Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
“လမ်းအားလုံး နေပြည်တော်သို့” စစ်ရေးစီမံချက်ကို အကောင်အထည်ဖော်နေကြောင်း NUG ကာကွယ် ရေး၀န်ကြီး ပြောကြား
❤24😁4😍1
“လမ်းအားလုံး နေပြည်တော်သို့” စစ်ရေးစီမံချက်ကို အကောင်အထည်ဖော်နေကြောင်း NUG ကာကွယ် ရေး၀န်ကြီး ပြောကြား
=====================

ရောင်နီ
(မဇ္စျိမ)။ ။“လမ်းအားလုံး နေပြည်တော်သို့” ဟု အမည်ပေးထားသည့် စစ်ရေးစီမံချက်ကို အကောင် အထည်ဖော်နေပြီး ယခုနှစ်အတွင်း စစ်ကောင်စီတပ်ကို စစ်ရေးအရ သိသိသာသာ အသာစီးယူနိုင်ရန် မျှော်မှန်းထားကြောင်း NUG ကာကွယ်ရေး၀န်ကြီး ဦးရည်မွန်က ပြောသည်။

ယခုနှစ်အတွင်း ဖြစ်ပေါ်လာနိုင်သည့် စစ်ရေးအခြေအနေများနှင့်ပတ်သက်ပြီး မြန်မာနောင်းသတင်းဌာန ၏ ဆက်သွယ်မေးမြန်းမှုကို ဖြေကြားရာတွင် ဦးရည်မွန်က အထက်ပါ အတိုင်း ထည့်သွင်းပြောကြားခဲ့ခြင်း ဖြစ်သည်။

“ ကျွန်တော်တို့ရဲ့ စစ်ရေးဆောင်ရွက်ချက်က နေပြည်တော်ကိုပဲ ဦးတည်ပါတယ်။ ဘာကြောင့်လဲဆိုရင် နေပြည်တော်ဆိုတာ စစ်ကောင်စီရဲ့အသဲနှလုံး၊ အဲဒီတော့ အခုအချိန်မှာ ကျွန်တော်တို့ လမ်းအားလုံး နေပြည်တော်သို့ အမည်ပေးထားတဲ့ စစ်ရေးစီမံချက်တစ်ခုလည်း One Year ပလန်နဲ့တွဲပြီး အကောင် အထည်ဖော်နေတာဖြစ်တယ်လို့ အသိပေးလိုပါတယ်” ဟု NUG ကာကွယ်ရေး၀န်ကြီး ဦးရည်မွန်က ပြောသည်။

“လမ်းအားလုံး နေပြည်တော်သို့” ဟု အမည်ပေးထားသည့်စစ်ရေးစီမံချက်တွင် ရန်သူ့စိုးမိုးနယ်မြေများကို ထိုးဖောက်ရေးစီမံချက်၊ မိမိတို့စိုးမိုးနယ်မြေနှင့် ERO ထိန်းချုပ်နယ်မြေများတွင် အကောင်အထည်ဖော် မည့်စီမံချက်များပါ၀င်ပြီး နယ်မြေအလိုက် အကောင်အထည်ဖော်ရင်းမှတဆင့် တော်လှန်ရေးကို လက် တွေ့ဆင်နွှဲနေကြောင်း ၎င်းက ဆိုသည်။

လက်ရှိ တော်လှန်ရေးအခြေအနေတွင် မဟာဗျူဟာမြောက် တပ်တည်ဆောက်မှုနှင့် တပ်ဖြန့်နေရာယူမှု ပြီးစီးပြီဖြစ်ပြီး ရန်သူကို နေရာတိုင်းတွင် တိုက်ခိုက်နိုင်သည့်အနေအထားဖြစ်ကြောင်း ဦးရည်မွန်က ပြော သည်။

ယင်းအပြင် ဧရာ၀တီမြစ်မြောက်ဘက်ပိုင်းကချင်ပြည်နယ်မှ တောင်ဖျား ဧရာ၀တီတိုင်းအထိ စစ်မျက်နှာ ဖွင့်လှစ်လိုက်ပြီဖြစ်ပြီး မကွေးတိုင်းမြောက်ခြမ်းအထိ ကောင်းကောင်းစိုးမိုးနိုင်သည့် အနေအထားဖြစ် ကြောင်း ဦးရည်မွန်က ဆိုသည်။

ထို့ပြင် ယခုလပိုင်း၏ သိသာသည့်တိုးတက်မှုအဖြစ် ပဲခူးတိုင်းအရှေ့ခြမ်း စစ်တောင်းမြစ်၏ အရှေ့ဘက် ကမ်းတွင် နယ်မြေစိုးမိုးထိန်းချုပ်နိုင်စွမ်းပိုကောင်းလာပြီဟု ပြော၍ရကြောင်းလည်း ၎င်းကပြောသည်။

“ အခုအချိန်ထိ ရန်သူစိုးမိုးနယ်မြေတွေလို့ ပြောနိုင်သေးတဲ့ဒေသတွေ၊ ဒီထဲမှာ မန္တလေး၊ နေပြည်တော်၊ မကွေး၊ ရန်ကုန်၊ ဧရာ၀တီပေ့ါ။ ဒီဒေသတွေမှာလည်း ကျွန်တော်တို့ရဲ့ စစ်ရေးအရှိန် ဒီထက်ပိုပြီးတော့ မြှင့် တင့်နိုင်လိမ့်မယ်လို့ ယုံကြည်ပါတယ်။ ချူပ်မယ်ဆိုရင် ဒီနှစ်ထဲမှာ စစ်ရေးအရ ရန်သူ့အပေါ်မှာ သိသိသာ သာ အသာစီးယူနိုင်လိမ့်မယ်လို့ မျှော်မှန်းထားပါတယ်” ဟု ဦးရည်မွန်က မြန်မာနောင်း၏ မေးမြန်းမှုတွင် ဖြေကြားထားသည်။

ထို့ပြင် တော်လှန်ရေး၏ရည်ရွယ်ချက်သည် စနစ်ပြောင်းရေးဖြစ်ပြီး စစ်အာဏာရှင်စနစ်မှ ဖက်ဒရယ် ဒီမို ကရေစီစနစ်ကို ပြောင်းနိုင်ပြီဆိုသည့်အချိန်မှ တော်လှန်ရေးပြီးမည်ဖြစ်ကြောင်း ဦးရည်မွန်က ဆိုသည်။

စစ်ကောင်စီတပ်နှင့် စစ်အာဏာရှင်များ၏ ခေါင်းထဲ၀င်နေသည့် အင်မတန်ညစ်ညမ်းသည့် ဖက်ဆစ် အတွေးအခေါ် စစ်အာဏာရှင်အတွေးအခေါ်များကို အမြန်ဆုံး ရှင်းလင်းဖျက်သိမ်းနိုင်ပါက တော်လှန်ရေး အောင်ပွဲသည် လက်တကမ်းအကွာတွင်ရှိနေပြီဟု ယုံကြည်ပါကြောင်းလည်း ၎င်းက ထပ်လောင်းပြော ကြားခဲ့သည်။

ယင်းအပြင် ပြည်သူပါ၀င်မှုကြောင့်သာ ပြည်သူ့တော်လှန်ရေးဟုပြောနိုင်ခြင်းဖြစ်ပြီး လက်ရှိ တော်လှန် ရေးအား ပြည်သူလူထု၏ပါ၀င်မှုနှင့်အတူ ပန်းတိုင်ရောက်သည်အထိ မဆုတ်မနစ်ချီတက်သွားမည် ဖြစ် ကြောင်း NUG ကာကွယ်ရေး၀န်ကြီး ဦးရည်မွန်က ပြောဆိုခဲ့သည်။

ပုံစာ - ပြည်သူ့ကာကွယ်ရေးတပ်မတော်(PDF) မကွေးခရိုင် အမှတ်(၂)တပ်ရင်းမှရဲဘော်များ စစ်ဆင်ရေး လေ့ကျင့်ပြင်ဆင်နေကြစဥ်။

ပုံ - NUG ကာကွယ်ရေး၀န်ကြီးဌာန။
စာတည်း။ ။စောဖေ
စာမူတည်းဖြတ်။ ။စောဖေ

#အမျိုးသားညီညွတ်ရေးအစိုးရ(NUG)
#ကာကွယ်ရေးဝန်ကြီးဌာန
#လမ်းအားလုံးနေပြည်တော်သို့
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍30😁4❤3
ဖက်ဒရယ်နိုင်ငံရေးစနစ်နဲ့ဖွဲ့စည်းအုပ်ချုပ်ပုံအခြေခံဥပဒေရေးဆွဲရေးလုပ်ငန်းစဉ်| Beyond Panglong OathEp10
=================

ပင်လုံသစ္စာအလွန် ဖက်ဒရယ်ရေးရာ ဆွေးနွေးစရာများ အပိုင်း(၁၀) | မြန်မာနိုင်ငံမှာ ဒီကနေ့ ကြုံတွေ့နေရတဲ့ နိုင်ငံရေးပြဿနာရဲ့ ထွက်ပေါက်ဟာ စစ်မှန်တဲ့ ဖက်ဒရယ်စနစ်ကို အခြေခံတဲ့ ဒီမိုကရေစီစနစ် ဖေါ်ဆောင်ရေးဖြစ်တယ်လို့ အားလုံးက တညီတညွတ်တည်း ပြောနေကြပါတယ်။ နိုင်ငံရေးအင်အားစုတွေက ဖက်ဒရယ်ကိစ္စကို ကျယ်ကျယ်လောင်လောင် ပြောဆိုဆွေးနွေးနေကြတဲ့ အခုလိုအချိန်မှာ ဖက်ဒရယ်နဲ့ ပတ်သက်လို့ စဥ်းစားဖို့ လိုအပ်တဲ့ နိုင်ငံရေးသီအိုရီပိုင်းဆိုင်ရာတွေကို အစဖေါ်ထုတ်ပေးတဲ့အနေနဲ့ “ပင်လုံသစ္စာအလွန်၊ ဖက်ဒရယ်ရေးရာ ဆွေးနွေးစရာများ” အစီအစဥ်ကို Mizzima TV ကနေ ဗုဒ္ဓဟူးနေ့ ည ၇နာရီခွဲတိုင်း တင်ဆက်ပေးနေပါတယ်။
နိုင်ငံရေးသိပ္ပံ လေ့လာသူဒေါ်ခင်မမမျိုးနဲ့ ဖက်ဒရယ်နဲ့ အခြေခံဥပဒေရေးရာ လေ့လာသူ ဦးခင်မောင်၀င်းတို့က ဆွေးနွေးတင်ဆက်သွားမှာဖြစ်ပြီး Mizzima News In Burmese Facebook Page နဲ့ Mizzima TV YouTube Channel တို့မှာလည်း အချိန်မရွေး ပြန်လည်ကြည့်ရှုနိုင်ပါတယ်။

https://youtu.be/tMfmOZ8Jr-U

#ပင်လုံသစ္စာ
#ဖက်ဒရယ်
#MizzimaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍13🤮2🔥1
ပန်းနဲ့သေနတ်စီးချင်းထိုးပွဲ
============

မိုးသောက်
(မဇ္ဈိမ) ။ ။ပန်းဆိုသည်မှာ လှ‌ပသောအဆင်းနှင့် ဆွတ်ပျံ့သော ရနံ့ရှိ၏။ လူမှုဘဝပတ်ဝန်းကျင်ကို လှပကြည်လင်စေ၏။ သေနတ်ဆိုသည်မှာ လူသတ်လက်နက်ဖြစ်၏။ သွေးညှီနံ့ စွန်းပေ၏။ လူမှုဘဝပတ်ဝန်းကျင်ကို ထိန့်လန့်တုန်လှုပ်စေ၏။
ဒါတွေက ပန်းနဲ့သေနတ်ရဲ့ ပကတိအရှိတရား ဝိသေသ‌လက္ခဏာတွေဖြစ်ပါတယ်။

နောက်ထပ်ပကတိအရှိတရား ဖြစ်ရပ်လည်း ရှိပါသေးတယ်။ပန်းပန်‌တဲ့သူတွေကို သေနတ်ကိုင်ထားတဲ့ လူအုပ်စုက ကြောက်ပြီးသေနတ်အားကိုးနဲ့ အနိုင်အထက်ပြုကျင့်ဖမ်းဆီးခဲ့တဲ့ဖြစ်ရပ်ပါ။မြန်မာနိုင်ငံမှာ မ‌နေ့တနေ့က ဖြစ်ခဲ့တဲ့ အဖြစ်အပျက်တစ်ခုလည်း ဖြစ်ပါတယ်။

၂၀၂၃ ခုနှစ်၊ ဇွန်လ ၁၉ရက်။
ချစ်ခင်မြတ်နိုးသူ ပြည်သူများက အမေစုလို့ အမြတ် တနိုးခေါ်ကြတဲ့ နိုင်ငံတော်အတိုင်ပင်ခံပုဂ္ဂိုလ်‌ဒေါ်အောင်ဆန်းစုကြည်ရဲ့ ၇၈နှစ်မြောက်မွေးနေ့။ ဘီလူးခေါင်းဆောင်းထားတဲ့ စစ်အာဏာရှင်ရဲ့ သရုပ်မှန်ကို live လွှင့်နေတဲ့ဘောလုံးပွဲတိုက်ရိုက်ကြည့်နေရသလို ပြည်သူလူထုက အဲ့ဒီနေ့မှာ နောက်ထပ် ထင်ထင်ရှားရှား မြင်ခဲ့ကြရပြန်ပါတယ်။ ရန်ကုန်မြို့၊ကမာရွတ်မြို့နယ်၊ Junction Square ရှေ့လမ်းပေါ်မှာ
👍20🔥2😁1
ထီးတစ်လက်၊ ပိုက်ဆံအိတ်အသေးတစ်လုံးနဲ့ နှင်းဆီပန်းတစ်ပွင့်ကိုကိုင်ပြီး လမ်းလျှောက်လာတဲ့အမျိုးသမီးကို လက်နက်ကိုင်စစ်ကောင်စီတပ်သားတွေက ဖမ်းဆီးပြီး စစ်ကားပေါ် တွန်းတင်လိုက်ပါတယ်။

ဇွန်လ၁၉ရက်နေ့က အဲဒီနားမှာသူမအပါအဝင် ဖြတ်လျှောက်လာသမျှလူတိုင်းကိုပန်းပန်ထားတာဖြစ်စေ ၊ပန်းဝယ်လာတာဖြစ်စေ တွေ့တာနဲ့ စစ်ကောင်စီတပ် သားတွေက စစ်ဆေးဖမ်းဆီးနေတာကို အဆောက် အဦတစ်ခုပေါ်ကနေ တိတ်တဆိတ်ရိုက်ကူးထားတဲ့ ၄မိနစ်ကြာဗီဒီယိုဖိုင်ကသက်သေခံနေပါတယ်။ ရန်ကုန်မြို့အပါအဝင် မြို့ကြီးတွေမှာ စစ်ကောင်စီတပ် သားတွေ ဦးဆောင်တဲ့ ဒီလိုဖမ်းဆီးမှုမှတ်တမ်းဓာတ် ပုံနဲ့ဗီဒီယိုတွေ ထွက်ပေါ်ခဲ့ပါတယ်။
“အမေစုမွေးနေ့မှာ ပန်းဝယ်သမျှလူတွေ၊ ပန်းပန်လာတဲ့သူတွေကို သူတို့ကတွေ့ရင် စစ်တော့တာပဲ” လို့ ရန်ကုန်မြို့နေ အမျိုးသမီးတစ်ဦးကဆိုပါတယ်။

ဇွန်လ၁၉ရက်၊ လူထုခေါင်းဆောင်ဒေါ်အောင်ဆန်းစုကြည်ရဲ့ ၇၈နှစ်ပြည့်မွေးနေ့မှာ တော်လှန်ရေးအင်အားစုတွေနဲ့ ဒီမိုကရေစီအရေးလှုပ်ရှားသူတွေ၊ ပြည်သူ့ကာကွယ်ရေးရဲဘော်တွေက ပန်းသပိတ်ပြုလုပ်ကြဖို့ တိုက်တွန်းခဲ့ကြပါတယ်။နေပြည်တော်ကအချုပ်ထောင်ထဲမှာ လူ့သက်တမ်းတစ်ဝက်ခန့်ကာလကြာ နှစ်ရှည်ထောင်ဒဏ်ချမှတ်ခံထားရတဲ့ လူထုခေါင်းဆောင်ကို ချစ်မြတ်နိုးကြတဲ့ ပြည်သူတွေက “ဗေဒါပျံ အံကိုခဲ ပန်းပန်လျက်ပဲ” လို့ကြွေးကြော်ပြီး ပန်းသပိတ်မှာ ရဲရဲတောက်ပါဝင်ခဲ့ကြပါတယ်။

ပန်းသပိတ်မှာ ပန်းပန်ပြီးပါဝင်ခဲ့ကြသူတွေရှိကြသလို လူမှုကွန်ရက်စာမျက်နှာတွေမှာလည်း လူထုခေါင်းဆောင်ကျန်းမာစေဖို့၊ အားတင်းထားဖို့စတဲ့ဆုတောင်းစကားတွေနဲ့ ပါဝင်ဆင်နွှဲခဲ့ကြသူအများအပြားလည်းရှိခဲ့ပါတယ်။

“ကြောက်တာကသတ္တိမဟုတ်ဘူး။ ကြောက်ရဲ့သားနဲ့ ကိုယ်လုပ်ချင်တာကို လုပ်ရဲတာကသတ္တိပဲ"လို့ လူထုခေါင်းဆောင်ပြောကြားထားတဲ့ စာသားနဲ့အတူ နှင်း ဆီပန်းပန်ပြီး လူမှုကွန်ရက် စာမျက်နှာပေါ်ဓာတ်ပုံတင်ခဲ့တဲ့ ရန်ကုန်မြို့က လူငယ်တစ်ဦးကိုလည်း စစ်ကောင်စီက ဖမ်းဆီးခဲ့ပါသေးတယ်။ဖမ်းဆီးချိန်မှာ စစ်ကောင်စီတပ်သားတွေက သေနတ်တွေနဲ့ ဝိုင်းချိန်ပြီး ရာဇဝတ်သားတစ်ယောက်ကို ဖမ်းသလို ဖမ်းသွားတာလို့ ပတ်ဝန်းကျင်မှာ ရှိနေသူတွေက ပြောပြပါတယ်။

ဇွန်လ၁၉ရက်နေ့တနေ့လုံး ပန်းသပိတ်မှာပါဝင်လို့ဆိုပြီး ဖမ်းဆီးခံရသူ နိုင်ငံတဝန်း ၁၀၀ကျော် ရှိနိုင်တယ်လို့ ဒေသတွင်းသတင်းမီဒီယာတွေရဲ့ ဖော်ပြချက်တွေနဲ့ တော်လှန်ရေးအဖွဲ့တွေထံကနေသိရပါတယ်။

စစ်အာဏာသိမ်းပြီးတဲ့နောက် ဇွန်လ၁၉ရက်တိုင်းမှာ ဒေါ်အောင်ဆန်းစုကြည်မွေးနေ့အတွက်ရည်ရွယ်ပြီး တော်လှန်သွေးတွေ မအေးသေးကြောင်း ပြသဖို့ ပန်းသပိတ်ကို နှစ်စဉ်ပြုလုပ်ကြတာပါ။ စစ်ကောင်စီကလည်း လူထုခေါင်းဆောင်ရဲ့ မွေးနေ့ပန်းသပိတ်မှာ ပါဝင်ဆင်နွှဲတဲ့ ပြည်သူတွေကို သေနတ်တပြင်ပြင်နဲ့ နှိပ်ကွပ်ဖမ်းဆီးခဲ့တာပါပဲ။

စစ်ကောင်စီက ပြည်သူတွေကို ဖမ်းဆီးတာတွေ၊ သတ်ဖြတ်တာတွေက ဇွန်လ၁၉ရက်နေ့ တစ်ရက်တည်းမဟုတ်ပါဘူး။ အာဏာသိမ်းလိုက်တဲ့ ၂၀၂၁ခုနှစ် ဖေဖော်ဝါရီလ ၁ရက်နေ့ကစလို့ ဒေါ်အောင်ဆန်းစုကြည်အပါအဝင် အရပ်သားအစိုးရ ခေါင်းဆောင်တွေ၊ ဒီမိုကရေစီရေးလှုပ်ရှားသူတွေကို အကြောင်းအမျိုးမျိုးပြ ဖမ်းဆီးသတ်ဖြတ်နေတာဖြစ်ပါတယ်။

ဒါပေမယ့် ပန်းပန်လာသူတွေကို သေနတ်တကား ကားနဲ့ ဖမ်းဆီးတဲ့ မြင်ကွင်းတွေကတော့ မြင်သာထင်သာရှိတဲ့ အကျည်းတန်တဲ့မြင်ကွင်းဖြစ်သလို စစ်ခေါင်း ဆောင်နဲ့ နောက်လိုက်တွေရဲ့ သူရဲဘော ကြောင်တဲ့လုပ်ရပ်လို့ ပြည်သူတွေက မှတ်ချက်ပြုပါတယ်။
“သက်မဲ့ ပန်းလေးတွေကိုတောင် ကြောက်နေတာကတော့ သူတို့ဘက်က စစ်ရေးမှာနိမ့်ကျနေတာကိုပြသနေတာပါပဲ” လို့ အမျိုးသားဒီမိုကရေစီအဖွဲ့ချုပ် ပါတီဗဟိုအလုပ်ကော်မတီဝင် ဒေါက်တာမေဝင်းမြင့်က ကောက်ချက်ချပါတယ်။

အာဏာသိမ်းစက “ခေတ်ကိုပြောင်းချင်ရင် ခေါင်းကိုပစ်” လို့ ယတြာလိုလို၊ ဆောင်ပုဒ်လိုလို ကြွေးကြော် သံနဲ့ လူထုအပေါ်ရက်ရက်စက်စက်သတ်ဖြတ်ခဲ့တဲ့စစ်ကောင်စီတပ်ကို ပြည်သူလူထုက လက်နက်စွဲ ကိုင် တိုက်ခိုက်နေကြတာ နှစ်နှစ်ကျော်ကာလ ရောက်လာပါပြီ။အခုတော့အာဏာသိမ်းစစ်တပ်ဟာ ပြည်သူ့ခုခံစစ်ကိုလေကြောင်းမပါဘဲ မတိုက်ရဲတော့သလို သူအုပ်ချုပ်မှုနယ်မြေ‌တွေ တဖြည်းဖြည်းလက်လွှတ်ဆုံးရှုံးရတဲ့အထိကို စစ်ရေးအခြေအနေနိမ့်ပါးလာနေပါတယ်။

ဒါကြောင့်လည်း စစ်ကောင်စီယန္တရား လှုပ်လီလှုပ်လဲ့လည်ပတ်နေဆဲ လက်ကျန်မြို့တွေမှာအုပ်ချုပ်ရေးအာဏာအသက်ဆက်ဖို့အတွက် ပန်းပန်တဲ့သူတွေကိုတောင် သေနတ်‌ထောက်ဖမ်းဆီးနေတာလို့လည်း အညာဒေသက တော်လှန်ရေးရဲဘော်တွေ ပြောပါတယ်။

စစ်ကောင်စီခြေချခွင့်မရတော့တဲ့ တော်လှန်ရေးအဖွဲ့တွေ စိုးမိုးထားတဲ့နယ်မြေအချို့မှာတော့ ဒေါ်အောင်ဆန်းစုကြည်ရဲ့ မွေးနေ့ပွဲကို အရောင်စုံပန်းတွေ ပန်ပြီးခြိမ့်ခြိမ့်သဲသဲ ကျင်းပနိုင်နေပါပြီ။တတိုင်းပြည်လုံး ဒေသအနှံ့မှာ ပန်းတွေကိုလွတ်လွတ်လပ်လပ် ပန်ဆင်ပြီး လူထုခေါင်းဆောင်ရဲ့မွေးနေ့ကို ပျော်ပျော်ပါးပါး ကျင်းပနိုင်မယ့်နေ့ရက်ကိုရောက်ဖို့အတွက် နည်းပေါင်းစုံနဲ့ကြိုးစားနေကြတယ်လို့ တော်လှန်ရေးအဖွဲ့တွေက သတင်းစကားပါးပါတယ်။

စာတည်း - မောင်ကြီး

#mizzima
#ပန်းနဲ့သေနတ်စီးချင်းထိုးပွဲ
👍26🔥4❤3
​​ဒေါ်အောင်ဆန်းစုကြည်မွေးနေ့ ဆုတောင်းပေးသောကြောင့် သရုပ်ဆောင်ပိုးကြာဖြူခင် ဖမ်းဆီးစစ်ကြောခံရ
=====================

ဂန္ဒမာ
(မဇ္ဈိမ) ။ ။ လူထုခေါင်းဆောင် ဒေါ်အောင်ဆန်းစုကြည်၏ မွေးနေ့အား လူမှုကွန်ရက်စာမျက်နှာပေါ်တွင် ဆုတောင်းပိုစ့် (Post) တင်ခဲ့သောကြောင့် သရုပ်ဆောင် ပိုးကြာဖြူခင်အား ဇွန်လ ၁၉ ရက်ကစတင်ကာ စစ်ကောင်စီတပ်မှ ဖမ်းဆီးစစ်ကြောနေကြောင်း သိရသည်။

" ဇွန် ၁၉ နေ့က "ငြိမ်းချမ်းသောမွေးနေ့ဖြစ်ပါစေ" လို့ သူ့ဖေ့ဘုတ် (Facebook) မှာတင်လို့ သူ့အိမ်မှာ လာဖမ်းသွားတာပါ။ ငွေလိုချင်လို့၊ ငွေညှစ်ချင်လို့ပါဗျာ " ဟူ၍ တရားရေးနီး အသိုင်းအဝိုင်းနှင့် နီးစပ်သူတစ်ဦးက မဇ္ဈိမသို့ အတည်ပြုပြောသည်။

စစ်အာဏာသိမ်းမှုအားဆန့်ကျင်တော်လှန်သောပုဂ္ဂိုလ်များနှင့်စပ်လျဉ်း၍ ပတ်သက်ဆက်နွယ်သည့် အရေးအသားများအား လူမှုကွန်ရက်စာမျက်နှာတွင် ဖော်ပြမိလျှင် စစ်တပ်လော်ဘီ ဟန်ငြိမ်းဦးအမည်ခံ တယ်လီဂရမ်ချန်နယ်များမှ ထိုသူများအားဖမ်းဆီးရန် နာမည်၊ နေရပ်လိပ်စာနှင့် အကြောင်းအရာ အချက်အလက်အတိအကျကိုဖော်ပြပြီး တိုက်တွန်း‌လေ့ရှိကြောင်း တွေ့မြင်ရသည်။
ထိုထဲတွင် သရုပ်ဆောင် ပိုးကြာဖြူခင်နှင့် ၎င်း၏မိခင်လည်းပါဝင်ခဲ့ပြီး သူမတို့နှစ်ဦးကို ဖမ်းဆီးရန် ဇွန်လ ၁၉ ရက်နေ့က ဖော်ပြထားမှုများရှိခဲ့သည်။

ဒေါ်အောင်ဆန်းစုကြည်အား ဖေစ့်ဘွတ်တွင် မွေးနေ့ဆုတောင်းပေးသည့် သရုပ်ဆောင် ပိုးကြာဖြူခင် ဖမ်းဆီးခံရခြင်းနှင့်ပတ်သက်၍ ပြည်သူတစ်ဦးက ယခုကဲ့သို့မှတ်ချက်ပြုသည်။

" အဲ့တာကြောင့် ဒီနိုင်ငံထဲနေရင် ဘာမှကို မshare ရဲ၊ မရေးရဲ၊ like မလုပ်ရဲ၊ သူတို့ဖမ်းချင်ရင် like လုပ်တာကအစ အပြစ်ရှာတာ detail (အသေးစိတ်) ကျကျ " ဟူ၍ ဆိုသည်။

ဒေါ်အောင်ဆန်းစုကြည်၏ မွေးနေ့တွင် ပန်းသပိတ်ပြုလုပ်ကြသူများ၊ ပန်းပွင့်ကိုင်ဆောင် သွားလာကြသူများ၊ ပန်းရောင်းချသူ၊ ဝေငှသူများကိုလည်း စစ်ကောင်စီတပ်မှ လိုက်လံရှာဖွေ ဖမ်းဆီးမှုများ ပြုလုပ်ခဲ့သေးသည်။

စာတည်း ။ ။ Alden
စာမူတည်းဖြတ်။ ။သန့်ဇော်(သန်လျင်)

#သရုပ်ဆောင်
#ပိုးကြာဖြူခင်
#မွေးနေ့ဆုတောင်း
#ဒေါ်အောင်ဆန်းစုကြည်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍19👎4😁4💩3😡2