Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ထောင်တွင်းအကျဉ်းချခံထားရသော နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အသက် ၇၈ နှစ်ပြည့်မွေးနေ့ပွဲ အထိမ်းအမှတ်ကို အင်္ဂလန်နိုင်ငံ လန်ဒန်မြို့တွင် ယမန်နေ့ (ဇွန်လ ၂၅ ရက်)က ကျင်းပရာ ယူကေရောက် မြန်မာ ၁၀၀၀ ဝန်းကျင်တက်ရောက်ခဲ့ကြသည်။

လန်ဒန်ရှိ တူဒေါပါ့ခ် အားကစားနှင့် အပန်းဖြေစင်တာတွင် ကျင်းပသော မွေးနေ့အထိမ်းအမှတ်ပွဲတွင် ဒေါ်အောင်ဆန်းစုကြည်၏သားငယ် ကိုထိန်လင်း (Kim)က စစ်ကောင်စီကဖမ်းဆီးထားသော သူ၏မိခင်ဖြစ်သူနှင့် နိုင်ငံရေးအကျဉ်းသားများကို အမြန်ဆုံးလွှတ်ပေးရန် တောင်းဆိုသွားခဲ့သည်။

အမျိုးသားညီညွတ်ရေးအစိုးရကိုယ်စားလှယ်များဖြစ်ကြသော ဦးမောင်မောင်အောင်နှင့် ဒေါက်တာသက်ကိုကိုတို့လည်း အမှာစကားပြောသွားခဲ့ကြသည်။
👍19❤10🥰3🤮1
ဖက်ဒရယ်ဒီမိုကရေစီစနစ် အသွင်ကူးပြောင်းဖို့ အမေရိကန်နဲ့အိန္ဒိယရဲ့တောင်းဆိုချက် စစ်ကောင်စီကန့်ကွက်
===============

အာဏာသိမ်း စစ်ကောင်စီက ဝေဖန်ကန့်ကွက်လိုက်ပါတယ်။
ဒီမိုကရေစီနဲ့ဖက်ဒရယ်စနစ်ကို အခြေခံတဲ့ ပြည်ထောင်စု တည်ဆောက်ရေးကို နိုင်ငံတကာ အသိုင်းအဝိုင်းက အပြုသဘော ပူးပေါင်းပေးကြဖို့လိုပြီး အကြမ်းဖက်လုပ်ရပ်တွေကို ရှုတ်ချသွားဖို့လိုတယ်လို့ စစ်ကောင်စီရဲ့ နိုင်ငံခြားရေးဝန်ကြီးဌာနက ပြန်လည်တုန့်ပြန်ထားတာဖြစ်ပါတယ်။

စစ်ကောင်စီရဲ့ ဇွန်လ ၂၅ ရက်နေ့ထုတ်ပြန်တဲ့ ကြေညာချက်မှာတော့  မြန်မာနိုင်ငံမှာ ဒီမိုကရေစီနဲ့ ဖက်ဒရယ်စနစ်ကို အခြေခံတဲ့ ပြည်ထောင်စု တည်ဆောက်ရန် ကြိုးပမ်းဆောင်ရွက်လျက်ရှိပြီး ယင်းသို့ ကြိုးစားနေမှုကို နိုင်ငံတကာအသိုင်းအဝိုင်းအနေဖြင့် နားလည်မှု၊ အားပေးမှုနဲ့ အပြုသဘောပူးပေါင်း ဆောင်ရွက်မှုများ ပေးအပ်ရန်လိုအပ်ကြောင်း ၊ နိုင်ငံတည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးကို ပျက်ပြားစေတဲ့ မည်သည့်အကြမ်းဖက်မှု လုပ်ရပ်မျိုးကိုမဆို ဆန့်ကျင်ရှုတ်ချသွားရန် လိုအပ်ကြောင်း ထည့်သွင်း ပြောကြားထားပါတယ်။

ဒါ့အပြင် အမေရိကန်နဲ့ အိန္ဒိယနှစ်နိုင်ငံ ပူးတွဲကြေညာချက်မှာ ထည့်သွင်းတောင်းဆိုသွားတဲ့ မြန်မာနိုင်ငံအတွင်း ဥပဒေမဲ့ ဖမ်းဆီးခံထားရသူများအား အမြန်ဆုံးပြန်လွှတ်ပေးရန်တောင်းဆိုမှုနဲ့ ပတ်သက်ပြီးတော့လည်း စစ်ကောင်စီ နိုင်ငံခြားရေးဝန်ကြီးဌာနက ငြင်းချက်ထုတ်ထားပါတယ်။
စစ်ကောင်စီက ဘယ်သူ့ကိုမှ ဥပဒေမဲ့ ဖမ်းဆီးထားတာမရှိဘူးလို့ ထုတ်ပြန်ချက်ထဲမှာ တုံ့ပြန်ပြောဆိုထားပါတယ်။

https://youtu.be/G-50Nx6DiJY

#PoliticalNews
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
😁16👍8🤮2👏1
ဇွန်လ (၂၆)ရက်၊ မွန်းတည့် ၁၂ နာရီ Mizzima News Hour မဇ္စျိမသတင်းအစီအစဥ်
=====================

00:55 - မန္တလေးရွှေဆိုင်တွေ အရောင်းပိတ်ပြီး အ၀ယ်သာရှိတော့တဲ့ သတင်း

02:40 - ဖမ်းဆီးသတ်ဖြတ်ခံနေရလို့ ပုပ္ပါးမျောက်မြီးရှည် တွေမျိုးတုန်းတော့မယ် အကြောင်း

08:42 - မယ်စဲ့မြို့ပေါ်မှာ လုံးဝနေလို့မရတော့ဘဲ ပြည်သူအကုန်လုံးစစ်ရှောင်နေကြပြီး မယ်စဲ့မြို့ရဲ့ နောက်ဆုံးရအခြေအနေနဲ့

11:59 - ပုန်ကန်မှုပြေလည်သွားပေမဲ့ ဝဂ္ဂနာရဲ့ကျေအေးခွင့်ကို ပူတင်မဖြစ်မနေလိုက်လျောခဲ့ရ တဲ့ သတင်းအပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/NqfX0n1zO4A

#12pmnews
#Mizzimanewshour
#mizzimatv
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍9😁1🍌1
This media is not supported in your browser
VIEW IN TELEGRAM
ဖက်ဒရယ်ဒီမိုကရေစီစနစ် အသွင်ကူးပြောင်းဖို့ အမေရိကန်နဲ့အိန္ဒိယရဲ့တောင်းဆိုချက် စစ်ကောင်စီကန့်ကွက်

Watch more detail -https://youtu.be/G-50Nx6DiJY

#PoliticalNews #reels #shorts #MizzimaTV
😁13👍7🔥1🥰1
အပစ်ရပ် ၅ ဖွဲ့နှင့် စစ်ကောင်စီတို့ ဇွန်လ(၂၆)ရက်မှစကာ (၃)ရက်ကြာ တွေ့ဆုံဆွေးနွေးမည်
=======================

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးဆိုင်ရာ သဘောတူစာချုပ်(NCA) လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်း(EAO) ၅ ဖွဲ့နဲ့ စစ်ကောင်စီတို့ ဇွန်လ (၂၆)ရက်မှစကာ  (၃)ရက်ကြာ နေပြည်တော်မှာ တွေ့ဆုံဆွေးနွေးသွားဖို့ ရှိနေတယ်လို့ သိရပါတယ်။
အာဏာသိမ်း စစ်ကောင်စီရဲ့  ဖိတ်ခေါ်ချက်အရ NCA လက်မှတ်ရေးထိုးထားတဲ့  ငြိမ်းချမ်းရေးလုပ်ငန်းစဉ် ဦးဆောင်အဖွဲ့ -PPST အဖွဲ့ဝင် အပစ်ရပ် ငါးဖွဲ့တို့ နေပြည်တော်ကို သွားရောက်ပြီး စစ်ကောင်စီ လက်အောက်ခံ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ NSPNC နဲ့ တွေ့ဆုံဆွေးနွေးမှာဖြစ်ပါတယ်။
စစ်ကောင်စီနဲ့ ငြိမ်းချမ်းရေးဆွေးနွေးပွဲကို အပစ်ရပ် ၅ ဖွဲ့ဖြစ်တဲ့ ရခိုင်ပြည်လွတ်မြောက်ရေးပါတီ (ALP)၊ ကရင်ငြိမ်းချမ်းရေးကောင်စီ (KNU/KNLA-PC)၊ ဒီမိုကရေစီအကျိုးပြုကရင့်တပ်မတော် (DKBA)၊ လားဟူဒီမိုကရက်တစ်အစည်းအရုံး (LDU) နဲ့ ပအိုဝ့်အမျိုးသားလွတ်မြောက်ရေးအဖွဲ့ချုပ် (PNLO) တို့ အတူတူတက်ရောက်ဖို့ ရှိနေတာပါ။
ဒီဆွေးနွေးပွဲမှာ  အပစ်ရပ် ၅ ဖွဲ့က အားလုံးပါဝင်တဲ့ ငြိမ်းချမ်းရေးဆွေးနွေးမှု အခင်းအကျင်း တစ်ရပ်ပေါ်ပေါက်ရေး၊ ငြိမ်းချမ်းရေးလုပ်ငန်းစဉ် ပြန်လည်စတင်နိုင်ရေး၊ ဖက်ဒရယ်အခြေခံမူကိစ္စတွေ၊ အရပ် သားတွေကာကွယ်ပေးရေးဆိုင်ရာကိစ္စတွေကို တင်ပြဆွေးနွေးဖို့ ရှိတယ်လို့ သိရပါတယ်။

https://youtu.be/0AOwBTBCohU

#PoliticalNews
#Mizzima

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
🤮8👍7❤1
​​သဲကုန်းမြို့တွင် နယ်ထိန်းရဲအရာရှိနှင့်ရဲအငြိမ်းစားပစ်ခတ်ခံရ၊ ရဲအငြိမ်းစားသေဆုံး
=====================

ရွှေနွယ်
(မဇ္ဈိမ)။ ။ပဲခူးတိုင်းအနောက်ခြမ်း၊သဲကုန်းမြို့နယ်၊ ဆီမြီးဆွဲမြို့တွင် စစ်ကောင်စီလက်အောက်ခံ နယ်ထိန်းရဲအရာရှ်ိနှင့်အငြိမ်းစားရဲအရာရှိကို သဲကုန်းမြို့နယ်၊ ပြည်သူ့ကာကွယ်ရေတပ်ဖွဲ့(Thaegon_PDF)ကသေနတ်ဖြင့် ပစ်ခတ်ရာ တစ်ဦးသေဆုံးပြီး တစ်ဦးဒဏ်ရာရသွားကြောင်း သတင်းရရှိသည်။

ဆင်မြီးဆွဲမြို့မရဲစခန်းမှ နယ်ထိန်းရဲအရာရှိကျော်ကျော်နှင့် အငြိမ်းစားရဲအရာရှိ ဦးစိုးသက်အောင်သည် ယနေ့ဇွန်လ၂၆ရက် နံနက် ၇ နာရီခန့်တွင် ဆိုင်ကယ်စီးလာစဉ် သေနတ်ဖြင့်ပစ်ခတ်ခံရခြင်းဟု သိရသည်။

" စျေးနားမှာပစ်သွားတာပါ။ ရဲအငြိမ်းစားစိုးသက်အောင်ကရှေ့ကမောင်းတယ်။ နယ်ထိန်းကနောက်က။ အဲ့တာကိုနောက်ကနေပစ်သွားတာပါ” ဟု ဆီမြီးဆွဲမြို့ ဒေသခံတစ်ဦးက ပြောသည်။
ထိုပစ်ခတ်မှုတွင် အငြိမ်းစားရဲအရာရှိ ဦးစိုးသက်အောင်သည် နေရာတွင်ပင်သေဆုံးပြီး နယ်ထိန်းကျော်ကျော်မှာ ဒဏ်ရာအပြင်းအထန်ရကာ ပြည်ဆေးရုံတွင် ကုသနေရကြောင်း သိရသည်။

" နယ်ထိန်းကျော်ကျော်က စစ်ကောင်စီလက်အောက်ခံဖြစ်တယ်။ ခရီးသွားပြည်သူတွေရဲ့ဆိုင်ကယ်တွေကိုဖမ်းဆီး၊ မတရားငွေညှစ်လုပ်နေတာတွေလည်း ပြည်သူတွေ တိုင်တန်းတာတွေရှိနေလို့ အခုလိုလုပ်ရတာပါ" ဟု Thaegon_PDF မှ တာဝန်ရှိသူတစ်ဦးက မဇ္ဈိမကိုပြောသည်။

အဆိုပါ ပစ်ခတ်မှုကို ပြည်ခရိုင် PDF တပ်ရင်း ၃၆၀၂၊ တပ်ခွဲ (၄) Thaegon_PDFနှင့် PDF တပ်ရင်း ၃၆၀၁ တို့ ပူးပေါင်းလုပ်ဆောင်ခဲ့ခြင်းဖြစ်ကြောင်းသိရသည်။

ပြီးခဲ့သည့် ဧပြီလ ၁၉ရက်ကလည်း သဲကုန်းမြို့နယ်မှ နယ်ထိန်းရဲအရာရှ်ိတစ်ဦးကို Thaegon_PDFက ဖမ်းဆီးစဉ် ခုခံထွက်ပြေး၍ ပစ်ခတ်ခဲ့ရာ အဆိုပါရဲ အရာရှိ သေဆုံးသွားခဲ့သည်။

စာတည်း - မောင်ကြီး

#mizzima
#ဆီမြီးဆွဲမြို့
#နယ်ထိန်းရဲအရာရှ်ိ
#အငြိမ်းစားရဲအရာရှိ
#သေနတ်ဖြင့်ပစ်ခတ်
Photo - ပြည်ခရိုင် PDF တပ်ရင်း ၃၆၀၂၊ တပ်ခွဲ ၄၊ Thaegon-PDF တပ်ဖွဲ့ဝင်များ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13❤10👏2🔥1🥴1
Media is too big
VIEW IN TELEGRAM
အပစ်ရပ် ၅ ဖွဲ့နှင့် စစ်ကောင်စီတို့ ဇွန်လ(၂၆)ရက်မှစကာ (၃)ရက်ကြာ တွေ့ဆုံဆွေးနွေးမည်

Watch more detail - https://youtu.be/0AOwBTBCohU

#PoliticalNews
#reels
#shorts
#MizzimaTV
👍5🤮3❤1👎1💩1
​​ကော့ကရိတ်မြို့နယ်ရှိ စစ်ကောင်စီလက်နက်ကြီးကုန်းနှင့် တပ်ရင်းများတိုက်ခိုက်ခံရ ၊ ၈ ဦးသေဆုံးပြီး အများအပြား ထိခိုက်ဒဏ်ရာရ
====================

သွင်ထူးဈာန်
ကော်သူးလေ(မဇ္ဈိမ) ။ ။ကရင်ပြည်နယ်၊ ကော့ကရိတ်မြို့နယ်ရှိ စစ်ကောင်စီ၏ လက်နက်ကြီးကုန်းနှင့် တပ်ရင်းများတိုက်ခိုက်ခံရ၍ ရှစ်ဦးသေဆုံးကာ အများအပြားထိခိုက်ဒဏ်ရာရရှိခဲ့ကြောင်း ကျားဖြူစစ် ကြောင်းမှ သိရသည်။

ကော့ကရိတ်မြို့နယ်ရှိ စစ်ကောင်စီ၏ လက်နက်ကြီးများ တပ်ဆင်ထားသည့် ဗောဓိကုန်း (လက်နက် ကြီးကုန်း)ကို ဇွန်လ ၂၄ ရက်နေ့ ညနေ ၄ နာရီခွဲခန့်တွင် ကျားဖြူစစ်ကြောင်းမှ ဗိုလ်ပွဲတော် ဦးဆောင်ကာ ကျားဖြူတပ်ရင်းရုံး ကာကွယ်ရေးတပ်ခွဲ(Southern Eagle-PDF)၊ ကျားဖြူတပ်ခွဲ(၄)နှင့် ကျားဖြူတပ်ခွဲ(၅) (Justice Soldier-PDF)တို့ ပူးပေါင်းကာ ၆၀ မမဖြင့် သွားရောက်ပစ်ခတ်ခဲ့ကြောင်း သိရသည်။

ယင်းတိုက်ခိုက်မှုကြောင့် စစ်ကောင်စီတပ်သား သုံးဦးသေဆုံးကာ ခြောက်ဦးဒဏ်ရာရရှိခဲ့သည်ဟု ဆိုသည်။
ထို့ပြင် ဇွန်လ ၂၃ ရက်နေ့ နံနက် ၁၁ နာရီအချိန်တွင် ကျားဖြူစစ်ကြောင်းမှ ဗိုလ်ပွဲတော်ဦးဆောင်ကာ ကော့ကရိတ်မြို့ ခလရ(၉၇)တပ်ရင်းကို ၆၀ မမဖြင့်ပစ်ခတ်ခဲ့ရာ ဝန်ထမ်းလိုင်းခန်းအတွင်း ကျရောက် ပေါက်ကွဲကာ ငါးဦးသေဆုံးခဲ့ပြီး ခုနစ်ဦးဒဏ်ရာရရှိခဲ့ကြောင်း သိရသည်။

“အခုလိုကျနော်တို့ တိုက်ခိုက်နိုင်တာဟာ PDF အောက်ခြေရဲဘော်တွေရဲ့ ကြိုးစားမှု၊ ကတိသစ္စာတည်မှု ကြောင့်ပါ။ MOD ဆီကသာ ကွပ်ကဲမှုပိုကောင်းခဲ့ရင် ဒီထက်ပိုလုပ်နိုင်လိမ့်မယ်” ဟု ကျားဖြူတပ်ခွဲ(၅) (Justice Soldier-PDF)တပ်ခွဲမှူးကိုဇွဲက ပြောသည်။
ကော့ကရိတ်နယ်မြေတွင် ကျားဖြူစစ်ကြောင်း၊ နဂါးနီစစ်ကြောင်း၊ နဂါးဖြူစစ်ကြောင်း၊ ဒေါနစစ်ကြောင်း နှင့် အထူးစစ်ဆင်ရေးတပ်ဖွဲ့(SOF)တို့က စစ်ကောင်စီ၏ တပ်ရင်းများ ၊ စခန်းကုန်းများနှင့် တပ်စခန်းများ ကို ထိုးစစ်ဆင်တိုက်ခိုက်နေခြင်းဖြစ်သည်။

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#ကရင်ပြည်နယ်
#ကော့ကရိတ်မြို့နယ်
#စစ်ကောင်စီတပ်
#တိုက်ခိုက်မှု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍22❤5😁2
စစ်ကောင်စီနဲ့ နီးကပ်စွာ ပူးပေါင်းဆောင်ရွက်နေမှုများကိုရပ်ဖို့ တရုတ်ကို NUCC သတိပေး
======================

အိမ်နီးချင်းတရုတ်နိုင်ငံဟာ အကြမ်းဖက်စစ်ကောင်စီနဲ့ ပိုမိုနီးကပ်တဲ့ ဆက်ဆံရေး၊ ပူးပေါင်းဆောင်ရွက်မှုများကိုသာ တွေ့ရှိနေရပြီး အခုလို ဆောက်ရွက်နေခြင်းတွေဟာ မြန်မာပြည်သူများရဲ့ သဘောဆန္ဒကို မျက်ကွယ်ပြုရာရောက်နေကြောင်း အမျိုးသားညီညွတ်ရေးအတိုင်ပင်ခံကောင်စီ(NUCC)က  သတိပေးထုတ်ပြန်လိုက်ပါတယ်။
တရုတ်နိုင်ငံအနေနဲ့ အာဏာသိမ်းစစ်ကောင်စီကို စစ်လက်နက်ပစ္စည်းတွေ ရောင်းချတာ၊ စစ်ထောက်လှမ်းရေးဆိုင်ရာကိစ္စရပ်တွေမှာ စစ်ကောင်စီနဲ့ပူးပေါင်းဆောင်ရွက်တာတွေ ရပ်တန့်ဖို့ အမျိုးသားညီညွတ်ရေးအတိုင်ပင်ခံကောင်စီ (NUCC) က ဇွန်လ ၂၄ ရက်က တိုက်တွန်းလိုက်တာပါ။
အမျိုးသားညီညွတ်ရေးအတိုင်ပင်ခံကောင်စီ (NUCC) က မြန်မာ့နိုင်ငံရေးကို တရုတ်နိုင်ငံက ပါဝင် ဆောင်ရွက်ချက်အပေါ် အချက် ၁၀ ချက်ပါ သဘောထားကို ထုတ်ပြန်လိုက်တာပါ။
ဒီထုတ်ပြန်ချက်မှာ တရုတ်နိုင်ငံက စစ်ကောင်စီနဲ့ ပိုမိုနီးကပ်တဲ့ ဆက်ဆံရေး၊ ပူးပေါင်း ဆောင်ရွက်မှုတွေဟာ မြန်မာပြည်သူတွေရဲ့ သဘော ဆန္ဒကို မျက်ကွယ်ပြုရာ ရောက်တဲ့အပြင် မြန်မာ့နိုင်ငံရေး ပြဿနာကို ကူညီဖြေရှင်းရာမရောက်ဘဲ ပြည်တွင်းရေး ပြဿနာ တွေကို ပိုမိုရှုပ်ထွေးစေတယ်လို့လည်းပါဝင်ပါတယ်။
မြန်မာ့အရေးကို တရုတ်နိုင်ငံအနေနဲ့ လက်တွေ့ကျကျ ကူညီဖြေရှင်းဆောင်ရွက်နိုင်ဖို့ အမျိုးသား ညီညွတ်ရေးအစိုးရ (NUG) အပါအဝင် တော်လှန်ရေး အင်အားစုတွေ၊ နိုင်ငံရေးအင်အားစုတွေနဲ့ နီးနီးကပ်ကပ် စဉ်ဆက်မပြတ် ဆက်ဆံပြီး ပူးပေါင်းဆောင်ရွက်ဖို့လည်း တိုက်တွန်းထားပါတယ်။

https://youtu.be/_l_1hG8e1Xc

#PoliticalNews
#Mizzima

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍23😁3🤔1
This media is not supported in your browser
VIEW IN TELEGRAM
အကူအညီပေးရေးလုပ်ငန်းများမရေမရာဖြစ်နေတဲ့ဆူဒန်မှာ လေကြောင်းတိုက်ခိုက်မှုတွေ လက်နက်ကြီးပစ်ခတ်မှုတွေနဲ့ သတ်ဖြတ်မှုတွေဆက်လက်ဖြစ်ပွားနေ

https://www.facebook.com/reel/125130197273979

#InternationalNews #Mizzima #reels #shorts
🔥4👍3
Media is too big
VIEW IN TELEGRAM
စစ်ကောင်စီနဲ့ နီးကပ်စွာ ပူးပေါင်းဆောင်ရွက်နေမှုများကိုရပ်ဖို့ တရုတ်ကို NUCC သတိပေး

Watch more detail - https://youtu.be/_l_1hG8e1Xc

#PoliticalNews #reels #shorts #MizzimaTV
👍14😁1🤣1
ဇွန်လ (၂၆)ရက်၊ မွန်းလွဲ ၂ နာရီ Mizzima News Hour မဇ္ဈိမသတင်းအစီအစဉ်
========================

00:57 − နေပြည်တော်မှာ စစ်ကောင်စီနဲ့ အပစ်ရပ်တိုင်းရင်းသားလက်နက်ကိုင်အဖွဲ့တွေ ၃ ရက်ကြာတွေ့ဆုံကြမယ့်သတင်း

02:31 − ဖက်ဒရယ်ဒီမိုကရေစီစနစ် အသွင်ကူးပြောင်းဖို့ အမေရိကန်နဲ့အိန္ဒိယရဲ့ တောင်းဆိုချက်ကို စစ်ကောင်စီကန့်ကွက်လိုက်တဲ့သတင်း

06:07 − မယ်စဲ့မြို့ပေါ်က ဒေသခံတွေစစ်ဘေးရှောင်နေကြရပြီဖြစ်တဲ့အကြောင်းနဲ့

09:19 − ပုန်ကန်မှုပြေလည်သွားပေမဲ့ ဝဂ္ဂနာရဲ့ကျေအေးခွင့်ကို ပူတင်မဖြစ်မနေ လိုက်လျောခဲ့ရတဲ့သတင်းအပါအဝင် နောက်ဆုံးရပြည်တွင်းသတင်းတွေ နဲ့ နိုင်ငံတကာသတင်း တွေကို တင်ဆက်ပေးသွားမှာပါ။

https://youtu.be/_746HfgmpwI

#2pmnews
#Mizzimanewshour
#MizzimaTV
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍10🍌2
This media is not supported in your browser
VIEW IN TELEGRAM
ပုန်ကန်မှုကိုခုခံနေတဲ့ ဗိုရွန်နော့ဇ်မြို့မှာ လောင်စာဆီဆိုင် မီးလောင်မှုဖြစ်ပွား

https://www.facebook.com/reel/1028173491643166

#InternationalNews #Mizzima #reels #shorts
👍9🔥2😁1
မင်းကင်းတွင် စစ်ကောင်စီတပ်စွဲထားသည့်ကျေးရွာကို ကာကွယ်ရေးတပ်ဖွဲ့က လက်နက်ကြီးများဖြင့် တိုက်ခိုက်
================

လွှမ်းမိုး
(မဇ္ဈိမ)။ ။စစ်ကိုင်းတိုင်း၊ မင်းကင်းမြို့နယ် ကျောက်ခဲတက်‌ကျေးရွာတွင် တပ်စွဲထားသည့် စစ်ကောင်စီ တပ်ဖွဲ့နှင့် ပျူစောထီးပူးပေါင်းအဖွဲ့အား ဒေသကာကွယ်ရေးတပ်ဖွဲ့များက ယမန်နေ့ ဇွန်လ ၂၅ ရက် နေ့လယ် ၁၂ နာရီ အချိန်တွင် လက်နက်ကြီး ၊ မောင်းသူမဲ့ ဒရုန်းလေယာဉ်များ သုံး၍ တိုက်ခိုက်ခဲ့ကြောင်း ကျောက်လုံးကြီးပြည်သူ့ကာကွယ်ရေးတပ်ဖွဲ့ (KLG PDF)ထံမှ သိရသည်။

“‌မောင်းသူမဲ့ ဒရုန်းလေယာဉ်အသုံးပြုပြီး ဗုံးသီး ငါးလုံးချတိုက်ခိုက်ခဲ့သလို နောက်ထပ် ၆၀ မမ ဗုံးသီး ခြောက်လုံး ပစ်ခတ် တိုက်ခိုက်ခဲ့တာ ဖြစ်ပါတယ်” ဟု KLG PDF သတင်းနှင့်ပြန်ကြားရေး တာဝန်ရှိသူ AT က ပြောသည်။

အဆိုပါတိုက်ခိုက်မှုအတွင်း ကာကွယ်ရေးတပ်ဖွဲ့မှ ပစ်ခတ်သည့် လက်နက်ကြီးကျည်နှင့် ဗုံးသီးများ သည် အင်အား ၂၀၀ ခန့်ရှိသည့် စစ်ကောင်စီတပ်ဖွဲ့တပ်စွဲထားရာ ကျောက်ခဲတက်ကျေးရွာရှိ နေအိမ်များပေါ်သို့ ကျရောက်ပေါက်ကွဲခဲ့သဖြင့် ထိခိုက်ကျဆုံးမှုများ ရှိနိုင်ကြောင်း ၎င်းကဆိုသည်။

ယင်းတိုက်ခိုက်မှုကို ကျောက်လုံးကြီးပြည်သူ့ကာကွယ်ရေးတပ်ဖွဲ့ (KLG PDF) နှင့် ဒေသခံ ပ.က.ဖ အဖွဲ့တို့ ပူးပေါင်း၍ တိုက်ခိုက်ခဲ့ခြင်းဖြစ်ကြောင်း သိရသည်။

ကျောက်လုံးကြီး ပြည်သူ့ကာကွယ်ရေးတပ်တွင် Shar Htoo Waw နည်းပညာကို အသုံးပြု၍ မောင်းသူမဲ့ ဒရုန်းလေယာဉ်များထုတ်လုပ်နေပြီး အစင်းရေများစွာ ထုတ်လုပ်နိုင်ရေးအတွက် ငွေကြေးအခက်အခဲ ရှိနေကြောင်းလည်း KLG PDF ထံမှ သိရသည်။

“ဒရုန်းလေယာဉ်ကတော့ ဘက်ထရီအပေါ်မှာ မူတည်တာဖြစ်ပြီး ဘက်ထရီခံရင်ခံသလို ခြောက်မိုင် ခုနစ် မိုင်လောက်အထိ အသုံးပြုလို့ရပါတယ်။ အခုထုတ်နေတဲ့ မောင်းသူမဲ့ ဒရုန်းလေယာဉ် တစ်စီးထုတ်လုပ်ဖို့ ၁၃ သိန်းဝန်းကျင်လောက်တော့ ကုန်ကျတယ်။ နည်းပညာပိုင်းရော ပစ္စည်းကိုရော အရေအတွက်များများ ထုတ်လုပ်နိုင်ပြီဆိုရင် တော်လှန်ရေးအင်အားစုတွေဆီ ဖြန့်ပေးဖို့ ရှိပါတယ်” ဟု ထုတ်လုပ်ရေး လုပ်နေ သည့် ရဲဘော်တစ်ဦးက ဆိုသည်။

https://youtu.be/i0LAum2wAbA

စာတည်း။ ။ ဖူးသိမ်ကျ
စာမူတည်းဖြတ်။ ။စောဖေ

#စစ်ကိုင်းတိုင်း
#မင်းကင်းမြို့နယ်
#ကျောက်လုံးကြီးပြည်သူ့ကာကွယ်ရေးတပ်ဖွဲ့
#တိုက်ခိုက်မှု
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍23❤4🔥1😁1
This media is not supported in your browser
VIEW IN TELEGRAM
အစ္စရေးဝန်ကြီးချုပ်က ပြုပြင်ပြောင်းလဲမှုတွေကို မလျှော့တမ်းရှေ့ဆက်ဖို့ ကတိပြုလိုက်ပြီးနောက် ဆန္ဒပြပွဲတွေ ဆက်လက်ဖြစ်ပွား

https://www.facebook.com/reel/812850487035071

#InternationalNews #Mizzima #reels #shorts
👍6🔥2🖕1
ငါန်းမြာရဲစခန်းကို PDF ပူးပေါင်းအဖွဲ့မှ ဒရုန်းဖြင့် ဗုံးကြဲတိုက်ခိုက်၊ ၆ ဦးသေဟုဆို
=======================

007(မဇ္စျိမ)။ ။ မန္တလေးတိုင်း၊ ငါန်းဇွန်မြို့နယ်ရှိ ငါန်းမြာရဲစခန်းကို ဒေသကာကွယ်ရေးပြောက်ကျားတပ်ဖွဲ့ များပူးပေါင်းပြီး ဒရုန်းဖြင့်ဗုံးကြဲတိုက်ခိုက်ရာ စစ်ကောင်စီဘက်မှ ခြောက်ဦးသေဆုံးပြီး ၁၀ ဦးဒဏ်ရာရ ကြောင်း Danger Force LPDF အဖွဲ့က ဇွန်လ ၂၅ ရက်နေ့တွင် ထုတ်ပြန်သည်။

“ ဗုံးသီး ၁၂ လုံးဖြုတ်ချနိုင်ခဲ့တယ်။ အစည်းအဝေးလုပ်နေတဲ့ စကစတွေထဲက ခြောက်ကောင် (ခြောက်ဦး) သေတယ်။ ဒဏ်ရာရတာတွေလည်း ၁၀ ဦးထက်မနည်းဘူးလို့ မြေပြင်သတင်းတွေအရ သိရတယ်။ သူတို့ ဘက်ကလည်းပြန်ပစ်တယ်။ ရဲဘော်တွေ အထိအခိုက်မရှိခဲ့ဘူး ” ဟု Danger Force LPDF အဖွဲ့ သတင်း ပြန်ကြားရေးတာ၀န်ရှိသူက မဇ္စျိမကိုပြောသည်။

ဇွန်လ ၂၄ ရက်၊ နံနက် ၈ နာရီခန့်တွင် ရဲစခန်းအတွင်း အစည်းအဝေးလုပ်နေကြောင်း သတင်းအရ ပူးပေါင်းအဖွဲ့က ဒရုန်းသုံးစင်းဖြင့် ဗုံးသီး ၁၂ လုံးကြဲချခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။

ငါန်းမြာရဲစခန်းသည် ကတုတ်ကျင်းအထပ်ထပ်ဖြင့် အခိုင်အမာခံစစ်ပြုလုပ်ထားသော စစ်ကောင်စီ၏ ရှေ့တန်းစခန်းတခုဖြစ်သည်။

“ အလောင်းတွေ ဆွဲထုတ်သွားတာတွေ့တယ်။ အဲဒီစခန်းက စကစရှေ့တန်းစခန်းတစ်ခုလို့ ပြောလို့ရ တယ်။ ဒီဘက်ကို စစ်ကြောင်းထိုးတော့မယ်ဆိုရင် အဲဒီစခန်းမှာ လူစုပြီးမှထွက်ကြတာ” ဟု ဒေသခံတဦး ကဆိုသည်။

အဆိုပါတိုက်ခိုက်မှုကို၊ Danger Force LPDF၊ ကျောက်ဆည်ခရိုင်တပ်ရင်း (၁) နဂါးနီတပ်ရင်း၊ ကျောက် ဆည်ခရိုင် ဒရုန်းတပ်ဖွဲ့၊ မြင်းခြံခရိုင်တပ်ရင်း (၇) (Zero ပြောက်ကျားတပ်ဖွဲ့)၊ ရွှေဘိုခရိုင်တပ်ရင်း (၁၅) နှင့် ဆားတောင်မိုးကြိုး (Local PDF) တို့ ပူးပေါင်းလုပ်ဆောင်ခဲ့ခြင်းဖြစ်သည်။

လက်ရှိတွင် အဆိုပါရဲစခန်းအား ကာကွယ်ရေးတပ်ဖွဲ့များက ဝင်ရောက်စီးနင်းမည်ဆိုသော သတင်းများ ကြောင့် စစ်ကောင်စီဘက်မှ ထပ်မံအင်အားဖြည့်တင်းထားကြောင်းလည်း သိရသည်။

Danger Force LPDF အဖွဲ့နှင့် မဟာမိတ်ပူးပေါင်းအဖွဲ့များသည် ဇွန်လ ၂၂ ရက်နေ့ကလည်း စစ်ကိုင်း တိုင်း၊ မုံရွာခရိုင်၊ အရာတော်မြို့နယ် ငွေတွင်းကျေးရွာတွင် ပျူစောထီးဦးဆောင်ပြီး အစည်းအဝေး ပြုလုပ် နေသည့် စစ်အုပ်စုကို ဒရုန်းဖြင့်ဗုံးကြဲတိုက်ခိုက်ခဲ့သေးသည်။

https://youtu.be/oQEcv7uCTks

စာတည်း ။ ။ Alden
စာမူတည်းဖြတ်။ ။စောဖေ

#DangerForceLPDF
#ငါန်းဇွန်မြို့နယ်
#ငါန်းမြာရဲစခန်း
#ဒရုန်း

-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍13❤9👏2😁2
This media is not supported in your browser
VIEW IN TELEGRAM
အမေရိကန်လေယာဉ်တင်သင်္ဘော ယူအက်စ်အက်စ် ရော်နယ်ရီဂင် ဗီယက်နမ်သို့ ရောက်ရှိ

https://www.facebook.com/reel/261150319837705

#InternationalNews #Mizzima #reels #shorts
👍8🔥2
မုံရွာကညနရုံးတွင်တပ်စွဲထားသော စစ်ကောင်စီတပ်ဖွဲ့ ဒရုန်းဖြင့် တိုက်ခိုက်ခံရ
====================

ပါခွီး(မဇ္စျိမ) ။ ။စစ်ကိုင်းတိုင်း၊ မုံရွာမြို့တောင်ဘက်အထွက်ရှိ ကုန်းလမ်းပို့ဆောင်ရေးညွှန်ကြားမှုဦးစီးဌာန (ကညန)ရုံးတွင်တပ်စွဲထားသည့် စစ်ကောင်စီတပ်ဖွဲ့များကို ဒရုန်းဖြင့်ဗုံးကြဲတိုက်ခိုက်ခဲ့ကြောင်း တိုက် ခိုက်ရာတွင်ပါဝင်သည့် ပြောက်ကျားတပ်ဖွဲ့ဝင်တဦးက မဇ္ဈိမကို ပြောသည်။

ကညန ရုံးတွင် တပ်စွဲထားသည့် စစ်ကောင်စီတပ်ဖွဲ့ကို ဇွန်လ ၂၅ ရက် နံနက် ၁၀ နာရီ ၃၀ မိနစ်အချိန်တွင် ဗုံးသီးသုံးလုံးချ၍ တိုက်ခိုက်ခဲ့ခြင်းဖြစ်ကြောင်း ဒီမိုကရက်တစ် ဒေသခံတပ်ပေါင်းစု (DLC) ကလည်း ဇွန်လ ၂၅ ရက်နေ့ ရက်စွဲဖြင့် ထုတ်ပြန်ထားသည်။

“အဲဒီနေရာက တခြားစစ်ဆေးရေးစခန်းတွေနဲ့ ချိတ်ဆက်ပေးနေတဲ့ အဓိကကျတဲ့ နေရာတခုဖြစ်နေတဲ့ အတွက် တိုက်ခိုက်ခဲ့တာပါ” ဟု တိုက်ခိုက်ရာတွင်ပါဝင်သည့် တပ်ဖွဲ့ဝင်တဦးက မဇ္ဈိမကို ပြောသည်။
အဆိုပါ ကညနရုံးသည် စစ်ကောင်စီအတွက် အခွန်ဝင်ငွေလမ်းကြောင်းဖြစ်သည့်အပြင် မြို့တွင်း မြို့ပြင် စစ်ဆေးရေးဂိတ်များနှင့် ဆက်သွယ်ရေးကွန်ရက် ချိတ်ဆက်ပေးနေသော စစ်ကောင်စီအထိုင်တပ်စခန်း တခုဖြစ်ကြောင်း ဆိုသည်။

ဒရုန်းဖြင့်ဗုံးချတိုက်ခိုက်မှုတွင် စစ်ကောင်စီတပ်အခြေချစခန်းဧရိယာအတွင်းသို့ ကျရောက်ပေါက်ကွဲသည် ကို ဒေသကာကွယ်ရေးတပ်ဖွဲ့ကထုတ်ပြန်သည့် ရုပ်သံမှတ်တမ်းဖိုင်တွင် တွေ့ရသော်လည်း ထိခိုက်သေ ဆုံးမှုနှင့် ပတ်သက်ပြီး မသိရသေးပေ။

ယင်းတိုက်ခိုက်မှုကို ဒီမိုကရက်တစ်ဒေသခံတပ်ပေါင်းစု တပ်ဖွဲ့ဝင်များဖြစ်သော ဒီမိုကရက်တစ် ပြောက် ကျားတပ်ဖွဲ့(Demicratic Guerrilla Force) ၊ ဗန္ဓုလနှင့် အဖွဲ့သားများ (LPDF) ၊ Urban Hunter Force (UHF) ၊ The Ants LPDF ၊ Monywa Brave Hearts ၊ Sun King Envoy ၊ ဂဠုန်ရာဇာ Revolution Force တို့မှ ပူးပေါင်း တိုက်ခိုက်ခဲ့ခြင်းဖြစ်ကြောင်း သိရသည်။

ဒီမိုကရက်တစ်ဒေသခံတပ်ပေါင်းစုကို ဒေသတွင်းရှိ တော်လှန်ရေးအင်အားစုများအကြား ခိုင်မာကျစ်လစ် သည့်စုဖွဲ့မှုဖြင့် ညီညွတ်သော တပ်ပေါင်းစုတစ်ခုပေါ်ပေါက်နိုင်ရန်နှင့် စစ်အာဏာရှင်ကို အမြစ်ပြတ်ချေ မှုန်းရန်အတွက် LPDF များနှင့် အခြားတော်လှန်ရေးအင်အားစုများအကြား နိုင်ငံရေး၊ စစ်ရေး ပူးပေါင်း ဆောင်ရွက်ရန် ဖွဲ့စည်းထားခြင်း ဖြစ်သည်။

https://youtu.be/RGD84WfVk5A

စာတည်း။ ။ နောင်နောင်
စာမူတည်းဖြတ်။ ။စောဖေ

#မုံရွာမြို့ကညနရုံး
#ဒရုန်းနဲ့တိုက်ခိုက်ခံရ
#Mizzima
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍20😁2❤1