းကြီးမြို့နယ်
#ရဲစခန်း
#တိုက်ခိုက်မှု
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍22👏3🔥1😁1😢1
​​မင်းတပ်မြို့နယ်ရှိ လူငယ်များကို ပြည်တွင်း၊ ပြည်ပသို့ စေလွှတ်ခြင်း မပြုကြရန် မြို့နယ် ပအဖ မေတ္တာရပ်ခံ
==================

ကိုခင်မောင်
(မဇ္ဈိမ)။ ။ ချင်းပြည်နယ် တောင်ပိုင်း၊ မင်းတပ်မြို့နယ်အတွင်းရှိ လူငယ်၊ လူရွယ်များကို ပြည်တွင်း၊ ပြည်ပသို့ ပညာသင်ကြားရန်အတွက်ဖြစ်စေ၊ အလုပ် လုပ်ကိုင်ရန်ဖြစ်စေ စေလွှတ်ခြင်း မပြုရန်ရန် မေတ္တာရပ်ခံသည်ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဇွန်လ ၈ ရက် ရက်စွဲဖြင့် ထုတ်ပြန်ကြေညာသည်။

တော်လှန်‌ရေးကာလအတွင်း ချင်းကာကွယ်ရေးတပ်ဖွဲ့ (မင်းတပ်) အနေဖြင့် မင်းတပ်မြို့နယ်အတွင်းရှိ ပြည်သူလူထု၏ အသက်၊ အိုးအိမ် နှင့် စည်းစိမ်များ ကာကွယ်စောင့်ရှောက်ရန် လူငယ်များ ပိုမိုလိုအပ်လာခြင်းကြောင့် ထိုသို့ တိုက်တွန်းထားခြင်းဖြစ်ကြောင်းသိရသည်။

“ နိုင်ငံခြားကိုအလုပ်လုပ်ဖို့ ထွက်ခွာတာတွေများနေလို့ပါ” ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့၏ တာဝန်ရှိသူတစ်ဦးက မဇ္ဈိမသို့ပြောသည်။

အာဏာသိမ်းကာလအတွင်း ဒေသခံလူငယ်များ၊ CDM လူငယ်များအပါအဝင် အရွယ်ကောင်းလူငယ်များသည် အလုပ်အကိုင်ရှားပါးမှုကြောင့် မြို့နယ်အတွင်းမှ နိုင်ငံခြားသို့ ထွက်ခွာမှုသည် အရင်အချိန်ထက် ပိုများနေသည်ဟု မင်းတပ်မြို့နယ် ဒေသခံများက ပြောသည်။
ယခုကာလအတွင်း ကလေးသူငယ်များ၏ ပညာရေးကို အလေးထားဆောင်ရွက်လျက်ရှိရာ နေရာဒေသအလိုက် မူလတန်း၊ အလယ်တန်းနှင့် အထက်တန်း ကျောင်းများကို ဖွင့်လှစ်သင်ကြားပေးလျက်ရှိကြောင်းလည်း မြို့နယ် ပကဖ ကဆိုသည်။

“CDM တွေ၊ စေတနာ့ဝန်ထမ်းတွေအတွက် ထက်၊လယ် နည်းပြသင်တန်းကို မင်းတပ်မြို့နယ်၊ မတူပီမြို့နယ်တွေမှာ ဧပြီလ၊မေလအတွင်းမှာ ပြုလုပ်ပြီးစီးပါတယ်” ဟု မင်းတပ်မြို့နယ်တွင် ကြားကာလ ပညာရေးကို ဉီးဆောင်နေသူ တစ်ဦးက ပြောသည်။
ထို့အပြင် မိဘပြည်သူများအနေဖြင့် ကျောင်းနေအရွယ် ကလေးငယ်များကို စစ်ကောင်စီက ဖွင့်လှစ်သည့် ကျောင်းများသို့ ကျောင်းအပ်နှံခြင်းမလုပ်ကြရန် မြို့နယ်ပြည်သူ့အုပ်ချုပ်ရေးအဖွဲ့ကမေတ္တာရပ်ခံထားသည်။

ချင်းကာကွယ်ရေးတပ်ဖွဲ့ - မင်းတပ်ကလည်း "အားယူထပျံ အောက်ချင်းအားမာန်" ကမ်ပိန်းတွင် မိဘပြည်သူများအနေဖြင့် အားတက်သရော ပါဝင်ပေးကြရန် မေတ္တာရပ်ခံထားသည်။

စာမူတည်းဖြတ်။ ။အောင်ကျော်ဖြိုး

#Mizzima
#မြို့နယ် ပအဖ မေတ္တာရပ်ခံ
# ပြည်ပသို့ စေလွှတ်ခြင်း မပြုရန်
#လူငယ်များ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍23😁2
ဆရာတော်ကို ကားဖြင့်တိုက်ပြီး အလောင်းစွန့်ပစ်ခဲ့သည့် ကား‌မောင်းသူကိုဖမ်းမိ၊ ဘုန်းကြီးကျောင်းပိုင် ကားမောင်းသူဖြစ်နေ
😁3👍2
ဆရာတော်ကို ကားဖြင့်တိုက်ပြီး အလောင်းစွန့်ပစ်ခဲ့သည့် ကား‌မောင်းသူကိုဖမ်းမိ၊ ဘုန်းကြီးကျောင်းပိုင် ကားမောင်းသူဖြစ်နေ
====================

007
(မဇ္ဈိမ) ။ ။ ဆရာတော်တစ်ပါးကို ကားဖြင့်ဝင်တိုက်မိရာမှ ပျံလွန်တော်မူ သွားသဖြင့် ရုပ်အလောင်းအား လမ်းဘေးစွန့်ပစ်ခဲ့သည့် ကားသမားကို ဖမ်းဆီးရမိကြောင်း စစ်ကောင်စီ၏ မန္တလေးရဲတပ်ဖွဲ့နှင့် နီးစပ်သူတစ်ဦးက မဇ္ဈိမကို ပြောသည်

အဆိုပါ ကားသမားကို ဇွန်လ ၈ ရက်နေ့က ဘုန်းကြီးကျောင်းတိုက်တစ်ခုအတွင်း ဖမ်းဆီးခဲ့ခြင်းဖြစ်ကြောင်း ၎င်းက ပြောသည်။
“တိုက်သွားတဲ့ကားက မျိုးချစ်ကျောင်းတိုက်ကကား၊ ကျောင်းတိုက်ပိုင်ကားပေါ့။ ကားသမားက အဲဒီကျောင်းမှာနေပြီး ဘုန်းကြီးကားမောင်းပေးရတဲ့ လူငယ်လေး တစ်ယောက်ပါ

ပျံလွန်တော်မူသွားတဲ့ဘုန်းကြီးမိသားစုက တည်နေရာပြောပြလို့ သွားဖမ်းပြီး အခုအမှုဖွင့် စစ်ဆေးနေတယ်” ဟု မန္တလေးရဲတပ်ဖွဲ့နှင့်နီးစပ်သူ တစ်ဦးက ပြောသည်။

ကားတိုက်ခံရပြီး ပျံလွန်တော်မူသွားသော ဆရာတော်သည် အောင်မြေ သာစံမြို့နယ် ဥပုသ်တော်ရပ်ကွက်၊ ရွှေတောင်ကြားကျောင်းတိုက်မှဖြစ်ကြောင်း သိရသည်။

ဆရာတော်အား ဝင်တိုက်သွားသော ကားနှင့် ဒရိုင်ဘာသည် ၎င်းဘုန်းကြီး သီတင်းသုံး နေထိုင်ရာ ရွှေတောင်ကြားကျောင်းတိုက်အနီးရှိ မျိုးချစ်ကျောင်း တိုက်တွင် ယာဉ်မောင်းနေသော အသက် ၂၄ နှစ်အရွယ် ကိုနေမျိုးသူ ဖြစ်သည်။

“ကားတိုက်မှုဖြစ်တဲ့နေ့က အင်တာနက်ပေါ် ကားနံပါတ်တင်ပြီးစုံစမ်းတာကနေ အဲဒီကျောင်းကဆိုတာ သိသွားတယ်။ ဈာပနကိစ္စရှိနေတော့ ဈာပနကိစ္စပြီးတဲ့ နေ့ကျမှပဲ ဘုန်းကြီးရဲ့မိသားစုက ရဲစခန်း(ယာဉ်ထိန်းရဲ)အကြောင်းကြားခဲ့တာ၊ အခု ၃၀၄(က)နဲ့ အမှုဖွင့်ထားတယ်လို့ သိရတယ်” ဟု ဘုန်းကြီး၏ မိသားစုနှင့် နီးစပ်သူတစ်ဦးက ပြောသည်။

လက်ရှိတွင် ကားသမားကိုနေမျိုးသူကို အောင်မြေသာစံမြို့နယ် အမှတ်(၂) နယ်မြေရဲစခန်းတွင် ပေါ့လျော့ခြင်းဖြင့်သေစေမှုဖြစ်သော ရာဇသတ်ကြီး ဥပဒေပုဒ်မ ၃၀၄(က) ဖြင့်အမှုဖွင့်ထားကြောင်း မန္တလေးရဲတပ်ဖွဲ့နှင့် နီးစပ်သူက ပြောသည်။

ကားတိုက်မှုဖြစ်ပွားစဉ်အတွင်း ကားပေါ်အတူပါလာသူ သုံးဦးကိုလည်း စစ်ဆေးနေကြောင်း ဖမ်းဆီးစစ်ဆေးနေကြောင်း သိရသည်။
မန္တလေးမြို့တွင် ဇွန်လ ၆ ရက်နေ့၊ နံနက် ၅ နာရီဝန်းကျင်က၊ မန္တလေးတောင်ခြေအနောက်ဘက်၊ ရွှေမန်းတောင်ဂေါက်ကွင်းအနီးတွင် သက်တော် (၉၃) နှစ်၊ ဝါတော် ၂၁ ဝါရှိ ဆရာတော် ဘဒ္ဒန္တဦးသြဘာသ ကားတိုက်ခံခဲ့ရခြင်း ဖြစ်သည်။

ဆရာတော်သည် ၎င်းသီတင်းသုံးနေထိုင်ရာ ရွှေတောင်ကြားကျောင်းတိုက်မှ ဒုလ္လဘရဟန်းတစ်ပါးနှင့်အတူ အရုဏ်ဆွမ်းအတွက် ထွက်လာစဉ် ကားသမားအပါအဝင် လူ လေးဦးလိုက်ပါလာသော အဖြူရောင် Light Truck ကား (ယာဉ်နံပါတ် MDY 8B-4277) က ဆရာတော်အားဝင်တိုက်မိခဲ့သည်။

ထို့နောက် ဆေးခန်းပို့ပေးမည်ဟုဆိုကာ ကားပေါ်တင်ဆောင်သွားပြီးနောက် အလောင်းအား အခင်းဖြစ်နေရာအနီးရှိ သစ်ပင်တစ်ပင်အောက်တွင် သွားရောက် စွန့်ပစ်ခဲ့ခြင်း ဖြစ်သည်။

ပျံလွန်တော်မူသွားသည့် ဘုန်းကြီး၏ ဈာပနကိုအခမ်းအနားကို ကျန်ရစ်သူမိသားစုမျာားက အေးရိမ်ငြိမ်သုဿန်တွင် ဇွန်လ ၈ ရက်နေ့ မွန်းလွဲ ၂ နာရီက ပြုလုပ်ခဲ့ကြောင်း သိရသည်။

စာတည်း။ ။ နောင်နောင်

#ဆရာတော်ကိုကားနဲ့တိုက်
#မန္တလေး
#မျိုးချစ်ကျောင်း
#Mizzima
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍8😢6😁3❤2
Cele City - Episode 22
==========

ဒီအပတ်မှာဆိုရင်

👉အသက် ၂၂ နှစ်အရွယ် မော်ဒယ်မလေးနဲ့ တွဲနေတဲ့ မင်းသားလီယိုနာဒို ဒီကာပရီယို
👉၅ ခုမြောက်စတူဒီယိုအယ်လ်ဘမ်ထွက်ရှိလာတော့မဲ့ အဆိုတော် Nicki Minaj
👉ပရိသတ်တွေအင်အားသင့်ခဲ့ရတဲ့ “THE IDOL" Series မှ JENNIE ရဲ့သရုပ်ဆောင်မှု

အပြင် တခြားဖျော်ဖြေရေးနှင့်ဆိုင်တဲ့သတင်းများပါ တင်ဆက်ပေးသွားမှာမို့ အပတ်စဉ် စနေနေ့ Mizzima + TV channel မှာ ညနေ ၄ ခွဲ အချိန်မှာ စောင့်မျှော်ကြည့်ရှုနိုင်ပါပြီ။

Mizzima + TV မှာ မကြည့်လိုက်ရတဲ့ ပရိသတ်တွေကတော့ Mizzima TV App မှာ ပြန်လည် ကြည့်ရှုနိုင်ပါပြီ။

(Mizzima Media ကနေ သတင်းချန်နယ် သီးသန့် အဖြစ် Mizzima TV အပြင်၊ သတင်း နှင့် ဖျော်ဖြေရေး ချန်နယ် အဖြစ် Mizzima + တို့အား PSI စလောင်းများ၊ နှစ်ပေ စလောင်းများ နှင့် ရှစ်ပေ စလောင်း များမှ တစ်ဆင့် နေ့စဉ် နံနက် ၆ နာရီ မှ ည ၁၂ နာရီအထိ ထုတ်လွှင့်ပြသနေပါသည်)။


https://youtu.be/zpsfaAlpAMI

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍10🔥2👌1
​​မြန်မာ့နိုင်ငံရေးပြဿနာကို ဖြေရှင်းရာတွင် ဒေါ်အောင်ဆန်းစုကြည်ကို ချန်လှပ်၍မရဟု ကိုမြအေးပြော
=====================

(မဇ္ဈိမ)
။ ။ မြန်မာ့နိုင်ငံရေးပြဿနာကို ဖြေရှင်းရာတွင် ဒေါ်အောင်ဆန်းစုကြည်ကို ချန်လှပ်၍မရကြောင်း ၈၈ ကျောင်းသားခေါင်းဆောင်တစ်ဦးဖြစ်သူ ကိုမြအေးက ပြောသည်။

"ဒေါ်အောင်ဆန်းစုကြည်ဟာ မြန်မာပြည်သူလူထု အများစုကြီးက ယုံကြည်ထောက်ခံထားတယ်ဆိုတာကိုတော့ မျက်ကွယ်ပြုလို့ မရဘူး။ ပြည်သူလူထုရဲ့ဆန္ဒကိုတော့ လေးစားရလိမ့်မယ်။ ဒါကြောင့် ကိုယ်ကြိုက်တာ မကြိုက်တာ၊ သဘောတူတာ မတူတာက တစ်ပိုင်းဘဲ။ မြန်မာ့နိုင်ငံရေး ပြဿနာတွေကို ဖြေရှင်းဖို့စဉ်းစားမယ်ဆိုရင် ဒေါ်အောင်ဆန်းစုကြည်ကိုချန်လှပ်စဉ်းစားလို့ မရနိုင်ပါဘူး၊ ဒါပါဘဲ။ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများ အမြန်ဆုံး လွတ်မြောက်ပါစေ" ဟု ကိုမြအေးက ၎င်း၏လူမှုကွန်ရက် စာမျက်နှာတွင် ရေးသားထားသည်။

နိုင်ငံရေးသမားတစ်ယောက် ဆက်လက်တည်ရှိခြင်း၊ မရှိခြင်းမှာ ထောက်ခံအားပေးသူများနှင့် ကာယကံရှင်၏ ဆုံးဖြတ်ချက်ပေါ်တွင်သာ မူတည်ကြောင်း ကိုမြအေးက ဆိုသည်။

"လုပ်ရပ်မှန်ရင် တက်မယ်၊ မှားရင် ကျမယ်၊ ဒါပဲ။ သိပ်ကိုရိုးရှင်းတယ်။ ဝေဖန်ခွင့်ရှိတယ်။ အပုတ်ချခွင့်တော့ ကျင့်ဝတ်အရ မသင့်ဘူး။ နည်းလမ်းပေါင်းစုံသုံးပြီးဆွဲချလည်း လူထုထောက်ခံမှုရှိသရွေ့ သူကျမှာမဟုတ်ဘူး။သဘောမတူညီမှုတွေကို နိုင်ငံရေးအရ ဝေဖန်ထောက်ပြခွင့် ရှိတယ်။ပြန်လှန်ငြင်းပယ်ခွင့်လည်း ရှိတယ်။ ဒေါ်အောင်ဆန်းစုကြည်နဲ့ပတ်သက်လို့ သဘောထားကွဲပြားတာတွေ များစွာရှိနိုင်တယ်။ဒါ ပြဿနာမဟုတ်ဘူး" ဟု ကိုမြအေးက ရေးသားထားသည်။

သန်လျင်သဘာ၀တရားရိပ်သာ ဆရာတော် အရှင်ဥတ္တမသာရသည် အမျိုးသားဒီမိုကရေစီအဖွဲ့ချုပ်(NLD) ၏ နာယက ဦးတင်ဦးအား ဇွန်လ ၈ ရက် နေ့လယ် ၂ နာရီခန့်က ရန်ကုန်မြို့၊ ဗဟန်းမြို့နယ် ၊ရွှေတောင်ကြားရပ်ကွက် ၊ ဗောဓိရိပ်သာလမ်း နေအိမ်၌ သွားရောက်တွေ့ဆုံ၍ ဒေါ်အောင်ဆန်းစုကြည်အား နိုင်ငံရေးမှစွန့်လွှတ်၍ လက်ရှိမြန်မာနိုင်ငံအတွင်း ပဋိပက္ခများ ငြိမ်းချမ်းရန် ငြိမ်းချမ်းရေးတွင် ဦးဆောင်သင့်ကြောင်း ပြောဆိုခဲ့သည်။

ဆရာတော်အရှင်ဥတ္တမသာရသည် ဦးတင်ဦးအား သွားရောက်တွေ့ဆုံပြီး နောက်တစ်နေ့ ဇွန်လ ၉ ရက်တွင် စစ်ကောင်စီ၏ အမျိုးသားစည်းလုံး ညီညွတ်ရေးနှင့် ငြိမ်းချမ်းရေး ဖော်ဆောင်မှု ညှိနှိုင်းရေး ကော်မတီ (NSPNC)မှ ဒုတိယဗိုလ်ချုပ်ကြီး ဝင်းဗိုလ်ရှိန်၊ ဒုတိယဗိုလ်ချုပ်ကြီး မင်းနိုင်တို့နှင့် တွေ့ဆုံခဲ့သည်။

သဘာဝတရားရိပ်သာ ဆရာတော်အရှင်ဥတ္တမသာရသည် ၂၀၀၂ ခုနှစ် အောက်တိုဘာ ၂၁ရက်က ရန်ကုန်မြို့ ၊ သိမ်ဖြူလမ်း ၊ ဒေဝသာဂရ ရဟန္တာ သိမ်ဖြူတော်တွင် ရဟန်းဘဝခံယူခဲ့ခြင်းဖြစ်ပြီး ၂၀၀၇ ခုနှစ်တွင် ၄၅ လမ်း သဘာဝတရားရိပ်သာ၊၂၀၀၈ ခုနှစ်တွင် ဘုရားကုန်း သန်လျင်သဘာဝတရားရိပ်သာ တို့ကို တည်ထောင်ခဲ့သည်။

စာတည်း။ ။ ဖူးသိမ်ကျ
စာမူတည်းဖြတ်။ ။သန့်ဇော်(သန်လျင်)

#နိုင်ငံတော်အတိုင်ပင်ခံပုဂ္ဂိုလ်
#‌နိုင်ငံရေး
#သန်လျင်သဘာဝတရားရိပ်သာ
#ဒေါ်အောင်ဆန်းစုကြည်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍24😁2
​​စစ်ကောင်စီတပ်ဖွဲ့များ၏ စစ်ဆေးရေးဂိတ်များ ဖြုတ်သိမ်းလိုက်သော်လည်း ကင်းပုန်းဝပ် စစ်ကောင်စီတပ်ဖွဲ့ဝင်များရှိနေ
====================

မင်းထက်
(မဇ္စျိမ)။ ။ဧရာဝတီတိုင်းအတွင်းရှိ မြို့နယ်များတွင် စစ်ကောင်စီတပ်ဖွဲ့များ၏ စစ်ဆေးရေး ဂိတ်များကိုဖြုတ်သိမ်းခဲ့သော်လည်း ကင်းပုန်းဝပ်နေသည့် စစ်ကောင်စီတပ်ဖွဲ့များရှိနေသေးကြောင်း မြို့နယ်အသီးသီးရှိ တော်လှန်ရေး အင်အားစုများက ပြောသည်။
ပြီးခဲ့သည့် ဇွန်လ ၆ ရက်နေ့မှ စတင်ကာ စစ်ကောင်စီတပ်ဖွဲ့များက ၎င်းတို့အထိုင်ချစစ်ဆေးသည့် စစ်ဆေးရေးဂိတ်များကို ဖြုတ်သိမ်းလိုက်ခြင်းဖြစ်သည်။

ထိုသို့ဖြုတ်သိမ်းပြီးနောက် အဆိုပါဂိတ်များ၏ အနီးဝန်းကျင်နေရာများတွင် ကင်းပုန်းဝပ်နေသည့် စစ်ကောင်စီတပ်ဖွဲ့များ ရှိလာခြင်းဖြစ်သည်ဟု အမည်မဖော်လိုသည့် လွှတ်တော်ကိုယ်စားလှယ် တစ်ဦးက ပြောသည်။

"ဖြုတ်သိမ်းသွားတဲ့ ဂိတ်တွေရဲ့ တစ်ဖာလုံလောက်အကွာမှာ စစ်သားတွေကင်းပုန်းဝပ်နေကြတယ်။ မြို့နယ်တိုင်း၊ မြို့တိုင်းမှာ အဲ့ဒီလိုဖြစ်နေတာပါ။ ဂိတ်တွေဖြုတ်သိမ်းတယ်လို့ အယောင်ပြပြီး ထောင်ချောက်ဆင် ဖမ်းဆီးတာတွေလုပ်မယ်လို့ ယူဆရတယ်။ အကုန်လုံး သတိထားဖို့လိုတယ်"ဟု ၎င်းကဆိုသည်။

စစ်အာဏာသိမ်းပြီးနောက်ပိုင်း စစ်ကောင်စီတပ်ဖွဲ့များ အထိုင်ချစစ်ဆေးသည့် ယာယီဂိတ်များအား အပြီးဖြုတ်သိမ်းလိုက်ပြီး စစ်အာဏာမသိမ်းမီအချိန်ကတည်းက ရှိနေသည့် စစ်ဆေးရေးဂိတ်များတွင်မူ ရဲတပ်ဖွဲ့ဝင်များနှင့် လမ်းကြေးကောက်သူများ ရှိနေသေးကြောင်း ဆက်လက်ပြောသည်။

"မြို့နယ်အများစုမှာတော့ ဂိတ်တွေအကုန်ဖြုတ်ပြီး စစ်သားလည်းမရှိ၊ ရဲလည်းမရှိတော့ဘူး။ မြို့နယ်အနည်းစုလောက်က ဂိတ်တွေမှာပဲ ရဲတွေရှိတော့တယ်။ ပုသိမ်မြို့အဝင်ဂိတ်မှာဆိုရင် အရင်တုန်းက စစ်သားတွေစစ်တာ၊ အခုဆို ရဲလောက်ပဲ စစ်တော့တယ်"ဟု လွှတ်တော်ကိုယ်စားလှယ်ကပြောသည်။

ထိုသို့ စစ်ကောင်စီတပ်ဖွဲ့များ၏ ဂိတ်များဖြုတ်သိမ်းနေမှုနှင့်ပတ်သတ်၍ ၎င်းတို့အနေဖြင့် သတိထားစောင့်ကြည့်နေကြောင်း ဧရာဝတီတိုင်း စစ်ဒေသကွပ်ကဲရေးအဖွဲ့ တာဝန်ရှိသူတစ်ဦးက ပြောသည်။

"ပုသိမ်နဲ့ ငပုတောကလွဲပြီး ကျန်တဲ့မြို့နယ်တွေမှာ ဂိတ်တွေ
မရှိသလောက်ဖြစ်သွားပြီ၊ ကင်းပုန်းဝပ်တာတွေတော့ အများကြီးရှိတယ်"ဟု ၎င်းကဆိုသည်။

ထိုသို့ စစ်ဆေးရေးဂိတ်များ ဖြုတ်သိမ်းနေသော်လည်း ဧရာဝတီတိုင်းအတွင်းရှိ မြို့နယ်အများစုတွင် စစ်ကောင်စီတပ်ဖွဲ့များ၏ လှည့်ကင်းများရှိနေသေးကြောင်း မြို့နယ်အသီးသီးရှိ ဒေသခံများက ပြောသည်။

လက်ရှိတွင် ဟင်္သာတခရိုင်နှင့် ငပုတောမြို့နယ်အတွင်း တောစပ်များ၌ စစ်ကောင်စီတပ်ဖွဲ့များ အင်အားအများအပြားဖြင့် စစ်ကြောင်းထိုးနေကြသည်ဟု ဒေသခံများ၏ပြောပြချက်အရ သိရသည်။

စာတည်း - သန့်ဇော်(သန်လျင်)

#mizzima
#စစ်ဆေးရေးဂိတ်
#ဧရာဝတီတိုင်း
#မြို့နယ်များ
#ဟင်္သာတခရိုင်
ဓာတ်ပုံ - ပုသိမ်-ချောင်းသာ ကားလမ်းဘေးတစ်နေရာမှ စစ်ကောင်စီတပ်ဖွဲ့(ပုံအဟောင်း)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁12👍7👎1
Media is too big
VIEW IN TELEGRAM
Happiest Moment ကို ထုတ်ဖော်လိုက်ကြတဲ့ YA YA နဲ့ Nadech

Full Video Link - https://youtu.be/zpsfaAlpAMI

#entertainmentnews
#celecity #mizzimaplus
#internationalnews #reels #shorts
👍2🥰1😁1🤮1
​​ရိုဟင်ဂျာများအား ပြန်ပို့မည့် အစမ်းစီမံကိန်းကို ဘင်္ဂလားဒေ့ရှ်က ရပ်ဆိုင်းသင့်ဟု ကုလသမဂ္ဂ အထူးကိုယ်စားလှယ် ပြော
======================

အသက်အိုးအိမ်နှင့် လွတ်လပ်ခွင့်အတွက် ဆိုးဆိုးဝါးဝါး ဘေးအန္တရာယ်များ ရင်ဆိုင်နေရသည့် မြန်မာနိုင်ငံဆီ ရိုဟင်ဂျာများအား ပြန်ပို့မည့် အစမ်းစီမံကိန်းကို ဘင်္ဂလားဒေ့ရှ်အနေဖြင့် ချက်ချင်း ရပ်တန့်သင့်ကြောင်း ကုလသမဂ္ဂ အထူးကိုယ်စားလှယ်က ပြောသည်။

မြန်မာနိုင်ငံဆီ မဖြစ်မနေ ပြန်ကြရန် ရိုဟင်ဂျာများကို ဘင်္ဂလားဒေ့ရှ် အာဏာပိုင်များက လှည့်ဖျားခြင်း၊ အကျပ်ကိုင်ခြင်းများ ရှိနေသည်ဆိုသည့် သတင်းများလည်း ကြားသိနေရကြောင်း မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တွမ် အင်ဒရူးက ပြောသည်။

“မြန်မာနိုင်ငံရဲ့ အခြေအနေကတော့ အမျိုးမျိုးပဲ၊ ဒါပေမဲ့ ရိုဟင်ဂျာတွေအနေနဲ့ ဘေးကင်းပြီး ဂုဏ်သိက္ခာရှိရှိနဲ့ ဆန္ဒအလျောက် ပြန်တာမျိုးပဲ ဖြစ်ရမယ်”ဟု အင်ဒရူးက ပြောသည်။ “ဗိုလ်ချုပ်မှူးကြီး မင်းအောင်လှိုင်ဆိုတာဟာ ရိုဟင်ဂျာတွေကို လူမျိုးတုံး တိုက်ခိုက်ဖို့ တပ်ဖွဲ့ဝင်တွေကို အမိန့်ပေးခဲ့သူပါ၊ အဲဒီလို လူက အရပ်သား ပြည်သူတွေကို တိုက်ခိုက်နေတဲ့ လူမဆန်တဲ့ စစ်ကောင်စီကို အခုလက်ရှိမှာ ဦးဆောင်နေတာပါ၊ ရိုဟင်ဂျာတွေကိုလည်း နိုင်ငံသားဖြစ်ခွင့်နဲ့ အခြား အခြေခံ အခွင့်အလမ်းတွေ ငြင်းပယ်ထားတာ ဖြစ်တယ်”ဟု ၎င်းက ပြောသည်။
👍13😁2❤1🔥1
မတ္တရာမြို့နယ်တွင် အစွန်းရောက်တို့ သွားရာလမ်း စာသားပါ အနီရောင်ကတ်ပြား ချိတ်ဆွဲထားသည့် ပိုင်ရှင်မဲ့အလောင်းတွေ့
❤7😁1
မတ္တရာမြို့နယ်တွင် အစွန်းရောက်တို့ သွားရာလမ်း စာသားပါ အနီရောင်ကတ်ပြား ချိတ်ဆွဲထားသည့် ပိုင်ရှင်မဲ့အလောင်းတွေ့
=================

007
(မဇ္စျိမ)။ ။ မန္တလေးတိုင်း ၊ မတ္တရာမြို့နယ်တွင် ယမန်နေ့ ဇွန်လ ၉ ရက် နံနက် ၈ နာရီခန့်က အစွန်းရောက်တို့ သွားရာလမ်း စာသားပါ အနီရောင်ကတ်ပြား ချိတ်ဆွဲခံထားရသည့် ပိုင်ရှင်မဲ့အလောင်းတွေ့ရှိမှု ဖြစ်ပွားခဲ့ကြောင်း သိရသည်။

တောင်ပြုန်းကျေးရွာနှင့် သလွန်ဖြူကျေးရွာကြား မန္တလေး-မတ္တရာ မီးရထားလမ်းဘေးတွင် အသက် ၆၀ အရွယ်ခန့်ရှိ ထိုပိုင်ရှင်မဲ့အလောင်းကို တွေ့ရှိရခြင်းဖြစ်သည်။

"သလွန်ဖြူ(ကျေးရွာ)အရှေ့ဘက်ရထားလမ်းဘေးမှာ အလောင်းတွေ့တာ အလောင်းမှာ လည်ဆွဲကတ်ပါတယ်။ အနားကပ်လို့မရတော့ အသေအချာတော့မသိခဲ့ရဘူး။ အလောင်းတွေ့တာက ဘိုကုန်း(ကျေးရွာ)အုပ်ကြီး အသတ်ခံရပြီး နာရီပိုင်းလောက်ပဲခြားတယ်" ဟု ဒေသခံတစ်ဦးက ပြောသည်။

ထိုဖြစ်ရပ်နှင့်ပတ်သက်၍ စစ်အုပ်စု၏ ဝါဒဖြန့်လော်ဘီချန်နယ်များတွင် သေနတ်ဖြင့် နားထင်တေ့ပစ်ခံရသည့် ဒဏ်ရာဖြင့် သေဆုံးခဲ့ခြင်းဖြစ်ကြောင်း ၊ မျက်လုံးကို လုံချည်ဖြင့် စည်းကာ ပါးစပ်ကို အင်္ကျီဖြင့်ပိတ်ထားပြီး လည်ပင်း၌ အစွန်းရောက်တို့ သွားရာလမ်း အနီရောင်စာသားပါ ကတ်ပြားနှင့် ချိန်ခွင်တံဆိပ်ပါ လည်ဆွဲချိတ်ဆွဲလျက် လမ်းဘေးစွန့်ပစ်ထားခြင်းဖြစ်ကြောင်း ဖော်ပြထားသည်။
ယင်းနေ့နံနက် ၇ နာရီခန့်က မတ္တရာမြို့နယ် ၊ လမိုင်းကျေးရွာအုပ်စု၊ ဘိုကုန်းကျေးရွာ အုပ်ချုပ်ရေးမှူး ဦးစိုး၀င်း(အသက် ၆၁ နှစ်)ဆိုသူ သေနတ်ဖြင့် ပစ်သတ်ခံရကြောင်း သိရသည်။

"အုပ်ကြီးအသတ်ခံရပြီး နာရီပိုင်းလေးပဲ ခြားတယ်။ နောက်တစ်ခုက အုပ်ကြီးအသတ်ခံရတဲဲ့ သတင်းနဲ့ ရှေ့ဆင့် နောက်ဆင့် ဆိုသလိုပဲ။ စစ်တပ်လော်ဘီတွေက ဒီသတင်းတင်တာ သတိထားမိတယ်၊၊ သူတို့လူအသတ်ခံရလို့ ပြည်သူထဲကတစ်ယောက်ကို သတ်ပြလိုက်တဲ့ သဘောမျိုး ခြိမ်းခြောက်လိုက်တာလို့ပဲ သုံးသပ်မိတယ်" ဟု ဒေသတွင်း ဖြစ်ပေါ်သတင်းများ စောင့်ကြည့်လေ့လာသူတစ်ဦးက ပြောသည်။

အလားတူ မန္တလေး အောင်မြေသာစံမြို့နယ်၊ လမ်း ၈၀ နှင့် ၈ လမ်းထောင့်ရှ်ိ လက်ဖက်ရည်ဆိုင်တွင် စစ်ကောင်စီခန့် ရာအိမ်မှူးနှစ်ဦး ပစ်သတ်ခံရပြီးနောက် ရက်အနည်းငယ်အကြာတွင် ထိုဆိုင်အနီး သွေးသောက်အဖွဲ့ အနီရောင်ကတ်ပြား ချိတ်ဆွဲထားသော အမျိုးသားအလောင်းနှစ်လောင်းကို စစ်ကောင်စီက စွန့်ပစ်ထားခဲ့သေးသည်။

စာတည်း။ ။အောင်ကျော်ဖြိုး

#Mizzima
#အနီရောင်ကတ်ပြား
#ပိုင်ရှင်မဲ့အလောင်း
# တောင်ပြုန်းကျေးရွာ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9❤1👏1😁1🤬1
Two Years After Coup (Episode-2)
===============

ဒီအပိုင်းမှာတော့ ရန်ကုန်ဘဝ၊ ရန်ကုန်ညများအကြောင်း ခံစားရမှာဖြစ်ပါတယ်။

https://youtu.be/5rIjiAktT2g
 
#two_years_after_coup #episode2 #ရုန်းကန်သံ #SOSMYANMAR
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7🔥2