တောင်ကိုရီးယားနိုင်ငံ ဘူဖျောင်းမြို့တွင် ဒေါ်အောင်ဆန်းစုကြည်၏ ၇၈ နှစ်မြောက်မွေးနေ့ကျင်းပ
====================

လွှမ်းမိုး
မဇ္ဈိမ။ ။‌ တောင်ကိုရီးယားနိုင်ငံ ၊ ဘူဖျောင်းမြို့တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈နှစ်မြောက် မွေးနေ့လွတ်မြောက်ရေးနှင့်ငြိမ်းချမ်းရေးဆန္ဒပြပွဲကျင်းပခဲ့ကြောင်း သတင်းရရှိသည်။

စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)က ဦးဆောင်စီစဉ်ပြီး ကိုရီးယားအခြေစိုက် တော်လှန်ရေးအဖွဲ့အစည်းများနှင့် တက်ကြွလှုပ်ရှားသူများပူးပေါင်းကာ ယမန်‌နေ့ ဇွန်လ ၁၈ရက် နေ့လယ်တွင် ပြုလုပ်ခဲ့ခြင်းဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈နှစ်မြောက်မွေးနေ့ အထိမ်းအမှတ်လွတ်မြောက်ရေးနှင့် ငြိမ်းချမ်းရေးဆန္ဒပြပွဲတွင် တောင်ကိုရီးယားနိုင်ငံရောက် မြန်မာနိုင်ငံသားများက အချက်(၆)ချက်ပါကြေညာချက်ကိုလည်း ထုတ်ပြန်ထားသည်။

အဆိုပါ ကြေညာချက်တွင်ဒေါ်အောင်ဆန်းစုကြည်အား မတရားဖမ်းဆီးပြီး မလျော်ကန်သော တရားရုံးစီရင်ချက်များဖြင့် ထောင်ဒဏ် ၃၃နှစ် ချမှတ်ထားခြင်းသည် မည်သို့မျှလက်ခံနိုင်ဖွယ် မရှိဟု ကန့်ကွက်ရှုတ်ချထားသည်။စစ်ကောင်စီနှင့် အပေါင်းအပါများက ဒေါ်အောင်ဆန်းစုကြည်အား အသုံးချ၍ ငြိမ်းချမ်းရေးတည်ဆောက်နေသယောင် ပြည်သူများကို လှည့်စားနေသည်မှာ ကလိမ်ကကျစ် လုပ်ရပ်များသာဖြစ်သည်ဟုဆိုသည်။

မြန်မာနိုင်ငံ၏ လက်ရှိအကျပ်အတည်းကို ဖြေရှင်းကျော်လွှားနိုင်မည့် တစ်ခုတည်းသော နည်းလမ်းမှာ အကြမ်းဖက်စစ်တပ်ကို ဖြုတ်ချပြီး ပြည်သူလူထုကို ကိုယ်စားပြုသော အစိုးရတစ်ရပ်အာဏာရရေး၊ ဖက်ဒရယ်ဒီမိုကရေစီစနစ် တည်ဆောက်နိုင်ရေးသာ ဖြစ်သည်ဟု ရှင်းလင်းစွာ ယုံကြည်ကြောင်း ဖော်ပြထားသည်။

မြန်မာပြည်သူများသည် ငြိမ်းချမ်းစွာ ဆန္ဒထုတ်ဖော်မှုမှသည် ပြည်သူ့ခုခံတွန်းလှန်စစ်ကို ဖော်ဆောင်ခဲ့ပြီး ယခုနှစ်တွင် တွန်းလှန်စစ်မှ တိုက်စစ်သို့ တဆင့်တက်ကာ အာဏာရှင်ကိုတော်လှန်လျက်ရှိရာ ပြည်သူလူထုအနေဖြင့် စစ်အာဏာရှင်တော်လှန်ရေးကို မမှိတ်မသုန်ထောက်ခံလိုက်ပါကြရန်လည်း တိုက်တွန်းထားသည်။

ယနေ့(ဇွန်လ ၁၉ရက်)ကျရောက်သည့် ဒေါ်အောင်ဆန်းစုကြည်၏ ၇၈နှစ်မြောက် မွေးနေ့တွင် ကျန်းမာစွာဖြင့် အနှောင်အဖွဲ့မှအမြန်ဆုံးလွတ်မြောက်ပါစေကြောင်း၊ သေဒဏ်၊ထောင်ဒဏ် ကျခံ‌နေရသူအားလုံး ပြစ်ဒဏ်မှလွတ်မြောက်ပါစေကြောင်း၊ ဖမ်းဆီးခံ၊နှိပ်စက်ခံ ပြည်သူအားလုံး ဘေးအန္တရာယ်အပေါင်းမှ လွတ်မြောက်ပါစေကြောင်း ဆုတောင်းလျက် စစ်မှန်သည့် ပြည်သူ့တော်လှန်ရေး အောင်ပွဲခံပြီးလျှင် စစ်မှန်သည့်ငြိမ်းချမ်းရေးနှင့်ဖက်ဒရယ်ဒီမိုကရေစီစနစ်တည်ဆောက်ရေး၌ တိုင်းရင်းသားပြည်သူလူထုအားလုံးနှင့်အတူ ကိုရီးယားနိုင်ငံရောက် မြန်မာနိုင်ငံသားများက အတူတကွ ပါဝင်နေမည်ဖြစ်ကြောင်း လေးနက်စွာဆန္ဒပြုအပ်သည်ဟု စစ်အာဏာသိမ်းမှုဆန့်ကျင်ရေးကော်မတီ(ကိုရီးယား)က ထုတ်ပြန်ထားသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈နှစ်မြောက်မွေးနေ့ အထိမ်းအမှတ်လွတ်မြောက်ရေးနှင့် ငြိမ်းချမ်းရေးဆန္ဒပြပွဲသို့ ပြည်ထောင်စုလွှတ်တော် ကိုယ်စားပြုကော်မတီ (CRPH) ဥက္ကဋ္ဌဦးအောင်ကြည်ညွန့်က သဝဏ်လွှာပေးပို့ခဲ့ကြောင်း သိရသည်။

စာတည်း - မောင်ကြီး

#mizzima
#ဒေါ်အောင်ဆန်းစုကြည်
#၇၈နှစ်မြောက်မွေးနေ့
#တောင်ကိုရီးယားနိုင်ငံ
#ဘူဖျောင်းမြို့
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

ကန့်ကွက်မှုများကြားမှပင် ထိုင်းအစိုးရက မြန်မာ့အရေး ဆွေးနွေးပွဲ ကျင်းပမည်ဟုဆို

Watch more detail - https://youtu.be/65E4rPOW1HA

#PoliticalNews #reels #shorts #MizzimaTV

​​စစ်ကောင်စီက မန္တလေးမြို့အနှံ့ ပိတ်ဆို့စစ်ဆေး၊ ပန်းပန်ထားလျှင် ဆဲဆိုပြီး ဆွဲဖြုတ်ခိုင်းဟုဆို
==================

007
မဇ္စျိမ။ ။နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈ နှစ်မြောက်မွေးနေ့တွင် ပြည်သူ လူထုက ပန်းသပိတ်ပြုလုပ်ကြရန်လှုံ့ဆော်ထားခြင်းကြောင့် ယနေ့ ဇွန်လ ၁၉ ရက် နံနက်အစောပိုင်းမှ စပြီး မန္တလေးမြို့တွင်းမြို့ပြင်လမ်းများအား စစ်ကောင်စီတပ်က တားဆီးပိတ်ဆို့ကာ တင်းကြပ်သည့်စစ် ဆေးခြင်းများပြုလုပ်ခဲ့ကြောင်း ဒေသခံများထံမှ သိရသည်။

“မနက် ၇ နာရီလောက်ကစပြီး မြို့တွင်းမြို့ပြင်လမ်းမကြီးတွေကို ပိတ်ဆို့လိုက်တယ်။ ဆိုင်ကယ်တွေကို အဓိကထားပြီးစစ်တယ်။ ၂၆ လမ်း ဘဏ်(၃)ရှေ့ တအားကြမ်းတယ်၊ ပန်းပန်ထားရင် ဓာတ်ပုံရိုက်ယူပြီး ပန်းကိုဆွဲဖြုတ်လွှင့်ပစ်တယ်၊ ဆဲနေဆိုနေလိုက်တာလည်း တအားကိုကြမ်းတယ်”ဟု ဒေသခံတဦးကပြော သည်။

စစ်၀တ်စုံ၀တ်ထားသော လက်နက်ကိုင်ငါးဦးခန့်ပါ၀င်သည့်အဖွဲ့တဖွဲ့စီဖြင့် မြို့တွင်းမြို့ပြင် အဓိကလမ်းမ ကြီးများတွင် တင်းကြပ်သည့်စစ်ဆေးမှုပြုလုပ်ခဲ့ခြင်းဖြစ်ကြောင်း သိရသည်။

“အမျိုးသမီးတယောက်ကို သူတို့ အဲဒီလောက်အထိ ကြောက်နေကြတာ။ မနေ့ကလည်း၊ သူတို့ချည်းပဲ သုံးနေရတဲ့ တယ်လီဂရမ်ချန်နယ်တွေမှာ ဒီပန်းသပိတ်နဲ့ပတ်သက်ပြီး မခံမရပ်နိုင်အောင်ဖြစ်နေကြတာ တွေလောက်ပဲ ရေးတင်နေကြတယ်၊ ပြည်သူတွေရဲ့ ပန်းသပိတ်ကို သူတို့အတော်လေးကြောက် နေကြ တယ်” ဟု မြို့ခံတဦးကမှတ်ချက်ပြုသည်။

မြို့၏အဓိကလမ်းမကြီးများဖြစ်သော ကန်တော်ကြီးမီးပွိုင့်၊ ကျွဲဆည်ကန် မြ၀တီဘဏ်ရှေ့၊ ၃၅ လမ်း ၈၈ လမ်းနှင့် ၈၉ လမ်းကြား၊ ၈၂ လမ်း ၃၇ လမ်းနှင့် ၃၈ လမ်းကြား၊ သိပ္ပံလမ်း ကညနရုံးရှေ့၊ ရန်ကုန်-မန္တလေးလမ်းဟောင်း မြ၀တီဘဏ်ရှေ့၊ ၁၉ လမ်း ၈၆ လမ်းနှင့် ၈၇ လမ်းကြား၊ ၁၉ လမ်း ၆၁ လမ်းနှင့် ၆၂ လမ်းကြားတို့တွင် စစ်၀တ်စုံ၀တ်ထားသော လက်နက်ကိုင်ငါးဦးခန့်စီဖြင့် တင်းကြပ်စွာစစ်ဆေးခဲ့ခြင်းဖြစ် ကြောင်း သိရသည်။

“မနက် ၉ နာရီခွဲလောက်မှာ စစ်ဆေးတာတွေ မရှိတော့ဘူး၊ ညနေပိုင်းအလုပ်ဆင်းချိန်မှာ ပြန်စစ်လိမ့်မယ် ထင်တယ်၊ သတိနဲ့ သွားလာလှုပ်ရှားကြတာ အကောင်းဆုံးပါပဲ” ဟုလည်း ၎င်းကပြောသည်။
နိုင်ငံတော်အတိုင်ပင်ခံပုဂ္ဂိုလ် လူထုခေါင်းဆောင် ဒေါ်အောင်ဆန်းစုကြည်၏ ယနေ့ကျရောက်သော ၇၈ နှစ် မြောက်မွေးနေ့အထိမ်းအမှတ်အဖြစ် တနိုင်ငံလုံးအတိုင်းအတာဖြင့် မိမိတို့အဆင်ပြေသလို ပန်းသပိတ် လှုပ်ရှားမှုပြုလုပ်ကြရန် ပြည်သူအချင်းချင်း တိုက်တွန်းနှိုးဆော်ထားကြသည်။

စာတည်း။ ။စောဖေ
စာမူတည်းဖြတ်။ ။စောဖေ

#ပန်းသပိတ်
#မန္တလေးမြို့
#တင်းကြပ်စွာစစ်ဆေး
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

​​လူငယ်များ ပြည်ပသို့မထွက်ခွာဘဲ တိုင်းပြည်ကိုကာကွယ်ကြရန် CDF မင်းတပ် ပန်ကြား
=====================

ပါခွီး
(မဇ္ဈိမ)။ ။ချင်းလူငယ်များအနေဖြင့် ပြည်တွင်း (အခြားဒေသ)ပြည်ပသို့ မထွက်ခွာကြဘဲ ဒေသတွင်း စစ်ကောင်စီတပ်ကို ခုခံတိုက်ခိုက်ပြီး တိုင်းပြည်ကိုကာကွယ်ကြရန် CDF မင်းတပ်က ထုတ်ပြန်ပန်ကြား လိုက်သည်။

စစ်ကောင်စီတပ်သည် မင်းတပ်မြို့နယ်အတွင်း ကျေးရွာများမှ ဒေသခံများကို ရည်ရွယ်ချက်ရှိရှိ ပစ်မှတ် ထားကာတိုက်ခိုက်နေသည့်အချိန်များတွင် မိမိလူမျိုးနှင့်တိုင်းပြည်ကို ကာကွယ်ရမည့်အစား ပြည်တွင်း (အခြားဒေသ)နှင့် ပြည်ပနိုင်ငံများသို့ ထွက်ခွာသည့် လူငယ်အရေအတွက် များပြားလာနေကြောင်း CDF မင်းတပ်က ဆိုသည်။

ယင်းကြောင့် မင်းတပ်မြို့နယ်အတွင်းရှိ “ အသက် ၁၆ နှစ်မှ ၃၅ နှစ်အတွင်း လူငယ်များကို ပြည်တွင်း၊ ပြည်ပ ထွက်ခွာခွင့်ပြုတော့မည်မဟုတ်” ဟု ချင်းကာကွယ်ရေးတပ်ဖွဲ့(မင်းတပ်) CDF – Mindat က ဇွန်လ ၁၈ ရက်နေ့ ရက်စွဲဖြင့် ထုတ်ပြန်ထားသည်။

CDF မင်းတပ်၏ ထိုသို့တားမြစ်မှုအပေါ် သဘောထားအမြင်မတူ၊ ငြင်းခုံမှုများလည်းရှိနေပြီး မဇ္စျိမက CDF – Mindat တာဝန်ရှိသူများထံ ဆက်သွယ်မေးမြန်ထားဆဲဖြစ်ကာ တစုံတရာ အကြောင်းပြန်ခြင်းမရှိသေး ပေ။

ချင်းပြည်နယ်သည် ခေတ်မီလက်နက်များတပ်ဆင်ထားသော အာဏာသိမ်းစစ်ကောင်စီတပ်ကို လက် လုပ်တူမီးသေနတ်များဖြင့် အစောဆုံးခုခံ တိုက်ခိုက်သည့် ဒေသတစ်ခုဖြစ်ပြီး ယင်းကြောင့် အာဏာသိမ်း စစ်ကောင်စီတပ်ကလည်း အပြင်းထန်ဆုံး ဖိနှိပ်တိုက်ခိုက်မှုများပြုလုပ်နေကာ တိုက်ပွဲများလည်း ဖြစ်ပွား နေသည်။
ဇွန်လ ၁၁ ရက်နှင့် ၁၃ ရက်နေ့က မင်းတပ်မြို့အရှေ့ပြင်ရှိ မြို့အဝင်စစ်ကောင်စီတပ်ဂိတ်ကို CDF – Mindat မှ ဝင်ရောက်တိုက်ခိုက်ရာ စစ်ကောင်စီတပ်သားတဦးသေဆုံးပြီး နှစ်ဦးဒဏ်ရာရခဲ့ကြောင်း သိရ သည်။

မေလ ၃၁ ရက်နေ့က မင်းတပ်မြို့အခြေစိုက် ခလရ (၂၇၄) စစ်ကောင်စီတပ်မှ ပစ်ခတ်သည့်လက်နက်ကြီး ကျည်ထိမှန်ပြီး မဟာဓာတ်အားလိုင်းတာဝါ ပြိုလဲခဲ့သဖြင့် မင်းတပ်၊ မတူပီမြို့များတွင် လျှပ်စစ်ဓာတ်အား ပြတ်တောက်လျက်ရှိကြောင်း ဒေသခံများထံမှ သိရသည်။

စာတည်း။ ။ နောင်နောင်
စာမူတည်းဖြတ်။ ။စောဖေ

#ချင်းလူငယ်
#ပြည်ပမထွက်ခွာရန်ပန်ကြား
#CDFမင်းတပ်
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာ့နိုင်ငံရေးအခြေအနေ တိုးတက်မှုမရှိဘဲ ပိုမိုဆိုးရွားလာနိုင်ကြောင်း စင်္ကာပူနဲ့ အမေရိကန်ပြော
=========================

မြန်မာပြည်ရဲ့ နိုင်ငံရေးအခြေအနေဟာ ၂ဝ၂၁ ခုနှစ် စစ်တပ်အာဏာသိမ်းခဲ့ချိန်ကစပြီး တစ်စုံတစ်ရာ တိုးတက်လာမှုအရိပ်အယောင် မရှိဘဲ ပိုမိုဆိုးရွားလာနိုင်တယ်လို့ ဝါရှင်တန်ဒီစီကိုရောက်နေတဲ့ စင်္ကာပူနိုင်ငံခြားရေးဝန်ကြီး Vivian Balakrishnan က အမေရိကန်နိုင်ငံခြားရေးဝန်ကြီး Antony Blinken နဲ့ ဇွန်လ ၁၆ ရက်နေ့က တွေ့ဆုံဆွေးနွေးမှုအပြီးမှာ ပြောကြားလိုက်ပါတယ်။

မြန်မာနိုင်ငံမှာ အကြမ်းဖက်မှုတွေကို ဆန့်ကျင်ကြောင်းအပြင် နိုင်ငံတည်ငြိမ်မှုမရှိဘဲ စီးပွားရေးနဲ့ အမျိုးသားပြန်လည်သင့်မြတ်ရေးတွေလည်း ယိုယွင်းနေကာ ဘုံသဘောတူညီချက် ၅ချက်နဲ့ပတ်သက်ပြီး တိုးတက်မှုမရှိဘူးလို့ စင်္ကာပူနိုင်ငံခြားရေးဝန်ကြီးက ဆိုထားပါတယ်။
မြန်မာနိုင်ငံမှာ စစ်တပ်အာဏာသိမ်းမှုနဲ့ အရပ်သားပြည်သူတွေအပေါ် လုံခြုံရေးတပ်ဖွဲ့တွေက အကြမ်းဖက်နှိပ်စက်တာတွေ ဆက်လက်ပြုကျင့်နေတာကို မိမိတို့ ဆန့်ကျင်ကြောင်း၊ နိုင်ငံတည်ငြိမ်မှုမရှိဘဲ စီးပွားရေးနဲ့ အမျိုးသားပြန်လည်သင့်မြတ်ရေးတွေလည်း ဆုတ်ယုတ်ယိုယွင်းနေကြောင်း စင်ကာပူနိုင်ငံခြားရေးဝန်ကြီးက ပြောခဲ့ပါတယ်။

အခုအချိန်မှာတော့ အာဆီယံအလှည့်ကျ ဥက္ကဌ အင်ဒိုနီးရှားက မြန်မာနိုင်ငံမှာ စစ်တပ်အာဏာသိမ်းတာကို လက်မခံတဲ့ အတိုက်အခံအဖွဲ့တွေ အပါအဝင် သက်ဆိုင်ရာအဖွဲ့အစည်းမျိုးစုံနဲ့ ကျယ်ကျယ်ပြန့်ပြန့် ဆွေးနွေးနေတယ်လို့လည်း ပြောပါတယ်။
အမေရိကန် နိုင်ငံခြားရေးဝန်ကြီး Antony Blinken ကလည်း စင်္ကပူနိုင်ငံခြားရေးဝန်ကြီးနဲ့ သဘောထားတူကြောင်းနဲ့ မြန်မာ့အရေး အာဆီယံရဲ့ ကြိုးပမ်းမှုကို ထောက်ခံအားပေး နေမှာဖြစ်ကြောင်းပြောပါတယ်။ .

https://youtu.be/7A7FOfc0jFQ

#PoliticalNews
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

ယူကရိန်းစစ်ပွဲကို ရပ်တန့်ပစ်ဖို့ ပူတင်ကို တောင်အာဖရိကနိုင်ငံသမ္မတ ရာမာဖိုဆာ ပြောကြား
========================

https://youtu.be/jPtOHjvUCFE

ထားဝယ်ခရိုင်တွင် ဒေါ်အောင်ဆန်းစုကြည်၏ ၇၈ နှစ်ပြည့် မွေးနေ့အထိမ်းအမှတ် လှုပ်ရှားမှု ပြုလုပ်
==============

ကိုရွှေမြိတ်
(မဇ္ဈိမ) ။ ။ တနင်္သာရီတိုင်း ထားဝယ်ခရိုင်တွင် ယနေ့ဇွန်လ ၁၉ ရက်နေ့တွင် ကျရောက်သော ၇၈ နှစ်ပြည့် ဒေါ်အောင်ဆန်းစုကြည်၏ မွေးနေ့အထမ်းအမှတ်အဖြစ် ဒေသခံများနှင့် ကာကွယ်ရေးတပ်ဖွဲ့ဝင်များက ချီတက်ဆန္ဒပြမှုနှင့် ပန်းသပိတ်လှုပ်ရှားမှု ပြုလုပ်ခဲ့ကြသည်။

ထားဝယ်ခရိုင် ရေဖြူမြို့နယ် ကံပေါက်ဒေသတွင် ဒေသခံများက ပန်းသပိတ်ပြုလုပ်ခဲ့ကြခြင်းဖြစ်ပြီး ဒေါ်အောင်ဆန်းစုကြည်၏ အဆိုမိန့်တစ်ခု ဖြစ်သော “တကယ့်အကျဉ်းထောင်ဟာ ကြောက်ရွံခြင်းဖြစ်ပြီး၊ စစ်မှန်တဲ့ လွတ်လပ်မှုဆိုတာ ကြောက်ရွံခြင်းမှ ကင်းလွတ်ရေးဖြစ်တယ်” ဆိုသည့် ဘန်နာနှင့် အတူ ပန်းပွင့်များပန်ဆင်လျက် ပြုလုပ်ခဲ့ကြခြင်း ဖြစ်သည်။

အလားတူ လောင်းလုံးမြို့နယ် ပြည်သူ့ကာကွယ်ရေး တပ်ဖွဲ့ (LLPDF) ကလည်း ယနေ့ ဇွန်လ ၁၉ ရက်နေ့တွင် ဒေါ်အောင်ဆန်းစုကြည်၏ ၇၈ နှစ်ပြည့် မွေးနေ့ပွဲ အထိမ်းအမှတ် ချီတက်ဆန္ဒပြခဲ့ကြသည်။

အာဏာသိမ်းပြီးနောက် စစ်ကောင်စီက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အမှုပေါင်း ၁၉ မှုဖြင့် စွပ်စွဲပြီး ထောင်ဒဏ် ၃၃ နှစ်ချမှတ်ကာ ဖမ်းဆီးထိန်းသိမ်းထားသည်။

ဒေါ်အောင်ဆန်းစုကြည်အနေဖြင့် ၎င်း၏ အသက် ၇၆ နှစ်နှင့် ၇၇ နှစ်ပြည့်မွေးနေ့တို့ကိုလည်း စစ်ကောင်စီဖမ်းဆီးချုပ်နှောင်ထားသည့် နေရာတွင်ပင် ဖြတ်သန်းခဲ့ရသည်။

စာတည်း။ ။ နောင်နောင်

#ဒေါ်အောင်ဆန်းစုကြည်မွေးနေ့
#၇၈နှစ်ပြည့်
#ပန်းသပိတ်
#Mizzima
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

မြန်မာ့နိုင်ငံရေးအခြေအနေ တိုးတက်မှုမရှိဘဲ ပိုမိုဆိုးရွားလာနိုင်ကြောင်း စင်္ကာပူနဲ့ အမေရိကန်ပြော

Watch more detail -https://youtu.be/7A7FOfc0jFQ

#PoliticalNews #reels #shorts #MizzimaTV

အာဏာသိမ်းကာလအတွင်း အမျိုးသမီးတွေ လိင်အကြမ်းဖက်ခံရမှု ၅၉ မှုရှိကြောင်း BWU ထုတ်ပြန်
=========================

စစ်တပ်အာဏာသိမ်းထားတဲ့ ကာလအတွင်းပဋိပက္ခဒေသ ငါးခုမှာ စစ်တပ်အပါအဝင်အခြားသော လက်နက်ကိုင်တပ်များမှ အမျိုးသမီးများအပေါ် လိင်ပိုင်းဆိုင်ရာ အကြမ်းဖက်မှုနဲ့ ကာမလိမ်လည်မှုပေါင်း ၅၉ မှုရှိကြောင်း  မြန်မာ့အမျိုးသမီးသမဂ္ဂက ဇွန်လ ၁၇ ရက်နေ့မှာ သတင်းထုတ်ပြန်လိုက်ပါတယ်။

မြန်မာ့အမျိုးသမီးသမဂ္ဂ BWU က ကရင်နီ(ကယား)၊ စစ်ကိုင်း၊ မကွေး၊ ပဲခူးနဲ့ ဧရာဝတီတိုင်း အစရှိတဲ့ တိုင်းနဲ့ပြည်နယ် ငါးခုကို အခြေခံပြီး သတင်းမီဒီယာတွေက ဖော်ပြတဲ့သတင်းအချက်အလက်အပြင် ဒေသခံတွေနဲ့တွေ့ဆုံပြီး မှတ်တမ်းကောက်ယူထားတာပါ။

အဆိုပါ ဒေသ ငါးခုမှာ လိင်ပိုင်းဆိုင်ရာအကြမ်းဖက်မှုများနဲ့ ပတ်သက်ပြီး စစ်တမ်းကောက်ယူရာမှာ  လိင်ပိုင်ဆိုင်းရာအကြမ်းဖက်မှု ၃၆ မှုနဲ့ အိမ်တွင်းအကြမ်းဖက်မှုအပါဝင် ကာမလိမ် လည်မှု ၂၃ မှုရှိကြောင်း နိုင်ငံရေးမတည်ငြိမ်မှုနဲ့အတူအမျိုးသမီးများ ရင်ဆိုင်နေရတဲ့ လိင်အကြမ်းဖက်မှုများ သုံးသပ်ချက်စာတမ်း( မြန်မာအမျိုးသမီးသမဂ္ဂ) မှာဖော်ပြထားပါတယ်။

အကြမ်းဖက်စစ်တပ် မကြာခဏထိုးစစ်ဆင်သောဒေသတွေမှာ စစ်ကောင်စီတပ်သားတွေက မီးဖွားပြီးစ မိခင်တစ်ဦးနဲ့ ကိုယ်ဝန်ဆောင် အမျိုးသမီးတစ်ဦးတို့ကို အုပ်စုဖွဲ့မုဒိမ်းကျင့်ခြင်း၊ အမျိုးသမီးများကို မုဒိမ်းကျင့်သတ်ဖြတ်ခြင်း အပါအဝင် ကလေးသူငယ်များမှ သက်ကြီးရွယ်အိုများအထိ လိင်ပိုင်ဆိုင်ရာကျူးလွန်နေကြောင်း အစီရင်ခံစာမှာ ပါရှိပါတယ်။

အဆိုပါအမှုတွေထဲမှာ စစ်တပ်မှ ကျူးလွန်တဲ့ အမှုတွေအပြင် အခြားလက်နက်ကိုင်အဖွဲ့များမှ ကျုးလွန်တဲ့ အမှုတွေနဲ့ အရပ်သားအချင်းချင်းကျူးလွန်သောအမှုများကိုလည်း ဖော်ပြထားပါတယ်။

https://youtu.be/Nf-hTuc_mxY

#PoliticalNews
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U

​​နတ်သံကွင်းတိုက်ပွဲအပြီး ပစ်ခတ်မှုများကြောင့် ဒေသခံ ၄၀ ထက်မနည်းထိခိုက်ပြီး ၂၀ ဦးသေဆုံး
=====================

ရွှေနွယ်
(မဇ္ဈိမ)။ ။ပဲခူးတိုင်း၊ ကျောက်ကြီးမြို့နယ်၊ နတ်သံကွင်းကျေးရွာတိုက်ပွဲအပြီး နှစ်ဖက်ပစ်ခတ်မှုများကြောင့် ဒေသခံ ၄၀ ဦးထက်မနည်းထိခိုက်ဒဏ်ရာရခဲ့ကာ ၂၀ ဦးခန့် သေဆုံးထားသည်ဟုဒေသခံများမှ သတင်း ပေးပို့သည်။

“ တိုက်ပွဲဖြစ်ပြီးတဲ့နောက်မှာပဲကို စစ်ကောင်စီတပ်ဘက်က လက်နက်ကြီးတွေ၊ မိုင်းတွေကြောင့် ထိတာ လည်းရှိသလို ကာကွယ်ရေးတပ်ဘက်ကဒရုန်းကြောင့် ထိခိုက်တာလည်း အနည်းအပါးရှိပါတယ်။ ကျနော် တို့လည်း စာရင်းပြုစုသူမဟုတ်တဲ့အတွက် အတိအကျမပြောနိုင်ဘူး။ ဒါပေမယ့် ရေတွက်ထားသလောက် အရတော့ အနီးစပ်ဆုံးပြောရရင် ၄၀ လောက် ထိခိုက်ဒဏ်ရာ ရထားပါတယ်။ ၂၀ လောက် သေဆုံးမှု ရှိပါ တယ်” ဟု နတ်သံကွင်းဒေသခံမှ မဇ္ဈိမသို့ပြောသည်။

ထိခိုက်ဒဏ်ရာရရှိသူများသည် တိုက်ပွဲအဓိကဖြစ်ပွားရာ နတ်သံကွင်းကျေးရွာအပါအဝင် အနီးအနား ကျေးရွာများမှဖြစ်ပြီး လက်ရှိတွင်ကျေးရွာအတွင်းမနေထိုင်ရဲကြတော့ဘဲ စစ်ဘေးရှောင်နေကြရသည်ဟု သိရသည်။

နတ်သံကွင်း၊ ဒေါင်းမို့၊ တောကြောင်ပေါက်၊ အုန်းပင်စု၊ ဥသျှစ်ကုန်း၊ ရေတွင်းကုန်းကြီး၊ ရေတွင်းကုန်းရွာ စသည့်ကျေးရွာများအပါအဝင် အနီးအနားကျေးရွာများမှ ဒေသခံများ စစ်ဘေးရှောင်နေကြရခြင်း ဖြစ် သည်။

စစ်ကောင်စီတပ်က နတ်သံကွင်းရွာအနီးတစ်ဝိုက်သို့ ၄၀ မမ၊ ၆၀ မမ၊ ၁၂၀ မမ စသည့် လက်နက်ကြီးများ ဖြင့် နေ့စဉ်ရမ်းသန်းပစ်ခတ်နေပြီး ရွာအဝင်လမ်းတွင်လည်း နင်းမိုင်းများ ထောင်ထားကြောင်း သိရသည်။

ထို့ကြောင့် ကျေးရွာများမှနေအိမ်များအတွင်း အရပ်သားများ မရှိကြတော့ဘဲ စစ်ကောင်စီတပ်မှ ဝင် ရောက်နေရာယူနေကြကြောင်း ဒေသခံများ၏ပြောဆိုချက်အရ သိရသည်။

အရပ်သားအပါအဝင် စစ်ကောင်စီတပ်နှင့် ကာကွယ်ရေးတပ်ဖွဲ့ဝင်များဘက်မှ ထိခိုက်ဒဏ်ရာရရှိသူများ နှင့် သေဆုံးသူများ၏ အသေးစိတ်အချက်အလက်များကို မဇ္ဈိမအနေဖြင့် သီးခြားအတည်ပြုနိုင်ခြင်း မရှိ သေးပေ။

တိုက်ပွဲအတွင်းဖျက်ဆီးခံခဲ့ရသော စစ်တောင်းမြစ်ကူးတံတားသည် စစ်ကောင်စီတပ်အတွက် အရေးပါ သော ထောက်ပို့လမ်းကြောင်းပေါ်တွင်တည်ရှိနေ၍ အဆိုပါတံတားကို အလျင်အမြန်ပြုပြင်နိုင်ရန် ကြိုး ပမ်းနေကြောင်းလည်း ဒေသခံများကဆိုသည်။

“တံတားဖျက်တာနဲ့ပတ်သက်လို့ စစ်ရေးအရနားလည်ကြသူတွေကတော့ ဘာဆိုတာသိကြပါတယ်။တချို့ ကျတော့လည်း တံတားပျက်သွားတော့ အခက်အခဲတွေရှိလာတဲ့အတွက် ဝေဖန်ကြတာလည်းရှိတယ်” ဟု နတ်သံကွင်းမှ စစ်ရှောင်နေရသူတဦးကဆိုသည်။
အဆိုပါ နတ်သံကွင်းရွာစစ်တောင်းမြစ်ကူးတံတားအား ပြီးခဲ့သည့် ဇွန်လ ၆ ရက်နေ့တွင် စစ်တောင်းမြစ် အရှေ့ဘက်ကမ်းကို ထိန်းချုပ်ရန်ရည်ရွယ်၍ KNLA ၊ PDF ပူးပေါင်းတပ်ဖွဲ့မှ ဖျက်ဆီးခဲ့ခြင်းဖြစ်သည်။

နတ်သံကွင်းတိုက်ပွဲအတွင်း စစ်ကောင်စီ၏စခန်းနေရာငါးခုကို တပြိုင်တည်းစီးနင်းတိုက်ခိုက်ခဲ့ပြီး စစ် ကောင်စီတပ်သား ၄၀ သေဆုံး၊ ၁၃ ဦးဒဏ်ရာရရှိကာ လက်နက်ခဲယမ်း အများပြားသိမ်းဆည်းနိုင်ခဲ့ ကြောင်း KNU မှ ထုတ်ပြန်ထားသည်။

စာတည်း ။ ။ Alden
စာမူတည်းဖြတ်။ ။စောဖေ

#နတ်သံကွင်း
#ဒေသခံ
#စစ်တောင်းမြစ်ကူးတံတား
#သေဆုံး
#ဒဏ်ရာရ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U

June - 19 [2 Pm] Mizzima News Hour

Mizzima Headline News

#2pmnews #mizzimanewshour #reels #shorts