Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ချန်ပီယံလိဂ်ဗိုလ်လုပွဲ (ပွဲပြီးရလဒ်)

မန်ချက်စတာစီးတီး ၁-၀ အင်တာမီလန်
ရိုဒရီ ၆၈'

မန်စီးတီးအသင်းဟာ အသင်းသမိုင်းတစ်လျှောက် ချန်ပီယံလိဂ်ဆုဖလားကို ပထမဆုံးအကြိမ်ဆွတ်ခူးနိုင်ခဲ့ပါပြီ။

Photos: EPA
#UCL #ChampionsLeague
👍27❤1😁1
ဇွန်လ (၁၁) ရက်၊ တနင်္ဂနွေနေ့ မနက်ပိုင်း မဇ္ဈိမရေဒီယိုအစီအစဉ်
=-===================

ဒီကနေ့မနက် နားဆင်ရမယ့် အစီစဉ်တွေကတော့ ...

မြန်မာ့နိုင်ငံရေးပြသာနာကိုဖြေရှင်းရာမှာ ဒေါ်အောင်ဆန်းစုကြည်ကို ချန်လှပ်၍မရဘူးလို့ ကိုမြအေးပြောတဲ့သတင်းနဲ့အတူ

ကယ်ဆယ်ရေးအဖွဲ့တွေကို သွားလာခွင့်ပိတ်တာ ရခိုင်ပြည်သူတွေအတွက် စိုးရိမ်စရာဖြစ်တယ်လို့ NUG ပြောတဲ့အကြောင်း အပါအဝင်

နောက်ဆုံးရ ပြည်တွင်းသတင်းတွေနဲ့ တပတ်အတွင်း နိုင်ငံတကာသတင်းတွေကို နားဆင်ကြရပါမယ်။

အဲဒီနောက်မှာတော့ တပတ်အတွင်း စီးပွားရေးသတင်းတွေကို နားဆင်ကြရမှာပါ။

သတင်းတွေအပြီးမှာတော့ အပတ်စဉ်တင်ဆက်နေကျဖြစ်တဲ့ သံစဉ့်အိမ် အစီအစဉ်ကိုလည်းတင်ဆက်သွားဖို့ရှိပါတယ်။

https://youtu.be/3YeTdPj_YhA

#Morningradio
#Mizzimaradio
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍5😁2
ဇွန်၁၁ ရက်နေ့ ရုပ်သံသတင်းအစီအစဉ်
===============

By ရန်ကုန်ခေတ်သစ်

ဒီကနေ့ ဇွန် ၁၁ ရက်နေ့မှာ ရန်ကုန်ခေတ်သစ်သတင်းဌာရဲ့ This Week ရုပ်သံအစီအစဉ်ကို ထုတ်လွှင့် သွားမှာဖြစ်ပါတယ်။ဒီအစီအစဉ်မှာ တစ်ပတ်အတွင်း မြန်မာနိုင်ငံမှာ ဖြစ်ပေါ်ခဲ့တဲ့ သတင်းတွေ ထဲကမှ ထူးခြားတဲ့ သတင်းတွေကို ရွေးချယ်ကောက်နုတ်သုံးသပ် တင်ဆက်ပေးထားတာလည်း ဖြစ်ပါတယ်။

https://youtu.be/K6YPVvAuVP0

#ရန်ကုန်ခေတ်သစ်
#thisweek
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍7😁1
South Asia Today အစီအစဉ်
=========

ဒီတပတ် South Asia Today အစီအစဉ်မှာတင်ဆက်မဲ့အကြောင်းအရာတွေကတော့

အိန္ဒိယ−ပါကစ္စတန် ခရစ်ကက်ကစားပွဲများ ရပ်တန့်သွားရခြင်းမှာ ပါကစ္စတန်ကြောင့်သာဖြစ်

နီပေါနိုင်ငံတွင် ကမ္ဘာ့အမွေအနှစ် ငါးနေရာကို သွားလာနိုင်မဲ့ “Hop On-Hop off” ဘတ်စ်ကားဝန်ဆောင်မှု စတင်

ရေကြီးမှုအတွက် ကယ်ဆယ်ရေးရံပုံငွေများ ဖြတ်စားခံရ၍ ဂယ်ဂစ်ဘယ်တီစတန်ရှိဒေသခံများ အမျက်ဒေါသထွက်နေ

ကမ္ဘာ့အမြင့်ဆုံး ဧဝရတ်တောင်ကိုခြေနှစ်ဖက်မရှိဘဲ ပထမဆုံး တက်ရောက်နိုင်ခဲ့သူအဖြစ်သမိုင်းဝင်ခဲ့တဲ့မာဂါ အာရှတစ်ခွင်က ထူးခြားတဲ့အကြောင်းအရာများကို သိရှိနိုင်မဲ့Asia Watch ကဏ္ဍတွေကို တင်ဆက်သွားမှာပါ။

https://youtu.be/2-zRQA7Vi08

#southasiatoday
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍4🤮2
ညောင်ပင်ကြီးရဲစခန်းကို ကာကွယ်ရေးတပ်ဖွဲ့ တိုက်ခိုက်ကာ လက်နက်များ သိမ်းဆည်း(ရုပ်သံ)
=======================

လွှမ်းမိုး (မဇ္ဈိမ)။ ။ စစ်ကိုင်းတိုင်း ၊ ဆားလင်းကြီးမြို့နယ် ၊ ညောင်ပင်ကြီး ရဲစခန်းကို ကာကွယ်ရေးတပ်ဖွဲ့တွေက ဇွန်လ ၉ ရက်နေ့ ညနေပိုင်းအချိန်က ဝင်ရောက်တိုက်ခိုက်ပြီး စခန်းသိမ်းတိုက်ပွဲအထိ ဆောင်ရွက်နိုင်ခဲ့တယ်လို့ သိရပါတယ်။

တိုက်ခိုက်မှုမှာ နှစ်ဖက်ထိခိုက်ကျဆုံးမှုတွေရှိတယ်လို့ သိရပါတယ်။ ဝင်ရောက်တိုက်ခိုက်ခဲ့တဲ့ အခြေအနေကို ကာကွယ်ရေးတပ်ဖွဲ့ဝင်က အခုလိုပြောပြပါတယ်။

တိုက်ပွဲကို ဆားလင်းကြီး ပြည်သူ့ကာကွယ်ရေးတပ်ဖွဲ့၊ Alpha Column ၊ Alpha Special Force နဲ့
ကျောက်လုံးကြီး ပြည်သူ့ကာကွယ်ရေးတပ်ဖွဲ့တွေနဲ့အတူ ကာကွယ်ရေးပူးပေါင်းတပ်ဖွဲ့ဝင်တွေက တိုက်ခိုက်ခဲ့တာဖြစ်တယ်လို့ သိရပါတယ်။

ရုပ်သံတည်းဖြတ်။ ။ ဂျူချန်း

https://youtu.be/OLKSmj5mqUA

#စစ်ကိုင်းတိုင်း
#ဆားလင်းကြီးမြို့နယ်
#ရဲစခန်း
#တိုက်ပွဲ
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
❤18👍3👏2🔥1😁1
ရွှေဘို့မြို့ သို့ ထွက်ခွာလာသည့် စစ်ကောင်စီတပ် မိုင်းဆွဲတိုက်ခိုက်ခံရ၍ ၂ ဦးသေ
❤16👍3👏2😁2
ရွှေဘို့မြို့ သို့ ထွက်ခွာလာသည့် စစ်ကောင်စီတပ် မိုင်းဆွဲတိုက်ခိုက်ခံရ၍ ၂ ဦးသေ
====================

ပါခွီး
(မဇ္စျိမ) ။ ။ စစ်ကိုင်းတိုင်း ၊ ကျောက်မြောင်းမြို့နယ်မှ ရွှေဘိုမြို့သို့ ထွက်ခွာလာသည့် စစ်ကောင်စီတပ်ဖွဲ့ကို ဒေသကာကွယ်ရေးတပ်ဖွဲ့က မိုင်းဆွဲတိုက်ခိုက်ခဲ့ရာ နှစ်ဦးသေဆုံးပြီး သုံးဦးဒဏ်ရာရရှိသွားကြောင်း Black Wolf – Army တပ်ဖွဲ့က ထုတ်ပြန်သည်။

ကျောက်မြောင်းမြို့နယ် ခမရ (၁၂) မှ အင်အား ၆၀ပါသော စစ်ကောင်စီခြေလျင် တပ်ဖွဲ့ကို ရွှေဘို - ကျောက်မြောင်းလမ်းပိုင်းတွင် ဇွန်လ ၁၀ရက် နံနက် ၆နာရီအချိန် တွင် မိုင်းဆွဲတိုက်ခိုက်ခဲ့ခြင်းဖြစ်ကြောင်းဆိုသည်။

“သေဆုံးဒဏ်ရာရတာတွေကို မျက်မြင်အရေရာ မြေပြင်သတင်းအရနဲ့ အတည်ပြုခဲ့တာပါ” ဟု Black Wolf – Army အဖွဲ့တာဝန်ရှိသူက မဇ္စျိမ ကိုပြောသည်။

ထိုတပ်ဖွဲ့သည် သေဆုံးဒဏ်ရာရသူများကို ပြန်လည်သယ်ဆောင်ကာ ရွှေဘိုမြို့သို့ ဆက်လက်မထွက်ခွာဘဲ ခမရ (၁၂) အတွင်းသို့ ပြန်လည်ဝင်ရောက်သွားကြောင်း ဆိုသည်။

ဒဏ်ရာရသည့် စစ်ကောင်စီတပ်သားသုံးဦးကို မန္တလေးမြို့သို့ ပို့ဆောင်၍ ကုသနေသည်ကို ထပ်မံသိရှိရသည်ဟုလည်း ထုတ်ပြန်ချက်တွင် ဖော်ပြထားသည်။

အဆိုပါတိုက်ခိုက်မှုကို Black Wolf – Army နှင့်အတူ Who Am I – Army နှင့် တိုက် နယ် (၄) ပကဖ တို့ပူးပေါင်းလုပ်ဆောင်ခဲ့ခြင်းဖြစ်ကြောင်းသိရသည်။

Black Wolf – Army က “နွေပူအညာမဲ ဝံပုလွေအောင်ပွဲ” ကံစမ်းမဲလက်မှတ်ကို တပ်ဖွဲ့ ရန်ပုံငွေအဖြစ် တစ်စောင်လျှင် ၁၅,၀၀၀ကျပ်ဖြင့် မဲအစောင်ရေ ၂,၀၀၀ ရောင်းချလျက်ရှိကြောင်း သိရသည်။

မေလ ၂၈ရက်မှ ဇွန်လ ၂၈ရက်အတွင်း အဆိုပါကံစမ်းမဲအစီစဉ်တွင် ပြည်သူလူထုက စခန်းအတွက် လှူဒါန်းပေးထားသည့် ကျပ် ၃,၀၀၀,၀၀၀(သိန်းသုံးဆယ်) တန်ဖိုးရှိ Honda Scoopy I ကို မေတ္တာလက်ဆောင်အဖြစ် ပြန်လည်ချီးမြှင့်သွားမည် ဖြစ်သဖြင့် ပြည်တွင်း၊ ပြည်ပမှ မိဘပြည်သူများ ပါဝင်အားဖြည့်ပေးရန်အကူအညီတောင်းခံပါ ကြောင်း Black Wolf – Army က အသိပေးထားသည်။

စာတည်း။ ။အောင်ကျော်ဖြိုး
#Mizzima
#ရွှေဘို့မြို့
#၂ ဦးသေ
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19❤6😁2
​​စစ်ကောင်စီအား ပံ့ပိုးကူညီနေသည့် ရုရှားနိုင်ငံကို ပြင်းထန်စွာ ကန့်ကွက်ရှုတ်ချကြောင်း NUCC ထုတ်ပြန်
====================

001
(မဇ္စျိမ) ။ ။မြန်မာနိုင်ငံရှိ ပြည်သူများအား နည်းမျိုးစုံဖြင့် ရက်စက်စွာသတ်ဖြတ်နေသော စစ်ကောင်စီအား ထင်ရှားစွာ ပံ့ပိုးကူညီမှုများအတွက် ရုရှားနိုင်ငံအား ပြင်းထန်စွာကန့်ကွက်ရှုတ်ချကြောင်း အမျိုးသား ညီညွတ်ရေးအတိုင်ပင်ခံကောင်စီ(NUCC)က ဇွန်လ ၁၀ ရက်နေ့တွင် ထုတ်ပြန်သည်။

ရုရှားနိုင်ငံအနေဖြင့် ၂၀၀၇ ခုနှစ်ကတည်းက ကုလသမဂ္ဂညီလာခံ လုံခြုံရေးကောင်စီ ဆုံးဖြတ်ချက်ကို ဗီတိုအာဏာသုံး၍ ပယ်ဖျက်ခြင်း၊ ကုလသမဂ္ဂအထွေထွေညီလာခံ ဆုံးဖြတ်ချက်တွင်ပါဝင်သည့် မြန်မာ နိုင်ငံအား စစ်လက်နက်မရောင်းရန် သဘောတူညီချက်ကို လက်မှတ်မရေးထိုးခြင်း၊ စစ်လက်နက်များ ဆက်လက်ရောင်းချနေခြင်း၊ စစ်ကောင်စီ၏ ရွေးကောက်ပွဲကော်မရှင်နှင့် ရုရှားနိုင်ငံတို့အကြား လုပ်ငန်း ဆောင်ရွက်နိုင်ရန်အတွက် နှစ်ဖက်နားလည်မှု စာချွန်လွှာရေးထိုးပြီး ဆောင်ရွက်နေခြင်းများကို တွေ့ရှိရ ကြောင်း NUCC က ဖော်ပြထားသည်။

အကြမ်းဖက်စစ်အုပ်စုကို သံတမန်ရေး၊ စစ်ရေးအားပေးကူညီနေမှုမှာ မြန်မာပြည်သူလူထုအပေါ် အကြမ်း ဖက်သတ်ဖြတ်မှုများ၊ လူအစုလိုက်အပြုံလိုက်သတ်ဖြတ်မှုများ ပိုမိုကျူးလွန်နိုင်ရန် ဖန်တီးပေးနေခြင်းဖြစ် ကြောင်း NUCC က ဆိုသည်။

ထို့ပြင် ရုရှားနိုင်ငံအနေဖြင့် အကြမ်းဖက်စစ်အုပ်စုနှင့် စစ်ကောင်စီခေါင်းဆောင်အား နျူကလီးယားဓာတ် ပေါင်းဖိုတည်ဆောက်မှုပံ့ပိုးခြင်းမှာလည်း မြန်မာနိုင်ငံအတွင်းသာမက ဒေသတွင်းတည်ငြိမ်အေးချမ်းမှုကို ခြိမ်းခြောက်သည့် လက္ခဏာဆောင်သောကြောင့် အမြန်ဆုံးရပ်တန့်ရန်လိုကြောင်း NUCC က တိုက်တွန်း သည်။
မြန်မာပြည်သူလူထုအပေါ် အကြမ်းဖက်သတ်ဖြတ်မှုများနှင့် လူ့အခွင့်အရေးချိုးဖောက်မှုများကို ကျူးလွန် ရာတွင်အသုံးရာတွင် အသုံးပြုနေသည့် စစ်လက်နက်ပစ္စည်းများနှင့် စစ်ထောက်လှမ်းရေးအတွက် ပံ့ပိုးမှု များရပ်ဆိုင်းရန်လည်း သတိပေးထားသည်။

စစ်ကောင်စီအား တဖက်သတ် အားပေးမှုများ၊ တိုက်တွန်းကူညီမှုများ ယခုကဲ့သို့ ပြောင်ပြောင်တင်းတင်း ပြုလုပ်နေခြင်းသည် မြန်မာပြည်သူများရင်ဆိုင်နေရသည့် အသက်ဘေးအန္တရာယ်နှင့် ဆင်းရဲဒုက္ခကို ပိုမို ခက်ခဲကြာရှည်အောင် ဆောင်ရွက်နေခြင်းဖြစ်ပြီး ဒေသအတွင်းတည်ငြိမ်မှုကိုပါ ထိခိုက်ပျက်ပြားစေသည့် အတွက် ရုရှားနိုင်ငံအား ပြင်းထန်စွာကန့်ကွက်ရှုတ်ချကြောင်း NUCC က ထုတ်ပြန်ထားသည်။

စာတည်း။ ။စောဖေ
စာမူတည်းဖြတ်။ ။စောဖေ

#NUCC
#ရုရှားနိုင်ငံ
#စစ်ကောင်စီ
#ဗီတိုအာဏာ
#နျူကလီးယားဓာတ်ပေါင်းဖို
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍21😁7
ဆားလင်းကြီးမြို့နယ် ညောင်ပင်ကြီးကျေးရွာအုပ်စုကို စစ်ကောင်စီတပ် မီးဆက်ရိူ့
🤬5🔥4👍3😁1
ဆားလင်းကြီးမြို့နယ် ညောင်ပင်ကြီးကျေးရွာအုပ်စုကို စစ်ကောင်စီတပ် မီးဆက်ရိူ့
====================

KMN
(မဇ္ဈိမ)။ ။ စစ်ကိုင်းတိုင်း၊ ဆားလင်းကြီးမြို့နယ်၊ ညောင်ပင်ကြီးကျေးရွာအုပ်စုအတွင်းရှိ ရွာများကို ဇွန်လ ၉ ရက် ညပိုင်းမှ စကာ လက်ရှိ ဇွန်လ ၁၁ ရက် မနက်ပိုင်းအထိ စစ်ကောင်စီတပ်က မီးရှို့နေဆဲဖြစ်ကြောင်း ဒေသခံများထံက သိရသည်။

ယမန်နေ့ ဇွန်လ ၁၀ ရက်နေ့ကလည်း တနေကုန်နီးပါး မီးရှို့မူကြောင့် ညောင်ပင်ကြီးကျေးရွာ စခန်းအနီးရှိ နေအိမ်များ၊ အမှတ် (၃) ၊ အမှတ်(၄)ရပ်ကွက်နှင့် သိမ်တော်ရပ်ကွက်မှ နေအိမ်များမီးလောင်ခဲ့ကြောင်း ကျေးရွာဒေသခံတစ်ဦးက ပြောသည်။

"စစ်သားတွေက လက်နက်ကြီး လက်နက်ငယ်တွေနဲ့ ရမ်းပစ်ပြီး ပြည်သူပိုင်ပစ္စည်းတွေကို ခိုးယူနေတယ်။ ကင်းပုံးလည်းချထားပြီး ညအိပ်တပ်စွဲနေကြပါတယ်" ဟုချင်းတွင်းမြစ်ကမ်းဘေး ကျေးရွာများသပိတ်စစ်ကြောင်း အဖွဲ့ဝင်ကဆိုသည်။

လက်ရှိတွင် ညောင်ပင်ကြီးကျေးရွာအုပ်စုမှ ထွက်ပြေးနေရသည့် ပြည်သူများအတွက် စားနပ်ရိက္ခာအခက်အခဲရှိနေပြီး ဇွန်လ ၁၀ ရက်နေ့က စစ်ဘေးရှောင်ပြည်သူ ဦးရေ ၅၀၀ အား ထမင်းတစ်နပ်လှူဒါန်းခဲ့ကြောင်း အညာပစ်တိုင်းထောင်လေးများအဖွဲ့ ဦးဆောင်သူက မဇ္ဈိမ ကို ပြောသည်။

"ညောင်ပင်ကြီးအုပ်စု ကျေးရွာက ဒေသခံပြည်သူ ထောင်ချီ စစ်ဘေးရှောင်နေရပါတယ်။ ညောင်ပင်ကြီးမှာ တပ်စွဲထားတာကြောင့် ပြည်သူတွေ နေရပ်မပြန်နိုင်ဘဲ ဖြစ်နေပါတယ်။လက်ရှိစစ်ဘေးရှောင်ပြည်သူတွေ စားရေးသောက်ရေးနဲ့ နေထိုင်ရေး အခက်ခဲဖြစ်နေတယ်" ဟု ၎င်းကဆိုသည်။

ထိုစစ်ကောင်စီတပ်က စစ်ကြောင်းဆက်တိုက်ထိုးနေခြင်းကြောင့် လက်ရှိတွင် ညောင်ပင်ကြီး၊ အိုမ၊ ထန်းတောကြီး၊ ထန်းတော၊ ရွာရှည်၊ ရုံးပင်ရိုး၊ ပလောင်၊ ဝက်မှေးနှင့် ကံတော် စသည့် ကျေးရွာ ၁၀ ကျော်မှ ဒေသခံပြည်သူ ဦးရေ ၁၀,၀၀၀ နီးပါးခန့် ထွက်ပြေးတိမ်းရှောင်နေရကြောင်း ကူညီပေးသူများကဆိုသည်။

ထိုစစ်ကောင်စီစစ်ကြောင်း၏ ပစ်ခတ်မှုများကြောင့် ယမန်နေ့က အမျိုးသား တစ်ဦးနှင့် အမျိုးသမီးနှစ်ဦးခန့် ထိခိုက်မှုရှိခဲ့ကြောင်း ဒေသခံများကပြောကြားသည်။

ဇွန် ၉ ရက်နေ့ ညနေ ၅ နာရီ ၄၅ မိနစ်ခန့်တွင် ဒေသခံကာကွယ်ရေးတပ်များနှင့် ညောင်ပင်ကြီးကျေးရွာရဲစခန်းရှိ စစ်ကောင်စီတပ်များ၊ ရဲများအကြား တိုက်ပွဲပြင်းထန်စွာဖြစ်ပွားခဲ့သည်။ ထိုတိုက်ပွဲတွင် စစ်ကောင်စီဘက်က အကျအဆုံးများ၍ မုံရွာမြို့၊အနောက်မြောက်တိုင်းစစ်ဌာနချုပ်မှ စစ်ကူများ ချင်းတွင်းမြစ်ကူးကာ လာရောက်ခဲ့ပြီး Mi35 ဖြင့်လည်း လေကြောင်းပစ်ကူခဲ့သည်။

ထိုနောက် ဇွန်လ ၉ ရက် ညပိုင်းက စတင်ကာ စစ်ကောင်စီက ညောင်ပင်ကြီးကျေးရွာက စတင်မီးရှို့ခဲ့ခြင်းဖြစ်သည်။

ညောင်ပင်ကြီးရဲစခန်း စခန်းသိမ်းတိုက်ပွဲတွင် စစ်ကောင်စီတပ်ဖွဲ့ဝင် ၁၀ဦးထက်မနည်း သေဆုံးပြီး လက်နက်ခဲယမ်းများ သိမ်းဆည်းရမိကြောင်း Buffalo People Defense Force ( BPDF) က ဇွန်လ ၁၀ ရက်တွင် ထုတ်ပြန်ထားသည်။

ဓာတ်ပုံ - Aung Khant Zaw/ချင်းတွင်းမြစ်ကမ်းဘေးကျေးရွာများသပိတ်ကော်မတီ
စာတည်း။ ။အောင်ကျော်ဖြိုး

#Mizzima
#ညောင်ပင်ကြီးကျေးရွာအုပ်စု
#မီးရှို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬7🔥6👍2😁2❤1
​​ကြွေးမြီထောင်ချောက် သံခင်းတမန်ခင်း၏ တစ်စိတ်တစ်ပိုင်းအဖြစ် ပြည်ပ ရင်းနှီးမြှုပ်နှံမှုများကို တရုတ် လုပ်ဆောင် 
====================

တရုတ်နိုင်ငံသည် ပြည်ပတွင် စီးပွားရေးနှင့် စစ်ရေးချဲ့ထွင်မှု အစီအစဉ်များကို ဖြည့်ဆည်းရန် ၎င်း၏ 'ကြွေးမြီထောင်ချောက် သံခင်းတမန်ခင်း' ၏ တစ်စိတ်တစ်ပိုင်းအဖြစ် ပြည်ပတွင် ရင်းနှီးမြှုပ်နှံမှုများကို လုပ်ဆောင်နေကြောင်း Somaliland Intellectuals Institute က ဖော်ပြသည်။

------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍6👎2😁1