Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
This media is not supported in your browser
VIEW IN TELEGRAM
ထိုးစစ်ရဲ့ပထမဆုံးအဖြစ် အရှေ့တောင်ပိုင်းရှိ ရွာတစ်ရွာကို ပြန်လည်သိမ်းယူနိုင်ခဲ့ကြောင်း ယူကရိန်းကြေညာ

https://www.facebook.com/reel/949781029475440

#InternationalNews #Mizzima #Ukraine #Reels #shots
👍20❤4😁3
ဇွန်လ (၁၂)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
=========================

- ယူကရိန်နှင့် မြန်မာနိုင်ငံသည် ကျန်းမာရေး အဆောက်အအုံများအား ပစ်မှတ်ထား တိုက်ခိုက်ခံရမှု အဆိုးဆုံး နိုင်ငံများအဖြစ် ရပ်တည်နေတဲ့သတင်း

- တော်လှန်အနုပညာရှင်တွေရဲ့ ဖန်တီးမှုတွေကို မြင်တွေ့ရဖို့ Artists' Shelter ကိုစတင်မိတ်ဆက်လိုက်တဲ့ သတင်း

- ခင်ဦးနယ်မှာ စစ်ကောင်စီတပ်က ၁၀ ရက် အတွင်း ရွာ ၄ ရွာက အိမ်ခြေ ၂၀၀ ကျော်ကို မီးရှို့ဖျက်ဆီးတဲ့သတင်း နဲ့

- အီကွေတာဂီနီသမ္မတနိုင်ငံမှာ အီဘိုလာမျိုးကွဲဗိုင်းရပ်ပျံ့နှံ့မှု အဆုံးသတ်ပြီဖြစ်ကြောင်း WHO ကြေညာတဲ့ သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/1G-xiCy31Oc

#12pmnews
#Mizzimanewshour
#mizzimatv
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍18❤3😁2
This media is not supported in your browser
VIEW IN TELEGRAM
ပင်လယ်ဓားပြတွေလက်မှ တူရကီကုန်တင်သင်္ဘောကို အီတလီအထူးတပ်ဖွဲ့တွေကယ်တင်

https://www.facebook.com/reel/558407559705320

#InternationalNews #Mizzima #Reels #shorts
👍8🔥4
Media is too big
VIEW IN TELEGRAM
ပါကစ္စတန် ငွေကြေးဖောင်းပွဲနှုန်း ကြောက်စရာမြင့်တက် “အာရှစီးပွားရေး” | VOA on Mizzima

Watch more detail - https://youtu.be/g5sEYjrricA

#VOA #Pakistan #AsiaBusiness #Mizzima #shorts #reels
👍3🔥3
​​ကြက်ဥ၊ ဘဲဥများအား ဈေးတင်ရောင်းချနေမှုကို စိစစ်ရန် စစ်ခေါင်းဆောင် ညွှန်ကြား
========================

001
(မဇ္ဈိမ)။ ။ရန်ကုန်တိုင်းအတွင်း ကြက်ဥ၊ ဘဲဥများအား ကျသင့်သည့်အဖိုးခထက် ဈေးတင်ရောင်းချနေမှု များတွေ့ရှိရသည်ဟုဆိုကာ ယင်းအပေါ်စိစစ်ရန် အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ညွှန်ကြားလိုက်သည်။

ဇွန်လ ၁၀ ရက်နေ့က ရန်ကုန်တိုင်း ကျောက်တန်းမြို့နယ်၊ ရန်ကုန်မြစ်နှင့် မှော်ဝန်ချောင်းကြားရှိ သီလဝါ ဘက်စုံစိုက်ပျိုးမွေးမြူရေးဇုန်သို့ သွားရောက်ရာတွင် စစ်ခေါင်းဆောင်က ထိုသို့ညွှန်ကြားခဲ့ခြင်း ဖြစ်သည်။

ရန်ကုန်မြို့သို့ ရှမ်းပြည်နယ်တောင်ပိုင်း အေးသာယာမှ ကြက်ဥများ၊ ပဲခူးတိုင်းနှင့် ဧရာဝတီတိုင်းတို့မှ ဘဲဥ များကို များစွာတင်ပို့ရောင်းချနေပြီး ထိုသို့ရောင်းချရာတွင် ကျသင့်နိုင်သည့် သယ်ယူပို့ဆောင်ခများထက် ပိုမိုဈေးတင်ရောင်းချထားသည်ကို တွေ့ရှိရကြောင်း ၎င်းကဆိုသည်။

ကုန်ဈေးနှုန်းကြီးမြင့်မှု ဒဏ်မခံရစေရန် ဒေသအတွင်းရှိ ကုန်ထုတ်လုပ်စွမ်းအားဖြင့် ဆောင်ရွက်ကြရန်နှင့် ပြင်ပမှတင်သွင်းမှုများကို သက်သာသောဈေးနှုန်းများဖြင့်ရရှိရန် ဆောင်ရွက်ကြရမည်ဟု ဆိုသည်။

“အဓိကအားဖြင့် ရန်ကုန်တိုင်းအတွင်းရှိ ပြည်သူများ ကုန်ဈေးနှုန်းကြီးမြင့်မှု ဒဏ်မခံရစေရေး၊ ဒေသတွင်း ရှိ ကုန်ထုတ်လုပ်စွမ်းအားဖြင့် ဆောင်ရွက်ကြရန်လိုအပ်သည် ” ဟု စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်က ပြောကြားခဲ့သည်။

လက်ရှိတွင် ရန်ကုန်တိုင်းအတွင်း စိုက်ပျိုးမွေးမြူရေးဇုန်များကို အကောင်အထည်ဖော်ဆောင်ရွက်နေပြီး ရန်ကုန်မြို့၏ နေ့စဉ်စားရေးလိုအပ်ချက်ကို ရန်ကုန်တိုင်းအတွင်းမှာပင် ထုတ်လုပ်ရောင်းချနိုင်မည်ဆိုပါ က မြို့နေပြည်သူများအနေဖြင့် အသား၊ ငါးများကို ဈေးနှုန်းသက်သာစွာ ဝယ်စားနိုင်မည်ဟုလည်း စစ်ခေါင်းဆောင်က ဆိုသည်။

စီးပွားရေးလုပ်ငန်းရှင်တစ်ဦးကမူ ရန်ကုန်မြို့သည် ကုန်သွယ်မှုလုပ်နေသော စီးပွားရေးမြို့တော်တစ်ခု ဖြစ်သည့်အတွက် မွေးမြူရေးနှင့်စိုက်ပျိုးရေးထုတ်ကုန်ကို ဒေသတွင်းမှ လုံလောက်စွာထုတ်လုပ်နိုင်ရန် မဖြစ်နိုင်သေးကြောင်း သုံးသပ်သည်။

“တိုင်းတတိုင်းစီက ဆန်စိုက်ရမယ်၊ လုံလောက်စွာလုပ်ရမယ်ဆိုတာက အရင် မဆလတို့ နဝတတို့ခေတ် ကလည်းလုပ်ခဲ့တာပဲလေ ဖြစ်မှမဖြစ်တာ။ သူရဲ့ စီးပွားရေးအရဆိုရင် သူ့တိုင်းရဲ့ အားသာချက်အပေါ်မှာပဲ မူတည်ပြီး ရန်ကုန်တို့ဘာတို့ဆိုတာ စီးပွားရေးမြို့တော်လေ၊ အဓိကက ကုန်သွယ်မှုလုပ်တဲ့ဟာတွေပေါ့၊ ဘယ်လိုမှကို မလုံလောက်နိုင်ပါဘူး၊ ရန်ကုန်တိုင်းအတွင်းမှာရှိတဲ့ မွေးမြူရေးတို့၊ စိုက်ပျိုးရေးတို့ဆိုတာ ဧရာဝတီတို့ ဘာတို့နဲယှဉ်ရင် ဘာမှမဟုတ်တာ၊ သွင်းရဦးမှာပဲ” ဟု စီးပွားရေးလုပ်ငန်းရှင်တဦးက ပြော သည်။

အာဏာသိမ်းပြီးနောက် ကျပ်ငွေတန်ဖိုးကျဆင်းခြင်း၊ ဒီဇယ်၊ ဓာတ်မြေဩဇာစသည့်သွင်းအားစုများ ဈေး နှုန်းမြင့်တက်ခြင်း၊ သယ်ယူပို့ဆောင်ရေးစရိတ်များနှင့် စစ်ကောင်စီစစ်ဆေးရေးဂိတ်များတွင် လာဘ်ငွေ ပေးဆောင်နေရခြင်းတို့ကြောင့် ကုန်ဈေးနှုန်းမြင့်တက်နေခြင်းဖြစ်ကြောင်း ၎င်းက ထောက်ပြသည်။

ရန်ကုန်တိုင်း၊ တောင်ဒဂုံမြို့နယ်တွင် နေထိုင်သော ကုန်စုံဆိုင်ပိုင်ရှင်တစ်ဦးကမူ ပြည်တွင်း ကုန်ဈေးနှုန်း မြင့်တက်မှုများကြောင့် ပြည်သူများအနေဖြင့် စားသောက်ကုန်များကို ယခင်ကထက် ပမာဏလျှော့ချပြီး ဝယ်ယူလာကြကြောင်း မဇ္ဈိမကို ပြောသည်။
လက်ရှိတွင် ရန်ကုန်အပါအဝင် တိုင်းနှင့်ပြည်နယ်များတွင် ကြက်ဥတလုံးပင်လျှင် ကျပ် ၃၀၀ အထိ ဈေး နှုန်းမြင့်တက်နေကြောင်း သိရသည်။

စစ်တပ်က အာဏသိမ်းပြီးနောက် ဒေသတွင်းပဋိပက္ခများ ပိုမိုပြင်းထန်လာမှုနှင့်အတူ မြန်မာ့စီးပွားရေး သည်လည်း ကသောင်းကနင်းဖြစ်နေပြီး ၂၀၂၂ ခုနှစ်အတွင်း မြန်မာ့စီးပွားရေးတိုးတက်မှုမှာ သုံးရာခိုင်နှုန်း သာရှိပြီး ၂၀၂၃ ခုနှစ်တွင်လည်း ထို့ထက်တိုးတက်လာနိုင်ဖွယ်မရှိကြောင်း ကမ္ဘာ့ဘဏ်က ခန့်မှန်းထား သည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ကြက်ဥ၊ဘဲဥဈေးတက်
#မြန်မာ့စီးပွားရေးကသောင်းကနင်း
#စစ်ကောင်စီ
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
😁17🤮7👏3❤1🔥1
This media is not supported in your browser
VIEW IN TELEGRAM
ယူကရိန်းနှင့် မြန်မာနိုင်ငံသည် ကျန်းမာရေး အဆောက်အအုံများအား ပစ်မှတ်ထား တိုက်ခိုက်ခံရမှု အဆိုးဆုံး နိုင်ငံများအဖြစ် ရပ်တည်
=================

https://www.facebook.com/reel/807689487682146

#Ukraine #Reels #Shorts #Mizzima #Myanmar
😢13👍3🔥3
ကရင်နီပြည်နယ်တွင် Starlink အင်တာနက် စတင်အသုံးပြု
==================

ကရင်နီ(ကယား)ပြည်နယ်ထဲက နေရာတချို့မှာ Starlink အင်တာနက် စတင်အသုံးပြုနိုင်ပြီလို့ Free Burma Ranger အဖွဲ့က တရားဝင်ထုတ်ပြန်လာပါတယ်။

တိုက်ပွဲတွေ ပြင်းထန်နေတဲ့ နေရာတစ်ခု ဖြစ်တဲ့ ကရင်နီထဲက နေရာတချို့မှာ ကမ္ဘာကျော် သန်းကြွယ်သူဌေး အီလွန်မက်ရဲ့ ကုမ္ပဏီက ကူညီပေးတဲ့ Starlink အင်တာနက်ကို စတင်သုံးစွဲလို့ ရနေပြီလို့Free Burma Ranger အဖွဲ့က ၎င်းတို့ရဲ့ တွစ်တာစာမျက်နှာကနေ ကျေးဇူးတင်ကြောင်းပြောထားတာလည်း ဖြစ်ပါတယ်။

အခုတော့ ဒီအင်တာနက်လိုင်းအသုံးပြုလို့ရတဲ့နေရာတွေမှာ လူထုလည်း ပိုပြီး ကျယ်ကျယ်ပြန့်ပြန့်သုံးနိုင်အောင် ဒေသန္တရ ခေါင်းဆောင်ပိုင်းနဲ့ လုပ်ဆောင်နေတယ်လို့လည်း FBR အဖွဲ့ခေါင်းဆောင် ပြောပါတယ်။

ဒါပေမဲ့ အခုအင်တာနက်လိုင်းကို ဘယ်နေရာတွေမှာ ဘယ်လောက်မြန်နှုန်းနဲ့ အသုံးပြုနိုင်ပြီဆိုတာနဲ့ ဂြိုလ်တုဆက်သွယ်ရေးအတွက် ဝန်ဆောင်ခနဲ့ ပတ်သက်လို့တော့ ရှင်းရှင်းလင်းလင်း မသိရသေးပါဘူး။

Free Burma Rangers အဖွဲ့ဟာ ဆီးရီးယားမှာရော၊ လက်ရှိ မြန်မာပြည်တွင်းမှာပါ ဒုက္ခသည်တွေအရေး ဆယ်စုနှစ် သုံးခုနီးပါးကြာ ကူညီဆောင်ရွက်ပေးနေတဲ့ အဖွဲ့ဖြစ်ပါတယ်။

အီလွန်မာ့စ်ခ်ဟာ သူ့ရဲ့ Starlink ဂြိုဟ်တုအင်တာနက်လိုင်းကို ပဋိပက္ခဖြစ်ပွားတဲ့နေရာတွေမှာ အသုံးပြုခွင့်ရအောင် လုပ်ဆောင်တာတွေရှိပြီး ရုရှားနဲ့စစ်ပွဲဖြစ်နေတဲ့ ယူကရိန်းလိုနိုင်ငံမှာဆိုရင် ပဋိပက္ခဖြစ်ပြီး ရက်ပိုင်းအကြာမှာပဲ အသုံးပြုနိုင်အောင် စီစဉ်တာလည်း ရှိခဲ့ပါတယ်။

https://youtu.be/XyTY7g3Y_mo

#PoliticalNews
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
❤17👍8😁3🔥1
​​မြဝတီတွင် တက်တူးဆိုင်များပိတ်ရန် စစ်ကောင်စီ သတိပေး
==================

မောင်ခက်နွေ
(မဇ္ဈိမ)။ ။ကရင်ပြည်နယ်၊ မြဝတီမြို့၊ မြို့နယ်စည်ပင်သာယာရေးနယ်နိမိတ်အတွင်းရှိ ဖွင့်လှစ်ထားသော တက်တူး(tattoo)ဆိုင်များပိတ်သိမ်းရန် ဇွန်လ ၁၀ ရက်နေ့တွင် စစ်ကောင်စီလက်အောက်ခံ မြို့နယ် စည် ပင်သာယာရေးအဖွဲ့က သတိပေးစာများပေးပို့ထားသည်ဟု တက်တူးဆိုင်ပိုင်ရှင်များထံမှ သိရသည်။

“ကျွန်တော်တို့ကို ၈ ရက်နေ့က စည်ပင်ရော၊ ရဲရော၊ အုပ်ချုပ်ရေးမှူးတချို့ရော လာပြောသွားတယ်။ ဆိုင်း ဘုတ်လည်း ဖြုတ်ခိုင်းတယ်”ဟု အမည်မဖော်လိုသည့် မြဝတီမြို့ပေါ်မှ တက်တူးဆိုင်ရှင်တဦးက ဆိုသည်။

ပိတ်ခိုင်းရသည့် အကြောင်းအရင်းကိုမူ လက်ရှိအချိန်ထိ မသိရသေးကြောင်း တက်တူးဆိုင်ပိုင်ရှင်အများ စုက မှတ်ချက်ပြုသည်။
“ကျွန်တော်တို့ မြဝတီမြို့ပေါ်က ဆိုင်တိုင်းကို ဆိုင်ရှင်နာမည်နဲ့ စာရွက်တွေလိုက်ပေးတယ်”ဟု အမည်မဖော်လိုသည့် မြဝတီမြို့ဒေသခံတဦးကလည်း ဆိုသည်။

ထို့ပြင် သတိပေးစာပါ အကြောင်းအရာများကို လိုက်နာဆောင်ရွက်ခြင်းမရှိပါက ကရင်ပြည်နယ် စည်ပင် သာယာရေးအဖွဲ့များက ဥပဒေအရ အရေးယူဆောင်ရွက်ခြင်းများ ပြုလုပ်သွားမည်ဟု ဖော်ပြထားသည်။

ယင်းကိစ္စနှင့်ပတ်သတ်ပြီး စစ်ကောင်စီလက်အောက်ခံ မြဝတီမြို့နယ် စည်ပင်သာယာရေးအဖွဲ့နှင့် အုပ် ချုပ်ရေးအဖွဲ့အား မဇ္ဈိမက ဖုန်းဆက်မေးမြန်းသော်လည်း လက်ခံဖြေကြားခြင်း မရှိပေ။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ကရင်ပြည်နယ်
#မြဝတီမြို့
#တက်တူးဆိုင်
ပုံ - မြဝတီမြို့ပေါ်ရှိ တက်တူးဆိုင်များကို ပိတ်သိမ်းရန် လိုက်လံ ပြောနေသည့် စစ်ကောင်စီတပ်ဖွဲ့ဝင်များ။
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍7🔥4😱3❤1
This media is not supported in your browser
VIEW IN TELEGRAM
ကရင်နီပြည်နယ်တွင် Starlink အင်တာနက် စတင်အသုံးပြု

Watch more detail -https://youtu.be/XyTY7g3Y_mo

#PoliticalNews
#reels
#shorts
#MizzimaTV
❤14👍7🔥2
အစ္စရေးကုမ္ပဏီက မြန်မာစစ်တပ်သို့စစ်လက်နက်တွေ ပေးပို့ခဲ့
===================

အမေရိကန်နဲ့ ဉရောပသမဂ္ဂတို့ရဲ့ ဒဏ်ခတ်အရေးယူ မှုတွေရှိလင့်ကစား အစ္စရေး စစ်လက်နက်ထုတ်လုပ်ရေးကုမ္ပဏီတစ်ခုက မြန်မာနိုင်ငံသို့ စစ်လက်နက်တွေ တင်ပို့ခဲ့ တယ်လို့ Justice For Myanmar ရဲ့ အစီရင်ခံစာက ဖော်ပြပါတယ်။

အမေရိကန်နဲ့ ဥရောပသမဂ္ဂတို့ဟာ ၂၀၁၇ ခုနှစ်မှာ မြန်မာစစ်တပ်က ရိုဟင်ဂျာတွေကို လူမျိုးတုန်းသတ်ဖြတ်မှုမြောက်တဲ့ စစ်ဆင်ရေးတွေလုပ်ပြီးနောက်ပိုင်း မြန်မာနိုင်ငံကို စစ်လက်နက်ပစ္စည်းတင်ပို့ ရောင်းချခြင်းမပြုဖို့ တားမြစ်ထားပေးမယ့် ၂၀၁၉ ခုနှစ်မှာ အစ္စရေးလက်နက်ထုတ်လုပ်တဲ့ ကုမ္ပဏီတစ်ခုဟာ မြန်မာစစ်တပ်အတွက် လက်နက်ထုတ်လုပ်နိုင်စေမယ့် စက်ပစ္စည်းတွေ တင်ပို့ခဲ့တယ်လို့ Justice for Myanmar အဖွဲ့က ဇွန်လ ၈ ရက်နေ့က ထုတ်ပြန်လိုက်တာပါ။

အစ္စရေးလက်နက်ထုတ်လုပ်ရေးကုမ္ပဏီ CAA Industries ဟာ မြန်မာစစ်တပ်အတွက် လက်နက်ဝယ်ယူပေးနေတဲ့ ကြားခံကုမ္ပဏီတစ်ခုဆီကို ပလတ်စတစ် ပိုလီမာတွေကို ပုံသွန်းလောင်းနိုင်တဲ့ စက်ပစ္စည်းတွေအပါအဝင် စက်ပစ္စည်းနှစ်တန် ပေးပို့ခဲ့တဲ့အကြောင်း ဒီစက်ပစ္စည်းတွေကို ရိုင်ဖယ်သေနတ်တွေရဲ့ လက်ကိုင်တွေလို အစိတ်အပိုင်းတွေ ထုတ်လုပ်ဖို့အတွက် အသုံးပြုနိုင်ကြောင်း ဖော်ပြထားပါတယ်။

ကုမ္ပဏီရဲ့ထုတ်ကုန်အများစုက အရပ်ဘက်သုံးရန်သာဖြစ်ပြီး သဘောတူညီချက်တွေကို ဥပဒေ၊ အစ္စရေး ကာကွယ်ရေးဝန်ကြီးဌာနရဲ့ ခွင့်ပြုချက်၊ လုပ်ထုံးလုပ်နည်းတွေနဲ့အညီ ပြုလုပ်တယ်လို့ CAA Industries က မီဒီ ယာတွေကို ပြောပါတယ်။
ဒါပေမဲ့ အစ္စရေးအခြေစိုက် လူ့အခွင့်အရေးရှေ့နေ တက်ကြွလှုပ်ရှားသူ အီတေးမတ် (Eitay Mack) ကတော့ မြန်မာနိုင်ငံကို ပေးပို့လိုက်တဲ့ စက်ပစ္စည်းတွေဟာ အရပ်ဘက်အတွက်ရော စစ်ရေးအတွက်ပါ နှစ်မျိုးအသုံးပြုနိုင်တယ်လို့ ပြောပါတယ်။

https://youtu.be/pH8WHsOFk5Q

#PoliticalNews
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🤬16❤1🔥1😁1
မင်းတပ်မြို့နယ်တွင်ခိုလှုံနေသည့် မတူပီစစ်ဘေးရှောင်များ အရေးပေါ်အကူအညီများ လိုအပ်လျက်ရှိ
👍10😢3🔥2😁1
မင်းတပ်မြို့နယ်တွင်ခိုလှုံနေသည့် မတူပီစစ်ဘေးရှောင်များ အရေးပေါ်အကူအညီများ လိုအပ်လျက်ရှိ
=================

ပါခွီး
မဇ္စျိမ။ ။မင်းတပ်မြို့နယ်အတွင်း ခိုလှုံနေသည့် မတူပီစစ်ဘေးရှောင်များ အရေးပေါ်အကူအညီများ လိုအပ်လျက်ရှိကြောင်း ဒေသတွင်း ကူညီကယ်ဆယ်ရေးလုပ်ငန်းဆောင်ရွက်နေသူများထံမှ သိရသည်။
မတူပီမြို့ပေါ်ရှိ စစ်ကောင်စီ၏ ခလရ(၁၄၀)မှ စစ်ကြောင်းထိုးလာ၍ မင်းတပ်-မတူပီလမ်းမကြီးပေါ်ရှိ ခြမ်း ပြန်း၊ ရမ်တိန်း၊ မွှန်တုန်းရွာသစ်တို့မှ လူဦးရေ ၅၀၀ ဝန်းကျင်သည် မင်းတပ်မြို့နယ်အတွင်း စစ်ဘေးရှောင် ရင်း အကူအညီများလိုအပ်နေခြင်းဖြစ်သည်။

“စစ်ဘေးရှောင်နေတဲ့သူတွေက မုန်တိုင်းဒဏ်ခံထားရတဲ့ အဆောက်အဦးတွေမှာ နေရာတဲ့အတွက် အရေး ပေါ်အကူအညီအနေနဲ့ တာလပတ်၊ မိုးကားတွေလိုပါတယ်။ အခြေခံစားသောက်ကုန်နဲ့ ကလေး၊ လူကြီး အာဟာရဖြစ်စေမဲ့ နို့မှုန့်လိုမျိုးနဲ့ အခြေခံဆေးဝါးတွေလိုအပ်နေပါတယ်” ဟု မင်းတပ်မြို့နယ် စစ်ဘေး ရှောင်ကော်မတီ (Mindat Township IDPs Camp Management Committee) တာဝန်ခံ ကိုလော့ရင့်စ် က မဇ္စျိမသို့ပြောသည်။

စစ်ဘေးရှောင်များသည် မိုးအအဆက်မပြတ်ရွာသွန်းနေသည့်ကြားမှ မိုးထဲရေထဲတွင် ဆိုင်ကယ်များဖြင့် အဝတ်အစားအနည်းငယ်သယ်ယူကာ စစ်ဘေးတိမ်းရှောင်လာကြခြင်း ဖြစ်ကြောင်းဆိုသည်။
ထွက်ပြေးတိမ်းရှောင်လာကြသူများအနက်မှ ဇွန်လ ၆ ရက်နေ့တွင် အသက် ၆၀ ကျော် အဘွားတဦး နာမကျန်းဖြစ်ကာ အသက်ဆုံးရှုံးခဲ့ပြီး ဇွန်လ ၉ ရက်နေ့တွင် ခုနစ်ရက်သားကလေးတဦး အအေးမိ၍ အသက်ဆုံးရှုံးခဲ့ရကြောင်း သိရသည်။

၎င်းတို့နေထိုင်သည့်အဆောက်အဦးများသည်လည်း မိုခါမုန်တိုင်းဒဏ်ခံခဲ့ရသဖြင့် ပြုပြင်ရန်လိုအပ်နေပြီး မိုးရွာ၊ မှိုင်းတိုက်မှုကြောင်း အမြဲတမ်းစွတ်စိုနေပြီး အဝတ်အစားများလည်း လိုအပ်နေကြောင်း ဆိုသည်။

ထို့အပြင်မိုးတွင်းဖြစ်၍ ပိုးမွှားကောင် (ခူကောင်အမျိုးအစား) အများအပြားပေါ်ထွက်နေပြီး ယားယံခြင်း ဝေဒနာခံစားရသူနှင့် အအေးမိ၍ ဖျားနာသူများပြားနေကြောင်းလည်း သိရသည်။

၂၀၂၁ ခုနှစ်မှစတင်ပြီး စစ်ကောင်စီမှချင်းတောင်သို့ ဖြတ်လေးဖြတ်ကျင့်သုံးပြီး ဆေးဝါးသယ်ယူခွင့် ပိတ် ပင်ထားသဖြင့် CDM ကျန်းမာရေးဝန်ထမ်းနှင့် သူနာပြုဆရာမများရှိသော်လည်း ဆေးဝါးလုံလောက်မှု မရှိ ဟုဆိုသည်။

“ကျနော်တို့က ဆန်နဲ့ဆီနည်းနည်းကို ကူညီပေးနိုင်ခဲ့တယ်။ ဈေးသည်မရှိတော့ ဝယ်စားဖို့လည်း မဖြစ် နိုင်ဘူး။ တောင်ပေါ်မိုးရာသီဆိုတော့ အသီးအရွက်လေးတွေစပေါပြီ။ အဲဒါနဲ့ စားသောက်နေကြတာပါ။ အသားငါးဆိုတာတော့ စားဖို့အလွန်ခက်ခဲပါတယ်” ဟု ကိုလောရင့်စ်ကပြောသည်။

မင်းတပ်စစ်ဘေးရှောင်ကူညီရေးမှ ဆန်အိတ် ၆၁ အိတ်နှင့် စားသုံးဆီ ၄၀ ဗူးကို ဇွန်လ ၉ ရက်နေ့တွင် ရာသီဉတုဆိုးဝါးနေသည့်ကြားမှ အရောက်ပို့ပေးခဲ့ကြောင်း သိရသည်။

၎င်းတို့ကူညီမှုသည် လူ ၅၀၀ အတွက် တပတ်၊ ၁၀ရက်ခန့်သာ လောက်ငှနိုင်ပြီး စစ်ကောင်စီတပ်၏ စစ် ကြောင်းဆက်လက်ရှိနေ၍ တိုက်ပွဲများဖြစ်ပွားခဲ့ပါက စစ်ဘေးရှောင်များ၏အခြေအနေမှာ ပိုမိုဆိုးရွားလာ နိုင်ကြောင်းဆိုသည်။

ဇွန်လ ၆ ရက်နေ့တွင် မင်းတပ် - မတူပီလမ်းမကြီးအောက်ဘက်ရှိ ရမ်တိန်းကျေးရွာဟောင်းသို့ အင်အား ၁၂၀ ခန့်ပါသည့် စစ်ကောင်စီ စစ်ကြောင်းဝင်ရောက်လာပြီး နောက် CDF – Matupi နှင့် ထိတွေ့မှုဖြစ်ခဲ့ သည်။ အဆိုပါစစ်ကြောင်းသည် ကျေးရွာအထက် နှစ်မိုင်အကွာသို့ဆုတ်ပြီး စခန်းချတပ်စွဲနေသဖြင့် ယနေ့အချိန်ထိ စစ်ရေးတင်းမာလျက်ရှိကြောင်းသိရှိရသည်။

စာတည်း ။ ။ Alden
စာမူတည်းဖြတ်။ ။စောဖေ

#မင်းတပ်
#မတူပီ
#စစ်ဘေးရှောင်
#အကူအညီလိုအပ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11😢3🔥2😁1
​​ကရင်နီပြည်နယ် ကြားကာလအုပ်ချုပ်ရေးကောင်စီ စတင်ဖွဲ့စည်း
==================

မိုးသောက်
(မဇ္ဈိမ) ။ ။ကရင်နီပြည်နယ်ကြားကာလအုပ်ချုပ်ရေးကောင်စီ (Interim Excutive Council Of Karenni State (IEC)) ကို စတင်ဖွဲ့စည်းလိုက်ကြောင်း ယနေ့ ဇွန်လ ၁၂ ရက်နေ့တွင် အုပ်ချုပ်ရေးကောင်စီက ကြေ ညာလိုက်သည်။

ကြားကာလအုပ်ချုပ်ရေးကောင်စီကို ဇွန်လ ၆ ရက်တွင် စတင်ဖွဲ့စည်းလိုက်ပြီး ကရင်နီပြည်နယ် အတိုင် ပင်ခံကောင်စီ၏ နိုင်ငံရေးဦးဆောင်မှုနှင့် မူဝါဒလမ်းညွှန်ချက်အတိုင်း ဖွဲ့စည်းခြင်းဖြစ်ကြောင်း အုပ်ချုပ် ရေးကောင်စီက ဆိုသည်။

အုပ်ချုပ်ရေးကောင်စီကို ပြည်နယ်အတွင်း အစိုးရအုပ်ချုပ်ရေး ဖော်ဆောင်ရန်၊ မဏ္ဍိုင်သုံးရပ်ကိုညှိနှိုင်းပြီး တည်ငြိမ်အေးချမ်းရေးဆောင်ရွက်ရန်နှင့် ပြည်နယ်အတွင်းရှိ အင်အားစုအသီးသီး ပူးပေါင်းဆောင်ရွက် ရေးကိစ္စများ ဆောင်ရွက်ရန် စသည့် ရည်ရွယ်ချက် သုံးချက်ဖြင့် ဖွဲ့စည်းခြင်းဖြစ်ကြောင်း သိရသည်။

လက်ရှိဆောင်ရွက်နေသည့် ရဲဌာန၊ အကျဉ်းထောင်တို့ကိုလည်း စနစ်တကျစီမံခန့်ခွဲကာ နယ်မြေအတွင်း တရားဥပဒေစိုးမိုးရေးကို အကောင်အထည်ဖော်မည်ဖြစ်ကြောင်းနှင့် လူထုဝန်ဆောင်မှုလုပ်ငန်းများကို လည်း ချိတ်ဆက်ဖော်ဆောင်မည်ဖြစ်ကြောင်း ကောင်စီက ဆိုသည်။

ထို့ပြင် ကျန်းမာရေး၊ ပညာရေးနှင့် စားနပ်ရိက္ခာ လိုအပ်ချက်များ ဖြည့်ဆည်းနိုင်ရန်အတွက်လည်း ဆောင် ရွက်မည်ဖြစ်ကြောင်း ကြေညာချက်တွင် ဖော်ပြထားသည်။

ကောင်စီအနေဖြင့် လုပ်ငန်းများဆောင်ရွက်ရာတွင် ပြည်တွင်း၊ ပြည်ပအင်အားစုများနှင့် ချိတ်ဆက် ဆောင်ရွက်မည့်အပြင် ပြည်ထောင်စုလွှတ်တော်ကိုယ်စားပြုကော်မတီ (CRPH)၊ အမျိုးသားညီညွတ်ရေး အစိုးရ(NUG)နှင့် အမျိုးသားညီညွတ်ရေးအတိုင်ပင်ခံကောင်စီ (NUCC)တို့နှင့် ချိတ်ဆက်ဆောင် ရွက်သွား မည်ဖြစ်ကြောင်း ဆိုသည်။

ကောင်စီကို ပြည်နယ်ရေးရာဌာန အနည်းဆုံး ၁၂ ခုဖြင့် တည်ဆောက်မည်ဖြစ်၍ CDM လှုပ်ရှားမှုတွင် ပါဝင်သည့် ပြည်သူ့ဝန်ထမ်းကောင်းများ၊ တတ်သိပညာရှင်များကို ပြည်သူလူထု၏ ဝိုင်းဝန်းပံ့ပိုးမှုဖြင့် လက်တွဲဆောင်ရွက်နိုင်ရန် အထူးဖိတ်ခေါ်အပ်ကြောင်းလည်း ကောင်စီက ဆိုသည်။

ကြားကာလအုပ်ချုပ်ရေးကောင်စီသည် စံတန်ဖိုးဖြစ်သည့် အမျိုးသားတန်းတူရေး၊ တရားမျှတရေးနှင့် ကိုယ်ပိုင်ပြဋ္ဌာန်းခွင့်ရှိသော လွတ်လပ်ပွင့်လင်းဖွံ့ဖြိုးတိုးတက်သည့် ပြည်ထောင်စုတည်ဆောက်ရေး အတွက် ကိုယ်စွမ်းဥာဏ်စွမ်းရှိသမျှ စွမ်းစွမ်းတမံ ဆောင်ရွက်သွားမည်ဖြစ်ကြောင်း ကတိပြုထားသည်။

ကိုယ်ပိုင်ပြဋ္ဌာန်းခွင့်နှင့် ကရင်နီပြည်နယ်အစိုးရသစ်ပေါ်ပေါက်လာသည့်အချိန်တွင် ကြားကာလ အုပ်ချုပ် ရေးကောင်စီကို ရုပ်သိမ်းမည်ဖြစ်ပြီး လက်ရှိတိုင်းပြည်၏ ယိုယွင်းဖြစ်ပေါ်နေသည့် အခြေအနေများကို အပြောင်းအလဲဖြစ်ရန် ဖက်ဒရယ်ပြည်ထောင်စုတည်ထောင်ရေးအတွက် ကြိုးပမ်းအားထုတ်နေသည့် အင်အားစု အားလုံးနှင့် ပူးပေါင်းဆောင်ရွက်မည်ဟု ကရင်နီပြည်နယ်ကြားကာလအုပ်ချုပ်ရေးကောင်စီက ထုတ်ပြန်သည်။

ဖွဲ့စည်းထားသည့် ကရင်နီပြည် ကြားကာလကောင်စီ အုပ်ချုပ်ရေးအဖွဲ့တွင် အဖွဲ့ဝင်ခြောက်ဦးဖြင့် ကနဦး စတင်ဖွဲ့စည်းထားပြီး KNPP မှ ခူးဦးရယ်က ဥက္ကဋ္ဌအဖြစ်လည်းကောင်း၊ KNDF မှ ခွန်ဘီးတူးက ဒုဥက္ကဋ္ဌ အဖြစ်လည်းကောင်း တာဝန်ယူထားသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ကရင်နီပြည်နယ်
#ကြားကာလအုပ်ချုပ်ရေးကောင်စီ
#ICE
#KNPP
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍17❤7😁2
Media is too big
VIEW IN TELEGRAM
အစ္စရေးကုမ္ပဏီက မြန်မာစစ်တပ်သို့စစ်လက်နက်တွေ ပေးပို့ခဲ့

Watch more detail -https://youtu.be/pH8WHsOFk5Q

#PoliticalNews
#reels
#shorts
#MizzimaTV
🤬9❤2🔥2😁1