လက်နက်ကိုင်ပဋိပက္ခကြောင့် ၂နှစ်ကျော်ကာလအတွင်း အရပ်သားသေဆုံးခဲ့မှု စံချိန်တင်မြင့်တက်လာ
========================

လက်နက်ကိုင်ပဋိပက္ခကြောင့် ယခုနှစ် ၅ လအတွင်း အရပ်သား ၇၀၀ ကျော်သေဆုံးခဲ့ကာ ဒီပမာဏမှာ ယခင်နှစ်တစ်နှစ်အတွင်း သေဆုံးခဲ့ရတဲ့ အရပ်သားအရေအတွက် စုစုပေါင်းရဲ့ ၆၀ ရာခိုင်နှုန်းနီးပါးရှိ ကာ စံချိန်တင်မြင့်တက်လာနေတယ်လို့ ISP Myanmar ရဲ့ ထုတ်ပြန်ထားချက်အရ သိရပါတယ်။

တိုက်ပွဲနဲ့ လက်နက်ကိုင်ပဋိပက္ခများကြောင့် သေဆုံးခဲ့ရသူ အရပ်သားပြည်သူ အရေအတွက်မှာ ၂ နှစ်ကျော်ကာလအတွင်း လူ ၂၀၀၀ ကျော်ရှိခဲ့ပြီး ယခုနှစ်ငါး လအတွင်းမှာပင် အရပ်သား ၇၀၀ ကျော်သေဆုံးခဲ့ရတာကြောင့် စံချိန်တင်မြင့်တက်ခဲ့ ခြင်းဖြစ်တယ်လို့ ISP Myanmar က ဖော်ပြထားပါတယ်။

ယခုနှစ် ၅ လအတွင်း လက်နက်ကိုင်ပဋိပက္ခများကြောင့် အရပ်သား ၇၄၈ ဦး ထက်မနည်း သေဆုံးခဲ့ပြီး ၂ နှစ်ကျော်ကာလအတွင်း အကြောင်း အမျိုးမျိုးကြောင့် အရပ်သားသေဆုံးမှုအရေအတွက် ၈၆၀၀ ကျော်အထိရှိခဲ့တယ်လို့ ISP Myanmar ရဲ့ ဖော်ပြချက်အရ သိရပါတယ်။

https://youtu.be/IneR7o073WQ

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

မိမိရဲ့ ရာထူးနေရာအပြောင်းအလဲဟာ မဟာမိတ်တွေအပေါ် မူတည်ကြောင်း နေတိုးအကြီးအကဲပြောကြား

https://www.facebook.com/reel/278188897920877

#internationalnews #Mizzima #reels #shorts

​​ဖမ်းဆီးထားသော အရပ်သားအချို့ကို လူသားဒိုင်းပြုလုပ်၍ ပဲခူးရိုးမပေါ် စစ်ကောင်စီစစ်ကြောင်းထိုးနေ
===================

ရွှေနွယ်
(မဇ္ဈိမ)။ ။ပဲခူးတိုင်း၊ အုတ်ဖိုမြို့နယ်၊ ကန့်နီကျေးရွာမှရွာသားအချို့အား စစ်ကောင်စီတပ်က ဖမ်းဆီးပြီး ၎င်းတို့စစ်ကြောင်း၏အရှေ့အနောက်တွင်ထားကာ ပဲခူးရိုးမပေါ်သို့ စစ်ကြောင်းထိုးနေသည်ဟု ဒေသတွင်းသတင်းရင်းမြစ်များက‌ ပြောသည်။

ကန့်နီကျေးရွာမှရွာသားအချို့ကို စစ်ကောင်စီတပ်က ယနေ့ ဇွန်လ ၁၆ ရက်နေ့နံနက်ပိုင်းတွင် ဖမ်းဆီးခေါ်ဆောင်သွားပြီး ရိုးမပေါ်သို့ တက်သွားခြင်းဟုသိရသည်။

"လူအရေအတွက်အတိအကျတော့ ကျွန်တော်တို့မသိသေးဘူးဗျ။ စစ်ကြောင်းရဲ့ အရှေ့၊ အလယ်၊ အနောက်မှာ ထားပြီး တက်သွားတာပဲ။ PDF ဘက်ကတော့ အရပ်သားတွေပါလို့လားမသိဘူး၊ ပစ်သံခတ်သံမကြားရသေးဘူး” ဟု ကန့်နီကျေးရွာအနီးမှ ဒေသခံတစ်ဦးက မဇ္ဈိမကိုပြောသည်။

အုတ်ဖိုမြို့နယ်သည် ပဲခူးတိုင်းအနောက်ခြမ်း သာယာဝတီခရိုင်အတွင်း ပါဝင်သည်။ လတ်တလောတွင် စစ်ကောင်စီတပ်၏ စစ်ကြောင်းထိုးနေမှုကြောင့် တိုက်ပွဲဖြစ်ပွားလာနိုင်ခြေရှိပြီး စစ်ရေးအခြေအနေတင်းမာနေသည်ဟု သာယာဝတီခရိုင် ပြည်သူ့ကာကွယ်ရေးတပ်ဖွဲ့တာဝန်ရှိသူတစ်ဦးကပြောသည်။

ပဲခူးရိုးမအနောက်ခြမ်းတွင် ပြီးခဲ့သည့် ဇွန်လ ၁၁ ရက်နှင့် ၁၃ ရက်နေ့တို့ကလည်း ပေါင်းတည်မြို့နယ်အတွင်း ရိုးမပေါ်သို့စစ်ကြောင်းထိုးနေသော စစ်ကောင်စီတပ်ကို ပြည်သူ့ကာကွယ်ရေးတပ်ဖွဲ့ကတိုက်ခိုက်ခဲ့သည်။ထို့အပြင် ဖမ်းဆီးခံ PDF တပ်ဖွဲ့ဝင်နှစ်ဦးအား စစ်ကောင်စီတပ်က ရိုးမပေါ်မှ စခန်းတည်နေရာများအား လိုက်ပြခိုင်းစဉ် ကြို့ပင်ကောက်ဟီးရိုးပြောက်ကျားတပ်ဖွဲ့မှ မိုင်းဆွဲတိုက်ခိုက်ပြီး PDF တပ်ဖွဲ့ဝင်နှစ်ဦးအား ကယ်ထုတ်ခဲ့သည့် ဖြစ်စဉ်ဇွန်လ ၁၁ရက်က ဖြစ်ပွားခဲ့သည်။

အုတ်ဖိုမြို့အပြင် ပဲခူးတိုင်းအနောက်ခြမ်းမှ ပေါင်းတည်၊ နတ်တလင်းနှင့် ကြို့ပင်ကောက်မြို့တို့၌ ယခုလများအတွင်း စစ်ရေးတင်းမာနေပြီး ရင်ဆိုင်တိုက်ပွဲများနှင့် မိုင်းဆွဲတိုက်ခိုက်မှုများ မကြာခဏဖြစ်ပွားနေသည်။ပဲခူးတိုင်းအရှေ့ခြမ်းတွင်လည်း ၂၀၂၃ ခုနှစ်အတွင်း စစ်ရေးအရှိန်မြင့်တက်လာပြီး စစ်ကောင်စီတပ်နှင့် ပြည်သူ့ကာကွယ်ရေးမဟာမိတ်ပူးပေါင်းတပ်များကြား ရင်ဆိုင်တိုက်ပွဲများ မကြာခဏဖြစ်ပွားနေသည်။

ပဲခူးတိုင်းအတွင်း စိုးမိုးနယ်မြေများရရှိနိုင်ရန် ပဲခူးတိုင်းပြည်သူ့ကာကွယ်ရေးတပ်ရင်းတပ်ဖွဲ့များနှင့် ညီနောင်မဟာမိတ်များက တိုက်ပွဲဝင်နေကြသော်လည်း လက်နက်ကြီးအင်အားလိုအပ်ချက်ကြောင့် မဖော်ဆောင်နိုင်ခဲ့သည့် စစ်ဆင်ရေးများစွာရှိနေကြောင်း ပဲခူးတိုင်း စစ်ဒေသခွဲ တိုင်းစစ်ဆင်ရေးတာဝန်ခံ ကိုသောမတ်စ်ကမဇ္စျိမကို ပြောသည်။

"ကျွန်တော်တို့ စစ်ရေးတွေကို အခုထက်ပိုဖော်ဆောင်နိုင်ဖို့ အခုထက်ပိုတိုက်ပွဲဝင်နိုင်ဖို့ လက်နက်ကြီးနဲ့ ဆက်စပ်ကျည်တွေကိုထောက်ပံ့နိုင်ဖို့အတွက် "မမအားနဲ့မိစ္ဆာရှင်းဖို့ ပဲခူးမြေကိုထောက်ကူစို့" ကျပ်သိန်း(၅၀၀၀)ရှာဖွေရေးကမ်ပိန်းမှာ ပါဝင်ပေးကြဖို့ တောင်းဆိုချင်ပါတယ်" ဟု ကိုသောမတ်စ်က ပြောသည်။

"မမအားနဲ့မိစ္ဆာရှင်းဖို့ ပဲခူးမြေကိုထောက်ကူစို့" ကျပ်သိန်း(၅၀၀၀)ရှာဖွေရေးကမ်ပိန်း ဇွန်လ ၁၅ ရက်နေ့မှ ဇူလိုင်လ ၃၀ ရက်နေ့အထိ ပြုလုပ်နေခြင်းဖြစ်သည်။

ယခု ၂၀၂၃ ခုနှစ်သည် စစ်အာဏာရှင်တော်လှန်ရေးအတွက် အရေးပါသောနှစ်တစ်နှစ်ဖြစ်ပြီး ပဲခူးတိုင်းအတွင်း ယခုထက်ပိုသော စစ်ဆင်ရေးများရှိလာမည်ဟု ပဲခူးတိုင်းစစ်ဒေသခွဲ၊ဒုတိယစစ်ဒေသခွဲမှူး ရဲဘော်တင်ဦးက လူထုအား အသိပေးထားသည်။

စာတည်း -မောင်ကြီး

#mizzima
#ပဲခူးတိုင်း
#ပဲခူးရိုးမ
#လူသားတံတ်ိုင်း
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​ချင်းအမျိုးသား အဖွဲ့ချုပ် တရားရေးဌာန က ၂လအတွင်း အမှု၈မှုကို တရားစီရင်
====================

ပါခွီး
(မဇ္စျိမ) ။ ။ ချင်းပြည်နယ် နှင့် ကလေး ၊ ကဘော်ဒေသအတွင်း စစ်အာဏာရှင် ဆန့်ကျင်တိုက်ပွဲဝင်နေသည့် ချင်းအမျိုးသားအဖွဲ့ချုပ် (CNO)၏ တရားစီရင်ရေးဌာနသည် ၂၀၂၃ ခုနှစ် ဖေဖော်ဝါရီလနှင့် မတ်လ အတွင်း အမှု ရှစ်ခုကို တရားစီရင်ခဲ့ကြောင်း ဇွန်လ ၁၄ရက်နေ့တွင် ထုတ်ပြန်သည်။

CNO ထိန်းချုပ်လှုပ်ရှားနယ်မြေအတွင်းဖြစ်ပွားခဲ့သော အမှုများအနက်မှ သက်ငယ်မုဒိန်းမှု ၊ မုဒိန်းမှု ၊ လူသတ်မှု ၊ ခိုးမှု ၊ မီးရှို့မှုနှင့် မူးယစ်ဆေးဝါးအမှုများတွင် ပါဝင်ပတ်သက်သူ ၁၁ဦးကို စီရင်ခဲ့ခြင်း ဖြစ်သည်။

“လက်ရှိအသုံးပြုနေတဲ့ ဓမ္မသတ် ၊ ရာဇသတ် ဥပဒေနဲ့ ချင်းဓလေ့ထုံးတမ်းဥပဒေများကို ကိုးကားပြီးစီရင်တာပါ” ဟု CNO တရားရေးဌာန အတွင်းရေးမှူး Salai Van Sui San က မဇ္စျိမ ကိုပြောသည်။
တရားစီရင်မှုတွင် တရားသူကြီး ၊ ရှေ့နေများကို ဌာနဘက်က အပြည့်အစုံထားပေးပြီး စွပ်စွဲခံရသူ (သို့မဟုတ်) ကျူးလွန်ခဲ့သူကို ခုခံချေပခွင့် အပြည့်အဝပေးကာ ၎င်းတို့အနေဖြင့် အပြင်မှ ရှေ့နေများဌားရမ်းလိုပါက ငှားခွင့်ပေးထားကြောင်း ဆိုသည်။

စီရင်ခဲ့သော အမှုများထဲတွင် သက်ငယ်မုဒိန်းကျူလွန်သူကို ပုဒ်မ (၃၆၀)ဖြင့် အလုပ်ကြမ်းနှင့်ထောင်ဒဏ် ၁၀နှစ် ချမှတ်ထားပြီး အရွယ်ရောက်ပြီးသူအပေါ် ကျူးလွန်သည့်မုဒိန်းမှုတွင် ပုဒ်မ (၃၆၀) ဖြင့် ထောင်ဒဏ် ရှစ်နှစ် ချမှတ်ထားကြောင်းသိ ရသည်။

၎င်းအပြင် နေအိမ်မီးရှို့သူ သုံးဦးကို ပုဒ်မ (၄၃၆)ဖြင့်၎င်း ၊ အကြမ်းဖက်မှုကျူးလွန်သူ ကို ပုဒ်မ (၅၀၆) တို့ဖြင့် ထောင်ဒဏ် တစ်နှစ်စီချမှတ်ခဲ့ကြောင်းနှင့် မူးယစ်ဆေးဝါး အမှုတွင် သုံးစွဲသူအား ဒဏ်ငွေကျပ် ၅၀၀,၀၀၀(ငါးသိန်း)နှင့် ရောင်းချသူအား ကျပ် ၃,၅၀၀,၀၀၀(သုံးဆယ့်ငါးသိန်း) ငွေဒဏ်ချမှတ်ကာ ခံဝန်ကတိဖြင့် လွှတ်ပေးခဲ့ကြောင်းဆိုသည်။

ထောင်ဒဏ်ကျခံရသူ ခုနစ်ဦးကို CNOရဲဌာနက တာဝန်ယူပြီး ထိန်းချုပ်နယ်မြေ အကျဉ်းထောင်တွင် ထိန်းသိမ်းထားရှိကြောင်းသိရသည်။

ချင်းအမျိုးသားအဖွဲ့ချုပ် လှုပ်ရှားနယ်မြေအတွင်း အများဆုံးဖြစ်ပွားသည့်အမှုများမှာ မူးယစ်ဆေးဝါး သုံးစွဲ ၊ ရောင်းဝယ်မှုများဖြစ်ကြောင်း တရားရေးဌာနအတွင်းရေးမှူးထံက သိရှိရသည်။

စာတည်း။ ။အောင်ကျော်ဖြိုး

#Mizzima
#ချင်းအမျိုးသား အဖွဲ့ချုပ် တရားရေးဌာန
#အမှု၈မှု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လက်နက်ကိုင်ပဋိပက္ခကြောင့် ၂နှစ်ကျော်ကာလအတွင်း အရပ်သားသေဆုံးခဲ့မှု စံချိန်တင်မြင့်တက်လာ

Watch more detail -
https://youtu.be/IneR7o073WQ...

#စံချိန်တင်မြင့်တက် #VideoNews #shorts #reels #Mizzima

မြန်မာ့အရေးအဖြေရှာဖို့ အကြိမ် ၇ဝ ကျော် ဆွေးနွေးခဲ့ကြောင်း အင်ဒိုနီးရှားပြောကြား
========================

မြန်မာနိုင်ငံ ပဋိပက္ခကိုအဖြေရှာဖို့ မြန်မာ့အရေးမှာပါဝင်နေတဲ့ အဖွဲ့အစည်းတွေနဲ့ ပြီးခဲ့တဲ့ ခြောက်လအတွင်း အကြိမ် ၇ဝ ကျော် ဆက်သွယ်ဆွေးနွေးခဲ့တယ်လို့ အင်ဒိုနီးရှား နိုင်ငံခြားရေးဝန်ကြီး Retno Marsudi ရက်နို မာဆူဒီ က ပြောကြားလိုက်ပါတယ်။

မြန်မာ့အရေးနဲ့ ပတ်သက်ပြီး အာဆီယံကချမှတ်ထားတဲ့ သဘောတူညီချက် ငါးချက်မှာ တွေ့ဆုံဆွေးနွေးခြင်းဟာ အရေးအကြီးဆုံးအချက်တစ်ခုဖြစ်တာကြောင့် ဆွေးနွေးပွဲတွေ ဖြစ်လာရတာလို့ အင်ဒိုနီးရှားနိုင်ငံခြားရေးဝန်ကြီးက နော်ဝေနိုင်ငံ အော်စလိုမြို့မှာ ကျင်းပတဲ့ ညီလာခံတစ်ခုမှာ ဇွန်လ ၁၃ ရက်နေ့က ပြောကြားခဲ့တာဖြစ်ပါတယ်။

ဆွေးနွေးပွဲတွေဖြစ်လာဖို့အတွက် အရေးကြီးတဲ့ အခြေခံလိုအပ်ချက်ကတော့ ယုံကြည်မှု တည်ဆောက်ရေးဖြစ်တယ်လို့လည်း ပြောပါတယ်။

အခုလို ဆက်သွယ်ဆွေးနွေးမှုတွေကနေ သက်ဆိုင်ရာအဖွဲ့အစည်းတွေရဲ့ ယုံကြည်လက်ခံမှုကို ရရှိခဲ့တယ်လို့ ယုံကြည်ကြောင်းလည်း သူကဆိုပါတယ်။

https://youtu.be/dvc1OxqMh4s

#Political News
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

လက္ဘႏြန္လႊတ္ေတာ္အမတ္ေတြရဲ႕ သမၼတအသစ္ေရြးခ်ယ္ဖို႔ ႀကိဳးစားမႈ ၁၂ ႀကိမ္ေျမာက္ ပ်က္ကြက္ခဲ့

https://www.facebook.com/reel/280533024400998/?s=single_unit

#Internationalnews #Mizzima #Shorts #Reels

မြန်မာ့အရေးအဖြေရှာဖို့ အကြိမ် ၇ဝ ကျော် ဆွေးနွေးခဲ့ကြောင်း အင်ဒိုနီးရှားပြောကြား

Watch more detail -
https://youtu.be/dvc1OxqMh4s

#မြန်မာ့အရေး #ဆွေးနွေး #အင်ဒိုနီးရှား #VideoNews #shorts #Reels

ဇွန်လ (၁၆)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
=====================

00:59 - မြန်မာနိုင်ငံတဝန်း နယ်မြေထိန်းချုပ်နိုင်စွမ်းလျော့ကျနေတဲ့ စစ်ကောင်စီက ရှေ့နှစ် သန်းခေါင်စာရင်းကောက်နိုင်ဖို့ ပြင်ဆင်နေတဲ့သတင်း

03:38 - ဒေါ်အောင်ဆန်းစုကြည်၏ ၇၈ နှစ်မြောက် မွေးနေ့အတွက် ရန်ပုံငွေ ကောက်ခံပွဲနှင့် ဆုတောင်းပွဲကို ဂျပန်နိုင်ငံ တိုကျိုမြို့၌ ကျင်းပတဲ့သတင်း

04:57 - လက်ဘနွန်လွှတ်တော်အမတ်တွေရဲ့ သမ္မတအသစ်ရွေးချယ်ဖို့ကြိုးစားမှု ၁၂ ကြိမ်မြောက် ပျက်ကွက်ခဲ့တဲ့သတင်း

06:19 - မြန်မာ့အရေးအဖြေရှာဖို့ အကြိမ် ၇ဝ ကျော် ဆွေးနွေးခဲ့ကြောင်း အင်ဒိုနီးရှားပြောကြားတဲ့သတင်းတွေ အပါအဝင် အခြားစိတ်ဝင်စားဖွယ် သတင်းတွေကိုလည်း တင်ဆက်ပေးသွားမှာပါ။

https://youtu.be/baSz2YPkt38

#2pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ပါလက်စတိုင်းကို ကုလသမဂ္ဂမှာ တင်းပြည့်အဖွဲ့ဝင်ဖြစ်လာစေဖို့ ရှီကျင့်ဖျင်တောင်းဆို

https://www.facebook.com/reel/286522713816227

#Internationalnews #Mizzima #Reels #Shorts

​​သပိတ်ကျင်းတွင် ဦးခေါင်းကျည်ဖောက်၀င် ဒဏ်ရာများဖြင့် ပိုင်ရှင်မဲ့အလောင်း ၃ လောင်းတွေ့
======================

007
မဇ္စျိမ။ ။မန္တလေးတိုင်း သပိတ်ကျင်းမြို့နယ်တွင်၊ ယမန်နေ့ နေ့လယ်ပိုင်းက၊ ဦးခေါင်းတွင် သေနတ်ဒဏ်ရာဖြင့် သေဆုံးနေသော ပိုင်ရှင်မဲ့အမျိုးသား အလောင်းသုံးလောင်း တွေ့ရှိမှုဖြစ်ပွားခဲ့ကြောင်း၊ ဒေသခံများထံကသိရသည်။

"သုံးလောင်းစလုံးက တစ်နေရာထဲမှာတွေ့တာ၊ အမျိုးသားအလောင်းတွေချည်းပဲ၊ ဒဏ်ရာနှစ်ချက်စီတွေ့တယ်၊ ခေါင်းကိုတေ့ပစ်ပြီး အသတ်ခံထားရတာတွေပါ၊ အလောင်းတစ်လောင်းမှာဆိုရင် ဦးနှောက်တောင်ထွက်ကျနေတယ်၊ အသက် ၂၅ ကနေ ၄၀ ၀န်းကျင်အရွယ်တွေ" ဟု ဒေသခံတစ်ဦးကပြောသည်။

မန္တလေး-ဗန်းမော်ကားလမ်းပိုင်း သပိတ်ကျင်းမြို့နယ် ကိုးပင်ကျေးရွာအနီးတွင်၊ ယမန်နေ့ဇွန်လ ၁၅ ရက်နေ့ နေ့လယ် ၁၂ နာရီခန့်က ထိုအလောင်း သုံးလောင်းကို တွေ့ရှိခဲ့ခြင်းဖြစ်သည်။

အလောင်း တစ်လောင်းစီတွင်၊ ဦးခေါင်းကျည်ဆန်ဖောက်၀င်ဒဏ်ရာ တစ် ချက်စီအပြင်၊ နောက်ကျောနှင့်လက်ပြင်တို့တွင်လည်း ဒဏ်ရာ တစ်ချက်စီဖြင့် သေဆုံးခဲ့သည့်အလောင်းများဖြစ်ကြောင်း ရဲတပ်ဖွဲ့နှင့်နီးစပ်သည့်အသိုက်အ၀န်းမှရရှိသည့် သတင်းအချက်အလက်အရ သိရသည်။

အဆိုပါသတင်းအချက်အလက်အရ၊ အသက် ၂၅ နှစ်ခန့်အမျိုးသားတွင်၊ ဦးခေါင်းကျည်ဆန်ဖောက်၀င်ဒဏ်ရာ တစ်ချက်နှင့်နောက်ကျော ကျည်ဆန်ဖောက်ထွက်ဒဏ်ရာ တစ်ချက်၊ အသက် ၃၀ ခန့်အမျိုးသားတွင် ဦးခေါင်းကျည်ဆန်ဖောက်၀င်ဒဏ်ရာ တစ်ချက်နှင့် ဝဲလက်လက်ပြင် ကျည်ဆန်ဖောက်၀င်ဒဏ်ရာ တစ်ချက်၊ အသက် ၄၀ ခန့်အမျိုးသားတွင် ဦးခေါင်းကျည်ဆန်ဖောက်၀င်ဒဏ်ရာ တစ်ချက်နှင့် နောက်ကျောကျည် ဆန်ဖောက်၀င်ဒဏ်ရာ တစ်ချက်တို့ အသီးသီးရရှိပြီး သေဆုံးခဲ့ခြင်းဖြစ်ကြောင်းလည်း သိရသည်။

"ပိုင်ရှင်မဲ့အလောင်းအဖြစ်နဲ့ ကြာညှပ်ဆေးရုံ(သပိတ်ကျင်းမြို့နယ် ကြာညှပ်တိုက်နယ်ဆေးရုံ-ရင်ခွဲရုံ)ပို့ထားတယ် " ဟု နီးစပ်သူတစ်ဦး ကပြောသည်။

မည်သည့်အဖွဲ့လက်ချက်ဖြစ်ကြောင်း မသိရသေးသော်လည်း၊ PDF လက်ချက်ဖြစ်သည်ဟု စစ်အုပ်စု၏သတင်းများက ဖော်ပြကြသည်။
မန္တလေး-ဗန်းမော်ကားလမ်းပိုင်းတွင်၊ ဇွန်လ ၁၁ ရက်နေ့ကလည်း၊ မတ္တရာမြို့နယ် ပတ်လည်အင်းကျေးရွာ ယက္ကန်းစင်တောင်သွား ကားလမ်းအနီး ဦးခေါင်းကျည်ဆန်ဖောက်၀င်ဒဏ်ရာ တစ်ချက်စီဖြင့် သေဆုံးနေသော အသက် ၃၀ ၀န်းကျင်အရွယ် ပိုင်ရှင်မဲ့အမျိုးသား အလောင်းနှစ်လောင်းတွေ့ရှိမှု ဖြစ်ပွားခဲ့သေးသည်။

စာတည်း- သန့်ဇော်(သန်လျင်)

#mizzima
#ပိုင်ရှင်မဲ့
#သပိတ်ကျင်းမြို့နယ်
#ကျည်ဆန်ဖောက်၀င်ဒဏ်ရာ
#ကိုးပင်ကျေးရွာ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 16 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts

သာဂရကျေးရွာ ( ၄ )ကြိမ်မြောက် မီးရှို့ဖျက်ဆီးခံရ၊ နေအိမ် ၆ လုံးမီးလောင်ပျက်စီး
=========================

MTO
မဇ္ဈိမ။။ စစ်ကိုင်းတိုင်း ၊ ရွှေဘိုခရိုင် ၊ ခင်ဦးမြို့နယ် သာဂရကျေးရွာကို စစ်ကောင်စီတပ်က ဇွန်လ ၁၅ ရက်နေ့ တွင် စစ်ကြောင်းထိုးဝင်ရောက်ပီးနောက် မီးရှို့ဖျက်ဆီးခဲ့ရာ နေအိမ် ခြောက်လုံးမီးလောင်ပျက်စီးသွားကြောင်း ဒေသခံများထံက သိရသည်။

သာဂရကျေးရွာသည် စစ်ကောင်စီတပ်၏ လေးကြိမ်မြောက် မီးရှို့ဖျက်ဆီးခံရခြင်းဖြစ်ပြီး နေအိမ် ၂၀၀ နီးပါး မီးလောင်ပျက်စီးပြီးဖြစ်ကြောင်း ခင်ဦးမြို့နယ် သတင်းမှန်ပြန်ကြားရေးအဖွဲ့ဝင် ကိုနေသူရက ပြောသည်။

“ နေအိမ်စုစုပေါင်း ၂၀၀ နီးပါးလောက် မီးလောင်ပျက်စီးသွားပြီ။ ရှိတာမှ အိမ်ခြေ ၃၀၀ လောက်ရှိတာ။ သေဆုံးစစ်ကောင်စီတပ်သား အလောင်းတွေကို အလျားပေ ၂၀ ကျော် အနံ လူတစ်ရပ်စာလောက်ကို အထပ်သားတွေ ပတ်လည်တိုင်တွေနဲ့ စနစ်တကျ မီးရှို့သွားတယ် အရိုးစုအားဖြင့် ၁၀ လောင်းထက်မနည်း တွေ့ ရတယ်” ဟု ကိုနေသူရက ပြောသည်။

ဇွန်လ ၁၄ ရက်တွင် ခင်ဦးမြို့ပေါ်မှ စတင်ထွက်ခွာလာသည့် စစ်ကောင်စီတပ်သည် ဒေသကာကွယ်ရေးတပ်များနှင့် ထိတွေတိုက်ပွဲဖြစ်ပွားပြီး မိုင်းဆွဲတိုက်ခိုက်ခံရမှုများလည်းရှိသဖြင့် ယင်းသို့ သေဆုံးသူများ ရှိခြင်းဖြစ်ကြောင်း သိရသည်။

စစ်ကောင်စီတပ်ဖွဲ့ သည် ကံသစ်ကျေးရွာကို ဇွန်လ ၁၄ ရက်မနက်ပိုင်းက ဝင်ရောက်မီးရှို့ဖျက်ဆီးခဲ့ရာ နေအိမ် ၃၃ လုံး မီးလောင်ဆုံးရှုံးခဲ့ကြောင်း ခင်ဦးသတင်းမှန် ပြန်ကြားရေးက ဖော်ပြထားသည်။

“ ကံသစ်က ငါးကြိမ်မြောက်ရှို့ခံရတာပါ ။ စုစုပေါင်းနေအိမ် ၆၀၀ဝန်းကျင်လောက်ရှိတာ ၃၀၀ ကျော် လောက်ပါသွားပြီ” ဟု ကိုနေသူရက ပြောသည်။

ယင်း စစ်ဂောာင်စီ စစ်ကြောင်းသည် ယမန်နေ့ ဇွန်လ ၁၅ ရက်နေ့ ညနေပိုင်းတွင် ရေဦးမြို့ပေါ်သို့ ရောက် ရှိသွားပြီဖြစ်ပြီး ရေဦးမြို့နယ်တွင် စစ်ဆေးရေးတင်းကျပ်နေကြောင်း ၎င်းကဆိုသည်။

ခင်ဦးမြို့နယ်အတွင်း ဇွန်လ ၁ ရက်နေ့ မှ ၁၅ ရက်နေ့ အတွင်း စစ်ကောင်စီတပ်ဖွဲ့၏ စစ်ကြောင်းထိုးမီးရှို့မှုကြောင့် ကျေးရွာ ငါးရွာ မှ နေအိမ်ပေါင်း ၂၀၀ ဝန်းကျင် မီးလောင်ပျက်စီးခဲ့ပြီး ပြည်သူ ခြောက်ဦး ဖမ်းဆီးခံခဲ့ရကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့ထံက သိရသည်။

လက်ရှိအချိန်တွင် ခင်ဦးမြို့နယ်အတွင်း စစ်ဘေးရှောင်၊ မီးဘေးသင့် ပြည်သူများ တိုးပွားလာနေပြီး စားဝတ်နေရေးအတွက် အရေးပေါ်အကူအညီများလိုအပ်နေကြောင်း ဒေသခံအဖွဲ့အစည်း များက ပြောသည်။

စာတည်း။ ။အောင်ကျော်ဖြိုး

#Mizzima
#သာဂရကျေးရွာ
#မီးလောင်ပျက်စီး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

လာမယ့်သီတင်းပတ်အတွင်း ဂျာမနီနဲ့ပြင်သစ်နိုင်ငံတွေဆီ တရုတ်ဝန်ကြီးချုပ် သွားရောက်ဖို့ရှိ

https://www.facebook.com/reel/222408133936221

#internationalnews #Mizzima #Germany #China #reels #shorts

နိုင်ငံတော်အတိုင်ပင်ခံပုဂ္ဂိုလ်၏ မွေးနေ့တွင် ပန်းသပိတ်ဆင်နွှဲကြရန် တော်လှန်ရေးအင်အားစုများ တိုက်တွန်း
===================

001
မဇ္စျိမ။ ။ လာမည့် ဇွန်လ ၁၉ ရက်နေ့တွင် ကျရောက်မည့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၇၈ နှစ်‌မြောက် မွေးနေ့တွင် “ဗေဒါပျံ အံကိုခဲ ပန်းပန်လျက်ပဲ” ပန်းသပိတ်ပြုလုပ်ကြရန် တော်လှန်ရေးအင်အားစုများက တိုက်တွန်းနှိုးဆော်ထားသည်။

“ဒီပန်းသပိတ်တိုက်ပွဲက ဘာကိုရည်ရွယ်သလဲ။ ဘာကိုဖော်ညွှန်းသလဲဆိုရင် ကျွန်တော်တို့ ဒီ စစ်အာဏာရူးတွေပေါ့။ ပြည်သူလူထုကို ကြောက်သွားအောင် ၊ တိတ်သွားအောင်၊ သွေးကြောင်သွားအောင် နည်းလမ်းမျိုးစုံနဲ့ အကြမ်းဖက်တယ်။ ဖိနှိပ်တယ်။ သို့သော် ကျွန်တော်တို့ လူထုရဲ့ တော်လှန်သွေး၊ တော်လှန်စိတ်၊ တော်လှန်မာန်တွေကတော့ လုံးဝ ဆုတ်လျော့သွားခြင်း၊ ကျဆင်းသွားခြင်းမရှိဘူး။ လူထုရဲ့ တော်လှန်သွေး ရဲရဲနီဆဲဆိုတာကို ဒီပန်းသပိတ်တိုက်ပွဲကြီးကနေပြီးတော့ ဖော်ဆောင်မှာဖြစ်ပါတယ်”ဟု ဒေါက်တာ တေဇာဆန်းက ပြောသည်။

ဇွန်လ ၁၉ ရက်နေ့တွင် မွေးနေ့ရှင် ဒေါ်အောင်ဆန်းစုကြည်နှင့် တကွ အဓမ္မ ဖမ်းဆီးခံထားရသည့် သောင်းနှင့် ချီသည့် နိုင်ငံရေးအကျဉ်းသားများကို ဂုဏ်ပြုလေးစား အောက်မေ့သောအားဖြင့်လည်းကောင်း၊ တော်လှန်ရေးသမိုင်းအဆက်ဆက် ကျရာကဏ္ဍမှ တာဝန်ကျေပွန်စွာ ထမ်းရွက်နေကြသည့် အမျိုးသမီးထု၏ ဂုဏ်ရည်ကို ဖော်ညွှန်းသော အားဖြင့်လည်းကောင်း ပန်းသပိတ်လှုပ်ရှားမှုကို နိုင်ငံလုံးကျွတ် ဆင်နွှဲကြရန် အထွေထွေသပိတ်ပေါင်းစပ်ညှိနှိုင်းရေးအင်အားစု GSCB က ဇွန်လ ၁၅ ရက်နေ့တွင် တိုက်တွန်းနှိုးဆော်ထားသည်။

အဆိုပါ ပန်းသပိတ်ကို ပြည်သူများအနေဖြင့် နည်းလမ်းမျိုးစုံဖြင့် ပါဝင်ဆင်နွှဲနိုင်ပြီး ပန်းအမျိုးအစား၊ အသွေးအရောင် ကန့်သတ်ထားခြင်းမရှိကြောင်းနှင့် အထူးသဖြင့် စစ်ကောင်စီနယ်မြေတွင် ရှိသူများလည်း လုံခြုံရေးအသိ၊ လုံခြုံရေးသတိထားပြီး ဆောင်ရွက်ကြရန် ဒေါက်တာတေဇာဆန်းက သတိပေးသည်။

“ပြောရရင် အဲ့ဒီနေ့ ဇွန် ၁၉ မှာ ကိုယ့်အိမ်က ဘုရားပန်းအိုးက ပန်းအသစ်လဲတာကအစ ကိုယ့် နိစ္စဓူဝ အလုပ်ခွင်သွားတယ်။ အိမ်မှာနေရင်း အပြင်ထွက်ရင်း ပန်းပန်မယ်။ ပန်းလေး ရင်ဘတ်မှာ ထိုးမယ်။ တခြားပေါ့ဗျာ။ ပန်းပါဝင်တဲ့ ပန်းနဲ့ ပတ်သက် ဆက်စပ်တဲ့ ဖော်ဆောင်မှုတွေကို မိမိတို့ဉာဏ်ရှိသလို ကွန့်မြူးပြီး ဖော်ဆောင်ကြဖို့ဖြစ်ပါတယ်”ဟုဆိုသည်။

ဇွန်လ ၁၉ ရက်နေ့တွင် ပန်းသပိတ်လှုပ်ရှားမှုအပြင် အနုပညာရှင်များနှင့် Social Influencersများကလည်း ခွန်အားဖြည့်မိငယ်၊ သွေးမုန်တိုင်း၊ အရေးကြီးပြီ အစရှိသည့် တော်လှန်ရေးအားဖြည့်သီချင်းများကို ဆိုကြ၊ တီးကြမည်ဖြစ်ကြောင်း သိရသည်။

“ဒီလိုမျိုးနှလုံးရည်နည်းလို့ခေါ်ရမယ့် လူထုတိုက်ပွဲနည်းတွေကလည်း အာဏာရှင်စနစ်ဆန့်ကျင်ရေးတော်လှန်ရေးမှာအစွမ်းအာနိသင်ကြီးမားတယ်ဆိုတာလည်း ကျွန်တော်တို့ ပြည်သူအများ အသိဖြစ်ပါတယ်။ ဒါကြောင့် ဇွန် ၁၉ မှာ တစ်နိုင်ငံလုံး ပြည်လုံးကျွတ် ပန်းသပိတ်လှုပ်ရှားမှုကြီး ပုံဖော်ဆင်နွှဲကြပါလို့လို့ အထူးတိုက်တွန်းနှိုးဆော်လိုပါတယ်”ဟု ဒေါက်တာတေဇာဆန်းက တိုက်တွန်းသည်။

အာဏာသိမ်းပြီးနောက် စစ်ကောင်စီက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အမှုပေါင်း ၁၉ မှုဖြင့် စွပ်စွဲပြီး ထောင်ဒဏ် ၃၃ နှစ်ချမှတ်ကာ ဖမ်းဆီးထိန်းသိမ်းထားသည်။ ဒေါ်အောင်ဆန်းစုကြည်အနေဖြင့် ၎င်း၏ အသက် ၇၆ နှစ်နှင့် ၇၇ နှစ်ပြည့်မွေးနေ့တို့ကိုလည်း စစ်ကောင်စီဖမ်းဆီးချုပ်နှောင်ထားသည့် နေရာတွင်ပင် ဖြတ်သန်းခဲ့ရသည်။

စာတည်း။ ။ဖူးသိမ်ကျ
စာမူတည်းဖြတ်။ ။အောင်ကျော်ဖြိုး

#နိုင်ငံတော်အတိုင်ပင်ခံပုဂွိုလ်
#ပန်းသပိတ်
#တော်လှန်ရေးအင်အားစု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U