Mizzima
✔
47.7K subscribers
33.8K photos
2.57K videos
36 files
76.5K links
Share & Follow us. https://mizzima.carrd.co Mizzima News brings you the latest news and insightful reports about Myanmar.
Download Telegram
ဇွန်လ (၂၆)ရက်၊ ညနေ ၄ နာရီ Mizzima News Hour မဇ္ဈိမသတင်းအစီအစဉ်
=====================

01:03 - ကော့ကရိတ်မြို့နယ်ရှိ စစ်ကောင်စီလက်နက်ကြီးကုန်းနဲ့ တပ်ရင်းတွေတိုက်ခိုက်ခံရကာ ၈ ဦးသေဆုံးပြီး အများအပြား ထိခိုက်ဒဏ်ရာရတဲ့ သတင်း

02:05 - အပစ်ရပ် ၅ ဖွဲ့နှင့် စစ်ကောင်စီတို့ ဇွန်လ(၂၆)ရက်မှစကာ (၃)ရက်ကြာ တွေ့ဆုံဆွေးနွေးမယ့် သတင်း

05:54 - မုံရွာမြို့ ကညန ရုံး ဗုံးချတိုက်ခိုက်ခံရတဲ့သတင်းနဲ့

08:30 - အစ္စရေးဝန်ကြီးချုပ်က ပြုပြင်ပြောင်းလဲမှုတွေကို မလျှော့တမ်းရှေ့ဆက်ဖို့ ကတိပြုလိုက်ပြီးနောက် ဆန္ဒပြပွဲတွေ ဆက်လက်ဖြစ်ပွား တဲ့သတင်း အပါအဝင် တခြား အရေးကြီးသတင်းတွေနဲ့ စိတ်ဝင်စားဖွယ်သတင်း တွေကို တင်ဆက်ပေးသွားမှာပါ။

https://youtu.be/WWvWTAyiUk4

#4pmnews
#Mizzimanewshour
-----------------------------------------
@MizzimaTV
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
👍14😁1🍌1
ညောင်ပင်ကြီးကျေးရွာ အုပ်စုကို စစ်ကောင်စီတပ်တွေ အကြိမ်၂၀ နီးပါး မီးရိူ့ ဖျက်ဆီးနေ
====================

(ရုပ်/သံ)
KMN
(မဇ္ဈိမ)။ ။ စစ်ကိုင်းတိုင်း၊ ဆားလင်းကြီးမြို့နယ်၊ ညောင်ပင်ကြီးကျေးရွာ အုပ်စုကို စစ်ကောင်စီတပ်တွေက ဇွန်လ ၉ ရက်နေ့ကနေ ဇွန်လ ၂၆ ရက်နေ့အထိ အကြိမ်ရေ (၂၀) နီးပါး မီးရိူ့ဖျက်ဆီးခဲ့တယ်လို့ ဒေသခံအဖွဲ့ နှစ်ဖွဲ့က မဇ္ဈိမကို ပြောပါတယ်။

ပြီးခဲ့တဲ့ ဇွန်လ ၉ ရက်နေ့ ညနေပိုင်းမှာ ပြည်သူ့ကာကွယ်ရေး ပူးပေါင်းတပ်တွေက ညောင်ပင်ကြီးရဲစခန်းကို ဝင်ရောက်တိုက်ခိုက်ခဲ့ပြီး လက်နက်ခဲယမ်းတွေပါ သိမ်းယူနိုင်ခဲ့တာပါ။
အဲဒီစခန်းသိမ်းတိုက်ပွဲမှာ စစ်ကောင်စီတပ်ဖွဲ့ဝင် ၁၂ ဦးထက်မနည်း သေဆုံးခဲ့ပါတယ်။

ဇွန်လ ၉ ရက်နေ့ ညနေပိုင်းမှာပဲ စစ်ကောင်စီတပ်တွေက ညောင်ပင်ကြီး ရဲစခန်းဝန်းကျင်ကို လေကြောင်းကနေပါ ပစ်ခတ်တိုက်ခိုက်ခဲ့သလို ဒီကနေ့ထိ စစ်ကြောင်းထိုး ဝင်ရောက်နေတာပါ။
ညောင်ပင်ကြီးရဲစခန်းမှာ အထိုင်ချထားတဲ့ စစ်ကောင်စီတပ်သားတွေဟာ ဒီကနေ့မနက်ပိုင်းမှာ နှင်းတောရွာကို မီးရိူ့ ဖျက်ဆီးခဲ့သလို ဝမ်ပေါင်ကုမ္မဏီဘက်ကိုပါ စစ်ကြောင်း တစ်ခုထပ်ရောက်နေတာကြောင့် ပြည်သူတွေ စစ်ဘေးတိမ်းရှောင်ရ ခက်ခဲနေတယ်လို့ ဒေသခံအဖွဲ့တွေက ပြောပါတယ်။

https://youtu.be/Zv8TaTSUjvA

တင်ဆက်၊ တည်းဖြတ် - KMN

#Mizzima
#ညောင်ပင်ကြီးကျေးရွာ
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
🤬14👍4🔥1😁1
​​ဘင်္ဂလားပင်လယ်အော်တွင်ဖြစ်ပေါ်နေသည့် လေဖိအားနည်းရပ်၀န်း ၄၈ နာရီအတွင်း အားပျော့ပျက် ပြယ်မည်
=====================

ရောင်နီ
(မဇ္စျိမ)။ ။ဘင်္ဂလားပင်လယ်အော်တွင်ဖြစ်ပေါ်နေသည့် လေဖိအားနည်းရပ်၀န်းသည် နောက် ၄၈ နာရီ အတွင်း အားပျော့ပျက်ပြယ်သွားမည်ဖြစ်ကြောင်း စစ်ကောင်စီ၏ မိုးလေ၀သနှင့်ဇလဗေဒညွှန်ကြားမှု ဦးစီးဌာနမှ ထုတ်ပြန်ထားသည်။

ဘင်္ဂလားပင်လယ်အော် အနောက်မြောက်ပိုင်းနှင့် ယင်းနှင့်ဆက်စပ်နေသော အိန္ဒိယနိုင်ငံ၊ ဩရိဿပြည် နယ်မြောက်ပိုင်းနှင့် အနောက်ဘင်္ဂလားပြည်နယ်ကမ်းခြေတို့တွင် ဇွန်လ ၂၅ ရက်နေ့မှ စတင်ကာ လေဖိ အားနည်းရပ်ဝန်း (Low Pressure Area) တခုဖြစ်ပေါ်ခဲ့ခြင်း ဖြစ်သည်။

ထိုလေဖိအားနည်းရပ်၀န်းသည် နောက် ၄၈ နာရီအတွင်း အိန္ဒိယနိုင်ငံ၊ ဂျက်ခန်းပြည်နယ်နှင့် ချက်တစ် ဂတ်ပြည်နယ်မြောက်ပိုင်းတို့ကိုဖြတ်ကျော်ကာ မဒရာပရာဒေ့ရှ်ပြည်နယ်မြောက်ပိုင်းသို့ ရွေ့လျားပြီး နောက် တဖြည်းဖြည်း အားလျော့သွားမည်ဖြစ်ကြောင်း စစ်ကောင်စီ မိုးဇလ၏ ယနေ့ ဇွန်လ ၂၆ ရက်နေ့ မွန်းလွဲ ၁၂ နာရီထုတ်ပြန်ချက်အရသိရသည်။

လေဖိအားနည်းရပ်ဝန်းအရှိန်ကြောင့် ရန်ကုန်မှ တနင်္သာရီကမ်းရိုးတန်းတစ်‌လျှောက်တွင် နောက် ၂၄ နာရီ အတွင်း နေရာစိပ်စိပ် မိုးထစ်ချုန်းရွာသွန်းနိုင်ပြီး နေရာကွက်၍မိုးကြီးနိုင်ကြောင်း မိုဇလမှ ထုတ်ပြန်ထား သည်။

NUG အစိုးရ၏ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး၀န်ကြီးဌာန (MOHADM)ကလည်း အိန္ဒိယနိုင်ငံ၊ ဂင်္ဂါလွင်ပြင်တွင် မုတ်သုံမုန်တိုင်းငယ်တခုဖြစ်ပေါ်လာနိုင်ပြီး လာမည့် ရက်သတ္တပတ်အတွင်း မြန်မာ့ကမ်းရိုးတန်းဒေသများတွင် မိုးပိုမိုရွာသွန်းမည်ဖြစ်ကြောင်း ယနေ့ ဇွန်လ ၂၆ ရက်နေ့တွင် သတိပေးထားသည်။

ဇွန်လ ၂၆ ရက်နေ့မှ ဇူလိုင်လ ၂ ရက်နေ့အထိ တပတ်တာကာလအတွင်း ကမ်းရိုးတန်းဒေသများနှင့် မြောက်ပိုင်းဒေသများတွင် မိုးကြီးလာနိုင်ပြီး မြို့ပြနှင့် မြစ်ချောင်းများ ရေကြီး၊ ရေလျှံနိုင်ခြေရှိသည့် အတွက် သတိပြုနေထိုင်ကြရန်လည်း (MOHADM) မှ ပြည်သူများအား အသိပေးထားသည်။

စာတည်း ။ ။ Alden
စာမူတည်းဖြတ်။ ။စောဖေ

#လေဖိအားနည်းရပ်ဝန်း
#မုန်တိုင်းငယ်
#ကမ်းရိုးတန်း
#မိုးရွာသွန်း

ပုံစာ - ရန်ကုန်တွင် မိုးရွာသွန်းပြီးနောက် ရေကြီးရေလျှံမှု ဖြစ်ပေါ်နေသည့် မြင်ကွင်း။ (ပုံအဟောင်း)
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍13🔥2❤1
​​လောင်းလုံးမှာ ရဲကား တိုက်ခိုက်ခံရ၊ စခန်းမှုးအပါဝင်ရဲ ၂ ဦး သေဆုံး
====================

ကိုရွှေမြိတ် မဲဆောက်
မဇ္ဈိမ။ ။လောင်းလုံးမြို့နယ်၊မောင်းမကန်ရဲစခန်းမှ လှည့်ကင်းကားကို ပြည်သူ့ကာကွယ်ရေးတပ်ဖွဲ့က တိုက်ခိုက်ရာ ယာယီရဲစခန်းမှူးအပါအဝင် ရဲနှစ်ဦး သေဆုံးပြီး နှစ်ဦးအပြင်းအထန် ဒဏ်ရာရရှိသွားကြောင်း သတင်းရရှိသည်။

မောင်းမကန်ရဲစခန်းမှ ယာယီစခန်းမှူးဒုရဲအုပ် စစ်အောင်သူထွန်းဦးဆောင်သော ရဲတပ်ဖွဲ့ကို မောင်းမကန်ရွာအနီးတွင် ဇွန်လ ၂၃ ရက်နေ့ နံနက် ၁၁ နာရီခွဲခန့်တွင် တိုက်ခိုက်ခဲ့ခြင်းဟု လောင်းလုံးမြို့နယ် ပြည်သူ့ ကာကွယ်ရေး တပ်ဖွဲ့ (LLPDF)က သတင်းထုတ်ပြန်ထားသည်။

"ကင်းပတ်ပြီးအပြန် ရဲစခန်း အတွင်းထဲကို ပြန်ဝင်ခါနီးကြားဖြတ်ပစ်ခတ်ခဲ့တာပါ။ လက်နက်ငယ်နဲ့ ကားခေါင်း အရှေ့ပိုင်းကို တရစပ် ပစ်ခတ်တိုက်ခိုက်ခဲ့တာပေါ့။ ကားပါမှောက်သွားတယ်။ကားခေါင်းက နှစ်ယောက်လုံးသေသွားတယ်"ဟု LLPDF တာဝန်ရှိသူ တစ်ဦးက မဇ္ဈိမကိုပြောသည်။

ထိုတိုက်ခိုက်မှုကြောင့် ဒုရဲအုပ်စစ်အောင်သူထွန်းနှင့် ရဲတပ်ကြပ်ကြီးတစ်ဦး ပွဲချင်း‌ပြီး သေဆုံးပြီး နောက်ထပ် ရဲနှစ်ဦးလည်း ဒဏ်ရာရသည်ဟုLLPDF ၏ ဇွန်လ ၂၄ရက်က ထုတ်ပြန်ချက်တွင် ဖော်ပြထားသည်။

အဆိုပါ ရဲကားကို တိုက်ခိုက်ပြီးနောက် နာရီအနည်းငယ်အကြာတွင် ရေဖြူပြည်သူ့ကာကွယ်တပ်ဖွဲ့(YP-PDF)နှင့် LLPDF ပူးပေါင်းကာ မောင်းမကန်ရဲစခန်းကို ဒရုန်းဖြင့် ဗုံးသီး နှစ်လုံးချ တိုက်ခိုက်ခဲ့သည်ဟု သိရသည်။

တိုက်ခိုက်မှုအတွင်း စစ်ကောင်စီဘက်မှ ထိခိုက်မှုရှိနိုင်ပြီး စခန်းအတွင်းမှနေ၍ လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ခဲ့သည်ဟု ကာကွယ်ရေးရဲဘော်များကပြောသည်။ ထို့နောက် စစ်ကောင်စီတပ်က အင်အား ၁၀၀ခန့်ဖြင့် မောင်းမကန်ရွာကို စစ်ကြောင်းထိုးကာ ဒေသခံအမျိုးသား တစ်ဦးကို ပစ်သတ်သွားခဲ့ကြောင်း ဒေသခံများက ပြောသည်။

လတ်တ‌လောတွင် လောင်းလုံမြို့နယ်အတွင်း စစ်ရေးအခြေအနေ ငြိမ်သက်နေပြီး ယနေ့ ဇွန်လ ၂၆ ရက် နံနက်ပိုင်းတွင်ကမြောကြီးရွာ ဈေးအနီးရှိ တံတားနံဘေး၌ မိုင်းတွေ့သည်ဟုဆိုကာ စစ်ကောင်စီ တပ်ဖွဲ့ဝင်များက တံတားကို ပိတ်ဆို့စစ်ဆေးမှုများ ပြုလုပ်ခဲ့ကြောင်း ဒေသခံများကပြောသည်။ တနင်္သာရီတိုင်းအတွင်း စစ်ရေးအရှ်ိန်မြင့်နေ၍ ဒေသခံများ လုံခြုံရေးသတိရှိကြရန် တနင်္သာရီစစ်ဒေသခွဲကွပ်ကဲရေးအဖွဲ့၊စစ်ဆင်ရေးတာဝန်ခံက သတိပေးသည်။

စာတည်း - မောင်ကြီး

#mizzima
#လောင်းလုံးမြို့
#မောင်းမကန်ရဲစခန်း
#လှည့်ကင်းကား
#တိုက်ခိုက်

Photo - ရဲတပ်ဖွဲ့ဝင်များ မောင်းနှင်လာသည့်ကားအား တိုက်ခိုက်ခံရပြီးနောက် တွေ့ရစဉ်
---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍23😁2👏1
ရွေဘိုခရိုင် အမှတ်(၁)စစ်ဒေသရုံးကဖမ်းဆီးထားသည့် ကိုတောက်ထွန်းလင်း၏အမှု အမြန်ဆုံးဖြေရှင်း ပေးရန် မိသားစုဝင်များတောင်းဆို
👍8🔥3👏1
ရွေဘိုခရိုင် အမှတ်(၁)စစ်ဒေသရုံးကဖမ်းဆီးထားသည့် ကိုတောက်ထွန်းလင်း၏အမှု အမြန်ဆုံးဖြေရှင်း ပေးရန် မိသားစုဝင်များတောင်းဆို
======================

MTO
(မဇ္ဈိမ)။ ။အမျိုးသားညီညွတ်ရေးအစိုးရ(NUG)လက်အောက်ခံ ရွှေဘိုခရိုင်အမှတ်(၁) စစ်ဒေသရုံးက ဖမ်ဆီးထားသည့် တန့်ဆည်မြို့နယ် ပြည်သူ့ကာကွယ်ရေးအဖွဲ့ခေါင်းဆောင် ကိုတောက်ထွန်းလင်း၏ အမှုကိစ္စနှင့်ပတ်သက်၍ NUG အစိုးရအနေဖြင့် အမြန်ဆုံးဖြေရှင်းပေးရန်နှင့် မိသားစုအား တွေ့ဆုံခွင့်ပေး ရန် ဇွန်လ ၂၆ ရက်နေ့က သတင်းစာရှင်းလင်းပွဲပြုလုပ်၍ တောင်းဆိုလိုက်သည်။

“ အမှုကိစ္စကို အမြန်ဆုံး ဖြေရှင်းပေးစေချင်တယ်။ သူ့မှာအပြစ်ရှိလို့ အပြစ်ပေးမယ်ဆိုရင်လည်း လက်ခံ တယ်။ အပြစ်မရှိဘူးဆိုရင်လည်း ပြန်လွှတ်ပေးဖို့ တောင်းဆိုချင်တယ်” ဟု ကိုတောက်ထွန်းလင်း၏ အစ်မ ဖြစ်သူက ပြောသည်။

ကိုတောက်ထွန်းလင်းအား ဖမ်းဆီးထာသည်မှာ တနှစ်နှင့်နှစ်လကြာမြင်လာသည်အထိ မိသားစုဝင်များ အနေဖြင့် မည်သည့်အတွက်ကြောင့်ဖမ်းဆီးခြင်းကိုပင်မသိရဘဲ လူချင်းတွေ့ဆုံခွင့်၊ စားနပ်ရိက္ခာ ပို့ဆောင် ခွင့် လည်းမရကြောင်း ကိုတောက်ထွန်းလင်း၏ညီဖြစ်သူ ဗိုလ်ရေလှိုင်းကဆိုသည်။

“ဖမ်းဆီးခံရတဲ့အချိန်ကစပြီး အမေနဲ့ ဖုန်းလေးကြိမ်ပဲ ပြောခွင့်ရတယ်” ဟု ဗိုလ်ရေလှိုင်းက ပြောသည်။

ကိုတောက်ထွန်းလင်းအား ၂၀၂၂ ခုနှစ် ဧပြီလ ၂၆ ရက်နေ့တွင် ရွှေဘိုခရိုင်အမှတ် ၁ စစ်ဒေသရုံးမှ ဆွေး နွေးစရာရှိသည်ဟုဆိုကာခေါ်ဆောင်သွားပြီးနောက် တနေရာအရောက်တွင် လူအင်အားလက်နက်အင် အား အသုံးပြုဖမ်းဆီးသွားခြင်းဖြစ်ကြောင်း ၎င်း၏ညီဖြစ်သူက ပြောသည်။

“ ပြီးခဲ့တဲ့ မေလ ၈ ရက်နေ့ နောက်ဆုံးဖုန်းပြောခွင့်ရတဲ့အချိန်မှာ သူပြောသွားတာက ဖမ်းဆီးထိန်းသိမ်းခံရ ပြီးနောက်ပိုင်း လများစွာနှိပ်စက်ညှဉ်းပန်းခံခဲ့ရပြီး အခုတော့ လုံခြုံစိတ်ချရတဲ့နေရာ ရောက်နေပြီ၊ ဘယ် နေရာဆိုတာတော့ မစုံစမ်းနဲ့လို့ပြောပါတယ်” ဟု ကိုတောက်ထွန်းလင်း၏ညီဖြစ်သူ ကိုပြည့်စုံအောင် ကလည်း ပြောသည်။

ကိုတောက်ထွန်းလင်း၏အမှုနှင့်ပတ်သက်၍ NUG စစ်ခုံရုံးက တစုံတရာ စစ်ဆေးခြင်းမရှိဘဲ တရားရေး အဖွဲ့အစည်း မဖွဲ့ရသေးသည့်အတွက် စောင့်ဆိုင်းပေးရန်သာ ပြောဆိုနေကြောင်း ဆိုသည်။
ကိုတောက်ထွန်းလင်းသည် စစ်အာဏာသိမ်းပြီးနောက် တန့်ဆည်မြို့နယ် သပိတ်ခေါင်းဆောင်အဖြစ် ဆောင်ရွက်ခဲ့ပြီး လက်နက်ကိုင်တော်လှန်ရေးကာလတွင်လည်း တန့်ဆည်မြို့နယ် ပြည်သူ့ကာကွယ်ရေး တပ်ဖွဲ့ခေါင်းဆောင်အဖြစ် ဆောင်ရွက်နေစဥ် ရွှေဘိုင်ခရိုင်အမှတ်(၁) စစ်ဒေသရုံး၏ ဖမ်းဆီးခြင်းကို ခံခဲ့ရ ခြင်းဖြစ်ကြောင်း သိရသည်။

စာတည်း။ ။စောဖေ
စာမူတည်းဖြတ်။ ။စောဖေ

#စစ်ကိုင်းတိုင်း
#ရွေဘိုခရိုင်
#အမှတ်(၁)စစ်ဒေသရုံး
#ကိုတောက်ထွန်းလင်း
#တန့်ဆည်မြို့နယ်
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍16🔥2👏1😢1
This media is not supported in your browser
VIEW IN TELEGRAM
ဒီတပတ်ရဲ့ သတင်းတုတွေ့ရှိချက်တွေကို ဂျူချန်းက တင်ဆက်ထားပါတယ်။

အပြည့်အစုံ ကြည့်ရန်
https://youtu.be/fEodN0b2ohE

#Misinformation_Buster #Fake_News #reels #shorts #weekly_package
😁3
ပေါင်းတည်မြို့နယ်တွင် စစ်ကောင်စီတပ် ၂ ကြိမ်တိုက်ခိုက်ခံရပြီး ၃ ဦးသေဆုံး
👍14😁2🥱1
ပေါင်းတည်မြို့နယ်တွင် စစ်ကောင်စီတပ် ၂ ကြိမ်တိုက်ခိုက်ခံရပြီး ၃ ဦးသေဆုံး
======================

ရွှေနွယ်
(မဇ္ဈိမ)။ ။ပဲခူးတိုင်း၊ ပြည်ခရိုင်၊ ပေါင်းတည်မြို့နယ်တွင် စစ်ကောင်စီစစ်ကြောင်း နှစ်ကြိမ်တိုက်ခိုက်ခံရ၍ သုံးဦးသေဆုံးပြီး ၁၀ ဦးဒဏ်ရာရခဲ့ကြောင်း ပေါင်းတည်ပြည်သူ့ကာကွယ်ရေးတပ်ဖွဲ့တာဝန်ရှိသူက မဇ္ဈိမ သို့ ပြောသည်။

ဇွန်လ ၂၄ ရက်နေ့ နံနက် ၈ နာရီခွဲခန့်တွင် ပေါင်းတည်မြို့နယ်အတွင်း၌ မိနစ် ၂၀ ကြာတိုက်ပွဲဖြစ်ခဲ့ပြီး စစ်ကောင်စီတပ်သားတဦးသေဆုံးကာ ခြောက်ဦးဒဏ်ရာရရှိခဲ့ကြောင်း ဆိုသည်။

ဒဏ်ရာရသူများအားသယ်၍ နောက်ကြောင်းပြန်လှည့်စဉ် ဇွန်လ ၂၅ ရက်နေ့ နံနက် ၁၀ နာရီခန့်တွင် သစ်ပုတ်အုပ်စု၊ လက်ပံခုံကျေးရွာနှင့် မအူကွင်းကျေးရွာကြား၊ ကျွန်းပင်ဘုအနီး၌ ထပ်မံတိုက်ခိုက်ရာ နှစ်ဦးသေဆုံးပြီး လေးဦးဒဏ်ရာရရှိခဲ့ကြောင်းဆိုသည်။

“အလစ်အငိုက် တိုက်တာပါ။ တိုက်ပွဲက ငါးမိနစ်နဲ့ ၁၀ မိနစ်ကြားရှိတယ်။ သူတို့ဘက်ကလည်း လက်နက် ကြီး၊ လက်နက်ငယ်တွေနဲ့ ပြန်ပစ်တယ်။ တိုက်ပွဲပြီးတော့ သူတို့ဆုတ်သွားပြီး အဲဒီနေရာကို သွားကြည့် တော့ ပစ္စည်းတချို့ရခဲ့တယ်” ဟု ပေါင်းတည်ပြည်သူ့ကာကွယ်ရေးတပ်ဖွဲ့ PPDF တာဝန်ရှိသူက မဇ္ဈိမသို့ ပြောသည်။

ဒုတိယအကြိမ်တိုက်ပွဲဖြစ်ပွားရာ နေရာမှ MA3 ကျည်ဘောက်တခု၊ စက်ကလေးကျည်ဘောက်တခု၊ 5.56 ကျည်အတောင့် ၂၀ ၊ ယူနီဖောင်း၊ အရပ်ဝတ် အဝတ်အထည်များနှင့် သွေးစွန်းနေသောပတ်တီးစများ သိမ်းဆည်းရရှိခဲ့သည်ဟု သိရသည်။
တိုက်ခိုက်ခံရပြီးနောက် အဆိုပါစစ်ကောင်စီစစ်ကြောင်းသည် ဒဏ်ရာရသူများကို ညနေပိုင်းတွင် မှတ်တိုင်ရွာဘက်မှ ဖောကားဖြင့် လာရောက်သယ်ဆောင်သွားသည်ဟု ဆိုသည်။

ဇွန်လအတွင်း ပေါင်းတည်မြို့နယ်အတွင်းစစ်ကြောင်းထိုးနေသာ စစ်ကောင်စီတပ်အား ပြည်သူ့ကာကွယ် ရေးတပ်ဖွဲ့မှ ကြားဖြတ်တိုက်ခိုက်မှုနှင့် အလစ်အငိုက်ပစ်ခတ်မှု ခုနစ်ကြိမ်အထိ ပြုလုပ်ထားနိုင်ကြောင်း သိရသည်။

ပစ်ခတ်တိုက်ခိုက်မှုများကြောင့် စစ်ကောင်စီတပ်ဖွဲ့ဘက်မှ ခုနစ်ဦးသေဆုံးထားပြီး ဖြစ်ကြောင်း ပဲခူးတိုင်း စစ်ဒေသခွဲ သတင်းပြန်ကြားရေး၏ထုတ်ပြန်ချက်များနှင့် PPDF တပ်ဖွဲ့၏ သတင်းပေးပို့မှုများအရ သိရ သည်။

စာတည်း ။ ။ Alden
စာမူတည်းဖြတ်။ ။စောဖေ

#ပေါင်းတည်မြို့နယ်
#ကြားဖြတ်တိုက်ခိုက်
#စစ်ကြောင်း
#သေဆုံး
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍11😁2
ဇွန်လ ၂၆ ရက်နေ့ ညနေ ၅ နာရီထိ နောက်ဆုံးရ ငွေစျေး၊ ရွှေစျေး၊ စက်သုံးဆီစျေး၊ စားအုန်းဆီစျေး

---------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍9🔥2👏1
တောင်ငူထောင်ထဲမှာ သမ္မတကြီး ဦးဝင်းမြင့် သေဆုံးခဲ့တယ်ဆိုတဲ့သတင်းမှား |Misinformation Buster S3| Ep.72
=====================

မဇ္ဈိပရိသတ်များအားလုံး မင်္ဂလာပါ။ သတင်းတု/မှား များကို တိုက်ဖျက်ခြင်း (Misinformation Buster) အစီအစဉ်ကနေ ပြန်လည်ကြိုဆိုလိုက်ပါတယ်။

ဒီတပတ်မှာတော့

- စစ်ကောင်စီရဲ့ ဝါဒဖြန့် တယ်လီချန်နယ်တွေမှာ ပြည်သူလူထုရဲ့ အချက်အလက်တွေနဲ့ ဖမ်းဆီးဖို့ လှုံ့ဆော်တာတွေနဲ့ ပတ်သက်လို့ အမြင်တွေကို မေးမြန်းချက်နဲ့အတူ

တပတ်အတွင်း ပျံ့နှံ့ခဲ့တဲ့

- တောင်ငူထောင်ထဲမှာ သမ္မတကြီး ဦးဝင်းမြင့် သေဆုံးခဲ့တယ်ဆိုတဲ့ သတင်းမှား

- မော်လမြိုင်-ရေးလမ်းပိုင်းမှာ KNLA ၊ PDF တွေက ဆက်ကြေးကောက်ပြီး ကားသမားတွေကို ရိုက်နှက်ခဲ့တယ်ဆိုတဲ့သတင်းမှား

- ပြုပြင်ထားတဲ့ ဗီဒီယိုဖိုင်င်အဟောင်းနဲ့ ဒေါက်တာဇော်ဝေစိုးကို စစ်ကောင်စီ လော်ဘီချန်နယ်တွေက ထပ်မံတိုက်ခိုက်တဲ့သတင်း စတဲ့ သတင်းတုသတင်းမှားတွေကို စုစည်းတင်ဆက်ပေးသွားမှာပါ။

https://youtu.be/fEodN0b2ohE
👍17😁3
​​မြောင်မြို့နယ်ရဲစခန်းအတွင်း မွေးနေ့ပွဲကျင်းပနေသည့် စကစတပ် ဒရုန်းဖြင့် ဗုံးကြဲတိုက်ခိုက်ခံရ
==================

ရောင်နီ
(မဇ္စျိမ)။ ။စစ်ကိုင်းတိုင်း၊ မြောင်မြို့နယ်ရဲစခန်းအတွင်း မွေးနေ့ပွဲကျင်းပနေသည့် စစ်ကောင်စီတပ်ကို ဇွန်လ ၂၅ ရက်နေ့ ညနေ ၃ နာရီခန့်တွင် ဒရုန်းဖြင့်ဗုံးကြဲတိုက်ခိုက်ခဲ့ကြောင်း CDSOM အဖွဲ့မှ ကိုနွေဦးက မဇ္ဈိမသို့ ပြောသည်။

“ မွေးနေ့လုပ်တဲ့နေရာကိုချဖို့ ရည်ရွယ်ထားပေမယ့် လုံခြုံရေးတွေချထားတာများတော့ သူတို့ကိုပဲ တိုက် ခိုက်လိုက်တာပါ။ ဒရုန်းနှစ်စင်းကို သုံးခေါက်၊ ဗုံးသီးခြောက်လုံးချတယ်။ သုံးလုံးက စခန်းအတွင်းမှာ ကျတယ်။ နှစ်လုံးကတော့ ကင်းထွက်တဲ့ဘက်ကိုကျတယ် “ ဟု ၎င်းကဆိုသည်။

တိုက်ခိုက်မှုကြောင့်မွေးနေ့ပွဲပျက်ကာ ဇွန်လ ၂၅ ရက်နေ့ ညပိုင်းအထိရရှိထားသည့် သတင်းများအရ စစ်ကောင်စီတပ်ဖွဲ့၀င် ခုနစ်ဦးထိခိုက်ဒဏ်ရာရရှိခဲ့ကြောင်း ကိုနွေဦးက ပြောသည်။

“ မနေ့ကညအထိ အတည်ပြုရတာက နှစ်ဦး ဆေးသွင်းနေရတယ်။ ကျန်တဲ့လေးယောက်ကတော့ ဒဏ်ရာ ရတယ်။ အားလုံးပေါင်း ခုနစ်ဦး ဒဏ်ရာရတယ်။ မွေးနေ့ကတော့ ပျက်သွားတယ်ပြောရမယ်” ဟု ကိုနွေဦးက ဆိုသည်။

မြောင်မြို့နယ်ရဲစခန်း၌ ဇွန်လ ၂၄ ရက်နေ့က ထပ်မံလာရောက်ပူးပေါင်းထားသည့် အင်အား ၃၀ ခန့် အပါ အ၀င် စစ်ကောင်စီတပ်ဖွဲ့၀င် ၈၀ ၀န်းကျင်ရှိကြောင်း ဒေသခံများက ပြောသည်။
ရဲစခန်းအတွင်း ဒရုန်းဖြင့် ဗုံးကြဲတိုက်ခိုက်ခံရပြီးနောက် စစ်ကောင်စီတပ်က ပြန်လည်ပစ်ခတ်မှုများ ရှိခဲ့ သော်လည်း ကာကွယ်ရေးရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။
အဆိုပါ တိုက်ခိုက်မှုကို CDSOM အနောက်ပိုင်း (001) အဖွဲ့၊ မြောင်မြို့နယ် (ပလဖ) အကြမ်းဖက်နှိမ်နှင်း ရေးအဖွဲ့နှင့် မြောင်မြို့မတိုက်နယ် (ပကဖ) တို့က ပူးပေါင်းလုပ်ဆောင်ခဲ့ခြင်း ဖြစ်သည်။

တိုက်ခိုက်မှုကို Shar Htoo WAW နည်းပညာ (တိုက်ခိုက်ရေး Fixed Wing Drone) ဒရုန်းနှစ်စင်းဖြင့် ပြုလုပ်ခဲ့ခြင်းပြီး ယင်းဒရုန်းသည် ကိုယ်တိုင်ပြုလုပ်ထားသည့် လက်လုပ်လေယာဉ်အသေးစားဖြစ် ကြောင်း သိရသည်။

“ Sharr Htoo Waw က လက်လုပ်လေယာဥ်အသေးစားပါ။ ဒီကောင်က Suicide (အသေခံ) ပုံစံ သုံးလို့ရ တယ်။ Air Drop (ဗုံးပစ်ချ) ပုံစံချပြီး ပြန်လာတာမျိုးလည်း သုံးလို့ရတယ်။ အရင် အီနာဂါနဲ့ချတဲ့ ဒရုန်းတွေ ဆို ကုန်ကျစရိတ်က တစ်စီးကို သိန်း ၇၀၊ ၈၀ လောက်ရှိတယ်။ ပျက်ကြတာ ဘာညာဆို တစင်းပြန်၀ယ် နိုင်ဖို့ကမလွယ်ဘူးလေ။ ဒီကောင်က တီထွင်တာဆိုတော့ ကိုယ်တီထွင်နိုင်ရင်တီထွင်နိုင်သလောက် ခရီး ရောက်တယ်။ ဆုံးရှုံးမှုပိုင်းမှာ နည်းတယ်။ လုပ်ငန်းလုပ်တဲ့ အပိုင်းမှာလည်း ထိရောက်တယ်” ဟု ကိုနွေဦး က ဆိုသည်။

အဆိုပါ လက်လုပ်ဒရုန်းလေယာဉ်အသေးစားသည် တမိနစ်လျှင် တမိုင်နှုန်းပျံသန်းနိုင်ပြီး ရန်သူ့ Jammer (ဆက်သွယ်ရေးလှိုင်းဖြတ်တောက်စက်)များကို ခုခံဖြတ်သန်းနိုင်ကာ အမြင့်ပေ ၂,၀၀၀ မီတာအထိ ပျံသန်းနိုင်ကြောင်း အဆိုပါဒရုန်းကိုထုတ်လုပ်နေသည့် အခြားတော်လှန်ရေးအဖွဲ့တစ်မှလည်း ပြောသည်။

အဆိုပါ ဒရုန်းတစ်စီးလျှင် ကျပ် ၁၃ သိန်း၀န်းကျင်ခန့်သာကုန်ကျပြီး အရေအတွက်များများ ထုတ်လုပ်နိုင် ပါက တော်လှန်ရေးအင်အားစုများထံ ဖြန့်ဝေပေးနိုင်ရန် စီစဥ်နေကြောင်းလည်း သိရသည်။

စာတည်း ။ ။ Alden
စာမူတည်းဖြတ်။ ။စောဖေ

#ဒရုန်း
#လက်လုပ်လေယာဉ်ငယ်
#ဗုံးကြဲ
#မြောင်မြို့နယ်
#ရဲစခန်း
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍23😁3
​​မြန်မာ -အိန္ဒိယနယ်စပ်အနီး စစ်ကောင်စီစခန်းကို ပြည်သူ့ကာကွယ်ရေးတပ်ဖွဲ့ တိုက်ခိုက်၊စစ်ကောင်စီဘက်မှ ၇ ဦးထက်မနည်းသေဆုံးဟုဆို
=======================

ပါခွီး
(မဇ္စျိမ) ။ ။ မြန်မာ -အိန္ဒိယနှစ်နိုင်ငံနယ်စပ်အနီးရှိ စစ်ကောင်စီတပ်စခန်းကို ပြည်သူ့ကာကွယ်ရေးတပ်ဖွဲ့က တိုက်ခိုက်ခဲ့ရာ တိုက်ပွဲအပြင်းအထန်ဖြစ်ခဲ့ပြီး စစ်ကောင်စီဘက်မှ ခုနှစ်ဦးထက်မနည်းသေဆုံးသွားကြောင်း ပြည်သူ့ကာကွယ်ရေးတပ်ဖွဲ့(တမူး) PDF – Tamu တပ်ရင်း (၄) က သတင်းထုတ်ပြန်သည်။

တမူးမြို့မှ နှစ်မိုင်ခန့်အကွာရှိ မြန်မာ -အိန္ဒိယနှစ်နိုင်ငံနယ်စပ်အနီးမှ စစ်ကောင်စီတပ်စွဲထားသော နဂါးမင်းသမီးတပ်စခန်းကို ဇွန်လ ၂၄ရက် နံနက်၅နာရီ ၁၅မိနစ်ခန့်တွင်ပြည်သူ့ကာကွယ်ရေးပူးပေါင်းအဖွဲ့မှ ဝင်ရောက်တိုက်ခိုက်ခဲ့ခြင်းဟု သိရသည်။

“တမူးမြို့နယ် ပန်းသာဖက်မှာ တိုက်ပွဲဖြစ်တာရက်ကြာလာပြီး အဲဒီဖက်ကို ကူညီပေးရာရောက်အောင်၊ ဒီဖက်ကလည်း စစ်မျက်နှာဖွင့်တဲ့အနေနဲ့ ဝင်တိုက်ခဲ့တာပါ” ဟု PDF – Tamu တပ်ရင်း (၄) တိုက်ခိုက်ရေးတာဝန် ခံ ဗိုလ်ခန့် က မဇ္စျိမကိုပြောသည်။

အဆိုပါ စခန်းတွင် စစ်ကောင်စီတပ်ဖွဲ့ဝင် အင်အား ၃၅ဦးခန့်တပ်စွဲထားပြီး ၆နာရီခန့်ကြာ အပြင်းအထန် တိုက်ပွဲဖြစ်ခဲ့သည်ဟု PDF – Tamu တပ်ရင်း (၄) က၏ ယနေ့ ဇွန်လ ၂၆ရက်ထုတ်ပြန်ချက်တွင်‌ ဖော်ပြထားသည်။

တိုက်ပွဲအတွင်း စစ်ကောင်စီတပ်မှဗိုလ်ကြီးတစ်ဦးနှင့် ဒုဗိုလ်တစ်ဦးအပါအဝင် ခုနှစ်ဦးသေဆုံးကြောင်း သတင်းရရှိသော်လည်း အသေးစိတ်အတည်မပြုနိုင်သေးပေ။ ပြည်သူ့ကာကွယ်ရေးရဲဘော်တစ်ဦး( ကိုယ်ပိုင်အမှတ် -P 12604075) ကျဆုံးပြီး နှစ်ဦး ဒဏ်ရာရရှိခဲ့သည်ဟု PDF – Tamu တပ်ရင်း (၄) ထုတ်ပြန်ထားသည်။

စစ်ကောင်စီတပ်မှ အရာရှိနှင့် တပ်သားများသေဆုံးသည်ကို မျက်မြင်တွေ့ရှိခဲ့ရပြီး ၎င်းတို့၏ လက်နက်များကို ကောက်ယူရန်ကြိုးစားစဉ် ကာကွယ်ရေးရဲဘော်တစ်ဦး ကျည်ထိမှန် ကျဆုံးခဲ့ရခြင်းဟုPDF – Tamu တပ်ရင်း (၄) ကဆိုသည်။ ကျန်ရဲဘော်နှစ်ဦးမှာ လက်နက်ကြီးကျည်ဆံအစ ထိမှန်ဒဏ်ရာရခြင်းဖြစ်ပြီး အသက်အန္တရာယ်မစိုးရိမ်ရကြောင်းသိရသည်။

တိုက်ပွဲတွင်စစ်ကောင်စီတပ်ဘက်မှ ကသည်းသူပုန် (Meitei UG) ၊ ရှမ်းနီတပ်ဖွဲ့(SNA) နှင့် ပျူစောထီးများက စစ်ကူပေးခဲ့သောကြောင့် ကာကွယ်ရေးရဲ‌ ဘော်များဆုတ်ခွာခဲ့ရကြောင်း PDF – Tamu တပ်ရင်း (၄) ထုတ်ပြန်ထားသည်။ မြေပြင်တိုက်ပွဲအခြေအနေကို မဇ္ဈိမအနေဖြင့် အသေးစိတ် မသိရှိရသေးပေ။ယင်းတိုက်ပွဲကို PDF – Tamu တပ်ရင်း (၄) နှင့်အတူ Special Task Force တို့မှ ပူးပေါင်းတိုက်ခိုက်ခဲ့ကြောင်းသိရသည်။

နဂါးမင်းသမီးတပ်စခန်းအား တိုက်ခိုက်မှုသည် တမူးမြို့နယ် ပန်းသာကျေးရွာတိုက်ပွဲအတွက် စစ်မျက်နှာသစ်ဖွင့်ပေးခြင်းဟု ကာကွယ်ရေးရဲဘော်များကပြောထားသည်။စစ်ကောင်စီတပ်နှင့် ပျူစောထီးများတပ်စွဲထားသည့် ပန်းသာရွာစခန်းကိုဇွန်လ ၁၅ရက်နေ့မှစ၍ပြည်သူ့ကာကွယ်ရေးတပ်ဖွဲ့များက တိုက်ခိုက်နေခြင်းဖြစ်သည်။ ပန်းသာစခန်းအား ကာကွယ်ရေးပူးပေါင်းတပ်ဖွဲ့များက ဝိုင်းဝန်းပိတ်ဆို့ထားသလို စစ်ကောင်စီတပ် စစ်ကူလာနိုင်သည့် မြေပြင်လမ်းများကိုပါ ဖြတ်တောက်ထားသည်ဟု သိရသည်။ ထို့ကြောင့် စစ်ကောင်စီတပ်က လေကြောင်းမှ မကြာခဏ တိုက်ခိုက်နေပြီး အဆိုပါတိုက်ပွဲနှင့် ပတ်သက်၍ ထိခိုက်မှုများကို အသေးစိတ်မသိရှိရသေးပေ။

စာတည်း - မောင်ကြီး

#mizzima
#မြန်မာ -အိန္ဒိယနယ်စပ်
#နဂါးမင်းသမီးတပ်စခန်း
#PDF–Tamu တပ်ရင်း(၄)
------------------------
လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ သင်ရဲ့ ကူညီမှုကို အောက်ပါလင့်ကို နှိပ်ပြီး လုပ်ဆောင်နိုင်ပါတယ်။ https://bit.ly/2VhJ12U
👍26😁2